教育王國

標題: 有無好方法教我 [打印本頁]

作者: rymother 時間: 07-10-24 16:00 標題: 有無好方法教我

我個女今年讀小一,剛剛同完個女温中文默書,放工返屋企,一開e-mail,又話英文默書,中,英文打字測驗,仲有聖經都話要背默,日日就話同個女温書,但係個女又唔係咁鍾意温,又唔鍾意打字,有甚麼方法可以教一教我,令我唔使咁頭痛

作者: khmama 時間: 07-10-24 20:20

你間咩小學黎架,小一都咁多野溫.不如你同佢玩遊戲咁,你問佢一條,佢問你一條,然後鬥邊個叻啲.中英默就用電腦啦,順便溫埋打字.

作者: Tatama123 時間: 07-10-24 20:44 標題: 邊間學校?

提示: 作者被禁止或刪除內容自動屏蔽

作者: wyn13567 時間: 07-10-25 13:03

兒也剛上小學, 短短不到2個月, 英文dict
3次, quiz 1 次,
數學小評估 1次, 中文默書3 次, 小評估1次,
頻密的程度令人咋舌, 基本上3天有一次, 小朋友的課外活動很多, 只有星期3沒有, 放學回家一睡睡到6:30, 星期3可以讀2小時書, 其他日子只能讀1.5小時, 因為他很累, 要睡覺, 星期6, 日上午有活動, 日晚上也有活動, 我常常說他的生活是非人生活.
晚上的時間只能做功課, 幫他默書, 沒有溫習, 沒有預習, 什麼中文, 英文打字統統沒有做.
最近, 終於想通了, 他能做多少做多少, 沒必要再給他壓力, 才小一成績這麼重要嗎? 看見她每天開開心心該多好啊,
我真的希望晚上回家後可以跟他讀一些故事書.

作者: chuiiris 時間: 07-10-25 14:26

小兒由 3 年前回流, 入讀小四, 從此的生活是:

星一至五, 如沒有課外活動, 5 点回到家, 洗澡後, 埋頭若幹做功課, 温習默書, 7 点用半小時吃晚飯, 跟住又繼續同功課死過, 至晚上 10-11 点不等, 睡覺時己筋疲力盡.

星期六, 學琴, 補習, 晚上看課外書.
星期日, 練琴, 補習, 晚上温習書本

如遇上考試前夕, 温習至晚上 11点幾, 第二日早上 5 点再温習
這樣的生活過了 2 年有多, 現在踏入第 3 年了.
c6 話小兒仲辛苦過上班エ作.

初時我都說由得他做得多少就多少, 但學校比的壓力不少, 成績弱些都看你吾起, 而同學成績的競爭很大, 萬一派到 bank 3 都吾知點算.

也預見到中學後, 也不會輕鬆

香港教育徹底失敗

作者: tingchichi 時間: 07-10-25 15:40

見到妳地咁寫, 我覺得我個女真係讀得好輕鬆. 每晚 7:00 pm 後就係佢既自由時間, 佢唔會再睇任何功課 or 讀書. 到星期六,日通常全家都出咗去玩

我個女都係 p.1. 學校d 功課唔多, 英文用 story book only. 暫時默書都仲係默d 好淺既單字. 我見好多 p.1 學生在 9月時已經默好多頗深既句子, 現在見 rymother 個女女要中,英文打字測驗,仲有聖經都話要背默. 真係都幾驚

作者: wyn13567 時間: 07-10-25 16:54

講起香港的教育制度, 真讓人啼笑皆非,
上小學不到2個月, 老師注重的不是多認字, 多使用字的能力, 而特別看重閱讀理解,
試問不認得字, 怎麼閱讀, 又怎麼能理解, 一篇文章他有50% 的字不認得, 連問的問題都看不懂, 我不明白讓他如何去理解文章.
他現階段不是理解的問題, 而是不認得字的問題,
我不明白上學期為什麼不能先集中認字, 學句子, 然後才理解文章.

學校由半日制轉全日制, 學校鼓勵學生多參加課外興趣班, 但不佔用學校的時間,
讓學生課後參加, 學生就早出晚歸, 沒有了自己玩的時間, 沒有了自己探索問題的時間, 沒有了自己閱讀的時間,
不知怎麼可以變全人.

教統局很有抱負, 老師很用心, 但不明白他們做什麼.

作者: kitbebe 時間: 07-10-25 23:10

除左閱讀理解, 還有一年級應該作句學語文, 偏偏又話要寫週記, 美其名為生活點滴, 雖然係隔個禮拜先寫一次, 咪又係要阿媽出馬幫佢地作

寫一句裡面有一半既字, 都係唔識寫既, 我真係唔知點可能學到咁多字呢

仲有唔理你有無時間, 都要睇一定數量既課外書.

[ 本文章最後由 kitbebe 於 07-10-25 23:24 編輯 ]

作者: Putongren 時間: 07-10-26 18:30

不是說風涼話；既然咁辛苦，點解唔轉校呢？搵間淺D嘅，趁出生率低，學位有剩。小一已經給磨滅晒D信心，漫漫長路，幾時先捱到大學。

作者: Putongren 時間: 07-10-26 18:37

不是說風涼話；既然咁辛苦，點解唔轉校？趁出生率低，學位有剩，趁早搵間舒服D！漫漫長路，小一已經磨滅晒D信心，幾時先捱到大學？總有學校不是填鴨式掛！

作者: ZZdaphne 時間: 07-10-27 17:24

原文章由 Putongren 於 07-10-26 18:37 硐表
不是說風涼話；既然咁辛苦，點解唔轉校？趁出生率低，學位有剩，趁早搵間舒服D！漫漫長路，小一已經磨滅晒D信心，幾時先捱到大學？總有學校不是填鴨式掛！ ...

係啦，
學校係自己揀，
rymother 女女間學校都好離譜喎。

作者: vanyau 時間: 07-10-27 22:48

原文章由 ZZdaphne 於 07-10-27 17:24 硐表

係啦，
學校係自己揀，
rymother 女女間學校都好離譜喎。

究竟是大人辛苦啲，還是小朋友辛苦啲呢？
好彩囡囡間學校都幾好，循序漸進的，現在開始的課程不太深，可以讓小朋友慢慢適應．之後是怎樣就暫時不得知曉了！？

各位家長，努加！加油！

作者: csy_janice 時間: 07-10-27 23:04

小女今年都係讀小一, 而我地揀間小學雖然話程度唔係太深, 但亦都少不免每星期都有默書, 每兩星期有小測, 我都覺得e+ 既小朋友讀書十分辛苦, 晨早起身, 放學返黎都已經好辛苦, 又做功課, 又要應付默書, 測驗, 根本冇晒時間玩

所以我決定頭一個學期比佢自由發揮, 睇下佢本身可以吸收到幾多，　再作打算

作者: 808280 時間: 07-10-28 11:44

看了以上的回覆,我都身同感受.

小女今年小三,十月才評估完,十一月頭又
要評估,又 + 上中/英文默書,真係溫都溫
都傻!

rymother 你小朋友是邊間學校,居然小一
要中,英文打字測驗?聖經都話要背默?
我以前讀"天主教"學校考聖經都係open book
甘考.依家d小學居然甘深.

真係慘

[ 本文章最後由 808280 於 07-10-28 11:45 編輯 ]

作者: bearbearyob 時間: 07-10-28 12:22

我都覺得la種填鴨式方法，只會磨滅小朋友的創意，完全冇時間思考，一味死做，閱讀理解其實係閱讀唔理解至真，讀晒課文小朋友其實好叻，重話要懂得將詞語放向其他同意句子上．

作者: fanmum 時間: 07-10-28 15:25

提示: 作者被禁止或刪除內容自動屏蔽

作者: 返工媽 時間: 07-10-28 18:44

我已經發現，學校所教的很淺，小朋友在家做的功課很深。我們做家長要分薄親子時間和家庭教育的時間，不斷追趕學校的課程(和要求)。學校要家長買一本又一本的補充練習，不斷要小朋友回家大量地做，老師只是收起練習的答案部份，每星期一次在堂上派給學生自己對，然後收回。

見家長時老師還理所當然地說，她們從來都不用在堂上教小朋友，學生們已經懂了，再教只會花大家時間。

作者: 謙仔媽咪 時間: 07-10-28 20:18

原文章由 返工媽 於 07-10-28 18:44 硐表
我已經發現，學校所教的很淺，小朋友在家做的功課很深。我們做家長要分薄親子時間和家庭教育的時間，不斷追趕學校的課程(和要求)。學校要家長買一本又一本的補充練習，不斷要小朋友回家大量地做，老師只是收起練習的答案部份，每 ...

身同感受, 因為我做補習的, 每天幫佢地追課程, 溫小測, 默書, mon小測中, tue英默, fri測英, wed突擊測數(因星期一先教嗰一課, 結果59分, 雖然其他都有9x, 佢阿媽又打黎問why數學咁低分). 簡直做到人都"din". 仲邊有時間預教課程呢?

我諗我好快頂唔順, 要轉行架啦!

作者: blythe 時間: 07-10-29 11:53

你們好!
小女小一,二時就讀的學校是我心儀小學.讀落發覺成日都要測驗又多報告做!(佢成績幾好的!)...敗在次次都要計分.攪到日日都是忙測驗溫書及老師又變態:tongue: :tongue: 有D精神問題咁!吓吓掟簿,又出言悔辱學生...

於是在小二下學期,我終於同女轉左間好學校.
老師好,在學習上又輕鬆了...(我人又放鬆了!)
今年已小三...佢依家讀得好開心.

作者: kitbebe 時間: 07-10-29 12:05

可否pm話我知轉左邊間

原文章由 blythe 於 07-10-29 11:53 硐表
你們好!
小女小一,二時就讀的學校是我心儀小學.讀落發覺成日都要測驗又多報告做!(佢成績幾好的!)...敗在次次都要計分.攪到日日都是忙測驗溫書及老師又變態:tongue: :tongue: 有D精神問題咁!吓吓掟簿,又出言悔辱學生. ...

作者: 返工媽 時間: 07-10-30 21:54

我個小朋友日日以淚洗面(做功課同温書時)，我就成日瞓唔著。我仲攪到皮膚敏感，醫生話揾唔到至敏原，可能是精神壓力影響到。我同我小朋友都是診所常客，連醫生都話學校暑假無咁多人病。

我地呻下好啦，千萬不要講學校名，會大件事。

作者: duduck 時間: 07-10-30 22:14 標題: 回覆 #3 blythe 的文章

我都想知，PM埋比我
thanks

作者: chingmaalice 時間: 07-10-30 22:31

我都想知, 可否pm我 ?

原文章由 blythe 於 07-10-29 11:53 硐表
你們好!
小女小一,二時就讀的學校是我心儀小學.讀落發覺成日都要測驗又多報告做!(佢成績幾好的!)...敗在次次都要計分.攪到日日都是忙測驗溫書及老師又變態:tongue: :tongue: 有D精神問題咁!吓吓掟簿,又出言悔辱學生. ...

作者: blythe 時間: 07-10-31 14:45

咁多人問既!
我不PM你們la.
小女讀聖X一堂小學.
亞女剛考完試,好輕鬆咁過左la.
我轉左呢間後.無迫佢,她本身讀書自覺性ok的.
暫時小三課程算比其他私校輕鬆的.
起碼唔多測驗及評估!

作者: Leolonglongma 時間: 07-11-1 00:29 標題: 回覆 #24 blythe 的文章

blythe:

各位家長, 真係唔好提學校名, 囝囝'06-07年小一大抽獎入了紅磡出名的官校, 剛上學一個月, 在學校跌穿頭, 就學校處理手法及班主任唔負責的說話在 BK 呻過後, 即刻俾校長親自召見, 客氣的叫家長"收聲", 最嬲的還是囝囝遇上一個好無愛心的班主任, 每次打電話來找家長都好無禮貌, 還以為自己欠人債, 俾人追數, 所以每次聽佢電話都好"慶", 終於囝囝因為小一課程太悶, 加上對老師的"不滿",同老師對抗, 最後被標籤為"學習障礙/頑劣學生", 眼見佢由一個開開心心的小朋友變成一個死氣沉沉的老人家, 雖然該校是出名的官校, 為了讓囝囝有一個愉快的小學生活, 我堅持要為他轉校, 也跟你一樣轉來此校. 慶幸現在的校長開明, 經測驗面談後, 讓囝囝跳班讀小三, 跟您囡囡同校同級. 轉校後, 功課量對他來說是突然多了, 但也慢慢的適應過來, 最重要是老師的愛心, 願意和家長溝通, 囝囝回家後報平安的電話, 不再像以往般死氣沉沉, 覺得他開始重拾童真. 某次他回來說了一番話, 讓我很感動也很感激班主任: "媽咪, 我以後要做好一點, 因為老師話小朋友如果俾老師話過o既缺點都唔去改, 佢唔尊重老師, 亦唔尊重自己, 係一個無尊嚴的人, 我要做一個有尊嚴o既人." 我將這一番說話回去跟他幼稚園的主任老師分享, 看見主任眼中也有淚光 (因為小一的一整年裏所遇到的辛酸<委實太多>, 我均有向他們申訴, 尋求處理方法, 了解是自己的問題還是學校制度.老師的問題....), 所以絕對無後悔放棄了那家許多家長想入的著名官校. 剛考完試, 他的成績自問是收貨的了, 未必像小一時科科95以上, 但看得見的是: 他緊張老師/父母對他的要求而肯努力(囝囝是一個專注力不足的小朋友), 過程中的認真和努力比成績來得重要, 這是我們夫婦倆一直向他灌輸的思想.

Leolonglongma

^QUOTE^
咁多人問既!
我不PM你們la.
小女讀聖X一堂小學.
亞女剛考完試,好輕鬆咁過左la.
我轉左呢間後.無迫佢,她本身讀書自覺性ok的.
暫時小三課程算比其他私校輕鬆的.
起碼唔多測驗及評估!
^UNQUOTE^

作者: blythe 時間: 07-11-1 09:03

Leolonglongma,

多謝你提點,
佢地係問我亞女依家讀邊間.
我就不防公開小小...hehe.
亞女間學校都好多老師上來看,我都好清楚.
所以有咩我地都會在自己討論區講.
有時仲指明叫有看BK的老師要向學校反應吓呢!佢地好NICE的...

作者: blythe 時間: 07-11-1 09:25

leolonglongma,

sorry,無看哂全文就覆了你.
原來你的兒子同我女同校同班...
係呀!讀得這所學校,我就預左採取輕鬆學習態度.佢都係無以前拿取那麼好成績,
但我已降低要求,比著以前已罵到狗血淋頭了!

不過讀左呢間學校就唔罵得及大聲對她說話了...
仲有亞女同我講,老師會在堂上鼓勵學生,
有進步及退步學生,亦係會多加提點.
這種教學方法,小朋友真係好受的...

作者: Leolonglongma 時間: 07-11-1 12:09 標題: 回覆 #27 blythe 的文章

blythe,

對的, 我也要不時提醒自己不要為囝囝set 太高的要求 (雖然許多時都忘了, 重覆犯錯

, 其實自己又比囝囝好多少呢?), 每次想到自己小時默書/考試沒拿到100分, 父母從沒為此打罵過自己, 心中的那團"火"就會自然的收斂了. 只是現時的課程太顛, 太瘋狂, 家長才跟著走火入魔, 要不時抽離一下, 冷靜自己才可以清醒點. 像昨天到書局看一些課外補充習作, 看到一些新加坡出版的閱讀理解, 不禁愕然, 暗忖: 需要那麼深嗎? 三年級小學生真的懂得嗎? 想一想, 最後放低走人, 不過唔保證自己經常清醒. 如你所說, 讓他們輕鬆學習, 培養自信比不斷催谷更有效, 老師正面的鼓勵而非採放棄態度, 遠較家長說上百句更收效, 我真的很慶幸為他轉了一所好學校.

作者: wyn13567 時間: 07-11-1 15:06

看了這麼多媽咪的鼓勵話,
本來沮喪的心情變得愉快了,
一句淡淡的努力加油, 覺得自己並不孤單,
每當要發火想起就想一想要努力, 內心也變得寬容一些了.

作者: gracechung 時間: 07-11-18 12:31

唔好意思，路過發up風。
你的觀點正確，未認字點閱讀？咁所以我認為幼稚咪應該認多d字囉，但e+d家長驚死細路壓力大，將幼稚園的幾年荒廢，咁咪導致咁既惡果！

原文章由 wyn13567 於 07-10-25 16:54 硐表
講起香港的教育制度, 真讓人啼笑皆非,
上小學不到2個月, 老師注重的不是多認字, 多使用字的能力, 而特別看重閱讀理解,
試問不認得字, 怎麼閱讀, 又怎麼能理解, 一篇文章他有50% 的字不認得, 連問的問題都看不懂, ...

作者: gracechung 時間: 07-11-18 12:39

就算新小拔都係咁架之喎！你expect d 咩？！
我從來唔expect d 咩，你諗下，每堂35 min，你覺得老師可以做d咩？呢個係當局的責任！

原文章由 返工媽 於 07-10-28 18:44 硐表
我已經發現，學校所教的很淺，小朋友在家做的功課很深。我們做家長要分薄親子時間和家庭教育的時間，不斷追趕學校的課程(和要求)。學校要家長買一本又一本的補充練習，不斷要小朋友回家大量地做，老師只是收起練習的答案部份，每 ...

作者: lulu128 時間: 07-11-21 12:16

原文章由 tingchichi 於 07-10-25 15:40 硐表
見到妳地咁寫, 我覺得我個女真係讀得好輕鬆. 每晚 7:00 pm 後就係佢既自由時間, 佢唔會再睇任何功課 or 讀書. 到星期六,日通常全家都出咗去玩
我個女都係 p.1. 學校d 功課唔多, 英文用 story book only. 暫時默 ...

Can u pm me which school is it? I love that style....
thx

作者: DMa 時間: 07-11-21 12:24

可否pm話我知轉左邊間

原文章由 blythe 於 07-10-29 11:53 硐表
你們好!
小女小一,二時就讀的學校是我心儀小學.讀落發覺成日都要測驗又多報告做!(佢成績幾好的!)...敗在次次都要計分.攪到日日都是忙測驗溫書及老師又變態:tongue: :tongue: 有D精神問題咁!吓吓掟簿,又出言悔辱學生. ...

作者: ylf1428 時間: 07-11-24 16:29

好可憐的童年? 是否算虐兒呀!

作者: chuiiris 時間: 07-11-25 12:20

我对大家的說話都感同身受

歡迎光臨教育王國 (/)