教育王國

標題: 個仔仲好依賴我幫佢溫書, 點算? [打印本頁]

作者: mimikitty28 時間: 07-12-11 12:11 標題: 個仔仲好依賴我幫佢溫書, 點算?

由細到大都是我陪佢溫, 依家升到上中一又係, 叫佢自己溫書, 溫左幾粒鐘都吾知溫左d咩, 到我放工返屋企問佢佢又吾識, 要我話比佢知邊d係重點要記, 點算

作者: Goody 時間: 07-12-11 12:20

你試下完全唔好理佢, 等佢考完咪知自己衰乜。咁倚賴高d年級一定唔掂架!

原文章由 mimikitty28 於 07-12-11 12:11 發表
由細到大都是我陪佢溫, 依家升到上中一又係, 叫佢自己溫書, 溫左幾粒鐘都吾知溫左d咩, 到我放工返屋企問佢佢又吾識, 要我話比佢知邊d係重點要記, 點算 ...

作者: vespa 時間: 07-12-11 12:24

咁唔自動自覺, 俾佢考第一都無用, D分數係亞媽唔係佢嘅, 唔會有成就感...做家長係時候放手啦...

作者: sorlo 時間: 07-12-11 13:03

慢慢一步一步泥, 等佢習慣, 唔係一下成績drop 左就建立唔番自信

作者: 火影忍媽 時間: 07-12-11 14:27

我都覺得唔可以完全放手,但自己又唔識,所以亂比佢温(有殺錯無放過),回到家中他是認真温習了,但不是我給他的,真氣憤,點知佢仲同我講:覺得唔會出得咁無聊,所以溫番自己認為出的東西.之後老公同我講:扺你比阿仔寸,而家是讀中一,唔係讀小學,你仲係度大包圍,阿水都唔同你溫啦!多多時間到唔夠用啦!

今天早上,阿仔考完試後打電話給我說:你好叻呀!竟然可以一條都無出過,哈哈哈哈!

所以呢條橋都幾work!

作者: mimikitty28 時間: 07-12-11 14:45

我同亞仔都係因為考試溫書而冷戰緊, 以往佢考完試我都會打電話問下佢考成點, 今日就無打, 好心痛, 吾知為咩, 真係古人講得arm, 為誰辛苦為誰忙....????佢一d都吾感恩, 仲覺得你好煩.

作者: 火影忍媽 時間: 07-12-11 15:08

絕對明白你的心情. 如果明天還要考試的話,還要死死地氣同佢温,完全無尊嚴

不過,兩母子無隔夜愁的!

作者: ruby2004 時間: 07-12-11 15:18

原文章由 火影忍媽 於 07-12-11 15:08 發表
絕對明白你的心情. 如果明天還要考試的話,還要死死地氣同佢温,完全無尊嚴
不過,兩母子無隔夜愁的!

完全係過來人 , 身同感受:cry:

作者: mimikitty28 時間: 07-12-11 16:06

依家做父母好慘, 怕左d仔女多過怕米貴, 無哂尊嚴, d專家仲成日話吾好鬧佢地, 驚傷害左佢地的弱小心靈, 但有無人替d父母想下, 其實比人hurt得最多的是父母呀, 如果做錯左野吾駛比人鬧或負責任, 在屋企就話父母原諒遮, 第時出黎做野又咪比老闆鬧到爬係度

, 所以依家d細路yuk d就自殺就咁解啦, 完全失去哂抵抗逆境的能力,

作者: Goody 時間: 07-12-11 16:22

所以我成日同亞我女分享下BK d 父母心聲，等佢知道下囉。

原文章由 mimikitty28 於 07-12-11 16:06 發表
依家做父母好慘, 怕左d仔女多過怕米貴, 無哂尊嚴, d專家仲成日話吾好鬧佢地, 驚傷害左佢地的弱小心靈, 但有無人替d父母想下, 其實比人hurt得最多的是父母呀, 如果做錯左野吾駛比人鬧或負責任, 在屋企就話父母原諒遮, ...

作者: 朱仔媽咪 時間: 07-12-11 23:18

身同感受!
今年升Form 1, 開頭2個月比佢自己溫, 亦同佢說明俾機會佢嘗試. 他非常開心, 但結果在合格邊緣, 時高時低好似恒生指數咁.
立即唯有take up番, 但他說只想繼續開開心心讀書, 合格就得喇! 當時不容許, 而成績亦追番. 現在考試更加唔放手, 但亦強調之後的測驗由他再度嘗試....因不可能永遠幫他.

在我來說, 如果結果唔理想, 但仍放手, 那真是聽天由命, 等他開曉???如果根基唔好, 那就算他開曉, 亦可能沒有恆心由頭追過...故無論如何, 應keep住, 免得他放鬆過頭, 對學習失去興趣.

ops:" />

歡迎光臨教育王國 (/)