教育王國

標題: 請教升中後車資問題 [打印本頁]

作者: AMYMAMA 時間: 07-9-7 09:16 標題: 請教升中後車資問題

想請教升中後車資問題，係咪升中後滿12歲便要轉用成人八達通乘坐所有交通工具，只知學校有指示申請什麼地鐵個人八達通，有冇媽咪可以提提我有什麼要注意呀，係咪要再買多張成人八達通坐地鐵以外交通工具呢，搞唔清楚，謝謝！

作者: 2bzmummy 時間: 07-9-7 09:34

十二歲後就讀全日制學校既學生就會有資格轉用學生八達通，申請表上要有學校加上蓋章，（相信即是學校所講既個人八達通），遞交表格之後可以用有關收條先到地鐵購買冇相的學生卡，大概一兩個月後就可以到指定地鐵站領取有照片的個人學生八達通了 .....

原文章由 AMYMAMA 於 07-9-7 09:16 硐表
想請教升中後車資問題，係咪升中後滿12歲便要轉用成人八達通乘坐所有交通工具，只知學校有指示申請什麼地鐵個人八達通，有冇媽咪可以提提我有什麼要注意呀，係咪要再買多張成人八達通坐地鐵以外交通工具呢，搞唔清楚，謝謝！ ...

作者: AMYMAMA 時間: 07-9-7 09:48

咁遞交表格後用有關收條到地鐵購買冇相的學生卡，豈不是要蝕買該卡的手續費o羅，期間係咪可以用呢張冇相的學生卡坐所有交通工具呢，張有相的要個多月後至有，仲係唔明，Sorry！

原文章由 2bzmummy 於 07-9-7 09:34 硐表
十二歲後就讀全日制學校既學生就會有資格轉用學生八達通，申請表上要有學校加上蓋章，（相信即是學校所講既個人八達通），遞交表格之後可以用有關收條先到地鐵購買冇相的學生卡，大概一兩個月後就可以到指定地鐵站領取有照片的個 ...

作者: rclamlam 時間: 07-9-7 09:53

如果你要搭巴士/地鐵, 著住中學校服已經要比成人價, 除左申請地鐵個人八達通之外可以用學生價搭.

開學學校會派一份地鐵申請八達通表格比學生, 填左資料學校會交番去地鐵公司, 個人八達通同平日用既成日八達通無分別, 只係多左張相, 每年都要申請一次續期.

個人八達通可以搭其他交通工具, 如巴士, 船, 輕鐵等.....

原文章由 AMYMAMA 於 07-9-7 09:16 硐表
想請教升中後車資問題，係咪升中後滿12歲便要轉用成人八達通乘坐所有交通工具，只知學校有指示申請什麼地鐵個人八達通，有冇媽咪可以提提我有什麼要注意呀，係咪要再買多張成人八達通坐地鐵以外交通工具呢，搞唔清楚，謝謝！ ...

作者: rclamlam 時間: 07-9-7 09:54

地鐵未發個人八達通比學生之前, 係需要用住成人八達通先.

原文章由 AMYMAMA 於 07-9-7 09:48 硐表
咁遞交表格後用有關收條到地鐵購買冇相的學生卡，豈不是要蝕買該卡的手續費o羅，期間係咪可以用呢張冇相的學生卡坐所有交通工具呢，張有相的要個多月後至有，仲係唔明，Sorry！

...

作者: AMYMAMA 時間: 07-9-7 10:11

即係而家佢坐什麼交通工具，又未有什麼個人八達通收據，都要比錢付成人價，謝謝！

作者: 2bzmummy 時間: 07-9-7 11:03

點會蝕手續費，唔用可以全費退番 .....

原文章由 AMYMAMA 於 07-9-7 09:48 硐表
咁遞交表格後用有關收條到地鐵購買冇相的學生卡，豈不是要蝕買該卡的手續費o羅，期間係咪可以用呢張冇相的學生卡坐所有交通工具呢，張有相的要個多月後至有，仲係唔明，Sorry！

...

作者: 2bzmummy 時間: 07-9-7 11:04

rc

學生八達通坐地鐵有折，巴士同火車就同成人冇分別 ....

原文章由 rclamlam 於 07-9-7 09:53 硐表
如果你要搭巴士/地鐵, 著住中學校服已經要比成人價, 除左申請地鐵個人八達通之外可以用學生價搭.

開學學校會派一份地鐵申請八達通表格比學生, 填左資料學校會交番去地鐵公司, 個人八達通同平日用既成日八達通無分別 ...

作者: jw402 時間: 07-9-7 12:25

我早兩個月幫阿仔攪完, 所以比較清楚.

小朋友滿12歲, 就算讀緊小學都要買成人票. 現在所有交通工具只有地鐡有學生票. 如果你申請左地鐡張學生八達通, 都只係地鐡有優惠, 你用嚟搭巴士都會扣你成人價. 唔似得我地以前有張學生證就咩都有半價.

九月中學會派表, 填左表交去地鐡佢會比張收條你, 大概個幾月先會有得攞. 其間搭地鐡只要帶住張收條同學生證就可以買單程學生票.

其他交通工具都要比成人價........

作者: tkkmama 時間: 07-9-7 14:08

我今屆有一個續期, 一個開新證, 而家仲要等齊d表一次過羅去地鐵站攪.....好老實啦, 一次過俾幾十蚊手續費, 如果唔係密密搭地鐵, 真係薛左俾佢呀...

希望個個都可以用耐d個新八達通啦.
點都係以前我地個車船半價證好用....

作者: angelymama 時間: 07-9-7 14:40

好彩小豬女要11月尾先12歲, 仲可以用兒童八達通。

有無人知點解巴士無o左學生優惠, o個d 車船津貼又點申請, 有咩資格?

作者: jw402 時間: 07-9-7 14:49

學校應該會派表.

************************

符合下列資格的全日制毅進學員，可申請學生車船津貼:

通過入息審查，並獲發資格證明書，而資助幅度為「全額」(即調整後家庭收入不超過 $19,897)或「半額」(即調整後家庭收入介乎$19,898至$53,138)﹔
為香港居民﹔
沒有領取綜合社會保障援助﹔
居住地點與學校距離超逾十分鐘步行時間及須要乘搭公共交通工具上學。

學員如欲申請學生車船津貼，須按夾附於資格證明書的申請指引，填妥資格證明書，並於開課後一星期內或資格證明書發出日期後的兩星期內(兩者以較遲者為準)，交回院校辦理申請。本處將以自動轉帳方式發放車船津貼。有關學生車船津貼計劃的詳細資料，請按此。

作者: jw402 時間: 07-9-7 14:57

唔好以為個數係家庭每月平均收入, 係計全年!!! 條數係咁計:

調整後家庭收入 =	家庭全年總收入

	家庭成員人數 + 1

都幾難lu.....

作者: 一樣的天空 時間: 07-9-7 15:12

搭巴士好貴

, 因為冇半價, 偏偏只有過海巴士到學校, 好貴好貴呀

, 強烈抗議巴士公司非常牟利

歡迎光臨教育王國 (/)