教育王國

標題: 3歲學鋼琴可以嗎 ? [打印本頁]

作者: katrinafu 時間: 08-1-24 22:56 標題: 3歲學鋼琴可以嗎 ?

囡囡剛足3歲了 ,就讀 N 1全日班 , 經常嚷要學琴琴 , 每次路經琴行都唔肯走 , 經常模仿老師彈鋼琴 , 於是昨日在黃埔到偉樂及柏斯琴行找課程資料 , 偉樂是$110 / 30mins 一對一教的 , 而柏斯則是小小莫札特啟蒙班 ,先學習歌唱 , 聆聽訓練 , 節奏感及樂理 , 是小組形式上課及親子上堂 , $160/1 hr , 共36堂 , 分上下兩期各18堂 .
想請問我小朋友3歲學鋼琴可以嗎 , 及3歲應學那一種好 ?

作者: ww5f 時間: 08-1-24 23:51

我小朋友都係4歲開始學, 我諗3歲都可以試下, 睇下你小朋友坐得定唔定啦, 如果有心學, 我建議搵個私人老師, 搵個有心機, 同專業少少的老師. 我最初就係求其搵個8級的老師, waste左幾年時間呀.

作者: shirleyng817 時間: 08-1-25 01:06

未清楚係咪真係有心學，不如試下親子班

作者: kitbebe 時間: 08-1-25 09:01

學住親子班先啦, 3歲小朋友手指唔夠力彈琴的.

作者: OneMoreDay 時間: 08-1-25 09:53

提示: 作者被禁止或刪除內容自動屏蔽

作者: [flora] 時間: 08-1-25 10:28

可以，但建議不要迫得太緊！

作者: ArgusMum 時間: 08-1-25 14:47

你不如學柏思個兒童鋼琴班啦..25堂.每堂$98,學半年後.小朋友差不多4歲.如真係有興趣,就可以比佢單對單學啦.
我個仔之前都係差不多4歲開始上鋼琴班,學完剛4歲多.就可以正式搵老師學琴了.
我自己就覺得柏思呢個鋼琴班幾好.小朋友學完個course.已識好多基本彈琴既野.對佢地正式學琴好有幫助.

原文章由 katrinafu 於 0
-1-24 22:56 發表
囡囡剛足3歲了 ,就讀 N 1全日班 , 經常嚷要學琴琴 , 每次路經琴行都唔肯走 , 經常模仿老師彈鋼琴 , 於是昨日在黃埔到偉樂及柏斯琴行找課程資料 , 偉樂是$110 / 30mins 一對一教的 , 而柏斯則是小小莫札特啟蒙班 , ...

作者: katrinafu 時間: 08-1-25 16:32

上星期的家長日 , 老師建議我找些課外活動比囡囡學下玩下 , 本來打算在報一個英語course , 囡囡已考試及分了班 , 是外國人教 1 對4 , 及到毛妹學芭蕾舞班Beiginner , 到去報芭蕾舞班時 , 囡囡竟然同我說話我想學彈琴琴 , 唔想dance , 於是沒有報芭蕾舞班了 , 所以現在開始找學鋼琴資料啦 ! 其實我都知阿囡好鍾意鋼琴 .

作者: katrinafu 時間: 08-1-25 16:34

[quote]原文章由 ArgusMum 於 08-1-25 14:47 發表

你不如學柏思個兒童鋼琴班啦..25堂.每堂$98,學半年後.小朋友差不多4歲.如真係有興趣,就可以比佢單對單學啦.

黃埔柏斯則是小小莫札特啟蒙班 ,先學習歌唱 , 聆聽訓練 , 節奏感及樂理 , 是小組形式上課及親子上堂 , $160/1 hr , 共36堂 , 分上下兩期各18堂 .
個course 好似好長....是36堂呀 .....

作者: shirleyng817 時間: 08-1-28 10:35

有位教音樂老師同我講,如果小朋友太細學鋼琴,個人會容易變得孤獨

歡迎光臨教育王國 (/)