教育王國

標題: 有問題請教007/各位天水圍元朗媽咪請進 [打印本頁]

作者: fionlai60 時間: 07-8-9 18:10 標題: 有問題請教007/各位天水圍元朗媽咪請進

你好.007.請問:
1. 問過學校,(此小學係天水圍都幾好的)我囡囡屬band1學生,但係是band1中下游學生.所以吾知好吾好幫佢選英中,怕佢追得辛苦,你認為佢咁的成績,我應選中中定英中會好D呢?

2. 如果xx英中,佢所屬banding是band1尾-band2頭,但uu中中, 佢所屬的banding是band1中的.咁請問我該如何決定??要間
差D的英中/定係寧願要間好D的中中呢?

3. 咩吾係所有英中都有band1學校咩?

4. 點解我見有d英中,佢地收生有97%band1學生,但有3%是
band2學生呢?咩吾係所有英中都是收band1學生嗎?

5. 尋日睇tv話而家會考英文"甲.悅"會合併計分,咁是否對中中學生吾係咁好呢?我應否選英中好d呢?

5. 好多中中在中四先轉用英文教學,讀2年就要會考.其實比起英中一入去巳用英文教學好似差D,起碼人地都讀左英文成5年先會考.我是否應選英中呢?

7. 可否介紹下英中同中中的分別??

吾好意思咁多問題!因我趕住要填寫頭五間志願比老師.下星期交.

[ 本文章最後由 fionlai60 於 07-8-9 21:24 編輯 ]

作者: 櫺囹桼 時間: 07-8-9 21:29

原文章由 fionlai60 於 07-8-9 18:10 發表
你好.007.請問:
1. 問過學校,(此小學係天水圍都幾好的)我囡囡屬band1學生,但係是band1中下游學生.所以吾知好吾好幫佢選英中,怕佢追得辛苦,你認為佢咁的成績,我應選中中定英中會好D呢?

2. 如果xx英中,佢所屬 ...

fionlai60：
1)
天水圍(元朗區)英中比例較少(約3個band1生爭一席位)，所以以你囡囡成績入到英中都可能比較追得辛苦(因老師唔會為一少撮人影響進度)…
2)
所謂band1尾英中(所指都係“同區”比較冇咁受歡迎之英中、或者成績比“同區”其他英中稍遜…)，但元朗英中咁少，幾本上唔優嫁，任何一間都係咁多人爭！
3)
理論上全港11x間津貼英中都屬band1(部份家長誤解要足99.99先算純金或純band1中學)
4)
部份英中有直屬、聯繫小學，收左幾個巴仙直屬聯繫小學band2生不足為奇；另外自行收生時亦會考慮一d體藝上有超卓成績之band2生！
5)
合併英文試卷是大勢所趨無可避免，當然以一間band3中學而言是比較痛苦，但對於一間band1中中則而言可能是一件禮物！
6)
不是所有中中於中四、五轉用英語的，要視乎學生素質而定…有些中學全部轉，有些中學分班轉…用英語之中學睇落成績比較好(因為英中絕大部份收F1生時揀哂最優秀(當時來說)之學生…而中中不是沒睇頭，單看今屆十四歲女神童就知道！(居住元朗之女神童何凱琳都入唔到英中(只入到第二志願之盧軒庭)...中中又不是同樣可以出人頭地！)
7)
中中先甜後苦(甜是容易明白教學內容，有好多時間思考，苦是高中時追英文、轉用英文問題…)；而英中先苦後甜(若是一開始就全英語，查字典都查唔切，又唔夠時間思考，甜是習慣了英語，高中及再升學當然著數一點！)
007

作者: fionlai60 時間: 07-8-9 22:39

多謝你的解答,但還有些不明:
1.照你分析,囡囡成績入到英中都可能比較追得辛苦…咁我是否應選中中,等佢先甜後苦,容易明白教學內容，有多d時間思考好d呢?

2. 合併英文試卷點解會對於一間band1中中而言可能是一件禮物??

3. 其實點解咁多人都咁想入到英中呢？除左可以早ｄ接觸英文教學外．仲有咩好處呢？

４．照你所講，英中同中中的分別好似只係先甜後苦，定係先苦後甜我分別．仲有其他分別嗎？？
　
５．如果我選band1中中,以囡囡成績,咁我選band1中中的頭/中/尾邊個機會會大d入到呢?

thank you very much!!!

[ 本文章最後由 fionlai60 於 07-8-9 22:48 編輯 ]

作者: 櫺囹桼 時間: 07-8-9 22:57

多謝你的解答,但還有些不明:
1.照你分析,囡囡成績入到英中都可能比較追得辛苦…咁我是否應選中中,等佢先甜後苦,容易明白教學內容，有多d時間思考好d呢?

2. 合併英文試卷點解會對於一間band1中中而言可能是一件禮物??

3. 如果我選band1中中,以囡囡成績,咁我選band1中中的頭/中/尾邊個機會會大d入到呢?

thank you very much!

fionlai60：
1)你自己認為囡囡屬於那一類型？如果死纏爛打唔怕失敗努力應付挑戰~英中都唔驚...如果唔係中中較適合！(升中後只需要睇多d英文電視、書...中中一樣出人頭地！)
2) band3中中合格率低左受益人應該係band1中中(即是及格率高左)...而英中一向都有好高及格率！
3)如果講自行分配學位，當然band1頭比band1中難，而band1中又比band1尾難...(不過自行分配學位最好門當戶對...)；如果講大抽獎頭中尾也沒有分別！
007

作者: LLMUMMY 時間: 07-8-10 10:01

原文章由 櫺囹桼 於 07-8-9 22:57 發表
多謝你的解答,但還有些不明:
1.照你分析,囡囡成績入到英中都可能比較追得辛苦…咁我是否應選中中,等佢先甜後苦,容易明白教學內容，有多d時間思考好d呢?

2. 合併英文試卷點解會對於一間band1中中而言可能是 ...

其實現在很多中中都有很多科目用英文, 但不是100%英文, 可能30%英文, 10個課文有三個課文是英文, 時中時英,其實都幾辛苦

作者: fionlai60 時間: 07-8-10 12:17

oo7:
第一組學生按隨機編號排列,編號排列的第一名學生(李同學)將首先獲發學位。
剩下來排第三的楊同學第一志願選擇D校，但由於該校巳沒有學額
楊同學未獲分配學位。

請問電腦會繼續處理第一組其餘學生待他們的第一志願處理完畢後，才再處理楊同學的申請。還是會處理完楊同學的第二.三志願.待楊同學獲發學位後才再處理其餘第一組學生的第一志願呢?

作者: YINGLAM 時間: 07-8-10 13:22

那元朗/天水圍/屯門區邊間中學是 Band 1 中中呢？

原文章由 LLMUMMY 於 07-8-10 10:01 發表

其實現在很多中中都有很多科目用英文, 但不是100%英文, 可能30%英文, 10個課文有三個課文是英文, 時中時英,其實都幾辛苦

作者: 櫺囹桼 時間: 07-8-10 20:29

原文章由 fionlai60 於 07-8-10 12:17 發表
oo7:
第一組學生按隨機編號排列,編號排列的第一名學生(李同學)將首先獲發學位。
剩下來排第三的楊同學第一志願選擇D校，但由於該校巳沒有學額
楊同學未獲分配學位。

請問電腦會繼續處理第一組其餘學生 ...

fionlai60 ：

中央派位先抽band1第一志願、再抽第二志願...三十志願！直至所有band1生都有學位才到band2學生...如此類推！
007

作者: camey2000 時間: 07-8-11 01:48

Hi fionlai60,
等我過來人比D意見,我仔仔是今年升中一,情況同你差唔多都是band 1尾英文科A,當時班住任已同我地講如果讀英中會好難追,隨時考尾,如果令到學生失去讀書興趣,到時後悔莫及!其實我地從來無打算比囝囝讀英中,因自己都經歷過用英文教學,上堂全英文,加上多左咁多未讀過科目真是好吃力,所以自行及統一都是揀中中.

當時班主任叫我地自行進取D,報一D受歡迎BAND 1 頭中中及一間無咁受歡迎BAND1中至尾中中,到統一再填回自行心水2間及第三志願填一間有潛質BAND 2頭中學,因為如果隨機編號唔好可能會跳到第六,七再後D志願,所以統一唔好頭3間都咁TOP 中中,如果再報分個次試失手跌落BAND 2 頭,到時比D BAND2生派晒D 好BAND 2 頭中學就慘喇!

作者: fionlai60 時間: 07-8-11 10:02

多謝你地的意見!!!我諗我都會選中中.其實我都怕佢讀英中會好難追.

原文章由 camey2000 於 07-8-11 01:48 發表
Hi fionlai60,
等我過來人比D意見,我仔仔是今年升中一,情況同你差唔多都是band 1尾英文科A,當時班住任已同我地講如果讀英中會好難追,隨時考尾,如果令到學生失去讀書興趣,到時後悔莫及!其實我地從來無打算比囝囝 ...

作者: aprilli 時間: 07-8-12 16:11

hello 007 & 各位媽咪,
小女都係天水圍學生,今年升p6.
囡囡本身非主動勤奮之人,但她的目標却是band 1頭的英中,主要原因是她大多數同學亦選擇band 1頭英中,而她參考學校過往派位比例,自覺會入得倒.但作為家長,我就希望選擇有十足把握的中學,最好一撃即中,對她心存僥倖的心態並不認同,就是成功派位,亦擔心她未必能應付.尤其是小學階段屬於成績不錯,但一上中學變包尾大班,恐怕她會對自己信心大失.
小女成績屬band 1中 (全級考30),個人認為揀中中會較輕鬆,但讀書的是她,是否應該由她決定呢?希望大家俾d意見.
我都想知大家選中學的取態是以小朋友意思,還是以自己的經驗為依歸呢?

作者: 櫺囹桼 時間: 07-8-12 22:14

原文章由 aprilli 於 07-8-12 16:11 發表
hello 007 & 各位媽咪,
小女都係天水圍學生,今年升p6.
囡囡本身非主動勤奮之人,但她的目標却是band 1頭的英中,主要原因是她大多數同學亦選擇band 1頭英中,而她參考學校過往派位比例,自覺會入得倒.但作為 ...

aprilli：
小朋友喜歡中中也好英中也好，家長應該按其喜好去選擇學校！(因為讀六年o既係佢...而且都唔好畀機會佢地他日搵藉口！)不過亦需要提醒他們要有心理準備及一份刻苦及堅持心態，否則好易被淘汰！(不過捱過第一年應比較容易應付...到高中就比中中幸福得多！)
不過元朗英中不足...如果自行分配學位恐怕未必咁易考入(一般都需要級內前十名...如體藝有才能才稍鬆一點！)
到大抽獎純粹講運氣，不過元朗區學生只宜搏一至兩間英中！
***派入去同考入去係兩回事！
007

作者: aprilli 時間: 07-8-13 13:56

007,
多謝你的指點,THANKS.
aprilli

作者: Q太郎 時間: 07-8-13 23:40

信義 (天水圍果間)

原文章由 YINGLAM 於 07-8-10 13:22 發表
那元朗/天水圍/屯門區邊間中學是 Band 1 中中呢？

歡迎光臨教育王國 (/)