教育王國

標題: 王華湘中學作大入大學率達七成(8月19日東方日報) [打印本頁]

作者: kenwong1288 時間: 07-8-19 22:32 標題: 王華湘中學作大入大學率達七成(8月19日東方日報)

為搶收優質學生，學校宣傳怪招層出不窮。位於將軍澳的仁濟醫院王華湘中學被投訴指，校方為博宣傳，竟在校門外張貼誇張失實海報，聲稱去年中七畢業生入大學比率高達七成，但卻被踢爆是計入多名副學士及高級文憑的學生，實質升大學比率只有一成，涉嫌誤導區內家長。另校方安排學生穿上「騎呢」服飾在校門派發糖果及傳單，藉勢高調宣傳。校方回應時否認有關投訴，堅稱入讀大學開辦的課程，都算是入大學。

計入副學士及文憑
投訴人為該校學生，他透露，在校門外一個燈箱內貼上大型海報，誇張地標榜該校去年中七畢業生有七成入讀大學，並特設統計圖展現畢業生入讀各間大學的百分比，但並無特別點出當中已計入部分只升讀副學士或高級文憑課程的同學，涉嫌有誤導及誇大成分。

他指，該校去年文、理科中七畢業生合共五十八人，只有六人成功升讀大學學位課程，比率只有一成，而非校方所指的七成，校方公布的數字較真實數字高出六十個百分點。

此外，投訴人又指該校宣傳手法出位，每逢聖誕節、新年、復活節及情人節等節日，校方會安排中四及中五同學扮成財神、嫦娥、野人等，高調地向校外人士派發朱古力及學校宣傳單張，引人注目，「成日叫學生扮到咁騎呢，根本就係宣傳，煩學生，搞到我無時間讀書」。

有責提供正確資料
仁濟醫院王華湘中學校長區月晶回應時指出，去年有五十八名中七畢業生，當中約七成升讀大專院校課程，其中半數入讀本地及海外大學學士學位，其餘半數只入讀由各間大學開辦的副學士或高級文憑課程等，但堅稱「佢讀大學開辦課程，其實都算係入大學」。

對於其宣傳手法，區月晶解釋，家會每逢節日都會向全體學生派發糖果、朱古力作禮物，部分學生會被安排穿戲劇服裝，在校門向進出的家長派發糖果，而路人途經校門，亦可索取有關的糖果及小禮物。

教育局回應指，當局會向該校了解情況，但一般而言，學校進行宣傳推廣時，有責任確保資料正確無誤。

[ 本文章最後由 kenwong1288 於 07-8-19 22:40 編輯 ]

作者: kenwong1288 時間: 07-8-19 22:43

如果受騙的學生佢地本身成績不錯, 但受騙入左一間成績唔太好的中學
咁就一世ga la wor

作者: Sindy 時間: 07-8-20 11:14

del...............................................

[ 本文章最後由 Sindy 於 07-8-20 11:16 編輯 ]

作者: Sindy 時間: 07-8-20 11:15

都唔只佢一間係咁計囉....................................

聲稱去年中七畢業生入大學比率高達七成，但卻被踢爆是計入多名副學士及高級文憑的學生，實質升大學比率只有一成，涉嫌誤導區內家長。

作者: kenwong1288 時間: 07-8-20 14:18

如果受騙的學生佢地本身成績不錯, 但受騙入左一間成績唔太好的中學
咁就一世ga la wor

作者: kenwong1288 時間: 07-8-20 15:10

投訴人又指該校宣傳手法出位，每逢聖誕節、新年、復活節及情人節等節日，校方會安排中四及中五同學扮成財神、嫦娥、野人等，高調地向校外人士派發朱古力及學校宣傳單張，引人注目，「成日叫學生扮到咁騎呢，根本就係宣傳，煩學生，搞到我無時間讀書」。
此校的學校政治特別多，某時老師會把學生當作表現自己能力的工具。

作者: kenwong1288 時間: 07-8-20 16:07

不知所謂，band3 school

作者: kenwong1288 時間: 07-8-21 14:30

唔知D應徵做老師的去果間學校見工, 個校長又會唔會接受個老師
「佢讀大學開辦課程，其實都算係入大學」
而當個副學士係大學生呢?

好心果個校長就比人踢爆就唔好死頂啦

作者: worldpeace 時間: 07-8-21 18:46

好彩無比阿女去讀je

原文章由 kenwong1288 於 07-8-21 14:30 發表
唔知D應徵做老師的去果間學校見工, 個校長又會唔會接受個老師
「佢讀大學開辦課程，其實都算係入大學」
而當個副學士係大學生呢?

好心果個校長就比人踢爆就唔好死頂啦

作者: CHUCHU 時間: 07-8-21 19:06

原文章由 worldpeace 於 07-8-21 18:46 發表
好彩無比阿女去讀je

尼間中學全部用英文課本,除中文及中史外,奇就奇在佢地係一間中文中學.

唔知d band 2 & 3 學生會唔會讀得好辛苦呢!

作者: tko.hk 時間: 07-8-21 19:21

乜可以嫁咩??????

作者: motherlau 時間: 07-8-21 21:57

其實好多都係咁!所以有D學校會列出學仕、副學仕、文憑的人數,
這些資料可靠一些吧!

作者: kenwong1288 時間: 07-8-22 13:51

push !!!!!!!!!!

作者: virgokaren 時間: 07-8-22 16:23

原文章由 CHUCHU 於 07-8-21 19:06 發表
尼間中學全部用英文課本,除中文及中史外,奇就奇在佢地係一間中文中學. 唔知d band 2 & 3 學生會唔會讀得好辛苦呢!

睇中學概覽佢係寫得幾好架喎，好吸引！

【本校於香港中學會考及高級程度會考取得理想成績，中、英文科的合格率分別為80.75%及83.35%，另有十四科的合格率高於全港平均。高考方面，超過七成同學升讀專上院校。】
【著重培育同學兩文三語的能力，初中中文課以普通話教學，中文科老師參與上海教師培訓及交流計劃，英文科老師參與美國語文教師培訓課程。聘兩位外籍英語教師推廣英語，定期舉辦普通話月、中國文化雙周、英語周。遊學團曾往新加坡、紐西蘭、澳洲、北京、上海等地，讓同學沉浸在語言環境中學習。】

咁實質佢係 band 幾架？
初中都用英文書？吾怕好似「胡 x 」咁俾人捉？

作者: ayconnie 時間: 07-8-22 17:22

原文章由 CHUCHU 於 07-8-21 19:06 發表

尼間中學全部用英文課本,除中文及中史外,奇就奇在佢地係一間中文中學.
唔知d band 2 & 3 學生會唔會讀得好辛苦呢!

其實, 以我所知, 好多 TKO 上緊位或者搏上位既學校都係咁, 係唔係all chapters 都係用英文教就唔肯定, 但肯定大部份既 subjects 有部份Chapters or Topics 都係用英文教材, 學生要另外再考一份英文卷, 所以其實分分鐘佢地d 學生仲辛苦過英中學生.

因為英中學生只需要讀英文 syllabus' textbooks, 至小唔駛背同寫埋d 中文 terms, 但係佢地就要讀埋, 寫埋中文 terms & 英文既串法同D special names, 淨係讀 I.S. 既 terms 都背死同讀死啦! 又中文, 又英文! 咁...既然佢地既學生能力可能係稍遜, d 學校仲要咁谷佢地, 咁d 同學仔咪好辛苦?

其他區既學校有無咁既情況我就唔知, TKO 區內既學校咁既情況就唔係罕見.

d 學生好慘, 學校為左上位, 就唔理d 三七二十一, 一味谷!

作者: CHUCHU 時間: 07-8-22 22:52

原文章由 ayconnie 於 07-8-22 17:22 發表

其實, 以我所知, 好多 TKO 上緊位或者搏上位既學校都係咁, 係唔係all chapters 都係用英文教就唔肯定, 但肯定大部份既 subjects 有部份Chapters or Topics 都係用英文教材, 學生要另外再考一份英文卷, 所 ...

真慘!估唔到係TKO band 2 讀得仲辛苦.
其實學校咁做,都唔知係好事定係壞事

:

Band 2 生有頭中尾,頭的可能差少少就達band 1 水準,所以讀起上嚟未必追唔上,中尾的可能對讀書興趣不大,仲要加佢地咁大壓力,結果可能對讀書有反效果添:-| 唉!

我細囡係band 2-3料子,真係要用心幫佢搵中學,分分中仲難過為band 1生搵學校呀

作者: ayconnie 時間: 07-8-23 10:47

原文章由 CHUCHU 於 07-8-22 22:52 發表

真慘!估唔到係TKO band 2 讀得仲辛苦.
其實學校咁做,都唔知係好事定係壞事:

Band 2 生有頭中尾,頭的可能差少少就達band 1 水準,所以讀起上嚟未必追唔上,中尾的可能對讀書興趣不大,仲要加佢地 ...

係呀, 呢個就係我最苦惱既問題, 我個細仔都係 band 2-3 呢d 料子. 同佢搵 band 3 學校, 坦白講, 就真係唔係好想, 唔係因為學校成績既問題, 而係擔心學生既品行問題. 雖則唔可以話 band 3 學校的學生一定有行為問題, 但始終有些擔心.

倒轉頭, 比佢地讀 band 2 學校, 但係仲要讀多d 野, 辛苦過 band 1 學校, 佢地點讀?!

作者: tko.hk 時間: 07-9-16 01:44

A lot of new replies, see this

http://ireport.on.cc/p/b5/web/Detail.jsp?bid=9385

作者: judywan 時間: 07-9-16 02:04

咁樣搏上位。

作者: susannahwin 時間: 07-9-20 09:54

原文章由 judywan 於 07-9-16 02:04 硐表
咁樣搏上位。

terrible

歡迎光臨教育王國 (/)