教育王國

標題: 007暫停解答升中事宜！ [打印本頁]

作者: 櫺囹桼 時間: 08-1-19 09:18 標題: 007暫停解答升中事宜！

本人在初中教育浦了多時、本身亦曾於囡囡升中時費盡心思，所以明白各家長對子女升中之擔憂！
由於本人對升中遊戲規則曾作初步了解，所以算是略憧皮毛；承蒙各家長錯愛詢以升中事宜，本人亦樂意在能力範圍內解答之...奈何本人生性率直，所以往往有碗話碗、有碟說碟、冇機會就是冇機會而不會修飾詞令...傷害了各家長之驕傲亦不察覺！
故為免覆轍重蹈，故是日起暫停解答所有升中事宜(包括PM)，不便之處，敬請原諒！

007

作者: noelching39 時間: 08-1-19 09:57

唔好呀！

作者: judywan 時間: 08-1-19 10:53

深感理解，謝謝007一直為各家長解答問題。。。

作者: cherry1995 時間: 08-1-19 12:04

1. 對於007的決定,本人非常諒解007的感受.

2. 本人亦是由於本身於囡囡升中時經歷不少問題,費盡心思,所以明白各家長對子女升中之擔憂,故將自己的經驗與各位家長分享.

3. 由於網上言論任何人都可見到,而每一個人的看法亦未必切合他人心意.而每個父母的看法亦有不同,以下是我的朋友的看法:
a. 有一友人認為香港本地教育不足,故三名子女都在英基的KGV讀,就算用盡薪金亦不計,故一定要做到60歲才退休,更要子女日後肯供養,否則未必夠錢活至85歲
b. 有一友人認為作為納稅人就要用盡福利,雖然兩公婆月入共約12萬,但兩名女兒一定不讀直資,要讀津校,但他卻有車有2層樓
c. 有一友人認為子女讀書最重要開心,不要太大壓力,故雖然子女有能力,但都留在新界區學校,不會到九龍或香港名校讀
d. 又有一友人認為子女升中後要自立,故升中後就放任子女,成績有退步亦沒有問題
e. 還有很多...

4. 本人認為子女的表現要看
a. 父母性格及其對子女的支援,教育
b. 子女性格及其天份
c. 家庭的社經地位
d. 學校及同學的影響

5. 所以子女在小六升中時的表現一定不是個別一兩年的教導的結果,子女在音樂,美術,體育有傑出表現一定是多年的培育,而學業成績的優異亦是父母及子女的多年努力.

6. 升中後子女在初中時亦要有合適的學業及非學業的發展,至高中亦要有同樣的學業及非學業培育,所以說有些人入到有名的本地或海外大學不是一年兩年,其實是10多20年的培育的

作者: EChing 時間: 08-1-19 18:28 標題: 007暫停解答升中事宜！

一直以來皆有看閣下的文章, 很欣賞閣下一片熱誠在這兒對很多家長的回應/解難.

不意竟換來一些不識大體的回應,

心情之差劣, 失落, 可以想像.

雖是萬般不願, 只能徒嘆奈何!! 只望閣下日後平復下來之後, 能再以蒼生為念, 回來繼續 "普渡眾生" 吧!!!

EChing

作者: virgokaren 時間: 08-1-19 21:58

吾知又發生左咩事？

但四年來好多人都在此得益不少(當然包括我在內)。
007兄文筆幽默風趣，
呢度無左你真係無咁過癮！
希望你吾好就咁走左去，
不如開個"高中教育"再傾過，
我地都應該升班啦！

作者: KamLee 時間: 08-1-19 22:27

睇完007的暫停解答一事, 都好唔開心, 007真係幫到好多人, 其實007上年都有引導我去作選校決定。

作者: tkkmama 時間: 08-1-20 16:07

萬分多謝007...

印象中你囡囡都係中四學生啦可....

其實我都少入'初中教育'咯, 而家開多個'升中派位',多左個分流, 人流仲少, 有時都問唔到想知既資料, 令人更加失望.

作者: 櫺囹桼 時間: 08-1-20 22:13

在此多謝各位支持，亦道出了007之心意！不過天下無不散之延席(三年幾係一個退下來之好時機！)…希望有熱心人士可以繼續接007之捧！

cherry1995：“而每一個人的看法亦未必切合他人心意”
007：同意…其實好多查詢者只係想別人認同佢哋嘅決定多過聽別人嘅意見！(因為有小朋友升中，年紀都唔輕…好多仲係叱吒風雲於某行業表表者，點會輕易改變自己思維？所以就算我語重心長講：“band1尾如果冇特殊才華，投考英中機會好微！”這只會傷害了他們的驕傲，並不會改變佢哋之諗法…何必呢！(從大多數以下情況~再不回文(謝)！可以想像及體會得到！):tongue:

EChing：“竟換來一些不識大體的回應”
007：討論區目的就是經過大眾討論去了解一件事情，如果我的答覆是錯誤的、有紕謬的(我不是聖人也不是教育界人士)，任可人士也可加以糾正~從錯誤中學習~我亦有得著！
所以我不介意不識大體的回應，最怕係唔回應…因為打了幾百字都想知道幫唔幫到佢！(為乜呢？)

virgokaren：“不如開個"高中教育"再傾過”
007：你上堂唔留心聽書？我只係暫停解答升中事宜，無講過唔可以風花說月其他事(包括中學生事情)！

bikkibikki512：“而家好多家長選校都好盲目同亂咁跟風”
007：“就是盲目者眾，所以就算同眾人講事實…聽得入耳者寡！”

hung23：“不要因為少數人而放棄大多數人”
007：“本人EQ並不太高，否則個人成就應該更好！”

daisyqqkk：“真的可能有點倦”
007：“是的…每個來郵(加上PM)都盡心盡力去了解、分析..每郵都打上過百、幾百字去解答(試過連續個多月，每晚花上2、3小時..回答十個八個問題)…係好吃力又有點倦！
再加上越答越有名氣、越有名氣越多來函(君看指名道姓topic有多少？)..這亦不利於討論區發展，因為一個人霸哂成個區係唔啱嘅~亦阻遏了其他熱心人士之回答！

bkfans：“你的意見又詳細又中肯”
007：“中肯算不上，只係按數據推測、邏輯分析、常理出牌！”

作者: judywan 時間: 08-1-20 22:26

＜＜band1尾如果冇特殊才華，投考英中機會好微！”這只會傷害了他們的驕傲，並不會改變佢哋之諗法…何必呢！＞＞

我都經常係咁講，不過。。。。。。。

[ 本文章最後由 judywan 於 08-1-20 22:59 編輯 ]

作者: LV77 時間: 08-1-20 22:52

007,

多謝

希望日後仍有機會拜讀你既文章

作者: virgokaren 時間: 08-1-20 23:08

virgokaren：“不如開個"高中教育"再傾過”
007：你上堂唔留心聽書？我只係暫停解答升中事宜，無講過唔可以風花說月其他事(包括中學生事情)！

我驚你走左去嘛！
但點解開左咁多新區，
都吾俾我地升班喎？
我仲想玩到"新 U 仔" 架！

作者: kyliekung 時間: 08-1-20 23:40

真可惜!

但日後希望仍有機會拜讀你眼光獨到既文章

作者: grawong 時間: 08-1-21 00:25

BK 家長的巨大損失也! 想當年, 007的亦莊亦諧、獨到的見解, 實用非常的升中資料, 令我獲益不少, 007兄台如今暫別江湖, 未知何時再會,.....當年阿仔升中前的情景又歷歷在目, 我想起BillyM、Dasiychan、哈利波特、Ben2003等......許多當年給我幫助與支持的網友已少在BK 見面, 容我在此向007大俠及上列已淡出初中教育的BK好友致以最衷心、最衷心......的感謝.

作者: Lyn 時間: 08-1-21 10:18

007, 連我老公和兒子都知你的大名!
你曾幫我解答多年心結. 多謝!! 你的意見, 己存檔留日後用.

作者: angelymama 時間: 08-1-21 10:41

我都贊承開多個高中Topic, 我都係由阿仔升中到而家中四, 我覺得007的意見都很好, 歡迎繼續在此吹水。

作者: beaclem 時間: 08-1-21 11:13

7哥說得對, 天下無不散之筵席, 小女子在7哥身上亦學到很多東西, 正想在此說一聲多謝你, 007

相信日後在其他地方, 會仍然有你的蹤影, 不要遺忘我們呀!!!!!!!

作者: kaan 時間: 08-1-21 16:06

007,

許多時, 我們以為別人想法跟自己一樣, 向對方提出善意忠告, 但結果往往令自己灰心失望, 只因自己想得太理所當然了.
原來並不是每個人都明白事理, 都願意接受事實.
數年來, 有幸在此閱讀你的文章, 謝謝 !

作者: ruby2004 時間: 08-1-21 16:09

很可惜 , 好唔捨得 , 2007年亞囡升中時自行收生/升中派位 ,
007都給予很多意見 , 還記得我在最後兩天還開名尋人啦,pm啦 ,煩死佢

.

我喜歡實話實說的人 , 我又喜歡面對現實 , 所以有幸亞囡都
入到第一志願的英中 .

曾經開過一個topic 叫 "歡迎參加第一屆謝師宴(007)" ,
相信有出席飲宴的家長都會記得卦

, 點解當時我打明係"第一屆"呢 ? 因為我希望有家長繼續舉辦第二屆 , 第三屆...........

既然007要榮休 , 我們只好尊重你的意願 , 唔講升中咪講其他囉 ,
最後要對你說 :

[ 本文章最後由 ruby2004 於 08-1-21 16:18 編輯 ]

作者: RT 時間: 08-1-21 17:17

小弟係bk都蒲左好多年, 雖然好少回覆, 但一直都有留意007兄既post, 其實相比起好多網友,007兄既立場都好中肯, 假如只為一小繓人既態度而影響左你要停止解答, 對好多升中既家長黎講真係一個損失:cry:

作者: 朱仔媽咪 時間: 08-1-22 09:01

我小兒上年升中, 很多不明白升中及選校問題都有向007請教, 他中肯意見幫我不少.

現在為小部分人, 007暫停, 損失是你們! 又要問又唔岩聽....唉! 忠言逆耳

作者: chiutyma 時間: 08-1-22 11:22

暫時離開，幷不是失去。希望繼續有機會拜讀你發表的文章。

作者: eviepa 時間: 08-1-22 19:05

不要理會那些極少數份子了，請出山！

作者: chiutyma 時間: 08-1-23 12:13

認同你的見解！我今天也交了表，尊重我女兒自己的選擇！

作者: 囝囝爸 時間: 08-1-23 15:53

二年前兒子升中, 也得到如七兄, Billy M 和一些樂於助人家長網上講出分析意見. 我少發問, 但從個中得益不少. 多謝各位

.

希望家長們不要指名求肋, 對個人私人有限時間空間造成壓力. 太多提問不能盡答會令部分家長失望. 得到回答的也應回謝.

大家繼續發揮互助精神.

作者: 慧妮會員 時間: 08-1-25 20:35

本人亦是經朋友介紹瀏覽這個網頁的,其中某些家長POST出來的經驗及001的獨白見解,亦幫我解除一些疑慮,今見007兄去意欄柵,不禁可惜,其實,一個醫生醫治病人,何必去理會病人的地位(將軍或窮人又如何),當派位結果多一分歡欣的時候,自然多一份忠心的感謝.

會妮會員

作者: daisychan 時間: 08-1-25 23:43 標題: 回覆 #1 櫺囹桼的文章

surprised:

七哥，we miss you!!!

歡迎光臨教育王國 (/)