教育王國

標題: 請容許我SHOW OFF 一下. [打印本頁]

作者: cherrylemon 時間: 07-11-1 22:58 標題: 請容許我SHOW OFF 一下.

請容許我SHOW OFF 一下.我呢幾年真係好辛苦咁教女功課.

經過多年努力, 期間鬧,氹,教,嬲,掟書,拍枱樣樣齊,想盡各種方法,每日嘔血,不斷改進,今日阿女終於係測驗得到好成績,數學A,英文同英文WRITING都係A,而且WRITING份卷重係全班最高分,我真係好開心!

當初教到喊,今日終於有回報喇!

尤其是WRITING呀,相信佢呢幾年真係學到野先會寫得出一篇文章.由於佢O既成績令我好似打左支強心針,當初對佢同對自己的方式都好有懷疑的我,依家有信心繼續努力陪太子女讀書.希望大家都繼努力!

咁多年黎上BK,係大家身上學到好多野.共勉之啦!

作者: Unclejt 時間: 07-11-1 23:01

原文章由 cherrylemon 於 07-11-1 22:58 硐表
請容許我SHOW OFF 一下.我呢幾年真係好辛苦咁教女功課.

經過多年努力, 期間鬧,氹,教,嬲,掟書,拍枱樣樣齊,想盡各種方法,每日嘔血,不斷改進,今日阿女終於係測驗得到好成績,數學A,英文同英文WRITING都係A,而且WRITING ...

Congratulations!!!!!!!

作者: cherrylemon 時間: 07-11-1 23:12

多謝你"彩"我!!

我頭先同個女傾偈,講到差D想喊(同佢講下咁多年來我點解咁鬧佢呀咁囉!)

旁人可能會覺得"洗唔洗咁誇張"...但畢竟呢次真係我覺得佢最表現到實力&進步的一次成績, 加上自己好似好多年都係O係失敗同惶恐(高分又驚佢係"虛火",低分又驚佢會"低處未算低",表現非常飄忽,但由於見到佢今次寫作真係有紋有路,先夠胆咁放心地開心) 之中,所以真係有D感觸呀!!!!

作者: 5354 時間: 07-11-1 23:46

雖然我女只係K2,巳經好明你心情!!當她們有些成績/進步,自覺大家嘅努力無白費,我地都只係想可以陪她,鼓勵她走以後彎彎曲曲的路,而唔係抱她走過,加油呀!!

作者: vanessamom 時間: 07-11-1 23:56

完全明白你的感受，當見到囡囡的成績時,就証明自己之前的努力沒有白費。

作者: cherrylemon 時間: 07-11-2 00:22

我相信真正用心教過小朋友功課o既家長,
都會明白箇中不為人知的艱鉅.

我冇乜朋友可以分享,
因為好難同未生小朋友的朋友分享我的心情,
因為佢地只會認為我好緊張同誇張.
但其實教過就知味道!

多謝分享!!

5354

發表於 07-11-1 23:46

鼓勵她走以後彎彎曲曲的路,而唔係抱她走過.

呢句好o岩. 只有豐富佢地的知識,先可以永遠保護她&愛護她.

作者: snoopy 時間: 07-11-2 00:37

原文章由 cherrylemon 於 07-11-1 22:58 硐表
請容許我SHOW OFF 一下.我呢幾年真係好辛苦咁教女功課.

經過多年努力, 期間鬧,氹,教,嬲,掟書,拍枱樣樣齊,想盡各種方法,每日嘔血,不斷改進,今日阿女終於係測驗得到好成績,數學A,英文同英文WRITING都係A,而且WRITING ...

Hi cherrylemon,

見到你囡囡及你辛苦努力後有好成績真係替你高興!

想請教WRITING方面, 你用什麼方法教你囡囡, 可否分享一下

作者: SandyKL 時間: 07-11-2 01:01

cherrylemon,

恭喜哂!

我家都有一個未開腦既仔，不過唔係我教，係我老公教，你講既方法「鬧,氹,教,嬲,掟書,拍枱樣樣齊」，佢都一樣做足，我在一旁見到都心痛，但玉不琢不成器，係佢教導之下，由科科唔合格，至到全科合格，而且某d科目仲攞到好高分數，雖然佢係全級成績仍然落後，但有明顯進步，我都好開心。

好明白你感受，真係要落成擔心機去扶植小孩，有收成當然係一件可喜可賀既事啦!

相信親自教導比佢係出面補習取得好成績，成功感更勝倍。

原文章由 cherrylemon 於 07-11-1 22:58 硐表
請容許我SHOW OFF 一下.我呢幾年真係好辛苦咁教女功課.

經過多年努力, 期間鬧,氹,教,嬲,掟書,拍枱樣樣齊,想盡各種方法,每日嘔血,不斷改進,今日阿女終於係測驗得到好成績,數學A,英文同英文WRITING都係A,而且WRITING ...

作者: cherrylemon 時間: 07-11-2 01:20

我試過好多方法,真係一言難盡.

約略講講,
-我比佢去一d小組的英文班, (之前去過esf,但覺得太大班,學唔到野)比佢作文然後老師改及教返o岩,例如佢之前寫過go out to shopping老師改佢,只可以go to shopping, go out to shop, go shopping再解釋同教佢.咁我覺得呢個老師好.因為每篇作文每個錯處都會教返佢. 唔係一般外國人全部剔剔剔,錯左都唔知,佢試過作400字作文,錯多過o岩.

-做grammer ex., 坊間d ex 有部份好白痴, present tense就成版係present, past tense就成版係past tense,我會將幾個ex 用電腦打好, "LoW"亂再PRINT OUT比佢做.

-作句(同一句子作唔同tense)咁佢先識分past tense, present tense, future tense & present continous....佢暫時學到呢幾種. preposition 就要溫同即時比d日子,時期,地點.....呀之類叫佢分邊d係on, in , at......分好晒時又變成一個表....又教佢句子結構要有subject, object....之類. article又要佢記熟,例如usa之前點解要the, Greece就唔洗.......逐樣教同溫.不斷重複又重複....要背irregular vebs list.

-加入複雜句子,要佢學習,例如,I will go to Japan tomorrow. I am really excited. 教佢用conjuction重作. 變成I am really excited since I will go to Japan tomorrow. 令作文睇落大個女d同豐富d. 比d 字佢(although, as, until, but.......)作句,從中教佢.

-要佢建立自己的vocab. list.隨識串,識解,重要識詞性 (noun, verb, adjective......)教佢乜野詞性係用黎做d乜野,例如adjective要用黎形容noun咁........vocab. list堅持要佢自己寫同搵解釋.因為係佢自己編排,佢會好有印象.

-要佢用多d字例如big其實可以用large, huge......very可以用extremely.....如果唔係佢篇文會出現十幾個very...

- 針對佢唔睇大題目的習慣,我會時常將慣出的方式經常變換,等佢一錯就全部錯晒,以後唔敢唔睇......

-又針對佢prove read時唔認真,導致錯漏百出,我依家要佢自己改一次自己D作文先可以文比我.佢試過一篇作文寫左7,8次CINNAMOROLL,次次唔同串法, 吹脹,佢考試測驗都重有呢種情況. 好似第一個寫SLEEPING, 第二個就寫左STEEPING.我以前懷疑佢有讀寫障礙.

-另外,我地有個獎罪制度.就係印仔喇,可加可減,可換禮物可換錢,但換錢就要9折,同只可以用一半印仔換錢.呢d都只係gimmick. 做就會令佢開心d.

-其實有幾part都係o岩o岩起步.希望有效啦!

snoopy.
好開心你問呢個問題,因為我真係好比心機去諗出以上種種.
我唔知係咪會幫到個小朋友,但我都大胆講出黎大家分享下,講得唔o岩唔好見笑.

作者: cherrylemon 時間: 07-11-2 01:30

重有用英文寫日記(雖然每日都係幾句)

睇書, 唔好迫佢查字,因為唔想佢對睇書有壓力,我想閱讀成為佢興趣,佢依家主動要求睇HARRY POTTER,我話驚太深,但佢話佢想試下,咁睇左兩日,佢今日話比我知佢明.

佢又睇NARNIA,成本字典咁厚,我話驚佢悶,但佢每晚主動拎入房睇,佢話佢鍾意睇.

但我肯定呢個唔係我功勞,因為佢D同學比佢睇得更多書,佢話佢D同學小息都睇書,佢重話佢同學同佢講鍾意睇書多過玩.佢個同學已經睇晒7本HARRY PORTER.

小四咋喎,點睇呀??????

作者: des1971 時間: 07-11-2 08:35

恭喜你收成正果

我同呀仔仲係"鬧氹嬲掟書拍枱"階段, 你既說話好似幫我打咗支強心針咁

: 我要努力我要向上......

原文章由 cherrylemon 於 07-11-1 22:58 硐表
請容許我SHOW OFF 一下.我呢幾年真係好辛苦咁教女功課.

經過多年努力, 期間鬧,氹,教,嬲,掟書,拍枱樣樣齊,想盡各種方法,每日嘔血,不斷改進,今日阿女終於係測驗得到好成績,數學A,英文同英文WRITING都係A,而且WRITING ...

作者: mansdom 時間: 07-11-2 09:01

恭喜恭喜

請問妳女兒讀幾年级?

作者: daisykkqq 時間: 07-11-2 09:26

睇到你個post好開心，恭喜恭喜

: 希望我都會有呢一日

原文章由 cherrylemon 於 07-11-2 01:20 硐表
我試過好多方法,真係一言難盡.

約略講講,
-我比佢去一d小組的英文班, (之前去過esf,但覺得太大班,學唔到野)比佢作文然後老師改及教返o岩,例如佢之前寫過go out to shopping老師改佢,只可以go to shopping, go out t ...

作者: 馬媽媽 時間: 07-11-2 09:36

Thank you for your valuable sharing. Can you share other experience regarding other subjects?

作者: wunma 時間: 07-11-2 09:46

提示: 作者被禁止或刪除內容自動屏蔽

作者: TWMa 時間: 07-11-2 09:49

原文章由 cherrylemon 於 07-11-2 01:20 硐表
我試過好多方法,真係一言難盡.

約略講講,
-我比佢去一d小組的英文班, (之前去過esf,但覺得太大班,學唔到野)比佢作文然後老師改及教返o岩,例如佢之前寫過go out to shopping老師改佢,只可以go to shopping, go out t ...

cherrylemon:
你真係俾好多心機

恭喜--- 之前的努力和辛勞, 開始有成果.

作者: fishmum 時間: 07-11-2 09:50

修成正果啦

作者: 法子 時間: 07-11-2 09:57

恭喜恭喜

作者: navigator 時間: 07-11-2 10:12

原文章由 cherrylemon 於 07-11-1 22:58 硐表
請容許我SHOW OFF 一下.我呢幾年真係好辛苦咁教女功課.

經過多年努力, 期間鬧,氹,教,嬲,掟書,拍枱樣樣齊,想盡各種方法,每日嘔血,不斷改進,今日阿女終於係測驗得到好成績,數學A,英文同英文WRITING都係A,而且WRITING ...

真替你高興！當初付出的努力，現在終於得到回報，實在可喜可賀！從在如何教導貴千金的英作問題上，看得出你能夠耐心地找出適當的辦法對症下藥，這點正是學習精華之一，值得大家借鏡。加油！

作者: wyl 時間: 07-11-2 10:21

真係恭喜你！我都想快啲有可以showoff的一日，我囡最弱都係英文呢科，看到你的教英文方法，真的很實用，我都會繼續努力，小朋友讀書是一條漫長的道路，我們做家長的教兒又何嘗不是呢，讓大家共勉之吧!

作者: 小木偶媽咪 時間: 07-11-2 11:20

我係一個full time的媽媽,囡囡今年K3
為出年小學今年開始要更加尊注個女學業了
在女兒出世到現在6歲 ,我好著重佢個品德教育方面
我女從小到現在從沒試過扭計買玩具..唔肯行..在街大哭..
你想到一樣小朋友正常唔乖既事我女都冇
仲要好自律 ,咩都會排隊唔會爭
因為bb開始我不斷跟他聊天的關係
兩歲已經講野好流利記得我話過三歲前唔好食糖,朱古力
有人請佢食佢會話:多謝不過媽咪話呢d無益我要到三歲先可以食
到而家愈大愈懂事仍然係好乖好聽話
其實我相信小朋友一出世都是一張白紙
只要你用心去教咩都一定可以成功唔好要求回報
希望大家一齊努力,為自己個寶貝不斷付出
加油!!!!

作者: BB2WONG 時間: 07-11-2 11:40

cherrylemon,

恭喜晒！我用既方法都同你差不多，我自己在佢地一開學都會睇晒d書先，再search資料、各科都做本notebook summarize d 資料比佢地，好似英文就跟你那些差不多！所以如果mummy比多d心機幫小朋友，我估應該會對小朋友既成績會有好大幫助！我自己要上班，小朋友亦無找人補習，全部自己下班及weekend跟進，呢樣已令我好proud！
我大仔小一時我唔多識同佢溫習，結果佢考到第11，我先發現原來佢可以做到咁好（雖然一直有旁人同我講佢係好醒目只係唔多出聲）小二開始我好努力幫佢，佢考到第5，連佢自己都好亢奮，小三小四都係第2或第3，我其實唔多注重考第幾，只希望佢自己有努力同有進步，唔好張讀書既責任放在mummy身上，係佢自己應該做既，我只可以從旁幫佢，小五而家開始我比佢自己努力，只會為他prepare 好多野，至於點樣溫習或者溫幾耐由佢自己決定，因為始終都要學下放手，到左升中學我都幫唔到佢！
細仔我同一方法，但係眼見佢唔多中意讀書，唯有在note及paper上加插好多卡通圖片，如溫maths時要做2 plus 2 equals to ??，我會用2個叮噹樣 plus 2個大雄樣 equals to ??--咁樣黎做，佢就做得好開心！不過考試前佢表現到不想溫既態度出黎，我就從中不停同佢訓話之餘，又用gift 利誘佢！結果前天派晒卷，全部都95分以上，我唔理人地幾人分，佢有咁既成績可見佢都有努力過，而老師都話比我知見佢做卷時好認真（平時佢表現好"那西"）派卷當天放學兩位公子不停向我講分數，有些不太高分又會向我guarantee下次會做好d。我聽到開心到想哭，開心唔係大部份因為分數，而係佢地都肯承擔讀書既責任而開心。

[ 本文章最後由 BB2WONG 於 07-11-2 11:45 編輯 ]

作者: Learn_with_Fun 時間: 07-11-2 13:07

好開心可以分享你嘅成功和你的心得, 真係好有用, 我有些朋友話叫我要讓小朋友自己讀書, 唔係大左點算? 但係我又覺得佢咁細個, 唔幫佢點得? 所以一直都好矛盾, 聽到你嘅分享個心實在好多, 謝謝你! 另一方面, 可以問吓你小朋友在那裏學writing嗎? 我都想俾我小朋友學, 不過找不到合適的地方, 可以p.m.給我嗎?

作者: PansyMummy 時間: 07-11-2 13:52

我都好鄧你高與。
我個女今年K3, 我現在每天只是跟她做3樣功課都覺得好辛苦, 由其是寫中文。
我是在職媽媽, 所以每天都是她放學後工人教她做功課, 而我只是放工後檢查她寫的功課如有不整齊或不工整便擦掉要她再做, 我亦從旁協助教她再寫, 這樣做已經每天差不多需要個半小時至2小時才能完成。

我真的不敢想像下年她升上小一時的時候會怎樣

作者: branma 時間: 07-11-2 21:51

原文章由 cherrylemon 於 07-11-2 01:20 硐表
我試過好多方法,真係一言難盡.

約略講講,
-我比佢去一d小組的英文班, (之前去過esf,但覺得太大班,學唔到野)比佢作文然後老師改及教返o岩,例如佢之前寫過go out to shopping老師改佢,只可以go to shopping, go out t ...

cherrylemon, I just want to say you are very good mami !!

作者: cherrylemon 時間: 07-11-3 00:19

各位daddy & mami,
我今日成日係公司都好留意自己呢個topic,
睇呢個topic好似延續我的喜悅咁.
因為我自己覺得教到個小朋友有小小成績,
先至夠胆覺得自己的方法係幾work,
然後想同各位一樣係作戰中的朋友分享,
能夠得到大家的認同,
我好開心&覺得振奮.

好多謝大家!

我都試下再寫一d你地有興趣的部份,我真係純粹想sharing, 大家千祈唔好再咁客氣話請教!我真係唔敢當架!

首先我唔可以唔講下自己"醜事",我英文其實好渣

我個女資質真係好一般,
起碼由細到大冇人讚過佢聰明,
但係人見到佢都讚佢乖,我通常都會知道&覺得
言下之意即係話佢鈍.
基於先天條件不足之下,
所以我的成功感係特別大!

我咁比心機教writing,
因為我覺得只要佢作得好, 即係英文好,
英文好,對於做comprehension及grammer和
英文卷所有部份都應該okay.
咁所以我好集中火力O係writing.
到依家我都認為呢個方向係O岩的.

des1971: 如果我的分享令你覺得有用,你知道嗎?我同你一樣咁開心!

mansdom : 我小朋友今年讀小四.

daisykkqq & wunma : 我同我女都係好平凡的人,相信你會做得更好!!

馬媽媽 : sharing other subject?? 由於我地將所以時間集中係中,英,數三科,所以其他成績一般都係B or C. 除左常識啦! 係電視教佢的. 數學要由脾氣比較好的爸爸負責及交比補習社. 至於中文,我只係同佢溫習詞語及成語,我教佢唔好背成語的解釋,因為太多,根本背唔到,我唯有教佢照字面解例如: 迫在眉睫 - 迫 =迫近, 眉睫 = 眉毛同眼睫毛啦,咁當有d野就黎惦到你眉睫,再多少少就會惦到你邊度? 咪眼睛囉,咁眼睛係咪好脆弱?係! 咁迫在眉睫咪係緊急+危險. 其他野太難教喇,我諗自己係中文人,佢遲早都會識,唔需要太著急.而且我覺得英文重要好多,對住一個事倍功半的小朋友, 我決定取英文暫時捨中文.

navigator : (真替你高興！當初付出的努力，現在終於得到回報，實在可喜可賀！從在如何教導貴千金的英作問題上，看得出你能夠耐心地找出適當的辦法對症下藥，這點正是學習精華之一，值得大家借鏡。加油！) 好多謝你咁讚我地,唔好意思,唔知醜講句:我真係好鍾意聽!!!

whl : 好開心你覺得有用,你的意見都支持左我!!!

小木偶媽咪 :　我囡囡都係咁乖．乖到我覺得佢冇童真！有時，我甚至乎鼓勵佢頑皮，我鼓勵佢表達真正的自己，我唔想佢收收埋埋係心度！我怕佢乖係因為壓抑自己，當一個人經常比人讚乖，佢可能會變到唔敢 "曳”，因為佢覺得破壞自己形象．．．．當然呢ｄ都係講緊我自己個女，同你分享，希望你日後多加留意．一齊努力！！

bbwong, 我囡囡同你的仔仔們真係好唔同,佢要溫書溫到痴線先至入到小小腦,佢係要靠double努力先至得到成果的人.佢同我講佢d同學係考試前一晚先溫書,第二日重可以考到A,佢地重係考試之前開生日會,我個女連去都唔敢去,佢同學問佢"乜你個人生好似全部到係溫書同考試咁架?"我個女好攪笑亦好無奈咁答佢, "係呀!考試真係我呢生人最重要的事!"
我聽到自己個女咁講,我即時覺得有D心痛. 所以BB WONG,我唔及你咁幸運,有兩個聰明的小朋友.而你的幫助,係令到佢地考到頭幾名,我對我女的幫助係令到佢不至於太落後.所以我諗你的收獲同付出的比例, 應該會比我正常少少.

Learn with Fun : 我都曾經有你的諗法，但當我最辛苦時，我曾經問過囡囡的班主任一個問題　”老師，我已經踩到盡，但點解佢都係有退冇進，我自問都好盡力啦！請問班上考前十名的小朋友係點樣學習呢？佢地屋企人會唔會好似我咁教？”　老師話考頭十名的大部份都係”自動導航”的，佢地基本上唔洗人幫，自己吸收晒．所以我諗我囡囡唔洗我幫時，我係會知道的．你都一樣會知道的！咁我真係好恭喜你．

pansymummy : 我女讀幼稚園時程序同你幾乎一樣，都係工人教英文功課，串生字，然後我放工check中文，做手工！但我話比你知，我有ｄ後悔，因為工人真係唔係阿媽，佢地唔會好盡力，就算佢盡力，o但都冇好方法，令小朋友好死咕咕地學識幼稚園ｄ野．令到小朋友起步較慢．我覺得我小朋友捱到小四先見到成績，同呢樣野不無關係．其實每日只係抽10＋１５分鐘就夠，你試下啦！就算唔得，起碼自己將來都唔會後悔呀！！

brama : 唔好咁講啦！我唔係架，我知自己重有好多地方要改，例如：我教女時脾氣唔好，令到佢好驚．所以我重要繼續學做好媽咪，共勉之啦！！！

作者: andykwan 時間: 07-11-3 01:33

I really feel touch when reading this topic... seems that all parents did a lots for their kid...

on the other hand, is this common in famous school? i.e. english standard is so high and learning is so competitive...

作者: Gracemama 時間: 07-11-3 07:07 標題: 回覆 #1 cherrylemon 的文章

cherrylemon

you are a great mom, thanks for your valuable sharings.

作者: a961115 時間: 07-11-3 09:08

原文章由 cherrylemon 於 07-11-2 01:30 硐表
重有用英文寫日記(雖然每日都係幾句)

睇書, 唔好迫佢查字,因為唔想佢對睇書有壓力,我想閱讀成為佢興趣,佢依家主動要求睇HARRY POTTER,我話驚太深,但佢話佢想試下,咁睇左兩日,佢今日話比我知佢明.

佢又睇NARNIA,成 ...

cherrlemon
真的很替妳開心~羨慕妳~我都試過"鬧氹嬲掟書拍枱"~
但依然未見成效~可能~讀書都要講天份~唉~

作者: BB2WONG 時間: 07-11-3 09:46

cherrylemon,

我個女好攪笑亦好無奈咁答佢, "係呀!考試真係我呢生人最重要的事!"
-------我好鬼眼淺見到你個post已經想哭，我好touching因為自己同你一樣為小朋友而努力，又見到成績所以有d：眾望所歸既感覺！

不過我都唔係好彩你好多，我兩個仔中、英、數、常我都好注重之餘，電腦、聖經、普通話亦都唔可以輕視，佢地學校注重全面化，所以科科都要努力溫習，而且老公幫唔到我，全部都係自己一腳踢，溫習時我在佢地兩張桌中間，叫呢個做paper之同時，就幫另一位默書或講解，論流黎take care。

我小朋友唔係特別醒，如果你見佢地平時既功課、反應可以覺得佢地係超低能，特別係我面前！
我通常考試那個月就every weekend都唔去街，好似10月份1st week既sun就溫整個下午、2nd 就溫足一日、3rd week就sat + sun都要溫，4th week已面臨考試當然時時刻刻都要溫，我比佢地知平時可以好開心，但係考試一定要辛苦d！
不過我大仔那班年年考第一那位，佢開始有d 埋怨阿媽，佢阿媽好緊張佢成績，一年365日既節目都係補習，今次p5仲迫得更緊，佢自己都話溫到嘔白泡，我就真係唔想叫到小朋友咁樣，我寧可成績差少少，都唔想佢怕左讀書，怕左到中學時就好難搞。

我地平日好free，唔係考試月，所有時間都係玩、玩、玩，只係考試月先會緊張d。我唔會迫太緊，好似佢地平時既功課，除非錯左我先會改，寫得唔靚或者唔clean我唔會理佢，由得老師話佢，呢d就係比番d責任佢自己背！
平時起身我要take care佢兩個換衫，我大仔p5都仲係企度等我換，但係好似在學校學跆拳，佢不但止要自己換衫收拾，仲要照顧埋細佬，佢又take care度！同係考試期間，放下午我有2天無請到假，叫佢自己同細佬下校車回家，換衫、洗手洗面、收拾校服、自己溫書，佢樣樣都搞掂，仲幫埋個細佬串字！
所以我覺得有時比番d責任佢背，一來自己無咁大壓大，二來佢都要學習成長。
成績好重要、身心亦要注重，希望你個女下次回答朋友人生有物野時，佢會講多幾樣野？咁就大家都開心之餘，你自己亦唔洗受咁大壓力！

[ 本文章最後由 BB2WONG 於 07-11-3 09:49 編輯 ]

作者: Teresa 時間: 07-11-3 10:00

原文章由 cherrylemon 於 07-11-3 00:19 硐表
各位daddy & mami,
我今日成日係公司都好留意自己呢個topic,
睇呢個topic好似延續我的喜悅咁.
因為我自己覺得教到個小朋友有小小成績,
先至夠胆覺得自己的方法係幾work,
然後想同各位一樣係作戰中的朋友分享,
能夠得 ...

cherrylemon,

睇完你既message, 好戥你開心.

我個仔而家三年級.  其實我都係用緊你既方法---又打又閙又拍table + encouragement... 仔可能發展都係遲過女, 我要督得好緊個仔至會做野.  岩岩過左既test, 同佢溫左既佢都識哂同有進步, 但係compo (中/英)同eng comprehension因為冇得溫, 佢唔掂.

所以我而家打算全力train佢呢方面.  之前試過出去比佢上reading & writing, 不過因為唔係針對性改善佢既弱點, 加上人地唔會閙(我都認我個仔係有d"犯賤"係要比人閙至會改), 佢覺得"太輕鬆"而
唔記住個skills.

我用既方法:
學phonetics (國際音標), 練oral.
一星期同佢做2次comprehension (tsa paper), 教佢reading  & answering skills.
盡量每日要佢read aloud 10-15mins (reader, textbook).
日日食飯睇pearl news, 練listening.
任佢買任可類型既英文故事書(只要佢肯睇就得架喇).
...

你用既方法好好呀! 多謝你既sharing, 我真係要好好學下.  我好希望我個仔有朝一日可以好似你個女咁呀!

作者: branma 時間: 07-11-3 11:07

希望以後在bk能看到你更多SHOW OFF和我們分享吓,我睇到D POSE都係感同身受、大家作為父母、尤其係母親、温習和―切起居飲食全包宴都係亜媽做、有時真係做到頂唔順架、幸好你女女咁醒有咁大進歩、總算無白費心機。

見到你這麼用心教導真係好開心。

希望有更多家長SHOW OFF―下,等我地小―媽媽知多Ｄ点教!!

作者: Yau_Cheung 時間: 07-11-3 14:11

Congratulation!

作者: Ellensu 時間: 07-11-3 16:37

你好叻呀。

作者: mickeywinnie3 時間: 07-11-3 16:44

cherrylemon ,
鬧,氹,教,嬲,掟書,拍枱樣樣齊

呢d在過去3年時時我們家都發生, 最近一次在2星期前即考試前, 他剛上一年級常被老師說仔不專心,發夢, 我心真的淌血+淌淚, 成日問點解我仔咁難教:cry:

!

上星期發覺我仔原來"佢可以的" 考試英文:99, 中文95, 常識94, 數學86! 除了大意之外原來佢有努力的! 好開心 !

原諒我在此showoff ~ sorry

原文章由 cherrylemon 於 07-11-1 22:58 硐表
請容許我SHOW OFF 一下.我呢幾年真係好辛苦咁教女功課.

經過多年努力, 期間鬧,氹,教,嬲,掟書,拍枱樣樣齊,想盡各種方法,每日嘔血,不斷改進,今日阿女終於係測驗得到好成績,數學A,英文同英文WRITING都係A,而且WRITING ...

作者: 積肥 時間: 07-11-3 17:48

睇到你個post，都希望自巳有show off嘅一日。

作者: ICYGREY 時間: 07-11-3 18:09

Congratulations! Your daughter has done a great job!

我好明你心情, 實在太明! 你係有功勞, 但考試拿起支筆那個都是你個女, 所以你女兒都係叻!

真係好戥你高興。

你教寫writing 的方法好好。我都要學習, 你又肯詳細咁講, 真係好得。多d分享丫!

[ 本文章最後由 ICYGREY 於 07-11-3 18:16 編輯 ]

作者: Ruby_Lau 時間: 07-11-3 22:48

原文章由 cherrylemon 於 07-11-1 22:58 硐表
請容許我SHOW OFF 一下.我呢幾年真係好辛苦咁教女功課.

經過多年努力, 期間鬧,氹,教,嬲,掟書,拍枱樣樣齊,想盡各種方法,每日嘔血,不斷改進,今日阿女終於係測驗得到好成績,數學A,英文同英文WRITING都係A,而且WRITING ...

作者: cherrylemon 時間: 07-11-4 15:04

HI BB WONG,

你小朋友真係好叻,當然小朋友就算有潛能,都要父母悉心發掘,九歲天才"沉思鈞"背後都有個努力培訓他的爸爸.(佢爸爸之前都承認自己係有一套方法去栽培個仔),小朋友就算聰明,都要有父母的循循善誘.所以加上你的愛護和適當的教育,佢地的成就一定更高.所以你都好叻.

唔好介意我咁八,我睇左你個BLOG,見到你好有心機,百忙中重有時間寫BLOG,好佩服你呢! 我尤其鍾意你SHARING出黎的學習網站,我重即時試左頭幾個,其中第二個我己經好鍾意([url=http://demo.acapela-group.com/)D]http://demo.acapela-group.com/)D[/url]發音真係好好!我會比個女試下打佢自己D作文入去再跟住練習.

.........同學日日補習,真係嘔白泡...........大人小朋友都係,可惜,我重係分唔到時間出黎.我個女都係好慘!一至四可以睇半個鐘電視(佢好鍾意睇電視,我唔忍心CUT埋佢呢半個鐘),星期四屋企有個補習姐姐黎教返我同佢都唔識O既野(我係同佢一齊補習的),星期五放學後補數,星期六工人姐姐帶佢補英文同中文.之後返屋企做功課,到晚飯後可以輕鬆下,佢又係揀睇電視,星期日朝早學琴同做功課(如做完學校,就要做課外野)LUNCH之後我地就會CHECK同教,到黃昏,要去學游水,然後晚飯,然後就要訓覺.日日如是,除非有紅假.否則都係咁過.你話我地生活幾苦悶?

我都唔知呢個時間表重可以點改善.你有意見比我參考下嗎?

.........企係度等換衫.............我個女都係咁,同佢沖涼沖到接返9歲(佢就黎9歲喇!)但我唔明,佢自己學校有游水堂,佢都係一樣換衫沖涼.都得,我諗都係"那那渣渣",我依家都諗住放鬆,比佢樣樣自己做.所以佢最近一個月開始自己沖涼,其實我都係好似你咁,唔係想樣樣"服待"到咁,我希望我只係從旁提點佢.所以我開始訓練佢獨立.

佢二年班我己因為慳時間而叫佢自己同自己默書,(我得佢一個女有人幫到佢)我教佢自己用個電腦錄音,佢讀完一個字後,在空氣中寫一次,然後再讀第二個,從中計好實際需時,重可以加深印象,然後PLAY返出黎,自己同自己默書.我返到屋企就幫佢CHECK,因為佢太唔小心,自己CHECK時常錯都當O岩.可以諗到辦法比佢自己做的事,我都會試下比佢做.

.......兩張枱之間淪流TAKE CARE.........覺得你好厲害,因為同佢地溫書時,跟本自己都要好專心,而你可以一心二用,勁呀!

.....成績好重要、身心亦要注重.......所以考試其間,我都比佢學游水.呢個係"身", 至於心,咪盡量長假期就陪下佢去玩咁啦,但我自己覺得都係玩唔夠.希望佢繼續開竅,我地就可以多D時間玩啦.

作者: cherrylemon 時間: 07-11-4 15:11

HI icygrey,

你講得好O岩,始終我點努力都只係附助角色,佢比我叻,係我希望的.所以有咁多媽咪面前.我先有機會SHARING我的心機,係其他人面前都係阿女最叻,要比返CREDIT佢,佢先有心機繼續努力.

icygrey,你好心水清呀!

原文章由 ICYGREY 於 07-11-3 18:09 硐表
Congratulations! Your daughter has done a great job!

我好明你心情, 實在太明! 你係有功勞, 但考試拿起支筆那個都是你個女, 所以你女兒都係叻! 真係好戥你高興。

你教寫writing 的方法好好。我都要學習, ...

作者: cherrylemon 時間: 07-11-4 15:49

HI TERESA,

溫習左而又發揮到,我已經收貨,EVEN分數低我都唔會鬧,我只睇佢有冇盡力.如果測驗分數低係因為份卷深,測課外野,係因為學校要"揀"D 叻人出黎,汰弱留強.如果唔想比人淘汰,唯有自己同個小朋友要更加努力.

composition & comprehension其實係靠平時累積知識先可以應付.每日做少少試下啦.會有好效果的.

........(我都認我個仔係有d"犯賤"係要比人閙至會改)..........好攪笑,我有時都覺得係,我個女比我鬧完係會專心d.

.............reading & answering skills..........係好重要的,試過個女答short answer時個要答一個日子但冇加到個"on"字,就扣分! 呢D真係要教.

.......盡量每日要佢read aloud 10-15mins (reader, textbook).日日食飯睇pearl news, 練listening........呢個方法都好好呀! 但我女好難轉到台喇! 不過佢listening開始低分,因為深左同快左,佢話佢開始聽唔明,我又要諗辦法同試驗喇!好辛苦呀!
日日都有問題............

.......你咁勤力&諗咁多野幫個仔,一定得架! 等你啦!

原文章由 Teresa 於 07-11-3 10:00 硐表

cherrylemon,

睇完你既message, 好戥你開心.

我個仔而家三年級.  其實我都係用緊你既方法---又打又閙又拍table + encouragement... 仔可能發展都係遲過女, 我要督得好緊個仔至會做野.  岩岩過左既test, 同佢溫左既佢都識哂同有進步, 但係compo (中/英)同eng comprehension因為冇得溫, 佢唔掂.

所以我而家打算全力train佢呢方面.  之前試過出去比佢上reading & writing, 不過因為唔係針對性改善佢既弱點, 加上人地唔會閙(我都認我個仔係有d"犯賤"係要比人閙至會改), 佢覺得"太輕鬆"而
唔記住個skills.

我用既方法:
學phonetics (國際音標), 練oral.
一星期同佢做2次comprehension (tsa paper), 教佢reading  & answering skills.
盡量每日要佢read aloud 10-15mins (reader, textbook).
日日食飯睇pearl news, 練listening.
任佢買任可類型既英文故事書(只要佢肯睇就得架喇).
...

你用既方法好好呀! 多謝你既sharing, 我真係要好好學下.  我好希望我個仔有朝一日可以好似你個女咁呀!

作者: angkuku 時間: 07-11-4 21:05

鬧,氹,教,嬲,掟書,拍枱樣樣齊, that's what I always do but no effect, congratulations cheffylemon....

作者: cherrylemon 時間: 07-11-4 23:49

angkuku, 好慘,頭先打好晒,點知post時個網down左,冇左我段字!

好想講,唯有再打過!

no effect都唔好放棄,只要你唔係要求好高,你的努力一定會得到回報,只係回報多與少,就唔由得我地控制,不過分數唔係代表一切,當然小學階段都係希望成績好,如果踩到盡成績都係冇辦法,唯有發掘其他濳能啦,例如,佢鋼琴彈得好好,但成績唔好.....佢畫畫好叻但成績唔好.........你咪讚佢叻o個樣先囉,我自己都改變左,就算個女低分,如果佢己經盡力,我會同佢講,唔緊要啦!媽咪覺得你今次已經好努力,只係份卷太深啫!你keep住學習,下次再黎過囉!而且你乜乜(諗d佢表現好的事情,就算係好無聊的都好)都好叻啦!我都好滿意你的表現......之類啦!咁佢就會開心返d........

我同自己講,唔好標籤左個女係"成績唔好"!被父母咁彈法個小朋友會好唔開心! (我不久之前試過,重係親戚朋友面前講過!之後我好內疚!)

其實成績唔好,都可以係某方面的專家,小朋友濳能要父母幫忙發堀!佢一樣唔得,你讚下佢第二樣,咁有朝一日佢可能就係o個方面的專家!我唔會再打沉自己個女的自信!!

CHERRYLEMON

原文章由 angkuku 於 07-11-4 21:05 硐表
鬧,氹,教,嬲,掟書,拍枱樣樣齊, that's what I always do but no effect, congratulations cheffylemon....

作者: emiluihk 時間: 07-11-5 16:28

cherrylemon,

"犯賤"呢個詞語似乎有點兒貶了孩子們,更不能用於妳
女兒身上 ... 你自己都識講,你們的生活往往離不開讀書,
溫習做功課 ,做足七日唔係個個小朋友能忍耐的。
學習生涯是漫長的 , 正如做每件事一樣,當開始時可以好
興奮,好渴望得到好成績,可得到大家的讚賞,給自己一個肯
定 ; 當進入中段時由於慢慢已成習慣,變得枯燥無味,這時
候便是考驗她們的意志有幾堅定, 看誰真的能夠做到默默
耕耘 , 大人都未必做得到 , 更何況是小孩子 ?! 因為我們
是旁觀者, 我們看到她正在洩氣,這樣給你提點便從身振作
起來 ... cherrylemon 我們應該感到可喜的是, 妳的女兒
這麼乖巧,她這麼重視你與你合作 ... 請恕我敢言,將來當女
兒大過後, 問番她喜歡現在的生活嗎 ? 我相信她只會答明
白這是爲她好吧！

所以, 你有多愛你的孩子,是可從她們的行爲中反映出
來。

加油喔 ! last week 我都打左一大篇感謝你的分享

點知 ... 同你既遭遇一樣 anyway 長話短說吧

多謝你的分享 ,我會接你棒好好努力教好我的女兒 ^_^

原文章由 cherrylemon 於 07-11-4 23:49 硐表
angkuku, 好慘,頭先打好晒,點知post時個網down左,冇左我段字!

好想講,唯有再打過!

no effect都唔好放棄,只要你唔係要求好高,你的努力一定會得到回報,只係回報多與少,就唔由得我地控制,不過分數唔係代表一切,當然小 ...

作者: ratafan 時間: 07-11-5 22:04 標題: 回覆 #20 wyl 的文章

congradulations cherrylemon. thanks for sharing your experience with us.
鬧氹嬲掟書拍枱? very glad that I'm not the only one doing this... and happy to hear that some day it works... My hubby always says that I'm too anxious about my son's studies. From sharing of Cherrylemon, I believe that the only road for our little ones to succeed is the "direct supervision and the persistence of the parents". it's very true. So I always think that I won't hire a tutor for him.

作者: apple_lee 時間: 07-11-5 23:02

,真"鄧"你開心, 我囡囡啱啱升小一, 我會已你作為借鏡及會嘗試用你教ga方法, 因我依家都用緊(打, now, 拍枱等......方法), 真係搞到我人都死呀

作者: 返工媽 時間: 07-11-5 23:19

辛苦努力之後，享受到甜美的成果，對你同你囡囡，什至對於我，都是一枝大大的強心針。我也會盡我所能，做到最好。

作者: snoopy 時間: 07-11-5 23:47

原文章由 cherrylemon 於 07-11-2 01:20 硐表
我試過好多方法,真係一言難盡.

約略講講,
-我比佢去一d小組的英文班, (之前去過esf,但覺得太大班,學唔到野)比佢作文然後老師改及教返o岩,例如佢之前寫過go out to shopping老師改佢,只可以go to shopping, go out t ...

cherrylemon,

多謝你的分享, 睇到你用的方法真係另我得益不少

見到你為了囡囡付出咁多努力, 你真係一位好媽媽.
暫時我都好好彩, 還不用出到[鬧,嬲,掟書,拍枱] , 希望第時我都有機會好似你咁show off 一下:loveliness:

作者: cherrylemon 時間: 07-11-6 00:46

emiluihk, 我支棒重緊緊拎住,未放得呀!

"犯賤"都係媽咪之間講下笑

: ,不過我都覺得呢個字眼係貶了孩子們的.下次唔好再咁形容!

事實上,做足七日,我都心痛佢辛苦,所以依家鬧少D, 氹多D,令佢開心D.

...........將來當女兒大過後, 問番她喜歡現在的生活嗎 ? 我相信她只會答明白這是爲她好吧！.......

真係唔想咁樣,我都好想佢有個快樂的童年!你的"預言"好灰,但繼續咁落去又似乎係事實,點樣先可以比到孩子快樂??? 請問大家有這方面的心得可以分享下嗎? 我係真心想請教各位的!

我今日問個女:唉!咁多野做,辛唔辛苦?
女: 唔辛苦!
我: 下,咁都唔辛苦? 你快D做啦! (笑住講),我想你快D做完去玩下.
女: 下?玩咩野?
我: 下? 冇呀,都係坐下輕鬆下囉!我驚你日日係咁做會痴線.
女: 唔洗,我日日係學校小息時都好開心,好輕鬆架!
...........

其實之前,我未睇BB WONG & 其他幾位媽咪SHARING佢地小朋友的POST前,我以為大部份小朋友生活都係咁上下,但依家見有D小朋友唔係咁架喎,可以玩架喎!我開始更加心痛佢! (之前都有,但真係以為個個都係咁.因為我身邊的小朋友都係咁樣過,有D重慘!)

... cherrylemon 我們應該感到可喜的是, 妳的女兒
這麼乖巧,她這麼重視你與你合作 ...

係!事實佢係肯合作,不過佢有時人在心不在會令到我勞氣.但係計落條數,佢乖的時間總比"曳"的多好多,所以我都改變緊自己

盡量溫柔D對佢.

多謝你們的真心分享,相信大家都一樣,人地講的說話,只要係對小朋友有益的,都會聽!

原文章由 emiluihk 於 07-11-5 16:28 硐表
cherrylemon,

"犯賤"呢個詞語似乎有點兒貶了孩子們,更不能用於妳
女兒身上 ... 你自己都識講,你們的生活往往離不開讀書,
溫習做功課 ,做足七日唔係個個小朋友能忍耐的。
學習生涯是漫長的 , 正如做每件事一樣, ...

作者: cherrylemon 時間: 07-11-6 00:59

HI RATAFAN,

自己教返係好重要,因為補習老師成日失約,考試唔見人,我試過指以晒佢,到頭黎佢唔見人,我重慘,重難PICK UP. 我都有請補習,但只係輔助形式,我叫佢教乜就教乜咁囉.佢唔黎都最多係學少D課外野,但學校的都未至於會因佢唔黎而"癱瘓".

但補習老師其實幫我女都好多,因為佢好勁,唔識的問佢都可以答到我地.有時我同個女都一齊唔明,都會好渴望補習老師黎
個日可以一齊問佢.變到個女都好EAGER TO LEARN.所以有時我唔叻都唔係問題,只要我知道個女的需要,我會諗到辦法幫佢.

原文章由 ratafan 於 07-11-5 22:04 硐表
congradulations cherrylemon. thanks for sharing your experience with us.
鬧氹嬲掟書拍枱? very glad that I'm not the only one doing this... and happy to hear that some day it works... My hubby always ...

作者: cherrylemon 時間: 07-11-6 01:17

最後,我想同大家分享一下

- 寫BOOK REPORT.我叫個女睇完一本有FEEL的書,就寫個BOOK REPORT (本來呢樣野係好好,但佢唔夠時間,暑假到依家都只係得三個)

- 有一份好的學生報紙 "GOODIES", 見到好文,我地會同補習老師一齊分享, 從中學習人地D好野.補習老師就會分析好係邊度,然後就教我女.不過呢樣野都係開始左一個月.但GOODIES就真係好值得睇. 從人地的作文,我個女係其中一日的報紙學識左unforgettable, gathered, memories.....登出黎的都係好文,值得我地學習.其實份報紙教好多字,多到根本學唔晒,所以要揀出黎學.

作者: cheungll 時間: 07-11-6 09:32

cherrylemon寫的方法，對提升英語水平真的是很有用的，尤其是著重writing是很重要的，一上到英文中學就知道效果，因為基本上科科都要答long question，即是writing。這個環節很多小學會忽略，因為老師根本沒有辦法批改，但小朋友如果寫得少，就連帶grammar也會很容易錯，或者只是做grammar exercises時對，一作文就錯漏百出。

關於提升英語水平我有一個提議，就是每星期和小朋友做數次unseen dictation，随便找一段四五行很短的段落（在故事書或者Goodies），叫小朋友在電腦開一個Word document默，錯了的字就用紅色highlight著，下一次在默的時候也可以看看，每次約只需五至十分鐘，目的其實不是記生字，而是要小朋友想清楚grammar和要識串一些常用的字，所以深的字或未見過的字串錯不要緊。

作者: BB2WONG 時間: 07-11-6 11:05

cherrylemon ,

你唔好比太大壓力自己，成績唔好又怪自己，到阿女成績好又怕佢唔夠時間玩又怪自己？物野都攬上身？
個女叻唔叻、乖唔乖都好在乎作自己既本質，我地最多可以影響佢10-20%，老實講我自己兩位公子，最初用同一教法，但係早在細仔幾個月大我開始覺得唔WORK，因為佢地兩位既性格、外型、喜好、好味係完全相反，所以我一定要變臉黎教佢地！而家開始拉近左少少，但係仍然係一個叫佢企佢唔敢坐、另一個你叫佢企佢就跳！算啦，唯有同自己講每個人都有自己既性格！

我覺得做細路既基本條件係要開心，但有些小朋友既開心係建築係成績上，好似我有個朋友既囡囡，佢只要考琴、考試、比賽取到好成績就會好開心，所以當佢暑假要準備考大提琴及PIANO時（當時佢升P2）佢寧可不參加任何暑期活動，整個暑假每天做功課3小時、溫書1小時、就各樂器用4小時黎PRACTISE，最後佢取得優異成績，就已經夠開心啦！
所以你問下你阿女中意點樣既生活？由佢自已選擇，我地從旁引導，或者你阿女真係好中意讀書呢？佢可能覺得英文好令佢好自豪！咁就由得佢，因為係佢自己選擇唔係你逼佢！

作者: 808280 時間: 07-11-6 14:55

Hi!
恭喜你收成正果,我同囡囡仲係"鬧氹嬲掟書拍枱"階段, 你既說話好似幫我打咗支強心針咁,但囡囡d排好反叛,叫佢溫書,就"東張西望"
又心散,希望有日輪到我"收成正果"

作者: lky3107 時間: 07-11-6 16:21

Congraluations!

我沒有像你般付出過那樣多. 我愛兒讀書成績好, 完全是神的祝福, 我只有感恩.

作者: lok^^b 時間: 07-11-6 18:50 標題: 回覆 #1 cherrylemon 的文章

你所用嘅方法我倆公婆都有用 2+仲用緊

但對我女就好似無乜用女好似蛇0甘
成日打天才波平時唔溫書做功課求求其要距改錯就發脾氣又或係老師係0甘教嘅

作者: chuiiris 時間: 07-11-6 19:05

小兒的成績一直在進步中, 可惜他進步時, 別人也在進步, 大家在幾分之中追續, 派名次就似股票一樣, 有升有跌, 永無終止, 股票都話止賺, 但成績..... 唉, 高處再求高位.

作者: cherrylemon 時間: 07-11-7 00:10

cheungll,

好開心得到你的肯定,因為我知道你係一位好資深好有經驗的媽咪. thank you!

我更要多謝你無私的分享(你推介的學習綱址和其他學習的tips), 還有你把自己努力的成果與大家分享(你的常識考試的 summary), 多謝晒!!!

作者: cherrylemon 時間: 07-11-7 00:15

bb wong,

我問左我個女,想唔想日日都係咁生活,唔好溫咁耐書好唔好?佢話好驚會考試唔識,佢已經擔心緊考試成績會唔好!!!!!
佢話唔想自己成績變差,佢話佢上次攞到高分 (即係今次)佢到依家都未開心完.佢話諗下都重覺得開心!!!!

thank you for sharing!

作者: cherrylemon 時間: 07-11-7 00:21

hi, chuiiris,

只係差少少分,唔好介意啦!
攞個平衡都好重要!

原文章由 chuiiris 於 07-11-6 19:05 硐表
小兒的成績一直在進步中, 可惜他進步時, 別人也在進步, 大家在幾分之中追續, 派名次就似股票一樣, 有升有跌, 永無終止, 股票都話止賺, 但成績..... 唉, 高處再求高位. ...

作者: cheungll 時間: 07-11-7 09:30

cherrylemon：

真過獎了

，大家交流一下而已。

你囡囡真好學，十分難得。其實不是所有小朋友都覺得讀書辛苦的，而且你會用不同方法針對她的弱點令她進步，所以她做這些練習時應該不會很悶。

如果囡囡的英文基礎已經打穩，或者可以減少做補充或重覆的練習，給她多點時間自己閱讀和看英文台的電視節目，例如明珠台的天與地Planet Earth，還有一套卡通很好看，叫做 The Secret Show (Sat 8:45am)，雖然英文說得很快，但錄起來可以看幾次。ATV World 有一套叫 The New Worst Witch (Tue 17:05) 的也很好看。看這些電視除了對聽力有幫助外，還令小朋友學會日常用的英語，即比較地道的 idiomatic 的英語，例如作文時要寫「好險啊！」，如果有看The Secret Show或其他卡通片就很快學會用 "That was close!"，不會寫成"That was very dangerous!"這樣 bookish 的英文。

你的囡囡已經小四，過兩年就要升中學，我們女兒的直屬中學的要求很高，而且變成十幾科，要小朋友很主動和認真學習才能應付得來。有幾樣能力最好在小學階段培養好：1. 英語聽寫讀的能力(這方面你己經做得很好) 2. 上網搜尋資料要快而準 3. 篩選和編輯資料的能力 4. 頭腦要靈活，懂得舉一反三，因為考試題目不會再照書出（這一方面是最難的）。 5. 要不怕在老師或一班同學面前說話或演講（這方面我們小學做得很好，經常有這方面的機會）

有時家長會因為小朋友太忙而幫他們做一些好像不太重要的家課，例如上網找資料和畫畫等，但這樣其實令他們無法自己學會做這些東西，上到中學家長能幫的已經很少，這些他們都要自己做，但如果到時才是新手，就很難應付了。

原文章由 cherrylemon 於 07-11-7 00:10 硐表
cheungll,

好開心得到你的肯定,因為我知道你係一位好資深好有經驗的媽咪. thank you!

我更要多謝你無私的分享(你推介的學習綱址和其他學習的tips), 還有你把自己努力的成果與大家分享(你的常識考試的 sum ...

作者: lingchuling 時間: 07-11-10 21:21

等我up下先，因為很想keep住看這個Topic作參考

作者: rr925 時間: 07-11-11 01:13

各位媽咪,

實在深深感受到及敬佩各位媽咪對子女所付出既努力呀.
我囡囡明年將會入讀k1,所以我都開始覺得有d壓力了.
我都非常擔心自己能否做個稱職既媽咪.
所以我都經常上bk睇下有咩事前準備要做.
比自己一個心理準備,我個人認為小朋友係唔同階段,
對培養學習某方面知識都有一個最佳時機,
我只希望自己唔會錯過教導好佢既呢個時機.
見到妳地既付出終於有成績,我實在希望自己都能夠有這份毅力.
希望每位媽咪都有show off的機會.

作者: cottontail 時間: 07-11-13 14:30

cherrylemon,

我由第一頁睇起, 真係講中哂所有阿媽教仔既心情同苦處, 我有時好傻咁唸, 第日個仔會唔會用番尼d 心血孝順番我地..:-| , 不過都係唸下者, 講到尾教導小朋友係父母既責任, 無得走, 希望小朋友大左真係記得同知道所有既媽咪既心血。

作者: SandyWu 時間: 07-11-13 15:25

原文章由 cottontail 於 07-11-13 14:30 硐表
cherrylemon,

我由第一頁睇起, 真係講中哂所有阿媽教仔既心情同苦處, 我有時好傻咁唸, 第日個仔會唔會用番尼d 心血孝順番我地..:-| , 不過都係唸下者, 講到尾教導小朋友係父母既責任, 無得走, 希望小朋友大左真係記 ...

真係養兒方知父母恩

作者: chuiiris 時間: 07-11-13 18:29

cherrylemon

我不是介意幾分的差距, 而是小六升中, 這幾分就决定了他是 band one or band two. 影嚮很大.

一句講埋, 失敗的教育制度

作者: Putongren 時間: 07-11-13 20:57

不吐不快，留番條link，得閒再up。Sorry！

作者: cherrylemon 時間: 07-11-13 23:30

chuiiris,

唔好意思呀! 我誤會左! 咁你小朋友同你的壓力相信真係好大!:cry:

原文章由 chuiiris 於 07-11-13 18:29 硐表
cherrylemon

我不是介意幾分的差距, 而是小六升中, 這幾分就决定了他是 band one or band two. 影嚮很大.

一句講埋, 失敗的教育制度

作者: cherrylemon 時間: 07-11-13 23:44

我個女,呢排測完驗之後,可能因為成績好左,令佢開心到飄飄然啩! 佢開始放慢,雖然佢把口係話重想繼續咁努力,但我見佢的表現,似乎又唔係,成日都好似好攰咁,但佢一向都唔係d會"借d意"的小朋友,所以我又唔忍心要佢做呢樣做個樣,佢今日重病埋,已經成個星期冇o係作戰狀態喇!

學無前後,不進則退!
我覺得佢呢幾日已經"sign"左好多時間!我個心好急呀!!!

我聽CHEUNLL講,要學習summarize D資料,咁我之前都有叫佢得閒就練下打字,依家想加快速度,但學校又開始教倉頡,連英文都唔識打,就要學打中文,又要比時間佢背個字碼表,學校個PROJECT又黎喇!又想再繼續打好英文個底,始終佢基本功,都係唔夠穏,作文都重係有D錯,咁究竟邊有咁多時間用????

所以一次半次的"成功"真係唔應該開心得咁早!!

其實之前都有媽咪講過,學習重要鬥靱力!

都係三個字 : 共勉之!

[ 本文章最後由 cherrylemon 於 07-11-13 23:46 編輯 ]

作者: cherrylemon 時間: 07-11-13 23:58

cheungll,

唔該晒!你重提供埋個時間比我地,你真係好nice.

........"That was close!"，不會寫成"That was very dangerous!"這樣 bookish 的英文。.....呢樣真係好o岩!

我試過叫佢睇新聞,但真係講得快同d字好難,佢唔係好明呀,
睇卡通係咪會易d呢??

其實之前佢listening都係一百分架,所以我冇留意過,諗住佢得.點知佢今次測驗得返80幾分,佢話好難.佢好多同學都係低分左. 我見佢eng class的listening ex. 都係深左,所以我又要擔心多一樣喇!!!又要分d時間出黎喇!

每日都分秒必爭咁,行返屋企都要競步,攪到自己心跳加速!
好慘!

原文章由 cheungll 於 07-11-7 09:30 硐表
cherrylemon：

真過獎了，大家交流一下而已。

你囡囡真好學，十分難得。其實不是所有小朋友都覺得讀書辛苦的，而且你會用不同方法針對她的弱點令她進步，所以她做這些練習時應該不會很悶。

如果囡囡的英文基礎已經打穩，或者可以減少做補充或重覆的練習，給她多點時間自己閱讀和看英文台的電視節目，例如明珠台的天與地Planet Earth，還有一套卡通很好看，叫做 The Secret Show (Sat 8:45am)，雖然英文說得很快，但錄起來可以看幾次。ATV World 有一套叫 The New Worst Witch (Tue 17:05) 的也很好看。看這些電視除了對聽力有幫助外，還令小朋友學會日常用的英語，即比較地道的 idiomatic 的英語，例如作文時要寫「好險啊！」，如果有看The Secret Show或其他卡通片就很快學會用 "That was close!"，不會寫成"That was very dangerous!"這樣 bookish 的英文。

作者: cherrylemon 時間: 07-11-14 00:29

之前覆過個媽咪,打左一大篇野,諗住橫惦都係,不如POST埋出黎,大家有興趣可以睇下.

............至於方法,其實我的方法都只係針對我的小朋友,係因為我了解佢,先會有一D專門"對付"佢的方法,唔知O岩唔O岩你用,

我個女幼稚園係用故事書做教材的,佢套故事書好好!!教識佢好多野!EVEN佢到三年班,佢都重有讀有關O個套故事書的英文COURSE, 當然係HIGHER LEVEL啦! 我諗你都應該知道呢套書.就係OXFORD READING TREE喇!

到左一年班就開始重點教ARTICLE, PREPOSITION & PRESENT TENSE. 咁你可以買朗文O個本EX. 呢本EX. 每個TOPIC都解得好精簡,而且好有條理.我到依家都重有KEEP住.個名係 WEEKLY ENGLISH FUNDAMENTAL EXERCISES.(每週英語基礎練習),雖然係好普通,但好用.

至於COMPREHENSION, 都好重要,我推薦O個本係MASTERING ENGLISH COMPREHENSION AND WRITING. 每個練習有一篇COMPREHENSION & GUIDED WRITING.有VOCAB.提供,由淺入深,好好用的,圖畫好精美,彩色的.

作者: 森林媽媽 時間: 07-11-14 09:16

這個分享真好, 令我好感動。
我囝囝剛升小一, 其實我也不知怎樣教佢, 每天放工回到奶奶家已經8:30pm, 食完飯返到自己屋企都成10點,佢去沖涼時, 我就睇佢功課, 同簽名, 佢沖完涼就溫書(如果有默書), 同讀英文故事書﹑串字﹑中文課外閱讀, 仲有每日一篇, 晚晚都過11點先瞓, 今個星期開始返功輔班, 以為會好啲, 幫輕下, 第一日佢話好開心, 話大姊姊同佢地做完功課會同佢地玩, 當時我覺得做完功課輕鬆吓都啱, 點知我回到家看他的功課, 字明顯寫得醜咗(我已經當睇唔到), 仲無溫默書, 我已經嬲嬲地, 不過第一日可能有啲未習慣吧! 咁我咪寫字條提功輔班的老師幫佢溫囉, 點知第二日都係咁, 只是做了ws及寫字, 我回到家不單要阿仔重新寫個啲字(實在無辦法見人), 又要讀英文故事書同中文課外閱讀(好彩佢爸爸已經同佢串咗字), 仲要再溫默書(雖然上星期已同佢溫過), 哪一刻覺得無人幫到自已, 我好攰, 好唔開心, 亦對個仔發脾氣, 問佢去功輔班是玩還是做功課, 今日睇完呢個分享後, 個人亦平靜了很多, 我覺得辛苦, 原來好多媽咪比我更辛苦, 自己尚未付出最大的努力, 好多謝各位媽咪的分享, 非常受用, 雖然我未必可以做到妳們咁好, 但係我同囝囝會一同努力的。:loveliness:

作者: BB2WONG 時間: 07-11-14 09:59

森林媽媽,

你阿仔參加的是補習社的補習班還是學校的功課輔導班？兩者會有不同，補習社的補習班----就一定包做晒功課及溫書，而學校的功課輔導班---通常只是看管著小朋友做功課，如果小朋友唔專心真的會做不完，另外如果有問題不主動問也會常有出錯的地方。
所以最終也是要我們自己全部看過，不過總可以省些做功課的時間。

我也是參加學校的功課輔導班----大仔已參加了幾年沒問題，細仔今年小一，最初幾天在學校的功課輔導班只能完成1-2樣功課，我就跟細仔說，哥可以在1.5小時內完成10樣功課，為何小一只有4-5樣很簡單的功課都不能完成？於是罰他在家晚上沒tv看，哥一早完成就可以獎打機，他見了這樣以後就差不多天天都在輔導班時完成功課（除了有activities)！

這樣晚上回來我就只需要看功課，有錯就改一下，溫一下要默的書，他們就下班可以看tv或打機了，這樣大家都開心。

作者: 森林媽媽 時間: 07-11-14 10:31

不是學校的, 不過是功課輔導班, 我原意也是做好晒功課, 有默書就溫吓, 回家我都會睇, 起碼唔駛再由頭做過, 到月尾情況都唔好, 我就會轉補習班, 因為有人介紹有個補習班不錯, 我也有問過, 同我要求差不多, 不過我覺得個老師好惡, 怕個仔會唔開心, 所以十五十六下就選呢咗呢個功輔班, 我奶奶照顧好多個, 其心一個係我細囡, 只有2歲半, 我奶她叫唔郁我個仔, 斤而且佢又唔識英文, 好難同佢做功課, 因此我才會參加功輔班, 希望有人睇住佢同埋教一教佢。

原文章由 BB2WONG 於 07-11-14 09:59 硐表
森林媽媽,

你阿仔參加的是補習社的補習班還是學校的功課輔導班？兩者會有不同，補習社的補習班----就一定包做晒功課及溫書，而學校的功課輔導班---通常只是看管著小朋友做功課，如果小朋友唔專心真的會做不完，另外如果有問 ...

作者: 情情媽咪 時間: 07-11-14 11:32

cherrylemon,

我都睇完你所有文章, 覺得你係一個好好媽媽,為左個囡全力以負,我都充心恭賀你,証明你心幾無白費.

. 我囡都k3,日日我都同佢溫書,但係佢專注力唔得,所以我都

,我好請教你我應該用什麼方法先可以另佢可以好d專心d........

原文章由 cherrylemon 於 07-11-13 23:44 硐表
我個女,呢排測完驗之後,可能因為成績好左,令佢開心到飄飄然啩! 佢開始放慢,雖然佢把口係話重想繼續咁努力,但我見佢的表現,似乎又唔係,成日都好似好攰咁,但佢一向都唔係d會"借d意"的小朋友,所以我又唔忍心要佢做呢樣 ...

作者: shirley1509 時間: 07-11-14 12:37 標題: 一樣的感受

睇咗你嘅發表，景況跟我完全是一樣的，我早輪係yahoo bolg 到寫嘅感受, 跟你寫的有 98 % 相像，原來大家同是天涯倫落人呀。

原文章由 森林媽媽 於 07-11-14 09:16 硐表
這個分享真好, 令我好感動。
我囝囝剛升小一, 其實我也不知怎樣教佢, 每天放工回到奶奶家已經8:30pm, 食完飯返到自己屋企都成10點,佢去沖涼時, 我就睇佢功課, 同簽名, 佢沖完涼就溫書(如果有默書), 同讀英文故事書﹑串 ...

作者: Png 時間: 07-11-14 13:58

謝謝分享．當中獲得很多有效的教孩子的方法．
真係未經歷過呢個階段就唔知咁辛苦．

原文章由 cherrylemon 於 07-11-14 00:29 硐表
之前覆過個媽咪,打左一大篇野,諗住橫惦都係,不如POST埋出黎,大家有興趣可以睇下.

............至於方法,其實我的方法都只係針對我的小朋友,係因為我了解佢,先會有一D專門"對付"佢的方法,唔知O岩唔O岩你用,

我個女 ...

作者: 棉花糖媽媽 時間: 07-11-14 15:59

cherrylemon:

你真係一個好有心既媽媽, 佩服~~

我想請教你係點樣用故事書(OXFORD READING TREE)係幼稚園時做教材架? 點樣開始, 應從邊個series 開始 (READ AT HOME?? FRITION?? or NON-FRICTION stories??) <---- 我自己d英文好鬼屎

麻煩哂....

p.s. 呢set故事書係咪喺書局可以買到, 我想睇睇了解一下內容先

原文章由 cherrylemon 於 07-11-14 00:29 硐表
之前覆過個媽咪,打左一大篇野,諗住橫惦都係,不如POST埋出黎,大家有興趣可以睇下.

............至於方法,其實我的方法都只係針對我的小朋友,係因為我了解佢,先會有一D專門"對付"佢的方法,唔知O岩唔O岩你用,

我個女 ...

[ 本文章最後由棉花糖媽媽於 07-11-14 16:41 編輯 ]

作者: 1429 時間: 07-11-14 16:07

看到你那麼有心思去教育囡囡, 她也一定會明白你的愛及心意, 多謝你的分享, 好感動, 如自己沒有小孩, 想必也未能體會.

原文章由 cherrylemon 於 07-11-2 01:20 硐表
我試過好多方法,真係一言難盡.

約略講講,
-我比佢去一d小組的英文班, (之前去過esf,但覺得太大班,學唔到野)比佢作文然後老師改及教返o岩,例如佢之前寫過go out to shopping老師改佢,只可以go to shopping, go out t ...

作者: 森林媽媽 時間: 07-11-14 17:09 標題: 大家咁話

我都係上咗BK, 先知好多媽媽都係咁, 大家一起努力啦!:)

原文章由 shirley1509 於 07-11-14 12:37 硐表
睇咗你嘅發表，景況跟我完全是一樣的，我早輪係yahoo bolg 到寫嘅感受, 跟你寫的有 98 % 相像，原來大家同是天涯倫落人呀。

作者: cherrylemon 時間: 07-11-14 21:03

情情媽咪,

我都係盡我知試下答:

以前睇過一本書,作者係glenn doman(我未睇晒的)
佢話小朋友都係缺乏專注力的,
因為佢地腦筋轉得快,
所以如果你教得佢太慢,
佢地就會開始失去興趣與耐性.
所以,glenn doman提出左flash card呢個教法,
用法相信好多媽咪都知,
就係白紙黑字大大個寫低你要教o個個字,
然後係個小朋友面前,大聲朗讀(好似要三次),
然後換第二個......
過程唔好拖慢但又唔好快到小朋友都未睇到就換card,
慢慢佢地就會學識好多字,我女幼稚園時我有咁教佢,
係好work的.

但呢個只係教幼兒認字的方法,
我sharing以上的方法係因為我覺得同出一徹.
重點係-------快!係佢未覺得悶之前你要教識佢,
就算佢未學識,都要立即停,寧願第二日再教過.
好過佢覺得悶左,就以後都唔show你.
就好似患胃痛的人要小食多餐咁!

作者: cherrylemon 時間: 07-11-14 21:11

森林媽媽,

我都感受到你的感受喇!

每日睇住個鐘一分一秒咁過,
個小朋友d野做極都做唔完,
記野又記唔切,硬記又唔入腦,
想教額外野又唔夠時間.
自己真係心急如焚.熱煱上的螞蟻咁,
繼而就一團火

湧上心頭,
再由個口噴出黎

.變成一個鬧死人的女魔頭,
攪到自己成隻噴火女魔頭咁呀真係!

原文章由 森林媽媽 於 07-11-14 09:16 硐表
這個分享真好, 令我好感動。
我囝囝剛升小一, 其實我也不知怎樣教佢, 每天放工回到奶奶家已經8:30pm, 食完飯返到自己屋企都成10點,佢去沖涼時, 我就睇佢功課, 同簽名, 佢沖完涼就溫書(如果有默書), 同讀英文故事書﹑串 ...

作者: cherrylemon 時間: 07-11-14 21:42

棉花糖媽媽:

唔係我教架,係幼稚園老師教的,Oxford Reading Tree係學校的教材.

呢套書係圍繞一班人物(多個family組成)之間發生的事,由於呢套書係分左好多個series同stages,所以我諗你要慢慢study下,
而我女o個套已經送左比朋友,所以我記得幾多講幾多啦!

教書的順序 (唔係本本都教的,部份要自己睇)
Stage 1 First Words Storybooks - Who Is It?, Six in a Bed, The Pancake, Fun at the Beach, A Good Trick, Floppy Floppy

Stage 1 More Patterned Stories (each 8 pages) - Making Faces, Goal!, The Journey, Shopping, Who Did That?, What a Mess!

Stage 1 First Sentences (each 8 pages) - Hide and Seek, Reds and Blues, Big Feet, Look at Me, Go Away Floppy, Kipper's Diary

Stage 2 Stories - What a Bad Dog!, The Dream, The Go-Kart, A New Dog, The Toys' Party, New Trainers

Stage 3 Storybooks - A Cat in the Tree, The Egg Hunt, Nobody Wanted to Play, The Rope Swing, On the Sand, By the Stream

Stage 4 Stories - House for Sale, The New House, Come In!, The Secret Room, The Play, The Storm

Stage 4 More Stories Pack A - The Balloon, The Camcorder, Nobody Got Wet, Poor Old Mum!, The Wedding, The Weather Vane

Stage 5 Stories - The Magic Key, Pirate Adventure, The Dragon Tree, Gran, Castle Adventure, Village in the Snow

Stage 5 More Stories Pack A - The Great Race, A Monster Mistake, It's Not Fair, Underground Adventure, Vanishing Cream, The Whatsit

Stage 5 More Stories Pack B - Camping Adventure, A New Classroom, Mum to the Rescue, The New Baby, Noah's Ark Adventure, Scarecrows

Stage 6 and 7 Storybooks - Land of the Dinosaurs, In the Garden, Kipper and the Giant, The Outing, Robin Hood, The Treasure Chest, The Broken Roof, Lost in the Jungle, The Lost Key, Red Planet

我記得佢學校教到呢度,之後o個d就係我自己揀比佢睇,有時會叫佢自己揀.你自己慢慢睇下佢個網.

http://www.oup.com/oxed/primary/literacy/ort/fiction/biff_chip_kipper_stories/

原文章由 棉花糖媽媽 於 07-11-14 15:59 硐表
cherrylemon:

你真係一個好有心既媽媽, 佩服~~
我想請教你係點樣用故事書(OXFORD READING TREE)係幼稚園時做教材架? 點樣開始, 應從邊個series 開始 (READ AT HOME?? FRITION?? or NON-FRICTION stories?? ...

作者: iberia 時間: 07-11-14 22:07

原文章由 cherrylemon 於 07-11-1 22:58 硐表
請容許我SHOW OFF 一下.我呢幾年真係好辛苦咁教女功課.

經過多年努力, 期間鬧,氹,教,嬲,掟書,拍枱樣樣齊,想盡各種方法,每日嘔血,不斷改進,今日阿女終於係測驗得到好成績,數學A,英文同英文WRITING都係A,而且WRITING ...

我也有同樣經驗, 初期我都是用負面的教法, 但更改方法後, 他比較受教. 我小孩上小一時也要花一些時間適應
. 特別是我的幼兒 , 因他有讀寫障礙及late talker, 但兩個月後, 今天他巳經學會自己主動做功課, 令我非非常開心.他的學校也有很大的幫助, 所以我們非常喜歡他們的學校.

在他五周歲開始, 我們亦花了一年時間同他去協康會接受訓練, 亦因他在一間比較活動教學的幼稚園, 所以他寫字比較差, 結論是請放心及請用心及用合適的方法, 要有耐心 / 愛心 / 正面的教法, 多多鼓勵, 他們一定有進步.

他們的幼稚園給他們很好的訓練, 令他們很有自信及EQ. 他們的畢業生去到任何一間小學都無問題 .大仔在培正, 幼仔在浸會大學王錦輝小學.

我倆公婆除了上班 , 所有時間都給他們了, 希望您們亦可以花多的時間陪伴他們.

雖然他們只有P1 &
P3, 他們亦花很多時間去學音樂 / 樂器 / 跆拳道 / 繪畫 / 圍棋
/ 游泳等. 我告訴他們在大學時可以做part-time job, Macdonald只有US$7.8/hr,
教樂器US$80/hr. 再者, 這一些都是考大學都會加分.

一分辛勞, 一分收穫.

我們時常帶他們出國, 去年帶他們回美國上兩星期暑期班, 他們亦應付自如. 只要信賴上帝, 衪會供應, 因衪賜給我們嬰孩, 衪清楚他們多過我們了解他們, 當有困難時, 我們找上帝, 衪必指引我們.

作者: 馬媽媽 時間: 07-11-15 09:50

You can consider using Oxford Story Tree which can be bought from most of Popular book Stores. Each level has several readers which are extracted from Oxford Reading Tree. I prefer using Oxford Story Tree as a starter because they contain some exercise books and a CD which can be used as follow-up exercise for child. And you will know whether the child understand the story or not. I use these set of materials as teaching material for my child, who enjoys very much.

Besides, I will choose some vacab. for my child to write and spell. The books are very colourful and funny.

原文章由 棉花糖媽媽 於 07-11-14 15:59 硐表
cherrylemon:

你真係一個好有心既媽媽, 佩服~~
我想請教你係點樣用故事書(OXFORD READING TREE)係幼稚園時做教材架? 點樣開始, 應從邊個series 開始 (READ AT HOME?? FRITION?? or NON-FRICTION stories?? ...

作者: 棉花糖媽媽 時間: 07-11-15 10:22

馬媽媽 & cherrylemon
Thank you for your information

馬媽媽
Are U also start reading "Oxford Story Tree" since kindergarten of your child??

原文章由 馬媽媽 於 07-11-15 09:50 硐表
You can consider using Oxford Story Tree which can be bought from most of Popular book Stores. Each level has several readers which are extracted from Oxford Reading Tree. I prefer using Oxford Story ...

作者: 馬媽媽 時間: 07-11-15 11:42

My daughter starts the Oxford Story Tree since K3. Some clever child may start at K2. My daughter finishes one story book and one ex. book every week. After one level, she will do the revision, i.e. she has to read out by her own. Every week, I will let her listen to the CD again. I will choose some pages of the story books and ask her to read it out to me. A sort of reading test!!

The above arrangment is not requested by the school. That is a supplement to my daughter.

From the ex. book, you will know whether the child really understand the story or not.

原文章由 棉花糖媽媽 於 07-11-15 10:22 硐表
馬媽媽 & cherrylemon
Thank you for your information

馬媽媽
Are U also start reading "Oxford Story Tree" since kindergarten of your child??

[ 本文章最後由馬媽媽於 07-11-15 11:53 編輯 ]

作者: 棉花糖媽媽 時間: 07-11-15 11:46

Thank you again

I will go to popular to look look....

原文章由 馬媽媽 於 07-11-15 11:42 硐表
My daughter starts the Oxford Story Tree since K3. Some clever child may start at K2. My daughter finishes one story book and one ex. book every week. After one level, she will do the revision, i.e. s ...

作者: 情情媽咪 時間: 07-11-15 17:28

cherrylemon

多謝你指教, 我會嘗試這個方式, 希望再次可以同你分享及向你請教

原文章由 cherrylemon 於 07-11-14 21:03 硐表
情情媽咪,

我都係盡我知試下答:

以前睇過一本書,作者係glenn doman(我未睇晒的)
佢話小朋友都係缺乏專注力的,
因為佢地腦筋轉得快,
所以如果你教得佢太慢,
佢地就會開始失去興趣與耐性.
所以,glenn doman提出左f ...

作者: Lily2003 時間: 07-11-28 18:04

好一句

鬧,氹,教,嬲,掟書,拍枱樣樣齊,想盡各種方法,每日嘔血,

我每日都做緊, 但係成效就未必有你咁好了。

作者: iberia 時間: 07-12-2 08:25

教小孩一定要有愛心 / 耐心, 有誰愛比人罵的,但很多父母都欠缺.
我們可以請耶穌基督來幫忙, 大家一道祈禱, 這個方法很有效.

原文章由 Lily2003 於 07-11-28 18:04 發表
好一句

鬧,氹,教,嬲,掟書,拍枱樣樣齊,想盡各種方法,每日嘔血,

我每日都做緊, 但係成效就未必有你咁好了。

作者: awah112 時間: 07-12-2 15:23

提示: 作者被禁止或刪除內容自動屏蔽

歡迎光臨教育王國 (/)