教育王國

標題: 校車 [打印本頁]

作者: sowhat? 時間: 07-12-22 00:54 標題: 校車

@@@我要投訴校車公司!@@@

因為呢兩日係特別上課日
(星期五-x'mas party, 星期六-旅行), 返學&放學時間都比平時晏(fri-返8:30/放11:30, sat-返9:30/放1:00), 而且學校通告都話有校車接送, 我以為校車都可以安排晏d啦.....
>>>點知校車公司話:<<<
星期五要照常6:55上車11:50落車, 星期六要7:50上車2:20落車.
咁星期五返到學校唔洗7:15(平時既時間), 星期六就8:10返到(我估計20分鐘車程已經計埋佢停兩站).
足足早成個幾鐘返到去?!!!!

而星期六要坐個幾鐘車至返到黎??!!

一年級去荃灣公園喳喎? 我都係住荃灣唶, 坐成個幾鐘車,遊成個荃灣咩! 我担心個仔咁晏放學會肚餓!:cry:
校車公司話冇辦法, 安排唔到.

當初未開學, 學校安排左校服公司,書商同校巴比我地一次過辦理登記. 當時我就問校車公司上落車既時間, 佢地話而家路線未定, 要開學前1~2禮拜至知. 咁我再問佢地學校返幾點, 以往我果個站又幾點上車, 佢地又話唔知, 因為媬母唔係度唔清楚!

咁我就留電話等佢覆我啦! 點知我等到開學前一個禮拜佢地都冇聯絡我, 咁我就打電話問啦, 佢地就話我做乜咁遲.

其實我住得好近, 而且有屋村村巴到綠楊, 車程只不過5-7分鐘. 如果唔係安排唔到人接放學, 我跟本就唔需要搭校車. 比完$330.仲要就佢地d時間.

我明白有時人地好難安排, 但係d小朋友咁早返學向樹企, 連老師都同我阿仔講:"你唔洗咁早返黎喎!"

咁冇理由次次都要家長就校車公司唶! 我以消費者立場就覺得佢地好過份囉! 咁做唔到就唔好咁勉強, 班車又接荃灣又接青衣去伍季明. 都真係好難安排.

作者: sowhat? 時間: 07-12-22 00:59

另外就係d媬母
仲記得剛開學頭兩日, 佢通知我7:00上車, 咁我好準時到, 但係部車早到左, 向樹等我地, 我阿仔成為最後一個上車, 佢就話我做乜咁遲? 下...係你地早左喎

跟住佢就改時間, 要我地6:55. 無奈....

而因為今日媬母又一次比錯時間比我, 令我屋企要找人即刻(12:00)接仔, 落到去, 佢又打黎話要送左其他人先再回頭約12:20至到, 最後12:45至接到. 又足足企左成30分鐘.

點解會咁呢? 因為佢返學同放學唔同一個媬母. 上午果個話放學時間不變, 但原來下午果個都有通知放學時間係改左ga, 不過佢係將個訊息pass比我個仔, 咁小朋友邊會同你記呢d野ga, 就係咁餃左一輪. 我好担心小朋友既安全ga ma!

呢間校車公司比我既服務真係幾差!

我會同學校反映, 我唔想第日搬新校之後(因為村巴唔到, 所以就一定會搭校車), 到時要忍受多5年呢種咁既校車服務. no way

作者: satu 時間: 07-12-24 12:42

我都覺得星期6學校旅行既校車安排好有問題.

學校9:30至出發, 但校車就8:15來接, 我住荃景圍, 車程唔駛10分鐘, 早成個鐘返學校都唔知做咩.　早知自己湊，　等小朋友瞓多一個鐘仲好．　

放學仲衰, 學校放1:00. 我地坐校車就要2:30至返到屋企. 個半鐘左等右等, lunch都無得食．小朋友去完旅行好倦架馬．真係肉痛．下次再有特別上課時間　我都唔會比小朋友再噤樣遊車河啦．　

作者: cc0524 時間: 08-1-3 12:28

嘩!! 咁離譜, 真係要投訴和~~

原文章由 sowhat? 於 07-12-22 00:59 發表
另外就係d媬母
仲記得剛開學頭兩日, 佢通知我7:00上車, 咁我好準時到, 但係部車早到左, 向樹等我地, 我阿仔成為最後一個上車, 佢就話我做乜咁遲? 下...係你地早左喎
跟住佢就改時間, 要我地6:55. 無奈....:giveu ...

作者: sowhat? 時間: 08-1-5 17:05

我果兩日就係自己湊佢返學放學囉! 等於白比車費

原文章由 satu 於 07-12-24 12:42 發表
我都覺得星期6學校旅行既校車安排好有問題.

學校9:30至出發, 但校車就8:15來接, 我住荃景圍, 車程唔駛10分鐘, 早成個鐘返學校都唔知做咩.　早知自己湊，　等小朋友瞓多一個鐘仲好．　

放學仲衰, 學校放1:00. ...

作者: satu 時間: 08-1-7 16:28

我早知噤衰, 情願自己湊啦.

原文章由 sowhat? 於 08-1-5 17:05 發表
我果兩日就係自己湊佢返學放學囉! 等於白比車費

作者: chris媽咪 時間: 08-1-14 15:54

原文章由 satu 於 08-1-7 16:28 發表
我早知噤衰, 情願自己湊啦.

呢幾日又要自己湊返學，因為考試學校係返八點，唔想個仔咁早起身返學。但係放學就話十一點, 點知成十一點十五分先到, 我等佢就得, 佢等我就唔得？

歡迎光臨教育王國 (/)