教育王國

標題: 點為小學生分配每日時間 [打印本頁]

作者: berylberyl 時間: 07-9-5 16:54 標題: 點為小學生分配每日時間

想問吓ma ma 們, 返小學的小朋友放得學都4:30返到屋企, 都要透氣架, 跟住做功課, 食飯後又做功課? 又要温書? 又要快啲10瞓覺? 嘩, 點可以起4小時做哂咁多野? 真係要請教有經驗的ma ma , 教吓我點分配時間? 我好緊張, 每日好似同時間競賽, 都唔知做得邊樣,

呢又話中學must 學樂器, 又要有樂理知識, 咁跟住依幾年放學學埋又入夜, 點算點算????

萬分多謝指教　　　

作者: wksin 時間: 07-9-5 21:20

我個仔自小一開始, 星期1至4都唔會有課外活動, 放學番黎4:30 至6:00, 係佢自由時間, 6:00 沖涼, 跟住開始做功課, 7:00 食飯加休息至8:00pm, 之後再做功課 + 溫默書等, 10:00 要準備sleeping, 一晚就咁過, 非常悶。:cry: :cry:

作者: AKLAMY 時間: 07-9-5 21:29

其實10pm 訓會唔會太晚呢? 第日要好早起身返學...其實會唔會唔夠訓呢? 我仲未知道我仔會唔會多功課, 因為而家先係第一個week , 我想盡量可以8pm 訓覺, 因為佢慣左7-8pm 訓既!

作者: bbqueen 時間: 07-9-5 21:50

10:00 pm 至 sleep, 咁幾多点 wake up ar?

原文章由 wksin 於 07-9-5 21:20 硐表
我個仔自小一開始, 星期1至4都唔會有課外活動, 放學番黎4:30 至6:00, 係佢自由時間, 6:00 沖涼, 跟住開始做功課, 7:00 食飯加休息至8:00pm, 之後再做功課 + 溫默書等, 10:00 要準備sleeping, 一晚就咁過, 非常悶。:c ...

作者: berylberyl 時間: 07-9-6 10:16

原文章由 bbqueen 於 07-9-5 21:50 硐表
10:00 pm 至 sleep, 咁幾多点 wake up ar?

你覺得10點瞓算唔算夜? 我都想佢可以瞓多啲, 但係真係有好多野要做, 快都快唔到, 10點正上床已經叻 lar, 你可否提點有咩好方法?

作者: emiluihk 時間: 07-9-6 11:24

我都認為10點瞓, 我都唔夠用呀
我地係在職媽媽放得工嚟最快都要
六點幾七點先番到屋企, 我當個小朋友
叻叻地自己完成功課, 番到去點都要幫
佢跟吓d 點書測驗, 仲要沖涼食飯呢
攪得嚟我極唔想佢無埋少少親子時間添

假如每日只父母回到家只係顧住佢做
功課,溫習, 瞓覺 ... 欠缺溝通時間, 那
對於將來並唔係一個好既根基 ...
所以真係好頭痛

作者: tingchichi 時間: 07-9-6 11:47

我放工返到屋企都要 8:00 pm 後, 跟住就同d 仔女食飯. 然後又要幫個仔同個女沖涼. 個細仔又好癡身

所以我個女唔會咁早訓, 通常都 11:00 pm 後. 但佢早上 7:00 am 就一定要起床返學
我都覺得時間好唔夠用, 點算 ~~

c 啦 ~~ 遲d 學校再多 d 功課,默書, 測驗. 我邊有時間理佢啊

作者: bigmonster 時間: 07-9-6 17:42

我都係有２個小朋友呀，囡囡剛小一，我最快回家要7:30pm，大和細都不停叫媽咪，因為她們有時會互相投訴，總之很多問題．我亞囡是11:00pm才肯上床，我覺得以後的日子會很悶．唔做唔得．其他課外活動都很難安排．

作者: wksin 時間: 07-9-6 18:36

我個仔10pm可以訓算早啦, 有時攪得黎要11pm, 佢早上 7:15am 起床, 其實上左小學, 好多野都唔同晒, 小朋友辛苦好多的, 不過我地都一樣好辛苦。

歡迎光臨教育王國 (/)