教育王國
標題: 補習社新丁感受－－困獸鬥 [打印本頁]
作者: csy_ma 時間: 07-12-18 12:40 標題: 補習社新丁感受－－困獸鬥
以下是一位朋友醫貓給我的文字，講自己當了幾天補習老師的經驗。鋪上黎，係因為我不懂回答佢既問題：
補習社之困獸鬥我見我聞
藍田一間私家補習社，呈長方形，地方很整潔，旁有放鞋子的丁方雜物房及廁所，再進去，是不到一百尺的地方，放了三張長方小桌，擠滿了小朋友。
他們大都是下午三時半放學來的，下午五時許會來兩個中學生。大伙兒緊迫的坐在一起，眼神卻沒半點友善，活脫脫如坐船偷渡似的。
補習社的女老闆在城大唸金融並留學英國，她命令式的語氣非常凌厲，經常喊出：「快D，唔好嘈，唔好再講嘢，快D。」
（都好似平日我同囡囡講得最多既對白:cry: ）
我充當臨時補習老師，兩天內分別碰上兩個小朋友偷泣。
頭一日是個男孩，說忘記帶數學功課簿，我信他並在手冊內注明。到大家差不多可回家時，男老闆來了，搜他的書包，結果找到了功課簿，及另外一些要做的功課。他一邊做一邊抽泣，當男老闆責怪他懂作大為何不懂作文，他又抽泣了。我惟有掃掃他的背，並教他深呼吸。
第二天，女老闆限我十分鍾替兩組學生三位小朋友默書。其中一個女孩經常聽不到我說的字，一個男孩去提她－－其實早前已默了一小段－－女孩因地方吵，集中不了，又被比下去，所以哭泣。
檢查小朋友的功課，補習老師要直接把正確答案寫在旁，因之，“聰明” 的孩子會事先隨便的胡亂填寫。如有錯漏被學校老師批回，女老闆說家長會投訴的。
有一次，家長對女老闆說，她的小孩回家便不再做功課了，女老闆回話：加時補習吧！
這就是補習社的運作機制。最後，我被辭退了。
上述是二00七年底香港的一角一景，除了競爭和冷漠，我們能有其他選擇嗎？還是，我仍然要強行無知和天真？
作者: pingpingping 時間: 07-12-18 23:12
我都有聽說過類似的情形，所以從不敢考慮將小朋友送去補習社，好彩我是全職媽咪，但有些在職媽咪真是冇辦法。
作者: 謙仔媽咪 時間: 07-12-19 00:14
所有補習社都係咁架啦, 有d細路真係好難教, 成日講大話, 小小野就喊!
如果你做耐d就明架啦, 導師唔惡d, 交唔齊功課or成績唔好d家長就會咋形.
如果你適應唔到, 最好唔好喺呢行side時間!
作者: Mrssslui 時間: 07-12-19 09:22
多謝你既分享,可以既話,真係唔好把小朋友放補習班社,希望有例外既補習社啦 !
原文章由 謙仔媽咪 於 07-12-19 00:14 發表 
所有補習社都係咁架啦, 有d細路真係好難教, 成日講大話, 小小野就喊!
如果你做耐d就明架啦, 導師唔惡d, 交唔齊功課or成績唔好d家長就會咋形.
如果你適應唔到, 最好唔好喺呢行side時間! ...
作者: BearMother 時間: 07-12-19 09:49
教會開辦的課餘託管都好好. 跟功課.默書.考試都好全面. 而且導師們有愛心. 不是利字行頭先. 大家不妨考慮下.
作者: judymychiu 時間: 07-12-19 10:41
我都曾經試過將我的兒子在小二時放到補習社,可以等我平時放工後不需用太多時間和他對功課,但我只試了兩個月就急急放棄,因為補習社老師只幫他完成功課,但小朋友明白與否真的不會理會.又經常和其他小朋友玩.心都散埋.最後個句,都係靠自已好D.
作者: xmanman 時間: 07-12-19 11:14
我仔以前都有去補習社(私人), 其實唔係個個攪補習社的都利字當頭, 當時如果個仔未做完功課, 他們唔會比我仔走, 就算做到8點都唔比走(老師會留下倍我仔), 測驗考試會在星期六再幫他溫習, 不過都無同我講錢, 也唔會加錢加時, 他們都是用心幫我仔的! 有時同他們傾計, 會發現其實係有d家長過份的要求, 個仔成績退步只會怪補習老師, 但又唔睇下自己小朋友的問題! 欠交功課唔一定關補習老師的事, 有時會係個小朋友自己專登唔寫在家課日誌上, 但家長只會怪老師, 唉!
不過, 因為是補習社, 始終會好多人, 一張table座滿十個小朋友, 真係幾難集中精神, 真係好嘈, 而且小朋友會養成以賴的習慣, 做什麼都等阿sir or miss 幫佢, 好似自己唔洗負責, 所以最後我仔都無補, 返家自己做功課, 反而自律了
作者: Ivy124 時間: 07-12-19 12:19
睇完...好驚
之前都有諗過將我小朋友送去補習社...但問過逢星期六幫我囝補英文的姐姐...佢都有向補習社度教...佢話千其唔好...因為補習社真係好難令個小朋友專心做功課...一大班圍埋就傾計...大大聲討論卡通片...d導師叫佢地靜d...佢地只會靜2分鐘之後又傾過...所以我決定繼續用私人補習姐姐
作者: carmenwan11 時間: 07-12-20 11:58
我真係唔認同wor, 當然有d 補習社係太多人, 家長可以選擇一d 少人d. 同埋睇下個miss 先報名.
我自己開了一learning center, 我真係擺個心出來教, 希望可以教好d小朋友. 所以如果把所有補習班都label 為黑暗 , 真係會浪費了一班真心的人.
原文章由 Mrssslui 於 07-12-19 09:22 發表
多謝你既分享,可以既話,真係唔好把小朋友放補習班社,希望有例外既補習社啦 !
作者: xmanman 時間: 07-12-20 15:47
同意!
我都相信會有好的補習社及真心想幫小朋友的補習老師!
作者: 謙仔媽咪 時間: 07-12-20 19:50
原文章由 xmanman 於 07-12-20 15:47 發表 同意! 我都相信會有好的補習社及真心想幫小朋友的補習老師!
作者: dkkk 時間: 07-12-20 21:35 標題: 補習社新丁感受－－困獸鬥
本人十多年前都喺補習社做, 我當時仲喺而家幾出名既英X教育嗰到做,嗰D環境真係又BIG又嘈(3個老師對大約70-80個小朋友-下午班),如果你個小朋友可以自己坐定定,唔八掛就OK,因為好快做完D功課就可以溫習，否則，一定好遲先走得。至於功課，你要預咗佢未必明晒，但一定arm晒, 因為我哋會比晒個answer佢,冒求快而準.
所以而家做咗家長後,都唔敢比個女去補習社,但私補又貴,所以每日唯有嘔心瀝血地自己教
作者: Gracemama 時間: 07-12-20 22:40
我個case就是, 將小朋友放補習社半年, 功課就次次岩晒, 字就亂晒, 因工作忙沒有多理會, 以為佢識就得了, 就來test, 我請假邦佢溫習, 一睇之下, 原來之前講過果d都唔識, , 真是後悔浪費仔仔的保貴時間, 跟住我即刻resign份工, 全天候旁住仔仔.抓緊失去d一分一眇. 以後我只會請上門補習.
希望我個post可以俾d媽咪提示.
作者: 謙仔媽咪 時間: 07-12-20 22:49
原文章由 dkkk 於 07-12-20 21:35 發表
本人十多年前都喺補習社做, 我當時仲喺而家幾出名既英X教育嗰到做,嗰D環境真係又BIG又嘈(3個老師對大約70-80個小朋友-下午班),如果你個小朋友可以自己坐定定,唔八掛就OK,因為好快做完D功課就可以溫習，否則，一定好遲先 ...
我都做過一間1對20-30人既補習舍, 做左幾日就走左, 情況真係好差, 跟本唔夠時間教好小朋友, 只可以直接比個答案佢. 
但D學生考試又OK架wo, 點解呢? 因為通常呢D大間既補習舍, 都有辦法攞到附近學校既卷, 日操夜操之下, 咪識答law.
所以有d家長都好buy架!
作者: ydoris 時間: 07-12-21 09:57
有些家長，放小朋友在補習社，順便託管．因為好似我們這些要跑到很遠上班，回家已是日落西山．若小朋友獨留家中，真是很危險的．
我亦是每天一吃完晚飯便給２個小朋友對功課及默書．因此，她們我弱點我都略知一，二．不過很不高興就是２次和老師對話，佢第一句就問我的小朋友有沒有補習．．．不知為什麼她會這樣問，卻令我十分反感．補習，是否必需呢？既然我肯付出，為什麼還要把小朋友放在一個這樣差的環境去學習？如今的老師，真是～～～
| 歡迎光臨 教育王國 (/) |
Powered by Discuz! X1.5 |