教育王國
標題: 自閉症傾向經驗分享 [打印本頁]
作者: kychu132 時間: 07-11-1 22:57 標題: 自閉症傾向經驗分享
各位好友,
我兒子今年五歲半,他大概兩歲三個月在鴉蘭街中心作評估,評定兒子有自閉症傾向.當時我傷心欲絕。
在這三年期間，幸好我遇到一個很有愛心和教學經驗的Playgroup老師不斷給我意見。
要接受這件事實在不容易，當時鴉蘭中心社工建議我們申請有兼收位幼兒院，在無可選擇之下申請，因為在外我已無法申請到幼稚園。回想的是慶幸當時在這決定，不然我也沒法想像他幼兒院是怎樣過！
我兒子入讀基督教服務處轄下幼兒學校，學校提供言語治療，職業治療，物理治療等服務，而且學校亦有兼收老師特別照顧。每次言語治療我都會抽時間參與。
不知不覺，三年的幼稚園生活快將過去。今年我早有準備揀小一學校。我向一些非主流的私校和直資出發，避開傳統學校的教學。經過長時間訓練，我兒子已有兩間學校接納申請。我十分開心，而且很感謝天父！學校的協助也很大。
所以我希望各位家長，不要放棄。與自閉症小朋友一起相處要用愛心，多些和他們傾談，他們會明白。也不要因為有這傾向而對他們百般遷就，因為這會更加令他們難好，幾時都要他們自律。
自閉症愈及早發覺，愈早對症下藥，他們痊癒機會愈高。
最奇蹟有一次，中心幫兒子驗眼發現他有很深遠視和散光，這令我兒子語言發展障礙的主因，後來配眼鏡後，他視力好了很多，他開始多說話，而且突飛猛進。
另外，我看一些書，指自閉症小朋友不宜吃燥熱食物，要幫他們通血氣，使他們腦部有健康發展。我跟這個方法，頗有效用。
我希望籍此作出一個鼓勵，好好愛護這些小朋友。
作者: dicdicdada 時間: 07-11-2 15:15 標題: 回覆 #1 kychu132 的文章
kychu132
謝謝你的分享。很高興聽到你的孩子進入主流學校。我會跟你一樣不會放弃。 希望終有一天可以從傾向變成正常。
謝謝
作者: kychu132 時間: 07-11-2 19:45 標題: dicdicdada
如果有需要的,可隨時留言,大家交流吓意見。
原文章由 dicdicdada 於 07-11-2 15:15 硐表 
kychu132
謝謝你的分享。很高興聽到你的孩子進入主流學校。我會跟你一樣不會放弃。 希望終有一天可以從傾向變成正常。
謝謝
作者: mosses 時間: 07-11-5 01:42
可否告知學校的名稱？
作者: kychu132 時間: 07-11-5 20:10 標題: 回覆mosses
請問你是否問幼兒學校, 抑或是小學?
幼兒學校:兼收位- 基督教服務處時代幼兒學校(不過政府安排)
小學- 我兒子考入國際基督教音樂小學
留意: 此學校說明不能照顧有特殊需要的小朋友。大家可自己衡量小朋友的能力。我選擇這學校是因為信仰相同，而且他們有雙班主任，師生比例：1對15。
所以大家一定要在小朋友學前教育給予足夠訓練，因為小朋友進步速度是你無法估計。
原文章由 mosses 於 07-11-5 01:42 硐表
可否告知學校的名稱？
作者: kychu132 時間: 07-11-6 16:43 標題: 今日真道收咗我個仔啦!
各位好友，我們要堅持和努力，我們的小朋友也可以有美好前景！
作者: evonpig 時間: 07-11-6 22:37
原文章由 kychu132 於 07-11-1 22:57 硐表
各位好友,
我兒子今年五歲半,他大概兩歲三個月在鴉蘭街中心作評估,評定兒子有自閉症傾向.當時我傷心欲絕。
在這三年期間，幸好我遇到一個很有愛心和教學經驗的Playgroup老師不斷給我意見。
要接受這件事實在不容易， ...
請問你個仔响邊間幼兒園讀書？ 因為我個仔現在25個月大, 星期四那天在KH確診是自閉症兒童. 醫生話佢學習遲緩如16-17個月大, 語言能力只得9個月. 嗰一刻個人呆咗, 因為一直以來家人及朋友都話佢只係遲講嘢(到現在仍未叫爸爸媽媽, 只會說外星話), 同唔鍾意應人, 我奶奶以為佢聽覺有問題. 不過經過兩次智力評估就確診是自閉症. 我個心好亂, 擔心以後唔識照顧佢. 後來安排咗社工同我傾先至好啲. 我最初以為只有我一個人唔開心, 因為我老公知到評估確診時只問我點解會咁,同埋語氣欠佳; 加上我我情壞差點想一走了事. 好彩原來佢都好擔心我哋仲立即上網搵資料同向公司請假. 我哋最後去了一個私人的特殊訓練中心再做評估, 雖然都係話佢係自閉, 不過不像KH所說的嚴重. 而我哋為佢排期讀特殊學校外, 亦為佢報讀了特殊訓練班. 學費貴而且仲要等． 我打算俾佢去兼收幼兒園加一些語言治療
作者: Tigermamy 時間: 07-11-7 00:16
kychu132,
您說不宜吃燥熱食物 ，要幫他們通血氣，使他們腦部有健康發展,咁即係可以食什麼? 不要吃什麼?
作者: babytszkin 時間: 07-11-7 00:36
我亦有一個被評定為自閉兒的寶貝,於2歲半被評為自閉傾向,3歲2個月由精神科專家評定為自閉兒,可能我很早便接受了這個事實所以心情一路都好平靜,每日都只想搵更多的方法去幫助他,到處去打聽那裡的導師比較好讓他接受適合的治療!
可能他的起步點比較差,步伐很慢,所以當自己見到身邊的小朋友不斷進步而自己都會有難過的時刻!因很擔心我2老死後他怎算,因我只有這一個兒子!
幸好身邊的導師和朋友都比了我很大的支持和鼓勵 ,她們常說,只要天天都在進步中總有一天會有一個大突破!
現在每天能夠和他上學接他放學,陪伴他睇住他成長已成為了我每日最大的原動力
作者: kychu132 時間: 07-11-8 00:23 標題: evonpig
1. 我的兒子在鴉蘭確診後，他們會有社工幫你，申請就讀一些有＂兼收＂學位的幼兒園（由政府派位）。大概要等九個月至一年，所以星期四快些與中心聯絡。
我的兒子在基督教服務處轄下時代幼兒學校。學校會有一位專責照顧這些兒童老師，在日間給予訓練，而且有言語治療師每星期來提供訓練。第一年可能成效未必很大，但這些小朋友有特別照顧已經很好。
除了基督教服務處外，還有聖雅各福群會。你可以將情況與這些機構聯絡，問他們如何申請。這些位很有限，要快！
2. 我翻查紀錄我兒子情況與你的差不多，語言能力當時低於一歲。我也很震驚，因為我小時候，三歲才懂說話，所以我兒子遲講我都覺得無問題。但回想當時都肯面對現實，決定讓兒子入讀兼收位。
3. 我想問你另一半點睇這件事，因為我當時丈夫很抗拒，我們為些爭吵很多次。而且你身邊人未必了解，慶幸當時我細姑奶是護士。最後我在瑪麗醫院見醫生時，醫生知道我的情況，便要求我丈夫一起見，當面解釋兒子情況，我老公才啞口無言。
再有問題，與我聯絡！
原文章由 evonpig 於 07-11-6 22:37 硐表
請問你個仔响邊間幼兒園讀書？ 因為我個仔現在25個月大, 星期四那天在KH確診是自閉症兒童. 醫生話佢學習遲緩如16-17個月大, 語言能力只得9個月. 嗰一刻個人呆咗, 因為一直以來家人及朋友都話佢只係遲講嘢(到現在仍 ...
作者: kychu132 時間: 07-11-8 00:25 標題: 認同！
雖然我兒子入主流學校，不過我仍努力！
原文章由 babytszkin 於 07-11-7 00:36 硐表
我亦有一個被評定為自閉兒的寶貝,於2歲半被評為自閉傾向,3歲2個月由精神科專家評定為自閉兒,可能我很早便接受了這個事實所以心情一路都好平靜,每日都只想搵更多的方法去幫助他,到處去打聽那裡的導師比較好讓他接受適 ...
作者: kychu132 時間: 07-11-8 00:32 標題: Tigermamy
燥熱食物，例如煎炸，麥當奴等等，可口可樂也有興奮作用，亦不適且。燥熱食物會令他們更暴燥，而且這些小朋友比較容易敏感，例如氣管。很容易病。
最好找個中醫調理他們身體。平時我會多煲湯，例如北茋，党心。中醫推介湯水，清補涼，四時合用。有些人誤會清補涼以為很涼，其實不是。有時想不到煲甚麼湯，可以買豬肉或牛肉啄碎加果皮或者薑滾湯都可以。
原文章由 Tigermamy 於 07-11-7 00:16 硐表
kychu132,
您說不宜吃燥熱食物 ，要幫他們通血氣，使他們腦部有健康發展,咁即係可以食什麼? 不要吃什麼?
作者: yan801022 時間: 07-11-8 17:55
hihi各位媽媽：
我個大仔小二啦～由０３年開始係智能測驗中心跟進，之前只是話佢言語慢．．到左今年十月見心理學家再做評估．．發現佢有自閉徵狀，佢同我講原來之前幾年都有懷疑，旦無同我講．我現在都唔知點算，佢小學話要肯定係自閉症先會有咩咩計劃去幫佢，現在重要等測驗中心安排綜合覲觀察（社交）有幾個同樣的小朋友一齊相處，ｄ心理學家就要觀察完先可以下定論．．請問有無相同的家長可以比ｄ意見我
作者: kychu132 時間: 07-11-9 13:24 標題: yan801022
你好!
我也明白你感受，你可以與協康會求助，因為這個機構，無論工作人員專門協助我們的家長．你參加他們活動時亦可向有經驗家長指教．
其次，評估中心應該有進一步跟進，你可以多問他們問題，他們會有資料給你．
原文章由 yan801022 於 07-11-8 17:55 硐表
hihi各位媽媽：
我個大仔小二啦～由０３年開始係智能測驗中心跟進，之前只是話佢言語慢．．到左今年十月見心理學家再做評估．．發現佢有自閉徵狀，佢同我講原來之前幾年都有懷疑，旦無同我講．我現在都唔知點算，佢小學話要肯定係自閉症先會有 ...
作者: Steven2005 時間: 07-11-13 16:51
回覆 : kychu132
Please check PM (私人訊息). Thank you!
作者: HayBMum 時間: 07-11-18 15:34
Hi kychu132,
小兒2歲時被評為自閉症，現在快6歲了，明年將會入讀小一，和你的想法類似，都是認定一些較另類的私校/直資為目標，很幸運地已有2間私小取錄，明年將會選擇其中一間升學。
回想過去的日子，可以用無限辛酸來形容，但見到孩子一天天的成長，也一天天的進步，當中的快樂也非筆墨可形容。
希望大家都能抱著樂觀的心態繼續前進！
作者: kychu132 時間: 07-11-18 17:48 標題: Hi HayBMum
多謝你的鼓勵。想起現在那麼多小朋友都這些問題，做父母難勉心酸。希望我們的小朋友未來日子健康快樂成長！
原文章由 HayBMum 於 07-11-18 15:34 硐表
Hi kychu132,
小兒2歲時被評為自閉症，現在快6歲了，明年將會入讀小一，和你的想法類似，都是認定一些較另類的私校/直資為目標，很幸運地已有2間私小取錄，明年將會選擇其中一間升學。
回想過去的日子，可以用無限辛酸來形容，但見 ...
作者: weiwei17306 時間: 07-11-20 11:02
原文章由 HayBMum 於 07-11-18 15:34 硐表
Hi kychu132,
小兒2歲時被評為自閉症，現在快6歲了，明年將會入讀小一，和你的想法類似，都是認定一些較另類的私校/直資為目標，很幸運地已有2間私小取錄，明年將會選擇其中一間升學。
回想過去的日子，可以用無限辛酸來形容，但見 ...
想問下你有什麼方法可以幫助孩子呢, 我的孩子21 月, 有自閉傾向, 我很無助... 也很難過, 不知在那裡開始幫孩子好. 希望你可以為我分享一下
[ 本文章最後由 weiwei17306 於 07-11-30 10:47 編輯 ]
作者: ChattyST 時間: 07-11-20 18:01
wei wei 17306,
呢度有好多人幫手ge,唔駛咁徬徨.
1.你個小朋友先要去見政府兒童評估中心的醫生, 咁先可以開始排隊輪候政府收費便宜的各種學前幼兒服務(早期訓練e位, 兼收i位或特殊s位)
2. 同時你可以去搵各大志願機構或私人機構同小朋友一邊做訓練, 一邊等政府服務.
作者: HayBMum 時間: 07-11-20 22:29
weiwei17306,
小朋友是否在CAC被評估為自閉傾向？ 是否已排I/S位? 儘早讓孩子接受訓練，他們進步的空間可以很大。
很多方法我也試過，包括主流訓練和另類治療，對於自己的小朋友來說，訓練的成效較大，但每個孩子的情況都不同，有些對另類治療反應很好，所以我只可以說在能力範圍和安全情況下，不妨嘗試各種方法去幫助孩子。
你現在的心情，相信是這裡所有家長都經歷過的，起初是不願意相信，接著不斷找資料，到漸漸接受現實，努力和小朋友做訓練。希望你的心情快些回復過來，儘快幫小朋友找訓練才是最重要的。
原文章由 weiwei17306 於 07-11-20 11:02 硐表
想問下你有什麼方法可以幫助孩子呢, 我的孩子2 歲, 有自閉傾向, 我很無助... 也很難過, 不知在那裡開始幫孩子好. 希望你可以為我分享一下
作者: hippomama 時間: 07-11-21 00:58
我的兒子(也是A仔)也在接受了兩年早期訓練後, 今年入讀了主流小學. 當然也是需要一些小班，沒有功課壓力的學校．
不斷的訓練是對他們很有幫助的．現在沒有了早期訓練（好唔捨得！）我們剛排到公立醫院的職業治療，每兩周一次．自費進行每周一次的言語治療，又安排了一些每周的個別訓練．最重要的是自己每天按治療師的要求進行親子訓練！有點疲於奔命的感覺！但一看到他的進步（這兩個多月來，他開始自動搭訕！），又覺得幾辛苦都無所謂了！既然仔仔揀了我，無辦法啦！
作者: weiwei17306 時間: 07-11-21 10:24
很感謝你們, 只是, 我沒法子辭職在家照顧他, 因為家庭收入不太多, 想可能私人訓練也成問題, 想到這樣, 心裡很難受
作者: cecilau 時間: 07-11-21 10:45
我想請教大家, 如果係a仔/傾向的小朋友, 會唔會識得同小朋友玩的, 識唔識得俾野俾小朋友的? 如果識得同小朋友玩的, 咁係唔係a 仔呀?
作者: kychu132 時間: 07-11-21 14:42 標題: 好 爸 爸 為 自 閉 兒 棄 厚 職
今日蘋果日報刊登一則新聞，內容講述一個爸爸為照顧兒子而放鬆高薪厚職，現在他兒子而康復過來，重新投入工作。這位爸爸與我情況也很相近。
記得兒子兩半時，被評為有自閉症傾向，簡直痛不欲生，當時我也不願入讀Ｉ位，一入學校便頭痛萬分。當時我的工作幾乎停頓，幸得公司無限體諒。
我的工作幾看業績，但這幾年，我只交得最minimal quota，收入很微，比較其他同事，我很自卑。去到學校又怕其他父母知道兒子有問題，個種心情，非為外人知道。
回想起，我沒有後悔給兒子入讀Ｉ位，學校的幫忙十分大。基本上他Ｋ１之後，我便回復８成工作。最緊要多Ｄ愛錫他們，因為小朋友會感覺到。
現在雖然阿仔係叻咗，可以入主流學校，社交也不是大問題，但我仍以佢為先，假日以陪伴他為先。所以大家要努力！
作者: tin_tin 時間: 07-11-21 22:35
原文章由 cecilau 於 07-11-21 10:45 硐表
我想請教大家, 如果係a仔/傾向的小朋友, 會唔會識得同小朋友玩的, 識唔識得俾野俾小朋友的? 如果識得同小朋友玩的, 咁係唔係a 仔呀?
我仔仔係自閉傾向的小朋友, 佢喜歡和主動同小朋友玩, 也很喜歡說話. 但社交, 大肌, 小肌, 語言發展較差. "識得" ge定義唔同年齡有唔同ge要求. 如果細ge小朋友, 會跟人玩已可叫做"識得同小朋友玩" . 大ge小朋友就要同玩伴有交流, 明白別人ge感受, 先可叫做"識得同小朋友玩". 每個a仔/傾向的小朋友都有唔同ge特質呢 
作者: cecilau 時間: 07-11-22 09:20
tin_tin,
多謝你的回覆. 我小朋友未夠2歲, 佢識得俾車仔小朋友玩, 識得同哥哥玩, 玩煮飯仔都ok的, 識得餵人食野, 咁會唔會係自閉呀. 我俾醫生搞到我都亂哂龍啦.
因為佢未識講野, 咁醫生就話佢係有機會自閉傾向啦. 但係佢識得做手勢表達自己, 咁仲係唔係呀? 不過佢可能係比同年齡慢啦.
原文章由 tin_tin 於 07-11-21 22:35 硐表
我仔仔係自閉傾向的小朋友, 佢喜歡和主動同小朋友玩, 也很喜歡說話. 但社交, 大肌, 小肌, 語言發展較差. "識得" ge定義唔同年齡有唔同ge要求. 如果細ge小朋友, 會跟人玩已可叫做"識得同小朋友玩" . 大ge小朋友就 ...
作者: sjmama 時間: 07-11-22 10:04
cecilau,
未到兩歲的孩子除非問題非常嚴重, 否則醫生不會確定是否自閉傾向, 他很可能只是發展遲緩而已.當然也有些個案(像我的孩子),到2歲半以後,自閉症徵狀才會明顯.
其實, 現階段你先別理會這些標籤,最重要的針對孩子的弱項.你的兒子"佢識得俾車仔小朋友玩, 識得同哥哥玩, 玩煮飯仔都ok的, 識得餵人食野," 這些是好現象, 應該繼續鼓勵他
但他還未能說話, 那麼這方面是比同齡的稍遲, 所以需要盡快幫助他學習.
原文章由 cecilau 於 07-11-22 09:20 硐表
tin_tin,
多謝你的回覆. 我小朋友未夠2歲, "佢識得俾車仔小朋友玩, 識得同哥哥玩, 玩煮飯仔都ok的, 識得餵人食野, 咁會唔會係自閉呀. 我俾醫生搞到我都亂哂龍啦.
因為佢未識講野, 咁醫生就話佢係有機會自閉傾向啦. ...
作者: cecilau 時間: 07-11-22 10:28
sjmama,
多謝你. 而家我都針對仔仔的weakness 去train 佢啦.
而家一星期一次的言語治療先, 教佢用手勢表達自己的需要, 1星期返3日的pg, 佢返pg 都跟到大隊做野呀.
我睇過你的blog, 你的小朋友係唔係讀緊國際學校的?
原文章由 sjmama 於 07-11-22 10:04 硐表
cecilau,
未到兩歲的孩子除非問題非常嚴重, 否則醫生不會確定是否自閉傾向, 他很可能只是發展遲緩而已.當然也有些個案(像我的孩子),到2歲半以後,自閉症徵狀才會明顯.
其實, 現階段你先別理會這些標籤,最重要的針對 ...
作者: sjmama 時間: 07-11-22 23:10
對, 我的孩子都在國際學校唸書.
原文章由 cecilau 於 07-11-22 10:28 硐表
sjmama,
多謝你. 而家我都針對仔仔的weakness 去train 佢啦.
而家一星期一次的言語治療先, 教佢用手勢表達自己的需要, 1星期返3日的pg, 佢返pg 都跟到大隊做野呀.
我睇過你的blog, 你的小朋友係唔係讀緊國際學校 ...
作者: kychu132 時間: 07-11-30 21:24
想請問你個仔讀邊間國際學校?
原文章由 sjmama 於 07-11-22 23:10 發表
對, 我的孩子都在國際學校唸書.
作者: ahjoechan 時間: 07-12-6 13:51 標題: 自閉傾向
我的BB 20月, 我觉得他有自閉傾向, 不說話, 不理人, 要等几时才可验出, 去那裡 验 ??
作者: sjmama 時間: 07-12-6 14:40
如果你有這樣的懷疑, 去健康院要求見醫生, 然後告訴醫生你的觀察, 要求他/她寫信轉介你的孩子去政府的兒童體智能中心做正式的評估.
如果問題比較嚴重, 這階段也能看出; 但如果是輕微, 醫生可能會說再等幾個月看看.
不過, 最好不要等,因為排期做評估還要等幾個月,所以最好盡快拿健康院的轉介去排期.
原文章由 ahjoechan 於 07-12-6 13:51 發表
我的BB 20月, 我觉得他有自閉傾向, 不說話, 不理人, 要等几时才可验出, 去那裡 验 ??
作者: kychu132 時間: 07-12-6 18:03 標題: Hello
ahjoechan
唔好緊張, 可能我地唔識同佢玩, 或者父母太忙而無時間陪佢玩, 又或者我地玩得太斯文, 多D讀吓育兒書籍有很大幫助.
原文章由 ahjoechan 於 07-12-6 13:51 發表
我的BB 20月, 我觉得他有自閉傾向, 不說話, 不理人, 要等几时才可验出, 去那裡 验 ??
作者: kychu132 時間: 07-12-6 18:24 標題: 感想
自從開了這個主題, 我收到唔少媽咪與我聯絡，問究竟點算？點做？
佢地大多cases都有以下幾點：
1. 唔出聲
2. 唔理人
其實呢Ｄ未必係自閉症症狀，我覺得要小心, 在評估前想一想係咪有D野大人仍未做得足夠, 所以佢地有呢D症狀, 要知道一旦被評估為自閉症症狀,很多家長(甚至自己當時)十分難受,而且傍偟無助。
現代父母大多雙職，小朋友由傭人照顧，加上我地對小朋友十分痛愛，可能都會造成這些情況。
當然如果真係覺得唔對勁，一定要找方法。我們可以先找相熟既兒科醫生先。若果連兒科醫生都有懷疑，可以要求醫生寫轉介信到母嬰健康院轄下兒童智力評估測試中心作詳細評估。
呢個評估原意係好，因為政府對幼兒照顧在世界係數一數二。但由於資源有限，往往在診症以致提供服務相隔一段頗長時間，令好多父母在真空期無所適從。為求自保，我地應該做多Ｄ資料搜集。
萬一真的評估出嚟係中咗，大家記住唔好太緊張，或者終日愁眉不展，甚至勉強小朋友立刻改善。尤於呢Ｄ小朋友與外界溝通有一定困難，所以我地要改變照顧方式，盡量多Ｄ外出，參加活動，用＂愛＂和＂笑聲＂來開啟佢地思維。
還有不要抗拒參加任何早期訓練及入讀有兼收位或特殊學校，因為呢Ｄ學校提供既訓練，無論對自閉症傾向，或者正常小朋友都有很大幫助。
最後一個分享係，夫婦要同心，小朋友有問題，不是出於單方面責任，而係雙方面。一人計短，二人計長。現在我和丈夫經過幾年，大家很有默契和合拍去照顧個仔，當中係樂趣可以令小朋友有很大進步，亦令我地夫婦感情邁進。
希望大家不要放棄，凡事積極，樂觀。
作者: mamee 時間: 07-12-7 13:30
我個小朋友6歲半, repeat緊K3. 21個月大評為發展遲緩, 但一路上堂以來, i位老師/st/ot, 都認同仔仔來多少都應該帶些自閉証. 黎緊做小一評估, 應該會有個新學名都不定, 但個心一早接受晒. 另外, 見到大家既分享, 我覺得好感動.
例如
hippomama: 既然仔仔揀了我，無辦法啦！
> 好認同, 阿仔就係我個仔.
話佢自閉又好, 就算評到係"無事"都好. 佢要拾(弱處)既地方其實一樣繼續要拾. 所以其他新既媽咪, 希望可以睇開d所謂既學名.
kychu132: 一個分享係，夫婦要同心
> 認同, 但以我所見, 唔係人人都幸運可以做到.
我感謝我先生, 佢有做到. 佢講過一句話令我好深刻印象. 就係阿仔剛知道有事既時候, 做媽媽當然好傷心, 成日都喊. 咁先生就同我講: 就算阿仔真係有事, 日子都係要過. 我(我先生)想一家人盡量過得開心d, 大家努力(為阿仔)做到幾多就幾多.
而我自己小小分享, 就係"盡量唔好將自己小朋友同其他人去比", 咁樣做會舒服好多. 真係要比較, 只將依家既仔仔同3個月/半年前既佢比較, 見到有進步(就算係幾少都好), 都要為小朋友同自己而鼓舞.
mamee
ps haybmum, 唔知你記唔記得我. 但見你仔仔既進步, 又考到心儀既小學, 好為你開心.
[ 本文章最後由 mamee 於 07-12-7 13:33 編輯 ]
作者: hinhinmummy 時間: 07-12-7 18:14
當然如果真係覺得唔對勁，一定要找方法。我們可以先找相熟既兒科醫生先。若果連兒科醫生都有懷疑，可以要求醫生寫轉介信到母嬰健康院轄下兒童智力評估測試中心作詳細評估。
呢點我極之吾同意, 我仔由6個月開始就無返去健康院, 但試過吾知係3個月定6個月時做過一次測驗(係吾係叫智能測驗??), 果次pass左
之後就一直係私家醫生樹打針, 無返過去健康院
到1歲多d時, 阿仔還未識講野, 我就問佢個兒科醫生, 阿仔還未識講野, 有無問題, 佢答我無
到差吾多2歲, 我再返去看佢時, 又問, 我話就黎兩歲啦wor, 都係吾識講野,又吾認人, 有無事, 佢答我, 看落又吾似有事呀, 每個小朋友發展都吾同, 吾駛太擔心
我真係c蠢
到2歲時, 我呢次好認真同醫生講, 醫生, 吾係呢, 我真係覺得佢有d 問題呢, 佢答我, 我看佢就吾似有問題啦, 甘啦, 你驚我就寫紙比你去看啦(無講係評估tim), 但要等起碼4個月架, 我話ok啦
因為我見佢講到實牙實齒話呀仔無問題
點知, 看完, 自閉症, 簡直想c
到看完, 喊住返去問兒科醫生, 我可以點做, 佢答我, 甘佢真係吾望人wor, 仆x, 真係想講粗口, 之前又一直話無事既, 依家又話吾望人?
之後出到去, d姑娘同姑娘之間還講， 佢真係吾望人架ｗｏｒ．．．．．．．．頂
我之後就無再去過呢個醫生樹看啦
總之， 如果父母有懷疑， 吾好信c 一個醫生講既野, 搵多一個拿opinion
我吾係話所有醫生一定會看錯, 但有懷疑早評估係一定對小朋友有幫助, 所以吾好拖, 搵多一個醫生拿second opinion, 真係有懷疑, 就好去做評估
吾好好似我甘做駝鳥做左大半年, 結果害左個仔無左寶貴半年既時間
作者: ahjoechan 時間: 07-12-7 22:13 標題: 評估
我最怕健康院个range...好濶....好似我大肚,私家都話我尿糖高,我話比个護士長聽,佢好寸咁話,我唔覺噃......要我自己再叫私家医生寫信,佢先比我做test.
我个仔應該係傾向个種,,,,唔會太嚴重...所以我懵咗咁耐...直至interview N1, 見佢差過哂細過佢个啲,,,,,先覺得似...
咁我應該点????Hee Hong 排2个月,只係評发展障礙,唔能評自閉,
我問過私家"新一頁"評估, 要$4K!!!請問係咪咁上下???仲有边间我可以問做評估?
作者: 小艾比 時間: 07-12-8 09:27
非常認同mamee 呢句:
<< 好認同, 阿仔就係我個仔.
話佢自閉又好, 就算評到係"無事"都好. 佢要拾(弱處)既地方其實一樣繼續要拾. 所以其他新既媽咪, 希望可以睇開d所謂既學名.>>
各位媽咪努力呀~~
作者: TommyGirl 時間: 07-12-8 10:17
你講得o岩! 健康院个range...好濶...講得衰d係好mean,見幾重人,層層攔路......
好似我個仔,快兩歲時去檢查,因佢識講少少基本的雙音詞語e.g.巴士,地鐵,食奶....護士話佢呢瓣OK...反而要我再返check小肌肉 
直至兩歲幾,仔仔N1老師話佢好似有問題,我去了協康做綜合測驗,結果comment仔仔社交同語言能力差。我返去健康院,護士都只係話"睇佢冇好大問題丫".....叫我返去同仔仔傾多d計,睇多一排先算 
,若不是我同我老公企硬話仔仔係好有問題(有邊個父母想o甘講:cry: ),佢地o甘做阻延評估會影響阿仔一世,健康院班人都未必肯refer我去政府評估中心;最終在評估中心check到阿仔有自閉傾向啦 
ahjoechan,
協康有個心理評估服務(time charge,我仔仔評估+醫生講解共用了若$2200),它可以test到你仔仔有冇自閉/亞氏保加,雖則唔可以代替政府評估(因協康心理評估不可作安排I/E/S位用途),但起碼早d得個知字
原文章由 ahjoechan 於 07-12-7 22:13 發表
我最怕健康院个range...好濶....好似我大肚,私家都話我尿糖高,我話比个護士長聽,佢好寸咁話,我唔覺噃......要我自己再叫私家医生寫信,佢先比我做test.
我个仔應該係傾向个種,,,,唔會太嚴重...所以我懵咗咁耐...直 ...
[ 本文章最後由 TommyGirl 於 07-12-8 10:20 編輯 ]
作者: HayBMum 時間: 07-12-8 22:34
mamee,
我當然記得你啦，還有hinhinmummy, 小艾比...，大家都是差不多時期發現小朋友的問題，多得當時你們分享了經驗，讓我很快接受了事實和面對孩子的差異。
至於選小一方面，其實在過去的大半年，從很多家長口中知道不少官、津小都有努力照顧特殊的小朋友，我替囝囝揀的私校不見得比這些官津好，在資源上更不會比官津多，只因認識有子女在該校就讀的朋友盛讚老師們很有愛心，加上小班，老師較能照顧有差異的小朋友(理論上) ，所以即管一試，但這校的課程較深，而且還未知我囝囝的問題，遲些我會和學校傾傾，如果學校不能接受囝囝，便要轉校了。你幫囝囝找到學校了嗎？很希望大家能夠入到愛錫我們孩子的學校，願意接受和幫助他們融入。
最近在訓練中心認識了兩位新加入的媽媽，一個在孩子八歲時評估，但現在九歲時才做訓練，原因是孩子在學校發生的問題越來越嚴重，越來越不快樂，很替孩子過去多年受的苦而難過。另外一位卻剛相反，在孩子一歲時已覺不妥，於是不理家人的反對，堅持讓孩子接受評估，並開始訓練，現在孩子才兩歲，雖然語言表達還要努力改進，但望人和非語言表達已有很大的進步。不過大家有一個共通點，就是健康院、私家醫生都說他們的孩子沒問題或再觀察，這很容易讓家長掉以輕心，所以父母如對孩子的發展有懷疑，最好找訓練孩子較有經驗的機構看看，好多時經驗比所謂專業來得實際。
haybmum
原文章由 mamee 於 07-12-7 13:30 發表
我個小朋友6歲半, repeat緊K3. 21個月大評為發展遲緩, 但一路上堂以來, i位老師/st/ot, 都認同仔仔來多少都應該帶些自閉証. 黎緊做小一評估, 應該會有個新學名都不定, 但個心一早接受晒. 另外, 見到大家既分享, 我覺 ...
作者: kychu132 時間: 07-12-8 23:02 標題: 呈清
自從前幾日發表一段感想後，引起一些家長誤會，以為我叫人忽視小朋友的需要，在此說聲＂對不起＂
事實上我並沒有這個意思，只是我想表達是若果小朋友有問題，一定要及早面對，作出診斷和醫治。不過，我最近收到一些朋友訊息，知道小朋友有自閉症疑似症狀，方寸大亂。所以我希望用自己及幾位朋友經驗分享出來，令一些初知道有問題家長有一個概念，希望條路好行Ｄ，唔好盲中中。
我慶幸兒子問題及早發現和治理，所以今天他進步很大。好多朋友，甚至老師都已不察覺阿仔有問題。當然在溝通方面仍有很大進步空間。
不過在過去三年時間，我真的感覺到有以幾方面幫助很大：
1. 兼收位學校訓練;
2. 多D研讀有關自閉症資料;
3. 屋企常以輕鬆愉快氣氛溝通,令阿仔也開心;
有些家長知道小孩子有事時,心情很差,而且又很心急, 最終令到大家關係緊張起來，又或者很灰心失望等。我很希望大家不要亂和放棄，因為小孩子潛能係你想像唔到，只要有適當訓練，小孩子便會有明顯改善。
我提供一個資料希望大家作為參考，名為＂努力試＂（louis program)
www.lp.org.hk
我當年看了創辦人見証人分享,令我充滿希望. 希望對大家有個好好參考.
作者: mamee 時間: 07-12-10 23:09
原文章由 HayBMum 於 07-12-8 22:34 發表
mamee,
我當然記得你啦，還有hinhinmummy, 小艾比...，大家都是差不多時期發現小朋友的問題，多得當時你們分享了經驗，讓我很快接受了事實和面對孩子的差異。
至於選小一方面，其實在過去的大半年，從很多家長口中知道不少官 、津小都有努力照顧特殊的小朋友，我替囝囝揀的私校不見得比這些官津好，在資源上更不會比官津多，只因認識有子女在該校就讀的朋友盛讚老師們很有愛心，加上小班，老師較能照顧有差異的小朋友(理論上) ，所以即管一試，但這校的課程較深，而且還未知我囝囝的問題，遲些我會和學校傾傾，如果學校不能接受囝囝，便要轉校了。你幫囝囝找到學校了嗎？很希望大家能夠入到愛錫我們孩子的學校，願意接受和幫助他們融入。
...
HayBMum
我自己都因為受到再前期媽咪 eg joeyma, tin_tin...的分享同提點, 令到我很快接受了事實, 亦認清楚從何去幫助囝囝.
私校的pros and cons, 你已經說明得很清楚啊. 其實你囝囝考得入私校, 其能力已經被肯定, 這是你和你囝囝一同努力的成果! 剩下來的, 便是期望遲些你和學校傾談時, 學校能接受囝囝的情況. 我身邊亦認識到特殊小朋友就讀著私校, 評語亦不錯. 我本身就沒有為囝囝考私校, 總是沒信心. 另一方面, 正如你所講, 某些官津校都很照顧特殊小朋友, 所以我這個'鴕鳥媽咪'就把囝囝的幸福交托'大抽獎'手中, 唯望囝囝幸運些啦
mamee
[ 本文章最後由 mamee 於 07-12-11 07:36 編輯 ]
作者: hinhinmummy 時間: 07-12-11 10:43
haybmum
好開心見到你仔考到私校, 正如mamee所講, = 你仔有一定能力, 經過interview先入到私校, 莫講私校, 就算連津/官校我都無信心個仔點應付小學既生涯
雖然佢小一評估, 心理學家話佢有能力應付主流小一既生活, 但我仍然擔心佢一個甘既'人仔', 點樣去適應一大班學生一齊上堂, 每個星期默書, 隔3個月又測驗的生活, 依家唯有見步行步, 做下'駝鳥', 比佢repeat 多一年k3, 等佢個人再大d, 到時, 同小一同學既年齡差距吾太遠(減返delay 果一年, 差吾多啦, 呵), 到時再算
作者: HayBMum 時間: 07-12-13 02:56
Mamee, hinhinmummy,
多謝你們的祝福。事實上阿仔在社交、專注等都還弱，這是升上小一最大的困難，尤其是社交，6歲人仔了，但對人的情感還像兩、三歲似的，稍有挫折就哭，我都很擔心他能否適應小一的生涯，不過見步行步，反正離明年9月還有8個多月，希望到時他會有改進吧。
至於學業方面，我沒甚麼期望，只希望學校不要比過多的壓力我和仔仔，如果他已經盡力，就讓他跟自己的步伐走吧。
Mamee, 相信你已有清晰的目標，祝福你仔仔在幸運大抽獎中派到心儀的學校。
hinhinmummy,
相信你已經為仔仔作出最適合的選擇，尤其你有大女兒的經驗，比我們更了解小學的要求。現在是否忙於找幼稚園呢？
haybmum
作者: hinhinmummy 時間: 07-12-13 11:28
原文章由 HayBMum 於 07-12-13 02:56 發表
Mamee, hinhinmummy,
多謝你們的祝福。事實上阿仔在社交、專注等都還弱，這是升上小一最大的困難，尤其是社交，6歲人仔了，但對人的情感還像兩、三歲似的，稍有挫折就哭，我都很擔心他能否適應小一的生涯，不過見步行步，反正離明 ...
haybmum
幼稚園已經搵到, 主任亦見過阿仔, 覺得佢情緒同智能都無問題, but 係擔心佢寫字方面, 因為佢地學校寫字頗深, 同埋我想搵上午班, 甘下午可以去上其他堂, 但一齊都未同主任再商量, 或者到時係佢地學校讀全日班, 甘返上午only 下午去上其他堂
阿女間學校, 我一直以為無乜要求, 點知今次阿女無溫書, 英文默書吾合格, 老師居然call我, 問我佢做乜平時好叻, 點解今次甘懶吾溫書攪到吾合格, 叫我果晚返去幫佢溫書 then 第二日要重默
我即刻同老公講, 係吾係吾岩阿仔呢, 如果到時阿仔次次默書都吾合格, 我未要聽好多呢d 電話? & 會有壓力?
老公就話, 或者因為平時阿女成績吾係差, 所以忽然一次吾合格, 老師緊張看下發生乜野事, & 到時如果知阿仔係a仔, 又或者吾會用同一種方法去教, 但我真係吾知會吾會..........到依家都好迷惘
作者: kawai 時間: 07-12-13 12:35
hayBmum,
恭喜您仔仔將入心儀私校. 我都話佢得架啦!
有時間我會重開bio-treatment標題.大家再分享小朋友近况.現在大細仔都找Dr. Lam做IV chelation,每10-14天一次. 大仔近一次urine toxin test, lead很高,正常0.5佢竟然66.明明年頭驗過Dr.Trodd話可以停排毒. 點知而家有咁高.....
sjmama,
我有睇過您個blog,您寫的文章非常感人!
另外,各位媽咪要繼續努力!
作者: HayBMum 時間: 07-12-13 13:55
Kawai, 嘩，你竟然用中文回應，係我印象中好似未見過你用中文，相信和我一樣，速度比得上烏龜。
我已經無再同阿仔做chelation, 不過打算明春驗下lead level, 但對於Dr Lam的勇法實在心怯，每次想起你形容阿仔打IV時的情況，真是由「心震」出來。阿仔的學校生活如何？我反而羨慕你阿仔，很難有機會入ESF的learning support class, 我同事搞了年多現在還是未能搞掂, 或者再call你詳談。
Hinhinmummy, 前兩天偶然經過大眾書局，八掛看看小一的補充練習，差點嚇暈，小一要認識的中文字真不少呢，如果單靠阿仔現在的幼稚園，相信入小一時必定人仰馬翻，驚人的還有數學文字題，雖然題目唔算深，但就要識得晒的字才解到，看來未來的8個月，除了一般治療訓練外，還要幫阿仔操下中文，唉，想起都頭痛。
作者: hinhinmummy 時間: 07-12-13 15:17
原文章由 HayBMum 於 07-12-13 13:55 發表
Kawai, 嘩，你竟然用中文回應，係我印象中好似未見過你用中文，相信和我一樣，速度比得上烏龜。
我已經無再同阿仔做chelation, 不過打算明春驗下lead level, 但對於Dr Lam的勇法實在心怯，每次想起你形容阿仔打IV時的情況，真是 ...
haybmum
甘你仔間私校係英文定中文小學呀? 英文小學全英架wor(包括maths), 我依家都操緊阿仔認字, 當然中文啦, 同埋佢私人st, 都train緊佢作句/重組句子, st 話, 佢如果好似依家既進度, 上到小一作句時吾會有太大問題
同埋阿女間小學有度好, 小一test/exam, 係有老師解題, 起碼又捱多一年甘law
作者: kawai 時間: 07-12-13 18:41
Haybmum,
我用手寫板咋,枝筆又唔見咗要用尖筷子寫,你估可以有幾快吖.
老師話大仔近來社交有進步,每天小息都有跟住個女同學(靚女)一齊玩做其觀音乒.不過係比人點來點去那種,缺乏主見.但總好過自己同自己玩.我總覺得他再大些會被同學排斥,不懂眉頭眼額的人是很難有朋友的.祗怕他日後會淪為被作弄的對象.
原文章由 HayBMum 於 07-12-13 13:55 發表
Kawai, 嘩，你竟然用中文回應，係我印象中好似未見過你用中文，相信和我一樣，速度比得上烏龜。
我已經無再同阿仔做chelation, 不過打算明春驗下lead level, 但對於Dr Lam的勇法實在心怯，每次想起你形容阿仔打IV時的情況，真是 ...
作者: blmom 時間: 07-12-13 22:07
kawai and haybmum,
I have read your thread about biomedical treatment a long time ago and I know you are very experienced in this area. I have started looking into this recently and my son has started seeing Dr. Paul Lam. I have some questions about chelation. Would it be OK if I send pm to you and ask for your advice? Many thanks and really appreciate your help!
原文章由 kawai 於 07-12-13 18:41 發表
Haybmum,
我用手寫板咋,枝筆又唔見咗要用尖筷子寫,你估可以有幾快吖.
老師話大仔近來社交有進步,每天小息都有跟住個女同學(靚女)一齊玩做其觀音乒.不過係比人點來點去那種,缺乏主見.但總好過自己同自己玩.我總覺得 ...
作者: HayBMum 時間: 07-12-15 00:42
Hinhinmummy,
是中文小學來的，我沒有刻意和阿仔認中文字，反而菲傭姐姐好有心機和他看英文書，所以他的英文閱讀能力比中文好得多。沒法子，希望現在起步還未太遲。
原文章由 hinhinmummy 於 07-12-13 15:17 發表
haybmum
甘你仔間私校係英文定中文小學呀? 英文小學全英架wor(包括maths), 我依家都操緊阿仔認字, 當然中文啦, 同埋佢私人st, 都train緊佢作句/重組句子, st 話, 佢如果好似依家既進度, 上到小一作句時吾會有太大 ...
作者: HayBMum 時間: 07-12-15 00:43
blmom,
Biomedical treatment 我已經停了大半年，好多知識已經outdated, 而且kawai一向是我們當中最肯嘗試和最知識豐富的一位，還是由他回應你吧。希望biomedical treatment對你仔仔有幫助。
haybmum
原文章由 blmom 於 07-12-13 22:07 發表
kawai and haybmum,
I have read your thread about biomedical treatment a long time ago and I know you are very experienced in this area. I have started looking into this recently and my son has start ...
[ 本文章最後由 HayBMum 於 07-12-15 00:46 編輯 ]
作者: HayBMum 時間: 07-12-15 01:15
kawai,
如果阿仔唔怕被人點來點去，覺得和同學一齊開心的話，我覺得已經很好。
今日我阿仔學校聖誕表演，節目完畢後小朋友要分批等家長接走，高班是最後一批被接走的小朋友，我看見百無聊賴的阿仔站在一角自得其樂，同班同學卻三五成群的傾計或者玩耍，看見他這樣子，心裡很不是味兒，不知甚麼時候他才會感到朋友的重要
原文章由 kawai 於 07-12-13 18:41 發表
Haybmum,
我用手寫板咋,枝筆又唔見咗要用尖筷子寫,你估可以有幾快吖.
老師話大仔近來社交有進步,每天小息都有跟住個女同學(靚女)一齊玩做其觀音乒.不過係比人點來點去那種,缺乏主見.但總好過自己同自己玩.我總覺得 ...
作者: mamee 時間: 07-12-15 22:17
原文章由 HayBMum 於 07-12-15 00:42 發表
Hinhinmummy,
是中文小學來的，我沒有刻意和阿仔認中文字，反而菲傭姐姐好有心機和他看英文書，所以他的英文閱讀能力比中文好得多。沒法子，希望現在起步還未太遲。
...
Haybmum
見你同hinma傾得咁開心, 我又想講埋一份.
同你剛剛相反, 今年仔仔repeat, 我就主力教英文. 阿仔本身係鍾意中文, 所以認讀解都叫可以. 不過一想到, 再大個些要作句作文, 我就心都寒埋. 點都好, 仍然係果句"見步行步". 你仔仔現在起步當然未遲.
至於社交果面, 我都認為比教學術更難, 慢慢黎.
來年9月, 大家仔仔都會升讀小一, 希望可以繼續一齊分享!
mamee
[ 本文章最後由 mamee 於 07-12-15 23:21 編輯 ]
作者: sjmama 時間: 07-12-17 20:49
kawai,
好久不見! 謝謝你的支持!
聽說你的孩子入了ESF, 真替你高興!孩子又有那麼大的進展, 都是你們努力的成果!有機會請多分享, 尤其是美國的經驗.
原文章由 kawai 於 07-12-13 12:35 發表
sjmama,
我有睇過您個blog,您寫的文章非常感人!
另外,各位媽咪要繼續努力!
作者: kawai 時間: 07-12-20 01:13
sjmama,
自己仔仔能力,做媽媽是最清楚. 他還有很多方面落後,最頭痛還是專注力問題. 所以講不上甚麼大進展,幸好學校方面支援也算足夠,開學致今發覺他語言表達及理解也有進步.
講到美國之行,簡單形容就是大人辛苦,細路開心.我同老公一人睇一個,冇工人幫手的日子才知在香港生活是很幸福呢!不過那邊學校供特殊需要的支援就比香港好得多.祗要小朋友有需要,注校有充足3T服務.IEP,shadow teacher甚至ABA都可安排.
有機會約出來食飯慢慢傾吧!
原文章由 sjmama 於 07-12-17 20:49 發表
kawai,
好久不見! 謝謝你的支持!
聽說你的孩子入了ESF, 真替你高興!孩子又有那麼大的進展, 都是你們努力的成果!有機會請多分享, 尤其是美國的經驗.
...
作者: cecilau 時間: 07-12-20 17:08
我想請教大家點入esf呀? 我小朋友而家2歲, 未識講野, 我想安排入is 呀?
原文章由 kawai 於 07-12-20 01:13 發表
sjmama,
自己仔仔能力,做媽媽是最清楚. 他還有很多方面落後,最頭痛還是專注力問題. 所以講不上甚麼大進展,幸好學校方面支援也算足夠,開學致今發覺他語言表達及理解也有進步.
講到美國之行,簡單形容就是大人辛苦, ...
作者: Justin2002 時間: 07-12-31 15:34
kawai,
真係好耐無見啦, 好開心又可聽到你們的近況; 我的小兒明年也要入讀小一, 給他報了幾間私校, 都沒有一間收錄, 只有一間收他做後備生; 幸好他在第一輪派位已有著落, 否則也不知怎算好?
用中文打字, 我也是打得慢得可憐....
Justin2002
作者: FungFung1103 時間: 08-1-2 14:49
各位媽咪：
小兒會在０９／１０年升小學，是細仔。
請問幾時會做智力評估？
他的社交、語言（約age 3)和專注力很差,但日常學習問題不太大。我想為他報有小班及活動教學的私校，但以他的語言能力，考入的機會很細。是否應留班。老師說他的成績，應可順利升班。但他真是很獨家村，皮氣一發作就一發不可收拾。恐怕升上小學後有更多問題。請提供意見。
原文章由 Justin2002 於 07-12-31 15:34 發表
kawai,
真係好耐無見啦, 好開心又可聽到你們的近況; 我的小兒明年也要入讀小一, 給他報了幾間私校, 都沒有一間收錄, 只有一間收他做後備生; 幸好他在第一輪派位已有著落, 否則也不知怎算好?
用中文打字, 我也是打 ...
作者: hohomimi 時間: 08-1-13 00:26
想請問各有經驗媽咪.
我仔由2歲發現,但比評估中心拖到今個月4歲幾, 先評為"自閉症傾向" 并開始排 i 位. 現在讀k2. 排9-12個月跟本到升小學都唔知排唔排到. 2歲-4歲時自己只是覺得仔仔比人慢.. 唉..
請問什樣可排快d 或 什樣知到己選的i 位學校有幾多人排緊?
我剛開始, 不知可做什麼及讀那些課程?.. 我係什麼都唔識..
thanks first
作者: FungFung1103 時間: 08-1-18 15:17
政府服務只是提供給age６以下的兒童。在排I位同時，可以先替他報讀其他私人訓練（如協康）。
原文章由 hohomimi 於 08-1-13 00:26 發表
想請問各有經驗媽咪.
我仔由2歲發現,但比評估中心拖到今個月4歲幾, 先評為"自閉症傾向" 并開始排 i 位. 現在讀k2. 排9-12個月跟本到升小學都唔知排唔排到. 2歲-4歲時自己只是覺得仔仔比人慢.. 唉..
請問什樣可排 ...
作者: yammiepang 時間: 08-1-22 11:54
各位家長：
我的小朋友被CAC評定是自閉症 (智能無問題)，CAC醫生建議我們讀兼收位。但是我們現正接受協康的早期訓練，覺得很好，而且所有服務都在一個中心進行。如果讀兼收位，幼兒導師環節多了，但是其他服務要回醫院做，看不到兒童的整體發展。究竟留在早期好定讀兼收位好？各位家長，請問你們有無類似經驗？可否分享一下？謝謝！！
Yammiepang
原文章由 hippomama 於 07-11-21 00:58 發表
我的兒子(也是A仔)也在接受了兩年早期訓練後, 今年入讀了主流小學. 當然也是需要一些小班，沒有功課壓力的學校．
不斷的訓練是對他們很有幫助的．現在沒有了早期訓練（好唔捨得！）我們剛排到公立醫院的職業治療，每兩周一次．自費 ...
作者: kychu132 時間: 08-1-24 15:13
我個仔係基教讀兼收位, 這三年來老師都好特別照顧佢。另外，兼收老師每星期都會額外給予功課，主力係訓練小朋友語言，社交及專注等。不過這些功課都係自願性質。
還有基教每兩星期有一次言語治療（大約半小時），家長可以一齊參與。另外每季有職業治療師及物理治療師來學校同阿係做體能評估。
當然最重要係在教導上有任何問題（例如自理，社交，管教等），老師都肯提供意見，甚至家校配合一齊教。
以上好處都係我在這三年兼收位獲得到。
原文章由 yammiepang 於 08-1-22 11:54 發表
各位家長：
我的小朋友被CAC評定是自閉症 (智能無問題)，CAC醫生建議我們讀兼收位。但是我們現正接受協康的早期訓練，覺得很好，而且所有服務都在一個中心進行。如果讀兼收位，幼兒導師環節多了，但是其他服務要回醫院做，看不到 ...
| 歡迎光臨 教育王國 (/) |
Powered by Discuz! X1.5 |