教育王國

標題: 大家談談家規！！ [打印本頁]

作者: 無事忙 時間: 07-7-25 19:26 標題: 大家談談家規！！

每個家庭生活都不會相同,大家談談給孩子什麼家規,交流教子心得!!

作者: 無事忙 時間: 07-7-26 20:53

原文章由 無事忙 於 07-7-25 19:26 發表
每個家庭生活都不會相同,大家談談給孩子什麼家規,交流教子心得!!

我講先!!

基本止同孩子協議發生任何事,不違反四項原則,孩子可以自由去做

1.  對生命安全構成危險
2.  影響健康
3.  影響學業
4.  影響家庭成員間的感情

唔好看輕得四項,孩子都好容易犯規...

e.g. 做功課唔專心,就犯2,3
   過份跳跳扎,就犯1 > 2 > 3

孩子話有左呢四項,違規處處,都無什麼可以做

當然孩子仲要應付我,失驚無神的發神經

作者: eviepa 時間: 07-8-5 11:34

我奉行著「立法從寬，執法從嚴」的原則。

「立法寬」，就是要女兒容易辦到，覺得做到一個乖乖女並不困難，既然輕輕鬆鬆就可以成為父母心目中的乖孩子，享受被讚賞的樂趣，為何要犯規被稱為壞孩子呢？

「執法嚴」，就是要讓女兒知道，不能越過某些界限，越過了，便後果嚴重：父母暫時停止稱讚，損失慘重。

和女兒相處時，和她有關的，都儘量將她的意見一併考慮，她絕對有發表意見的權利，「駁咀」這詞彙在我家中是不存在的，我所做的絕大部分決定，女兒都是心服口服的。

作者: 無事忙 時間: 07-8-6 17:59

原文章由 eviepa 於 07-8-5 11:34 發表
我奉行著「立法從寬，執法從嚴」的原則。

「立法寬」，就是要女兒容易辦到，覺得做到一個乖乖女並不困難，既然輕輕鬆鬆就可以成為父母心目中的乖孩子，享受被讚賞的樂趣，為何要犯規被稱為壞孩子呢？

「執 ...

「立法從寬，執法從嚴」...一門更高深的學問,多謝你教我

等我同女兒分享下,嘗試下...

作者: modele 時間: 07-8-14 23:57

原文章由 無事忙 於 07-7-26 20:53 發表
4. 影響家庭成員間的感情
e.g. 做功課唔專心,就犯2,3
過份跳跳扎,就犯1 > 2 > 3
...

家規﹖有趣有趣！

我無諗過

但樓主
1) 唔專心做功課點影響健康呢﹖
2) 過份跳跳扎，亦唔可以話對生命構成危險

反而，你第4條就好剎食！吾以為你只保留呢條家規都已經可以剎晒！【影響家庭成員間的感情】，真係百發百中，因為只要佢做任何野，你唔順心，開口一鬧，已經夠料落簿charge佢影響家庭成員間感情

高招

作者: 無事忙 時間: 07-8-16 11:07

原文章由 modele 於 07-8-14 23:57 發表

家規﹖有趣有趣！我無諗過

但樓主
1) 唔專心做功課點影響健康呢﹖
2) 過份跳跳扎，亦唔可以話對生命構成危險

反而，你第4條就好剎食！吾以為你只保留呢條家規都已經可以剎晒！【影響 ...

1.)  唔專心做功課...做功課所需的時間自然多...眼睛過分勞累...引起近視...小女不玩電腦不看電視...最終發現引至近視原因...係...做功課時間過長...眼睛沒有足夠休息時間...唔到你唔信...亦從未想到有這問題出現...但事實已經發生...為有要佢專心快d完成功課...防止迎視加深

2.) 小朋友跳跳扎當然可以,但過份跳跳扎,由梳化or床跌下,你做媽咪會唔會心痛?
   在街上因過份跳跳扎,撞到你or他人的小朋友,你話被撞小朋友的媽咪會唔會話:小朋友係咁,撞倒都唔緊要?

4)  至於呢一條...亦唔係唔順我心，就可以開口鬧，話佢影響家庭成員間感情！
小朋友日漸長大有佢既思想，亦有佢喜歡的生活方式，做家長的要比空間佢自己找尋自己所喜歡的、合適的，並從旁指引協助，呢條家規係要比佢知道，家人好重要，在佢找尋自己喜歡的生活時,同時要想想家人,要顧及家人感受,尤其是姊妹之間，眼見很多成年人兄弟不和!(都唔知佢地點長大?)

家規﹖有趣有趣！

我無諗過

,其實我以前都無諗過

家規1,2,3唔係我諗...我係聽在"家庭基建"那位羅姑娘的講座上學,其實小朋友成長,走不開人生安全，健康及學業...家規1,2,3係大原则,做家長的可依這大原则及各人所需而有所更改地使用!

如果唔係小女近視,我們未必會話唔專心會影響健康,可能會話影響家人感情都唔定

至於第4條就係我自己加,多謝係話佢剎食

點選擇都好,我覺得小朋友自小要比佢學下守規則,可以用你同佢定下的規則,引導佢做一個有用的人就是好規則

多謝係你睇到呢到！你有無d好家規分享下?

作者: Smiile 時間: 07-8-30 16:41

我會堅持三大原則

(1)小朋友的健康(即不可偏食或食過多零食)
(2)小朋友的品行(不可駁咀-否則我會即罰, 要有禮貌懂得尊重自己和別人)
(3)小朋友的日常生活習慣(從小培養良好生活習慣, 例如個人衞生,還要有良好的常規)

這些就是我家的家規

當然, 女女有時做唔到，我會俾機會她做得到)

原則是 : 讚多於罵, 給予機會多於罰

歡迎光臨教育王國 (/)