教育王國

標題: 2008年小一 [打印本頁]

作者: karmen2007 時間: 07-12-12 17:27 標題: 2008年小一

有人嗎?

呢間學校似乎好冷門, 我係咪選錯左俾個女?

作者: karmen2007 時間: 07-12-20 13:04

噢! 實在係無人囉...

有無08小一媽咪呀?

作者: pakwong 時間: 07-12-31 22:49

作者: karmen2007 時間: 08-1-3 17:32

oh...finally

喂, 你好呀pakwong, 你係仔仔定囡囡讀呀?

我個係囡呀

原文章由 pakwong 於 07-12-31 22:49 發表

作者: pakwong 時間: 08-1-12 22:02

係仔仔

作者: karmen2007 時間: 08-6-6 10:55

希望派晒位之後會有多啲媽咪上黎傾吓

已經係小一至小六嘅都不防發表吓啦

好擔心呀, 阿女好大頭蝦, 成日唔記得帶野返學/攞野返屋企, 又唔識用自己嘅紙巾去廁所, 上到小一唔知會點

作者: 心花花 時間: 08-6-26 16:22

等我又來報到先，將來要大家多多指教呀。

原文章由 karmen2007 於 08-6-6 10:55 發表
希望派晒位之後會有多啲媽咪上黎傾吓

已經係小一至小六嘅都不防發表吓啦

好擔心呀, 阿女好大頭蝦, 成日唔記得帶野返學/攞野返屋企, 又唔識用自己嘅紙巾去廁所, 上到小一唔知會點 ...

作者: karmen2007 時間: 08-6-27 17:17

你好呀, 歡迎你

咁多位媽咪, 買左校服同書未呀(大出血喇)?

知唔知買幾多套運動衫好呢? 我買左2條裙同1套運動衫, 唔知夠唔夠呢?

作者: 心花花 時間: 08-6-29 18:55

我買左各一套咋，之前幼稚園都係買各一套。

原文章由 karmen2007 於 08-6-27 17:17 發表
你好呀, 歡迎你

咁多位媽咪, 買左校服同書未呀(大出血喇)?

知唔知買幾多套運動衫好呢? 我買左2條裙同1套運動衫, 唔知夠唔夠呢? ...

作者: pakwong 時間: 08-7-7 21:36

心花花

作者: 心花花 時間: 08-7-8 11:39

Hi pakwong, 我地之前都有係幼稚園的forum傾過呀。

原文章由 pakwong 於 08-7-7 21:36 發表
心花花

作者: waiyan272 時間: 08-7-21 17:49

報到..小囡9月都係跑馬地寶小學生,
大家一同努力吧

作者: 心花花 時間: 08-7-23 11:41

waiyan272,

Hi, 你有無幫囡囡報小一預備班及普通話班呀？我兩樣都幫囡囡幫左。

原文章由 waiyan272 於 08-7-21 17:49 發表
報到..小囡9月都係跑馬地寶小學生,
大家一同努力吧

作者: waiyan272 時間: 08-8-31 12:30

原帖由 心花花 於 08-7-23 11:41 發表
waiyan272,

Hi, 你有無幫囡囡報小一預備班及普通話班呀？我兩樣都幫囡囡幫左。

兩樣都報咗,不過佢未習慣用普通話上中文課,比較辛苦,因此我另外幫她在外報了,一星期返兩堂,希望她會盡快適應,
我的囡囡是望班,你呢?

作者: 心花花 時間: 08-9-2 11:36

我囡囡同你囡囡一班，日後要多多指教呀。

都未恭喜你添，恭喜晒

。

原帖由 waiyan272 於 08-8-31 12:30 發表

兩樣都報咗,不過佢未習慣用普通話上中文課,比較辛苦,因此我另外幫她在外報了,一星期返兩堂,希望她會盡快適應,
我的囡囡是望班,你呢?

作者: karmen2007 時間: 08-9-5 17:47

我呀女都係望班架, 多多指教

作者: 心花花 時間: 08-9-8 08:58

Hi kamen2007,

你囡囡讀邊間幼稚園架，係唔係寶幼呀？

提一提大家，明天要帶張八達通做登記呀。

原帖由 karmen2007 於 08-9-5 17:47 發表
我呀女都係望班架, 多多指教

作者: karmen2007 時間: 08-9-9 13:55

Yes ar, 高班義囉, 你阿b呢?

作者: 心花花 時間: 08-9-10 12:03

我囡囡讀下午班的。

原帖由 karmen2007 於 08-9-9 13:55 發表
Yes ar, 高班義囉, 你阿b呢?

作者: QL 時間: 08-9-12 17:24

Hi Karmen2007 & 心花花,

我很久沒有在此留言啦!我的囡囡都是望班喎! 上年佢是高班義, 佢姓歐.

Karmen2007, 你的囡囡是邊個呀?

今天關老師來電問, 囡囡返左學兩個星期, 有無適應問題呀? 我答: 有呀! 最大問題是未習慣早起床, 每朝都扭計一輪才肯起床. 老師答: 上課時, 佢都很精神喎! 唔覺得佢眼瞓.

老師又說: 上課時, 囡囡都坐得很定, 沒有大問題. 我心諗: 囡囡跟同學仔熟絡後, 就知道佢的百厭啦!

作者: karmen2007 時間: 08-9-16 13:50

你個女係咪欣欣? 我阿女係希希呀!

我返工無接老師電話, 佢打咗俾我老公, 無咩大問題, 不過成日唔記得簽手冊同帶早讀圖書, 個書包好鬼重, 阿女又細粒, 好辛苦呀...

作者: QL 時間: 08-9-17 15:40

yes, 你估中了. 咁我都知你是邊個的媽咪.

高班下學期開始要日日簽家課冊, 你仲未習慣嗎? 我發覺女女開始返小一要時間適應, 我地做家長都要適應啊!

karman2007 & 心花花,

我想問你地女女放學後, 是返屋企做功課? 或是好似有些人放學後去補習社做完功課才回家呢?

女女沒有去補習社的. 開學兩個星期以來, 我覺得我地返工的, 放工返到屋企的時間很不夠用, 因為我仲有個細仔 (今年讀高班)要跟佢的功課, 每晚好似顧到個大時, 又顧唔到個小, 真是很辛苦呀!

QL

作者: karmen2007 時間: 08-9-21 17:25

HI HI QL & 心花花,

頭果一個星期阿女要等到我返屋企至肯做功課就真係好忙, 之後佢明白如果我放工之前就做晒功課, 我至會夜晚有時間講故事, 咁佢就開始肯自己做晒功課等我返去檢查, 宜家好好多喇

係呢, 你地阿女參加咩才藝班/活動呀? 我阿女玩兒童舞同小耶穌, 又有冇人參加朗誦比賽呀? 我阿女啱啱甩咗一隻門牙, 諗起佢講野個樣就覺得好好笑, 唔知朗誦果陣會點, 會唔會FU FU 聲呢

作者: 心花花 時間: 08-9-22 15:09

Hi karman2007 & QL,

我囡囡都無去補習班的，我叫佢一放學就要做功課，如果有唔識先等我番黎教佢，暫時佢都handle到。

我都同囡囡報左跳舞班，佢知道可以番幼稚園等校車回家，不知幾開心。

作者: QL 時間: 08-9-22 17:05

Hi Karman 2007 & 心花花,

咁你地的情況都不錯喎! 唉! 我諗我真是要繼續努力啦!

囡囡參加左學校的兒童舞及小女童軍. 我聽囡囡講: 參加英詩朗誦的同學是由老師挑選的.
囡囡就沒有被選中.

我想問下你地登入學校的內聯網後, 是否可以查閱得到 “電子通告”內的檔案呢? 我開不到有關檔案, 你地呢?

QL

作者: karmen2007 時間: 08-9-23 13:48

有冇人參加"中文8寶箱" 同 "英文8寶箱"呀?

作者: 心花花 時間: 08-9-24 09:47

我兩樣都有參加呀。

原帖由 karmen2007 於 08-9-23 13:48 發表
有冇人參加"中文8寶箱" 同 "英文8寶箱"呀?

作者: karmen2007 時間: 08-9-27 23:32

請問有咩用架? 唔參加得唔得力架? 我唔係成日俾阿女用電腦, 要我係屋企至淮

作者: 心花花 時間: 08-10-3 17:01

其實我都唔知有咩用架，都係參加左至算，我諗住如果唔好，下年先唔參加咋。

原帖由 karmen2007 於 08-9-27 23:32 發表
請問有咩用架? 唔參加得唔得力架? 我唔係成日俾阿女用電腦, 要我係屋企至淮

作者: 心花花 時間: 08-10-3 17:04

仲有兩個星期就有測驗啦，好緊張呀。

作者: karmen2007 時間: 08-10-4 10:34

係呀係呀, 你地開始溫習未呀?

阿女未知咩係考試/測驗, 叫佢溫習佢有d唔慣, 或者試吓自己draft d test paper 俾佢, 要佢喺指定時間完成咁囉, 唔知其他媽咪係點樣同小朋友溫習嘅呢?

作者: QL 時間: 08-10-20 16:09

Karman2007 & 心花花,

你地囡囡肯唔肯溫習, 準備測驗呀?

我很辛苦呀, 昨天囡囡溫習溫到喊曬口. 唉! 我跟佢溫習, 爸爸已經跟弟弟在睡房內, 以防弟弟攪住佢, 點知佢成日心散, 好想入房可以和弟弟一齊玩.
佢本身由細到大都有點抗拒英文的, 更加成日問溫完未呀?溫完未呀? 最後, 爸爸話算了, 等佢自己拿到測驗成績回來, 不好的, 咪當是一個教訓喎!!!!!
唉! 下星期的4科測驗, 我都無眼看啦.

作者: karmen2007 時間: 08-10-23 14:00

大家咁話啦, 次次溫書都喊晒口, 呢頭溫完果頭問佢又唔記得咗, 仲要做功課, 晚晚都十點至上床, 真係好辛苦

作者: 心花花 時間: 08-10-23 14:16

嘩....你地咁勤力架，晚晚都溫書，我冇晚晚同囡囡溫習，淨係測驗前一晚先同佢溫咋。

作者: QL 時間: 08-10-23 15:43

心花花,

我 d所謂溫習, 只是檢查完他的功課後, 問少少關于他的功課咋. 例如: 寫生字的, 咪抽幾個生字叫佢寫給我看, 咁我可以順便看下他的筆順. 有時要佢讀下課文給我聽咁多咋.每晚唔過20分鐘. 真是好過無咋.

QL

作者: chuchumoon 時間: 08-10-28 17:51

你哋好!!!我個仔仔都喺一望班呀~~

作者: QL 時間: 08-10-29 18:00

Hello chuchumoon,

很高興可以在這裡遇到同學仔, 可以講下仔仔名字嗎?

點呀!準備測驗如何? 我今晚要繼續努力呀!

作者: 心花花 時間: 08-10-29 20:40

Hi chuchumoon,

歡迎你呀。

原帖由 chuchumoon 於 08-10-28 17:51 發表
你哋好!!!我個仔仔都喺一望班呀~~

[ 本帖最後由心花花於 08-10-29 20:42 編輯 ]

作者: 心花花 時間: 08-10-30 09:58

今晚要再繼續呀。大家努力。

原帖由 QL 於 08-10-29 18:00 發表
Hello chuchumoon,

很高興可以在這裡遇到同學仔, 可以講下仔仔名字嗎?

點呀!準備測驗如何? 我今晚要繼續努力呀!

作者: pakwong 時間: 08-11-11 12:09

原帖由 karmen2007 於 08-10-23 14:00 發表
大家咁話啦, 次次溫書都喊晒口, 呢頭溫完果頭問佢又唔記得咗, 仲要做功課, 晚晚都十點至上床, 真係好辛苦

me too

作者: QL 時間: 08-11-25 16:11

karmen2007, 心花花 & pakwong,

我細仔來年將會升小一, 我選左寶小為自行收生的學校. 因為囡囡就讀, 諗住實收, 又我今天要返寶幼去高班觀課日, 我諗住今日先去看結果啦.

今早返到寶幼, 其他相熟的媽咪問起我, 他們第一個反應是很驚奇, 點解我未去看結果的, 稍頓一會, 接著他們又醒覺點解我好似咁老定!

講返, 今年寶小的自行收生名額有38個, 我核對過名單, 收左寶幼學生21個, 都超過半數呀! 多數是女生.
我有跟一兩個媽咪傾開, 因為佢地的孩子未被寶小取錄, 都顯得很失望和擔心.

我唯有鼓勵他們, 萬一大抽獎唔得, 最後仲可以叩門吧! 努力加油呀.

QL

作者: karmen2007 時間: 08-12-17 13:57

有參加 sport day 嗎?

到時會唔會見到大家呢?

作者: QL 時間: 08-12-18 16:21

我沒有參加, 因為星期一我已請假帶囡囡做學生保健, 咁費事請假咁密比老細炸型呀! 我都很想去的.

爸爸就參加左男子100米, 佢話早知參加60米, 佢已經問左囡囡怕唔怕爸爸跑最尾喎

我看見你會參加女子100米喎, 加油呀! 取個冠軍獎牌呀! 等你好消息.

QL

作者: QL 時間: 08-12-18 17:04

中文8寶箱是免費的, 我見你沒有登入過的?

其實多數每天一篇閱讀理解(亦可以聆聽文章內容), 有時是介紹句子運用(例如疑問句, 感歎句), 有時是標點符號, 然後回答4題選擇題, 通常15分鐘內完成.

我覺得都d用的, 都可以訓練小朋友的聽解能力, 由最初囡囡成日話找唔到答案, 到現在佢開始懂得去聽多幾次文章而去找答案, 有時我幫佢登入就行開, 等佢自己做.

我現在最想佢做埋英文8寶箱, 因為英文的內容仲多元化, 已經做過 subject pronouns, 現在式第三身, idoms等, 最衰囡囡唔願做, 如果唔係, 佢已經學左很多english grammar 啦.

我都是有時功課唔忙和假期才跟佢一齊做. 有時間試下和囡囡一齊做下.

QL

原帖由 karmen2007 於 08-9-27 23:32 發表
請問有咩用架? 唔參加得唔得力架? 我唔係成日俾阿女用電腦, 要我係屋企至淮

作者: QL 時間: 08-12-19 14:33

karmen2007,

恭喜恭喜!! 囡囡話你攞左冠軍喎!!

好嘢!!!!

作者: karmen2007 時間: 08-12-23 13:50

我冇俾佢玩8寶箱呀, 佢本身有學數同英文, 日日都好忙, 等我今晚brief吓我老公趁假期開俾佢玩吓先

個比賽得4個人玩, 冇60米咁大競爭, 會大d機會

希望你出年都可以參加吓啦

作者: QL 時間: 08-12-23 18:19

咁你都要跑得快過其他3個人先得.

出年可以, 我諗都係參加 "啦啦隊"好啦, 如果參加比賽的話, 真是實攞包尾第一.

作者: karmen2007 時間: 09-6-6 11:06

有冇人知道"普通話"筆試會考咩咖? 係咪要寫返個拼音出嚟咖? 第一年學普通話...好難噃...大人都未必識, 要查下字典咖...

help... 唔該幫幫忙...有冇人知呀?

作者: pakwong 時間: 09-6-8 18:38

yes,要寫返個拼音出嚟

歡迎光臨教育王國 (/)