教育王國
標題: 小朋友測驗、考試要有幾多分...家長先覺得滿意?? [打印本頁]
作者: 寶貝豬的媽咪 時間: 07-12-11 12:14 標題: 小朋友測驗、考試要有幾多分...家長先覺得滿意??
我覺得唔知係咪自己對小朋友要求過低, 佢地考到80分以上我都已經接受, 當然佢地可以係無壓力之下可以拎到越高分越好. 但聽埋其他家長的意見後......
作者: siti 時間: 07-12-11 12:54
我諗滿唔滿意, 唔應該單看成績, 要睇番自己個小朋友既表現囉
作者: Mrssslui 時間: 07-12-11 13:00
幾多年級?
原文章由 寶貝豬的媽咪 於 07-12-11 12:14 發表 
我覺得唔知係咪自己對小朋友要求過低, 佢地考到80分以上我都已經接受, 當然佢地可以係無壓力之下可以拎到越高分越好. 但聽埋其他家長的意見後...... ...
作者: acoggo 時間: 07-12-11 13:36 標題: 回覆 #2 siti 的文章
同意，因為小朋友都有強、弱項，主要睇吓佢有冇進步(同自己比，因為我個人覺得人比人，比死人)，例如會唔會同一個錯誤重覆好多次，當然要視乎你小朋友的能力，個個都想自己仔女考頭名(老實講)，但如果佢真係得咁多，你迫死佢都冇用，係咪？
作者: navigator 時間: 07-12-11 14:02
原文章由 寶貝豬的媽咪 於 07-12-11 12:14 發表
我覺得唔知係咪自己對小朋友要求過低, 佢地考到80分以上我都已經接受, 當然佢地可以係無壓力之下可以拎到越高分越好. 但聽埋其他家長的意見後...... ...
我女兒現讀小三，至今我一直要求她每科要拿9字頭才叫達標。昨天她興高彩烈地拿來一份中文科測驗卷展示在我面前並要求我馬上給她簽名。她的得分是98.5，全班第一！我說是不是由於取得了第一，所以才如此地雀躍萬分？！殊不知她的回覆卻出乎我意料之外，她說她這次如此的興最主要的原因是：在沒有怎麼溫習的情况下，竟然拿到一個好成績並可以擊敗一些非常勤力的同學.... 她感到自己相當之超勁！一時間我都不知道該向她說些甚麼，只說嗯，不錯，那妳就要保持下去囉！看着她沾沾自喜的樣子，我也被她的喜悅感染了！
作者: Sue^_^ 時間: 07-12-11 14:05
雖則我小朋友還未上小學，但我自己會視乎那課平均分係多少？若整班 average 70+，妳小朋友有80咪好囉，相反的話就會 check check 錯在那裡，
是唔識 or 唔小心。高分或低分鼓勵的說話不可少呢！
原文章由 寶貝豬的媽咪 於 07-12-11 12:14 發表
我覺得唔知係咪自己對小朋友要求過低, 佢地考到80分以上我都已經接受, 當然佢地可以係無壓力之下可以拎到越高分越好. 但聽埋其他家長的意見後...... ...
作者: emiluihk 時間: 07-12-11 14:19
平均80分以上la
但個人認爲溫習態度最爲重要 ...
如果他真的好努力付出過, 就算取不到也可原諒吧!
作者: 寶貝豬的媽咪 時間: 07-12-11 14:33
我的小朋友讀緊小二, 老師出的試卷唔太深但都唔淺, 主要係各科的題目都比較考小朋友的理解能力多d, 即是唔太straight forward, 老師都同我講佢考得都幾好唔算差. 但佢的同學好多都拿90分以上, 聽老師講好多家長都反應比佢聽覺得小朋友有90分以上先算掂喎...
各位媽咪點睇....
作者: lamlam2000baby 時間: 07-12-11 15:08
提示: 作者被禁止或刪除 內容自動屏蔽
作者: shirley73a 時間: 07-12-11 15:43
提示: 作者被禁止或刪除 內容自動屏蔽
作者: 寶貝豬的媽咪 時間: 07-12-11 16:13
原來真係我要求太低
原文章由 shirley73a 於 07-12-11 15:43 發表
如果係我, 我會prefer 每科都要有9字頭先為之ok架!!
作者: littlesister 時間: 07-12-11 16:28
要視乎學校課程囉, 囡囡小二開始, 我已經把要求降至80分以上
:
原文章由 寶貝豬的媽咪 於 07-12-11 12:14 發表
我覺得唔知係咪自己對小朋友要求過低, 佢地考到80分以上我都已經接受, 當然佢地可以係無壓力之下可以拎到越高分越好. 但聽埋其他家長的意見後...... ...
作者: BB2WONG 時間: 07-12-11 16:37
原文章由 littlesister 於 07-12-11 16:28 發表
要視乎學校課程囉, 囡囡小二開始, 我已經把要求降至80分以上:
我會睇下d題目，好似我細仔剛有一次maths test，老師出了些比平常深既questions，無人取到90以上，咁我阿仔80分我都好驚訝（因d題目我都要思考一下才識答）但係一般好普通既test，我要求佢要95以上，如果默書最好拿100，因為只要溫左就一定識，除非佢衰唔小心。
大仔小五我反而會鬆d，因為佢地程度及題目深度始終係難d，test有80分以上我都ok，當然考試最好keep住90左右，默書就一樣要100分，除非unseen無得講。
細仔小一在test或exam，如題目照學習既程度（非over syllabus），如熟讀後取95分以上跟本係應該，5分預左留番衰唔小心。大仔小五因為好多extra既questions，只要佢keep到90分左右我已好滿意。
作者: YanYan0116 時間: 07-12-11 16:41
我女升小一, 她派了中文測驗當天立刻打比我, 她只是作句漏了句號, 扣了一分, 她很開心.
當派英文科時, 其實都有81分, 我回到家想看卷, 她搶回不想我看, 但我都要簽名啦, 原來她自己不滿意, 又有少少唔開心, 又怕我鬧, 我只是對她說, 我從來沒有要求過100分, 我只想她溫書及作答時認真, 盡力, 如果錯了, 要明白為什麼錯, 下次不要重犯, 跟著亞女攬住我話, 媽咪你真係好呀.
有邊個父母唔想自己的子女攞滿分, 但我唔想比壓力亞女lor, 總之中中地都滿意啦.
[ 本文章最後由 YanYan0116 於 07-12-11 16:52 編輯 ]
作者: 00adafan 時間: 07-12-11 18:12
提示: 作者被禁止或刪除 內容自動屏蔽
作者: csy_ma 時間: 07-12-11 19:22
原文章由 00adafan 於 07-12-11 18:12 發表
佢有溫的，就算不合格都沒所謂，因為有盡力！
唉！都係果句：邊個做父母既唔想自己既小朋友名列前茅？當然係愈高愈好．
為乜？最終咪都係希望佢地響競爭中建立自信，愈讀愈有趣．
但係，假如家長剩係睇分數俾評價，冇細心留意到小朋友既努力，咁咪即係引導小朋友去做分數既奴隸．．．到佢大個時，冇人俾到分數佢，佢又咪變咗金錢既奴隸，又或者俾外人冇厘頭既評價牽住鼻子走咯
－－自信唔係由心度發出黎，學習興趣係靠高分黎維繫，都幾易俾不可預知既變動打殘（起碼小朋友到咗反叛期，會問點解要咁時，就會好煩
）．．．連家長都對佢地自己個囝囡冇自信，佢地點樣可以培養自己既自信？唔怪得而家d大學生成日俾人話係高分低能兒
[ 本文章最後由 csy_ma 於 07-12-11 19:24 編輯 ]
作者: 召藥師 時間: 07-12-11 19:54
分數唔係重點，最緊要係佢本身識唔識，能唔能夠完成到佢能力範圍內ge題目。如果佢有99分，因為寫錯一個已提供ge字而扣一分我都會話佢咁大意；相反，我覺d試題過深而佢唔識答而低分，我唔會怪佢，只會教番佢點做，做到明為止。
真係要比，我諗我會同其他媽咪八吓d分數黎比較佢去到邊個level。
作者: norakyng 時間: 07-12-12 00:33
原文章由 00adafan 於 07-12-11 18:12 發表
佢有溫的，就算不合格都沒所謂，因為有盡力！
agreed.
作者: Sandra_100 時間: 07-12-12 08:59
Totally agree with you. Don't care too much on the mark. There are too many people in HK just focus on $$ and marks. We need to remember and think about what's the core value of our life...... I saw too many people even 大學生 are useless and just focus on $$ but not their work.....
Don't become 金錢 and 分數既奴隸.
原文章由 csy_ma 於 07-12-11 19:22 發表
唉！都係果句：邊個做父母既唔想自己既小朋友名列前茅？當然係愈高愈好．
為乜？最終咪都係希望佢地響競爭中建立自信，愈讀愈有趣．
但係，假如家長剩係睇分數俾評價，冇細心留意到小朋友既努力，咁咪即係引導小朋友去做分數既奴隸．．．到佢大個時，冇人俾到分數佢，佢又咪變咗金錢既奴隸，又或者俾外人冇厘頭既評價牽住鼻子走咯
－－自信唔係由心度發出黎，學習興趣係靠高分黎維繫，都幾易俾不可預知既變動打殘（起碼小朋友到咗反叛期，會問點解要咁時，就會好煩 ）．．．連家長都對佢地自己個囝囡冇自信，佢地點樣可以培養自己既自信？唔怪得而家d大學生成日俾人話係高分低能兒
作者: pumbaa 時間: 07-12-12 09:35
My standard should be minimum 90.
For primary school, I think the students must be the all-rounder that those subjects are foundamental.
However, it also depends on standard of the school. When you know most of your classmates get 98-100 
, you will think 90 is reasonable (or even too low).
作者: kitbebe 時間: 07-12-12 10:43
最好就90分以上, 不過如果佢盡左力, 都無辦法, 要收貨
作者: Nymph_ 時間: 07-12-12 11:29
我會睇番小朋友嘅能力,不過會着重佢有冇盡力同睇埋佢嘅讀書態度.
:) :) :) :) :)
作者: 寶貝豬的媽咪 時間: 07-12-12 12:07
其實我不嬲都覺得小朋友盡咗能力就ok, 但有時d同學太勁或者學校程度比較深, 咁問題就唔係自己小朋友身上. 無奈嘅就係自己雖然明白呢個道理, 但始終小朋友都要同同學仔競爭, 而家小二仲未覺有問題, 但去到小四之後...我相信問題就會出現 .
Anyway, 我都會按自己小朋友能力盡量幫佢upgrade自己, 我只係想問下其他媽咪的想法, thank you晒你地
作者: csy_ma 時間: 07-12-12 12:20
原文章由 Nymph_ 於 07-12-12 11:29 發表
我會睇番小朋友嘅能力,不過會着重佢有冇盡力同睇埋佢嘅讀書態度.
:) :) :) :) :)
以下摘自今日頭條網：
幸福摩天輪——打在兒身
2007年12月12日
潘麗瓊
永遠忘不了這一幕，那是明媚的六月天，我拖大女兒的小手離開學校，但全身都憤怒得在發抖，我努力壓低聲線說：「乖女呀，媽咪不會鬧你的啊，下次俾心機囉！」語音剛落，我又被盛怒戰勝，突然發起瘋地說：「你有冇搞錯，考尾三？你點解咁懶？媽咪和爹返工那麼辛苦，你為甚麼不好好努力！」眼淚流了滿面，我大聲叱喝：「你伸出手來！」
女兒低下頭，顫抖抖地伸出手來「受刑」，看她的小手，我渾然忘卻出生僅有兩磅的她，當年是可憐地瑟縮在深切治療病房的暖氣箱，我是何等義無反顧地向上天發誓，承諾即使女兒智障或殘障，我都會照顧她，連事業都可拋棄。怎料到她熬過生死大關，健康成長唸上小一後，我竟狠狠揮手打在她比一般小孩瘦小得多的手板上，一下一下，也不管路過同學的好奇眼神，女兒羞愧的臉……
打在兒身，痛在母心。我發現每一下女兒承受的痛楚，都像回力刀一樣，反擊在自己的心上，其實，我不過是在發泄，她只會變得反叛、失去自信，更加恨我，成績卻沒丁點兒沒進步。終於有一天，我向女兒道歉並許諾以後，不再打手板，連罵也不會。
三年下來，我絕不體罰，雖然有時控制不了脾氣會罵她，但心痛得很，必須向她道歉才能入睡。放棄暴力，改以愛相待。女兒的成績反而好起來，數學還是在肥佬邊緣，但最近三次英文默書卻拿了滿分，最令我感動的，是她變得緊張起來，拿默書紙要我幫她溫習。
分數不重要，重要是她內心的動力，而非外在的暴力，我快樂得舉起她的小手，吻了又吻呢！
[ 本文章最後由 csy_ma 於 07-12-12 12:58 編輯 ]
作者: mickeywinnie3 時間: 07-12-12 12:48
好感動! 我常常想控制自己不要太激的責罵我仔, 因昨晚佢好洩, 忍不住又打又罵他了, 佢的性格好難教, 我也就瘋了, 什至想放棄及逃避他,...社會不容許父母打孩子.......好辛苦好大壓力!
原文章由 csy_ma 於 07-12-12 12:20 發表
以下摘自今日頭條網：
幸福摩天輪——打在兒身
2007年12月12日
潘麗瓊
永遠忘不了這一幕，那是明媚的六月天，我拖大女兒的小手離開學校，但全身都憤怒得在發抖，我努力壓低聲線說：「乖女呀，媽咪不會鬧你 ...
作者: csy_ma 時間: 07-12-12 12:51
原文章由 寶貝豬的媽咪 於 07-12-12 12:07 發表
其實我不嬲都覺得小朋友盡咗能力就ok, 但有時d同學太勁或者學校程度比較深, 咁問題就唔係自己小朋友身上. 無奈嘅就係自己雖然明白呢個道理, 但始終小朋友都要同同學仔競爭, 而家小二仲未覺有問題, 但去到小四之後.. ...
寶貝豬媽咪：
您有冇覺得，小二生要響中英科考高分，就算背默晒d課文，都係未必做到？
而家跟教改條路行，我諗間間學校考卷都會偏重課外野，著重理解同消化．好似我囡間學校咁，小二默書佢攞97（平均）分，級排名已經係50過外，但係中文卷一只得78分，級排名卻有34－－呢個情況，聽講愈到高年級愈嚴重，很多小朋友響中英默都攞到95分以上（包括10%unseen部分），not a big deal，但係考理解既卷一同考應用既卷二，要80分以上都幾難
－－以咁睇黎，分數既野，真係幾唔可靠．．．
bk有個幾另類既家長Eviepa，佢話響囡囡初小階段，絕對唔鼓勵佢去溫書，而家佢個囡好似已p6，成績唔錯，幾乎肯定可升band1咁話．佢介紹我去睇返佢地以前既討論，去睇過，幾有啟發．
您小朋友才小二，仲大把時間打好個底．香港個塘咁大，我地小朋友將來仲要同內地班精英競爭，俾學校d分數牽住鼻子走，真係唔係咁值得 ．小朋友既分析力和自信的培養，係講長線既，Eviepa對自己好有信心，所以佢堅持到俾個囡行愉快而有效既學習路，您得閒不妨參考吓：
溫書是一種高投入、低回報的活動
http://forum.baby-kingdom.com/viewthread.php?tid=627534&extra=page%3D1&page=1
p5的英文及數學科
http://forum.baby-kingdom.com/viewthread.php?tid=457151&extra=page%3D1&page=8
作者: mattsmum 時間: 07-12-12 13:13
eviepa's case is only possible in a school where teachers don't care about marks.
otherwise it is a deadend too.
原文章由 csy_ma 於 07-12-12 12:51 發表
寶貝豬媽咪：
您有冇覺得，小二生要響中英科考高分，就算背默晒d課文，都係未必做到？
而家跟教改條路行，我諗間間學校考卷都會偏重課外野，著重理解同消化．好似我囡間學校咁，小二默書佢攞97（平均）分，級排名已經係50過外，但係中文卷 ...
作者: lsmtkc 時間: 07-12-12 13:14
其實無話幾多分才滿意,要睇自己小朋友的資質平定, 有時太細未開(繞),我有幾個朋友的仔女都系甘,1-3年班成績平平,有d科重唔合格tim, 點知到了四年級,他突然開(繞)成績不斷進步,所以不要太緊張,你要不斷鼓勵 小朋友,不要令他討厭上學 ,可以幫他訂立一些小目標,令他可以達到的,就送他一些小禮物,但目標一定不要太高, 如他默書次次唔合格,今次只要合格就ok, 慢慢再將目標提高.這辦法很有效的,我小朋友今年四年班,在一,二年級時成績也是平平的,科科80分左右, 但在在三年級下學期終於拿到全級第三名
,他今年自己定下目標要拿全級第二名.
作者: 寶貝豬的媽咪 時間: 07-12-12 15:35
csy_ma,
我就係明白學習不是求分數的道理, 所以我真的不會要求佢地科科90分, 只求佢地盡力而為同埋拎個心出黎讀書...唔心散已經非常好.
只不過香港的教育制度係咁樣, 自己都無辦法太另類, 實在身不由己
. 我只係post上黎同大家分享吓意見, 我都是書就照溫, 綀習就weekend先做, 做完就去玩!玩!勁玩 . 小朋友o係學校的分數不過不失就算, 學其他媽咪咁講, 最緊要有心機讀書...咁就一定讀到書.
長路遙遙...仲有排行, 記得尋晚同亞囡溫書, 佢鬼死咁眼瞓, 佢見我又係鬼死咁眼瞓, 佢同我講"媽咪, 你好眼瞓呀?" 我話"係呀, 但唔緊要, 我點眼瞓點肚餓都會等埋你, 媽咪會一直陪住你:loveliness:." 囡囡聽完之後就好乖, 點辛苦都溫埋書先瞓:)
原文章由 csy_ma 於 07-12-12 12:51 發表
寶貝豬媽咪：
您有冇覺得，小二生要響中英科考高分，就算背默晒d課文，都係未必做到？
而家跟教改條路行，我諗間間學校考卷都會偏重課外野，著重理解同消化．好似我囡間學校咁，小二默書佢攞97（平均）分，級排名已經係50過外，但係中文卷 ...
作者: wunma 時間: 07-12-12 15:49
提示: 作者被禁止或刪除 內容自動屏蔽
作者: judy 時間: 07-12-12 16:16
原文章由 wunma 於 07-12-12 15:49 發表
如果我個細路, 上課做功課都用心, 有責任感, 愛學習, 愛探索, 肯嘗試, 我諗, 我已經好滿意, 測驗考試幾多分都冇所謂 (亦唔到我們有所謂).
有些人認為, 至少要90分才滿意, 老實說, 是冇意思的. 全班都有90幾分, 你有 ...
我就会睇咗份卷先，如果他應該識嘅識，咁就OK啦！
作者: wunma 時間: 07-12-12 16:42
提示: 作者被禁止或刪除 內容自動屏蔽
作者: 寶貝豬的媽咪 時間: 07-12-12 16:42
你最後個句好精景
原文章由 wunma 於 07-12-12 15:49 發表
如果我個細路, 上課做功課都用心, 有責任感, 愛學習, 愛探索, 肯嘗試, 我諗, 我已經好滿意, 測驗考試幾多分都冇所謂 (亦唔到我們有所謂).
有些人認為, 至少要90分才滿意, 老實說, 是冇意思的. 全班都有90幾分, 你有 ...
作者: wunma 時間: 07-12-12 16:53
提示: 作者被禁止或刪除 內容自動屏蔽
作者: TWMa 時間: 07-12-12 18:02
原文章由 judy 於 07-12-12 16:16 發表
我就会睇咗份卷先，如果他應該識嘅識，咁就OK啦！
最弊通常都係應該識嘅反而錯呢
淨係睇分數真係冇意思, 但唔定標準, 又會有每下愈況的危機 
作者: ZZdaphne 時間: 07-12-12 23:40
如果阿女要溫習兩個鐘會得到100分，
咁我寧可佢溫個半鐘得85分，
有半個鐘休息，或安靜下。
除了讀書，生活還有很多很多。。。。。。。
作者: eviepa 時間: 07-12-13 00:31
原文章由 mattsmum 於 07-12-12 13:13 發表
eviepa's case is only possible in a school where teachers don't care about marks.
otherwise it is a deadend too.
mattsmum,
明年女兒就要回歸傳統學校讀中一了，但我還是覺得，除了呈分試及三三四新會考外，分數、名次的意義並不是很大。
中學的玩法和小學大有不同，課本裡很多基礎的知識是必要記牢的，就算激進如小弟也不可能讓女兒像讀小一到小四一樣，完全不溫書。但我深信，只要上課用心聽講，課餘用很少的時間就已經可以將骨幹部分記牢，便可以做其他更有意義的活動，到高中時就可以騰飛了。
因此，我已和女兒定了一個輕輕鬆鬆的約章，就是在初中的三年裡，除做完功課外，她每天平均抽出十五分鐘時間來溫習課本，就是大約每星期差不多兩小時的溫書時間，而且，這個約章是要靠自律，沒有人會統計著她的溫書時間的。
我覺得，初中階段，在會考尚未殺到埋身時，要儘快將中、英、數的根基打好，其他的科目，記牢骨幹部分就夠了，讀得太仔細，花得太多時間，取得太高分是浪費青春，不如將騰出來的時間去玩耍、去閱讀課外書、去休息........。
這樣的方法，幾乎肯定日後會被她的老師召喚，詢問為何女兒未盡全力，這時我會將這壓力頂住，讓女兒可以天天享受人生，享受讀書之樂。
eviepa
[ 本文章最後由 eviepa 於 07-12-13 01:40 編輯 ]
作者: eviepa 時間: 07-12-13 01:52
原文章由 寶貝豬的媽咪 於 07-12-12 15:35 發表
csy_ma,
我就係明白學習不是求分數的道理, 所以我真的不會要求佢地科科90分, 只求佢地盡力而為同埋拎個心出黎讀書...唔心散已經非常好.
只不過香港的教育制度係咁樣, 自己都無辦法太另類, 實在身不由己. ...
在小學階段，我從來不會叫女兒「拎個心出黎讀書」，因為絕大部分的小孩子的特質是只會自發地做「喜歡做的事」，不會做「重要的事」。要求兒女「拎個心出黎讀書」，是要求過高的。
因應這特質，最佳的策略是，儘量找尋較不沉悶的學習工具，以英文為例，Play Group, DVD, 閱讀淺易英文故事書是上佳選擇；補習、補充練習、背生字是下策。
eviepa
作者: eviepa 時間: 07-12-13 02:04
原文章由 csy_ma 於 07-12-12 12:51 發表
bk有個幾另類既家長Eviepa，佢話響囡囡初小階段，絕對唔鼓勵佢去溫書，而家佢個囡好似已p6，成績唔錯，幾乎肯定可升band1咁話．佢介紹我去睇返佢地以前既討論，去睇過，幾有啟發．
csy_ma,
響自己地頭唔方便曬個女D威水史，我之所以差不多肯定囡囡是Band 1係因為今年佢中、英、數三科都分別入了拔尖組，如果咁樣都做唔到Band 1生，我真係無話可說了。
我的策略是：留前鬥後。平時分數、名次不重要，最重要的是在重大的考試中取得佳績。
eviepa
作者: 嫦娥一号 時間: 07-12-13 02:55
有一位很緊張分數的媽媽和我說：小兒常識考得很底分，她用想哭的語調來訴說。
我回應道：這一份卷拿了滿分，也並不能代表我們的孩子常識豐富。拿不到高分 ，也不表示我們的孩子常識不夠。(小兒不高分。)
無論我兒拿多少分，我對他的課外知識之豐，很有信心，他巳超越很多同學，他愛求知，喜閱讀，學校的所謂考常識=把標準答案寫好。
各位家長別為了多少分才達標而盲忙，P.1-P.4多看課外中英文書、國家地理記錄片。不需為了那些分、又要打、又要鬧，回頭一看，拿了100 分又如何？
我們別忘，什麼是教育？難道你認為拿了100分就是學習的終點？可悲！
享受校園生活，努力求知，不問分數！成功可望！
作者: manman06 時間: 07-12-13 08:28
原文章由 Nymph_ 於 07-12-12 11:29 發表
我會睇番小朋友嘅能力,不過會着重佢有冇盡力同睇埋佢嘅讀書態度.
:) :) :) :) :)
昨天晚上收到囝囝的中文卷分數, 唔合格!! 但我想起你們的話, 我都平常心去回應囝囝, 因他平時很緊張d分數, 可能他見到我反應(沒有責罵), 他不但沒有唔開心, 重好開心地玩耍!! 但令我最頭痛的是怎樣教他處理班中的名次, 怎樣教他不要放棄讀書!!
作者: julietta 時間: 07-12-13 10:19
原文章由 manman06 於 07-12-13 08:28 發表
昨天晚上收到囝囝的中文卷分數, 唔合格!! 但我想起你們的話, 我都平常心去回應囝囝, 因他平時很緊張d分數, 可能他見到我反應(沒有責罵), 他不但沒有唔開心, 重好開心地玩耍!! 但令我最頭痛的是怎樣教他處理班中的 ...
"求學不是求分數", 呢句話講得瀟洒, 如果仔女真係屢次低分, 考試包尾, 咁真係唔可以咁瀟洒講呢句說話, 尤其是在香港呢個咁公利嘅社會, 競爭好大, 不進則退。以你嘅情況, 應該同佢好好傾下, 鼓勵下佢, 分析下如果不努力, 第二時嘅前途怎樣。當然要看小朋友是否夠成熟去理解，如今日唔明白, 就要多加教導, 亦不是施加壓力, 只係坦誠地去面對, 共同尋求解決方法啫。
作者: csy_ma 時間: 07-12-13 10:56
原文章由 ZZdaphne 於 07-12-12 23:40 發表
如果阿女要溫習兩個鐘會得到100分，
咁我寧可佢溫個半鐘得85分，
有半個鐘休息，或安靜下。
除了讀書，生活還有很多很多。。。。。。。
作者: csy_ma 時間: 07-12-13 11:11
原文章由 嫦娥一号 於 07-12-13 02:55 發表
我們別忘，什麼是教育？難道你認為拿了100分就是學習的終點？可悲！
作者: cp媽 時間: 07-12-13 11:41
本人覺得分數高底不是最重要,最重要是小朋友的品德禮貌,因為我見過一D名校學生,老師講說話一D禮貌也沒有,就算科科90至100分又怎樣?可以代表什麼?有沒有想過我們一定要小朋友考到特定分數當考不到會怎樣?小朋友內心又會怎樣想?在壓力之下會不會做出一些我們沒有想過的事呢?
我只要教小朋友用個心去做每一件事,我不想好像現今的青少年做每件事不認真又無禮貌,只要小朋友讀得開心又有品德我就開心,因為讀書是可以一生進修.原文章由 寶貝豬的媽咪 於 07-12-11 12:14 發表
我覺得唔知係咪自己對小朋友要求過低, 佢地考到80分以上我都已經接受, 當然佢地可以係無壓力之下可以拎到越高分越好. 但聽埋其他家長的意見後...... ...
作者: csy_ma 時間: 07-12-13 12:11
原文章由 manman06 於 07-12-13 08:28 發表
昨天晚上收到囝囝的中文卷分數, 唔合格!! 但我想起你們的話, 我都平常心去回應囝囝, 因他平時很緊張d分數, 可能他見到我反應(沒有責罵), 他不但沒有唔開心, 重好開心地玩耍!! 但令我最頭痛的是怎樣教他處理班中的 ...
manman06：
我囡響小一，到現時小二時，中文都係最弱項
．小一，係默書差，剛升小一既兩個月後，就要應付過百個字範圍既中默考試，我地真係投晒降 ．後來漸適應默書，輪到讀本，都係點都上唔到，總響6-70分徘徊（難為我同老公都係靠中文搵食 ）．
我地都諗過好多蹺，包括迫佢做我之前唔係咁like既補充練習，有空玩時間地點人物等等，後來發現，最慳力同有效（雖然要長d時間先見到）既方法，除咗默書幫吓佢外，就係導佢睇書／漫畫．
我囡睇書既習慣，自小都比較蹊蹺－－幾個月甚至更長既時間內，佢只係睇一兩本書，就算聽我地讀到識背，都係果本－－絕非廣泛閱讀．到小一下學期，佢開始肯自己攞漫畫黎睇，都係咁．所以我地都對鼓勵閱讀呢個方法冇乜信心．
不過，同d媽咪講既一樣，人大咗，其實我地都冇乜做野，佢自己就會突然開竅少少．舊年導佢睇既漫畫，佢今年仲係會不斷睇（同一套 ），偶然會跟我提起有關書既內容同評價，另一方面，我地發覺佢識字量慢慢會多咗，做閱讀理解功課，都可以讀出大部分既字．理解能力亦慢慢強咗．．．
到而家，佢中文成績都係未達到我地共同定既要求（80分），但同我之前所講，可能卷深咗，其他同學都退步咗，佢不退就好似叻咗好多咁．
我囡讀既，係傳統學校，所以唔似得Eviepa囡囡咁幸福，放學首先要完成功課．小朋友都係集中唔到精神既，通常完成到，仲有時間坐響度食親飯都已算唔錯
，每日練琴對我囡來講，算係奢望
．但係當佢有機會”偷雞”時，都會隨手攞起碰到既漫畫／書／雜誌靜靜睇，催促佢做功課時，佢會要求睇到xxx．．
－－其實我響度偷笑，因為深信，無論佢而家鍾意睇既，係《老夫子》定係日本漫畫好，只要佢有書緣，有睇書既欲望，到咗高年級，大概都會有更進一步既空間 ．因為我自己都係咁．自小鍾意睇雜書，唔鐘意溫書，中學成績唔見好，但睇書既累積，在大學要做paper時就出倒黎．到而家，我既前上司其實都有研究生幫緊佢手做野，但係都迫我做唔到全職家庭主婦，就因為語文表達同分析力，係要累積既，且似乎一代不如一代．．．
所以，參考吓Eviepa既教囡方法－－去到中學，冇邊個成績頂尖既小朋友係唔鍾意睇書既．要語文好，唔可能靠做補充練習，一定要培養閱讀習慣，就算而家見唔到明顯實效，將來都會現形．俾d信心同耐心，努力發掘d佢感興趣既書撻著佢，相信係最慳力既溫習方法（您仲可以參考嫦娥一號個仔既方法）．
大家一齊努力吧！
作者: manman06 時間: 07-12-13 13:10 標題: 回覆 #46 csy_ma 的文章
csy_ma:
謝謝你的分享. 其實他比起k3時已有不同, 起碼他會留意四周的廣告,大廈通告, 常問我d字怎樣讀,點解等等.不過d重組,改寫,擴張句子等都好弱 
作者: Terry280905 時間: 07-12-13 13:20
原文章由 littlesister 於 07-12-11 16:28 發表
要視乎學校課程囉, 囡囡小二開始, 我已經把要求降至80分以上:
ME TOO.
作者: csy_ma 時間: 07-12-13 14:56
原文章由 manman06 於 07-12-13 13:10 發表
csy_ma:
謝謝你的分享. 其實他比起k3時已有不同, 起碼他會留意四周的廣告,大廈通告, 常問我d字怎樣讀,點解等等.不過d重組,改寫,擴張句子等都好弱 ...
重組，有媽咪提議過話可以玩字卡遊戲：將名詞、動詞、時態、地點片語等製成不同顏色既咭，然後同小朋友輪流作句．不過我地未實踐過（倒是英文有玩過類似既，效果都ok）
至於改寫同擴句，其實有d係純粹機械式既練習，您小朋友唔得，可能係智力年齡未到而已－－我囡以前都係咁，我留意到，相對起比佢細、但成績好過佢既同學仔，我囡連諗野都天真d－－佢未必分辨到同學仔講邊d野係認叻，小一時又冇乜個人擁有權既概念．．．呢d野，惟有耐心等，急唔黎既
作者: judy 時間: 07-12-13 15:05
原文章由 TWMa 於 07-12-12 18:02 發表
最弊通常都係應該識嘅反而錯呢
淨係睇分數真係冇意思, 但唔定標準, 又會有每下愈況的危機
就算錯都可看得出識定唔識。
解決每下愈况之危機，我有心得，就係禳佢衰一次，以後，你就會见到佢好似慢慢進步。
作者: wunma 時間: 07-12-13 15:25
提示: 作者被禁止或刪除 內容自動屏蔽
作者: judy 時間: 07-12-13 15:43
原文章由 wunma 於 07-12-13 15:25 發表
咁似我個囡既? 佢又係小一果時, 我叫佢上課要用心d, 如果唔係會退步架. 點知佢同我講: 咁都要先退步, 然後至可以進步架?
性格决定命運，有啲小朋友無論你點谷，佢都係中游位置，就好似我阿二咁。最近和他選中學，真係麻煩死人啦。不過，平時咩都唔關佢事，讀書讀到好似帮我讀嘅佢，競然主動和我商量，可算意外收獲。
作者: TWMa 時間: 07-12-13 15:50
原文章由 judy 於 07-12-13 15:05 發表
就算錯都可看得出識定唔識。
解決每下愈况之危機，我有心得，就係禳佢衰一次，以後，你就會见到佢好似慢慢進步。
唉, 個囡好識自我安慰, 衰咗就會向 "下" 舉例, 證明自己唔算衰架
我以前的標準都係 "盡力就好", 佢每次亦都會答我 "有盡力" 啊, 事後咪知咩事囉
依家改變策略, 訂標準俾佢, 佢又真係會睇個標準黎 "盡力" 囉, 求之上得之中, 如果求中就分分鐘得下啦, 冇法!
(雖然事實上, 我都係睇份卷黎決定使唔使鬧, 但千祈唔好俾佢知 )
作者: BonnieKam 時間: 07-12-13 15:54
me too, 8字頭我已ok (原來自已的要求係咁低)
求學不是求分數, 試卷有時會深有時會淺, 好難定
一個標準的, 最重要係睇個小朋友有無儘到力,
吓吓都比d分數框住, 咁樣讀書太可悲啦 !
原文章由 littlesister 於 07-12-11 16:28 發表
要視乎學校課程囉, 囡囡小二開始, 我已經把要求降至80分以上:
| 歡迎光臨 教育王國 (/) |
Powered by Discuz! X1.5 |