教育王國

標題: 你哋有無同感 [打印本頁]

作者: brendan 時間: 07-11-7 01:05 標題: 你哋有無同感

我個小朋友已經6歲,啱啱經歷完一輪考小學戰火一役,我有時好擔心自己個小朋友好渣,見到人人d小朋友好fit 同smart,我又唔自覺跟佢比下去,不過我從來無比仔女發現我咁諗,我幫佢補咗幾樣嘢學,問過d老師,又話佢都ok,不過係有時慢d,同埋間唔時發下呆咁,但另一邊廂,我有d朋友見過佢學嘢同佢做d功課,都覺得佢ok,你哋有無同感,梗係好似隔離飯香d,又驚佢呢樣唔識,好似遲過人起步怕追唔上呢

作者: 銘銘媽 時間: 07-11-7 11:17

我都有同感既喎, 以前幼稚園果陣已經有呢個諗法, 可能由於亞仔係細仔(學校), 所以成日好擔心佢跟唔上, 而佢d 老師又成日同我講佢 ok 喎. 真係唔知自己太擔心, 定係人地飯香

作者: lyly 時間: 07-11-7 11:37

每個小朋友都有其特質, 千萬不要比較, 我自覺女兒亦非很聰明的小孩子, 但我好欣賞她愛和平,有愛心及隨和的性格, 若父母都"嚴棄"自己的子女,她怎會懂得愛惜自己呢? 大家努力啦!

作者: Kittymummy 時間: 07-11-7 12:15

人比人比死人呀! 依家先一年級, 唔可以代表d嘜. 讀書係一個長跑, 有d小朋友十下十下, 個腦好似仲未開(我個女都係咁). 慢慢嚟拉, 目前最重要係佢讀書態度, 品德.... 自然你會見到佢一年比一年進步 !

作者: bbdou 時間: 07-11-7 14:13

唔駛同人地的小朋友比較，人生有成幾十年，今日的表現唔代表d乜野，吾同的小朋友係唔同的環境下會有唔同的表現，如果環境啱，一個平時考試測驗唔合格的小朋友可以有好大的轉變。

我講我姨娚仔的實例。佢係混血兒，係香港出世，幼稚園同小學都係屋企附近的學校返學，但係香港的教學模式唔適合佢，小學時測驗考試最多只有30分，份人烚下烚下咁，但佢父母主張自由發揮，都冇乜點迫過佢讀書。到左中學，舉家返英國，係英國的學校讀書開始改變，有自己的目標，會向著目標一步一步邁進，宜家，佢已經係一個民航機師，有自己的家庭，而且好好仔！

作者: vanyau 時間: 07-11-7 15:04

偶然都有這樣的想法，但會立即告訴自己，人比人比死人，不要比較．
但人就係咁衰，樣樣都要擺嚟比下．
當然我唔會俾孩子知道我這想法的，還成日口中叫他們不要和別人比

．

作者: a961115 時間: 07-11-7 15:24

原文章由 vanyau 於 07-11-7 15:04 硐表
偶然都有這樣的想法，但會立即告訴自己，人比人比死人，不要比較．
但人就係咁衰，樣樣都要擺嚟比下．
當然我唔會俾孩子知道我這想法的，還成日口中叫他們不要和別人比． ...

係呀！係呀！我都係咁衰

作者: dickielam 時間: 07-11-7 15:30

我常常都會咁唸, 但我都知唔可以比較, 但真的很難. 因為會好擔心佢而家咁樣, 將來點算, 但我知要放低, 不然孩子會很辛苦, 到時變成"巴士亞伯"話咁, "你有壓力, 我有壓力...".

作者: SandyWu 時間: 07-11-7 17:49

我都係呀,又係因為同阿囡考小一而擔心佢唔及人,間間都有成千幾2千人考,but老公話間間學校都應該係ed小朋友考既,叫我放鬆d喎

作者: 已刪除用戶 時間: 07-11-7 20:58

我成日覺得天生我才, 我都好羨慕有d媽咪, 生d仔女咁乖巧, 又自動自覺, 文又得武又得
不過有時睇返, 自己個女都唔錯丫, 又錫細佬, 開朗自信, 夠lu! 做父母既, 唔覺唔覺對自己仔女要求高姐, 其實細心唸下, 有時都幾proud of自己個小朋友架

原文章由 SandyWu 於 07-11-7 05:49 PM 硐表
我都係呀,又係因為同阿囡考小一而擔心佢唔及人,間間都有成千幾2千人考,but老公話間間學校都應該係ed小朋友考既,叫我放鬆d喎

作者: brendan 時間: 07-11-8 00:20 標題: thanks!

好多謝各位家長鼓勵,原來都有家長有我同樣的諗法,不過,我都好認同先前位家長所講,呢段係長途賽.正所謂

唔好睇小佢戇居,將來沙紙一大堆

作者: Kittymummy 時間: 07-11-8 12:10

我好鬼鍾意你呢句 "唔好睇小佢戇居,將來沙紙一大堆".
又好押韻喎!

作者: MariaTsui 時間: 07-11-8 14:28

我的小朋友是比較慢熱,雖然我認為已為他作好準備,但事實往往事與願違,與的心目中相差很遠,慢慢我接受他的性格及能力,也因應他的能力作出調配,看見他慢慢地進步,特別是當其他家長也發現他的進步,真的很開心,所以千萬別氣餒,只有媽媽才最了解自己的小朋友,也只有你才能令他變得更好,加油。

作者: peppergin 時間: 07-11-8 16:39

我在為孩子找小一學校前從沒上ＢＫ。我現在真覺得香港一般中產家長的文化，和教育系統，都大大的影響着每一家人。有時真叫我們迷失又迷失。

其實我們怎樣為孩子找學校，教養孩子，都反映着我們的人生和價值觀。究竟我們覺得什麽是有意義的人生？甚麽才是成功？
我估有很多家長都沒有想清楚，或者有很多人都會覺得，有好的學歷肯定是有意義的人生和成功的起點。（真的嗎？）

於是，基於中產階級的「人有我有，人做我做，崔吉避兇」心態，我們便離不開依從大圍的方向，方程式般的辦法去為孩子預備前路。又避不了的，心裹不停在計較，比較。心力交卒。

各人信仰不同，我也不便在這裏作「有意義的人生？甚麽才是成功？」的分享。但有一個觀點我覺得很值得同大家分享，等我哋作父母的常常警惕，保持清醒。

生命是自己的，兒女的生命也是他們自己的。
作為父母的責任是教養，但我們並不擁有他們。「養兒防老」是頗為自私的想法。兒女們有自己的生命路途，他們也不為取悅我們而生存。（我們有一天也總會入土為安。）去完成責任當然要充滿愛心，但最先的還是要認識他們。我們不了解他們，又怎能適切的教養他們，滿足他們，建立他們，令他們快樂幸福呢？

所以，根本就沒有公程式，根本就不應人哋點，我就點，因為根本就沒有一樣的兒女/人。作為父母理應不停去認識兒女的才能和需要。是的，是不停。因為他們的能力和需要會因時間和環境而改變。在這時這刻，他是2000，你就不應把他當1000,或5000，就應幫他發揮2000。這樣他們就最快樂幸福，我們亦算盡了責任。

令一方面，當兒女緊記生命是他們自己的，他們亦應為自己負責，所以他們不可依賴，要自知，自覺，自理，自學，自愛。

共勉之–大家一齊保持清醒。

作者: ylf1428 時間: 07-11-8 21:21

放鬆D啦!

想下自己細個時都係傻下傻下

, 而家咪有兒有女

。做人唔駛做最Top, 最緊要小朋友開心, 家庭愉快便夠。:loveliness:

作者: sweetbbq 時間: 07-11-9 01:50

完全同意。too much pressure is no good for parents and children.

作者: wyl 時間: 07-11-9 11:22

不知為什麼年紀很小的時候看過這首詩，卻一直念念不忘。看到這個話題，很想和大家分享一下這首詩。希望大家都能有所得著:idea:

The Prophet ~~ by Kahil Gibran
Your children are not your children.
They are the sons and daughters of Life's longing for itself.
They come through you but not from you,
And though they are with you, yet they belong not to you.
You may give them your love but not your thoughts.
For they have their own thoughts.
You may house their bodies but not their souls,
For their souls dwell in the house of tomorrow, which you cannot visit, not even in your dreams.
You may strive to be like them, but seek not to make them like you.
For life goes not backward nor tarries with yesterday.
You are the bows from which your children as living arrows are sent forth.
The archer sees the mark upon the path of the infinite, and he bends you with his might that his arrows may go swift and far.
Let your bending in the archer's hand be for gladness;
For even as he loves the arrow that flies, so he loves also the bow that is stable.

紀伯倫《先知》

你的兒女不是你的兒女。
他們是生命對自身渴望所產生的兒女。
他們經由你出生，但不是從你而來，
雖在你身旁，卻不屬於你。
你可以給他們你的愛，而不是你的思想，
因為他們擁有自己的思想。
蔽護他們的身體，而不是他們的靈魂，
因為他們靈魂住在你夢中也無法企及的明天。
你要向他們學習，而不是使他們像你。
因為生命不會後退，也不會在昨日流連。
你是弓，兒女是從你發射而出的活生生的箭。
弓箭手望著永恆之路上的箭靶，他會施全力將你拉開，使他的箭射得又快又遠。
欣喜的在弓箭手手中彎曲吧！
因為他愛飛翔的箭，也愛穩定的弓。

[ 本文章最後由 wyl 於 07-11-9 11:53 編輯 ]

作者: daphnemama 時間: 07-11-9 12:20

原文章由 vanyau 於 07-11-7 15:04 硐表
偶然都有這樣的想法，但會立即告訴自己，人比人比死人，不要比較．
但人就係咁衰，樣樣都要擺嚟比下．
當然我唔會俾孩子知道我這想法的，還成日口中叫他們不要和別人比． ...

我都是, 但我一早知他們不會是第一, 所以都由得他們, 不知是否得我真傳, 所以他們的態度都是"求其"

作者: 前僱主網絡 時間: 07-11-9 13:06

6 個字

人比人，比死人

作者: newdingdong 時間: 07-11-9 14:29

peppergin and wyl, thank you for your sharing.

作為家長, 要和孩子們一起成長, 學習. 亦全因為他們, 我才知道如何做一個好媽媽.
孩子們將來会变成怎樣, 我不知道. 但至少我会盡力培養他們, 加強他們的競爭力.

至於家長們之间的比較, 很難 avoid 的. 盡量不要把這堆壓力放在孩子身上吧.

我都学緊用平常心去做

总知, 大家加油拉!

作者: peppergin 時間: 07-11-9 14:53

nice poem, wyl....

Psa 127:4
Like arrows in the hand of a warrior are the sons of one's youth.

That's the origin.

原文章由 wyl 於 07-11-9 11:22 硐表
不知為什麼年紀很小的時候看過這首詩，卻一直念念不忘。看到這個話題，很想和大家分享一下這首詩。希望大家都能有所得著:idea:

The Prophet ~~ by Kahil Gibran
Your children are not your children.
They are the son ...

作者: Terry280905 時間: 07-11-9 17:13

原文章由 Kittymummy 於 07-11-8 12:10 硐表
我好鬼鍾意你呢句 "唔好睇小佢戇居,將來沙紙一大堆".
又好押韻喎!

ME 2,

作者: xiuyuetmama 時間: 07-11-9 17:46

見到身邊很多朋友都為咗小朋友的學業成績而攪到好煩惱, 只能歎句 "香港人, 放鬆的啦!!

作者: 召藥師 時間: 07-11-9 19:11

阿仔升上小一後，我有時都會不知不覺間去比較。
好多時我都要求佢可以樣樣都做到最好，不過當然佢唔係超人或資優兒。
過左開學依兩個月，我而家開始睇開左，我唔再拎佢同人地小朋友比較，最重要係個仔要盡佢能力佢學習同溫習。例如佢對音樂冇天份，我唔強求佢學樂器，但求佢開開心心唱到佢喜歡ge歌；佢語文能力一般，我唔再要求佢同同年小女孩比較，只要佢真係明白所學ge內容，寫字要清楚，功課要整潔就得，唔需要靚。
我而家唯一慶幸ge，就係我對仔女暫時都好聽我話，大仔唔會亂發脾氣，對人有禮貌，唔會駁咀駁舌；對學習好有興趣，另好緊張個妹，希望到佢踏入反叛期時都仲係咁乖我就心足lo。

作者: allychang 時間: 07-11-10 11:59

大家辛苦了!
我女兒9月升小一時,我們也好痛苦

當時的她不識幾個中文字,自己的名都寫不好；26個英文字母也不是很懂
班主任和英文老師都說,她的程度落後班上同學一大截,要多多加強
我問女兒...要不要轉上午班,下午去補習班
因為趕不上同學的程度,上課聽不懂...會很辛苦
女兒的回答：辛苦又沒關係。字我慢慢寫就好了，老師不會催我。
這二個月，除了homework...就是溫書...溫書...再溫書
上週五,英文老師告訴她...現在她的英文和度已經追上班上的同學
昨天,她說她好開心...因為老師又說她又進步

從她開學的第一天到現在，她從未說過她不要上學,這讓我們很安慰
不斷的告訴自己,她才6歲,放寬心,不要太逼她,強迫她;未來的路還很長
學習的過程中,父母辛苦..孩子更加辛苦
儘可能的放寬心,從旁協助....孩子的進步肯定看的見

大家互相加油打氣囉!!

作者: shirley1509 時間: 07-11-10 12:35

我個女都係剛上一年班，總結都是一個字，慘

作者: boscolau 時間: 07-11-13 11:36

原文章由 wyl 於 07-11-9 11:22 硐表
不知為什麼年紀很小的時候看過這首詩，卻一直念念不忘。看到這個話題，很想和大家分享一下這首詩。希望大家都能有所得著:idea:

The Prophet ~~ by Kahil Gibran
Your children are not your children.
They are the son ...

thanks.....

歡迎光臨教育王國 (/)