教育王國

標題: 返學唔夠兩個月就比老師打嚟投訴,激死我喇 [打印本頁]

作者: manicheung 時間: 07-10-7 00:28 標題: 返學唔夠兩個月就比老師打嚟投訴,激死我喇

我個仔 2 歲 10 個月大,讀 K1
8 月先開學,前日老師打嚟投訴佢
話佢受軟唔受硬,鐘意作對
有次佢 (扒) 喺枱面唔理老師
老師就叫佢坐好la,隻手仔放大脾先係乖孩子嘛
個仔就話:我唔鐘意做乖孩子啊.......繼續再(扒)喺枱面
如事者老師同佢講如果再唔乖就要話比媽咪聽喎
佢先死死氣起身,但臨起身前都玩吓嘢由左至右(扒)多次
之後叫佢用顏色筆油落隻手度打掌印
佢淨係望住同學仔油,自己就喺度笑
老師問佢做乜唔油,佢就話污糟,氹極都唔肯油
個老師仲話會多 d 留意同埋會特別睇住佢
我聽完呢兩句之後真係有 d up sad
究竟我個仔係咪有過度活躍症啊
有無 mami 有經驗同我分享吓啊

作者: 紫菜 時間: 07-10-7 18:44

原文章由 manicheung 於 07-10-7 00:28 硐表
我個仔 2 歲 10 個月大,讀 K1
8 月先開學,前日老師打嚟投訴佢
話佢受軟唔受硬,鐘意作對
有次佢 (扒) 喺枱面唔理老師
老師就叫佢坐好la,隻手仔放大脾先係乖孩子嘛
個仔就話:我唔鐘意做乖孩子啊.......繼續再(扒)喺枱 ...

k1既小朋友坐唔定唔出奇.
以前我個女個老師教我同佢坐住黎玩,如看書,泥膠等等.
小朋友鐘意作對可能同佢情緒有關.
也可能想挑戰權威.同佢傾多d計.
要慢慢了解.
希望你不要因為師打嚟投訴而不開心.
最緊要保持心境開朗.
唔保好易老架.

作者: 小荻媽咪 時間: 07-10-7 19:52

恕我多口講句幼稚園老師唔應該咁多投訴老師黎講應該應該讀兒童心理學既佢應該識點處理同教小朋友
而每個階段小朋友都有個適應期,所以個問題係響老師到

如果個個小朋友淨係坐響度唔識郁又唔講野既你諗下果d係咩小朋友

作者: See 時間: 07-10-7 20:19

唔洗緊張，我仔9月開學我接老師電話差不多有10個了

不過其實老師打比你時，你先不要認為老師正在投訴，要當這是''愛的表現''。首先，一班有咁多個學生，要做咁多事(教學生，做教材，晚上重要進修)空閒還要打比家長。如果不重視我地d仔女佢無必要咁做。其實自己個仔係乜野品性自己都好清楚(我指我仔)，老師打來其實都只是想家校合作。因為我地仔仔開學時坐唔定那攪攪震，年年都有唔小學生係敢。我仔的班主任打來無非是想瞭解下仔仔的喜惡，同知會下家長我想對仔仔嚴厲些小，重可以向家長交換下心得。
重有是2歲-3歲是反抗期老師會好清楚，所以你先要信任老師。好似我仔前個星期在學校發皮氣，老師都有打比我睇下仔仔係米發生左乜事(因佢話之前唔會咁)，我同老師講因為仔仔病所以會皮氣無咁好。咁老師又安心左啦！
所以，老師打來時你可以比下意見老師可以點照顧仔仔。老師肯願花心思在自己的仔仔身上不是很值得高興嗎？

原文章由 manicheung 於 07-10-7 00:28 硐表
我個仔 2 歲 10 個月大,讀 K1
8 月先開學,前日老師打嚟投訴佢
話佢受軟唔受硬,鐘意作對
有次佢 (扒) 喺枱面唔理老師
老師就叫佢坐好la,隻手仔放大脾先係乖孩子嘛
個仔就話:我唔鐘意做乖孩子啊.......繼續再(扒)喺枱 ...

歡迎光臨教育王國 (/)