教育王國

標題: 乜野係"心理社交"評估 [打印本頁]

作者: yankit 時間: 07-7-25 01:39 標題: 乜野係"心理社交"評估

囝囝9月升P.3,佢剛剛做完學校一年一次既健康檢查,因我同護士提及到佢既情緒問題,跟住護士就轉介佢到藍田分科診所做”心理社交”評估,我想知有冇人做過呢種評估?評估內容有乜?
同唔同一般提及到既韋氏評估呢?

作者: chuang 時間: 07-7-26 04:10 標題: RE:乜野係"心理社交"評估

hi

我個仔06年都轉介過去藍田做'心理社交',因為我發覺去專注力唔夠,又成日比學校投訴坐唔定同駁咀得好勁.起初我都已為做什麼IQ,EQ評估,點知等咗3個月,去到再等個幾鐘,終於見到嘅只係一位兒科醫生,一家三口傾咗大約10分鐘(問吓你覺得個仔有咩問題),再同呀仔傾咗2分鐘(呀仔話去問埋D無聊嘢),父母單獨再傾咗10分鐘,所得結果是父母身教好重要(鬼唔知咩),去仲教我如果你個仔係怕無零用錢,就用嚟作獎懲,點知我個仔現依家嘜都講錢.我要求過做IQ評估,去話依家D小朋友個個IQ都高,唔需要喎.最近終於用咗幾仟銀去私家做咗IQ評估(韋氏),結果係資優兒童.所以你唔好期望個日會有咩評估做,聽講要係政府做以上評估要等好長時間,仲要強烈要求呀.其實你可以搵學校社工幫忙(記住著緊D聯絡,唔係D社工唔知幾時至覆到你),我係過來人.

作者: yankit 時間: 07-7-26 15:02

真係多謝你既回覆:
聽你咁講,即係去黎都冇乜用~乜同個小朋友及家長傾下、問下,
就叫評估?咁同社工傾下計,有乜分別.....
我囝囝又係唔聽教,叫佢做乜就唔做乜,話佢一句駁十句,
成日發脾氣,但係o係學校又唔係咁,同學校社工講過一次,
佢話幫我留意下,但之後乜回覆都冇,我覺得佢冇心跟進,
我就冇再搵佢喇!總之對住佢就嘔晒血,佢唯一可取之處就係成績幾好學野快...

其實佢o係3歲幾時都做過一次評估,話佢有輕微自閉症傾向,
之後去過早期訓練一年,但對於情緒方面冇乜幫助,
有時我真係唔識教佢,佢太自我,成日認為佢自己啱,
話佢唔啱唔會聽我講,仲要發脾氣,莫非我明知佢錯由得佢?
又唔得喎,總之就每日都要同佢吵鬧...唉~
係呢?你做完韋氏評估,有幫助嗎?可否同我分享下,
評估後,心理E心解析得怎樣,有教你做 d 乜?

作者: chuang 時間: 07-7-26 17:00 標題: RE:乜野係"心理社交"評估

雖然我嘅情況如此,但你都要去試吓,堅持要做評估,睇吓點.
發現呀仔係資優祇有一星期,已經即刻通知學校,學校好快搵社工覆我話遲D可能安排呀仔見教育局心理學家有咩可以做.好聽就話係資優兒,其實大部份資優兒都有社交同情緒問題加埋專注力問題唔係一般人可以應付,所以評估心中建議我take D course比佢,除咗佢中心之外又比咗有關中大,理大,城大同小童群益會對資優兒之課程.但summer course全部已經開晒班,所以現階段只好收集資料.

作者: yankit 時間: 07-7-27 01:25

Dear chuang:
我都好想同囝囝做一次評估(韋氏),但我估健康中心都實會話冇需要,好似今次做健康檢查咁,都有同個姑娘要求過,但佢就好唔耐煩咁問番我:你覺得佢有乜需要呢?我有時都唔太清楚有冇用,只係冇乜方法,咪唯有試下 law...
請問你o係邊到做評估?幾錢?

Thanks!!

作者: chuang 時間: 07-7-28 00:22 標題: RE:乜野係"心理社交"評估

hi yankit

我都唔知呢間係咪最好,都係係網上搵.仲有其他私人評估機構(係 yahoo打兒童心理評估再click搜尋便可),我只係見佢曾經係報紙發表過.你可以上佢網站睇吓(http://step-hk.com),有埋收費同心理學家資料,可以選擇邊位心理學家幫你.亦可致電小童群益會家長熱線2866 63889(mon-wed2-4pm,thu7:30-9:30pm)問吓,佢都有得做,費用相約.(都係佢提供比我).你可以問清楚哂至決定.
我都好明白你心情亦好樂意同你分享同幫到你.

作者: chuang 時間: 07-7-28 01:39

hi yankit

剛剛發現,你可以上以下網站looklook (http://www.iqdrtang.com/main.php?pid=12)

作者: yankit 時間: 07-7-28 02:41

Dear chuang:

真係好多謝你o既熱心幫忙!!
我覺得費用都頗貴,要成三仟幾,
所以我都要考慮下,或者等10月幾做完o個個評估,
睇下點先算 la~:-|
Thanks....

歡迎光臨教育王國 (/)