教育王國
標題: 求下大家教下我點做好,十歲女仲口齒不清...... [打印本頁]
作者: Kristy-mummy 時間: 07-8-8 10:52 標題: 求下大家教下我點做好,十歲女仲口齒不清......
其實一直都發覺亞女說話時,有D音係發得好差,好似星/生/食/施/線/事等,我年年同佢去健康院BODY CHECK時,都有同姑娘講,但佢地都係係咁易比D咭佢讀下D單字,跟住都係話唔係咁大問題,又唔幫佢跟進,年復年,亞女宜家已經10歲,講野越黎越差,好多時人地都聽唔到佢講嘜,要我解話.
但發覺佢講單字時係要好用力先講到個比較準少少GE音出來,但一講多過一個字 OR 句子時,佢就算好比心機好用力都講唔到個正音出來,我好擔心,但又唔知應該帶佢去邊到睇,仲有應搵醫生 OR 言語治療師呢?
唔該大家教下我點做好. :cry: :cry: 
[ 本文章最後由 Kristy-mummy 於 07-8-8 11:27 編輯 ]
作者: kmwun 時間: 07-8-8 11:41
你可以試吓問吓協康會，佢地有言語治療嘅服務，會先做評估。
原文章由 Kristy-mummy 於 07-8-8 10:52 發表 
其實一直都發覺亞女說話時,有D音係發得好差,好似星/生/食/施/線/事等,我年年同佢去健康院BODY CHECK時,都有同姑娘講,但佢地都係係咁易比D咭佢讀下D單字,跟住都係話唔係咁大問題,又唔幫佢跟進,年復年,亞女宜家已 ...
作者: Kristy-mummy 時間: 07-8-8 11:44
Kmwun,
咁請問有無電話 or web site呀? 原文章由 kmwun 於 07-8-8 11:41 發表
你可以試吓問吓協康會，佢地有言語治療嘅服務，會先做評估。
作者: kmwun 時間: 07-8-8 11:48
佢地有好多中心，搵間就近嘅問吓先，d姑娘好nice架
http://www.heephong.org/chi/service/eetc_service.html#eetcaddress
原文章由 Kristy-mummy 於 07-8-8 11:44 發表
Kmwun,
咁請問有無電話 or web site呀?
作者: Kristy-mummy 時間: 07-8-8 15:47
kmwun,
唔該晒,我打左去la,不過個女仔問完我亞女幾多歲就話要搵社工覆我,唔知佢地會唔會覆我呢!:cry:原文章由 kmwun 於 07-8-8 11:48 發表
佢地有好多中心，搵間就近嘅問吓先，d姑娘好nice架
http://www.heephong.org/chi/service/eetc_service.html#eetcaddress
作者: kmwun 時間: 07-8-8 16:30
唔使客氣！唔使担心，佢地會覆嘅，真係收唔到咪過兩日再打去囉。
原文章由 Kristy-mummy 於 07-8-8 15:47 發表
kmwun,
唔該晒,我打左去la,不過個女仔問完我亞女幾多歲就話要搵社工覆我,唔知佢地會唔會覆我呢!:cry:
[ 本文章最後由 kmwun 於 07-8-8 16:58 編輯 ]
作者: Charlotte_mom 時間: 07-8-8 16:53
我前排幫我朋友問姑娘, 佢話佢個女6歲, 有d字唔識發音(錯晒自己都唔覺), 應該點
如娘話, 可以去安排一個評估先(我果個係協康姑娘), 如果one off做一次, 好快就排到, o係呢段期間, 父母可以幫手留意下小朋友有邊d發音做得較差, mark低佢話俾姑娘知
至於治療方面, depends on 情況點樣, 亦要睇下小朋友本身合唔合作, 因為可能有d訓練都會要d耐性, 做多d至有進步, 如果小朋友本身有心去改, 家人又合作, 可能幾個月已然ok晒架喇
俾心機!!
原文章由 kmwun 於 07-8-8 16:30 發表
唔使客廳！唔使担心，佢地會覆嘅，真係收唔到咪過兩日再打去囉。
作者: SandraLo 時間: 07-8-8 22:10
原文章由 Kristy-mummy 於 07-8-8 15:47 發表
kmwun,
唔該晒,我打左去la,不過個女仔問完我亞女幾多歲就話要搵社工覆我,唔知佢地會唔會覆我呢!:cry:
你可以叫學校社工轉介去政府做評估，亦可以揾我地BK嘅言語治療師「稚言稚語」甚至Dr T 問吓！
作者: Kristy-mummy 時間: 07-8-9 12:09
charlotte_mom,
希望亞女好似妳講會好快發得到果d音啦,如果唔係都唔知點算.但今日協康會都未有人覆我:cry:
原文章由 Charlotte_mom 於 07-8-8 16:53 發表
我前排幫我朋友問姑娘, 佢話佢個女6歲, 有d字唔識發音(錯晒自己都唔覺), 應該點
如娘話, 可以去安排一個評估先(我果個係協康姑娘), 如果one off做一次, 好快就排到, o係呢段期間, 父母可以幫手留意下小朋友有邊 ...
[ 本文章最後由 Kristy-mummy 於 07-8-9 12:17 編輯 ]
作者: Kristy-mummy 時間: 07-8-9 12:15
sandralo,
學校社工?嘜可以搵佢地幫手咩?嘜小朋友發音有問題佢地都會理咩?原文章由 SandraLo 於 07-8-8 22:10 發表
你可以叫學校社工轉介去政府做評估，亦可以揾我地BK嘅言語治療師「稚言稚語」甚至Dr T 問吓！
作者: Charlotte_mom 時間: 07-8-9 12:20
你試下打多次電話去follow up? 如果你話想先做一次評估, 時間易就好多.............因為做訓練要fix個時間俾你, 可能仲係non office hour, 都要排幾個月架!
原文章由 Kristy-mummy 於 07-8-9 12:09 發表
charlotte_mom,
希望亞女好似妳講會好快發得到果d音啦,如果唔係都唔知點算.但今日協康會都未有人覆我:cry:
作者: chloecst 時間: 07-8-10 19:23
好多小學都有"購買"言語治療服務, 係教統局呢2年新的服務, 所以可以問下小學的社工, 但係訓練可能會少. 或者再打去協康, 或者可以搵其他機構/私人中心, 版面有言語治療的資料可以參考.
如果只是發音的問題, 不用太擔心的.
作者: Kristy-mummy 時間: 07-8-11 11:42
charlotte_mom,
前日個社工終於打左比我la,佢都係叫我fax張form申請做評估先,再由言語治療師評估做言語治療是否合適,但最快都要排3個月.:-| 於是我都係聽有mummy教,搵左學校幫手聯絡社工,下個星期一會覆我,所以我決定等學校覆左我幫唔幫到忙,先再決定要唔要搵其他機構幫手.無論如何都多謝大家回答我問題.無言感激~~~ 原文章由 Charlotte_mom 於 07-8-9 12:20 發表
你試下打多次電話去follow up? 如果你話想先做一次評估, 時間易就好多.............因為做訓練要fix個時間俾你, 可能仲係non office hour, 都要排幾個月架!
作者: Kristy-mummy 時間: 07-8-11 11:46
chloecst,
如果正如你話發音問題唔洗咁擔心,即唔難醫咁就好la,我真係唔想亞女成日比人笑佢講野一舊舊.:cry:原文章由 chloecst 於 07-8-10 19:23 發表
好多小學都有"購買"言語治療服務, 係教統局呢2年新的服務, 所以可以問下小學的社工, 但係訓練可能會少. 或者再打去協康, 或者可以搵其他機構/私人中心, 版面有言語治療的資料可以參考.
如果只是發音的問題, ...
作者: Charlotte_mom 時間: 07-8-11 13:51
如果你就到平日office hour, 或者平日放左工時間, 唔駛排咁耐架~~我而家同仔仔去做言語治療, 都係平日6pm, 放左工就可以
我唸小朋友會需要d口肌訓練啦! 治療師會識安排架喇(我個仔都做緊因為有d發音佢有困難), 都係果句啦, 小朋友有心去改(你個女十歲, 應該醒過我個仔3歲啦, 佢都唔知做咩!), 再加家人合作, 進步可以好快架
你都要同女女傾下, 令佢明白你地係幫緊佢, 始終呢個年齡女仔, 可能開始唔鐘意俾大人擺佈, 或者已經大個怕人會笑佢, 你同佢準備下啦
原文章由 Kristy-mummy 於 07-8-11 11:42 發表
charlotte_mom,
前日個社工終於打左比我la,佢都係叫我fax張form申請做評估先,再由言語治療師評估做言語治療是否合適,但最快都要排3個月.:-| 於是我都係聽有mummy教,搵左學校幫手聯絡社工,下個星期一會覆我,所 ...
作者: christyts 時間: 07-8-11 18:31
原文章由 Kristy-mummy 於 07-8-8 10:52 發表
其實一直都發覺亞女說話時,有D音係發得好差,好似星/生/食/施/線/事等,我年年同佢去健康院BODY CHECK時,都有同姑娘講,但佢地都係係咁易比D咭佢讀下D單字,跟住都係話唔係咁大問題,又唔幫佢跟進,年復年,亞女宜家已 ...
星/生/食/施/線/事,都是廣東話拼音中的磨擦音和塞擦音(如s, ts, dz)，關乎舌尖和前齒的觸碰控制力。小朋有的舌肌自控能力不夠強或不懂得控制發音時送氣不送氣，都會對影響發音。其實這些輔音約6歲時應已獲得，如10歲仍未能掌握是有接受言語治療的需要。而一般有認真推行學習資援的小學，每年都有進行語能甄別測試，照道理小妹妹應會從學校獲得測試及言語治療服務，你是絕對有權利向校方追問有關支援的！另一方面建議如經濟許可，可尋求坊間言語治療師協助，以免影響學童的表達能力、社交技巧及自我觀。
此外，聖雅各福群會有舉辦關於言語治療輔導課程，很多有需要的家長都有報讀。親身體驗過，幫助實在很大。
切記雖然言語治療越早開始越有效，但Never too late, 只要對症下藥，我眼見很多學童的進步是很大的！
作者: chloecst 時間: 07-8-11 20:31
我仔仔有自閉症同發展遲緩, 由3歲幾都唔識講野到依家7歲總算可以讀普通小學(其實都擔心), 其中治療師都有教他發音, 比起學語言表達, 發音的進展比較快. 而且聽我個st講, 一般發音問題由最短10堂到1年都會做完訓練, 所以只是發音的話不用太擔心, 但係要留心會唔會影響社交及自信.
小學都會有治療的, 不過最少要等到9-10月開學先有, 而且堂數可能會少. 但係最緊要係家長幫手在家做訓練, 你女女有得見ST時你都要盡量出席呀.
作者: Charlotte_mom 時間: 07-8-12 13:02
係啊, 其他言語治療師都對症下藥, 搵arm小朋友需要d咩訓練, 都識之後, 就要靠自己/家長幫手返屋企做練習喇, 始終個治療師, 對住小朋友只係短餖幾十分鐘, 無可能咁就攪掂既!
所以記住你都要盡量出席"受訓"呢~~
原文章由 chloecst 於 07-8-11 20:31 發表
我仔仔有自閉症同發展遲緩, 由3歲幾都唔識講野到依家7歲總算可以讀普通小學(其實都擔心), 其中治療師都有教他發音, 比起學語言表達, 發音的進展比較快. 而且聽我個st講, 一般發音問題由最短10堂到1年都會做完訓 ...
作者: Kristy-mummy 時間: 07-8-13 10:14
charlotte_mom,
我一直都有同亞女傾,話比佢知點解我成日都要佢反覆講同一個字或句子,起初佢都好反感,唔係幾合作,仲成日都發"紋憎",攪到大家成日都唔開心,但最近佢可能都感受到好多時其他人都聽不懂佢講嘜,有d唔開心,所以佢開始合作左,同一個字就算我反覆要佢講好多次,佢都無發"紋憎",只是我有時見到佢力不從心,好比心機都講唔到個音出黎時,我反而鄧佢難受.:cry: 希望到時見埋言語治療師之後,真的可以幫到佢就好.:cry:
Christyts,
如妳所說,我是否應該在得到學校支援之前,先尋求坊間言語治療師協助比較好?
另外我想問有關聖雅各福群會有舉辦的言語治療輔導課程,我可從那裡得知呢?
對唔住,我真的太多問題,但我真的從無諗過自己女兒會有咁多奇難雜症,我真我束手無策.:cry:
原文章由 christyts 於 07-8-11 18:31 發表
星/生/食/施/線/事,都是廣東話拼音中的磨擦音和塞擦音(如s, ts, dz)，關乎舌尖和前齒的觸碰控制力。小朋有的舌肌自控能力不夠強或不懂得控制發音時送氣不送氣，都會對影響發音。其實這些輔音約6歲時應已獲得 ...
作者: Charlotte_mom 時間: 07-8-13 13:58
言語治療師當然識得多過我地啦
我見仔仔有時做d治療, 或者話, 姑娘話佢做唔到要加強訓練既野, 有時真係我估都估唔到, 例如要求佢訓低吹氣要個膊頭唔郁, 或者要佢吹bubbles, 或者要佢咬住支膠唔郁, 或者用支笛引佢咬下唇........呢d都係我地做家長唸都唸唔到既野, 所以點解佢地收得咁貴, 一定有原因既
姑娘會有方法去assess究竟問題o係邊(eg口肌發展? 個咢無力? 唔識運氣?), 再用適當既方法去教佢點改善, 姑娘話, 佢讀大學時, 有d同學, 讀醫科or讀法律, 咁大個人至發現自己有d字發錯音(人地唔講自己都唔知呢!)到時要改仲難呀.....
所以, 你應該贊下自己, 咁留意自己女女成長呢
! 俾心機呀!
原文章由 Kristy-mummy 於 07-8-13 10:14 發表
charlotte_mom,
我一直都有同亞女傾,話比佢知點解我成日都要佢反覆講同一個字或句子,起初佢都好反感,唔係幾合作,仲成日都發"紋憎",攪到大家成日都唔開心,但最近佢可能都感受到好多時其他人都聽不懂佢講嘜,有 ...
作者: christyts 時間: 07-8-13 23:39
如果小妹妹經已10歲，而言語上並非只是個別音素的錯誤發音，而且與他人溝通都有不清楚的情況出現，就建議你可以考慮參予坊間o既言語治療服務。因為，假設小妹妹經已小五，而等候學校安排語能測試和治療安排其實是頗需時的。據經驗，保守估計在小妹妹畢業前，校方可能只可以提供半個至一個學年的免費言語治療服務，而每次大約為時20-30分鐘。所以請小心考慮時間與果效作決定。
charlotte_mom所舉的治療活動例子，正正就是私人言語治療所有而校內言語治療沒有提供的，而且，通常家長都少有機會接觸校內的言語治療師作個別詢問的。
相關的課程資料已PM給你，請有心理準備，課程內容和考核是有一定深度的。但對於日後在家裡為小妹妹持續練習是十分實用的。
其實言語障礙並不是什麼奇難雜症，一般來說經過言語治療後很多小朋友的語言能力是有很大重步的。切莫過份擔心！你是一個願意為子女付出精神和心血的好媽媽，加油！
作者: SandraLo 時間: 07-8-15 17:43
原文章由 Kristy-mummy 於 07-8-13 10:14 發表
charlotte_mom,
我一直都有同亞女傾,話比佢知點解我成日都要佢反覆講同一個字或句子,起初佢都好反感,唔係幾合作,仲成日都發"紋憎",攪到大家成日都唔開心,但最近佢可能都感受到好多時其他人都聽不懂佢講嘜,有 ...
讚自已之外，記得俾阿女多d 鼓勵，讚佢多d，信心好重要！
| 歡迎光臨 教育王國 (/) |
Powered by Discuz! X1.5 |