教育王國

標題: 罰小學生 [打印本頁]

作者: wang880901 時間: 07-10-15 15:03 標題: 罰小學生

我兒上小學二年級，天生活潑好動，上課時不專心。一次因上課和同學說話被老師罰——獨自坐在最前面的角落裡，這樣一坐就是一個多星期。我第四天才知道被罰，有時因欠交功課老師會大發脾氣。聲音之大旁邊教室的學生也聽到，初時他不肯上學，晚上因小事就大發脾氣。問了才知。我也曾與老師溝通，老師說小孩要適當罰一下的。我覺得對小朋友心裡造成不健康的影響。請教各位怎看？

作者: simonkawah 時間: 07-10-15 16:37

原文章由 wang880901 於 07-10-15 15:03 硐表
我兒上小學二年級，天生活潑好動，上課時不專心。一次因上課和同學說話被老師罰——獨自坐在最前面的角落裡，這樣一坐就是一個多星期。我第四天才知道被罰，有時因欠交功課老師會大發脾氣。聲音之大旁邊教室的學生也聽到，初時 ...

咁你有冇問令公子因何受罸?

作者: 麟媽媽 時間: 07-10-15 16:38

其實你個仔已經小二呢，
應該解釋比佢知班房既守則了。
我個仔學校捉呢方面好嚴既，
我個仔都試過罰坐係門口一角，
又試過唔記得帶野比老師鬧，
仲試過犯事罰小息無得踢波。
我個仔都會唔忿氣返黎同我講既，
咁我問佢，你自己坐仲有無傾計？
佢話無喇… 我話如果坐番埋位呢？
佢EE 哦哦…咁我話你又點怪得老師呢？
你同人傾計，唔止你自己聽唔到書，
仲影響埋同學老師架喎，你控制唔到，
老師唯有咁樣安排你坐囉。
我成日同個仔講，佢係需要改變，
只要佢上堂專心D，唔好無魂頭咁，
老師又點會罰你呢？如果真係個仔既問題，
你應該配合老師，令亞仔學得專注D 嘛。

作者: 小木偶媽咪 時間: 07-10-15 17:25

自己做錯適當時罰一下
不會對小朋友心裡造成不健康的影響咁誇張吧
太疼太就小朋友會令佢愈來愈野蠻
我想不應用"天生活潑好動"來偏幫小朋友
哪有小朋友不喜歡玩,只是要知道咩係叫規則
何況老師罰得好正常
千萬唔好同你仔仔一齊說老師的不是
否則佢唔會知錯

作者: Verveine 時間: 07-10-16 10:28

我都覺得學生頑皮，老師施以適當的懲罸，對受罸學生本身，及對整體課室秩序控制，都是必須的。
我兒本身屬於好文靜型，但都會有頑皮的時候。在他剛升上小一及升小二的，都曾分別因上課時談話及在課室追逐而被老師罸企，他當然沒有告訴我，是其他小朋友的家長轉告我知。我事後向阿仔解釋，老師一視同仁，即使小朋友曳一次，都應受罸，並鼓勵他以後乖乖，老師和媽咪都會開心的。阿仔都好明白，之後便乖乖上學，而且也很喜歡那兩位曾經懲罸他的班主任。
我知道一般小學對於男孩子會有較嚴格的管束，因為男仔天性好動，如果老師稍有縱容，班上秩序大亂。

作者: lulupopo 時間: 07-10-16 14:17

非常同意適當的處罰,小孩子話極都唔聽,小小處罰令他們上心一點,亦要學習守規則,守紀律.

作者: 叮鈴 時間: 07-10-16 18:22

deleted deleted

[ 本文章最後由叮鈴於 07-10-16 18:49 編輯 ]

作者: 叮鈴 時間: 07-10-16 18:46

參考資料﹕
http://www.tosun.org.tw/database/20070707/02.htm

個人覺得，適當的管教式的懲罰可以接受。

但以侮辱學生尊嚴的處罰以達到改變行為的方式，甚至用以殺一警百，則個人認為是可恥的。

士可殺，不可辱，拉入去打幾下，都好過當眾羞辱吧？

有些小孩無論你點羞辱他們，也一樣頑皮，無動於衷，咁用羞辱法罰完又點收到管教之效？有些小孩臉皮薄過紙，自尊心極重，當眾羞辱，可能影響一世。(如校園槍擊案.....)

大部分學校太多學生，管教不來，只好採用此羞辱之法，只可說是無可奈何，不可以說是一種應該的處罰方式吧？

作者: 叮鈴 時間: 07-10-16 18:47

如果上班族返工遲到或犯事，公司都會有適當的警戒處分，甚至抄魷魚，減人工，這是理所當然(如果唔犯勞工法例)。
但是，如果你遲到，不是罰別的，而是要罰你當眾企係公司大門十分鐘，同事出出入入到睇到你被罰企，你有甚麼感受？
己所不欲，勿施於人。

如果小孩因著錯校服，而要當眾面向全體師生罰企呢？大家是否認為理所當然？活該？

除非有學生頑皮，經勸告並警告犯事後果(如當眾罰企)，仍故意去犯，則我無話可說。

[ 本文章最後由叮鈴於 07-10-16 18:56 編輯 ]

作者: bebe0903 時間: 07-10-16 23:24

所謂"罰"另一個意思都老師係想教番好個小朋友，等佢知道班房要守咩規則。
其實好多老師都好有經驗，知道邊一類小朋友要用邊一種方法教導，香港老師面對咁多工作，邊有老師仲有咁多時間特意作d事黎講小朋友不是，不如

。
做家長其實可以先同小朋友分析點解老師會要佢自己一個人坐，如果自己坐對自己、同學及老師都有好處，我諗嚴格講都唔可以叫做罰。當佢有改善，相信老師都好快會比返佢同同學仔坐。

作者: Verveine 時間: 07-10-17 10:39

小朋友上課經常談話，騷擾鄰座同學，屢勸不改，老師唯有將小朋友暫時調到前面座位，讓其冷靜思過，若這都算是羞辱，現今做老師的甚是艱難。
小朋友的心理健康成長，學校生活只是其中一部分，家庭的教育及家長的輔導其實都相當重要。

作者: Nymph_ 時間: 07-10-17 11:46

好同意之前Ｄmami 嘅講法.
發覺依家Ｄ小朋友係冇規則呢個字,課室--自己like 做乜就做乜,話佢佢都費是采你,大聲Ｄ叫佢,Ｄ家長又話你鬧佢,所以依家老師都好難教.

作者: Marco-ma 時間: 07-10-17 13:41

我都有個二年級，每日上堂，唔傾過計唔安樂嘅仔！

我贊成老師罰佢架 ~ 企係門口、企係課室後面，或者自己坐個"皇帝位"，無小息都可以。體罰就唔得....

我仲有個大女，我好記得佢細個時，放學成日返嚟同我呻，" xxx 成日傾計，嘈住哂，我想聽書都聽唔到！老師講緊d嘢明明好得意，又要話佢.... "

仲有阿女最嬲嘅係 "x老師又調我位啦，聽日要比 xxx 同 xxx 夾住呀，實嘈死我呀...." ~ 所以我寧願老師罰嘈嘅小朋友自己坐！

所以我絕對同意老師要處理呢d小朋友。
唔係 ~ 就係對乖嘅小朋友唔公平！

作者: hoho2000 時間: 07-10-17 18:09

原文章由 Verveine 於 07-10-17 10:39 硐表
小朋友上課經常談話，騷擾鄰座同學，屢勸不改，老師唯有將小朋友暫時調到前面座位，讓其冷靜思過，若這都算是羞辱，現今做老師的甚是艱難。
小朋友的心理健康成長，學校生活只是其中一部分，家庭的教育及家長的輔導其實都相當重要。 ...

非常同意!

現今的老師很難做，因家長動不動就投訴，試想想如果自己要對住30-40個小二生又如何？將不守規則的同學分隔可說是最溫和的"懲罰"，如果這也算是懲罰的話。

作者: 叮鈴 時間: 07-10-17 18:22

原文章由 Verveine 於 07-10-17 10:39 硐表
小朋友上課經常談話，騷擾鄰座同學，屢勸不改，老師唯有將小朋友暫時調到前面座位，讓其冷靜思過，若這都算是羞辱，現今做老師的甚是艱難。
小朋友的心理健康成長，學校生活只是其中一部分，家庭的教育及家長的輔導其實都相當重要。 ...

SORRY，你誤會喇，我只是有感而發，想順道帶出有關懲罰的問題，並不是針對此一個案。(可能令人誤會了)

你所說的經常談話，屢勸不改，暫時調到前面座位，我個人完全不認為是羞辱。希望你明白我指的什麼意思啦﹗

我指的羞辱，係指例如上台面向全體師生"示眾"之類的。或是用極難聽的說話去諷刺學生、當眾故意羞辱學生以達控制的那種。

[ 本文章最後由叮鈴於 07-10-17 18:25 編輯 ]

作者: 叮鈴 時間: 07-10-17 18:33

我只係想知道，撇除老師面對咁多學生好難教的這個問題。
大家是否認為羞辱式管教方式是對﹗
唔計技術上的困難，叫學生當眾罰企或舉書包之類，是否一種正確的管教模式？我知道有些地方的學校係有個 "懲罰室" 的，專俾d犯事學生入去反省或罰站，無其它人睇到...

如果香港每間學校都有類似一間反省室，內裏有一個空堂老師輪流駐守咁就好喇﹗(我只係係度發白日夢而已﹗)

作者: hkangel89 時間: 07-10-17 23:09

其實香港老師真係好難做，因為單是罰企，已可被認為是体罰，加上家長隨時可以投訴，而課程緊迫，不可能花太多時間在堂上處理冥頑不靈的學生。所以有時遇上學生唔聽話，態度囂張，都很難受。

作者: bebe0903 時間: 07-10-18 21:56

原文章由叮鈴於 07-10-17 18:33 硐表
我只係想知道，撇除老師面對咁多學生好難教的這個問題。
大家是否認為羞辱式管教方式是對﹗
唔計技術上的困難，叫學生當眾罰企或舉書包之類，是否一種正確的管教模式？我知道有些地方的學校係有個 "懲罰室" 的，專俾d犯事學生入 ...

我諗當眾罰企宜家都仲有學校咁做，但舉書包應該唔會啦。其實如果集隊時d小朋友經過風紀或老師提點仍冇改善，咁係會被罰出去一個地方企，如果咁係會令小朋友唔開心，咁應該係一件好事，因為一次之後佢唔會再敢唔守秩序。
如果有"懲罰室"d老師仲慘，如果個小朋友唔服氣or發生任何意外話係老師體罰佢就真係弊啦

作者: emmyfok 時間: 07-10-18 22:32

懲罰室, 唔好講笑啦.
係課室坐在一角, 或者罰企, 都有得聽下書, 有時課堂活動都仲有得參與.
懲罰室, 咩都無, 天性活潑好動果 d小朋友, 真係悶死都似.

作者: 叮鈴 時間: 07-10-19 00:33

原文章由 bebe0903 於 07-10-18 21:56 硐表

我諗當眾罰企宜家都仲有學校咁做，但舉書包應該唔會啦。其實如果集隊時d小朋友經過風紀或老師提點仍冇改善，咁係會被罰出去一個地方企，。
如果 ...

「如果咁係會令小朋友唔開心，咁應該係一件好事，因為一次之後佢唔會再敢唔守秩序」

以事論事，我只係單分析這個point，咁，如果店舖盜竊，將被罰斬一隻手下來，我也相信這個人一世都唔會再犯此等罪。這當然也是一件好事，至少對於執法者來說。
這也是獨栽者對付異見人士的方法。收效快，唔駛煩兼殺一警百﹗

小朋友如果明知故犯，老師話明再犯便罰企，佢都一樣犯，咁我覺得你所指出的懲罰，對他來說也不是什麼大不了。還有，老師警告完都故意再犯，這個小孩通常都唔會因罰下企收到乜作用了，頑童。

但如果是小朋友唔小心著錯校服呢？有無必要示眾？不知道有部分人是有注意力缺乏的問題，他們很會忘東忘西.....

作者: 叮鈴 時間: 07-10-19 00:43

原文章由 emmyfok 於 07-10-18 22:32 硐表
懲罰室, 唔好講笑啦.
係課室坐在一角, 或者罰企, 都有得聽下書, 有時課堂活動都仲有得參與.
懲罰室, 咩都無, 天性活潑好動果 d小朋友, 真係悶死都似.

咁咪好囉，悶死佢，睇佢以後仲咁唔敢犯？

罰佢坐著乜都唔俾做，佢唔會羞恥，又唔會怨恨，只有可怕的百無聊賴。

我對付阿仔的絕招就係﹕無所事事也﹗
佢好多時軟硬都唔得，用硬唔單止教唔好佢，仲會令佢個心好恨(睇得出佢個恨樣)，於是，唯有用無所事事這招，玩具唔俾掂，書唔俾睇，亦唔駛佢溫書，佢唯一可作的是在家行來行去。

佢行行企企坐坐左兩小時，終於忍唔住叫我比佢做練習，話做整天都好過無所事事，又話寧願打佢都好過無所事事。

於是我好大恩德的批准佢的要求，佢即刻很高興的，十分欣喜的走去做練習喇﹗一d都無恨意﹗

作者: Jsmami 時間: 07-10-19 21:41

叮鈴,
Would you please elaborate this trick "無所事事"? Sounds interesting, but how do you implement it? My son enjoys drawing. Unless I don't even let him take out a piece of paper & a pencil to draw, otherwise it's hard for him to feel bored! BTW, I do agree with what you said earlier in this thread.

作者: 叮鈴 時間: 07-10-19 22:33

我想管教每個小朋友的方式都不一樣吧﹗我用盡各種手段

，都很難管教我個極度自我中心的孩子。
開始用這一招應該是四五歲的時候吧？

佢好多時，明明自己做錯，都唔肯接受之前講好的懲罰方式。
打佢佢會好恨你，會發狂；以前想罰佢企佢都會走鬼左...
罰佢坐著反省(好似bb保你大教的方法)，都是千辛萬苦搏鬥一番先"肯坐"，仲要一邊坐一邊鬧你...

後來，我唔記得左佢又犯乜錯，我好冷靜話要接受懲罰。
同佢講，媽媽都唔想罰佢，已經警告過再犯便要罰都唔聽。我知道真的要執行又要同佢爭戰，很傷和氣。唔執行會令佢更肆無忌憚。
於是，我就想到一個減少和他起更大衝突的方法。就係給他多項選擇。不過，當然全都係佢唔多鍾意做的。但至少佢無咁跟我抗衡...因為佢覺得我無咁強權....有給他選擇的餘地。

=====================
如果係因為學習上問題，如叫佢玩完一小時便要做練習，否則要罰沒收玩具，但佢玩完唔肯做練習，睬你都傻...仲要發你脾氣...沒收佢D玩具佢好似要同你死過似的。

於是，便說﹕「好，我會給你選擇(懶係民主，但對這個自尊心極重的孩子很收效)」
記得最初，我就任佢選如以下﹕

A餐﹕打PAT十大板，好大力果隻。
B餐﹕把你最心愛的玩具車PAT落垃圾桶。
C餐﹕坐著反省一小時，或罰企兩小時
D餐﹕做練習一小時
E餐﹕無所事事整個下午 (如由下午一點至夜晚睡覺

)

一定要選一個餐，無得唔選，唔選就媽媽同佢選，
「HM.....B餐好不好？」
俾佢有得選，佢會好過一點。
最初，佢以為無所事事最好，選了無所事事。
於是怹什麼都不可作，除了去廁所飲水。只可以坐著、企、行來行去...
這樣子叫一個小孩子如何忍得了。
所以，佢問我可否選過另一項。

個個餐佢都很不願意，
咁佢咪選左做練習一小時囉。
而且十分樂意，乖乖坐係度溫習。兼且覺得簡直係寶，好彩仲有做練習這個選擇

.......
又佢覺得已很好，竟然懲罰都有得選擇

。

不過，如果唔係因為學習上，係做錯乜事，明知故犯，咁你都可以調教其它懲罰方法。考考你創意.....唔得閒都可以用得著。

原文章由 Jsmami 於 07-10-19 21:41 硐表
叮鈴,
Would you please elaborate this trick "無所事事"? Sounds interesting, but how do you implement it? My son enjoys drawing. Unless I don't even let him take out a piece of paper & a pencil to d ...

[ 本文章最後由叮鈴於 07-10-19 22:45 編輯 ]

作者: sunnydad 時間: 07-10-19 23:02 標題: Basic Equation

學校無愛心＝個仔無愛心
個仔無愛心＝個仔唔開心
個仔唔開心＝讀書唔專心
讀書唔專心＝考試囉低分
考試囉低分＝大個無錢分

Think about yourself!!!

歡迎光臨教育王國 (/)