教育王國

標題: 請教:我朋友個仔究竟係咩問題呢?(急!) [打印本頁]

作者: emilylam 時間: 08-1-24 18:00 標題: 請教:我朋友個仔究竟係咩問題呢?(急!)

我朋友個仔己經兩歲半la,但到而家都未講野!一歲的時候都會講:bye,爺爺,嘛嘛,哥哥...果d,雖然係少,但唔知點解而家一d都唔講,係家叫佢名都唔應你,(擔心係自閉症)但見到其他人如姐姐就鐘意"了"人玩!都會肯同人玩,不過就成日打人,咬人!!一唔鐘意就會咬人!好難搞...請問有無媽咪知呢位小朋友點解會咁既??我知呢個小朋友平時多數係工人帶,有時嘛嘛有時爺爺..屋企人好鐘意比電視佢睇,我唸至少數小時...唔知係咪睇電視睇得太多影響個腦呢??而唔係自閉症?
請指教!thx!!

[ 本文章最後由 emilylam 於 08-1-24 18:02 編輯 ]

作者: 414928 時間: 08-1-24 21:49

樓主唔好太擔心,帶佢去評估啦,我地唔係專業人士,答你都未必準的。
我想你小朋友未必係自閉,可能語言表達唔到,所以同人玩時,不開心就咬人,多些同佢傾計,也要引導佢自己說話,加油啊!

作者: alik 時間: 08-2-12 01:03

係咪無乜刺激所以唔識講咋, 即係平時好少人同佢講嘢

作者: henhen 時間: 08-2-12 12:44

原文章由 emilylam 於 08-1-24 18:00 發表
我朋友個仔己經兩歲半la,但到而家都未講野!一歲的時候都會講:bye,爺爺,嘛嘛,哥哥...果d,雖然係少,但唔知點解而家一d都唔講,係家叫佢名都唔應你,(擔心係自閉症)但見到其他人如姐姐就鐘意"了"人玩!都會肯同人玩,不過就 ...

佢可能行為有問題．．．不過係咩都好, 搵d機構做左評估先, 睇下有d咩意見/訓練比小朋友.

作者: QQ.JAY 時間: 08-2-15 14:40

小朋友定時需要去健康院跟進的，建議你朋友去同姑娘講，讓他們給小朋友作初步的評估，並嘗試要求見醫生作詳細評估，通常政府的姑娘都會話唔使禁擔心，小朋友發展有快有慢的，又會叫你哋返去觀察下先...等等，總之你哋要要求見醫生做評估先啦！另外，快D報名讀幼兒園啦，應該有很大的幫助，工人及老人家始終只可負責照顧，教導方面未必做到的!

原文章由 henhen 於 08-2-12 12:44 發表

佢可能行為有問題．．．不過係咩都好, 搵d機構做左評估先, 睇下有d咩意見/訓練比小朋友.

作者: blackberry 時間: 08-2-25 01:15

其實你朋友都可以去自己個家庭醫生度問吓,又或叫醫生幫你寫幫轉介信給評估中心,因為好多時健康姑娘會話唔駛担心......之費話,(我有朋友成日o累姑娘俾佢個仔做評估,d姑娘都唔睬佢,直至個小朋睇家庭醫生講返,醫生即時俾信佢去評估中心排,(結果小朋友真係有自閉)呢個方法係最快最直接,叫你朋友唔好等啦)如果真係咁唔好彩都可以儘快排期接受治療(因排期治療都要等成年)而且呢d服務到小朋友六歲就會等(而且最佳治療時間亦係六嵗前)一定要同時間斗快.

作者: addy 時間: 08-2-25 16:45

可能係行為問題, 最好帶小朋友去做評估.

如果吾係好近坐睇電視既吾會影響個腦既.
我囡囡都睇好多電視可以話電視 lo 汁, 但我觀察過我囡囡0係電視度學好多野bo, 仲好有創意力...所以佢適當地睇我吾會制止佢睇電視.

作者: 小璇 時間: 08-2-26 12:58

我個仔都係咁! 健康院d姑娘轉介左去做評估. 而家等緊做評估!

作者: MARSTEN 時間: 08-3-5 10:37

應該要做評估,睇下社交情緒是否有問題,另外要進行言語治療,因為兩歲半應該識講好多字同短句,因為佢用唔到言語表達,所以就會用其他途徑發洩

原文章由 emilylam 於 08-1-24 18:00 發表
我朋友個仔己經兩歲半la,但到而家都未講野!一歲的時候都會講:bye,爺爺,嘛嘛,哥哥...果d,雖然係少,但唔知點解而家一d都唔講,係家叫佢名都唔應你,(擔心係自閉症)但見到其他人如姐姐就鐘意"了"人玩!都會肯同人玩,不過就 ...

作者: MISSICE128 時間: 08-3-5 16:05

你去看西醫　＄１ｘｘ　個　ｄ　得咖啦，
你同醫生說，　覺得個仔有　ｄ　問題　（如不肯說話，　等等）
要講得肯定　ｄ，　
叫佢寫紙　比你去　智能中心　ｃｈｅｃｋ　下，
咁你有封　醫生信　
政府就會幫你啦　

我個仔以前都係咁　～

作者: emilylam 時間: 08-3-7 22:08

HI各位,
我朋友個仔而家開始講野啦..我問我個朋友,佢話只是比少左電視佢睇,之後慢慢開始學講野!真係唔好睇咁多電視..

作者: emilylam 時間: 08-3-7 22:09

HI各位,
我朋友個仔而家開始講野啦..我問我個朋友,佢話只是比少左電視佢睇,之後慢慢開始學講野!真係唔好睇咁多電視..

作者: weiwai 時間: 08-3-8 00:17

睇電視多對學講野有影響嗎？

原文章由 emilylam 於 08-3-7 22:09 發表
HI各位,
我朋友個仔而家開始講野啦..我問我個朋友,佢話只是比少左電視佢睇,之後慢慢開始學講野!真係唔好睇咁多電視..

作者: hangbobo 時間: 08-3-26 15:53

我個仔2歲都唔講野, 歲半時叫佢個名好多次都唔應, 我都懷疑工人平時唔多理佢, 又成日比電視佢睇, 不過無打人. 我也迫健康姑娘寫紙由醫生評估.

我後來太担心, 於是當了一年全職媽媽, 跟他一起生活, 給他很多的時間, 每天:
1. 講故事 , 看圖書
2. 日常生活中, 看見甚麼, 就描述出來 (好似旁述咁 -- 句子不要太長, 簡單而公整, 咬字清楚)
3. 跟他說話和問問題, 即使他沒有回應, 也當他明白. (初時, 我時時自問自答)
4. 電視少於一句鐘
5. 一星期去一次 "感覺統合訓練playgroup"
6. 他要求甚麼, 要他跟我講一次物件名稱才給他. (初時, 他只會哭和發脾氣, 唔肯講, 數個月後逐漸有起色)

他現在 3 歲, 好多說話啊! 總言, 應給他多些刺激.

[ 本文章最後由 hangbobo 於 08-3-26 15:58 編輯 ]

作者: weiwai 時間: 08-3-26 17:30

請問你仔當時除左唔講野，還有什麼令你擔心地方呢？

原文章由 hangbobo 於 08-3-26 15:53 發表
我個仔2歲都唔講野, 歲半時叫佢個名好多次都唔應, 我都懷疑工人平時唔多理佢, 又成日比電視佢睇, 不過無打人. 我也迫健康姑娘寫紙由醫生評估.

我後來太担心, 於是當了一年全職媽媽, 跟他一起生活, 給他很多的時間, ...

作者: Fat_Thin 時間: 08-3-29 11:45 標題: 自閉症快d評估

如懷疑自閉症叫你個朋友,唔好等,搵私家睇,快d評估知清楚,快d做訓練,香港其實都有好多訓練的機構有平有貴, 到時再來討論區睇吓有無其他家長試過, 再小心選擇

歡迎光臨教育王國 (/)