教育王國

標題: 下月二十三日家長日（派發成績表） [打印本頁]

作者: sfcssfcc 時間: 08-1-14 12:44 標題: 下月二十三日家長日（派發成績表）

上學期考試終於結束，小朋友亦可暫時休息一下。

今個星期上課時，老師會與同學覆述有關考試試卷的題目，其中尤以不少同學都錯的問題，會詳細分析其中的錯誤之處。但是，學校是不會派回考試卷給家長（與測驗不同），而學生亦沒有得看自己的考試卷，只會看到試卷的答案紙，從而推斷自己的答案錯與對。

此外，老師會在堂上向學生指出大約有多少學生取得多少分數，如90分數或以上的有多少人，80分至90分又有多少人，讓學生們心中有一個概略。因此，家長只能十分「虛心」地問囡囡情況，切勿過於急進，因而構成壓力。

至於下月二十三日家長日派發成績表事宜，班主任會派發通告，相約家長見面的時間。一般而言，班主任會按學生的學號順著次序編排時間，並在通告上詢問家長需否更改時間。若有需要的話，可在通告上另行約定時間見面（但不能早於一月二十三日）。

在面見時，學生與家長需在班房外等候，老師會在面見完先前的家長後，再按時間表接見另一名家長。但由於家長在面見時會提出不少問題，使安排的約二十分時間或許仍未完成，因而隨後的家長亦有所延誤。所以在當天，家長只須按原定時間抵達學校便可（過早是沒有幫助），並安排一些消遣讀物較好。若父母同行的，則可看情況而定，若仍有兩至三名同學在前，便可由囡囡逐一帶領一名家長參觀學校的壁報等，以減低等候時的沉悶氣氛（或是壓力）。

在進入班房後，老師會安排家長與囡囡平排而坐，並在枱上展示成績表的正本和影印本，以及各個獎項（如交齊功課獎、A等獎、進步獎等），讓家長細看，然後老師會逐一科目作出簡單解說，如全級的分數分佈，以及囡囡的學習情況等。待成績表各科目均有了解後，老師便讓家長提問，進一步了解學生在校的學習，以及家校合作的情況。直至家長沒有提問後，老師便會要求家長在成績表正本簽名，並將影印本交予家長保存。

成績表正本將由學校保存，並收納在一個十分美麗，藍色的校方檔案套內，直至六年級第一次考試後才交回學生（當然，若學生中途離校，是可提早取回）。

當簽名完成後，家長便可與囡囡離開學校，開開心心去吃一餐了。

作者: ttyy 時間: 08-1-14 14:04

學校都考虑得很周到，至少可以讓我們過一個軽鬆的農暦新年假期。如若不然，囡囡考得好則罢了，如果不是，見到那份成績表，恐怕新年家中都會愁雲慘雾了。

作者: vanyau 時間: 08-1-14 14:17

原文章由 ttyy 於 08-1-14 14:04 發表
學校都考虑得很周到，至少可以讓我們過一個軽鬆的農暦新年假期。如若不然，囡囡考得好則罢了，如果不是，見到那份成績表，恐怕新年家中都會愁雲慘雾了。 ...

我比較想在放假前派成績表，這個多月的等待，真的會等到傻

．成績是好是壞都成過去嘛，但現在又要等到過埋年，我諗我這個新年都會心囉囉聯．

作者: CuteCuteMa 時間: 08-1-14 15:19

sfcssfcc

你好, 我想問一問五年級考試是不是不派試卷的. 要到派成績表先知道成績, 而成績表又只有A B C D 沒有分數的..

作者: emiluihk 時間: 08-1-14 16:43

vanyau,

我同意你既講法, 個心一定不是味兒 ... 不過好似好多學校都係會過左農曆年先派成績架 ...

作者: vanyau 時間: 08-1-14 16:44

原文章由 CuteCuteMa 於 08-1-14 15:19 發表
sfcssfcc

你好, 我想問一問五年級考試是不是不派試卷的. 要到派成績表先知道成績, 而成績表又只有A B C D 沒有分數的..

sfcssfcc,

依你所講，除非派了成績表，如果唔係一定唔知道考試取得幾多分，是嗎？咁名次又有沒有呢？（最好沒有）

作者: ttyy 時間: 08-1-14 17:07

如果家長没有機會見到考試卷，我都會覚得有D遺憾，好想知道囡囡哪些方面有欠缺和不足的，可以補短囉。還有，熟悉下學校試卷的题目類型，下次温習可以更有針對性。至於名次，我就想知道大概，例如中等/中上/中下/，心中有個數。

[ 本文章最後由 ttyy 於 08-1-14 17:12 編輯 ]

作者: CuteCuteMa 時間: 08-1-14 17:29

其實由小一開始, 考試都是不派試卷給家長看的,但小朋友自己會在堂上改正, 同時會寫下分數話比家長知, 但今日實在太失望了, 連她自己都沒有機會看到. 就算派成績表, 十名內就有寫, 入全級的只知大概如 1-50, 51-100 .... 個範圍實在太大.....

作者: sfcssfcc 時間: 08-1-14 20:34

學校考試卷多年來都不會派回給學生，只是初小是否會安排學生自行改正，而讓學生可寫下分數已記不清楚．但高小亦已實行不讓學生自行改正，而只是由老師根據答案紙講述大部分學生的錯誤，或按學生的提問而回答．

由今年開始，五及六年級的考試分數將只計算考試成績，不計及常分，因此只能在派成績表得知囡囡分數．

按教育局規定，小學五及六年級的考試成績必須以等級劃分，而學校的等級分類為A級有90分以上，B級為75分至89分，餘此類推．

原文章由 CuteCuteMa 於 08-1-14 15:19 發表
sfcssfcc

你好, 我想問一問五年級考試是不是不派試卷的. 要到派成績表先知道成績, 而成績表又只有A B C D 沒有分數的..

作者: sfcssfcc 時間: 08-1-14 20:41

初小的考試成績只佔成績表總分的百分之六十，餘下的為常分，因此，考試分數並不能真正反映成績表的成績．

若學生認真考試的話，大多可知道個人有多少錯誤，並推斷有多少考試分．此外，在測驗及默書分數上亦有一個大概，按百分比計算，便可約略得知該科目的成績表分數．

對初小學生來說，學校只會將全班首十名的名次記錄在成績上，而各班的首三名學生更獲校方頒發學業成績獎．

至於其他學生成績，在派成績表日上，老師可直接向老師查詢而取得一個大概範圍，誤差約為10個名次左右．例如囡囡考第11，老師只會說是10幾或30名之前，這要視乎不同老師的表達方法．

原文章由 vanyau 於 08-1-14 16:44 發表

sfcssfcc,

依你所講，除非派了成績表，如果唔係一定唔知道考試取得幾多分，是嗎？咁名次又有沒有呢？（最好沒有）

[ 本文章最後由 sfcssfcc 於 08-1-14 21:10 編輯 ]

作者: vanyau 時間: 08-1-14 22:06

原文章由 sfcssfcc 於 08-1-14 20:41 發表
初小的考試成績只佔成績表總分的百分之六十，餘下的為常分，因此，考試分數並不能真正反映成績表的成績．

若學生認真考試的話，大多可知道個人有多少錯誤，並推斷有多少考試分．此外，在測驗及默書分數上亦有一個大概，按百分比計算，便 ...

我收到見家長的時間表了，我是上午十時三十分．
唔知每位家長會傾幾耐呢？:time:

另外，老師今日已經和囡囡她們對卷了，但只限四科主科，其他的中作，英聆聽等等，就要等收成績時才會知道．
總算飲得杯落

，她的成績不錯，不太差，又有進步空間．
希望大家都好似我一樣啦！

[ 本文章最後由 vanyau 於 08-1-14 22:09 編輯 ]

作者: PiggyLee 時間: 08-1-15 13:25

呀女都講咗俾我知, 總算全部合格, 但有些科目明顯退步, 佢話下次會努力喎, 希望做到啦.

作者: emiluihk 時間: 08-1-15 15:39

oh 係喎 !
想問吓家長日小朋友駛唔駛番 ?
唔帶佢番得唔得架 ? 因佢有野學喎 !
唔想爲左咁而同佢請假喔 ! 佢去到都無補於事架 !

作者: sfcssfcc 時間: 08-1-15 19:29

小朋友最好聯同家長一起出席家長日，因為老師會在小朋友面前講述其學習情況，除了讓家長知道外，也可使小朋友知道老師在上課期間是有關心她們的一舉一動，以及可藉此將個人的壞習慣改掉．

若然家長日當天未能抽空，可與老師再行約時間．過往，有家長為免影響囡囡的課外活動時間，會早於上午八時前便相約老師見面．因此，家長可致電回學校，向老師直接提出理據，以便老師另行安排．

原文章由 emiluihk 於 08-1-15 15:39 發表
oh 係喎 !
想問嚇家長日小朋友駛唔駛番 ?
唔帶佢番得唔得架 ? 因佢有野學喎 !
唔想為左咁而同佢請假喔 ! 佢去到都無補於事架 !

作者: vanyau 時間: 08-1-15 20:57

原文章由 emiluihk 於 08-1-15 15:39 發表
oh 係喎 !
想問吓家長日小朋友駛唔駛番 ?
唔帶佢番得唔得架 ? 因佢有野學喎 !
唔想爲左咁而同佢請假喔 ! 佢去到都無補於事架 !

通告寫明，小朋友當日要穿著整齊的校服，一同回校領取成績表的，所以你一定要帶埋你囡囡返學了．

作者: emiluihk 時間: 08-1-16 11:23

OH 係呀打左去學校問唔帶得唔得
佢地拒絕人D 手法真高明, 次次都輸比佢地既

定係我通情達理呢 ?!頭痛 ~~

BTW 而家真係度緊點攪喔

原文章由 vanyau 於 08-1-15 20:57 發表

通告寫明，小朋友當日要穿著整齊的校服，一同回校領取成績表的，所以你一定要帶埋你囡囡返學了．

作者: vanyau 時間: 08-1-16 17:35

原文章由 emiluihk 於 08-1-16 11:23 發表
OH 係呀打左去學校問唔帶得唔得
佢地拒絕人D 手法真高明, 次次都輸比佢地既
定係我通情達理呢 ?!頭痛 ~~

BTW 而家真係度緊點攪喔

人哋亞媽，學嘢係好閑的事，回校取成績表是大事來的，仲係一生一，第一張小學的成績表，唔去可能有不好的印象呀！

作者: ELISYEE 時間: 08-1-16 17:55

原文章由 vanyau 於 08-1-16 17:35 發表

人哋亞媽，學嘢係好閑的事，回校取成績表是大事來的，仲係一生一，第一張小學的成績表，唔去可能有不好的印象呀！

vanyau, 我同意你的說法, EMILUIHK你真係人哋亞媽呀, 你呀
真係唔學一堂都唔得, 就算亞囡話要學, 你都要叫佢知道學校的遊戲規則是要回校取成績, 同要比老師贈佢兩句先得架(包括我哋啲囡啦),

作者: emiluihk 時間: 08-1-16 17:56

HEHEHE係喎你唔提我都唔記得
呢張係佢小學生涯第一張成績表喎
唉 ~~ 我已經比佢D 分數嚇到三魂唔見左七魄
都忘記左呢個咁有紀念價值既時刻添 ..
記住要帶埋相機去影相先得

BTW, 我正諗住請一項價囉, 都無計架, 最多提住自己咪咁長氣
咪咁多野問, 再飛"的"趕下場吧 !

班主任仲鬼死咁好人, 提議我 7:45 AM

原文章由 vanyau 於 08-1-16 17:35 發表

人哋亞媽，學嘢係好閑的事，回校取成績表是大事來的，仲係一生一，第一張小學的成績表，唔去可能有不好的印象呀！

作者: vanyau 時間: 08-1-17 21:11

原文章由 emiluihk 於 08-1-16 17:56 發表
HEHEHE係喎你唔提我都唔記得
呢張係佢小學生涯第一張成績表喎
唉 ~~ 我已經比佢D 分數嚇到三魂唔見左七魄
都忘記左呢個咁有紀念價值既時刻添 ..
記住要帶埋相機去影相先得
BTW, 我正諗住請一項價囉, 都無計架 ...

你就好啦咁早，傾完還可以回家瞓陣覺添

（我諗你８點就走得嘞）．

作者: emiluihk 時間: 08-1-18 12:27

唔係卦 ! 我推左呀太早了
而家唯走請一樣野假囉, 然後飛的趕下場

原文章由 vanyau 於 08-1-17 21:11 發表

你就好啦咁早，傾完還可以回家瞓陣覺添（我諗你８點就走得嘞）．

作者: sfcssfcc 時間: 08-1-18 12:48

這實在十分可惜了，因為早上七時四十五分是家長求之不得的黃金時間，因為可避免等候．

同時提醒一句，面見時間往往因前列學生的家長過多提問而有所延誤，我亦曾有等候一小時的經驗，因此要預留時間在等候上，否則搭的士也有機會趕不及的．

原文章由 emiluihk 於 08-1-18 12:27 發表
唔係卦 ! 我推左呀太早了
而家唯走請一樣野假囉, 然後飛的趕下場

作者: vanyau 時間: 08-1-18 16:35

原文章由 emiluihk 於 08-1-18 12:27 發表
唔係卦 ! 我推左呀太早了
而家唯走請一樣野假囉, 然後飛的趕下場

如sfcssfcc所言，我都想要咁早的時間，不用白白浪費一天的時間在等見老師，你真

作者: emiluihk 時間: 08-1-18 18:01

多謝提醒
但我之後仲要番工, 然後PM 趕足全場喔
咁早起床真的受不了
仲要帶埋個女 ... 佢PM唔夠精神好易受傷
多謝大家爲我切想我諗應可以趕得及的 hehe

原文章由 vanyau 於 08-1-18 16:35 發表

如sfcssfcc所言，我都想要咁早的時間，不用白白浪費一天的時間在等見老師，你真

作者: vanyau 時間: 08-1-19 09:09

原文章由 emiluihk 於 08-1-18 18:01 發表
多謝提醒
但我之後仲要番工, 然後PM 趕足全場喔
咁早起床真的受不了
仲要帶埋個女 ... 佢PM唔夠精神好易受傷
多謝大家爲我切想我諗應可以趕得及的 hehe

...

難為了家嫂，sorry 不是家嫂，是working mum．

歡迎光臨教育王國 (/)