教育王國
標題: 青衣區小學一問 [打印本頁]
作者: easonkinki 時間: 07-8-16 18:40 標題: 青衣區小學一問
青衣主恩小學VS青衣村何澤芸小學
青衣村何澤芸小學>>>
http://www.tyehcw.edu.hk/index.htm
青衣主恩小學>>>
www.tycy.edu.hk
邊間會好d?
我睇網址見何澤芸小學地方好大,環境好好,
但band1%計主恩會高D,但有d人又話何澤芸好d,
有無人知/媽咪的小朋友向呢2間讀緊,或者有無其他好的學校介紹,可唔可以發表下意見!
唔該晒~
作者: cheque 時間: 07-8-18 18:00 標題: 青衣主恩
提示: 作者被禁止或刪除 內容自動屏蔽
作者: 愛港士 時間: 07-8-19 00:05
青衣主恩是舊校搬入青衣，有老本，所以Banding高一D，但過多兩年便看最近兩屆的畢業生成績來確定，才知真章。
原文章由 cheque 於 07-8-18 18:00 發表 
Record
作者: easonkinki 時間: 07-8-22 01:31
仲有世德,邊間好d呢?
除左校風同課程,仲有課外活動同家長溝通多唔多?
作者: 愛港士 時間: 07-8-25 23:52
世德肯定最多人想入，成績好，派位好是主因。學校都樂意與家長接觸，家長主動一點，只要是用信任客氣的態度，相信一定受歡迎。
作者: raulsing 時間: 07-8-26 23:30 標題: 青衣選校
我是過來人(小兒在世德讀小學,今年畢業,終於脫離這間學校)
希望你們小心選擇,因為6年小學真是好重要.
我們在這裡的課堂學到的知識實際不多,真的要靠在外找額外課程
補充,否則一定不足夠.如果小朋友有特別天份,學校不會有特別培訓
.要靠家長和學生自己去努力.而且最激氣是老師經常請假(尤其在重要關頭的5,6年級時候)我對校長更加印象不好,自以為是,不聽家長意見,只愛face.最慘是不進取,經常話自己是青衣(名校)!!!!
好彩是靠學生及一班家長的付出.(當中有幾位老師是我們欣賞的)
以上是我的小小經驗和分享,請自行決定
***小兒慶幸靠自己努力入到心儀的中學.希望大家加油!!!
原文章由 愛港士 於 07-8-25 23:52 硐表 
世德肯定最多人想入，成績好，派位好是主因。學校都樂意與家長接觸，家長主動一點，只要是用信任客氣的態度，相信一定受歡迎。
作者: easonkinki 時間: 07-8-27 01:48
wah聽完你咁講我好驚呢!不過之前都有聽過,老師同家長好小交流,又話考試名次都無,想知成績點樣又要打去問老師,咁我真係要好好老慮下先得
作者: patpat168 時間: 07-8-27 11:48
我想知"聖公會青衣村何澤芸" & "聖公會何澤芸"那間好d
作者: judywan 時間: 07-8-27 20:21
世德真係咁差咩?
作者: easonkinki 時間: 07-8-27 21:16
聽聞好似青衣村果間好d
作者: patpat168 時間: 07-8-28 09:54
我小朋友今年入讀聖公會何澤芸小學,唔係青衣村果間,睇完你地咁講真係有d擔心
,有無向呢間就讀既mami可以比d意見 
作者: 法子 時間: 07-8-29 00:15
論校風論派位,聖公會何澤芸 好過 聖公會青衣村何澤芸,
舊校好過新校,
青衣村何澤芸只係新D,
其實聖公會何澤芸校舍都唔細
我聽好多人都係咁講~
作者: 法子 時間: 07-8-29 00:17
原文章由 judywan 於 07-8-27 20:21 硐表
世德真係咁差咩?
hm........我只可以話
世德不會在我選校之列
作者: easonkinki 時間: 07-8-29 01:20
你小朋友係咪好似讀主恩架?
學校環境,教學方面,老師校長點架?
有d人話新校唔知好唔好?又
話轉晒新校長老師?
係咪真架?
作者: patpat168 時間: 07-8-29 09:46
唔該哂法子!:loveliness:
舊校其實真係唔細,我覺得足夠比小朋友活動,但就係d野都幾舊 ,不過我真係好想知學校方面既愛心指數高唔高,因為上次試時我覺得佢地都幾嚴下 ,唔該法子可唔可以再講多小小我知
原文章由 法子 於 07-8-29 00:15 硐表
論校風論派位,聖公會何澤芸 好過 聖公會青衣村何澤芸,
舊校好過新校,
青衣村何澤芸只係新D,
其實聖公會何澤芸校舍都唔細
我聽好多人都係咁講~
作者: PinguLinusLee 時間: 07-8-29 13:13
想問有冇人知郭怡雅點呢? 好似好少人講起呢間,係咪太舊所以家長唔鐘意呢?
作者: PinguLinusLee 時間: 07-8-29 21:41
點解我每次問呢間學校都冇人so我既.....
原文章由 PinguLinusLee 於 07-8-29 01:13 PM 硐表
想問有冇人知郭怡雅點呢? 好似好少人講起呢間,係咪太舊所以家長唔鐘意呢?
作者: easonkinki 時間: 07-8-31 13:06
我唔清楚答唔到你呀
作者: 樂俊藍媽咪 時間: 07-9-2 03:28
原文章由 PinguLinusLee 於 07-8-29 13:13 硐表
想問有冇人知郭怡雅點呢? 好似好少人講起呢間,係咪太舊所以家長唔鐘意呢?
呢間學校其實唔差,不過啲人覺得佢舊同校舍細.
老師對學生唔差,有啲由政府派位到該校既新移民,老師對佢地好好,佢地有唔識就會留低教佢地,一視同仁.佢地分別二、四、五年班由英文只識A至Z到每科考到85分以上,你都米話.
我唐侄仔侄女以前都係讀呢間小學,派位唔差派band1,我親侄女讀更長亨嗰間何澤芸,好唔好見仁見智,因為佢成績唔係咁咁好.
其實唔一定要讀甚麼名校,最更要係適合小朋友既程度,唔好比太大壓力佢地,等佢讀得開開心心.又以前郭怡雅都出名嫁,不過有咗世德、主恩、青衣邨何澤芸呢d新校舍既學校,d人就各得佢地係最好,其他就不值一題.
作者: JENNYKEUNG 時間: 07-9-2 14:57
原文章由 judywan 於 07-8-27 20:21 硐表
世德真係咁差咩?
我大女讀緊, 小兒明年入小一, 但我也不考慮. 校長,老師的作風.....不欣賞!
作者: easonkinki 時間: 07-9-2 16:48
我仔仔間幼稚園去年派位11人入去世德,16人去青衣村何澤芸,6人主恩,所以我先想知主恩好唔好?點解咁小人入
多謝你地的回覆,聽完你地講之後我更加唔會簡世德
作者: 法子 時間: 07-9-3 11:08
原文章由 PinguLinusLee 於 07-8-29 21:41 硐表
點解我每次問呢間學校都冇人so我既.....
聽講郭怡雅以前係唔錯,不過後浪推前浪,E+已經小人提起,亦多了新x民....以前我對面住個小朋友讀郭怡雅,升中派band 3...幾個朋友仔/女係長亨何澤芸讀,派得band 2 & band 1...
(乜都係假,派位始終都睇成績,明明係band 3成績, 冇可能派到band1學校麻~)
黃士心/周x森 又係麻麻,以前搭巴士遇上佢地放學......又粗口,又走黎走去
作者: 樂俊藍媽咪 時間: 07-9-3 22:41
法子,
其實好多新移民都好叻,成積好過港人.唔係話有新移民間學校就唔好,如果統一派位派咗好多去世德、何澤芸、主恩...唔通呢D學校唔好？我個人覺得,只要佢地成積好又派到去band1,讀边間又有乜所胃.
好似我表妹個女係青衣某間有名小學讀咗一年,考全級頭5名之內,但係佢覺得間學校唔掂,所以今年轉咗出去讀直資,佢自己就好心,但唔知有無為個女諗下,咁早起身返學好辛苦嫁,到時讀唔掂又要轉返入黎找學校就煩.
作者: 法子 時間: 07-9-4 09:23
我好似冇話有新移民唔好喎,我知有d都好緊張小朋友,只係我覺得大家文化有差異,亦比作為家長的一些資料~香港冇一間學校冇新移民架la ,莫講統一派位,就算係直資名校都有嫁la!~唔需要咁敏感~
有時轉校未必關"掂唔掂"事,我相信冇學校或學生係100%"掂",只係"適合"問題~~如果覺得學校唔適合小朋友,而佢成績又ok,轉校都係一個方法呀~轉到適合就緊係轉la~
[ 本文章最後由 法子 於 07-9-4 09:26 編輯 ]
作者: 樂俊藍媽咪 時間: 07-9-4 19:45
法子,
〝敏感〞可能係啦
其實我都想間校知點樣唔掂 如果我囡囡有咁成積唔會轉囉,因為係呢間考5名內會讀得比較舒服,轉咗令一間可能會係考最尾嗰幾個,會辛苦啲.不過佢好緊張個女,一星期有5日都要個女學琴、游水、珠心算、英文.
你話無可能band3派band1,話你知係有,4年前郭怡雅有個女仔就係,無啦啦派咗去善德,中學個班主任驚佢讀唔到會跳樓,叫佢媽咪同佢轉校.
呢幾年有幾個朋友啲仔女讀郭怡雅,派去善德、林護、李兆基、安柱,我侄女派蕭明,隔離屋兩個女前後兩年都同一樣派保祿六世
作者: 法子 時間: 07-9-4 23:33
原文章由 樂俊藍媽咪 於 07-9-4 19:45 硐表
法子,
〝敏感〞可能係啦
其實我都想間校知點樣唔掂 如果我囡囡有咁成積唔會轉囉,因為係呢間考5名內會讀得比較舒服,轉咗令一間可能會係考最尾嗰幾個,會辛苦啲.不過佢好緊張個女,一星期有5日都要個女學琴、游水、珠心算、英文.
你話無可能band3派band1,話你知係有,4年前郭怡雅有個女仔就係,無啦啦派咗去善德,中學個班主任驚佢讀唔到會跳樓,叫佢媽咪同佢轉校.
呢幾年有幾個朋友啲仔女讀郭怡雅,派去善德、林護、李兆基、安柱,我侄女派蕭明,隔離屋兩個女前後兩年都同一樣派保祿六世
咁睇la~我覺得轉校唔一定係成績差又或者學校"唔掂"0既,緊張小朋友又有緊張0既好處~
家長最清楚自已小朋友,一定會為小朋友選好0既.:D 
你話有band3 派band1,但以我所知中學派位除左選校次予,仲要睇成績分band.....如果真係band3 派band1 ,對成績好的學生就好唔公平.
1.善德冇band1,2 學生揀佢做首志願,所以可以比到位band 3(不過E個可能性好低)
2.好大機會係派位出左問題,
個女仔仲有冇係善德讀?
4年前小學讀郭怡雅,都應該可以番查到d記錄,睇下係咪學位分配組出左問題~定係咩原因~
基本上成績好,讀咩小學都有機會派到
善德、林護、李兆基、安柱了、保祿六世... 再勁D..喇x, x萃都入到la~~
通常睇間學校成績Top 唔top ,係要睇整體計佰份比0既~:D
[ 本文章最後由 法子 於 07-9-4 23:43 編輯 ]
作者: 樂俊藍媽咪 時間: 07-9-5 13:18
法子,
無聯絡,唔知佢重有無係到讀,應該係派位出錯,因為唔係首幾志願,後來都讀得到,不過就好辛苦.
作者: PinguLinusLee 時間: 07-9-5 16:28
係呀,郭怡雅以前真係好出名架,因為..........我都係郭怡雅既產品 
不過事隔成十幾廿年,青衣區內又真係有啲主流名校,所以都想問番郭怡雅宜家點. 我就想個女讀一間校風好,壓力較細既小學. 想留意下郭怡雅會唔會係一個合符我理想既選擇.
原文章由 樂俊藍媽咪 於 07-9-2 03:28 AM 硐表
呢間學校其實唔差,不過啲人覺得佢舊同校舍細.
老師對學生唔差,有啲由政府派位到該校既新移民,老師對佢地好好,佢地有唔識就會留低教佢地,一視同仁.佢地分別二、四、五年班由英文只識A至Z到每科考到85分以上,你都米 ...
作者: 樂俊藍媽咪 時間: 07-9-5 19:10
原文章由 PinguLinusLee 於 07-9-5 16:28 硐表
係呀,郭怡雅以前真係好出名架,因為..........我都係郭怡雅既產品
不過事隔成十幾廿年,青衣區內又真係有啲主流名校,所以都想問番郭怡雅宜家點. 我就想個女讀一間校風好,壓力較細既小學 ...
係呀,佢以前係青衣好出名架,不過後來有咗陳溢D人就覺得嗰間好,因為係保良局喎,以為有83中學直上,事實唔係.跟着又有何澤芸同主恩呢D校舍比較大既學校,D人就覺得佢地好D.
最初主恩係大窩,跟住去咗葵盛,校舍同郭怡雅一樣,嗰時見到有啲學生走黎走去,唔係咁有禮貌,搬咗過黎青衣就大好多,而家係點我就唔知,嗰D學生亦己畢業.
郭怡雅校風ok架,讀書無咁大壓力,小朋友會開心啲.
我仔仔係仁濟讀書,貪佢無乜壓力,以前仁濟ok,後來原因同上,不過呢兩年轉咗校長,聽講口卑都幾好,校長話唔會殺校.
話你知啦,我以前係陳黎秀珍既產品,可惜己殺校,原因好間單,佢座落係長青邨,嗰條邨己人口老化and原因同上.
作者: 法子 時間: 07-9-5 21:16
原文章由 樂俊藍媽咪 於 07-9-5 19:10 硐表
係呀,佢以前係青衣好出名架,不過後來有咗陳溢D人就覺得嗰間好,因為係保良局喎,以為有83中學直上,事實唔係.跟着又有何澤芸同主恩呢D校舍比較大既學校,D人就覺得佢地好D.
最初主恩係大窩,跟住去咗葵盛,校舍同郭怡雅一樣,嗰時見到有啲學生走黎走去,唔係咁有禮貌,搬咗過黎青衣就大好多,而家係點我就唔知,嗰D學生亦己畢業.
郭怡雅校風ok架,讀書無咁大壓力,小朋友會開心啲.
我仔仔係仁濟讀書,貪佢無乜壓力,以前仁濟ok,後來原因同上,不過呢兩年轉咗校長,聽講口卑都幾好,校長話唔會殺校.
話你知啦,我以前係陳黎秀珍既產品,可惜己殺校,原因好間單,佢座落係長青邨,嗰條邨己人口老化and原因同上.
要講"以前"的話~葵青區 top3 係 仁立 主恩 主愛 ,相信冇乜街坊唔知
依家就冒起左好多新學校,揀學校唔好人云亦云,最好親身睇下,了解清楚需要~
作者: 法子 時間: 07-9-5 21:26
原文章由 樂俊藍媽咪 於 07-9-5 13:18 硐表
法子,
無聯絡,唔知佢重有無係到讀,應該係派位出錯,因為唔係首幾志願,後來都讀得到,不過就好辛苦.
學生band 3, 派位派到蕭明, 仲唔係首幾志願.....
真係錯得好緊要喎...
作者: 樂俊藍媽咪 時間: 07-9-6 00:48
原文章由 法子 於 07-9-5 21:16 硐表
要講"以前"的話~葵青區 top3 係 仁立 主恩 主愛 ,相信冇乜街坊唔知 依家就冒起左好多新學校,揀學校唔好人云亦云,最好親身睇下,了解清楚需要~
人云亦云,親身睇下
乜我無話你知我住過葵盛嗎,主恩就係附近,仁立米係囡囡讀間幼稚園格離囉
我係青衣長大無走過,不過有三頭住家
作者: PinguLinusLee 時間: 07-9-6 09:30
: : : 你讀陳黎繡珍架,真係估唔到呢到有人同我差唔多輩份個喎.....
郭怡雅唔知會唔會有開放日咁既呢,可以入去參觀下,又可以舊夢重溫. 我就係想搵間校風純撲,但係又唔會好以啲名校咁迫到啲學生同家長都抖唔到氣. 若果郭怡雅真係可以做到呢點就一定會係我既首選.
校舍大就真係吸引啲既,呢點係無可否認. 陳黎繡珍係執咗笠,但我睇星島教育版報導,陳黎繡珍既校舍舊年被教育處揀咗出嚟做國際學校喎. 己經有國際學校入咗標書,應該係最後審批階段,若然真係有間國際小學喺青衣,到時可能又會多個選擇. 不過有幾"國際"就真係要開校之後先知了.
原文章由 樂俊藍媽咪 於 07-9-5 07:10 PM 硐表
係呀,佢以前係青衣好出名架,不過後來有咗陳溢D人就覺得嗰間好,因為係保良局喎,以為有83中學直上,事實唔係.跟着又有何澤芸同主恩呢D校舍比較大既學校,D人就覺得佢地好D.
最初主恩係大窩,跟住去咗葵盛,校舍同郭怡雅 ...
作者: 法子 時間: 07-9-6 09:34
原文章由 樂俊藍媽咪 於 07-9-6 00:48 硐表
人云亦云,親身睇下
乜我無話你知我住過葵盛嗎,主恩就係附近,仁立米係囡囡讀間幼稚園格離囉
我係青衣長大無走過,不過有三頭住家
係呀~唔好人云亦云,要親身睇下架!~
"乜我無話你知我住過葵盛嗎,"<--你依家咪宣佈左0羅~ :
唔理住邊都好la~就算我住正係學校樓下都好,
都選校時,都係要自已多D上去了解學校,看看教學理念是否相同~
作者: 法子 時間: 07-9-6 09:47
原文章由 PinguLinusLee 於 07-9-6 09:30 硐表
郭怡雅唔知會唔會有開放日咁既呢,可以入去參觀下,又可以舊夢重溫. 我就係想搵間校風純撲,但係又唔會好以啲名校咁迫到啲學生同家長都抖唔到氣. 若果郭怡雅真係可以做到呢點就一定會係我既首選.
校舍大就真係吸引啲既,呢點係無可否認. 陳黎繡珍係執咗笠,但我睇星島教育版報導,陳黎繡珍既校舍舊年被教育處揀咗出嚟做國際學校喎. 己經有國際學校入咗標書,應該係最後審批階段,若然真係有間國際小學喺青衣,到時可能又會多個選擇. 不過有幾"國際"就真係要開校之後先知了.
青衣區都應該冇名校咯........(好似得世x話佢自已係名校:-| )
青衣有國際學校入咗標書,知唔知係邊間學校入咗標?
作者: PinguLinusLee 時間: 07-9-6 10:19
份報紙淨係話係國際學校辦學團體,冇話係邊間喎,因為佢就話舊年出標既時候己經有八間國際學校去參觀校舍,但最後邊間中標可能都未知啩,我舊年就睇到段新聞係咁講.
原文章由 法子 於 07-9-6 09:47 AM 硐表
青衣區都應該冇名校咯........(好似得世x話佢自已係名校:-| )
青衣有國際學校入咗標書,知唔知係邊間學校入咗標?
作者: PinguLinusLee 時間: 07-9-6 10:29
有條link,係舊年既資料,早兩個月前睇星島就話就快會批出嚟,所以未知係邊個團體中標.
http://www.news.gov.hk/tc/category/atschool/060426/html/060426tc02001.htm
作者: stephanieching 時間: 07-9-6 12:46
看到呢個Topic好開心,因為我囡囡今年在青衣康傑讀K2, 明年就要為選校煩惱了 (其實我現在己煩緊), 因我是早幾年才搬入青衣, 對青衣學交校一無所知
其實我想問青衣小學真是OK嗎, 就算派到世德/何澤雲之類的較好小學, 但我都好怕將來派到間Band 3中學(葵青區的中學好似麻麻)呢 !
好想跟各位交流吓選校心得呀
Stephanie
作者: 樂俊藍媽咪 時間: 07-9-6 13:27
原文章由 PinguLinusLee 於 07-9-6 09:30 硐表
::" /> ::" /> ::" /> 你讀陳黎繡珍架,真係估唔到呢到有人同我差唔多輩份個喎.....
郭怡雅唔知會唔會有開放日咁既呢,可以入去參觀下,又可以舊夢重溫. 我就係想搵間校風純撲,但係又唔會好以啲名校咁迫到啲學生同 ...
我想我輩份還比你高喎
可以幚你問下有無開放日,遲啲話你知:
如果有開放日,你就好啦可舊夢重溫,我就無機會,佢執之前有叫舊生返去,不過無叫我地,可能我地老啦己無資料:cry: :cry:
作者: 樂俊藍媽咪 時間: 07-9-6 13:39
PinguLinusLee,
我都有睇報導,希望快啲知道.
作者: 樂俊藍媽咪 時間: 07-9-6 19:24
原文章由 法子 於 07-9-6 09:34 硐表
係呀~唔好人云亦云,要親身睇下架!~
"乜我無話你知我住過葵盛嗎,"
〝人云亦云,親身睇下〞睇吓係边個 我自出生己來一直住在青衣,青衣係我既根,係呢到己30多年,你估我有無親身睇過以我所知你搬入青衣只不過幾年時間,你有無行晒啲學校啊
雖然05年我搬咗出去九龍,但個仔係青衣住同讀書,剛剛升中一,咁你話我會唔會人云亦云呀
作者: 樂俊藍媽咪 時間: 07-9-7 15:00
原文章由 PinguLinusLee 於 07-9-6 09:30 硐表
::" /> ::" /> ::" /> 你讀陳黎繡珍架,真係估唔到呢到有人同我差唔多輩份個喎.....
郭怡雅唔知會唔會有開放日咁既呢,可以入去參觀下,又可以舊夢重溫. 我就係想搵間校風純撲,但係又唔會好以啲名校咁迫到啲學生同 ...
你可以舊夢重溫啦:: :
郭怡雅係下星期六15号,有個小學巡禮10：00開始你到時可去睇睇.又可打去學校問下電話係24951922
作者: PinguLinusLee 時間: 07-9-10 16:45
oh~~實在太好了,唔該你呀....你會唔會去睇下呀.
原文章由 樂俊藍媽咪 於 07-9-7 03:00 PM 硐表
你可以舊夢重溫啦:: :
郭怡雅係下星期六15号,有個小學巡禮10：00開始你到時可去睇睇.又可打去學校問下電話係24951922
作者: 樂俊藍媽咪 時間: 07-9-10 20:20
原文章由 PinguLinusLee 於 07-9-10 16:45 硐表
oh~~實在太好了,唔該你呀....你會唔會去睇下呀.
唔冼客氣:loveliness: 不過我唔得行去:cry: 我要夜晚6:00至返去.
我以前逢星期五返去住兩晚,星期日晚走,但個女而家星期六學琴,所以星期六至返,如果有機會大家約一齊出來見見面.
作者: CYmami 時間: 07-9-13 15:09 標題: (66) 青衣小學
看到呢個Topic好開心,因為我仔仔明年讀小一,現在為選校煩惱 , 因我對青衣學校不太熟識 !
我想問青衣小學OK嗎? (66)
保良局世德小學 / 聖公會何澤芸小學 / 陳溢小學 / 青衣主恩小學 / 青衣邨何澤芸小學 / 以上幾間小學, 你們會如何排列呀 ?
謝謝幫忙 !
作者: raulsing 時間: 07-9-15 16:04 標題: 青衣選校
Hi,
小兒是世德今年畢業,好開心脫離這學校,校長及老師都不進取,
校長更加討厭,只要FACE,為學生實質做的不多,經常說自己是
"名校",我都不明什麼"名?"如果要好成績,我相信一定要學生
和家長們的努力在外學習才可.否則此校一定不足夠.
不過只是本人的經驗和分享,最終請自行決定...
原文章由 CYmami 於 07-9-13 15:09 硐表
看到呢個Topic好開心,因為我仔仔明年讀小一,現在為選校煩惱 , 因我對青衣學校不太熟識 !
我想問青衣小學OK嗎? (66)
保良局世德小學 / 聖公會何澤芸小學 / 陳溢小學 / 青衣主恩小學 / 青衣邨何澤芸小學 / 以上幾間 ...
作者: stephanieching 時間: 07-9-15 19:18
raulsing,
請問世徳真是咁差嗎, 不是好多人爭住入嗎 !
作者: CYmami 時間: 07-9-17 13:48 標題: 東華三院周演森小學
東華三院周演森小學
東華三院周演森小學又如何 ??
請問有冇媽咪可以給予意見 ?? 謝謝 !!!
作者: 君瑤媽 時間: 07-9-17 14:08
原文章由 CYmami 於 07-9-17 13:48 硐表
東華三院周演森小學
東華三院周演森小學又如何 ??
請問有冇媽咪可以給予意見 ?? 謝謝 !!!
東華三院周演森小學又如何 ?? 對我黍講佢得分係 十萬個bad
話說機早3年前我女女剛入讀小一, 但一年後我雞咁腳走都走切, 因而間學校d老師和(當時)校長(唔知而家有無轉了人, 真真唔掂當, 老師無愛心, 唔出事都唔會同家長聯絡, 出左事喇, 又只會賴某一個小朋友, 一d 都唔公平,..... 講起都仲嬲緊!!
二年班呀女轉左校都仲有佢既壞習慣, 但一路一路睇住佢有進步, d老師又好關心學生, 不知幾開心
作者: stephanieching 時間: 07-9-17 18:29
我想請問各位, 我想問青衣的中學是否全部Band 5, 就算我囡囡萬一在青衣讀到好的小學 (如世德, 主思), 但將來派去青衣或葵青Band 5 中學咁點算好 !
作者: easonkinki 時間: 07-9-19 00:49
天主教母佑會蕭明中學
| 15 |
中華傳道會安柱中學
| 12 |
佛教善德英文中學
| 8 |
順德聯誼會李兆基中學
| 5 |
荃灣官立中學
| 3 |
聖公會林護中學
| 2 |
保祿六世書院
| 2 |
賽馬會體藝中學
| 1 |
聖保祿中學
| 1 |
升入部份中文中學 | 人數 |
保良局八三年總理中學
| 10 |
樂善堂梁植偉紀念中學
| 15 |
東華三院吳祥川紀念中學
| 14 |
皇仁舊生會中學
| 7 |
中華基督教會全完中學
| 5 |
東華三院陳兆民中學
|
呢d係葵青區的學校,其實小朋友讀到書到時中學都大個唔怕去遠d讀,青衣去葵涌都好近,不過青衣83都係好學校
作者: Abbie媽咪 時間: 07-9-19 01:32
君瑤媽,
我正為大女兒選校而張羅緊! 可否分享多些你的經驗, 之前都聽過呢間學校的負面消息, 但都只是道聽途說, 對佢印象唔太好!
過去的一個星期我同老公睇過三間學校 (陳溢, 世德, 周演森), 亦與不同的校長/老師傾過偈, 了解各學校不同之處, 我倆都好鍾意周演森喎! 唯一擔心係升中銜接問題
上週日周演森有個小學校園體驗日, 我的兩個小朋友去試課, 玩得好開心o 校舍大唔在講 (原本係中學後改建為小學, 所見設備很完善), 女校長姓劉都幾好傾, 幾有 heart (佢自己話入黎一年了, 而校訊透露佢約十年前係黃士心做過, 應該唔係你果時果個吧! ), 當日所見d老師都幾ok, 而學生又幾有禮喎! (不過, 出得黎見人, 都應該揀過下啩!)
原文章由 君瑤媽 於 07-9-17 14:08 硐表
東華三院周演森小學又如何 ?? 對我黍講佢得分係 十萬個bad
話說機早3年前我女女剛入讀小一, 但一年後我雞咁腳走都走切, 因而間學校d老師和(當時)校長(唔知而家有無轉了人, 真真唔掂當, 老師無愛心, 唔出 ...
[ 本文章最後由 Abbie媽咪 於 07-9-19 01:44 編輯 ]
作者: Abbie媽咪 時間: 07-9-19 01:43
週六去完世德開放日我都唔考慮 luo:tongue:
之前都聽有個畢業生家長對呢間學校都不太滿意, 而週六我所見正如 raulsing 所講, d 老師各自為政, 互不清楚, 問多幾句只會叫人去 hall 睇展板及問那兒的主任, 點知上到去老師都唔見多個, 問乜呀! 個校長只是行行企企, 不願與人交流 (可能以為自己係名校有"射"自然香啩, 唔駛點講都有人黎讀啦! 咁攪乜鬼開放日喎
) !
原文章由 raulsing 於 07-8-26 23:30 硐表
我是過來人(小兒在世德讀小學,今年畢業,終於脫離這間學校)
希望你們小心選擇,因為6年小學真是好重要.
我們在這裡的課堂學到的知識實際不多,真的要靠在外找額外課程
補充,否則一定不足夠.如果小朋友有特別天份,學校不 ...
作者: NandM 時間: 07-9-19 10:02
我囡囡今年選小一, 都一定唔會選世德, 感覺佢地太 "hill" 啦. 亦都唔想囡囡及自己有太大壓力.
作者: stephanieching 時間: 07-9-19 10:14
聴你哋講, 世德真是麻麻喎 ! 我上星期去咗嶺南大學同學會直資小學參觀推介會, 我對呢間學校印象幾好, 雖然不是名校, 但佢哋對小朋友好關懷好用心, 的教學法是用遊戲形式, 又小班教學 (一班得22人), 學費又平 , 青衣又有校車!
連世德呢間算出名是小學都麻麻, 看來, 我可能會考慮放棄大抽獎的機會了 !
作者: easonkinki 時間: 07-9-19 14:15
我仔而家讀卓思,雖然仲有幾年先升小一,但都煩緊小學,因為唔想佢日日都要坐車返學,所以想近返佢幼稚園
作者: Elsamouse 時間: 07-9-19 14:35
咁陳溢又如何?聽聞冇咁多功課wor
我主力睇直資,私立,所以對津校唔多認識,宜家聽你地講,連數一數二的世德都"巴不得脫離", 咁我仲有咩選擇
作者: tammywong21 時間: 07-9-19 14:54
好少人談論青衣邨何澤芸,其實可否給何澤芸一些意見?
作者: Abbie媽咪 時間: 07-9-20 00:39
約在上年學期尾帶大女兒去過青衣邨何澤芸開放日, 大部份入場的都是學校本身學生, 於不同的課室/特別室內設有攤位遊戲, 相信那次不是針對小一升學而攪的 Hard-sell 會吧o
這是我倆第一次參觀小學, 當時感覺良好, 學生表現有自信 (因大部份特別室由學生 present, 英語室更全用英語介紹及玩遊戲講故事等, 雖然用字或文法偶有出錯, 但以小學生而言, 表現算是不錯的了o), 而我亦有問在場家長意見 (其兒子現正就讀此校), 他極力推薦, 而且高度表揚老師很有愛心, 言談間得知他是基督徒, 未知會否有 bias 呢?
我暫不揀此校原因是老公不想女兒坐校車上學, 不希望天天花太弘時間在校車內, 倒不如利用此等時間作天有意義的親子活動); 而自己的宗教信仰不一樣, 都有些擔心將來女兒在老師或同學的薰陶下會與我相處起衝突o
原文章由 tammywong21 於 07-9-19 14:54 硐表
好少人談論青衣邨何澤芸,其實可否給何澤芸一些意見?
作者: Abbie媽咪 時間: 07-9-20 01:03
今早我兩公婆又出發去參觀長享邨何澤芸!
第一次去這間學校, 雖然係90年代校舍規格, 但因應需要在主翼旁擴建了一幢6層樓高的新翼, 主要係特別室 (設施同周演森相似有如中學)o 加建了新翼, 仍覺寬闊, 而且空氣很好o 這所學校每級有5班, 每班至少30人, 即全校有成千人, 算大校, 所以早會/小息/午飯時段的場地分配都要好小心, 分開級/班輪流使用o
由於到埗時正是小息時間, 所見學生都很有禮會點頭叫校長o 王校長 (又是女性, 所到過的青衣區小學校長都是女性
) 約略介紹了學校概況, 亦提到該校成為全港首八間資優教育課程的核心學校, 真的能做到拔尖補底......o 其餘大致與其他學校相若o 上年升中派位亦很理想o
我所考慮的是要坐校車 (我住青華苑, 校長話青華苑最方便最快因上學是尾站, 放學是首站--此問題現看似不太大了); 另, 這所學校乃基督教學校, 與我的宗教不同
亦是猶豫的原因之一o
女人真係多心, 之前睇完周演森已覺得幾好, 而家見完長享邨何澤芸都唔細, 而有個朋友的兒子今年亦升讀此校小一, her husband 响第二間非青衣區的小學任教師, 相信對不同學校的運作有一定的認識, 揀得俾個仔都應該幾好或有相當的期望啩? 不過他們是基督徒, 無我咁煩, 易d挑選吧! 而且升中派位有一定保證又有些心動 tim! 唉!......點揀好呢?
作者: easonkinki 時間: 07-9-20 14:53
我都好煩惱,因為我要決定讀邊間學校而搬去邊到住,我嫁左之後住觀塘,但娘家向青衣,觀塘學校唔熟,所以比仔仔向青衣讀,我又係唔想仔仔日日坐校巴,之前我仲諗住比仔仔讀世德但聽完d媽咪講之後就唔想簡,好多人話仁紀都好好,係咪好過何澤芸?
作者: sara222 時間: 07-9-20 15:19 標題: 青衣區小學一問
HI, 各位你好,
我想請問"保良局陳溢"依家好唔好?
作者: 豬囡媽咪 時間: 07-9-20 16:54
之前我參觀過一些青衣區小學，我們喜歡青衣主恩，地理高而靜，對孩子讀書不錯。老師很細緻解答，印象良好。
作者: 亞薛 時間: 07-9-20 19:36
陳溢其實都是一間好學校，不過被屋村包圍，覺得黑沉少少，開放日老師、校長、同學仔都好好，大家好努力，校舍是舊了少少，如果它是一間新校舍，我想很多家長都會選陳溢，不過它都是我考慮的一間
原文章由 sara222 於 07-9-20 15:19 硐表
HI, 各位你好,
我想請問"保良局陳溢"依家好唔好?
作者: 亞薛 時間: 07-9-20 19:38
仁紀一定好過何澤芸
原文章由 easonkinki 於 07-9-20 14:53 硐表
我都好煩惱,因為我要決定讀邊間學校而搬去邊到住,我嫁左之後住觀塘,但娘家向青衣,觀塘學校唔熟,所以比仔仔向青衣讀,我又係唔想仔仔日日坐校巴,之前我仲諗住比仔仔讀世德但聽完d媽咪講之後就唔想簡,好多人話仁紀都好 ...
作者: judywan 時間: 07-9-20 23:37
原文章由 亞薛 於 07-9-20 19:38 硐表
仁紀一定好過何澤芸
同意，但仁紀讀書會伸苦D。:-|
作者: tammywong21 時間: 07-9-22 01:28
有沒有現在讀緊青衣邨何澤芸,可否給些意見?
作者: tammywong21 時間: 07-9-22 01:28
有沒有現在讀緊青衣邨何澤芸,可否給些意見?
作者: 亞薛 時間: 07-9-22 10:57
其實有邊間學校唔辛苦，太自由、無壓力，你可能同其他太太們閒聊時，發覺自己小朋友好似好多唔識，到時你又擔心
原文章由 judywan 於 07-9-20 23:37 硐表
同意，但仁紀讀書會伸苦D。:-|
作者: judywan 時間: 07-9-22 11:39
原文章由 亞薛 於 07-9-22 10:57 硐表
其實有邊間學校唔辛苦，太自由、無壓力，你可能同其他太太們閒聊時，發覺自己小朋友好似好多唔識，到時你又擔心
所以，為小朋友搵學校真係幾頭痛。。。。
作者: Jennie 時間: 07-9-22 13:58
原文章由 tammywong21 於 07-9-22 01:28 硐表
有沒有現在讀緊青衣邨何澤芸,可否給些意見?
聽街坊講覺得何澤芸英文淺, 但d 人鍾意山上o既何澤芸, 讀得愉快, 仲有資優教育, 聽落都唔錯. 主恩響島上叫做好好o既學校. 但都係比較谷.
而島上o既保x局小學比人睇落太商業化, 好成績學校會關心, 其餘都唔太理會學生感受.
但仁紀平均起碼40人/班, 我覺得小一咁多人, 老師難以照顧. 若果小朋友自理能力上無乜問題, 咁大班教學都無乜問題.
觀塘區都好多好選擇, 如藍田循道/油塘基顯都唔錯.
[ 本文章最後由 Jennie 於 07-9-22 14:01 編輯 ]
作者: 樂俊藍媽咪 時間: 07-9-23 23:12
原文章由 Jennie 於 07-9-22 13:58 硐表
聽街坊講覺得何澤芸英文淺, 但d 人鍾意山上o既何澤芸, 讀得愉快, 仲有資優教育, 聽落都唔錯. 主恩響島上叫做好好o既學校. 但都係比較谷.
而島上o既保x局小學比人睇落太商業化, 好成績學校會關心, 其餘都唔太理會 ...
我侄女係山上何澤芸讀,佢之前己同我講話功課做錯咗,比老師拎耳仔,拎到紅晒,（唔只佢一個）,佢呀媽不知幾心痛.
今日呀嫂同我講話老師睇唔起佢.
原因係侄女唔參加牙科同健康檢查,佢一至四年級都無參加,所以今年都無,老師就好惡問我侄女做乜唔參加,係唔係窮得咁更要連廿元都比唔起,跟住就打电比佢媽咪,話出面睇牙好貴,檢查身体又好貴,呀嫂話佢爸爸公司有免費身体檢查,咁老師又話睇牙好貴每次幾佰要佢參加,呀嫂話佢比得起,三個仔女從來無參加過,重乜係要佢參加.我個人覺得,人地搵到錢又唔使交租你理得佢參唔參加.都唔知b老師點解會咁.
作者: CYmami 時間: 07-9-24 14:34
比老師拎耳仔拎到紅晒,真係好心痛wo !
不如我們排列一下各學校的特色,好處及懷處, 作為各家長參考 :
1) 青衣邨何澤芸 : 英文淺但讀得愉快 / 在場家長極力推薦, 高度表揚老師很有愛心 /
2) 保良局陳溢 : 校舍舊老師好好 / 冇咁多功課 /
3) 長亨村何澤芸 : 課做錯拎耳仔 / 該校成為全港首八間資優教育課程的核心學校, 真的能做到拔尖補底
4) 保良局世得 : 太商業化,好成績才會關心 / 感覺太"hill"太大壓力 / 老師各自為政不願與人交流 /
5) 主恩 : 好學校但比較谷 / 老師細緻解答印象良好 /
6) 周演森 : 校長幾好傾幾有heart / 十萬個bad校長唔掂當老師無愛心 /
7) ...
作者: CYmami 時間: 07-9-25 13:54
各家長, 請幫忙排列及加入一下你們認知各學校的特色,好處抑或懷處, 作為給予其他家長參考之用 : -
1) 青衣邨何澤芸 : 英文淺但讀得愉快 / 在場家長極力推薦, 高度表揚老師很有愛心 /
2) 保良局陳溢 : 校舍舊老師好好 / 冇咁多功課 /
3) 長亨村何澤芸 : 功課做錯拎耳仔 / 該校成為全港首八間資優教育課程的核心學校, 真的能做到拔尖補底
4) 保良局世得 : 太商業化,好成績才會關心 / 感覺太"hill"太大壓力 / 老師各自為政不願與人交流 /
5) 主恩 : 好學校但比較谷 / 老師細緻解答印象良好 /
6) 周演森 : 校長幾好傾幾有heart / 十萬個bad校長唔掂當老師無愛心 /
7) ???
作者: 愛港士 時間: 07-9-26 23:45
請問對青衣北的呂小和黃士心有何評價？
作者: Abbie媽咪 時間: 07-9-27 02:20
仲有幾日 28/9 開始交表, 大家下定主意未呢?
我老公已經敲槌入表周演森, 事實自己都好鍾意間校舍, 又大又近, 曾經同該校家長傾過都有好 positive feedback, 佢亦提到新校長入職第二年, 正開始推行新改革, 希望老師能與她同一步伐並持之以恆做得更好喇! 唯一擔心係升中派位資料太少, 對未來前景不明朗
另一所學校, 都想同大家分享下, 就係 青衣商會 (雖然我唔認同幼稚園方面的處事手法), 聽過個新校長 (余校長-又係女性) 幾個講座, 覺得佢好鍾意同家長分享教育心德, 好欣賞佢果套獨特創新嘅方法去教小朋友, 好有抱負好有心去攪好間學校; 但可惜又係舊校舍 (雖然已好努力不斷改善課室及特別室的裝修使色彩繽紛, 吸引小朋友), 而我個人認為最大問題係只得一班, 隨時有殺校危機
=============================
各家長, 請幫忙排列及加入一下你們認知各學校的特色,好處抑或懷處, 作為給予其他家長參考之用 : -
1) 青衣邨何澤芸 : 英文淺但讀得愉快 / 在場家長極力推薦, 高度表揚老師很有愛心 /
2) 保良局陳溢 : 校舍舊老師好好 / 冇咁多功課 /
3) 長亨村何澤芸 : 功課做錯拎耳仔 / 該校成為全港首八間資優教育課程的核心學校, 真的能做到拔尖補底
4) 保良局世得 : 太商業化,好成績才會關心 / 感覺太"hill"太大壓力 / 老師各自為政不願與人交流 /
5) 主恩 : 好學校但比較谷 / 老師細緻解答印象良好 /
6) 周演森 : 校長幾好傾幾有heart, 升中前途資料太少, 不明朗 / 十萬個bad校長唔掂當老師無愛心 /
7) 青衣商會 : 校長肯與家長溝通, 教學理念好; 舊校舍, 每級只開得一班, 除時有殺校危機
[ 本文章最後由 Abbie媽咪 於 07-9-27 14:24 編輯 ]
作者: CYmami 時間: 07-9-28 13:14
今日交表, 祝各位好運 !
作者: JENNYKEUNG 時間: 07-9-28 15:06
請問有冇家長聽聞過 ' 荃灣商會小學 ' 在青衣村. 這間學校如何 ?
作者: Jennie 時間: 07-9-28 16:16
原文章由 樂俊藍媽咪 於 07-9-23 23:12 硐表
我侄女係山上何澤芸讀,佢之前己同我講話功課做錯咗,比老師拎耳仔,拎到紅晒,（唔只佢一個）,佢呀媽不知幾心痛.
今日呀嫂同我講話老師睇唔起佢.
原因係侄女唔參加牙科同健康檢查,佢一至四年級都無參加,所以今年都無,老師 ...
其實我真係覺得間間學校無論名校/ 3流學校都一定有呢d 老c. 真係唔知點解做老師會做到咁. 呂明才我見佢post 出來升中派位好多都係升返中中呀咋喎...
| 歡迎光臨 教育王國 (/) |
Powered by Discuz! X1.5 |