教育王國

標題: 各位MAMA...有野想請教你地........ [打印本頁]

作者: cathy_kin8 時間: 07-10-29 00:40 標題: 各位MAMA...有野想請教你地........

我個BB而家16個月,正為他找N1幼兒園而煩惱......
有幾個問題想請教你地...希望你們將經驗話我知..THX
1.想問讀活動教學幼稚園既家長....小朋友去到小一會唔會跟D課程跟得好吃力?? 定係無影響呀??
2.讀傳統果D小朋友到小一又係點架呢?
3.讀過沙田/大圍幼兒園/幼稚園既家長,可唔可以講下你間學校既野比我D,或者邊間好呀?

我都知我D問題好煩...但希望你地講下比我知,因為我身邊無人幫到我,問我老公佢就話:你鐘意邊間咪邊間囉!=.=....而我99就只係叫我報聖心,佢話名校好D=.=!!但我就唔太鐘意傳統既,所以我好煩惱~_~!!!唔知點好...................

作者: cathy_kin8 時間: 07-10-29 14:44

無人回應既........./_\

作者: peppergin 時間: 07-10-29 15:39

你的小朋友現在要報讀兩歲班啫，未係Ｋ１，所以可以慢慢想清楚下一年幼稚園的選擇和升學的路向。我覺得Ｎ１的要求是不同的，Ｎ１最緊要近，老師有愛心有經驗，學校衛生良好，作息安排好。因為兩歲的小朋友最主要上幼兒班學習群体社交，養成良好習慣。

原文章由 cathy_kin8 於 07-10-29 00:40 硐表
我個BB而家16個月,正為他找N1幼兒園而煩惱......
有幾個問題想請教你地...希望你們將經驗話我知..THX
1.想問讀活動教學幼稚園既家長....小朋友去到小一會唔會跟D課程跟得好吃力?? 定係無影響呀??
2.讀傳統果D小朋友 ...

作者: cathy_kin8 時間: 07-10-29 20:48

原文章由 peppergin 於 07-10-29 15:39 硐表
你的小朋友現在要報讀兩歲班啫，未係Ｋ１，所以可以慢慢想清楚下一年幼稚園的選擇和升學的路向。我覺得Ｎ１的要求是不同的，Ｎ１最緊要近，老師有愛心有經驗，學校衛生良好，作息安排好。因為兩歲的小朋友最主要上幼兒班學習群体社交，養成良好 ...

多謝你的回應.....但是由n1轉第2間讀k1會唔會唔慣架...?

作者: 已刪除用戶 時間: 07-10-29 22:45

我女女讀既係唔太傳統既幼稚園(傳統中帶d活動), 而家讀活動小學
我自己就唔太鐘意幼稚園谷得太勁, 要個咁細小朋友默書, 考試...........不過每個家長對教育看法唔同, 有d係鐘意越深越好, 小一入學試考筆試仲要鬥高分入, 都大把人去爭.........你真係要問下自己, 想小朋友條路點行喇
咩叫好學校, 見人見智, 傳統學校唔係唔好, 不過都要小朋友適合至得, 如果小朋友唔受谷, 真係日日大人鬧細路喊, 盞大家辛苦, 有d小朋友受谷, 入到傳統學校就如魚得水喇, 讀得上當然就成材tim啦!
而家小朋友仲細, 言之尚早, 只可以講句, 如果有心儀小學, 就盡量揀間有關係可以幫助考入小學既幼稚園, 好多幼稚園, 因為有直升小學, 就變得好受歡迎喇, 如果到時真係發現唔arm, 小一選校都仲有彎轉呀, 不過總叫有個學位backup lor!
至於教學語言, 其實theory好簡單, 多左時間學英文就自己少左時間學中文, 雖然話中文係母語, 英文要多花時間學好, 不過都要bear in mind, 英文補習周街都有, 中文補習就唔易搵, 況且英文只要識phonics, 唔識既字都可以估到下, 倒返轉, 中文字唔識就係唔識! 所以幾常見係英文幼稚園出黎既學生, 上到小學係唔肯去接觸中文既
至於老師有愛心校園大等等, 唔需要多講喇!

原文章由 cathy_kin8 於 07-10-29 12:40 AM 硐表
我個BB而家16個月,正為他找N1幼兒園而煩惱......
有幾個問題想請教你地...希望你們將經驗話我知..THX
1.想問讀活動教學幼稚園既家長....小朋友去到小一會唔會跟D課程跟得好吃力?? 定係無影響呀??
2.讀傳統果D小朋友 ...

作者: peppergin 時間: 07-10-30 10:55

習唔習慣係小問題，好多小朋友都唔讀N1啦，個個讀K1都係要適應ga...就算讀緊K1，放完暑假回校上K2，都要適應ga la..

當然如果你屋企附近已有間好合適（課程及升學）的幼稚園由N1-K3都有的就唔使煩，即刻報lu。

我以前（及將會）的情況是心儀的幼稚園沒有兩歲班，所以會在屋企附近找幼兒院，三歲再轉入心儀幼稚園。

原文章由 cathy_kin8 於 07-10-29 20:48 硐表

多謝你的回應.....但是由n1轉第2間讀k1會唔會唔慣架...?

作者: Fiona_ha 時間: 07-11-3 20:32

我0個時囡囡2歲時都有煩惱過呢個問題
到底係幫佢報全英文嘅學前班定係中文好
但學前班係未洗寫生字同認字住0個喎
所以我都係幫佢報左全英文嘅學前班
等佢有機會聽多d 同迫佢講多d
雖然屋企人全部都講廣東話
但囡囡學返黎都會一句句英文咁講
我覺得效果唔錯廣東話響屋企日日都有得講la

但如果真正要讀k1 嘅時候就要諗清楚
因為要開始學中文要認字同做線條練習
中文確實係唔易教你要諗清楚你有冇本事響屋企教識佢
有冇咁嘅心機同時間 0個時囡囡學校嘅主任同我傾過
佢話中文其實比英文難學所以建議我k1應該比囡囡讀返本地班
如果諗住比囡囡讀國際學校咁中文就冇咁重要
但如果係諗住讀返本地小學咁就最好讀本地班la

作者: cathy_kin8 時間: 07-11-5 15:34

我而家想n1幫佢報返本地班,但都有英文堂上,然後星期6上一堂英文playground或者係英文音樂班,咁樣好唔好呀??

作者: 已刪除用戶 時間: 07-11-5 16:47

我覺得phonics一定要學, 因為對reading好有幫助, 其實好多小朋友, 睇書都未必識得晒d字, 不過識phonics就可以拼音, 閱讀起黎自信好多
另外, 俾小朋友習慣細細個就同外國人溝通, 我個女初時都只係this one, that one, yes, no, i don't know, 溝通得多, 習慣左, 就唔會怕去講喇 (有時覺得佢理解能力仲好過我...........)

原文章由 cathy_kin8 於 07-11-5 03:34 PM 硐表
我而家想n1幫佢報返本地班,但都有英文堂上,然後星期6上一堂英文playground或者係英文音樂班,咁樣好唔好呀??

作者: cathy_kin8 時間: 07-11-5 21:28

原文章由 Charlotte_mom 於 07-11-5 16:47 硐表
我覺得phonics一定要學, 因為對reading好有幫助, 其實好多小朋友, 睇書都未必識得晒d字, 不過識phonics就可以拼音, 閱讀起黎自信好多
另外, 俾小朋友習慣細細個就同外國人溝通, 我個女初時都只係this one, that one, ...

咁phonics要另外出去學定學校有得學呀?

作者: 已刪除用戶 時間: 07-11-5 22:32

depends on你果間有無, 同埋教得幾深入
大部分幼稚園, 或多或少總會教d, 但係咪systematic咁教, 教幾多, 就好大分別喇

原文章由 cathy_kin8 於 07-11-5 09:28 PM 硐表

咁phonics要另外出去學定學校有得學呀?

歡迎光臨教育王國 (/)