教育王國

標題: 基華OR奉基千禧, 你地會選擇邊間?? [打印本頁]

作者: yauling 時間: 07-10-2 00:23 標題: 基華OR奉基千禧, 你地會選擇邊間??

如題....原因?? THANKS

作者: 阿女老豆 時間: 07-10-2 14:34

我囡囡讀基華九龍塘 P.1 程度唔太深, 而家默書只係默 " I love my family" I love my grandpa" 英文沒有教科書, 但她是教署的英語模範學校, 教其他學校教署的新几教育模式. 聽. 寫. 講. 讀. . . . 校長好好, 很有愛心. 常在門口接小朋友. 老師都唔錯. 聽講好多九龍塘幼稚園都推介佢. 我囡囡最喜歡是她們的網上教室. 可以自己溫書.

原文章由 yauling 於 07-10-2 00:23 硐表
如題....原因?? THANKS

作者: bunnycatcat99 時間: 07-10-2 17:11

基華 (九龍塘) 前身係彩虹邨基華下午校, 佢地有40多年辦學歷史同經驗架! 我同我三個兄姊都係嚮基華 (舊址下午班時代) 畢業.

基華咁多年來, 都係 [名校], 當年其實上午班更好, 但下午班一樣有好多學生入到超級名校例如 - 九龍華仁, 真光書院, 彩虹天主教, 喇沙拔箤等 (除左我之外, 我三個兄姊分別入左當中三間), 而我好多舊同學一樣入到例如庇利羅士, 英皇, 皇仁等勁學校!

當我知佢地會搬去九龍塘之後, 我就對佢地更有信心, 因為入左個更好嘅校網, 對升中更有利呢!

雖然我畢左業 N 年, 唔算好 update 呢間學校嘅資料, 但我好相信佢地冇退過步, 而家去埋九龍塘, 競爭大, 一定會比以前更加進步!

作者: 龍馬媽媽 時間: 07-10-3 00:05

奉基千禧家長係bk真係唔多, 相信無人回應到你奉基千禧情況
我見意你自我分析, e.g.返學地點, 交通方便, 學校環境, 師資,
派中結果, 到學校門口問家長口碑等....
個人認為兩間差不多, 選間方便接送的

原文章由 yauling 於 07-10-2 00:23 硐表
如題....原因?? THANKS

作者: 肥嘟媽 時間: 07-10-3 00:20

原文章由 bunnycatcat99 於 07-10-2 17:11 硐表
基華 (九龍塘) 前身係彩虹邨基華下午校, 佢地有40多年辦學歷史同經驗架! 我同我三個兄姊都係嚮基華 (舊址下午班時代) 畢業.

基華咁多年來, 都係 [名校], 當年其實上午班更好, 但下午班一樣有好多學生入到超級名校 ...

bunnycatcat99

你好呀，我都係基華下午校的產品，你說你畢業多年，可能我比你更遙遠，我是麥永生校長年代，你呢？

作者: yauling 時間: 07-10-3 00:59

唔該哂你地既意見, 我都仲1516, 過多2日要交表tim.....煩煩煩

作者: simonkawah 時間: 07-10-3 11:52

原文章由 肥嘟媽 於 07-10-3 00:20 硐表

bunnycatcat99

你好呀，我都係基華下午校的產品，你說你畢業多年，可能我比你更遙遠，我是麥永生校長年代，你呢？

我仲耐,黃衛華年代入學,麥永生年代畢業.

作者: littlekid 時間: 07-10-3 12:01

我選奉基

作者: 肥嘟媽 時間: 07-10-3 13:21

原文章由 simonkawah 於 07-10-3 11:52 硐表

我仲耐,黃衛華年代入學,麥永生年代畢業.

simonkawah,
咁要叫你一聲師兄喎，去年基華（九龍塘）開放日，帶囡囡去參觀，她很喜歡，說校舍很大，因是英華男校舊址，原本諗住第一round報，但老公話太遠，加上最大問題是找不到保姆車接送，所以唯有放棄

樓主，
講返基華，以我讀的年代，其實是一間不錯的學校，我班的同學多數入band 1中學（其他班就無留意），老師都很用心，當年教我的兩名老師，現在都成了科主任囉

作者: 喧嘩 時間: 07-10-3 21:09

HELLO你地好
我都係基華下午校畢業, 六年黎都係麥永生做校長, 都係算好N年前, 冇諗到以前彩虹村的小學, 放學隊都大部份係彩虹村所有XX樓, 鑽石山上村, 下村, 好少需要搭車返學的同學. 而家可以出現喺BK, 仲有咁多人越區想讀TIM, 本來我從未諗過讀基華, 始終唔係傳統名校, 但係自從喺BK見到咁多人鐘意, 特然覺得自已間母校係間名校, 有D想幫個女報, 講真果句, 基華讀書好開心, 校風勁好, 但係我果年派位就一般, 你地講果D BAND1中學唔係派到好多, 平均都係派到BAND 2中學, 而我都派得唔係咁好, 我表哥早我七年畢業, 佢就派可立囉, 我都想知而家派位通常派到邊間, 同埋點解D人會選擇基華呢?
而奉基我都聽過係間唔錯的學校, 好難入

作者: 肥嘟媽 時間: 07-10-3 22:21

喧嘩，

等我暴露下年齡秘密，睇下我地有無機會做過同學先
我79年讀小一，你呢？

作者: simonkawah 時間: 07-10-3 22:21

原文章由 肥嘟媽 於 07-10-3 13:21 硐表

simonkawah,
咁要叫你一聲師兄喎，去年基華（九龍塘）開放日，帶囡囡去參觀，她很喜歡，說校舍很大，因是英華男校舊址，原本諗住第一round報，但老公話太遠，加上最大問題是找不到保姆車接送，所以唯有放棄

樓主，
講返基華，以我讀的年代，其 ...

潘主任同梁主任?

我仲好彩,中學正是派去英華.所以我今年幫小女選擇基華,但驚20分未必穩入.我住官塘,校車在好近上落.

而家只有等,我女人仲驚過我

作者: simonkawah 時間: 07-10-3 22:23

原文章由 肥嘟媽 於 07-10-3 22:21 硐表
喧嘩，

等我暴露下年齡秘密，睇下我地有無機會做過同學先
我79年讀小一，你呢？

Do you know Chan X Bong, 我表弟

作者: 喧嘩 時間: 07-10-3 23:01

我一見到79年個數字, 仲以為係同學仔tim, 原來唔係, 我79年先出世, 我諗你六年班我就小一囉, 唔知有冇人係我同學仔呢? 我好掛住基華d同學仔, 失散晒, 好想搵返佢地
我諗我唔識你表弟, 我都有個表哥, 不過佢中一, 我先小一, 所以都應該唔係你同學, 如果唔係, 可以幫你地相認

原文章由 肥嘟媽 於 07-10-3 22:21 硐表
喧嘩，

等我暴露下年齡秘密，睇下我地有無機會做過同學先
我79年讀小一，你呢？

作者: bunnycatcat99 時間: 07-10-3 23:13

原文章由喧嘩於 07-10-3 21:09 硐表
HELLO你地好
我都係基華下午校畢業, 六年黎都係麥永生做校長, 都係算好N年前, 冇諗到以前彩虹村的小學, 放學隊都大部份係彩虹村所有XX樓, 鑽石山上村, 下村, 好少需要搭車返學的同學. 而家可以出現喺BK, 仲有咁 ...

原來係校友喎!!!

我讀果陣都係麥永生做校長架 (但唔太記得...低年紀果陣係唔係佢...太太太耐啦

)!

我記得我果屆好多同學係去左協恩, 宣道, 庇利羅士, 拔箤英華...我自己就麻麻啦, 我讀書懶丫嘛

你識唔識當時個訓導馮文正主任呀? 佢而家嚮粉嶺風采中學做校監 (佢已經退左休冇做基法校長).

作者: 喧嘩 時間: 07-10-3 23:17

我唔係好識計分, 點解得20分咁少? 合適年齡已有10分, 若係大女又多五分, 加埋15分, 唔係如果父母讀過再加20分咩?即係total35, 係唔係咁計ar?因為我個女讀緊k2, 我都係知d唔知d

原文章由 simonkawah 於 07-10-3 22:21 硐表

潘主任同梁主任?

我仲好彩,中學正是派去英華.所以我今年幫小女選擇基華,但驚20分未必穩入.我住官塘,校車在好近上落.

而家只有等,我女人仲驚過我 ...

作者: bunnycatcat99 時間: 07-10-3 23:18

原文章由 肥嘟媽 於 07-10-3 00:20 硐表

bunnycatcat99

你好呀，我都係基華下午校的產品，你說你畢業多年，可能我比你更遙遠，我是麥永生校長年代，你呢？

我耐d喎, 我82年畢業架

見到另外個網友阿simon話 [黃衛華校長], 我就記起當年我都係入去係佢, 畢業係麥校長呀!

(低年級d野真係唔多記得...我可能有癡呆症...哈~~~

)

作者: bunnycatcat99 時間: 07-10-3 23:21

原文章由 simonkawah 於 07-10-3 11:52 硐表

我仲耐,黃衛華年代入學,麥永生年代畢業.

好彩有你提起 [黃衛華] 個名我至有印象咋...我就係記得麥校長唔知係嚮我小四定小五至黎, 所以我同你應該差不多年期喎!!!

(會唔會係同學仔添呀????

)

作者: 喧嘩 時間: 07-10-3 23:25

咁你係師姐定師妺ar? 點解我讀果年, 冇聽過宣道, 庇利羅士? 我果年大部份入協和或同等級, 通常d人第一自願保一, 讀書好叻好叻果d先會選協恩, 伊利沙伯, 拔箤都係全級入到一兩個
我讀低年級時都仲有體罰, 記得打手板個老師叫楊老師, 但到左高年級已取消體罰, 仲有教體育叫許sir, 中文係郭老師, 王老師好似係教數學

原文章由 bunnycatcat99 於 07-10-3 23:13 硐表

原來係校友喎!!! 我讀果陣都係麥永生做校長架 (但唔太記得...低年紀果陣係唔係佢...太太太耐啦 )!

我記得我果屆好多同學係去左協恩, 宣道, 庇利羅士, 拔箤英華...我自己就麻麻啦, 我 ...

作者: bunnycatcat99 時間: 07-10-3 23:31

原文章由喧嘩於 07-10-3 23:25 硐表
咁你係師姐定師妺ar? 點解我讀果年, 冇聽過宣道, 庇利羅士? 我果年大部份入協和或同等級, 通常d人第一自願保一, 讀書好叻好叻果d先會選協恩, 伊利沙伯, 拔箤都係全級入到一兩個
我讀低年級時都仲有體罰, 記得打手板 ...

我係小師姐啊

因為我76年出世, 82年畢業架 :cry:
馮主任應該嚮我畢業果年 (或者之後一年) 轉左去做基法校長. 楊sir, 係咪高高瘦瘦四眼果個呀? 如果係佢, 我對佢唯一印象, 係低年級果陣, 佢好鍾意黎抱我地呢班妹妹仔架

打手板真係由小一打到小六, 我地仲成日爭住 [預備] 長木尺俾老師用黎講書 (同打人手板...) 哈~~

會唔會係我果屆同你果屆個校網有唔同呢? 果陣全級起碼有5~6個去左宣道, 4個女仔去左庇利羅士, 協恩都有4~5個, 聖士提反都好似有2個, 係我就差d囉...鬼叫我懶咩~~:cry:

作者: 喧嘩 時間: 07-10-3 23:32

嘩，我應該係85年讀小一, 91年畢業, 畢業果陣麥永生己經好老啦, 而家仲好記得佢d歌喉, 仲記得每日返學都要手楂本黃色詩歌集

原文章由 bunnycatcat99 於 07-10-3 23:18 硐表

我耐d喎, 我82年畢業架

見到另外個網友阿simon話 [黃衛華校長], 我就記起當年我都係入去係佢, 畢業係麥校長呀! (低年級d野真係唔多記得...我可能有癡呆症...哈~~~ ) ...

作者: bunnycatcat99 時間: 07-10-3 23:46

原文章由喧嘩於 07-10-3 23:32 硐表
嘩，我應該係85年讀小一, 91年畢業, 畢業果陣麥永生己經好老啦, 而家仲好記得佢d歌喉, 仲記得每日返學都要手楂本黃色詩歌集

oh sorry呀我打錯左!!

我係70年出世, 76年讀小一至真呀!!!!

嘻, 我反而唔記得佢d歌喉, 但記得佢好好人, 果陣校內有活動, 佢會黎同我地玩埋一份, 又好笑容

作者: 肥嘟媽 時間: 07-10-4 00:31

楊主任是楊柏雲主任，單看佢個樣已知佢係訓導，記得小五小六佢教我地班英文，要求好高

細個時見過馮文正主任，但好像二三年級時佢就轉了去第二間學校做校長，所以無乜印象

麥校長，印象好深，老師請假佢有時會做代課，一年級見佢在黑板左右手同一時間畫圓寫字，覺得佢好叻，梁淑貞老師話麥校長移了民

至於體育老師，許xx，那時見佢常上電視，好像是甚麼教師會的主席（也許當年年紀少，都唔知乜title)，見佢圓碌碌，都唔信佢教體育，講起體育，記唔記得楊龜，坊間有很多傳聞，所以有幸我無比佢教過

至於陳x邦同學，我無乜印象

作者: ChowOY 時間: 07-10-4 00:38 標題: 打招呼!

Hi!我係80年基華上午校畢業生! 當年都派得唔錯呀!我班有人入英皇,英華,德愛,彩虹天主教,我的中學同學有些是80年下午校畢業生(我想是你們的師姐)

作者: bunnycatcat99 時間: 07-10-4 13:57

原文章由 肥嘟媽 於 07-10-4 00:31 硐表
楊主任是楊柏雲主任，單看佢個樣已知佢係訓導，記得小五小六佢教我地班英文，要求好高

細個時見過馮文正主任，但好像二三年級時佢就轉了去第二間學校做校長，所以無乜印象

麥校長，印象好深，老師請假佢有時會做代課，一年級見佢在 ...

你好好記性呀, [楊龜] 呢個名我都唔記得左啦, 就係佢, 我地低年級時, 成日趁我地排隊上課室玩 [逐個抱] - 真係抱起d妹妹仔架 (我都俾佢抱過...死未!!!)!!! 你係咪講緊呢d傳聞呢? 佢呀...都算好眉好貌...

楊柏雲係我一或二年級班主任, 佢好惡架, 我地好驚佢架, 但你說得對, 佢就係對英文要求高, 所以至train到我地d英文有番咁上下.

麥校長好和藹可親, 記得有次活動, 用匙羮載住個乒乓波走一轉, 我走走下跌左喎, 佢埋黎同我執番等我繼續玩呀! 當時做小學生, 校長幾咁高尚架嘛, 我幾驚喜呀!

作者: bunnycatcat99 時間: 07-10-4 14:04

原文章由 ChowOY 於 07-10-4 00:38 硐表
Hi!我係80年基華上午校畢業生! 當年都派得唔錯呀!我班有人入英皇,英華,德愛,彩虹天主教,我的中學同學有些是80年下午校畢業生(我想是你們的師姐):

果陣上午校d成績仲好過下午校架, 所以嚮校內都聽到上午校有幾多學生入左什麼中學.

你係我地師姐喎!

我阿哥家姐地就仲耐 (佢地都係下午校), 阿哥係76年, 家姐係72年, 佢地都入左名校架 (佢地勤力過我好多).

作者: 喧嘩 時間: 07-10-4 23:04

喺我個年代, 德愛, 彩天係band 2,3的學校, 德愛都好多人入左, 我都好想知最近通常派到邊間中學, 我想同個女舖下路, 我都好記得楊龜, 佢個花名當時個個都識, 不論係我個年代, 不過記起果位師兄, 真係好記性, 勁ar, 好攪笑, 板主本來打算問學校, 但係比我地攪到變左基華舊生會

原文章由 ChowOY 於 07-10-4 00:38 硐表
Hi!我係80年基華上午校畢業生! 當年都派得唔錯呀!我班有人入英皇,英華,德愛,彩虹天主教,我的中學同學有些是80年下午校畢業生(我想是你們的師姐):

作者: simonkawah 時間: 07-10-5 07:48

原文章由喧嘩於 07-10-4 23:04 硐表
喺我個年代, 德愛, 彩天係band 2,3的學校, 德愛都好多人入左, 我都好想知最近通常派到邊間中學, 我想同個女舖下路, 我都好記得楊龜, 佢個花名當時個個都識, 不論係我個年代, 不過記起果位師兄, 真係好記性, 勁ar, 好 ...

[楊龜]是我二年級班主任,傳聞傳足三十年.

計埋我我的家族total有10人在該校畢業,中學派去英華,何明華銀嬉,龍官,德望,男拔等.希望小女係第11個.

首名子女同父母/兄姊舊生在同一組別,只可選擇一樣. last year 15分要抽.

作者: 肥嘟媽 時間: 07-10-5 11:02

我屋企只係得我和二哥係基華下午校產品，佢79年畢業，我就79年入小一

其實楊龜事跡，我只是聽聞，不過班男同學常說他鹹濕，因為他有對超矇的矇豬眼，但現在回想，可能佢近視深

去年基華派位情況不錯，有不少派了去九龍塘／何文田／黃大仙區的BAND 1英中，因為舊年基華剛搬新校，所以學生可以兩個校二擇其一，而囡囡去年揀小一，所以我有上網睇，但今年派位，我就沒留意了

作者: 肥嘟媽 時間: 07-10-5 12:14

補充一句，如果小朋友是首名子女，父母又是舊生，已有20分啦

作者: bunnycatcat99 時間: 07-10-5 13:13 標題: 樓主, 喧嘩, simonkawah, 肥嘟媽

樓主: 我依然推介基華, 因為搬左去英華舊址, 校網真係好好多!

喧嘩, simonkawah, 肥嘟媽:

係啦, 我都覺得唔好意思, 攪到變左基華舊生會聚會

楊龜係近視深, 亦可謂 [非傳聞], 因為佢真係好鍾意抱d低年班女學生架!! 果陣我應該小一咋, 都... 自始之後就好怕佢, 覺得佢好似金魚佬 (雖然當年學校對面真係有個金魚佬

)!!!

我同我三個兄姊都係下午校, 佢地全部去晒名校!! 呢幾年又咁啱有朋友太太係上午校 (遲我4~5屆), 又有朋友老公係下午校, 而兩個阿哥就上午校)

simonkawah, 你邊屆架? 會唔會同屆唔同班呢 (82)???

其實如果區分問題, 選番基華上午校都好架, 話晒佢地咁多年成績仲好過下午校! 不過要update下基華上午校而家成績唔知有冇變囉

[ 本文章最後由 bunnycatcat99 於 07-10-5 13:16 編輯 ]

歡迎光臨教育王國 (/)