教育王國

標題: 有無比屯門保良局田家炳幼稚園收o左或唔收既k1小朋友媽咪? [打印本頁]

作者: HYJune 時間: 07-11-6 01:33 標題: 有無比屯門保良局田家炳幼稚園收o左或唔收既k1小朋友媽咪?

今日知通阿仔比學校收o左，不過係下午校，本來都無咩問題，但因為好奇心都打去問下佢地既評分方法係點樣，結果有o的失望。

我問學校係唔係因為我選擇了會考慮下午校所以順理成章比佢編入下午班? 老師答唔係，係按評分作安排。

我問咁即係下午校全部學生成績都唔好，佢答都唔係既 ... 有成績好既小朋友都會首選下午校。

咁我問佢面試o個日點樣評分? 佢話會按出生月份分組作評估，咁我問o的成績呢? 答唔到 ... 點解我會咁問，因為我in既時候，其中有一個老師突然比人叫o左出去，而我個仔係5分鐘內無人理佢&重企係我面前好耐，咁果5分鐘既分數係點計呢?

個職員又話今日好多家長打去學校問點解唔收，答案就係因為地只選上午校唔考慮下午校，所以唔夠分就唔收。所以我想問下係唔係真係好多人都無收到? 同有幾多人係填只考慮上午又收o左?

雖然係咁，但係我都對o黎間學校好有信心同埋好開心個仔入到，不過唔開心係聽到個職員咁既回答，搞到我諗緊阿仔點解會咁低分?

如果係分數問題，咁阿仔有成5分鐘無理，咁我有無得追番o的分呢?

[ 本文章最後由 HYJune 於 07-11-6 01:36 編輯 ]

作者: 寶貝ting 時間: 07-11-6 03:41

原文章由 HYJune 於 07-11-6 01:33 硐表
今日知通阿仔比學校收o左，不過係下午校，本來都無咩問題，但因為好奇心都打去問下佢地既評分方法係點樣，結果有o的失望。

我問學校係唔係因為我選擇了會考慮下午校所以順理成章比佢編入下午班? 老師答唔係，係按評分作安排。 ...

hi,HY June
我仔仔都有面試,今日收到信收左仔仔讀上午班,我睇你情況係學校編班問題,根本我地都唔知點編既,係仔仔當日表現?係按出生月份?都唔知!我想問你仔仔幾月出世?我仔仔8月份出世!但我報名填表時有填如果上午班唔得可選擇下午班!當日我仔仔表現一般,入到班房時係要跟住我,但我陪同他係枱玩一陣,之後我繼續聽老師講野喇,我都有留意仔仔情況,有一個老師陪他玩,但班房只有三個老師同一個外籍先師,一個老師同家長傾談,基本得三個老師,根本顧及唔到咁多小朋友,又如何去評估d小朋友呢?唔明.....?咁你有無面試其他學校?我有面試易桂芳,但等緊消息!

作者: HYJune 時間: 07-11-6 08:45

原文章由 寶貝ting 於 07-11-6 03:41 硐表

hi,HY June
我仔仔都有面試,今日收到信收左仔仔讀上午班,我睇你情況係學校編班問題,根本我地都唔知點編既,係仔仔當日表現?係按出生月份?都唔知!我想問你仔仔幾月出世?我仔仔8月份出世!但我報名填表時有填如果上午班 ...

我小朋友係11月出世的，不過個老師就話當日係按番佢既歲數分組再計分，我真係唔知佢以咩為標準? 不過阿仔平時真係唔多肯同陌生人講野，分數比人少都唔出其，最緊要係學校收 ...

但果日我地同樣都係得4個老師，1個同我地傾緊，3個睇住佢地，但中途1個走o左出去，得番2個睇住6個小朋友，而我仔走因為無人同佢玩就走o左o黎我度成5分鐘，所以我就覺得，如果咁評估好似唔多合理

我重報o左兆麟間聖比德幼稚園，會係今個星期六上午面試，我朋友就叫我今次只填上午校啦。

歡迎光臨教育王國 (/)