教育王國

標題: p1 放學去補習班好唔好?? [打印本頁]

作者: 銘銘媽 時間: 07-10-22 15:15 標題: p1 放學去補習班好唔好??

亞仔啱啱九月升咗上小一, 由於放咗學, 亞嫲睇住佢, 可惜日日放咗學返到去, 都即即開電視, 唔肯做功課同溫書, 等到我放工返去先肯做, 結果佢又夜瞓, 又溫唔到書, 攪到我成日鬧佢, 我同佢既情緒都唔好.
本來啱啱讀一年級, 我真係唔想俾佢去補習班(學校同埋屋企附近無功課班. p.s. 功課班同補習班唔同既係, 功課班只係有個地方, 俾d 小朋友放咗學去做功課, 有個人睇住佢地, 無得問, 唔會同小朋友溫書, 只係睇住小朋友做完功課就完成), 不過已經就黎兩個月啦, 日日為咗叫佢做功課, 我同亞仔d關係又好似差咗咁.
我同事就話怕物以累贅, 亞仔升咗上小學已經無以前咁乖, 我又怕佢返咗補習班會仲曳.
咁多位有經驗既家長, 可唔可以俾d 意見我啦??

作者: 大豬既老婆 時間: 07-10-23 07:47

會吾會考慮請個補習老師返屋企 ?
比如一個禮拜 2 次
甘起碼你可以叫補習老師搞掂功課 +溫習
你自己另外 2 日先跟功課
甘起碼吾洗日日同阿仔鬧交

作者: sai1031 時間: 07-10-23 14:19

原文章由 銘銘媽 於 07-10-22 15:15 硐表
亞仔啱啱九月升咗上小一, 由於放咗學, 睇住佢, 可惜日日放咗學返到去, 都即即開電視, 唔肯做功課同溫書, 等到我放工返去先肯做, 結果佢又夜瞓, 又溫唔到書, 攪到我成日鬧佢, 我同佢既情緒都唔好.
本來啱啱讀一年 ...

如果唔喜歡補習社,可以睇下有沒有附近的師奶,
仔女大左或仔女又係小一，小二到，
小朋友有個伴一起做功課,(但又唔係成班咁，）
到做完功課,咪叫亞嫲接番佢,到你放工晚上咪同佢温書,
咁唔知work 唔 work ，因為如果每日都揾補習老師上門,
$$$$$

作者: 銘銘媽 時間: 07-10-23 14:31

呢個提議幾好, 可惜我唔係好識屋企附近同佢差唔多大既 c9 呢. :cry:

原文章由 sai1031 於 07-10-23 14:19 硐表

如果唔喜歡補習社,可以睇下有沒有附近的師奶,
仔女大左或仔女又係小一，小二到，
小朋友有個伴一起做功課,(但又唔係成班咁，）
到做完功課,咪叫亞嫲接番佢,到你放工晚上咪同佢温書,
咁唔知work 唔 work ，因為如果每日都揾 ...

作者: kathyhobb 時間: 07-10-23 15:27

試下俾佢去補習班la

: ,我開頭一個月都係好似你咁,日日趕返屋企同佢做功課:tongue: ,但仔仔返左補習班後,我起碼唔洗煩佢未做功課,同埋又有人同佢溫埋習.唔洗浪費曬d時間,因為我仔仔放學後都係99睇,so我令願佢返補習班,起碼唔洗掛住玩ma

,d 99通常都唔會叫得到佢地自己做架

試下la.起碼唔洗成日罵仔先ma....

作者: khmama 時間: 07-10-23 15:40

你既煩惱我都經歷過.我個女以前都鍾意睇電視,特別是有線兒童台.下面有幾個方法都是我用過的,可以參巧下:
1. 預備一本記錄冊,每天一頁,記錄功課完成時間, 能夠在指定時間前完成就有貼紙. 但必須持之以恆. 這方法本來很有效,不過自己漸漸懶咗,阿女就冇心機持續下去.
2. set密碼,每次做完晒就打電話給daddy攞密碼. 不過阿女好冇信用,明明未做晒,都要攞密碼.
3. mun咗個插蘇.
4. 培養小朋睇書,依家阿女鍾意睇書多過睇電視.

其實最緊要同小朋友約法三章,比佢知道放學後做好功課是責任.有自制能力. 大人亦要配合,唔好話唔比佢睇,自己就猛睇. 最好就唔好開電視.

作者: Hilouey 時間: 07-10-23 21:35

試下俾佢去補習班我開頭一個月都係好似你咁,日日趕返屋企同佢做功課,但bb返左補習班後,我起碼唔洗煩佢未做功課,同埋又有人同佢溫埋習.唔洗浪費曬d時間,因為我beofre is grandmother to look after my bb after waste my time so after school go to the tutor centre and she go to than can get the good mark to me so you can try try

hilouey

作者: 健朗媽咪 時間: 07-10-23 21:51

原文章由 khmama 於 07-10-23 15:40 硐表
你既煩惱我都經歷過.我個女以前都鍾意睇電視,特別是有線兒童台.下面有幾個方法都是我用過的,可以參巧下:
1. 預備一本記錄冊,每天一頁,記錄功課完成時間, 能夠在指定時間前完成就有貼紙. 但必須持之以恆. 這方法本來 ...

我亞仔都係好鍾意睇有線兒童台, 可以成日睇唔停都得, 所以亞仔一開學我就cut咗有線, 費事佢成日掛住睇無心機做功課(不過我就少咗好多野睇law, 得返無記真係無乜選擇)

而家無咗有線, 佢每日放學返嚟都啱啱可以睇到"放學icu"入面套卡通片, 我通常都會比佢睇, 睇完佢就開始做功課, 我同佢講, 如果佢做得快又靚ga, 就可以睇到五點幾嗰套卡通片, 於是佢為咗可以睇到, 佢就會好專心咁做, 慕求快d做晒d功課,可以睇多套law

其實如果真係要返補習班, 最好參加學校入面ga課托班, 一來係返學校入面, 唔駛走來走去, 二來全部都係自己學校d學生, 無咁雜

如果學校入面無課托班, 要出去搵, 就要小心d搵, 因為出面d補習社好多都好雜, 小朋友去到, 好容易比人蝦或學壞, 所以一定要慎選補社

其實經濟許可ga話, 最好都係請上門補習啦

作者: fanmum 時間: 07-10-24 02:27

提示: 作者被禁止或刪除內容自動屏蔽

作者: YuYuMother 時間: 07-10-24 05:52

我都同意如果小朋友唔自動自覺做功課, 去補習班係一個好方法. 起碼放工返到屋企小朋友已經做哂功課, 唔駛再勞氣!!

你諗下, 放工返到屋企已經好攰, 仲要同小朋友爭拗一輪佢先做功課, 傷身(勞氣)兼傷心(傷感情).....

如果個小朋友乖識自己做好功課就梗係唔駛啦!!

作者: tswpig 時間: 07-10-24 09:45

識好多C9(在職或不在職的)都揾補習社睇住小朋友做功課,無辦法之中的辦法,因為父母睇小朋友功課,太投入,很多時會傷感情,但返補習社後,少了為無謂的功課傷感情,關係好好多,當然呢!都要久唔有D補習社真係幾差下,小朋友唔係做功課,只係係到玩玩吓.負面影响亦有,知道小朋友過於依賴補習社(有些補習社只是提供答案吧了),唔好諗就話唔識,功課差過以前.總括來說,小心選擇補習社啦!

作者: Siuchoi 時間: 07-10-24 10:18

我大女小3, 之前都冇去補習社做功課, 因為小孩會自動自覺去做, 但今年細女都升了小一, 嘩~ 完全搞唔掂, 細女好依懶, 又唔識睇手冊, 我要返工, 以前回來只是看看大女功課, 現在要睇2個, 我差D暈左係屋企!! 之後都問下D朋友意見去補習社好唔好, 現在已去了補習社近1個月了, ok喎~ 至少我放工後, 食完晚飯仲有時間同D女去散步先啦~

作者: Ivy124 時間: 07-10-24 12:57

其實我會見意搵姐姐上門補習好d...好似我囝咁...佢唔會要睇電視...但就做得好慢..我日日放工返到屋企又要吹佢做功課...做完又要對...對晒功課又要溫默書...最慘係我勞氣時...佢又唔開心...最後我決定搵姐姐幫手...一個禮拜來3日...睇住佢做功課...嘩...我真係發覺我輕鬆左好多...最多咪同佢溫下默書就攪掂

作者: iloveyoub4 時間: 07-10-24 13:47

我都係請補習姐姐上門幫手，一個星期４日，但補習姐姐唔洗跟功課的，我囡自己係學校做好曬，有時做唔曬先拿返屋企做，平日就４－８樣，星期五就多數８－９樣功課，我放工前佢多數做曬，有時有２－３題唔識做就等我返來教佢做，補習姐姐全程只需要教亞囡課外ＯＲ間中默書，我就負責對功課及溫默書

其實只要個小朋友從小習慣日日放學之後做功課就得架啦

各位ＭＵＭＭＹ加油

原文章由 Ivy124 於 07-10-24 12:57 硐表
其實我會見意搵姐姐上門補習好d...好似我囝咁...佢唔會要睇電視...但就做得好慢..我日日放工返到屋企又要吹佢做功課...做完又要對...對晒功課又要溫默書...最慘係我勞氣時...佢又唔開心...最後我決定搵姐姐幫手...一 ...

作者: wanmui 時間: 07-10-25 21:16

iloveyoub4
請問你的補習姐姐如何找的, 可否pm我? Thanks a lot!

原文章由 iloveyoub4 於 07-10-24 13:47 硐表
我都係請補習姐姐上門幫手，一個星期４日，但補習姐姐唔洗跟功課的，我囡自己係學校做好曬，有時做唔曬先拿返屋企做，平日就４－８樣，星期五就多數８－９樣功課，我放工前佢多數做曬，有時有２－３題唔識做就等我返來教佢做，補習姐姐全程只需要教亞囡課外 ...

作者: colinma 時間: 07-10-25 22:05

我都有比我仔仔補習，他今年都係p.1，由暑假尾開始，都幾好呀！但要小心選擇補習社，因為我有朋友試過去D補習社D小朋友在那裡玩，返到屋企功課都未做完！

原文章由 銘銘媽 於 07-10-22 15:15 硐表
亞仔啱啱九月升咗上小一, 由於放咗學, 亞嫲睇住佢, 可惜日日放咗學返到去, 都即即開電視, 唔肯做功課同溫書, 等到我放工返去先肯做, 結果佢又夜瞓, 又溫唔到書, 攪到我成日鬧佢, 我同佢既情緒都唔好.
本來啱啱讀一年 ...

作者: YuYuMother 時間: 07-10-25 22:25

原文章由 colinma 於 07-10-25 22:05 硐表
我都有比我仔仔補習，他今年都係p.1，由暑假尾開始，都幾好呀！但要小心選擇補習社，因為我有朋友試過去D補習社D小朋友在那裡玩，返到屋企功課都未做完！ ...

係呀, 市面上既補習社質素參差......小朋友返到屋企家長都要跟下, 唔好諗住送左小朋友去補習社就咩都唔理!!

作者: 銘銘媽 時間: 07-10-26 10:33

多謝咁多位回應, 咁睇黎我會揀補習社, 唔知大家有無咩方法, 可以知道間補習社好唔好既呢??
可唔可以俾d意見我呀??

作者: chammy 時間: 07-10-26 12:07

Siuchoi,

請問你找的補習社在邊區架, 好唔好, 小朋友是自己去補習社還是要找人帶佢地去的

原文章由 Siuchoi 於 07-10-24 10:18 硐表
我大女小3, 之前都冇去補習社做功課, 因為小孩會自動自覺去做, 但今年細女都升了小一, 嘩~ 完全搞唔掂, 細女好依懶, 又唔識睇手冊, 我要返工, 以前回來只是看看大女功課, 現在要睇2個, 我差D暈左係屋企!! 之後都問 ...

作者: shingshing1223 時間: 07-10-26 18:31

我仔今年小一, 因為我要返工, 晚晚8:00先返屋企, 所以一開學我就比佢去補習社做功課, 開頭都ok , 點知佢d字越寫越醜怪, 功課唔一定做哂, 但書就肯定未溫, 要等我返來至溫, 仲要我返到屋企時佢又鬼死咁眼訓, 開頭果個月日日都好似打拔咁, 而家有默書,每日一篇都會留反星期六日先做啦.
我覺得d小朋友返完學, 放學仲要去補習社座幾個鍾都幾辛苦.

作者: 銘銘媽 時間: 07-10-27 12:47

咁你有無同果間補習社反影過你小朋友既情況呀?? 開得補習社, 應該好知道學校既要求, 如果小朋友寫字太醜樣, 老師都會扣分, 補習社既老師都應該會叫你小朋友改既喎.
同埋小朋友唔仲意寫咗既字要改過, 所以佢應該學識一開始寫字果陣就要專心寫, 寫得好d, 如果唔係要擦, 仲辛苦.

原文章由 shingshing1223 於 07-10-26 18:31 硐表
我仔今年小一, 因為我要返工, 晚晚8:00先返屋企, 所以一開學我就比佢去補習社做功課, 開頭都ok , 點知佢d字越寫越醜怪, 功課唔一定做哂, 但書就肯定未溫, 要等我返來至溫, 仲要我返到屋企時佢又鬼死咁眼訓, 開頭果 ...

作者: Gracemama 時間: 07-10-27 16:04

我仔今年小一, 同shingshing1223一樣, 晚上7:00pm返屋企, 功課都可以做晒, 但係d字體, 真係好醜怪, 連老師都投訴, 我同補習社講左, 佢地話都有邦佢擦及改, 但到而家仲樣, 下星期測驗, 呢二天佢溫習, 問佢補習社怎樣邦你做功課及溫習, 佢話當佢唔識的時候問老師, 佢會直接講答案. 好快就做完了,
所以我而家決定resign份工, 專心邦佢溫習,

搵補習班, 千萬要小心, 要睇下, 小朋友明唔明d功課.

原文章由 shingshing1223 於 07-10-26 18:31 硐表
我仔今年小一, 因為我要返工, 晚晚8:00先返屋企, 所以一開學我就比佢去補習社做功課, 開頭都ok , 點知佢d字越寫越醜怪, 功課唔一定做哂, 但書就肯定未溫, 要等我返來至溫, 仲要我返到屋企時佢又鬼死咁眼訓, 開頭果 ...

作者: fanmum 時間: 07-10-28 15:40

提示: 作者被禁止或刪除內容自動屏蔽

作者: shirley1509 時間: 07-11-6 15:10

我個女頭 2 個月都有返補習班架 ( 仲係學校攪添) 係有好處嘅 , 不過有啲嘢都係差啲, (我掙扎咗好耐先放棄補習班

，死死地都要請個補習老師上門呀)

嗱 ! 每日補習由 3 點至 5: 30 , 做埋功課, 不過其實都係唔夠時間用，做功課都用咗 (個零鐘)，跟住個零鐘溫書, 有時功課做唔晒，返嚟要本本跟，再講吖, 補習班冇要求，有時做完返嚟見到啲功課部唔整齊, 又要擦過由頭做過，好似仲晒時間:( ，因為要慢慢CLECK，補習班仲要一對 10 幾個人仔, 邊跟得咁多呀, 講真吖, 補完返屋企都成 6 點幾 , 朝 7 晚 6 , 返到嚟, 食飯, 沖涼, 點都俾佢抖吓氣呀，

所以返到嚟我又要開始同佢搏殺過，大家都慘。其實而家用補習老師都見步行步，起碼一對一, 應該好啲，不過呢啲個人意見，各位家長都考慮清楚呀。

作者: onsf 時間: 07-11-6 16:43

Ivy,
想請問一星期來3次, 每次3個鍾. 大約幾錢呢.

原文章由 Ivy124 於 07-10-24 12:57 硐表
其實我會見意搵姐姐上門補習好d...好似我囝咁...佢唔會要睇電視...但就做得好慢..我日日放工返到屋企又要吹佢做功課...做完又要對...對晒功課又要溫默書...最慘係我勞氣時...佢又唔開心...最後我決定搵姐姐幫手...一 ...

作者: lyly 時間: 07-11-7 12:12

您有無試過培養他自己做功課? 我在暑假時便Set 了時間表比佢, 要在指定時間內完成指定的作業, 若她遵守了便給印印, 她成功取了250個印, 我買了Barbie英交電腦獎勵她, 最重要是培養了她自己做功課的習慣...

作者: shingshing1223 時間: 07-11-8 21:52

有同補習社講, 結果係炒寫的功課留番屋企做, 不過其他功課都係要我check多一次, 字體改善左, 老師都無再投訴啦.
我覺得去補習社係幫到50%其餘都係要靠自己同小朋友的勞力.

原文章由 銘銘媽 於 07-10-27 12:47 硐表
咁你有無同果間補習社反影過你小朋友既情況呀?? 開得補習社, 應該好知道學校既要求, 如果小朋友寫字太醜樣, 老師都會扣分, 補習社既老師都應該會叫你小朋友改既喎.
同埋小朋友唔仲意寫咗既字要改過, 所以佢應該學識 ...

歡迎光臨教育王國 (/)