教育王國

標題: 返工既媽咪分享如何陪伴小學子女成長 [打印本頁]

作者: 阿西 時間: 08-1-21 13:07 標題: 返工既媽咪分享如何陪伴小學子女成長

放左工，你地會點分配時間﹖
有兩個小朋友，d時間成日唔夠分，
都又唔知顧溫書好定顧功課好，但其實放工返到去，
最想自己抖下，或者陪小朋友玩下，
耐何晚晚都係功課、溫書…

大家既時間表係點既呢﹖點樣先可以平衝玩/讀書﹖

作者: BB2WONG 時間: 08-1-21 13:37

我有2位公子（大既p5細既p1）我要番工不過都好準時放工，每晚6:30番到屋企接校車（有時我早左番度去就先去屋企洗落米浸左菜，再落去接校車，有時或者什至不接佢地自己上屋企），回去佢地自己bathing，我要最遲7:15一定要開飯，我就10min內完成dinner，洗煮食工具、洗飯壺、開機洗衫、執定明天上學既校服、socks、鞋、洗水壺、fill snack box or執第二天有關活動既物件（如跆拳道衫、煮食組就要準備餐具、圍裙）有時間剩就先check左d已finish既功課，佢地食到8:00完成dinner，休息一下做餘下功課（佢地2位有時知當天多功課會在小息唔去玩做咁d）我就做一邊cleaning、一邊教佢地做d唔識既功課，到9:00-9:30 多數finish晒！就溫下第二日要test或dict既野，10:00 比佢地玩一陣，10:15 就上床再傾一陣計就sleep.總之早d finish 功課就比多d 時間佢地玩，所以佢地都好努力做！
我地多數在every sun 抽1-2小時出黎溫那week學既書，而且學校好好，friday會比晒那coming week 既dict、test 範圍，我地sun 溫定，到test或dict前一晚再睇一下就多數ok！平時mon-fri 晚好少溫書，我地番工既放工都想透下氣，何況佢地，每天一定要比少少時間佢地玩下！我地sat night一定去 wet、sun morning一定去do more exercises，sun中午在屋企食完lunch 溫一下書，3-4:00又去出再走下街！

作者: SIUBO117 時間: 08-1-21 13:51

BB2WONG,

嘩! 好有效率!

我小朋友下年小一, 我諗住不再請工人. 我真係要參考你的做法.

想問下DICT.你同佢一起溫 OR 佢自已溫左先,然後你再同佢默?

作者: blytheBB 時間: 08-1-21 14:34

提示: 作者被禁止或刪除內容自動屏蔽

作者: 阿西 時間: 08-1-21 15:37

BB2WONG，

勁勁勁！你咁堅，你對仔又咁堅，我唔係呢種level

我好想，小學呢六年同小朋友一齊去經歷，如果train得好，去到中學，個底打好左，佢地就可以自動波。所以呢幾年我覺得幾辛苦我都會努力，希望唔使假手補習社，去到中學佢地上左軌道，咁我就老懷安慰:loveliness:

[ 本文章最後由阿西於 08-1-21 15:39 編輯 ]

作者: BB2WONG 時間: 08-1-21 16:20

原文章由 SIUBO117 於 08-1-21 13:51 發表
BB2WONG,

嘩! 好有效率!

我小朋友下年小一, 我諗住不再請工人. 我真係要參考你的做法.

想問下DICT.你同佢一起溫 OR 佢自已溫左先,然後你再同佢默? ...

大仔都P5 ，當然係佢自己溫好我幫佢默一次就OK！細仔中文都係一樣叫佢睇左先默，英文就真係要遂隻字同佢一齊大大聲咁串熟先掂！

作者: BB2WONG 時間: 08-1-21 16:21

原文章由 blytheBB 於 08-1-21 14:34 發表
BB2WONG,
你好勁遮,你份工o係咪好"它條"ga?
你家兩位公子真乖,
但o係我有無睇錯,
你10min可以煮完飯??

我講我10MIN 食完飯！

作者: kswiss 時間: 08-1-21 17:20

提示: 作者被禁止或刪除內容自動屏蔽

作者: bobo2001 時間: 08-1-21 18:41

提示: 作者被禁止或刪除內容自動屏蔽

作者: tingtong 時間: 08-1-21 23:14

嘩！你真係好犀利

原文章由 BB2WONG 於 08-1-21 13:37 發表
我有2位公子（大既p5細既p1）我要番工不過都好準時放工，每晚6:30番到屋企接校車（有時我早左番度去就先去屋企洗落米浸左菜，再落去接校車，有時或者什至不接佢地自己上屋企），回去佢地自己bathing，我要最遲7:15一定要開飯，我就10min ...

作者: YongXin 時間: 08-1-22 00:06

首先，要揾份可以邊食大家樂早餐，邊上BK既工

。

原文章由阿西於 08-1-21 13:07 發表
放左工，你地會點分配時間﹖
有兩個小朋友，d時間成日唔夠分，
都又唔知顧溫書好定顧功課好，但其實放工返到去，
最想自己抖下，或者陪小朋友玩下，
耐何晚晚都係功課、溫書…

大家既時間表係點既呢﹖點樣先可以平衝玩/讀書﹖ ...

作者: 阿西 時間: 08-1-22 09:00

原文章由 YongXin 於 08-1-22 00:06 發表
首先，要揾份可以邊食大家樂早餐，邊上BK既工。

作死

上次大難不死，我今日食mc當當

作者: 阿西 時間: 08-1-22 09:11

原文章由 bobo2001 於 08-1-21 18:41 發表
hi 各位,
我都係返工的媽媽, 阿囡讀緊小一. 我唔可以準時收工but就有媽媽為我預備dinner, 而且媽媽也會搞掂晒囡囡的日常護理. 我通常都要成8:00先返到阿媽度, 第一件事就係開餐先
食完飯就會同阿囡檢查功課同睇 ...

bobo2001，
你都安排得好好wor！響你同bbwong身上，我發現一樣野，你地都處理得井井有條其中一個好重要原素，就係小朋友本身好合作，佢地自己可以handle功課，大人只係夜晚檢查同執漏，去到weekend，你地仲可以有親子玩樂時間。咁我諗當務之急，我係要好好訓練小朋友自己自動自覺，咁放工之後既時間會順暢好多。

但我有一個問題，(首先我個小朋友仲係kinder，我只係未雨綢繆)，我發現我仔響我存在既環境下做功課係做得特別有心機，因為佢平日放學，我都有自己開練習要佢做，佢係做得麻麻地，夜晚我返到屋企，我會同佢一齊做學校果d，其實我只係響間房度睇書，佢就坐書枱做，咁呢批功課明顯係tidy好多，所以我就未放心叫佢下午自己做學校野，睇黎我要加速呢個步伐，咁小學先可以順利過渡！

好好呀，大家繼續分享多d呀，我想學多d野呀，為進入小學打好基礎，因為我覺得呢個階段好緊要！知識野反而係其次，中學先發力都ok，但習慣同態度我覺得幼稚園同小學階段就應該學好師，打好底。

[ 本文章最後由阿西於 08-1-22 09:16 編輯 ]

作者: BB2WONG 時間: 08-1-22 11:01

阿西

對！所以以前好多mummy教話要在p3-p4就開始放手，但我因為無人幫手照顧，所以佢地早左d 開始放手，由細仔k2開始就自己bathing及食飯！以前我用工人時，佢地連洗面都合埋眼棟係樹，等工人幫佢，我見咁樣唔掂，而且自己一向好多野都自己做，就索性一齊努力！

仲有一樣好重要就係學校，我由2歲開始比佢地讀全日班幼稚園，佢地學到自理能力，所以由2歲開始食飯，bathing、收拾都係自己黎，我只係從旁提醒！到左小學我選左一間家校配合既私校，佢地可以讓學生在學校做功課到6:00才上校車，咁其實大部份功課已可以完成，番屋企我check下就可以，就算唔識做既都可以問老師或者同同學研究，好似學校舉行家長會，會在晚上，而且仲有地方可以比小朋友等我地，咁我唔洗找人幫手看管.....，總之係配合，咁我地班家長唔洗唔辛苦！

而家讀書我都知好辛苦，仲有要學十八般舞技旁身，所以一定要train佢地獨立，到中學佢地會自己自我學習及照顧，唔通F1 仲要家長接送或者CHECK功課咩？而家比佢地習慣左，到F1就無咁辛苦適應！

佢地既事佢地自己做，家中既事我同老公分擔，有事也要佢地幫手，好似呢個星期大掃除，各人要負責自己既野！

所以各位MUMMY 都要齊齊努力！

作者: BoBo-mum 時間: 08-1-22 11:29

BB2WONG,

你好利害呀,要多多向你學習!

作者: 阿西 時間: 08-1-22 13:13

原文章由 BB2WONG 於 08-1-22 11:01 發表
阿西

對！所以以前好多mummy教話要在p3-p4就開始放手，但我因為無人幫手照顧，所以佢地早左d 開始放手，由細仔k2開始就自己bathing及食飯！以前我用工人時，佢地連洗面都合埋眼棟係樹，等工人幫佢，我見咁樣唔掂，而且自己一向好多 ...

我兩個小朋友2yrs時都返full day nursery，我都係因為想佢地學習獨立同照顧自己，而家訓覺、食飯、執玩具都唔使我粗心，但沖涼同功課就仲要跟，我會繼續努力

你完全無人幫，咁放長假果陣點算呀﹖

作者: BB2WONG 時間: 08-1-22 15:13

原文章由阿西於 08-1-22 13:13 發表

我兩個小朋友2yrs時都返full day nursery，我都係因為想佢地學習獨立同照顧自己，而家訓覺、食飯、執玩具都唔使我粗心，但沖涼同功課就仲要跟，我會繼續努力

你完全無人幫，咁放長假果陣點算呀﹖ ...

以前幼稚園只放紅色假期，大仔上左小學後多左假期，我在公司附近找到一間補習社（以前幼稚園一位老師開既）長假期就放大仔去，上班前送完細仔返學就帶佢去，放工接左大仔就番屋企接細仔。
到而家佢地放長假，多數係XMAS 老公放假陪佢地，EASTER就係我放，LUNAR NEW YEAR 我同老公公司都放好長，所以唔洗請假！有時一日半日那些假期，佢地仲可以自己留係屋企，我預備定lunch就可以了！

作者: 阿西 時間: 08-1-22 16:07

原文章由 BB2WONG 於 08-1-22 15:13 發表

以前幼稚園只放紅色假期，大仔上左小學後多左假期，我在公司附近找到一間補習社（以前幼稚園一位老師開既）長假期就放大仔去，上班前送完細仔返學就帶佢去，放工接左大仔就番屋企接細仔。
到而家佢地放長假，多數係XMAS 老公放 ...

一個字：勁！

作者: bobo2001 時間: 08-1-22 18:05

提示: 作者被禁止或刪除內容自動屏蔽

作者: BB2WONG 時間: 08-1-23 09:21

比十個"勁"你.-------你地唔好咁誇啦！我2位公子好多同學既屋企都係咁樣架，一d都唔出奇！我奶奶以前一個帶3個仔，又係番工放工煮飯，我老爺仲出國做野十多年，所以佢同佢阿仔（即是我老公）覺得我而家好正常，可以話已經叫嘆左啦！不過我以前阿媽唔洗番工，真係好貼身照顧我同細佬，所以我最初都有覺得好可憐，但係好彩我跟2位公子訴苦，佢地明白我，安慰我之餘就開始幫我手：自己bathing、換衫、食飯、自己執書包、放學除晒校服後，會自動放d衫落洗衣機，外套西褲tie會掛起佢（雖然唔整齊但係好過無）開飯會幫手，食完自己放入sink盤，玩完既野自己放回原位，好似呢幾日佢地考試放半日自己2個係屋企溫書，我只需要prepare晒paper 分2張桌放好，佢地番去休息一陣會自動做10張paper 休息10min（有時會偷雞休息多左，就馬上打電話給我報案下轉會做番20張先休息）佢地自己take care 自己，阿哥仲會幫細佬串字，改卷，什至食藥。呢d 都係迫番黎，以前大仔小學前（細仔在奶奶家湊，我就專湊大仔），連去完toilet 條褲都等我幫佢"休"，到我細仔2歲跟番我地住後，佢就反而學識左照顧埋細佬，我時時都跟佢講：I PROUD OF YOU（BONUS仲係佢又生性、成績又係頭幾名）所以我時時都THANK GOD 比2個咁生性又明白我既兒子。

[ 本文章最後由 BB2WONG 於 08-1-23 09:22 編輯 ]

作者: 阿西 時間: 08-1-23 09:33

原文章由 BB2WONG 於 08-1-23 09:21 發表
比十個"勁"你.-------你地唔好咁誇啦！我2位公子好多同學既屋企都係咁樣架，一d都唔出奇！我奶奶以前一個帶3個仔，又係番工放工煮飯，我老爺仲出國做野十多年，所以佢同佢阿仔（即是我老公）覺得我而家好正常，可以話已經叫嘆左啦！不過 ...

得天獨厚，我都為你感謝神！

作者: RSG媽媽 時間: 08-1-23 09:51

我靠晒補習架

以前試過教阿女做功課
教到眼火爆鬧到阿女喊
為左避免咁既情況再發生
阿女做功課時
我有咁遠走咁遠

依家阿女自己做功課
唔識既先問我
溫書&對功課就補習班老師幫佢

唔知點解我平好好脾氣
一對住個女就一撻就著

平日我放工返屋企會同阿女傾一陣解
跟住阿女就自己做功課
weekend我就陪佢去興趣班

作者: 返工媽 時間: 08-1-23 13:33

我用了親子時間來作温習，預早將課文打入電腦，每日印一兩篇給小朋友填充，作為温生字及詞語。另設每日閱讀時間，我讀一遍，小朋友又讀一遍。選精短的文章，但求小朋友能明白內容，並能大聲讀出。除了平日購買圖書外，每兩星期往公共圖書館借十多本書回家，可供隨時閱讀。

作者: appleycma 時間: 08-1-23 17:14

BB2WONG,

妳實在令我欽佩!!

appleycma

作者: julietta 時間: 08-1-23 17:30

原文章由 返工媽 於 08-1-23 13:33 發表
我用了親子時間來作温習，預早將課文打入電腦，每日印一兩篇給小朋友填充，作為温生字及詞語。另設每日閱讀時間，我讀一遍，小朋友又讀一遍。選精短的文章，但求小朋友能明白內容，並能大聲讀出。除了平日購買圖書外，每兩星期往公共 ...

平時寫時間表俾佢溫習, 練琴. 一有時間叫佢喺你面前溫下書, 扮唔明叫佢解釋下, 順便feel 下佢有冇聽書, 老師教成點. 又會叫佢讀下一d 未教嘅書當備課, 考試前d 星期六, 日, 必定唔出街, 叫佢喺你面前溫書, 有咩嘢唔明就問 (但係佢多數唔會自動問, 又或者以為自己識, 所以要家長主動抽嚟問) 然後幫佢默下書. 仲有, 溫書一定要讀出聲, 唔可以自己呢埋用心讀, 又可以聽下d 音準唔準, 讀出嚟要用感情, 小朋友溫書, 媽咪千其唔好發脾氣, 否則效果不會理想, 又千萬唔好要求太高, 小朋友好容易唔記得, 唔好諗住啱啱教過佢又唔記得而發脾氣, 平心靜氣再講一次, 又或者用一d 佢鐘意嘅公仔或日常接觸嘅事物做例子, 令到佢容易入腦. 記住要讚下佢, 個效果會更加好

[ 本文章最後由 julietta 於 08-1-23 17:31 編輯 ]

作者: blytheBB 時間: 08-1-24 17:41

提示: 作者被禁止或刪除內容自動屏蔽

歡迎光臨教育王國 (/)