何文田維記 - 升K3傾傾

Cyrusmum

等我報到先! Thanks, SybilChang!

Cyrusmum

nokmom,

Cyrus舊年暑假都有學過, 佢都鐘意, 比小朋友學吓平行都好架!過暑假過後, 我就冇比佢學啦!

原文章由 nokmom 於 07-8-2 14:19 發表
Hi everyone,

好多日無上來了.  Thanks Sybil.

你地有無比小朋友學溜冰呀? 今早帶諾諾去太古城, 佢見到小朋友學好似幾有興趣, 佢話想學溜冰多過學游水..:tongue: 係咪又一城比較好?

Cyrusmum

nokmom & fiancawong,
我要報定案先! 因為我哋屋企今個星期有人嚟整窗台漏水既問題, 原本只係一至五開工, 但點知今日管理處話如果進度理想, 有可能星期六都要整埋, 咁跟住就可以拆埋個棚, 所以我哋有機會到時嚟唔到, 不過啲幾日都會有雨, 佢哋可能未必可以咁快手!

Cyrusmum

我從未話過比思翰聽, 所以佢都唔知發生乜事!   不過今日打風, 所以工程又被延誤, 咁樣星期六我哋應該多數出席到啦!

nokmom,
係啊! 啲排都聽到有幾多小朋友發燒, 希望妹妹快啲冇事, 精精神神啦!

Cyrusmum

聽日睇嚟啲工程都唔會進行到, 咁如果帕布一走, 咁大家就可以見面啦!

Cyrusmum

多謝各位aunties既讚美!
希望聽日好天, 等大家可以一齊玩啦!

Cyrusmum

多謝nokmom好介紹, 琴日嗰度雖然係遠咗啲, 但對小朋友嚟講都好好玩, 不過如果可以玩長啲就仲好啦!

Cyrusmum

英華明年轉直資一條龍
因應男生發展速度 改訂3個「4年課程」 2007年8月21日


【明報專訊】名男校英華書院及英華小學將於明年9月轉為一條龍直資學校。中、小學研究配合男生發展較慢，靈活安排學制年期，由中、小學各6年，改為分3個階段，每階段4年制課程，小學每年學費1.5萬元。

一條龍資助英中 全港只剩一所

英華書院及英華小學本周將刊登廣告，正式公布轉直資的安排，今年9月入學升讀中學或小學的學生均不受影響。2008年升讀該校中一及小一便需繳交學費。英華轉為直資後，全港的一條龍資助英文中學，只餘嘉諾撒聖瑪利書院，其「龍校」小學分別為嘉諾撒聖瑪利學校及天神嘉諾撒學校。

英華書院校長兼英華小學校監李志華表示，為配合轉一條龍直資，兩校已成立一個研究學制課程發展的8人核心小組，又因應專家意見及學生需要，將整個中、小學教學分成3階段。他解釋，6至10歲、10至14歲及14至18歲的男生，均有明顯不同的特色，如14歲後往往潛能發揮較迅速，校方可因應一條龍的靈活學制，將中、小學分成3個各4年的課程培育學生︰「按階段、心智成熟程度來制訂學習目標，一定會有更好發揮。」

小學每年學費1.5萬 中學料2萬

由於本周才會獲教育局正式批核轉直資，李志華暫不願透露中學學費，該校早前曾向家長提議，每年學費約為2萬元。英華小學校長林浣心則表示，小學學費分10 期，每年1.5萬元。小學轉直資後推行小班教學，每級將減收學生至150人，每班最多30人，確保學生全數直升英華書院。

林浣心又說，該校會加強兩文三語，並且強化音樂、體育、藝術、資優及科學等教育。下月1日及7日會舉行簡介會，向家長介紹轉直資詳情。

根據教學語言政策，官中、津中若在初中以英語教學，需持續取錄85%適合以英語學習的中一新生，一條龍英中的比例則需達75%。未達標的英中於2010/11學年會面臨「落車」。為保英語教學，不少英中轉為直資，或與小學斷龍。

(source:www.mingpaonews.com)

Cyrusmum

今日我終於幫Cyrus交出第一份小一報名表(浸會附屬), 佢哋啲效率奇高, 星期六至到截止時間, 但面試時間係下星期二, 三呢!

Cyrusmum

nokmom & fiancawong,
我就打咗去book1/9聽, 嗰朝我一早要上大陸, 係候車室等車睇報紙時睇到, 所以拿拿聲打去book, 上到車就即send SMS比你哋啦! 不過我book時, 佢哋冇比到號碼我喎!:-|
浸大我都係當比思翰熱身, 所以今次冇壓力!另外SPCC係香港區, 我應該唔會考啦!

Cyrusmum

nokmom,
我都唔係好知思翰見成點呀? 因為佢一出嚟就掛住同朋友仔玩, 只係講啲唔講啲, 不過佢就話自己有啲識有啲唔識, 但又話自己見得幾好!
琴日個流程都幾順暢, 家長小朋友都見得好舒服, 面試過程大約就係 :
1) 畫畫 - 然後問關於畫中內容
2) 問題 - 1中1英老師輪流問問題
3) 表演 - optional, 思翰就揀咗彈琴

過程大約30-40分鐘, 我哋見前去咗玩, 見後又去玩, 所以思翰都係當去玩!

星期一我就會接送思翰, 不過之後唔知要唔要繼續呢? 因為我哋宜家架保母車都未攪定呀! 之前嗰部因就唔到放學時間, 本來幫我哋換咗另一部頂替, 但宜家嗰部又嫌我哋人少, 所以宜家都未知點呀!:cry:

Cyrusmum

《小一選校知多》講座

【活動名稱】《小一選校知多》講座
【日期】9月14日(星期五)
【時間】晚上7:00至9:00
【對象】升小學生家長
【內容】因應子女個性、能力及興趣選擇合適小學，有助充分發展其潛能，培養出多方面的知識與技能。是次講座旨在使家長更明白子女成長及學習的需要，並清楚選校時應注意事項，為子女開創光明的學習前路。
【講者】教育局學位分配組地域聯絡主任王陳沛華(講題﹕2008年升小派位機制)、香港九龍塘基督教中華宣道會陳元喜小學校長楊潤玲(講題﹕小一選校全攻略)、英華小學校長林浣心(講題﹕解讀孩子成長密碼)
【主辦】明報、教育局
【費用】免費（先到先得　額滿即止）
【地點】聖公會鄧肇堅中學 香港灣仔愛群道9號
【查詢】2595 3019 (李小姐)
【網上報名】立即報名http://life.mingpao.com/cfm/intelligence3.cfm?File=Archive/itactivity/Activity480.txt

Cyrusmum

孩子與Robin的喜閱之旅
http://www.popular.com.hk/jsp/popup/popup2.html

Cyrusmum

今日大家開學返嚟, 覺得點呢? 思翰就難得話好想快啲返學呀! 可能今個暑假冇乜安排好多節目比佢, 真係有啲用, 令佢更掛住學校呢! 我哋嗰班今年被編埋係一角, 加上又少人, 所以覺得好冷清呀! 接學時我都忍唔住再行返去舊課室去感受吓啲熱鬧氣氛! 今日返嚟佢都話啲老師好好, 希望最後一年, 佢可以讀得開開心心啦!

Cyrusmum

nokmom,
聽完英華個簡介會, 我都好鐘意呀! 自己覺得好啱思翰讀, 不過睇嚟競爭好大, 要入都係超難嗰隻!:cry: 你有接觸過林校長? 我覺得佢好有熱誠呀! 加上仲好有活力, 所以對班老師都會有好大影響!


fiancawong,
我上年已聽過一次, 今年未必會去, 不過如果嗰朝得閒, 都可能去聽多次! 其實至緊要係聽吓今年既評分制度同埋啲portfolio只可以交幾張紙啫!
博博之前係咪仲會瞓晏覺? 思翰由k1開始已經冇, 所以一啲難度都冇! 反而係食飯方面, 我仲覺得難攪啲! 佢朝早9點幾10點至起, 飲完奶冇耐, 11點幾又要食飯, 所以頭兩日都只係食咗半碗! 琴日我決定比1/3杯奶佢飲, 咁佢就好好哋食晒碗飯! 希望調校多一輪, 佢會好啲啦!

[ 本文章最後由 Cyrusmum 於 07-9-6 11:04 編輯 ]

Cyrusmum

nokmom,
係呀! 間間都好多人報, 真係好睇小朋友面試嗰日既狀態!
反正間間都係咁渺茫, 所以第一輪我都會照報LS呢!
思翰今日放學返嚟, 仲可以係樓下玩咗成兩個鐘, 或前兩日游咗個幾鐘頭水再去學琴, 但返到屋企都一啲倦意都冇! 不過佢同以前差唔多時間瞓, 都係10點幾, 但宜家就可以瞓晏啲, 佢多數過咗9點半, 差不多10點至起身! 所以宜家反而瞓多咗!

fiancawong,
咁如果我冇去到, 就麻煩你哋上嚟報吓料啦!

Cyrusmum

各位,
陳守仁有得申請啦! 仲係咁多間中最方便快捷既一間, 真係乾手淨腳! http://210.0.207.198/index.htm

Cyrusmum

ngwaiyee,
都係直資報幾間(DBSPD, 英華, 浸小), 私立又報幾間(宣道, 九龍塘), 睇吓到時有邊間收啦!

fiancawong & nokmom
你哋有冇人收到信去英華未呀? 我就仲未有呀! 有朋友遲過我交表, 但都已收到信, 唔知學校係點樣排既呢?

你哋星期一會唔會去培僑參觀, 我都會陪思翰去呀! 睇吓到時見唔見到啦!

今年k3佢哋要上多咗普通話, 你哋啲小朋友適唔適應? 我問思翰, 佢多數都係發夢, 乜都話唔知!

[ 本文章最後由 Cyrusmum 於 07-9-18 20:13 編輯 ]

Cyrusmum

nokmom,
星期一嗰日冇去都冇乜損失, 我都係旨在比思翰睇吓小學生點上堂, 不過佢哋話冇得睇人上堂喎! 反而我哋班家長有得睇!
大家諗好去邊間交表未呀? 我就諗住下星期至去交, 廢事聽日要去排大隊!

Cyrusmum

nokmom,
其實本來我都收到英華消息架, 不過因為我星期會一家去旅行, 所以忍唔住打去學校, "哎"佢哋比我今個星六去見老師, 我仲比校務處啲人話做乜小朋友返緊學都放假去旅行?:cry:  不過好彩佢哋都肯安排今個星期六比我哋去, 而校長就會下星期去見! 我諗你都唔駛心急既, 因為下星期都應該係最後一批見, 所以實有份!