教育王國

標題: 請問各位如何幫小孩背九因歌乘數表 [打印本頁]

作者: KELLYWONG109 時間: 07-12-31 12:51 標題: 請問各位如何幫小孩背九因歌乘數表

小女現時正讀小二,但是背了好幾天的乘數表,都是背不到,請問各位是否有好的方法呢!

作者: hermanma 時間: 07-12-31 16:16

原文章由 KELLYWONG109 於 07-12-31 12:51 發表
小女現時正讀小二,但是背了好幾天的乘數表,都是背不到,請問各位是否有好的方法呢!

我最近在商務買了一盒九因歌
DVD+CD+棋 $198
仔仔現K3
五日內背了乘數表只欠7 & 8
效果幾好你可試試

作者: eviepa 時間: 07-12-31 18:36 標題: 回覆 #1 KELLYWONG109 的文章

二年級時要背乘數表，非常沉悶，但不能不背。如果想為背乘數表添上一點樂趣，亦想藉此增進親子關係的話，可以用我發明的乘數表綿胎。

相信大家都玩過綿胎遊戲，改良一下便可以讓小朋友練習乘數表了：

道具：Poker、打人的東西(如將報紙卷成棒狀)。

人數：二人或以上。

玩法：(eg
A & B & C, 三人，玩 7 的乘數表)
A 出牌，說 “7、1如7”
，如果出的牌不是 7 的話便繼續到 B出牌，說 “7、2 一十四” ，如果出的牌不是 4 的話便繼續到C出牌，說 “7、3二十一” ，如果出的牌不是 1 的話便繼續到 A 出牌，如此類推。但當叫的尾數跟出牌是一樣的話，大家便要鬥為快拍下，以後和普通綿胎玩法一樣。

我女兒當年對於這種遊戲樂此不疲，在不知不覺中學乘數表，大家可以試試。

作者: 已刪除用戶 時間: 07-12-31 18:46

我細仔3歲, 不知唸得幾叻! 隨口抽問都識, 個女小二, 就.........

, 真係唔知點攪!

原文章由 eviepa 於 07-12-31 06:36 PM 發表
二年級時要背乘數表，非常沉悶，但不能不背。如果想為背乘數表添上一點樂趣，亦想藉此增進親子關係的話，可以用我發明的乘數表綿胎。

相信大家都玩過綿胎遊戲，改良一下便可以讓小朋友練習乘數表了：

道具：Poker、打人的東 ...

作者: phoebelamlam 時間: 07-12-31 21:37

原文章由 KELLYWONG109 於 07-12-31 12:51 發表
小女現時正讀小二,但是背了好幾天的乘數表,都是背不到,請問各位是否有好的方法呢!

死背,日日都要重複咁背,比方今日背3,4,明日就背3,4,6,,後日就再背3,4,6,7

(因為1,2,5,10都唔洗背,所以我同自己個囡就係咁背LOR)

作者: corliss_yu 時間: 08-1-1 17:50

提示: 作者被禁止或刪除內容自動屏蔽

作者: Piano2008 時間: 08-1-1 18:08

我也買了，但仔仔並沒有太大興趣，可能比較適合一些年紀較小的小朋友。(仔仔現時正讀小二)。

原文章由 hermanma 於 07-12-31 16:16 發表

我最近在商務買了一盒九因歌
DVD+CD+棋 $198
仔仔現K3
五日內背了乘數表只欠7 & 8
效果幾好你可試試

作者: cameo 時間: 08-1-2 21:22

我女係小一升小二的暑假開始要佢背,但就唔太迫佢,每晚沖涼時一齊背,,,,,,,
呢個方法唔會三幾日就背好晒,但叫做無乜壓力吓背晒,反正沖涼時個口都無野做o架啦,,,,

作者: kaayee 時間: 08-1-2 22:43

我舊年暑假買咗套碟, 個仔升小二, 個女升小一, 我買咗之後, 都有d後悔, 因為都唔平, 而且好悶好無聊, 夾硬夾d音入去個九因歌度, 有d核突, 但唔到你唔信, 佢兩個一個星期已可以背哂一至九, 仲要滾瓜爛熟tim.

作者: 健朗媽咪 時間: 08-1-3 09:36

原文章由 kaayee 於 08-1-2 22:43 發表
我舊年暑假買咗套碟, 個仔升小二, 個女升小一, 我買咗之後, 都有d後悔, 因為都唔平, 而且好悶好無聊, 夾硬夾d音入去個九因歌度, 有d核突, 但唔到你唔信, 佢兩個一個星期已可以背哂一至九, 仲要滾瓜爛熟tim. ...

我亞仔高班上學期時, 我買咗my young 的乘數教學光碟, 折咗之後$90, 隻光碟係一路學,一路做練習儲分, 儲到一定分數可以玩遊戲, 亞仔玩咗個零月就識晒1-9乘法, 仲學埋兩個住乘一個位ga乘法

作者: wyl 時間: 08-1-3 11:04 標題: 回覆 #9 kaayee 的文章

我囡都係一樣，聽歌學九因歌，佢好中意喎

作者: 已刪除用戶 時間: 08-1-3 12:39

係咩? 其實我都買左呀, 我又係覺得好難聽所以無咩點播........睇黎要勤D先!

原文章由 kaayee 於 08-1-2 10:43 PM 發表
我舊年暑假買咗套碟, 個仔升小二, 個女升小一, 我買咗之後, 都有d後悔, 因為都唔平, 而且好悶好無聊, 夾硬夾d音入去個九因歌度, 有d核突, 但唔到你唔信, 佢兩個一個星期已可以背哂一至九, 仲要滾瓜爛熟tim. ...

作者: P-Ma 時間: 08-1-3 17:55

小兒是在小一聖誕假期時，買了一盒九因歌給他，署假完時，他已懂得。
他是一個不肯背書的人。所以雖然貴些，也覺值得。
當初，真的怕他不懂背。記得我小時，也不喜歡背書，所以也背了好一段時間，才懂得背乘數表。而他就有過致而無不及。

作者: P-Ma 時間: 08-1-3 17:57

對不起，打錯字，是"聖誕假"完時，他已懂得。不是"暑假"。

作者: ydoris 時間: 08-1-4 09:17

ndsl都有遊戲係數學架,玩得多就得架.我以前都自己教個女背,發現佢好快吾記得.但上到小二,老師教佢地,一個星期背一行,再同同學互相背.過一排又背過.咁好快佢就背到,吾洗我地花功夫.不過計數時都未能即刻用到,要數lor.

作者: sai1031 時間: 08-1-4 10:17

原文章由 Charlotte_mom 於 08-1-3 12:39 發表
係咩? 其實我都買左呀, 我又係覺得好難聽所以無咩點播........睇黎要勤D先!

我都買左,同你的一樣,真是"歌不似歌,詩不似詩",不過可能每個小朋友喜歡d野都唔同,我個囝睇到3至4的歌就

所以,都要睇個"老細"(我個囝

)受唔受.

作者: 玻璃媽媽 時間: 08-1-4 17:21

原文章由 KELLYWONG109 於 07-12-31 12:51 發表
小女現時正讀小二,但是背了好幾天的乘數表,都是背不到,請問各位是否有好的方法呢!

我個女都係小二,今次考試都係考乘數,請佢先背好2-5,同10, 再請佢慢慢背6-9. 另外我會同佢用遊戲的方式黎考吓佢,大家都分別出題目,你一條,佢一條,當佢考試的時候,就會好容易咁諗到個答案.我又會用撲克牌用佢玩.抽兩隻牌將佢相乘,咁樣可能會有興趣d.

少少意見,希望幫都你啦!

作者: O仔媽咪 時間: 08-1-9 11:01

原文章由 KELLYWONG109 於 07-12-31 12:51 發表
小女現時正讀小二,但是背了好幾天的乘數表,都是背不到,請問各位是否有好的方法呢!

我仔小三了, 小二背乘數表時, 我跟他一齊背, 每三個、三個咁背
當然, 2、3、5就很易, 學到7、8、9時, 就要用d耐心,搵d一粒粒的玩意排列出來給他看, 要當遊戲一齊玩, 有時叫佢考番我, 我假裝背錯, 等佢更正我, 那他就更上心了。希望幫到你。

作者: 我的小豬 時間: 08-1-13 01:54

HI,健朗媽咪,

請問何處可買到此光碟呢?

Thanks!

原文章由 健朗媽咪 於 08-1-3 09:36 發表

我亞仔高班上學期時, 我買咗my young 的乘數教學光碟, 折咗之後$90, 隻光碟係一路學,一路做練習儲分, 儲到一定分數可以玩遊戲, 亞仔玩咗個零月就識晒1-9乘法, 仲學埋兩個住乘一個位ga乘法 ...

作者: 06yy 時間: 08-1-13 04:56

我會當歌仔咁唱，大仔边唱，細仔好快就跟住唱，so easy

作者: KELLYWONG109 時間: 08-1-13 08:33 標題: 請問各位如何幫小孩背九因歌乘數表

謝謝各位的好意見,我已買了九因歌的CD 了.我個女聽了幾天,是可以跟來背,現只有 8的乘數表未上口,余下的已成功了. 謝謝各位.

作者: emilysin 時間: 08-1-14 17:44

我小女都是小二生, 她在暑假開始背, 到開學初時都是背不熟。後來公公發現迫佢背無用, 公公提議要她每日大聲地"讀", 每日讀五次初時是2至4的, 5至7 再來 8至9, 效果比我預期好, 十月已能抽問佢, 加上佢有學公文, 現在已是四位數乘雙位數了。

比心機, 祝你早日成功。

原文章由 KELLYWONG109 於 07-12-31 12:51 發表
小女現時正讀小二,但是背了好幾天的乘數表,都是背不到,請問各位是否有好的方法呢!

作者: holokmom 時間: 08-1-16 16:48

原文章由 ydoris 於 08-1-4 09:17 發表
ndsl都有遊戲係數學架,玩得多就得架.我以前都自己教個女背,發現佢好快吾記得.但上到小二,老師教佢地,一個星期背一行,再同同學互相背.過一排又背過.咁好快佢就背到,吾洗我地花功夫.不過計數時都未能即刻用到,要數lor. ...

我囝又係老師教在堂上背，兩三星期就背熟晒。

佢話老師久不久在堂上用接龍方法，咁就個個爭住背。
特別之處係老師會在中間截龍: a 同學由3x 1 開始背，
背到7就另一個接...

唔知係咪X 7係錯誤交匯處？
老師確係有辦法

歡迎光臨教育王國 (/)