教育王國

標題: 小三功課量 [打印本頁]

作者: sosochui 時間: 07-10-22 23:40 標題: 小三功課量

請問小三現時每天幾多樣功課呢

係咩型式呢? 多唔多抄寫又會唔會改正都要抄抄抄...咁呢

朋友小朋友想轉校, 想問清楚些才申請, thanks

作者: edea 時間: 07-10-23 13:39

原文章由 sosochui 於 07-10-22 23:40 硐表
請問小三現時每天幾多樣功課呢係咩型式呢? 多唔多抄寫又會唔會改正都要抄抄抄...咁呢朋友小朋友想轉校, 想問清楚些才申請, thanks

優才一向唔多抄寫, 唔主張抄好多次果種. 不過小三或以上家長比較適合置評.

作者: 軍魁星 時間: 07-10-23 20:21

原文章由 sosochui 於 07-10-22 23:40 硐表
請問小三現時每天幾多樣功課呢係咩型式呢? 多唔多抄寫又會唔會改正都要抄抄抄...咁呢朋友小朋友想轉校, 想問清楚些才申請, thanks

我個仔讀G2, 要默書的中文字或詞要抄三次, 改錯好似又係抄三次, 英文就抄一次, 不過會抄幾日. 我自已有時同佢預默, 錯左我反而會叫佢抄五次.

作者: 中天英 時間: 07-10-23 23:46

Copy左樓上, " 優才小學FAQ " 有关功課部份,

-------------------------------------------------------
功課多唔多？要做幾耐？

1) 優才主張快樂學習, 功課量適中, 讓學生開心上學
2) 儘量減少不必要的机械式抄寫及補充練習
3) 設有功課堂, 讓學生在校內完成部份功課
4) 在家功課指標 - 初小, 不超過1小時; 高小, 不超過1.5小時
5) 鼓勵學生在空餘時間里, 多閱讀, 多做親子活動及發展個人興趣
----------------------------------------------------------

作者: melodyyy 時間: 07-10-25 11:06

通常四樣左右, 個日多堂上就會多些, 少堂上就會少些
中文同數學功課會較多, 一般都係做作業&小小工作紙, 另外有些專用教材要做, 中文會寫每課的詞語&作句, 唔係好多抄寫

原文章由 sosochui 於 07-10-22 23:40 硐表
請問小三現時每天幾多樣功課呢係咩型式呢? 多唔多抄寫又會唔會改正都要抄抄抄...咁呢朋友小朋友想轉校, 想問清楚些才申請, thanks

作者: 中天英 時間: 07-11-23 23:54

小實,

插班隨時都可以申請, 只要有位, 小朋友又達到要求便可。你不如直接打電話去學校問吓啦。

點解要轉校呢？

原文章由小寶於 07-11-21 11:38 硐表
請問如果想插班p3,需要何時申請呢?有什麼要預備?面試的模式又是怎樣的呢?
謝謝!

作者: TimYip 時間: 08-2-17 18:34

我也想小兒插班小三，因現讀學校淺易又沒有直屬中學，請問優才課程深不琛？中學是band 幾？英中or中中？請各媽咪忙解答，十分感謝！

作者: dabbycheung 時間: 08-2-19 09:10 標題: 回覆 #8 TimYip 的文章

優才既英文課程比一般學校深，數學則比一般學校教快半年。

優才中學屬Band 1英中。

作者: Imouto 時間: 08-4-22 19:31

請問優才的功課量似乎比很多小學少, 但如果以'一分耕耘,一分收獲'這句話去分析,優才初小學生的能力會唔會因此而比下去了??人家付出3-4句鐘做功課, 相比優才的只用人家的一半時間做,相信學的東西/練習機會(學後要識得用)就此少了,這是否讀開心學校而承受的後果呢?..... 輕鬆開心跟強競爭力唔可以並存,可以的學生可能只係當中的資優生,個別例子.(因為都幾多資優生報讀)..我朋友個仔係資優生,真的無需費多時,便能很好的掌握到知識或記憶.確實可以開心又叻仔, 但相信小朋友一般的話便難達到.

其實我當然希望仔仔讀得開心又成績能力高, 不過心中一直有以上的反駁, 針無兩頭利. 有無優才家長曾有我的想法和憂慮, 結果如何呢衝破?? 謝謝分析.

作者: NeoMom 時間: 08-4-23 11:54

小女都是準優才學生, 不過未親身體驗優才所以暫不評論, 但個人覺得讀得辛苦=/=學到野, 相反亦然, 外國曾經做過一個實驗, 先比一堆生果名比一班小朋友去讀同記, 點知d小朋友好多唔記得, 之後比真的生果佢地去touch and smell, 之後大部分都記得, 相信此結果好多人都會預期得到, 死讀死記一定辛苦過後者, 其實再睇點解d細路記電視同打機咁勁就更證明此道理

我估計(只是估計, 不過interview時學校都提過), 優才是省略了一些不必要的抄寫及背頌(個人理解是一些非增值性的工作)

作者: ecore 時間: 08-4-23 17:02

原文章由 Imouto 於 08-4-22 19:31 發表
請問優才的功課量似乎比很多小學少, 但如果以'一分耕耘,一分收獲'這句話去分析,優才初小學生的能力會唔會因此而比下去了??人家付出3-4句鐘做功課, 相比優才的只用人家的一半時間做,相信學的東西/練習機會(學後要識得 ...

囝囡都是GT學生，囝囝G6，明年升G7；囡囡G8。倆人都是愉快學習，但亦能在公開試中 pass (G5-小普測/Fryer、G7-PET)，現都在準備KET(G6)、IGCSE-Eng(G8)，亦都沒有不停做測試或練習......；閒時都可參加不同的活動(Sailing, wind surfing, 功夫, 畫畫..........)；放學回家後他倆最喜歡閱讀；週未亦可到郊外遊玩、看 movie......。
囝囡能力沒有過人之處，開心學校也能有高能力，但不是在短時間能立即比較，GT 不是由頻繁的考測來考核學生學習能力，照我觀察GT學生語文能力都高，亦很聰穎、活潑及樸素。
孩子有愉快童年，學習能力亦達一定水平，已很滿足了！

作者: 中天英 時間: 08-4-24 01:53

Hi, Imouto,

雖然優才既功課量少, 但係程度比一般學校高及廣, 例如,

- 數學高半年, 小六下學期就開始中學課程
- 英文以前又系高半年, 05年開始唔用本地課本, 轉用外國課本, 程度比一般本地學校高一至兩年
- 小一英文Reading讀Oxford Reading Tree既Stage 5, 一般小一會用Stage 2 至 3, 快成兩年
- 小一開始教Phonics
- 普通話小一教拼音, 外面要小三先教
- 小二開始用普通話上中文堂
- 小一至小六要做100個小實驗, 一般小學係冇實驗做既
- 小四開始有中史堂, 外面邊間有？

學術成績好唔好？可以從以下幾點睇倒,

- 以前未有一條龍中學, 小六畢業生有八成係Band 1, 派倒英文中學
- 响<< 升中伯樂計劃 >>, 優小畢業生, 同全港最好既小學生競爭, 一樣得到金獎( Top 1% )
- 小五派全級學生去考Cambridge Flyers試, 97%合格( 10個盾以上 ), 滿分( 15個盾 )都有21%
- 小五派全級學生去考小普試 ( GAPSK ), 合格率95%, 考倒優良 ( B ) 及卓越 ( A ) 既都有35%

上面所講既, 都係响功課量小既情況下做倒。

優才既目標係 << 喜悦和卓越 >>, 即係話要學生愉快學習, 並且得到好既成續; 創校十年至今, 睇黎目標, 可以達到。

原文章由 Imouto 於 08-4-22 19:31 發表
請問優才的功課量似乎比很多小學少, 但如果以'一分耕耘,一分收獲'這句話去分析,優才初小學生的能力會唔會因此而比下去了??人家付出3-4句鐘做功課, 相比優才的只用人家的一半時間做,相信學的東西/練習機會(學後要識得 ...

作者: 中天英 時間: 08-4-24 01:58

NeoMom,

妳講得冇錯, 好既教學方法, 係有事半功倍既作用。

原文章由 NeoMom 於 08-4-23 11:54 發表
小女都是準優才學生, 不過未親身體驗優才所以暫不評論, 但個人覺得讀得辛苦=/=學到野, 相反亦然, 外國曾經做過一個實驗, 先比一堆生果名比一班小朋友去讀同記, 點知d小朋友好多唔記得, 之後比真的生果佢地去touch an ...

作者: 中天英 時間: 08-4-24 02:34

其實每日三、四個鐘既功課, 究竟係做D乜野？

-------------------------------------------------
如果上課既時候, 老師講得清楚, 學生聽得明白;

如果課程編排得好, 老師教得輕鬆, 學生覺得有趣;

如果係小班教學, 師生互動多, 學習氣氛強;

如果教學節數少, 老師備課時間多;

如果老師專科專教, 深入淺出, 教得出色;
-------------------------------------------------

咁, 放學之後, 做少量功課, 鞏固一下上堂所學既野, 係咪已經足夠呢？

原文章由 Imouto 於 08-4-22 19:31 發表
請問優才的功課量似乎比很多小學少, 但如果以'一分耕耘,一分收獲'這句話去分析,優才初小學生的能力會唔會因此而比下去了??人家付出3-4句鐘做功課, 相比優才的只用人家的一半時間做,相信學的東西/練習機會(學後要識得 ...

作者: whywhite22 時間: 08-4-24 17:40

看到各位講到優才咁好,我都好想比個女去讀.不過我個女依家先得兩歲半

.
我依家攞定資料都冇壞,做好D準備都好,不過我怕三年後既競爭會好激烈.

作者: 中天英 時間: 08-4-25 00:57

古話有云 : << 重質不重量貴精不貴多 >>

原文章由 Imouto 於 08-4-22 19:31 發表
請問優才的功課量似乎比很多小學少, 但如果以'一分耕耘,一分收獲'這句話去分析,優才初小學生的能力會唔會因此而比下去了??人家付出3-4句鐘做功課, 相比優才的只用人家的一半時間做,相信學的東西/練習機會(學後要識得 ...

[ 本文章最後由中天英於 08-5-1 01:41 編輯 ]

作者: 中天英 時間: 08-4-25 01:01

而家既競爭己經好激烈, 舊年係 10 比 1。

原文章由 whywhite22 於 08-4-24 17:40 發表
看到各位講到優才咁好,我都好想比個女去讀.不過我個女依家先得兩歲半 .
我依家攞定資料都冇壞,做好D準備都好,不過我怕三年後既競爭會好激烈. ...

作者: Imouto 時間: 08-4-25 10:54

各位優才家長好!\
真係好多謝咁多詳細資料及意見, 優才得到咁多家長支持同欣賞, 有一定的口啤. 而我却常於學校功課的多少和中校網問題而舉棋不定. 優才的功課成績問題現巳也看通了, 但一間好學校位於不夠理想的中校網區內, 是否都會略遜一籌呢? 以前優才是於位九龍塘區,名校BAND1多自然不成大問題, 但日後如真的不直上優中而想垮區入名校區的其他BAND1就相當不容易了吧?(因為應該會被降級) 為何優才小學沒有公開近年派中成績?

作者: whywhite22 時間: 08-4-25 12:17

其實我覺得揀得優才小學既家長,照計都會比小朋友讀埋中學,好少會轉校.唔知我有冇估錯呢,以上純粹個人看法,有錯請見諒.

中天英:
你既留言我看著好多,非常多謝你既付出.現有小小野想請教你:
我想今年報名參加優才的學校開放日(但我囡囡依家只有兩歲半),唔知會唔會早得滯呢?我怕會浪費人地既名額,因為開放日是額满即止,如果我報名會唔會有小小自私呢?但我又好想親身去了解下優才WO,咁我報唔報名好呢?
希望你可以比小小意見我.

作者: 中天英 時間: 08-4-26 01:09

Hi, whywhite22,

早就早左D, 但你絕對唔係第一個咁早既。

我個人覺得你宜家去聽簡介會都可以, 名額應該足夠既, 唔洗担心; 往年都試過臨時加位既，

原文章由 whywhite22 於 08-4-25 12:17 發表
其實我覺得揀得優才小學既家長,照計都會比小朋友讀埋中學,好少會轉校.唔知我有冇估錯呢,以上純粹個人看法,有錯請見諒.

中天英:
你既留言我看著好多,非常多謝你既付出.現有小小野想請教你:
我想今年報名參加優才的 ...

作者: edea 時間: 08-4-26 01:25

原文章由 中天英 於 08-4-25 01:01 發表
而家既競爭己經好激烈, 舊年係 10 比 1。

相信今年更激烈, 尤其經過香港七歲神童事件,陳校長接受好多關於資優既訪問, 優才越黎越多人知道同留意, 今後只會越黎越多人報.

有d慶幸囡囡上年已經錄取. 囡囡表弟今年會報名,同囡囡一齊讀, 但係都驚競爭好大.

作者: 中天英 時間: 08-4-26 01:59

Imouto,

幫小朋友揀小學, 唔知你會點揀:

1) 一間好既小學, 但位于唔太好既中學網;

2) 一間冇咁好既小學, 但中學校網好D

-----------------------------------------------------

優才係一條龍中小學, 照計响邊個中學校網, 関係不大, 因為,

1) 大部份學生, 都會原校直升中學; 今年大约有八成小六畢業生, 會直升優才中學部。

2) 個兩成出去外面升中既, 主要有三種:
   (a) 成績好好既學生, 父母想佢地讀外面既名牌中學
   (b) 成績唔理想既學生, 達不到原校升中既要求
   (c) 轉入非本地學校, 有D讀Int'l School, 有D放洋留學

3)  (a)類學生, 成續出眾外, 通通個個身懷絕技, 考名校, easy job啦, 中學校網對佢地係唔重要既;

4)  (b)類學生, 基本上唔會考慮一級名校, 咁邊個校網, 関係唔大;

5)  (c)類學生, 更加冇中學校網呢樣野

以上係小弟愚見, 有講錯既地方, 請一笑置之, 多多包涵。

原文章由 Imouto 於 08-4-25 10:54 發表
各位優才家長好!\
真係好多謝咁多詳細資料及意見, 優才得到咁多家長支持同欣賞, 有一定的口啤. 而我却常於學校功課的多少和中校網問題而舉棋不定. 優才的功課成績問題現巳也看通了, 但一間好學校位於不夠理想的中校 ...

作者: dabbycheung 時間: 08-4-26 10:40

Imouto,

以我所知，過往未有優中前，歷屆優小畢業生，係憑個人實力而考入各區名英中。後來當成立左優中後，優小畢業生，除左大部份直升優中外，最Top果班會入名校。而成績比較差而唔能夠直升優中果班，有部份會入程度比較次一等既直資中學(如林x輝之類)。其他學生會用自己屋企地址(優才學生遍佈港九新界)，嚟抽佢地所住果區既政府中學。

[ 本文章最後由 dabbycheung 於 08-4-26 10:47 編輯 ]

作者: whywhite22 時間: 08-4-28 14:22

HI:中天英
我真是報著名參加簡介會.

我可能真是緊張著D,個女依家先得兩歲半.

作者: 中天英 時間: 08-4-30 01:35

早D認識學校都好既; 歡迎你多D上離BK傾吓偈。

原文章由 whywhite22 於 08-4-28 14:22 發表
HI:中天英
我真是報著名參加簡介會. 我可能真是緊張著D,個女依家先得兩歲半.

作者: Imouto 時間: 08-4-30 13:41

中天英, dabbycheung,
真係好感激你地給我資料及幫我分析得咁仔細,
我唸我的出發點應該重於小朋友學習成長路中學校的質素,而非中學校網而影響.因為即使位於九龍城區, 成績不好也不一定入到好學校. 好似又唸通咗多d

.
真係好佩服你們沒有中學畢業數據下,仍對優才的將來充滿信心(相信信心都是源自學校).希望小兒入讀後,亦能親身領會到你們的那一份信念.

作者: 中天英 時間: 08-5-1 01:38

Hi, Imouto,

唔洗客氣, 我地都係"有碗話碗, 有碟話碟"姐。

咁你既小朋友係咪今年小一新生呀? 响TKO定MK?

原文章由 Imouto 於 08-4-30 13:41 發表
中天英, dabbycheung,
真係好感激你地給我資料及幫我分析得咁仔細,
我唸我的出發點應該重於小朋友學習成長路中學校的質素,而非中學校網而影響.因為即使位於九龍城區, 成績不好也不一定入到好學校. 好似又唸通咗多d: ...

[ 本文章最後由中天英於 08-5-2 00:31 編輯 ]

作者: 中天英 時間: 08-5-1 01:50

Hi, NeoMom,

好似唔見"優才08小一家長"果便有您個名, 洗唔洗我同您加番上去呀？

令千金會返TKO定MK校舍呀？

原文章由 NeoMom 於 08-4-23 11:54 發表
小女都是準優才學生, 不過未親身體驗優才所以暫不評論, 但個人覺得讀得辛苦=/=學到野, 相反亦然, 外國曾經做過一個實驗, 先比一堆生果名比一班小朋友去讀同記, 點知d小朋友好多唔記得, 之後比真的生果佢地去touch an ...

作者: Aoi 時間: 08-5-9 11:50

請問小三/小四是否全由外籍老師當班主任? 增益班和課後資優培訓幾時開始? 學校好似無乜課外活動比學生參加? (定係高年班會多d) thanks!

作者: dabbycheung 時間: 08-5-9 12:53

原文章由 Aoi 於 08-5-9 11:50 發表
請問小三/小四是否全由外籍老師當班主任? 增益班和課後資優培訓幾時開始? 學校好似無乜課外活動比學生參加? (定係高年班會多d) thanks!

記憶中好似由G4開始(至中學)，每級會有一班由外籍老師做班主任(但可能今年改左我唔知？)。課後資優班亦由G4開始。

作者: 中天英 時間: 08-5-10 01:16

Hi, Aoi,

小學只有G3由NET做斑主任; G2開始有增益班; 課後資優班同IEP都好似响G4開始; 好多球隊練習、將別培圳呀咁, 都係G4先開始ｏ

原文章由 Aoi 於 08-5-9 11:50 發表
請問小三/小四是否全由外籍老師當班主任? 增益班和課後資優培訓幾時開始? 學校好似無乜課外活動比學生參加? (定係高年班會多d) thanks!

歡迎光臨教育王國 (/)