教育王國

標題: bb返左幼兒班 over 1 week 都仲喊的家長入來傾下 [打印本頁]

作者: moonychan 時間: 07-9-11 13:31 標題: bb返左幼兒班 over 1 week 都仲喊的家長入來傾下

我個仔 "分離" 感很強, 頭5日都唔係太緊要, 但第6日 (monday) 開始就唔肯著校服 & 返到班房做左樹熊, 好在佢見到 local 班主任都仲識拖住佢 & 要佢抱.....但喊就未停過.

有冇家長 share 下呀, 大家支持下......

作者: mkwok 時間: 07-9-11 15:31 標題: bb返左幼兒班over 1 week都仲喊的家長入來傾下

moonychan,

我囝囝都係3/9開學返適應班2小時，開頭幾日陪住都尚可，上星期六就陪15分鐘之後分離2小時，2小時後佢見到我即刻喊得好大聲，想即刻離開學校。

今日返學開始係門口分離半日，佢又喊晒吾入去，要老師抱佢入課室，見到其他小朋友真係好叻，排隊入去都吾喊，老師都同我講過我囝囝的適應期可能要長一點先可以返全日，加上我囝囝未識講野表達，只係成日叫媽媽同姐姐，希望大家的小朋友都快d過左適應期開開心心返學啦！

原文章由 moonychan 於 07-9-11 13:31 硐表
我個仔 "分離" 感很強, 頭5日都唔係太緊要, 但第6日 (monday) 開始就唔肯著校服 & 返到班房做左樹熊, 好在佢見到 local 班主任都仲識拖住佢 & 要佢抱.....但喊就未停過.

有冇家長 share 下呀, 大家支持下...... ...

作者: moonychan 時間: 07-9-11 15:57

mkwok

same呀, 我仔仔都係9月3日第一日返, 但佢返半日 only, 所以頭一個 week 只返 1 小時, 不過, 佢呢間完全冇得陪, 一o黎就分離, 我只可帶佢入到班房, 其實日日都有喊, 第一日就立即玩玩具, 我走左都唔知, 第二日開始 d 玩具一 d 都吸引唔到佢, 不過頭5日佢唔係樹熊式夾住我, 都肯喊住由老師接手.

老師今日說仔仔很大力, 成日整痛老師, 佢好肉緊, 成日扯老師行, 老師可能要照顧其他人所以仔仔以為佢唔理佢又扯人條褲.

老師都說我仔仔係同期一齊返學之中仲未 ok的一個．　佢話at least 1個月 or above

我都唔知點呀, 因為班房玩具 & 大形玩具都吸引唔到佢, 我有日裝佢, 連玩大車車佢都唔玩, 只係拖住老師喊咁口.....我估仔仔不停說 go home & 搵mami

老師說仔仔只係做手工時唔喊, 但就唔肯著圍裙, 不停扯.

冇錯, 大家努力.

原文章由 mkwok 於 07-9-11 15:31 硐表
moonychan,

我囝囝都係3/9開學返適應班2小時，開頭幾日陪住都尚可，上星期六就陪15分鐘之後分離2小時，2小時後佢見到我即刻喊得好大聲，想即刻離開學校。

今日返學開始係門口分離半日，佢又喊晒吾入去，要老師抱佢入課室，見到其 ...

作者: Mom-to-be2005 時間: 07-9-11 17:04

我囝囝八月開始返學, 之前返一兩個鐘都okay, 但自從9月開始返3個鐘後就開始扭計, 日日起身返學都喊, 又話唔返學, 有無小朋友都係咁呀.

作者: kaylamcy 時間: 07-9-11 22:34 標題: 媽咪放鬆d啦...

小朋友人生第一次返學,第一次與父母分離,緊係唔捨得啦!有d獨立d的小朋友,好快可以適應,1-2hrs至1-2日, 但有d較依賴的小朋友,可以個幾月先適應到!
除咗要睇小朋友的個性外,父母有冇係未入學前做足準備功夫,如心理輔導小朋友/帶小朋友到新學校看看等.
最後,係入學後,父母要同小朋友日日心理輔導,放學後問吓佢係學校有咩開心事,有咩嘢好好玩等.到夜晚瞓覺前又問,早上起身時又再問次.家長不停重複令小朋友成日想到返學校好開心,小朋友就被我哋感應到啦!
當然,每日都要同小朋友keep住了解小朋友係學校發生的事同進展啦!
放鬆d啦......

作者: moonychan 時間: 07-9-12 09:57

ｋａｙｌａｍｃｙ

有呀，已經成日同佢講學校既野．．．．

分離對我個仔黎講真係好大影響

真係好想知有冇　”過來人”可以分享比我個仔難攪的例子．　咁我都叫有　ｄ　盼望．

同埋，唔知去到幾時都仲係適應唔到就要選擇轉校　ｏｒ　放棄．　等再大多　ｄ　先再讀．．．．．

作者: reginefhk 時間: 07-9-12 10:41

想問入學前仲有 d 咩準備功夫可以做呀?
因我囡囡 11月會返嬰兒班(18-24m), 如何令小朋友習慣返學, 刻服個份分離感覺? 與一群不認識的人相處? 我小朋友上星期去參觀, 唔肯同老師拖手, 就算有玩具玩都唔肯, 仲似怕羞咁縮埋, 平時佢好百厭, 好動型.

請指教

作者: stliu 時間: 07-9-12 10:44

之前睇過書,話小男孩的分離恐懼係強烈D架,所以大家的仔仔喊係好正常架!我地通常的習慣係同仔仔講好左,而家係返學時間,係老師陪的,爸爸媽媽唔陪得, 但一定會係指定時間返去接佢,我地會同佢講姐姐會響11:45分返去接佢,雖然佢細個,但係都俾個時間佢,等佢知道.同埋上堂前同佢講bye bye,要認真講,唔好突然間竄左去.雖然佢當場會喊,但係係一個正式的bye bye,同埋狠心少少,佢喊都唔好回頭望佢,因為你回頭,佢又喊得仲犀利D. 好多時,小朋友一分離果時會喊,轉頭又會冇事架喇!加油呀! 呢個係我的經驗.

作者: moonychan 時間: 07-9-12 12:37

STLIU

多謝你既分享呀!~ 很合用.

我仔仔今日有一丁丁點進步.

返到班房, 夾實我, 但原來我走左, 老師話佢果段時間大喊, 後來都收聲, 佢都唔係太投入, 但就冇之前咁老痴實老師, 今日都有食茶點, 有聽書, 有玩大形玩具, 但就玩下喊下又整日都長氣袋, 成日講 GOGOGO & GO BACK HOME. 老師話都算有進步.

我今日又特登買定一架車仔, 接左個仔見佢都冇眼腫腫,我就同佢傾計, 話佢有進步,所以有獎勵. 佢表現得好開心. 我再提醒佢, 返學唔洗喊, 因為媽咪一定會日日接佢. 如果再有進步, 就會有獎勵.

原文章由 stliu 於 07-9-12 10:44 硐表
之前睇過書,話小男孩的分離恐懼係強烈D架,所以大家的仔仔喊係好正常架!我地通常的習慣係同仔仔講好左,而家係返學時間,係老師陪的,爸爸媽媽唔陪得, 但一定會係指定時間返去接佢,我地會同佢講姐姐會響11:45分返去接佢, ...

作者: stliu 時間: 07-9-12 17:42

moonychan,
相信你仔仔一定每日都會有進步架!其實我仔而家都仲有少少扭架,佢係8月1日返學架喇,不過中間病左幾日. 老師開始摸熟佢脾性,爸爸送佢返學,走果時,佢會想喊想喊咁,但係老師即刻會抱起佢,跟住話快D睇下爸爸係咪行呢邊,跟住佢掛住望窗,就會唔喊.所以我都好感恩老師都好有技巧,大家一齊配合.
正如你所講,我地每日都同佢講一定會去接佢,佢而家甚至會同我對答倒,話姐姐係11:45分去接佢. 加油呀! 雖然會覺得佢咁細就要返學係好慘,加上佢日日喊,你梗覺得心痛,但係,我時時都提醒自己,佢係學校,又可以學野,又有好多老師,小朋友同佢玩,點都好過響屋企對住四面牆. 返學初期喊係一個適應來0者!!!

作者: my1215sui 時間: 07-9-13 16:07

HIHI,我仔仔就4/9開學讀n1,佢初頭幾日反而冇喊,但到這幾天佢就開始喊lu,老師話佢見到其他小朋友喊佢又跟住喊,可能令到佢情緒有o的吾開心law,所以這幾天去到學校門口有少少扭計,仲喊添..
因為我仔仔之前讀育嬰院應該好快會適應,所以佢第三日已經可以返全日,但估吾到近這幾天先喊,真係令到我頭都大埋,其實我都知道佢係乍嗲,因為我接放學時老師話我走左冇幾耐佢就收聲lu....

好似昨日接佢放學老師讚佢好叻,所以我獎勵佢去冒險樂園玩,我不斷同佢講佢返學吾喊,乖乖我就獎勵佢...今早返學佢真係冇喊,仲同我say goodbye跟住拖老師入去課室添....我真係好開心,希望佢之後都可以開開心心咁返學

作者: reginefhk 時間: 07-9-14 14:35

但用物質來交換返學好似唔係幾好? 唔知仲有無其他方法可以分享呢?

[ 本文章最後由 reginefhk 於 07-9-14 14:37 編輯 ]

歡迎光臨教育王國 (/)