教育王國

標題: 分享１３－－１４歲青少年心態 [打印本頁]

作者: callrubytso 時間: 07-12-24 23:23 標題: 分享１３－－１４歲青少年心態

提示: 作者被禁止或刪除內容自動屏蔽

作者: 櫺囹桼 時間: 07-12-25 00:39

原文章由 callrubytso 於 07-12-24 23:23 發表時下１３－－１４歲青少年，真的不知道他們想什麼，你們會否比她和朋友出街或拍拖，一起分享身邊子女問題。

十三四歲仲唔開始畀佢出街幾乎不可能...問題係佢去邊(有否需要)同咩人(你識唔識)幾時番(預計)點聯絡(除自己手提外)...一切在掌握都要慢慢放手！

作者: beaclem 時間: 07-12-25 16:23

拍拖個老豆就講到明唔比架啦, 要都18歲先喎

同朋友出街都會比, 但係就要問下同邊個, 幾時返, 去做"物"咁囉

而家我都會溶入亞囡既世界架, 佢上msn我會睇住佢(但唔會唔比佢上), 同佢一齊討論下佢既偶像, 佢有yes card都會比我睇下, 又會同佢討論下身邊同學乜既行為係好, 乜野係唔好, 夜晚臨瞓前有時間會傾下心事, 佢個心諗乜野, 我好清楚, 佢有時會覺得亞媽係佢肚裏面既一條蟲。

見到有D新聞報導(尤其講未婚媽媽), 會提佢睇下, 上網聽歌唔會一味阻止, 又時時同佢講笑話, 佢當我一半係佢朋友, 一半係佢亞媽。

我都好想同亞囡維持呢個關係長久D, 但我有時好後悔成日鬧佢, 希望佢知道亞媽鬧佢係想佢好:cry:

原文章由 櫺囹桼 於 07-12-25 00:39 發表
十三四歲仲唔開始畀佢出街幾乎不可能...問題係佢去邊(有否需要)同咩人(你識唔識)幾時番(預計)點聯絡(除自己手提外)...一切在掌握都要慢慢放手！

[ 本文章最後由 beaclem 於 07-12-25 16:31 編輯 ]

作者: 一樣的天空 時間: 07-12-25 22:14

支持此話題, 希望多學些和孩子相處之道

作者: m9394pp 時間: 07-12-26 02:25

我家中有兩個13-14yrs, 大既好自立, 每樣野都5洗
我理, 但獨立得濟, 而又無自我控制能力, 好多祕密;
細既依然好痴我, 每日放學返到屋企都不停講學校既野,
識得自我控制, 乜都同我講無乜祕密。
老實講我到宜家我都無乜點俾佢地自己同同學出街,
一年都唔超過10次, 尤其大果個, 佢d同學成日都只會
去唱k之類, 無乜健康活動, 而細果個d同學多數租場
打吓波, 我自己都5明, 兩個由細到大都係跟住我, 細既
上到中學都無乜點變, 大既一上中一幾個月就好明顯
5同左, 呢半年我成日上綱or睇書, 睇吓青少年心理,
好多野我都要慢慢學, 最先要學既係點樣容忍, 我都
想有時預到d難題, 應該問邊個我要點做?

作者: pinkiesalbe 時間: 07-12-29 01:04

我女女13歲，係個活潑同開朗的女孩子，
很健談，所以我地都無所不談，關係都密切。
佢0既活動同朋友，我都會知道同認識，
佢去街，我都唔會點阻止，
有時仲會一齊去，
有須要時我都會去接佢，
佢會樂意介紹我給她朋友/同學認識。
其實一個家庭要不斷溝通，大家才會互相諒解。

作者: goat 時間: 07-12-29 08:50

原文章由 beaclem 於 07-12-25 16:23 發表
拍拖個老豆就講到明唔比架啦, 要都18歲先喎

同朋友出街都會比, 但係就要問下同邊個, 幾時返, 去做"物"咁囉

而家我都會溶入亞囡既世界架, 佢上msn我會睇住佢(但唔會唔比佢上), 同佢一齊討論下佢既偶像, 佢有yes ...

佢肯? 若係真心願意, 又少有d......

作者: beaclem 時間: 07-12-30 18:51

我諗佢唔係幾願意架, 不過怕老豆囉

原文章由 goat 於 07-12-29 08:50 發表

佢肯? 若係真心願意, 又少有d......

作者: goat 時間: 07-12-30 19:00

原文章由 beaclem 於 07-12-30 18:51 發表
我諗佢唔係幾願意架, 不過怕老豆囉

我諗始終唔係咁好.....比著你都唔想有人係度"目及"住你, 睇下你同其他人chat d乜啦.......
或者比d空間佢, 間中問下佢地傾d乜(再唔係唔覺意咁行過去"目及"下), 建立互信o既關係更重要。
若佢有心唔比你知網上識左d乜人, 佢照樣有辦法瞞住你地(而家手機都可以msn)

作者: ada.y 時間: 07-12-31 11:16

我個仔又係13、4歲, 同學搵佢去街都唔去, 剩係鍾意打藍球。俾家姐叫佢做"孤獨精"

作者: 一樣的天空 時間: 07-12-31 12:13

小兒也不喜歡和同學去街, 却喜歡學校的集體活動, 小學同學聚會完去某同學家里玩, 他也不去, 有時我也覺費解

另外他做事情超慢, 沖涼要半個鐘, 我洗完碗佢仲未掃完個地, 佢做乜都慢, 好在做功課唔慢

(唔知是否不喜歡做所以慢呢, 有冇家長教吓我怎先可以令佢快手d)

原文章由 ada.y 於 07-12-31 11:16 發表
我個仔又係13、4歲, 同學搵佢去街都唔去, 剩係鍾意打藍球。俾家姐叫佢做"孤獨精"

作者: callrubytso 時間: 07-12-31 17:17 標題: 回覆 #2 櫺囹桼的文章

提示: 作者被禁止或刪除內容自動屏蔽

作者: emmyfok 時間: 07-12-31 19:32

不如你先問下自己點解不許孩子們出街吧!
做project, 或者校外參加比賽, 你一定會比...
有甚麼情況是你會不許孩子們出街? 原因何在?
如果你自問這個原因是合理合情的, 又何用藉口? 坦白地將這個真實的理由講出來吧!

原文章由 callrubytso 於 07-12-31 17:17 發表
各位：
有無什麼方案或婉轉藉口阻止她們出街。

作者: fongfonghue 時間: 08-1-1 03:21

女仔可能早熟ｄ啦,我個仔就相反,因我吾想佢沉迷電腦,所以一星期只比佢玩２個鐘online game ,但我成日叫佢約ｄ同學仔去吓街和傾吓電話,佢就寧願喺屋企偶臭都話吾去,好似無朋友咁,我都成日叫佢做孤獨精.

作者: Nymph_ 時間: 08-1-1 10:23

:-| 我個女13歲,佢係一個硬頸,自我同超懶既人.
佢好少約同學去街.佢又唔多like上網,佢最like瞓覺同睇TV.平曰都會同我講佢同學,學校Ｄ野.佢都有參加童軍&游水.
最近比我發覺佢有男仔追佢(童軍),我試探式問過佢,佢嘅答案竟然話'''係咩'''我唔覺喎,我再同佢傾落去先知,原來阿女嘅腦裡面都未有呢樣野,咁我可以放心Ｄ.
佢亦都係3號exam,成日都唔温書,我出聲又話我煩,我放手佢又話我唔理佢,依家做父母真難.:-| :-| :-| :-| :-|
突然諗番尋晚李克勤話:都唔知點解要生?生咗出黎,佢不停洗我Ｄ$$,我就不停咁揾$$$,仲要擔憂佢,但佢長大後,又未必對你有回報.所以都唔知點解要生?我覺得李生講得啱!!
:) :) :) :) :)

作者: xmanman 時間: 08-1-2 10:17

我仔都係孤獨精, 唔鍾意去街, 朋友只得兩三個, 不過唔興約出街玩, 喜歡留在家玩tv game! 有時都怕佢會無朋友!! 係唔係多數男仔都是這樣呢!

原文章由 fongfonghue 於 08-1-1 03:21 發表
女仔可能早熟ｄ啦,我個仔就相反,因我吾想佢沉迷電腦,所以一星期只比佢玩２個鐘online game ,但我成日叫佢約ｄ同學仔去吓街和傾吓電話,佢就寧願喺屋企偶臭都話吾去,好似無朋友咁,我都成日叫佢做孤獨精. ...

作者: LittleKidult 時間: 08-1-2 11:15

我個14歲仔, 我成日以講笑形式問佢有冇女朋友呀? 有冇鐘意女仔呀?(可能有, 不過佢都係答冇) 有冇同學係有拍拖等? 佢都會講翻學校d野比我地聽既, 例如邊個送野比邊個, 邊個想約邊個出街又唔成功等等
跟住我同佢講, 拍拖等你大個先, 而且而家會拍拖既都唔慌係好女仔等..... 我係呢排先比佢玩msn, 但我同佢講我會隨時檢查佢既msn..... 同我會鼓勵佢同d同學出街睇戲, 打波, 去同學屋企玩等, 不過要講明d同學名(暫時全部男仔)......

作者: 樂樂 時間: 08-1-2 15:58

原文章由 一樣的天空 於 07-12-31 12:13 發表
小兒也不喜歡和同學去街, 却喜歡學校的集體活動, 小學同學聚會完去某同學家里玩, 他也不去, 有時我也覺費解

另外他做事情超慢, 沖涼要半個鐘, 我洗完碗佢仲未掃完個地, 佢做乜都慢, 好在做功課唔慢

(唔知是否不喜 ...

你個仔幾好喎,肯幫你掃地,

作者: 樂樂 時間: 08-1-2 16:00

原文章由 xmanman 於 08-1-2 10:17 發表
我仔都係孤獨精, 唔鍾意去街, 朋友只得兩三個, 不過唔興約出街玩, 喜歡留在家玩tv game! 有時都怕佢會無朋友!! 係唔係多數男仔都是這樣呢!

...

我仔都係咁,唔仲意去街

作者: 樂樂 時間: 08-1-2 16:06

原文章由 LittleKidult 於 08-1-2 11:15 發表
我個14歲仔, 我成日以講笑形式問佢有冇女朋友呀? 有冇鐘意女仔呀?(可能有, 不過佢都係答冇) 有冇同學係有拍拖等? 佢都會講翻學校d野比我地聽既, 例如邊個送野比邊個, 邊個想約邊個出街又唔成功等等
跟住我同佢講, 拍 ...

不過如果佢真係仲意出街睇戲都幾重皮喎

作者: jaja 時間: 08-1-3 10:56

原文章由 Nymph_ 於 08-1-1 10:23 發表
:-| 我個女13歲,佢係一個硬頸,自我同超懶既人.
突然諗番尋晚李克勤話:都唔知點解要生?生咗出黎,佢不停洗我Ｄ$$,我就不停咁揾$$$,仲要擔憂佢,但佢長大後,又未必對你有回報.所以都唔知點解要生?我覺得李生講得啱!! ...

如果李生真係咁講, 佢真係枉為人父, 枉為人子......生仔要用錢嚟行量咁就唔好生啦.....尤其佢個仔仲咁細, 正係做父母最好心既日子......你都認同既話都唔見得你懂得有仔女既樂趣喎

作者: Nymph_ 時間: 08-1-3 11:22

原文章由 jaja 於 08-1-3 10:56 發表

如果李生真係咁講, 佢真係枉為人父, 枉為人子......生仔要用錢嚟行量咁就唔好生啦.....尤其佢個仔仲咁細, 正係做父母最好心既日子......你都認同既話都唔見得你懂得有仔女既樂趣喎 ...

jaja
我真係唔多like小朋友,只不過我覺得生咗出黎,就有責任教導佢,將來唔好成為社會嘅垃圾.
你將李生嘅說話諗清楚Ｄ,佢講嘅唔係冇道理嘅.
可能係大家觀點同角度唔同啫.

作者: Goody 時間: 08-1-3 11:59

我諗李生都係講笑遮。我覺得生小朋友都係社會責任(當然要教)一種，等於你父母都無條件咁教養你一樣啦，你對社會都有貢獻咁囉。小朋友每一個時期都有唔同嘅發展，因人而異，你女可能係過渡期遮，再大d可能又唔同架啦!

原文章由 Nymph_ 於 08-1-3 11:22 發表

jaja
我真係唔多like小朋友,只不過我覺得生咗出黎,就有責任教導佢,將來唔好成為社會嘅垃圾.
你將李生嘅說話諗清楚Ｄ,佢講嘅唔係冇道理嘅.
可能係大家觀點同角度唔同啫. ...

作者: FatMumMum 時間: 08-1-3 12:28

1, 自從李生同某位立法會侯選人企埋一齊開始, 我地已經離棄佢
2, 生仔/女講回報?
3, 生左唔想養咪送比人囉
4, 如果以佢既身家都話養唔到仔, 我兩個仔咪死左好耐?

作者: 丸媽媽 時間: 08-1-7 03:44

見時下好多令家長眼冤既年青人，女既就爛玩爛蒲，男既就做隱閉青年～煩

作者: ruby2004 時間: 08-1-7 10:18

原文章由 丸媽媽 於 08-1-7 03:44 發表
見時下好多令家長眼冤既年青人，女既就爛玩爛蒲，男既就做隱閉青年～煩

另+頂心杉

歡迎光臨教育王國 (/)