教育王國

標題: 普通話教中文課 [打印本頁]

作者: HelloKitty* 時間: 07-12-3 00:23 標題: 普通話教中文課

請問有冇家長小朋友係用緊普通話上中文課呢? 可否分享一下小朋友的學習情況、學習心得及學習表現呢? 您地認為這樣上課是否真的提升了小朋友的語文能力呢?

我見之前有報導話用普通話上中文課的小朋友閱讀能力不及用廣東話上中文課的小朋友，我想了解多一點。因為小兒明天入小一，他的學校可以選讀普通話班。雖然未知是否能入讀，但我都想知其效果如何。

謝謝大家的分享!

作者: joefoon 時間: 07-12-3 01:52

原文章由 HelloKitty* 於 07-12-3 00:23 發表
請問有冇家長小朋友係用緊普通話上中文課呢? 可否分享一下小朋友的學習情況、學習心得及學習表現呢? 您地認為這樣上課是否真的提升了小朋友的語文能力呢?

我見之前有報導話用普通話上中文課的小朋友閱讀能力 ...

我都想知

作者: jk67jk 時間: 07-12-3 10:32

全普通話教中文的津小大部份開始了這計劃不久而已﹐只兩、三年好難知道成效﹐但我很相信一星期只一堂普通話課是不夠的﹐用普通話教中文才可以增加使用普通話及令其進步。

至於因為用普通話教學而導致閱讀能力下降我到今日為止是不同意的。

小兒因只剛升讀小一﹐所以數據也不能作準。可是﹐普教中﹐並不減低他閱讀的能力。一般課外書﹐我們還是以廣東話一起閱讀的﹐而暫時大部份他的中文閱讀理解功課﹐老師在堂上有時間讀一遍時是用普通話﹐但若已下課未有時間讀一遍時﹐孩子在家中會以廣東話給我讀一遍﹐完全冇難度。

對父母能操流利普通話的﹐孩子當然更能在平時的閱讀引用普通話 —— 如此一來﹐普教中是完全沒有問題。

對我這個普通話不行的母親﹐我會只要求他以普通話朗讀學校以普通話教的課文及其他補充文章。但若老師沒有教的﹐我會讓他以他熟悉的廣東話閱讀。況且﹐一般津小即使以普教中﹐但常識及數學也是以廣東話教授﹐也學會很多中文字的廣東話讀法﹐我完全不覺得會因普教中致使孩子閱讀能力下降。除非家長自己不懂普通話﹐在家又堅持孩子要以普通話閱讀﹐因而使孩子對閱讀失去興趣！:-|

[ 本文章最後由 jk67jk 於 07-12-3 17:28 編輯 ]

作者: shingshing1223 時間: 07-12-3 13:31

小兒的學校都是以普通話上中文的, 在家時我都會先以廣東話講課文及解釋一次課文內容再及以普通話講一次, 平時課外閱讀都是用廣東話, 我覺得沒有什麼困難, 只是看父母願意付出多少時間.
要提升語文能力不可能單靠學校的課程, 還要從小養成閱讀習慣呢!

原文章由 HelloKitty* 於 07-12-3 00:23 發表
請問有冇家長小朋友係用緊普通話上中文課呢? 可否分享一下小朋友的學習情況、學習心得及學習表現呢? 您地認為這樣上課是否真的提升了小朋友的語文能力呢?

我見之前有報導話用普通話上中文課的小朋友閱讀能力 ...

作者: dickielam 時間: 07-12-3 13:57

我仔都是剛升小一, 他的中文及常識也是用普通話教, 我覺得好好.
因為以前幼稚園教他唱普通話歌, 他回來也不肯唱給我聽, 但現在, 反而他夠膽試講.
當然, 我覺得若只交給學校, 而身為家長不付出一點努力, 那小朋友的閱讀能力是不關用什麼語言的事.
若有得罪地方, 請多多包涵.

原文章由 HelloKitty* 於 07-12-3 00:23 發表
請問有冇家長小朋友係用緊普通話上中文課呢? 可否分享一下小朋友的學習情況、學習心得及學習表現呢? 您地認為這樣上課是否真的提升了小朋友的語文能力呢?

我見之前有報導話用普通話上中文課的小朋友閱讀能力 ...

作者: fanmum 時間: 07-12-3 13:58

提示: 作者被禁止或刪除內容自動屏蔽

作者: LULU2007 時間: 07-12-3 15:38

小朋友從P.1學普通話效果很好, 起码發音& 聽方面十分準確, 值得去試!

作者: G-Ma 時間: 07-12-3 17:06

我囡囡亦是小一開始用普通話教中文, "聽, 講"都好咗好多, "寫"因暫時寫既野未係太多, 未算好明顯, 但相信一定有幫助.

作者: navigator 時間: 07-12-3 17:30

原文章由 HelloKitty* 於 07-12-3 00:23 發表
請問有冇家長小朋友係用緊普通話上中文課呢? 可否分享一下小朋友的學習情況、學習心得及學習表現呢? 您地認為這樣上課是否真的提升了小朋友的語文能力呢?

我見之前有報導話用普通話上中文課的小朋友閱讀能力 ...

女兒的學校，從一年級開始就用普通話教授中國語文了。她現在已三年級了。雖然談不上是非常之有效果，但多多少少都有點作用。特別是在寫作方面發揮較顯著，文筆也較為通順，減少用口語化的錯誤表達。唯美中不足的是其在誦讀方面有些不足；有些詞語只會國語的發音，卻不會粵語的發音，家長往往需要再跟進這個範疇填補其不足之處。

作者: HelloKitty* 時間: 07-12-3 18:03

多謝晒您地o既分享!

我都認為閱讀能力不完全靠用普通話上課或廣東話上課，家長的付出也功不可沒啊!

原文章由 navigator 於 07-12-3 17:30 發表

女兒的學校，從一年級開始就用普通話教授中國語文了。她現在已三年級了。雖然談不上是非常之有效果，但多多少少都有點作用。特別是在寫作方面發揮較顯著，文筆也較為通順，減少用口語化的錯誤表達。唯美中不足的是其在誦讀 ...

作者: joefoon 時間: 07-12-3 23:54

謝謝各位

作者: 叉燒媽咪 時間: 07-12-4 00:46

我仔上年轉讀K2的普通話學校, 我覺得好好, 一d我都唔識既用詞(日常用語, 談話語調等) 佢都會識, 呢d係 "一星期一堂" o個d 普通話堂唔會學到.
唔知start from 幼稚園同小學既分別大唔大, 但我相信唔會有反效果既...

作者: 叮鈴 時間: 07-12-4 09:54

我囝囝7歲，中作算不錯，學校是普通話教中文，不過，他作文時個腦袋絕對係用廣東話作，很少加插口語。他語文和作文的能力是平時閱讀的效果，跟普通話關係不是很大。

高層次的閱讀港童世界第一
http://hk.myblog.yahoo.com/jw!aH ... sN/article?mid=1169

作者: navigator 時間: 07-12-4 11:11

原文章由 HelloKitty* 於 07-12-3 18:03 發表
多謝晒您地o既分享!

我都認為閱讀能力不完全靠用普通話上課或廣東話上課，家長的付出也功不可沒啊!

除了在寫作方面有了一些幫助外，其實在聽和講普通話方面也有了提升。有了進步，她就開始特別留意當人講普通話時的音準問題；聽出了錯誤，她就笑人並即時說出正音... 真像個小老師。至於在聽的方面，目前來講，她可以聽得懂八成以上。現在的大趨勢是中國熱，很多外國人也積極地開始學習聽講普通話了。為了要聽清楚胡總和一眾北大人的訓示，也為了要做好呢份工，我們的煲呔曾不是也要半途出家急忙學好普通話的嗎？！小朋友在學校裏每週只靠那1-2節普通話課也只能學到一些皮毛，欲要加強學習效果，中國語文課用普通話來教授+答問絕對是另一個尚佳的學習平台，因為在家裏沒有多少人是以普通話為母語的。故要學曉中國人字正腔圓的普通話，我們的孩子從小就開始學習總是利多弊少啊！So why not？！

作者: Charlotte_mom 時間: 07-12-4 12:48

我女係小一開始用普通話教中文(即日日有堂), 聽/講基本上無問題, 上次去台灣旅行, 我叫佢自己去問野(問書局職員小童書o係邊), 佢自己都講得明聽得明lu(仲識repeat俾我聽.....小童書呀.......現在已經休息了........)
睇方面, 我唔會特別要求佢用廣東話or普通話, 佢覺得舒服就可以喇, 反而有時佢唔識讀普通話, 問我我都唔識答

好彩有字典! 不過講拼音, 個女一定好我百倍了!
寫呢, 同g-ma講一樣, 暫時未見明顯, 可能佢地都係習慣用廣東話表達思想, 希望大個d進步會明顯d啦

原文章由 G-Ma 於 07-12-3 05:06 PM 發表
我囡囡亦是小一開始用普通話教中文, "聽, 講"都好咗好多, "寫"因暫時寫既野未係太多, 未算好明顯, 但相信一定有幫助.

作者: HelloKitty* 時間: 07-12-15 19:18

謝謝大家的分享! 還有其他家長可以分享一下嗎?

作者: IRON 時間: 07-12-16 20:37

我仔仔講野差過同齡好多, 初時要選國語上堂真係有d猶豫, 但老公就極想; 開學2個月真係頭痛, 因差不多每日都要預習課文, 老實講自己都要聽幾次cd, mark埋音先識教佢, 莫講話叫佢自己聽自己學, 真係天光都唔駛訓.......但過左2個月又好奇怪, 基本上好多字都識, 預習一陣就ok, 而且同佢默字我講國語, 佢聽完會自講, 哦, 係xx(廣東音), 我都唔知點解

佢明白個字/詞意, 又會運用, 尚算ok.

老公而家就大大聲講都話阿仔得架啦, 佢又唔知我用左幾多心機, 嘿~~

不過講到拚音同什麼4聲我都唔掂, 功課佢自己搞掂, 我都唔識教.

作者: pen2012 時間: 07-12-17 17:46

我小女剛升小一, 都是用普通話教學, 小女放學回來會好自然去自己用普通話跟我對話,但我自己有請私人補習老師幫她學習, 她聽, 講都沒有問題, 如果書上有拼音, 佢自己都能夠很準地拼出,但寫方面, 我相信要再比多D心機, 佢就會更加好, 現在, 我一D都唔擔心佢普通話這一科,

作者: HelloKitty* 時間: 08-1-13 00:46

我諗家長的配合都好重要,right?

原文章由 pen2012 於 07-12-17 17:46 發表
我小女剛升小一, 都是用普通話教學, 小女放學回來會好自然去自己用普通話跟我對話,但我自己有請私人補習老師幫她學習, 她聽, 講都沒有問題, 如果書上有拼音, 佢自己都能夠很準地拼出,但寫方面, 我相信要再比多D心機, ...

作者: Grayston 時間: 08-1-14 13:51 標題: 普通話教中文課

各位媽咪:

請問可否透露一下你們小朋友的學校名稱?
又請問有沒有小朋友是在沙田區的小學就讀的呢?
(聽說培僑及培基也是用普通話教中文課的)

作者: muimui靚媽媽 時間: 08-1-14 22:05

普通話係全世界嘅大勢所吹,
我細女都係小一開始用普通話教中文,小朋友適應力強,
12歲前可以學好多種語言。有時唱下普通話(唐詩)歌,
可以學多些生字,都幾開心!!!:loveliness:

作者: leschelems 時間: 08-1-15 02:52

我曾收看電視報導，講述小學普通話教中文的成效。明顯地，小朋友的普通話音準和運用是有分別，不過，那家學校的學生，卻連一些很淺易的字，其廣東話讀音都會出問題，可見針無兩頭利。如果家長較看重普通話，普通話教中文倒也不妨。

至於是否對寫作有明顯幫助，我聽來的消息則是見仁見智。

歡迎光臨教育王國 (/)