教育王國

標題: 小一開學啦, 你地有無O的小孩笑料 OR 嬲野, 大家分享下. [打印本頁]

作者: 燁燁媽 時間: 07-9-14 18:37 標題: 小一開學啦, 你地有無O的小孩笑料 OR 嬲野, 大家分享下.

小一開學啦, 你地有無O的小孩笑料 OR 嬲野, 大家分享下.

我個仔今日唔得得寫手冊, 比補習老師打電話黎問. 因小兒學校可以睇返當天手冊內容.

是第一次唔記得哦, 今晚唔知點同佢講好

作者: shandy401 時間: 07-9-14 19:29

我自己就冇,不過同事就有一單驚天地嘅發生喺舊年,每逢開学我都諗起

.....佢舊年帶完個仔小一開学,返到屋企唔夠一個鐘,学校就打嚟話唔見佢個仔,仲間佢係咪請假?佢嚇到即刻仆返学校,学校後尾喺ニ年班嘅班房揾返佢,連二年班嘅班主任都唔知佢入咗班房,比我同事

爆佢.....

作者: katherine2008 時間: 07-9-17 22:50 標題: 書包過重問題

我個仔去年小一入學, 唔係第2, 3天,佢放學返黎, 話今日在學校.由禮堂行樓梯上一樓課室時. 在樓梯上跌到. 因年幾太小, 語言表達能力不太清潔, 所以我叫佢案件重演比我睇.

話說佢背著又大好重的小一書包上樓梯, 因書包重過個人, 向後返車, 好似烏龜咁. 四腳向上. 其他同學拖佢上黎.

幸好書包太大頂得住個成個人仔. 所以個後腦及其他身體部位都無受傷.

其實都係因書包太重才失重心跌到. 真係對這個又大又重的書包, 唔知愛佢好, 還是恨佢好.

講真都係是恨香港教育制度. 為何咁多年還未解決書包過重問題. 除影響學童發育, 更另他們受傷.

這個真人真事, 聽落好似係笑話. 但

當我係當事人母親, 我非常心痛.

各位家長有同感嗎!!!!

原文章由 燁燁媽 於 07-9-14 18:37 硐表
小一開學啦, 你地有無O的小孩笑料 OR 嬲野, 大家分享下.

我個仔今日唔得得寫手冊, 比補習老師打電話黎問. 因小兒學校可以睇返當天手冊內容.
是第一次唔記得哦, 今晚唔知點同佢講好 ...

作者: rohoy2k 時間: 07-9-18 11:25

簡直係悲劇!
d商人為咗本書好睇,圖畵大大,書頁加重磅紙,實行抵食夾大件,去吸引d老師選用.
個d所謂護x書包未裝書都已經重過人.

校長應該在選書單時加上重量限制,超重叫級主任減磅,逼d書商改薄裝.校簿更可廢除,改用各科散裝紙, 改正後回家自己釘埋溫習用,唔使日日帶住d做完同未使用嘅嘢....

Katherine2008 都算好采, 小朋友無事. 講句笑話: 可以買隻巴西龜,叫個仔學吓逆境自強,練習自己起番身......

原文章由 katherine2008 於 07-9-17 22:50 硐表
我個仔去年小一入學, 唔係第2, 3天,佢放學返黎, 話今日在學校.由禮堂行樓梯上一樓課室時. 在樓梯上跌到. 因年幾太小, 語言表達能力不太清潔, 所以我叫佢案件重演比我睇.

話說佢背著又大好重的小一書包上樓梯, 因 ...

作者: emiluihk 時間: 07-9-18 13:42

Oh poor !

我都係人媽咪, 雖然呢件事唔係發生係我身上,
我亦覺得一d 都唔好笑 , 如果件事無發生,當作
笑話還可以, 但可憐真的會有這麼瘦小的小朋
友每日也背著重重的書包上學去。唉 ~~ 我
們只能做的就只有叫小朋友食多d 變強吧了

講真眼見現今上學帶的課本比起我們年代已算
薄了,有些更是可拆除的訂裝版,我也不理三七
二十一拆掉了,只帶用的部份,執書包過後整套
書的重量其實真的輕過以前。可能而家d 書包
設計太好了,講求護脊,功能等... 無錯當小朋友
依足標準用法確實有它的作用(當有大人指導
時), 但有幾個真真正正做得到 ? 這樣真的不
知是好,還是壞事 ...

作者: 亞薛 時間: 07-9-18 14:57

我唔覺好笑，反而眼濕濕，如果小朋友是我孩子，我非常心痛，我覺得小朋友好瘀，好醜，我想要加多安慰，叫他小心上落樓梯，萬一唔好彩，跌親身體任何一處地方都唔好

都唔明那些護脊書包買放入書已經非常重，點買得落手

原文章由 katherine2008 於 07-9-17 22:50 硐表
我個仔去年小一入學, 唔係第2, 3天,佢放學返黎, 話今日在學校.由禮堂行樓梯上一樓課室時. 在樓梯上跌到. 因年幾太小, 語言表達能力不太清潔, 所以我叫佢案件重演比我睇.

話說佢背著又大好重的小一書包上樓梯, 因 ...

作者: 銘銘媽 時間: 07-9-18 15:53

hihi, 燁燁媽,
燁燁佢升小一適應如何呀??
銘銘就無咩好笑野, 只係有d 令我好激氣既野咋, 多到數唔哂, 最多既就係返學咗漏野喺屋企, 無帶, 水壼試過漏兩次.
佢而家日日放學都唔肯做功課, 可能由於以前幼兒園會喺學校度做哂功課, 返到屋企唔洗做, 所以佢好唔習慣放學後要做功課, 攪到日日等我放工返去先做, 下個星期開始有默書, 佢繼結咁落去, 我跟本無時間同佢溫書. 激死我.

原文章由 燁燁媽 於 07-9-14 18:37 硐表
小一開學啦, 你地有無O的小孩笑料 OR 嬲野, 大家分享下.

我個仔今日唔得得寫手冊, 比補習老師打電話黎問. 因小兒學校可以睇返當天手冊內容.
是第一次唔記得哦, 今晚唔知點同佢講好 ...

作者: 銘銘媽 時間: 07-9-18 15:55

點解二年級個老師會唔發覺既?? 老師應該要點名既喎, 同埋應該知道有幾多個新學生插班入咗黎, 咁都有睇漏既, 真係抵

原文章由 shandy401 於 07-9-14 19:29 硐表
我自己就冇,不過同事就有一單驚天地嘅發生喺舊年,每逢開学我都諗起 .....佢舊年帶完個仔小一開学,返到屋企唔夠一個鐘,学校就打嚟話唔見佢個仔,仲間佢係咪請假?佢嚇到即刻仆返学校,学校後尾喺ニ年班嘅班房揾返佢, ...

作者: 銘銘媽 時間: 07-9-18 16:05

我都覺得如果我係個小朋友, 我都會覺得自己好瘀, 要自己d 同學拖返自己起身.
其實我真係想知道, 小一學生, 可唔可以唔帶咁多書/咁多野返學校既呢??
我個仔都細粒果d小朋友, 由放我要佢有責任感, 所以我都一定要佢自己背返個書包, 而亞仔要喺屋企行返學校都要成15分鐘左右, 對放佢黎講, 日日要背咁重既書包行15分鐘都幾辛苦既, 所以我老公都會幫佢拎d書, 佢自己背返個書包(當然包括佢既其他用品啦), 返到學校再將d 書放返入佢書包, 不過返到學校上課室果條樓梯, 就一定係要靠佢自己啦.

原文章由 katherine2008 於 07-9-17 22:50 硐表
我個仔去年小一入學, 唔係第2, 3天,佢放學返黎, 話今日在學校.由禮堂行樓梯上一樓課室時. 在樓梯上跌到. 因年幾太小, 語言表達能力不太清潔, 所以我叫佢案件重演比我睇.

話說佢背著又大好重的小一書包上樓梯, 因 ...

作者: katherine2008 時間: 07-9-18 23:38

各位我又講故事啦:

發生係小一約10月份的某一天, 放學時間有個男人打電話比我, 係有來電顯示的電話, 但我唔識這個電話號碼又唔識這把男人聲, 個男人第一句就講, 你係咪xxx家長, xxx佢依家係學校, 無上到校車. 你搵人黎接返佢啦.

當時我無唸個學校校務處有男書記的, 嚇到我手振. 再聽落去才知係校務處男書記通知我.

我工人又隨即call我話在落校車的位置等唔到我個仔.

我係公司飛奔到校務處接個仔. 即刻要校務向我詳細講解事情.  點解可以咁大意.

事發經過係: .....  每年開課後, 是第一次有課外活動,我個仔報左名參加校內舉辦的小提琴班(逢星期六上堂), 但原校內星期四放學後都有開班,
咁! 星期四放學老師開咪, 報左小提琴班的同學留底上堂, 不要撘校車. 咁我個仔就係咁, 跟左小提琴班的小朋友排隊入左課室, 跟住小提琴班老師點名, 才發現多了一個小朋友. 通知校務處call我接他回家.

但校車一直都沒有聯絡我. 我個仔無撘校車!
事發翌日,仲要我主動問校車公司, 他才找負責接送的校車司機及校車姨姨向我解釋經過.

你地話係咪, 校方 + 校車咁大意 !  又另家長大吃一驚!!!

心血小d都嚇死!!

原文章由 shandy401 於 07-9-14 19:29 硐表
我自己就冇,不過同事就有一單驚天地嘅發生喺舊年,每逢開学我都諗起 .....佢舊年帶完個仔小一開学,返到屋企唔夠一個鐘,学校就打嚟話唔見佢個仔,仲間佢係咪請假?佢嚇到即刻仆返学校,学校後尾喺ニ年班嘅班房揾返佢, ...

作者: 燁燁媽 時間: 07-9-19 19:29

鉻鉻媽
燁燁都肯做既, 不過要老爺奶奶又罵又鍚咁囉...

呢幾日開始, 我會中午返屋企同佢做下功課, 做到佢返補習班為止.

但可能我地11月仔仔係細仔, 係學校都幾"倫盡", 老師講過話燁燁成日遊雲, 轉堂時唔識收書and 拿下堂書出黎. 要下堂老師提佢.
我開始有小小後悔點解唔遲一年先比佢讀. 可能奶奶之前照顧得佢太周到. 所以攪到咁. 而家為有同佢多多練習.
佢前日又唔記得拿返水壺返屋企, 返到學校又搵唔到. 唔開心, 比第2個佢, 又唔飲. 攪到奶奶今日去校務處問書記. 書記又話水壺無左名貼, 但其實有貼. 好彩最後都拿得返.

奶奶仲唔敢同老師講, 驚比老師知道燁燁更加多"倫盡"野.

原文章由 銘銘媽 於 07-9-18 15:53 硐表
hihi, 燁燁媽,
燁燁佢升小一適應如何呀??
銘銘就無咩好笑野, 只係有d 令我好激氣既野咋, 多到數唔哂, 最多既就係返學咗漏野喺屋企, 無帶, 水壼試過漏兩次.
佢而家日日放學都唔肯做功課, 可能由於以前幼兒園會喺學校 ...

作者: 燁燁媽 時間: 07-9-19 19:32

yes. 所以太重都好擔心佢會趺到.
有時同佢返學, 會幫佢拿書包, 去到學校佢先自己咩返.

:cry:

原文章由 katherine2008 於 07-9-17 22:50 硐表
我個仔去年小一入學, 唔係第2, 3天,佢放學返黎, 話今日在學校.由禮堂行樓梯上一樓課室時. 在樓梯上跌到. 因年幾太小, 語言表達能力不太清潔, 所以我叫佢案件重演比我睇.

話說佢背著又大好重的小一書包上樓梯, 因 ...

作者: katherine2008 時間: 07-9-20 00:02 標題: 開班揹書包技巧訓練班

我認為k3升小一的暑假, 應該開"揹書包技巧訓練班".
課程包括:
1. 揹書包速度----將地下的又大又重的書包揹上身. 除下來又揹上身, 重復不繼練習, 有助學童返學趕時間(上課室)及放學時趕(撘校車)而設的.
2. 揹書包行樓梯---上樓梯及落樓梯, 要學童全身"大机肉"訓煉.
3. 揹書包跌底及起身----好似學功夫一樣, 先學跌, 及自行起身, 提升及增強學童的靈活性.

這課程專為升小一學生而設, 以上3項主題活動. 必須重復訓練, 務求每個學童都好似電影 "史太龍"咁勁!!!

祝各位小一學生練得好身手, 應付入讀小學, 做足準備!!!

各位家長, 可在家中進行訓練的.

原文章由 rohoy2k 於 07-9-18 11:25 硐表
簡直係悲劇!
d商人為咗本書好睇,圖畵大大,書頁加重磅紙,實行抵食夾大件,去吸引d老師選用.
個d所謂護x書包未裝書都已經重過人.

校長應該在選書單時加上重量限制,超重叫級主任減磅,逼d書商改薄裝.校簿更可廢除,改用各 ...

作者: GaryF 時間: 07-9-20 08:55

以下呢d唔知當唔當係笑料呢?!

開學第一日我問阿仔: 今日學左d咩呀?
佢答我: 學左d責任既野囉!

開學第二日我又問佢今日學左d咩呀?
佢答我: 學左d教育既野囉!

咁深既???

嬲野就係早兩日佢話比老師罰企, 因為隔離個同學叫佢扮駕車喎, 結果在堂上駕車既佢就比人捉左啦!

作者: daichoigo 時間: 07-9-20 10:49

嬅嬅媽,
你呢個topic幾好, 令我覺得升小一原來都可以有笑料的事.
thanks for your remind !

daichoigo

作者: daichoigo 時間: 07-9-20 10:49

嬅嬅媽,
你呢個topic幾好, 令我覺得升小一原來都可以有笑料的事.

thanks for your remind !

daichoigo

作者: daichoigo 時間: 07-9-20 10:50

嬅嬅媽,
你呢個topic幾好, 令我覺得升小一原來都可以有笑料的事.
thanks for your remind !

daichoigo

作者: 君媽 時間: 07-9-20 12:08

這個是囡囡告訴我的：小朋友上英文堂時，如果要說話，只可說英文。有個小朋友舉手話May I go to the toiilet? 老師跟著話Go ahead。之後個小朋友賴左，老師用中文問點解俾你去你又唔去，攪到賴左？小朋友話Go ahead，即是去你個頭，所以唔敢去。

作者: emiluihk 時間: 07-9-20 12:40

嘩乜呢個笑話到呢個年頭都仲存在 ?

原文章由君媽於 07-9-20 12:08 硐表
這個是囡囡告訴我的：小朋友上英文堂時，如果要說話，只可說英文。有個小朋友舉手話May I go to the toiilet? 老師跟著話Go ahead。之後個小朋友賴左，老師用中文問點解俾你去你又唔去，攪到賴左？小朋友話Go ahead，即是去你個頭， ...

作者: emiluihk 時間: 07-9-20 12:42

GaryF ,

你個仔真係傻豬豬, 乜佢個同學仔咁大整"古"

原文章由 GaryF 於 07-9-20 08:55 硐表
以下呢d唔知當唔當係笑料呢?!
開學第一日我問阿仔: 今日學左d咩呀?
佢答我: 學左d責任既野囉!
開學第二日我又問佢今日學左d咩呀?
佢答我: 學左d教育既野囉!
咁深既???

嬲野就係早兩日佢話比老師 ...

作者: GaryF 時間: 07-9-20 13:19

emiluihk,
係啦, 激死我! 真係唔抵!

真係好想同果個同學傾下計...

原文章由 emiluihk 於 07-9-20 12:42 硐表
GaryF ,

你個仔真係傻豬豬, 乜佢個同學仔咁大整"古"

作者: 燁燁媽 時間: 07-9-20 13:37

你個仔同學真係大整古.
不過我想, 好多時都有呢個情況

我個仔尋晚又同我講, 話上上堂比老師罵, 佢地上堂傾計.
我同個仔傾咩?
佢話傾返幼稚園同邊間學校.

因為仔仔學校今年轉活動教學, 幾個坐埋一齊. 唔傾就假啦.

原文章由 GaryF 於 07-9-20 08:55 硐表
以下呢d唔知當唔當係笑料呢?!
開學第一日我問阿仔: 今日學左d咩呀?
佢答我: 學左d責任既野囉!
開學第二日我又問佢今日學左d咩呀?
佢答我: 學左d教育既野囉!
咁深既???

嬲野就係早兩日佢話比老師 ...

作者: emiluihk 時間: 07-9-20 13:57

GaryF,

咁又唔駛嬲, 而家你個仔咪知咁做係唔啱, 下次唔
會上當囉,反正剛剛開始仲係適應期, 遲吓就難講了

原文章由 GaryF 於 07-9-20 13:19 硐表
emiluihk,
係啦, 激死我! 真係唔抵!
真係好想同果個同學傾下計...

作者: 銘銘媽 時間: 07-9-20 14:33

咁銘銘又唔係好多呢D '倫盡' 野喎. 最多係漏咗水壼係屋企唔記得拎, 攪到小息無水飲, 要等嫲嫲拎飯佢食, 佢先可以有得飲.
佢只係功課唔想做, 書唔想溫, 可能佢太過心散啦. 而佢呢個星期開始好D, 因為佢想我陪佢玩鬥獸棋, 但係如果佢等我返去先做功課, 實無時間同我一齊玩, 所以而家咪開始做D功課, 不過都係做剩D, 等我返去同佢做, 結果到而家都未有機會可以同佢一齊玩到棋.

原文章由 燁燁媽 於 07-9-19 19:29 硐表
鉻鉻媽
燁燁都肯做既, 不過要老爺奶奶又罵又鍚咁囉...
呢幾日開始, 我會中午返屋企同佢做下功課, 做到佢返補習班為止.

但可能我地11月仔仔係細仔, 係學校都幾"倫盡", 老師講過話燁燁成日遊雲, ...

作者: 銘銘媽 時間: 07-9-20 14:37

笑死我啦, 我喺公司蛇蛇上 BK, 睇你呢段野, 差D 笑出黎.
其實諗真吓, 要揹咁大個咁重既書包, 又真係幾危險既, 好容易會整親, 真係要有專人指導先好學既.

原文章由 katherine2008 於 07-9-20 00:02 硐表
我認為k3升小一的暑假, 應該開"揹書包技巧訓練班".
課程包括:
1. 揹書包速度----將地下的又大又重的書包揹上身. 除下來又揹上身, 重復不繼練習, 有助學童返學趕時間(上課室)及放學時趕(撘校車)而設的.
2. 揹 ...

作者: 銘銘媽 時間: 07-9-20 14:40

係呀, 呢段時間, 都應該幾多烏龍野, 老師都應該會隻眼開, 隻眼閉既.

原文章由 emiluihk 於 07-9-20 13:57 硐表
GaryF,

咁又唔駛嬲, 而家你個仔咪知咁做係唔啱, 下次唔
會上當囉,反正剛剛開始仲係適應期, 遲吓就難講了

作者: 銘銘媽 時間: 07-9-20 14:45

亞仔上星期做常識功課, 手冊寫貼圖, 但係又講唔清楚貼邊度, 同貼咩圖, 咁啱佢有本練習簿, 上邊寫咗'我的身體' 同埋個 '頭' 字, 咁我咪一心以為貼咗張佢既大頭相上去啦.
亞仔擒日同我講, 原來果本簿唔洗貼圖, 第二本先到貼, 而佢話"老師話, 有好多同學都錯, 有D 仲貼到成頁都係頭" 我得好攪笑, 成頁都係頭, 我老公仲衰, 佢話通緝呀, 定欠債呀??!!! 仲笑死我.

[ 本文章最後由銘銘媽於 07-9-20 14:47 編輯 ]

作者: Anson_Ma_Ma 時間: 07-9-20 16:46

我個仔間學校好D, 每日唔會多個5本書, 本本都好薄, 如果唔記得BRING水, 唔緊要, 學校有飲水機, 每日都有時間俾佢地做少少功課, 明天會默書, 今日老師上堂仲同佢地試一次, 所以阿仔都適應到

作者: rohoy2k 時間: 07-9-20 17:53

番咗半個月學,真係樣樣新鮮.
幼稚園慣咗有讚無彈, 而家又唔準呢唔準咾, 傾吓計又俾班長擇名,未問過去厠所又罰企, 郁身郁勢就實俾人炳.
阿女以經話阿邊個唔係佢好朋友, 因為擇佢名, 仲話就黎輪到佢做班長, 到時就好開心囉....

原文章由 Anson_Ma_Ma 於 07-9-20 16:46 硐表
我個仔間學校好D, 每日唔會多個5本書, 本本都好薄, 如果唔記得BRING水, 唔緊要, 學校有飲水機, 每日都有時間俾佢地做少少功課, 明天會默書, 今日老師上堂仲同佢地試一次, 所以阿仔都適應到 ...

歡迎光臨教育王國 (/)