教育王國

標題: 觀塘基督教家庭服務中心趣樂幼兒院家長請進 [打印本頁]

作者: CAROL_CHEUNG 時間: 07-9-6 23:30 標題: 觀塘基督教家庭服務中心趣樂幼兒院家長請進

仔仔今日開始返預備班,大家分享下!

作者: CAROL_CHEUNG 時間: 07-9-8 23:47

大家分享下

作者: NGASZE626 時間: 07-9-9 00:16

Hello! 我囝囝都係係趣樂幼兒園讀預備班,佢叫卓軒呀!你囝囝叫咩名呀?

作者: CAROL_CHEUNG 時間: 07-9-9 00:25

原文章由 NGASZE626 於 07-9-9 00:16 硐表
Hello! 我囝囝都係係趣樂幼兒園讀預備班,佢叫卓軒呀!你囝囝叫咩名呀?

Hi,Hi.我仔仔叫允輿呀!
卓軒我都有D印象.
你有無陪佢上堂?返左2日學,你覺得點?

作者: NGASZE626 時間: 07-9-9 23:38

2日我都有陪佢返, 聽日都會陪(我請左幾日假), 你呢?

作者: CAROL_CHEUNG 時間: 07-9-10 00:11

我都係請左假陪仔仔,但星期二要返工啦!好驚仔仔會唔適應...

作者: NGASZE626 時間: 07-9-10 23:42

我今日見到你呀! 今日我同奶奶一齊返, 等佢都知個孫係邊到返學, 識得湊佢放學呀麻! 因為我聽日冇請假, 返工返9點, 所以聽日由奶奶送卓軒返學! 平時我會送囝囝返學之後自己返工, 我係觀塘做野, 你呢? 我都有d驚囝囝唔慣, 不過個個小朋友都要面對呢d事, 都唔使咁緊張既! 係呢, 你住邊架?我地住寶達.

作者: CAROL_CHEUNG 時間: 07-9-11 10:16

我今日見到你奶奶帶卓軒返學.我個仔係第一個喊,仲好鬼死中聲.攪到我好心痛.
我都係官塘返工,下星期開始仲要放黑D呀.要成7:00pm 先可以湊仔...搵食艱難
我住牛頭角

想問下你,同卓軒返左3日學,你覺得點?

我就覺得老師比較偏心,有幾個小朋友佢地會特別照顧.

作者: NGASZE626 時間: 07-9-11 23:51

我今日返緊工都有諗起個囝, 唔知佢有冇CRY, 習唔習慣. 到左12點幾, 我打比奶奶問, 佢講軒軒都有CRY, 但係間歇性果隻. 我聽朝要送軒軒返學, 我驚佢唔比我走!

我覺得學校都幾細, 玩黎玩去都係咁果D野, 好似都幾悶!老師講野好細聲, 當有一兩個小朋友CRY都已經聽唔到佢地講咩. 王老師好似淨係照顧D特別唔聽話既小朋友, 其他小朋友佢就唔多理.

係呢! 你做咩架, 平時邊個湊囝囝?

作者: CAROL_CHEUNG 時間: 07-9-12 00:15

阿仔今日都係一時時喊...聽日佢知道咩事可能都唔比我走...

我都覺得老師講野好細聲.點名時都聽唔到個名..仲有.我星期五將仔仔既特別情形(去唔到便便)講左比余老師知,以為佢會再通蘇老師講.星期一再問番蘇老師,原來佢唔知.我有D唔開心.點解2個老師無溝通?另外面試時我都有講比副校長知.我見佢mark 晒幾時入院,出院,治療....佢地都唔知...開學前佢地應該要睇學生資料.

我做咩....嘻嘻...望下我個名下面"補習中介人"...又可以免費賣廣告啦!!
未返學前,我返左工奶奶湊.放工去接返屋企.

你又做咩架?你會準時湊卓軒放學?需要延長服務?

作者: NGASZE626 時間: 07-9-12 00:26

我做merchandiser, 話就話放5點半, 但永遠都唔會5點半走得, 而家冇咁忙就放7點到, 遲d忙果陣可能要11-12點都唔定. 我係APM樓上既寫字樓返工. 好近軒軒, 但遲D公司會搬去觀塘碼頭果邊, 遠好多. 我應該唔會接囝囝放學(由我奶奶接)

你囝囝有特別情況老師應該會知, 佢咩事呀? 你都係再提一提D老師穩振D.

作者: CAROL_CHEUNG 時間: 07-9-12 00:35

嘩...真係好長時間.好彩你奶奶可以幫手,你地一齊住?

我仔仔唔可以自己去便便架!因為肛門口肌肉壓力太大,唔可以去便便.隔晚要同佢"吉pat pat" (通便便)而家係聯合更進,11月要做小手術,打支針放鬆番D肌肉....每次見佢便便就好心痛架!

作者: NGASZE626 時間: 07-9-20 13:29

唔好意思, 呢排少左上黎!
呢排都冇撞過你湊仔仔返學既, 你多數幾點送佢返學?
你仔仔習慣返學未, 仲有冇咸呀?

作者: CAROL_CHEUNG 時間: 07-9-20 23:55

唔駛唔好意思!
我差唔多8:45-9:00 先湊仔仔返學.
我個仔緊係仲有喊啦!起碼過多2-3星期先唔喊.
前幾日係公司蛇左出黎湊仔時撞到你奶奶&姑姐湊卓軒.
卓軒好乖仔.

卓軒好似無喊啦?

作者: NGASZE626 時間: 07-9-21 23:18

我都係差唔多8:45a.m.到送軒軒返學, 搭車仲撞過Ivan幾次, 我地搭埋同一架車!
軒軒今日入學校已經冇咸喇, 尋日佢仲有咸架, 今日佢仲同我拜拜添!
你星期六會唔會帶囝囝返學? 我就冇帶, 但遲d就唔知.
係呢, 你囝囝識得多唔多野, 我覺得軒軒過左2歲學野好似慢左!

[ 本文章最後由 NGASZE626 於 07-9-21 23:22 編輯 ]

作者: CAROL_CHEUNG 時間: 07-9-22 17:27

星期六暫時都唔帶佢返啦!等遲D肯返學先.

佢地唔係學野慢左,係未發揮出黎.我大果個2歲左右既時間我都係咁諗.但原來佢係識左唔表現.到佢大D你就會覺得佢突然大個左啦!

唔知係咪因為係細仔關係,唔係好捨得佢大果呀!! 話咁快又返學啦!好掛住佢BB果時...

作者: NGASZE626 時間: 07-9-22 23:41

我都好懷念軒軒bb果時呀!

你已經有2個小朋友拿?大果個幾歲?

你囝囝而家識講d咩?

作者: CAROL_CHEUNG 時間: 07-9-23 20:40

大果個係囡囡,4歲啦.我唔似有2個呢~~

基本上好多野都識講,返左學成日講既 " 我要媽E"
佢成日將媽咪變媽E...都唔知好笑定好嬲!

作者: 峰仔媽咪 時間: 07-9-24 22:47

我細仔下星期都開始返趣樂育嬰園大組，佢20個月大，現在有工人湊，不過，11月會約滿了，所以，比細仔返育嬰園先，等緊明年頭插班，我無野驚，係驚會病多左，因為，哥哥以前1歲都係返趣樂育嬰園大，返左學真係病多左，但係這是一個過程，你地會唔會打流感針呢 ??? 我真係心大心細，又想打，但係又唔知好唔好...，好煩呀 !!!

作者: NGASZE626 時間: 07-9-25 23:17

我囝囝一早已打左流感針&水痘針. 因我囝囝每個月都要睇醫生, 次次都係喉嚨發炎, 每次都要食抗生素, 所以咩預防針都同佢打定.

今日公司放早, 我第一次接軒軒放學, 佢勁開心呀, 真係好想日日都接佢放學.

作者: CAROL_CHEUNG 時間: 07-9-26 23:56

我無同佢地打針呀.因為都預左多小朋友傳染病就一定有.或者遲D同佢地打番預防下...

仔仔返學係我走果時喊,之後都無咩點喊,或者已經知道我唔係唔要佢會湊佢啦!

作者: NGASZE626 時間: 07-9-27 13:44

CAROL

咁你囡囡係唔係都係讀趣樂架?

仲有你有冇申請學費減免? 唔知係唔係最遲聽日要交呢?

作者: jsbaggio 時間: 07-9-27 15:49

hi all

好開心係到見到大家，之前係暑假前曾經post問呢家學校點，但係就冇乜回應。

我囡囡叫蔚然，應該係預備班最細個個。因為我而家仲坐緊月（細b剛剛9月出世），所以一直都係爸爸/婆婆湊返/放學。

想問大家，你地會唔會主動打電話問老師小朋友在學校的情況

我未試過，但覺得呢到同家長的溝通麻麻地。

原文章由 NGASZE626 於 07-9-27 13:44 硐表
CAROL

咁你囡囡係唔係都係讀趣樂架?

仲有你有冇申請學費減免? 唔知係唔係最遲聽日要交呢?

作者: CAROL_CHEUNG 時間: 07-9-27 18:07

原文章由 NGASZE626 於 07-9-27 13:44 硐表
CAROL

咁你囡囡係唔係都係讀趣樂架?

仲有你有冇申請學費減免? 唔知係唔係最遲聽日要交呢?

囡囡唔係讀趣樂架!佢係循道讀.

我有申請學費減免呀.月中左右已經交左表啦!
好似無話幾時交.只係你幾時申請就果個月開始減免.

作者: CAROL_CHEUNG 時間: 07-9-27 18:10

原文章由 jsbaggio 於 07-9-27 15:49 硐表
hi all

好開心係到見到大家，之前係暑假前曾經post問呢家學校點，但係就冇乜回應。

我囡囡叫蔚然，應該係預備班最細個個。因為我而家仲坐緊月（細b剛剛9月出世），所以一直都係爸爸/婆婆湊返/放學。

想問大家，你地會唔會主動打 ...

蔚然我無咩印象,可能隔離班既朋友仔啦!

老師佢唔會打電話比我,但湊放學時佢會講番當日既情況比我知.我就覺得ok la...

作者: jsbaggio 時間: 07-9-27 20:23

峰仔媽咪

可唔可以講下趣樂育嬰園係點架，我細b遲d都會返呢間。thanks.

原文章由 峰仔媽咪 於 07-9-24 22:47 硐表
我細仔下星期都開始返趣樂育嬰園大組，佢20個月大，現在有工人湊，不過，11月會約滿了，所以，比細仔返育嬰園先，等緊明年頭插班，我無野驚，係驚會病多左，因為，哥哥以前1歲都係返趣樂育嬰園大，返左學真係病多左，但係這是一個過程，你地會唔 ...

作者: jsbaggio 時間: 07-9-27 22:13

以我所知，預備班應該只得1班，可能大家post 的相同而家bb的樣已有少許分別啦。

我暫時仲未湊過小朋友返學，故對大家都陌生，不過亞囡爸爸話反而認得卓軒呢！

原文章由 CAROL_CHEUNG 於 07-9-27 18:10 硐表

蔚然我無咩印象,可能隔離班既朋友仔啦!

老師佢唔會打電話比我,但湊放學時佢會講番當日既情況比我知.我就覺得ok la...

作者: NGASZE626 時間: 07-9-28 00:11

哦!我認得蔚然呀! 岩岩開學果時係由爸爸陪返學, 之後有一日係婆婆陪返學呀麻!

你囡囡幾月出世架, 軒軒6月出世架!

作者: CAROL_CHEUNG 時間: 07-9-28 00:49

你地會唔會比小朋友參加"小小音樂家"?我考慮緊,但明天截止啦!
仲有,下星期開始正式上堂要有書及做功課啦!

作者: jsbaggio 時間: 07-9-28 11:06

NGASZE626

yes, 可能大家個b都姓吳，所以印象深d卦

。囡囡係9月出世，暫時應該係全班最細個個

，遲d就唔知有冇插班生喇！

btw, 我已經同佢報左小小音樂家。

原文章由 NGASZE626 於 07-9-28 00:11 硐表
哦!我認得蔚然呀! 岩岩開學果時係由爸爸陪返學, 之後有一日係婆婆陪返學呀麻!

你囡囡幾月出世架, 軒軒6月出世架!

作者: NGASZE626 時間: 07-9-28 22:58

我都同軒軒報左小小音樂家, 比佢玩下囉, 橫掂放左學係屋企都冇所事事, 見軒軒平時都鐘意唱下歌仔咁!

預備班要足2歲先讀得架? 我都唔知添. 咁遲d未有可能會多左好多同學仔囉, 老師睇唔睇得掂架, 我見而家都好似窄窄地咁!

jsbaggio: 你住邊架? 你係唔係在職媽媽? 做邊行呢? 我今日又見到你老公湊蔚然返學

carol: 點解你囝囝唔同囡囡讀埋同一間學校?

[ 本文章最後由 NGASZE626 於 07-9-28 23:05 編輯 ]

作者: CAROL_CHEUNG 時間: 07-9-28 23:56

遲左報名.今朝湊仔仔返學時小小音樂家已經full左啦!

NGASZE626
因為阿囡果間只收足2歲8個月既小朋友,我個仔唔夠大所以唔同學校.而且循道派學校感覺上好似好D.其實幼稚園應該唔影響派小學,但個校就長話如果派得唔好,佢可以再寫信比我地去心儀學校作參考.

作者: NGASZE626 時間: 07-9-29 11:35

julystar: Hello! 你BB都係讀預備班架? 叫咩名呀? 我估王老師應該唔係睇預備班, 只係初初學校驚小朋友唔習慣要多一個暫時睇住(只係我估既).

carol: 小小音樂家已經full左喇, 咁等下次啦, 我諗遲d可能會再有其它興趣班舉辦既. 咁你囝囝夠2歲8個月既時候會唔會同佢轉返囡囡既幼稚園, 其實我都唔知觀塘有d咩幼稚園係好既, 我只係見呢間學校近我返工既地方, 我可以送佢返學而且又有全日班(我唔想佢成日對住老爺奶奶), 所以比囝囝讀囉!

作者: jsbaggio 時間: 07-10-2 12:37

NGASZE626

我係在職媽媽黎，喏喏生完小b，而家坐緊月(不過今日開始出關喇

），所以咪一直由爸爸/婆婆接送囡囡，爸爸星期五送囡囡返學時都話認得卓軒呢

:

屋企人都講學校比較照顧一d活躍的小朋友，所以常常忽略其他同學，不過聽講好多學校都有咁的情況，希望佢地快d改善，事關而家都開學左差唔多1個月，個感覺仲係好混亂

作者: NGASZE626 時間: 07-10-2 13:17

jsbaggio

咁你係邊到住架? 係邊到返工呢?

作者: jsbaggio 時間: 07-10-2 13:37

我住係藍田，貪呢間可以讀全日（唔想只對住老人家變左個小霸王）同有育嬰院，可以放埋個細b，一齊返學。

我係中環返工，9時前一家要返到公司，但又唔會早收工，所以放完產假後我都好少會接送到小朋友喇！:cry:

原文章由 NGASZE626 於 07-10-2 13:17 硐表
jsbaggio

咁你係邊到住架? 係邊到返工呢?

作者: NGASZE626 時間: 07-10-3 13:14

jsbaggio

咁你做邊行呢? 係呢? 你囡囡返左學之後有冇病過, 我囝囝9月份已經睇左4次醫生, 尋日又岩岩睇多1次, 好煩呀, 我囝囝成日病架, 我咩針都已經同佢打晒, 都唔知點解身子咁弱.

作者: 峰仔媽咪 時間: 07-10-3 22:44

好耐無上bk，我細仔明天都開始返全日，今晚我同工人講細佬明天會開始返學，但係佢好似無嘜反應咁，一o的都無唔寫得咁，&問下有咩要做，佢個心都唔知諗嘜。

至於有媽咪問趣樂育嬰園方面，其實，5年幾前大仔一歲時都係返育嬰園既，當時覺得ok架，學野+自理方面幾好，不過真係好多病，但係都要睇小朋友體質既，我朋友個女當時返又唔算好多病喎，希望我細仔唔好中咁焦啦...。

原文章由 NGASZE626 於 07-10-3 13:14 硐表
jsbaggio

咁你做邊行呢? 係呢? 你囡囡返左學之後有冇病過, 我囝囝9月份已經睇左4次醫生, 尋日又岩岩睇多1次, 好煩呀, 我囝囝成日病架, 我咩針都已經同佢打晒, 都唔知點解身子咁弱. ...

作者: jsbaggio 時間: 07-10-5 12:07

NGASZE626

我做mktg，所以唔會早放工:cry:

冇辦法，返左學始終係易病d，希望過左呢個適應期，d小朋友會好d啦。我囡9月份都睇左次醫生，學你所講，為免有乜麻煩，我都一早同佢打晒針

原文章由 NGASZE626 於 07-10-3 13:14 硐表
jsbaggio

咁你做邊行呢? 係呢? 你囡囡返左學之後有冇病過, 我囝囝9月份已經睇左4次醫生, 尋日又岩岩睇多1次, 好煩呀, 我囝囝成日病架, 我咩針都已經同佢打晒, 都唔知點解身子咁弱. ...

作者: jsbaggio 時間: 07-10-9 10:28

聽到julystar咁講令我好難受，事關我囡到而家仲未介到片，基本上差唔多日日都弄濕要換褲，我驚你講個女孩子係我囡囡。

原文章由 julystar 於 07-10-8 21:12 硐表
我想問你地的小朋友戒片未呀!
其實我都好worry老師可唔可以take care the child
因為我既小朋友到現在仍然不願意上學
我試過有一次接放學，見到班裏have a girl 除下褲仔都沒有人理會
希望呢d情況唔好再出現
as i worr ...

作者: NGASZE626 時間: 07-10-10 09:04

學校真係要同家長溝通多D, 呢幾日我個囝成日比同學咬, 隻手"瘀"晒如果得閒既時候(接送放學期間)蘇老師都有講番囝囝係學校既情況比我知. 但你地記唔記得學校之前派過張通告講學校會每星期打電話比家長告知自己囝囡係學校既事, 我到而家都未收過學校電話.

作者: jsbaggio 時間: 07-10-10 11:06

係呀，學校會每星期打電話比家長，但so far都未收過佢地的電話。其實都已返左成個月，但都係咁

原文章由 NGASZE626 於 07-10-10 09:04 硐表
學校真係要同家長溝通多D, 呢幾日我個囝成日比同學咬, 隻手"瘀"晒如果得閒既時候(接送放學期間)蘇老師都有講番囝囝係學校既情況比我知. 但你地記唔記得學校之前派過張通告講學校會每星期打電話比家長告知自己囝囡係 ...

作者: CAROL_CHEUNG 時間: 07-10-10 11:23

我都好同意學校應該每星打電話比家長.雖然話放學都會略講果日既情況,但始終我地係在職媽媽,未必日日可以湊放學,同老師接觸機會少.

NGASZE626 :
我有日撞到你湊仔仔返學,但因為我仔仔喊所以無打招呼.點解卓軒會比同學仔咬架?仲有無事有無同老師反應下...

作者: NGASZE626 時間: 07-10-10 13:32

老師話軒軒同同學仔爭野玩所以比人咬. 我咁耐以黎都係湊過囝囝放學2次咋, 每日放學都係老師同我奶奶略講囝囝果日既事, 夜晚再由奶奶轉述我知.

返左學咁耐, 我覺得囝囝有些少改變, 好似去廁所時要自己除褲, 去完要自己著褲, 飲湯唔比人餵要自己飲. 你地囝囡有咩進步/ 學到呀!

作者: CAROL_CHEUNG 時間: 07-10-10 17:44

允輿都有D改變.去廁所唔駛人陪.開始會講係學校做過咩...
佢由開學到而家已經睇左3次醫生,傷風感冒菌好勁..

作者: NGASZE626 時間: 07-10-11 08:51

我囝囝就唔識講佢係學校做既野, 問起佢佢都唔講. 軒軒由開學到而家睇左6次醫生

你地知唔知藍田或觀塘有咩好既兒科醫生?

作者: CAROL_CHEUNG 時間: 07-10-11 09:41

原文章由 NGASZE626 於 07-10-11 08:51 硐表
我囝囝就唔識講佢係學校做既野, 問起佢佢都唔講. 軒軒由開學到而家睇左6次醫生你地知唔知藍田或觀塘有咩好既兒科醫生?

麗港城有個叫徐世豪醫生,幾好架.不過每次約左都要等30-60分鐘左右.

作者: Hermes媽咪 時間: 07-10-11 17:14

Hello,
我是個過來人,我仔仔由BB（８個月）開始就在趣樂湊架啦.
現在已３歲５個月,已讀K1 (今年９月已轉左學校).
所以我仔仔都是在趣樂成功戒片, 所以各位媽咪請放心.
不過有樣好難避免就是病, 我仔仔都常常看醫生, 睇醫生睇到好怕.
現在好好多啦. 少左要去探醫生.
Hermes 媽咪

作者: Hermes媽咪 時間: 07-10-12 00:46

你好julystar,
1. 我囝囝之前冇比小朋友咬, 不過有比小朋友"蝦",有些小朋友是出手打佢, 我每日接囝囝放學都會問佢今日做過什麼呀? 有事佢會表達到出來, 所以知道, 我會自行同學校講, 要學校留意.
2. 接電話...........冇架. 有你就會擔心啦.
> 是小朋友發燒要接走.
> 是小朋友在學校有事發生.
3. 不過好似今年改左會多與家長聯絡low, 之前d家長同我講架.佢地今年是讀K1啦.
Hermes 媽咪

作者: NGASZE626 時間: 07-10-13 22:39

10月12日軒軒病左冇返學, 果日終於收到學校既電話, 老師約1點半打黎傾左一陣軒軒係學校既野, 老師話一個月先會打一次黎, 唔係每個星期都打. 你地有冇收到學校電話?

作者: NGASZE626 時間: 07-10-15 13:15

Hermes媽咪

咁你囝囝而家讀邊間幼稚園呀?

作者: Hermes媽咪 時間: 07-10-15 14:19

Hello Ngasze626,
我囝囝現讀香港基督教服務處～官塘幼兒學校.(K1= 幼兒班).
Hermes媽咪

作者: NGASZE626 時間: 07-10-16 13:19

Hermes媽咪

都好近咋喎,點解唔比囝囝係趣樂讀K1呢?

作者: Hermes媽咪 時間: 07-10-16 23:25

Ngasze626 媽咪,
最主要是官塘幼兒學校d環境.
1. 空氣比較流通, 不用長期開冷氣.
2. 天台是大肌肉活動地方.（有部份地方有上蓋&冇上蓋都有，
　咁晴天&雨天都冇問題，小朋友都有地方玩）
3. 課室比較大, 不過自然收學生都相比多.
4. 加上之前有個小朋友的媽媽都轉左官塘幼兒學校, 佢說學校
比較多透明度,d 老師都好.
Hermes 媽咪

作者: NGASZE626 時間: 07-10-17 13:14

Hermes媽咪

咁你覺得囝囝有冇咩改變, 返學開唔開心?

作者: Hermes媽咪 時間: 07-10-19 01:26

NGASZE626 媽咪,
囝囝返學都開心架, 佢知道要返學都好開心,佢冇因為要返新學校話唔返學.
說話又叻左好多,能表達到自己 & 周圍d事物,冇之前咁怕羞,有禮貌左.

囝囝之前對顏色好混亂好怕,教佢&問佢都唔會答, 唔知點解佢現在分別好叻唔怕啦.

上落樓梯都明顯好叻

囝囝病少左

*唔知係學校令到囝囝有進步or 囝囝漸漸長大關係*
Hermes媽咪

作者: NGASZE626 時間: 07-10-22 13:29

卓軒又睇醫生喇, 開學以黎第8次. 各位媽咪, 知唔知食d咩可以增強抵抗力, thanks.

作者: jsbaggio 時間: 07-10-25 12:49

NGASZE626

囝囝好番未呀? 我囡都病左(咳)，希望大家d小朋友可以快d適應到學校生活，唔再咁易病啦！

講開琴日我去湊囡囡放學，老師話卓軒中午睡醒後唱歌，歌詞不斷提及"蔚然"，好搞笑

，老師話可能佢地張床仔係附近，隔離鄰舍，所以會提起佢。平時係屋企我都會提起唔同嘅同學仔的名(卓軒係其中一個)，囡囡都好開心

原文章由 NGASZE626 於 07-10-22 13:29 硐表
卓軒又睇醫生喇, 開學以黎第8次. 各位媽咪, 知唔知食d咩可以增強抵抗力, thanks.

作者: NGASZE626 時間: 07-10-25 13:18

jsbaggio

卓軒都有咳呀! 希望佢地健康d, 唔好成日病喇!

今朝老師都有同我講卓軒唱住"慰然"果名, 你囡囡放左學返到屋企會唔會唱下歌仔咁, 我前幾日開始聽到卓軒唱學校學既兒歌, 但聽唔清楚d歌詞. 我每次問卓軒今日學左d咩呀, 佢都唔識答我, 你囡囡識唔識答你佢係學校學既野!

作者: jsbaggio 時間: 07-10-25 14:52

我囡講野都係麻麻地，佢係屋企成日唱歌，最叻就係唱"太陽伯伯"，其他就唔知唱乜

，見佢成日伊伊哦哦，不過有d歌我知道佢地成日唱，我就唱比佢聽（eg"說故事歌"、"早晨歌", etc)佢聽到我唱之後會好開心，跟住跳舞。

佢雖然唔識講，但會將學校的事模仿番出來，如擺手後面排隊去廁所...好得意。

原文章由 NGASZE626 於 07-10-25 13:18 硐表
jsbaggio

卓軒都有咳呀! 希望佢地健康d, 唔好成日病喇!

今朝老師都有同我講卓軒唱住"慰然"果名, 你囡囡放左學返到屋企會唔會唱下歌仔咁, 我前幾日開始聽到卓軒唱學校學既兒歌, 但聽唔清楚d歌詞. 我每次問卓軒今 ...

作者: NGASZE626 時間: 07-10-27 01:21

軒軒係屋企有唱"早晨歌, 月亮歌", 最搞笑係我問佢食飯前點樣祈禱呀, 佢合著對手講"感謝天父, 賜我飲食, 求父教我, 與人分享, 阿門! 放低手, 老師食午飯, 小朋友食午飯, 多謝! 食得啦!" 佢地返學都幾開心下, 我每次問軒軒返學開唔開心呀, 佢都答我"開心".

係呢?你囡囡而家介左片未, 會唔會已經好好多啦!

作者: jsbaggio 時間: 07-10-29 12:03

唔怪得，近期蔚然玩煮飯仔時會合手祈禱然後講阿門，仲以為係我地同佢做開識添，原本係學校有祈禱。

囡囡而家開始冇咁抗拒上廁所，但就仍唔識示意，所以仲成日賴

原文章由 NGASZE626 於 07-10-27 01:21 硐表
軒軒係屋企有唱"早晨歌, 月亮歌", 最搞笑係我問佢食飯前點樣祈禱呀, 佢合著對手講"感謝天父, 賜我飲食, 求父教我, 與人分享, 阿門! 放低手, 老師食午飯, 小朋友食午飯, 多謝! 食得啦!" 佢地返學都幾開心下, 我每次問 ...

作者: NGASZE626 時間: 07-10-29 13:19

jsbaggio

係呀, 學校有教架! 日日都講所以佢地訓練有數喇. 近排涼左d, 有冇同囡囡換冬季校服呀, 軒軒就未換呀! 你覺唔覺冬季校服條褲好長呀, 同件衫好似唔岩比例咁!

10月31日學校有活動, 你同左囡囡買衫未呀!

[ 本文章最後由 NGASZE626 於 07-10-29 13:20 編輯 ]

作者: jsbaggio 時間: 07-10-30 10:25

弊, 仲未買冬季校服

, 我睇過校服, 因囡囡細粒, 對我黎講, 衫褲都係好大件.

好煩惱, 都唔知10月31日同佢著乜衫好?

原文章由 NGASZE626 於 07-10-29 13:19 硐表
jsbaggio

係呀, 學校有教架! 日日都講所以佢地訓練有數喇. 近排涼左d, 有冇同囡囡換冬季校服呀, 軒軒就未換呀! 你覺唔覺冬季校服條褲好長呀, 同件衫好似唔岩比例咁!

10月31日學校有活動, 你同左囡囡買衫未呀! ...

作者: CAROL_CHEUNG 時間: 07-10-30 11:05

好耐無黎呢邊傾計...

允輿到而家返學都喊...都唔知喊到幾時..我估聖誕左右就唔喊.

仔仔返學到而家都睇左5次醫生.醫生都話岩岩返學成日病係正常.食多D生果令佢抵抗力好D.另外我都有比KAWAI 佢地食.

我都未訂冬季衫,下星期先幫佢訂.

聽日都未知著咩好.之前去左玩具反XX.都搵唔到岩佢著既衫.而且個主題係童話世界.男仔真係好難諗...

作者: NGASZE626 時間: 07-10-30 13:25

男仔真係好難諗著咩衫, 我係花園街買左件類似魔鬼既衫(其實係Halloween既衫), 平平地著1次! 女仔可以著公主裙呀, 花園街都有好多呀, 可以去睇下!

允輿仲未適應學校生活呀!係唔係只係你送佢返學時先咸, 你走左就唔會咸架?

作者: jsbaggio 時間: 07-10-30 14:27

我想問聽日係咪重照常上課, 帶書包返學, 因如果著住呢d衫而揹書包, 好似有d怪

我重湊住個細, 都冇時間去買添, 唯有攞返d花女裙頂住

係呢, 可以問下老師允輿在學校的情況, 可能佢只係唔捨得你先喊, 我囡而家都朝朝喊唔肯換校服返學

原文章由 NGASZE626 於 07-10-30 13:25 硐表
男仔真係好難諗著咩衫, 我係花園街買左件類似魔鬼既衫(其實係Halloween既衫), 平平地著1次! 女仔可以著公主裙呀, 花園街都有好多呀, 可以去睇下!

允輿仲未適應學校生活呀!係唔係只係你送佢返學時先咸, 你走左就唔 ...

作者: DY 時間: 07-10-30 16:32

各位,
你地好, 請問你地對呢間幼稚園有何評價 ?
老師有愛心嗎 ? 校舍如何? 幾多位小朋友一班?

作者: CAROL_CHEUNG 時間: 07-10-31 23:41

原文章由 DY 於 07-10-30 16:32 硐表 <a href="http://forum.baby-kingdom.com/redirect.php?goto=findpost&pid=19655251&ptid=1126045" target="_blank"><img src="http://forum.baby-kingdom.com/images/common/back.gif" border="0" onload="if(this.width>screen.width*0.7) {this.resized=true; this.width=screen.width*0.7; this.alt='Click here to open new window\nCTRL+Mouse wheel to zoom in/out';}" onmouseover="if(this.width>screen.width*0.7) {this.resized=true; this.width=screen.width*0.7; this.style.cursor='hand'; this.alt='Click here to open new window\nCTRL+Mouse wheel to zoom in/out';}" onclick="if(!this.resized) {return true;} else {window.open(this.src);}" onmousewheel="return imgzoom(this);" alt="" /></a> 
各位, 
你地好, 請問你地對呢間幼稚園有何評價 ? 
老師有愛心嗎 ? 校舍如何? 幾多位小朋友一班?

老師都算有愛心,仔仔返學好多時會遲.老師都唔厭麻煩次次出接待處湊佢.知道佢鐘意睇BB ,仲會帶佢望下先返入課室

校舍算清潔 ( 我去過同區既學校望過,都算可以)

20個左右一班.有2-3個老師. (這方面就差D,太多人未必望得晒.)

作者: CAROL_CHEUNG 時間: 07-10-31 23:46

原文章由 DY 於 07-10-30 16:32 硐表
各位,
你地好, 請問你地對呢間幼稚園有何評價 ?
老師有愛心嗎 ? 校舍如何? 幾多位小朋友一班?

老師都算有愛心,仔仔返學好多時會遲.老師都唔厭麻煩次次出接待處湊佢.知道佢鐘意睇BB ,仲會帶佢望下先返入課室

校舍算清潔 ( 我去過同區既學校望過,都算可以)

20個左右一班.有2-3個老師. (這方面就差D,太多人未必望得晒.)

作者: CAROL_CHEUNG 時間: 07-10-31 23:54

今日早左小小湊仔仔.岩岩開緊party,可以比媽咪入去一齊玩.

蔚然好乖,坐定定聽老師講野.今日扮到好似公主.

卓軒就好明確已經熟悉晒地方.好開心.

好多小朋友都流鼻水.有個小朋友流到咀仔.D老師同姐姐都睇唔到同佢整.有個小朋友痾左小小尿都無人發現....唔..小小疏忽.或者因為小朋友玩緊老師又太投入睇唔晒.

作者: Hermes媽咪 時間: 07-11-1 10:06

我囝囝上年在預備班就發生左件唔開心o既事, 攪到頭部流血, D老師打比我, 叫我去睇吓, D老師話唔知囝囝係邊到整親, 發現時係因為囝囝D衣服 & 面有血先知道,佢地話已查過o個課室冇問題, 但我堅持要求學校比我同囝囝一起入課室再查, 囝囝當時D 表達能力未得, 但囝囝指指吓都講到比我知, 但個老師還說這個地方冇可能發生, 我回答老師一句, 如能預計就不是意外啦. 所以我都覺得D老師唔夠. 但政府比例是1: 15 (即1個老師對15個小朋友.) 無奈

作者: NGASZE626 時間: 07-11-1 13:48

原來尋日可以比家長入埋去陪小朋友玩呀, 我都唔知添! 卓軒係唔係好唔聽話呢! 允輿最後著咩衫呀!

卓軒岩岩好番冇流鼻水, 學校仲有好多小朋友病呀.... 唉.....

我唔知其它幼稚園係點, 所以冇得比較. 預備班而家好似有28人, 2個老師睇住, 其實預備班應該要有多d老師睇住, 因為小朋友仲細, 有時唔識表達自己既需要. 其次就係學校地方細左d啦.

你地有冇收到囝囝囡囡發展記錄file, 呢樣野好似幾好喎, 比家長知道子女係學校學到d咩!

quote]原文章由 CAROL_CHEUNG 於 07-10-31 23:54 硐表

今日早左小小湊仔仔.岩岩開緊party,可以比媽咪入去一齊玩.

蔚然好乖,坐定定聽老師講野.今日扮到好似公主.

卓軒就好明確已經熟悉晒地方.好開心.

好多小朋友都流鼻水.有個小朋友流到咀仔.D老師同姐姐都睇唔到同 ... [/quote]

作者: CAROL_CHEUNG 時間: 07-11-2 00:21

原文章由 NGASZE626 於 07-11-1 13:48 硐表
原來尋日可以比家長入埋去陪小朋友玩呀, 我都唔知添! 卓軒係唔係好唔聽話呢! 允輿最後著咩衫呀!

卓軒岩岩好番冇流鼻水, 學校仲有好多小朋友病呀.... 唉.....

我唔知其它幼稚園係點, 所以冇得比較. 預備班而家好 ...

卓軒好聽話呀.蘇老師話跳舞佢就手舞足動,好攪笑.佢仲成日忙住我偷笑

...可能因為我留意佢...

允輿穿著巴斯光年衫呀.30號果晚出左街跟住就買埋啦!

個學習報告真係幾好.可以知多D仔仔既進度..

天氣凍左,小朋友又會容易病啦!我個仔又病啦~~~~唉..

下星期二允輿要全身麻醉打針啦!好擔心...希望佢快D好啦!!!

作者: Hermes媽咪 時間: 07-11-3 12:01

返左趣樂取囝囝D相, 嘩個大堂改左, 感覺上好左好多,

有個大鞋柜比人感覺都衛生左,
因為我之前好幾次都問過學校點解唔係全園小朋友帶園鞋,

只安排部份班呢??
學校回應, 學校冇地方所以唔能夠實施全校小朋友帶園鞋,

終於見到佢地有改善, 值得讚揚.

作者: NGASZE626 時間: 07-11-3 19:23

學校派左旅行通告, 你地會唔會同囝囡去呀, 我同軒軒應該會同埋奶奶一齊去, 3個人. 仲有22號係軒軒既觀課日, 你們係唔係22號呀, 因為分開左3日, 唔知會唔會同你地同一日呢.

允輿要做手術拿, 要請幾多日假呀!希望佢好d好返啦!

軒軒又病左, 星期五果日嘔左6次請左假呀, 好慘呀

作者: CAROL_CHEUNG 時間: 07-11-5 00:31

原文章由 NGASZE626 於 07-11-3 19:23 硐表
學校派左旅行通告, 你地會唔會同囝囡去呀, 我同軒軒應該會同埋奶奶一齊去, 3個人. 仲有22號係軒軒既觀課日, 你們係唔係22號呀, 因為分開左3日, 唔知會唔會同你地同一日呢.

允輿要做手術拿, 要請幾多日假呀!希望佢好 ...

我都收到旅行通告.未必會去.因為家姐上年去旅行都係濕地公園.佢地2個都悶到死.又要係機場自由食午餐,都無咩地方岩小朋友食,而且食物又貴

.所以未必會去..

23號到允輿觀課,到時見到喊到收唔到聲都似..

允輿星期二做手術.醫生就話係好小事即日可以出院,而且亦唔需要特別請假,所以星期三會照常..
多謝關心!!

作者: jsbaggio 時間: 07-11-5 14:47

冇上黎幾日，乜原來有咁多新消息。

而家到我囡病左，感冒菌入腸
，嘔到七彩，自上星期五已無返學，睇黎聽日都重要請假

。希望大家的小朋友快d好番

我要睇下呀囡爸爸可唔可以請假去旅行，至於觀課係未預備班都係同一日

，呢個星期我喏喏放完產假，要問下公司可否再遲d返先得...

作者: Hermes媽咪 時間: 07-11-6 13:26

溫馨提示,
舊年我見到有家長帶相機　& video 去觀課週，所以各位家長都記得帶啦．影吓囝囝囡囡 D 學校生活

．我就錯過o左

作者: jsbaggio 時間: 07-11-6 16:49

多謝Hermes媽咪提點

原文章由 Hermes媽咪 於 07-11-6 13:26 硐表
溫馨提示,
舊年我見到有家長帶相機　& video 去觀課週，所以各位家長都記得帶啦．影吓囝囝囡囡 D 學校生活．我就錯過o左

作者: julystar 時間: 07-11-7 19:36 標題: 小朋友成日病

知道你地嘅BB都病真係檐心学校的衛生情況，因為我的小朋友在10月都斷斷續續發燒，食藥都食到小寶成個人散晒！所以我轉給小寶吃齊保嬰丹，效果也不錯，小了咳同健康左!!so u can try to eat!!

作者: julystar 時間: 07-11-7 19:37 標題: 小朋友成日病

知道你地嘅BB都病真係檐心学校的衛生情況，因為我的小朋友在10月都斷斷續續發燒，食藥都食到小寶成個人散晒！所以我轉給小寶吃齊保嬰丹，效果也不錯，小了咳同健康左!!so u can try to eat!!:tongue:

作者: NGASZE626 時間: 07-11-8 00:18

卓軒呢2日都請左假呀, 開學到而家睇左11次醫生, 一直不停咁食藥食藥再食藥, 好慘呀, 今之又要食抗生素拿, 個個月都食一次抗生素, 都唔知咩醫生黎架, 成日開抗生素比小朋友食. 卓軒可能要下個星期一先返番學喇! (幫卓軒請一個星期假, 好唔抵, 岩岩交左學費, 但個囝又冇返學)

作者: jsbaggio 時間: 07-11-8 14:56

NGASZE626

same with u. 囡囡淨係tue返左學, 而家情況ok d, 希望聽日可以返啦!其實而家我都諗緊比咩囡囡食, 等佢抵抗力好d:-|

原文章由 NGASZE626 於 07-11-8 00:18 硐表
卓軒呢2日都請左假呀, 開學到而家睇左11次醫生, 一直不停咁食藥食藥再食藥, 好慘呀, 今之又要食抗生素拿, 個個月都食一次抗生素, 都唔知咩醫生黎架, 成日開抗生素比小朋友食. 卓軒可能要下個星期一先返番學喇! (幫卓 ...

作者: Hermes媽咪 時間: 07-11-8 15:39

我覺得吃奇異果好好．佢有維他命C ＆高纖維，每日吃1-2個,

我囝囝好似病少左, 最大明顯是”大大” 唔辛苦, .
囝囝之前因為痾 ”大大” o個時好辛苦, 所以成日忍,

現在日日成有 ”大大”.啦. 加上有D 生果咳又話唔吃得,

但奇異果暫時冇聽到.所以可以一嘗．

作者: NGASZE626 時間: 07-11-9 00:19

卓軒應該下星期一先返黎學, 比佢休息多幾日先. 卓軒唔肯食奇異果架, 有咩方法令佢食呢?

作者: Hermes媽咪 時間: 07-11-9 09:58

囝囝開頭都唔食奇異果, 後來我想D小朋友好鍾意見大人食什麼佢地又想要, 所以我就日日都食比佢睇, 久而久之佢就叫我比佢嘗吓, 之後佢就愛上左.現在我都有同佢一齊食.
*不過開始個時我冇比中間個D一粒一粒”種子”佢食，會飛起，只比肉，怕佢接受唔到一粒一粒D口感*
**金奇異果會甜D, 食上來會好食 D, 上綱查過營養差唔多**
***火龍果係對 “大大” 好好架, 營養價值就唔多清楚***

作者: jsbaggio 時間: 07-11-9 10:41

囡囡1歲前都有比佢食過，跟住可以的種類多左而少食左, 等我今日買比佢試下先.不過佢對奇異果的興趣都係一般, 但就一定唔鍾意食火龍果

原文章由 Hermes媽咪 於 07-11-9 09:58 硐表
囝囝開頭都唔食奇異果, 後來我想D小朋友好鍾意見大人食什麼佢地又想要, 所以我就日日都食比佢睇, 久而久之佢就叫我比佢嘗吓, 之後佢就愛上左.現在我都有同佢一齊食.
*不過開始個時我冇比中間個D一粒一粒”種子”佢食 ...

作者: NGASZE626 時間: 07-11-12 00:12

請左假一個禮拜, 聽日比軒軒返番學喇! 軒軒好似有d掛住老師同埋同學仔呀, 成日自己孭書包著鞋扮返學. 軒軒病左呢個禮拜同佢睇左3次醫生, 唉...好慘. 佢又唔肯食水果, 奇異果就緊加唔肯食, 呢個禮拜佢既胃口奇差, 成個人都瘦晒.

作者: Hermes媽咪 時間: 07-11-12 01:12

我囝囝都轉左睇中醫一段時間(7-8個月),我覺得幾好, 起馬唔會冇胃口 & 出冷汗. 囝囝傷風感冒我就帶佢睇中醫, 發燒就一定睇西醫.
你地都不妨嘗吓.

作者: jsbaggio 時間: 07-11-12 09:18

係呀，平時囡囡係爸爸湊佢返學，咁佢病左冇得返學個幾日，一見到爸爸出門口就發好大脾氣，事後問反返佢話想返學，掛住黃老師喎

原文章由 NGASZE626 於 07-11-12 00:12 硐表
請左假一個禮拜, 聽日比軒軒返番學喇! 軒軒好似有d掛住老師同埋同學仔呀, 成日自己孭書包著鞋扮返學. 軒軒病左呢個禮拜同佢睇左3次醫生, 唉...好慘. 佢又唔肯食水果, 奇異果就緊加唔肯食, 呢個禮拜佢既胃口奇差, 成 ...

作者: NGASZE626 時間: 07-11-12 13:13

請問你去邊間中醫睇?我幾個月前已經想同囝囝轉睇中醫, 但唔知邊間好, 請指教

原文章由 Hermes媽咪 於 07-11-12 01:12 硐表
我囝囝都轉左睇中醫一段時間(7-8個月),我覺得幾好, 起馬唔會冇胃口 & 出冷汗. 囝囝傷風感冒我就帶佢睇中醫, 發燒就一定睇西醫.
你地都不妨嘗吓.

作者: jsbaggio 時間: 07-11-12 15:17

我家姐個囡係睇德田村個中e, ok架。

原文章由 NGASZE626 於 07-11-12 13:13 硐表
請問你去邊間中醫睇?我幾個月前已經想同囝囝轉睇中醫, 但唔知邊間好, 請指教

作者: Hermes媽咪 時間: 07-11-12 18:07

我係秀茂坪睇中醫. 其實中 & 西都一樣, 係合low.

我睇個中醫係我自己睇開, 有次我多口問佢我個囝囝睇唔睇得呀??
睇左4-5次明顯囝囝冇出咁多冷汗, 不過囝囝第1次飲到嘔,

第2次就分幾次飲曬.飲中藥對小朋友來講都幾辛苦（要侉地接受）, 所以我地自己一定要有恆心.

作者: NGASZE626 時間: 07-11-14 00:04

我問左同事, 佢地話小朋友睇中醫可以係自己屋企樓下藥房裡面到睇, 習慣左先喎! 我住寶達, 樓下都有2間藥房既, 下次帶軒軒去睇下, 有一間可以代客煲藥, 唔使自己煲咁麻煩.

但我想問點解餵小朋友飲藥? 佢地應該唔肯飲架喎!

作者: Hermes媽咪 時間: 07-11-15 14:20

原文章由 NGASZE626 於 07-11-14 00:04 硐表
我問左同事, 佢地話小朋友睇中醫可以係自己屋企樓下藥房裡面到睇, 習慣左先喎! 我住寶達, 樓下都有2間藥房既, 下次帶軒軒去睇下, 有一間可以代客煲藥, 唔使自己煲咁麻煩.

但我想問點解餵小朋友飲藥? 佢地應該唔肯飲 ...

我冇特別方法, 只係比左佢最鍾意的餅仔”送”中藥 &
同講比佢聽食左D藥會好快好反冇咁辛苦.
不過其實D中藥唔會好苦, 佢地落左 (糖冬瓜 or 柿餅)比小朋友, 咁樣會令到D藥唔太苦.
我有嘗過囝囝D藥.

作者: NGASZE626 時間: 07-11-19 23:56

今日同軒軒睇左中醫喇, 係趣樂樓下既中醫診所到睇, 岩岩煲左藥溝奶比軒軒飲左, 希望佢飲多幾日會清晒D鼻水喇!

但係我覺得D藥好"甘"呀, 我放左D糖落去同埋溝左奶比軒軒飲, 如果唔係佢實唔飲呀!

[ 本文章最後由 NGASZE626 於 07-11-20 00:03 編輯 ]

作者: CAROL_CHEUNG 時間: 07-11-20 21:20

原文章由 NGASZE626 於 07-11-19 23:56 硐表
今日同軒軒睇左中醫喇, 係趣樂樓下既中醫診所到睇, 岩岩煲左藥溝奶比軒軒飲左, 希望佢飲多幾日會清晒D鼻水喇!

但係我覺得D藥好"甘"呀, 我放左D糖落去同埋溝左奶比軒軒飲, 如果唔係佢實唔飲呀! ...

軒軒食左D藥點呀?有無好轉?

作者: NGASZE626 時間: 07-11-20 23:06

Carol

軒軒一直都有少少鼻水, 唔係好多, 但硬係清唔到, 岩岩飲左3次藥 (早晚各飲1次, 每次都係6安左右), 我覺得好左d喎, 好似冇咩鼻涕添呀, 但軒軒夜晚就瞓得唔係幾好. 後日再同軒軒復診, 呢次要同醫師講開d好瞓d既藥!

作者: CAROL_CHEUNG 時間: 07-11-21 23:27

原文章由 NGASZE626 於 07-11-20 23:06 硐表
Carol

軒軒一直都有少少鼻水, 唔係好多, 但硬係清唔到, 岩岩飲左3次藥 (早晚各飲1次, 每次都係6安左右), 我覺得好左d喎, 好似冇咩鼻涕添呀, 但軒軒夜晚就瞓得唔係幾好. 後日再同軒軒復診, 呢次要同醫師講開d好瞓d既 ...

近排允輿都係咁,鼻水唔清.
想問每次睇幾$?

歡迎光臨教育王國 (/)