教育王國

標題: 柏斯琴行與通利琴行 [打印本頁]

作者: d2343130 時間: 07-10-16 11:07 標題: 柏斯琴行與通利琴行

1. 柏斯琴行 - 兒童音樂鋼琴班

2. 通利琴行 - 兒童音樂班

想問吓, 有無小朋友上呢兩個course? 家長比d意見!!

另通利琴行 - 兒童音樂班實在等死人, 唔知要輪幾耐先有位呢?

因我小朋友都已5歲,如要等成年都怕等唔到?

<點解咁遲先同佢報??> 有人同我講小朋友5歲開始學最好, 所以就可能上唔到呢d基礎班, 要上一對一啦!!!

作者: CAC 時間: 07-10-16 14:52

原文章由 d2343130 於 07-10-16 11:07 硐表
1. 柏斯琴行 - 兒童音樂鋼琴班2. 通利琴行 - 兒童音樂班
想問吓, 有無小朋友上呢兩個course? 家長比d意見!!
另通利琴行 - 兒童音樂班實在等死人, 唔知要輪幾耐先有位呢?因我小朋友都已5歲,如要等成年都怕等唔到? 有 ...

Hi d2343130:

我個b上柏x琴行的兒童音樂鋼琴班. 學了25個星期 (分上下學期). 其實柏xd老師都唔錯. 要睇妳個b 喜不喜歡跟佢地. 每星期1堂每次1小時, 約5-7個小朋友一起上. 上完老師會講小朋友當日學過什麼和叫妳幫小朋友練習. 柏x也提供練琴服務 (學費已包). 柏x會按書本教授的.

我也見過一d 5歲小朋友上這個course的. 他們吸收應會快d. 通x 我也等超過1年. 所以唔等! 至於通x好唔好, 可能要其他家長分享了! 但我覺得我都沒有選錯柏x. (個人意見, 我唔係賣廣告!!!)

作者: seven_cola 時間: 07-10-16 18:07

我女也剛上完這個課程,總共25堂,老師教得幾好,好有耐性同心機,而家女女已經開始一對一,一開始已經讚佢機本功做得好,其實眞係全靠那位老師!

作者: kayan_329 時間: 07-10-16 19:03

seven_cola-你女女邊間center 而家grade幾我下個星期就開始上第一堂 d老師會唔會因為你學野慢就會好嚴格o架......

作者: lsw0316 時間: 07-10-16 19:15

我囡囡兩歲半, 都有留意學音樂同學琴嘅資料, 由於, 囡囡未夠大個未可以正式學琴, 暫時未有上過任何鋼琴班, 以下係我聽番嚟嘅評語而唔係親身經驗嚟o架.

我前幾個月去咗個幼兒音樂教育工作坊, 其中有位教琴嘅老師都有去聽, 根據佢教學經驗, 如果之前喺 Tom Lee 學過嘅, 佢哋一般手位企得唔好, 亦唔願意改, 因為辛苦, 而且啲小朋友話 Tom Lee 嘅老師都無話唔得, 同埋唔係好識睇譜. 原因係 Tom Lee 嘅教琴根據係好受日本 Suzuki method 影響, 主要效耳仔聽完, 記住啲 melody 然後彈番出來, 所以佢哋嘅教法唔係咁注重睇譜; 不過, Suzuki method 一個好出名嘅賣點就係可以訓練一啲好細個, 得幾歲嘅普通小朋友, 一定唔係資優嘅神童, 可以彈奏一啲好高程度嘅樂曲, 就係靠用耳聽完, 記住, 再不斷練習彈奏出來, 而用傳統教法係一定唔可以做到, 因為學樂理, 睇譜都要浸一段好長時間. 因此, 究竟呢個方法好唔好就睇家長想囝囡學到乜嘢啦.

而我嘅選擇多數都係一對一, 想佢早啲開始學, 如果佢坐唔定, 到佢三歲半, 會俾佢去柏斯嘅鋼琴班, 不過, 喺 workshop 聽到個講師話,柏斯套 Little Mozart, 雖然成套教材係好貴, 但有太多嘢, 太複雜, 所以, 啲老師其實都掌握唔到點用, 所以, 只得個貴字, 得物而唔可以盡用, 唔值, 所以, 柏斯個 Little Mozart 課程俾 2.5-3.5歲小朋友上嘅, 我都唔會報. 不過, 如果真係有家長報咗或者讀緊都唔會話有乜唔好嘅, 起碼可以俾小朋友接觸音樂, 韻律, 都好o架, 況且, 佢個 ccourse $160 一堂, 都唔係話好貴, 只不過, 唔返呢個課程, 坊間都仲有好多其他選擇, 或者家長自己買多啲唔同類型嘅歌仔, 音樂, 樂器演奏嘅 CD 俾小朋友聽, 播多啲唔同類型嘅音樂種子喺佢哋嘅腦入面, 為佢哋學音樂做準備都好好o架, 加油呀!

作者: korg 時間: 07-10-17 02:10

我覺得去邊度學都好, 最緊要小朋友學得開心. 鍾意音樂!!

個人就很喜歡yamaha的教學, 當然呢套教材都有不足嘅地方.
不過真係可以訓練到對耳仔.

其實yamaha係音樂班(JMC), 唔係鋼琴班, 所以係著重聽多過彈. 而堂上都唔係用鋼琴彈. 至於手勢方面, 就好睇位老師了, 如果老師唔好, 一對一都係唔好的!!
學完有d小朋友係去學小提琴的, 唔一定係鋼琴ga!

因為訓練耳仔係最好3,4歲開始, 過咗黃金期就好難了. 閱譜能力大個d都唔會遲, 仲會學得快d. 因為大個d吸收都快d (閱讀上).
有好多鋼琴老師唔了解yamaha, 亦有d係抗拒tim. 所以就覺得小朋友學壞了手! 只是同小朋友講, 呢個係鋼琴, 同音樂班彈的琴係唔同, 其實小朋友是知道的. 又問吓佢地有咩唔同, 叫佢地諗吓, 試吓用自己嘅字嚟形容, 其實都很好的.

我都有教過手勢唔好的學生, 係以前一對一的鋼琴老師冇嚴格之故. 所以學咩都好睇老師, 同咪個學生!

如果排到隊, 讀yamaha啦, 之後搵個好老師, 就事半功倍了!!

當然排唔到, 都冇問題, join其他音樂班都ok. 以開心為上!!!

作者: srl 時間: 07-10-17 05:03

我囡囡屬超級活躍,不定牲＆不專心的一群,又熱愛音樂(相信大部份小朋友都鍾意)約3歲半時開始在MUSIC FARM上電子琴班,開頭純綷想試試她,見她學了約4個月都能以"不正確的姿勢和手勢"彈到過10首兒歌(後半都有d難度,當然要下苦功,落心機引導她在家練琴!)與老師溝通過其實已可轉學鋼琴1對1,但唯恐她覺悶/抗拒,所以繼續小組電子琴但轉睇正規五線譜＆與她租琴室練琴模擬1對1,但其實不斷重覆又重覆的練習對她來說真的很沉悶,又沒有了以前一兩個星期就彈到首歌仔的滿足感!真希望她能快快過這"過渡期"!不要前功盡費啊!

另外都建議家長可找些小組樂理班啟蒙吓小朋友!對學琴或其他樂器等都事半功倍!

作者: seven_cola 時間: 07-10-17 14:02

我女女係葵涌學ga!剛剛學完兒童鋼琴班,現在1:1.....兒童鋼琴班時已打了少少基礎,指形and睇譜,仲有打拍子都冇問題!老師很好,不會太嚴,又有耐性!

原文章由 kayan_329 於 07-10-16 07:03 PM 硐表
seven_cola-你女女邊間center 而家grade幾我下個星期就開始上第一堂 d老師會唔會因為你學野慢就會好嚴格o架......

作者: snow123 時間: 07-10-17 14:27

囝囝2歲多在柏c學little mozart, 老師教得幾好, 我唔識音樂, 上她的堂, 都好開心. 見個囝都o.k. 讀完後(差唔多3歲), 想他繼續讀親子鋼琴班, 問老師意見, 老師話囝囝還少, 遲d先讀鋼琴班都未遲. 因為囝囝還未識寫字(A-G), 讀鋼琴班識寫字會好d.

現在囝囝在tom lee讀jmc, 開始第2本書, 佢都跟到, 上堂都幾開心, 其實老師又教他們手勢, 但小朋友話之你, 用他的方法彈. 所以家長要自己提佢.

歡迎光臨教育王國 (/)