教育王國

標題: HKUGA 2007 P.1 student [打印本頁]

作者: meimei88 時間: 07-7-19 16:46 標題: HKUGA 2007 P.1 student

今年入讀港大小一學生的家長, 歡迎入嚟傾下, 之後慢慢長路,希望可以互相幫忙和支持.

作者: 已刪除用戶 時間: 07-7-19 17:27

P2要唔要呀

作者: mamamia666 時間: 07-7-19 20:49

[quote]原文章由 meimei88 於 07-7-19 16:46 發表

今年入讀港大小一學生的家長, 歡迎入

作者: mamamia666 時間: 07-7-19 20:50

我係07-08小一家長呀！請多多指教。

作者: meimei88 時間: 07-7-19 21:02

歡迎加入港大大家庭, 你個係仔或是女? 希望八月十八日可以見到面.

原文章由 mamamia666 於 07-7-19 20:50 發表
我係07-08小一家長呀！請多多指教。

作者: meimei88 時間: 07-7-19 21:03

過來人經驗之談, 無任歡迎.

原文章由 Charlotte_mom 於 07-7-19 17:27 發表
P2要唔要呀

作者: mamamia666 時間: 07-7-20 11:48

我個係女呀，8/18當然會去迎新日啦，希望到時可以見到你啦

[/quote]

作者: mak8 時間: 07-7-20 12:44

大家好!

我個囝囝都是今天入小一多多聯繫!

作者: TT 時間: 07-7-20 13:23

Hi, 我的小朋友都會九月入讀, 你們是否都好熟識學校. 不如大家分享一下.

tt

作者: TT 時間: 07-7-21 17:20

其實近日在這裡都聽了不少對學校的意見, 不論是好是壞, 都多謝各媽咪的見解. 回想自己去幫小朋友選學校, 到現在可以話塵埃落定, 中間真係做了很多功課, 問過好多朋友. 其實到現在心裡都唔知道是否真係正確, 小朋友是否適合. 每個父母都想比最好自己的小朋友, 但搵學校真不是你想讀邊間就可以入邊間, 就算是港大同學會亦要在千幾人中被選中. 間間學校都有好處和壞處, 家庭教育都好重要, 小朋友重有很長既路要行, 所以大家都不用太擔心, 只要真是發覺學校和自己的理念不一樣, 才作別想.

小朋友已經過整整一年辛苦面試, 又面試, 得到了的成果, 希望各家長是否真的滿意, 都應該和小朋友分享, 話比佢地聽你間小學係最好的, 最開心的, 最適給你的.

作者: meimei88 時間: 07-7-22 11:31

TT,

我好同意你的意見, 大家都辛苦了一年, 難得考到應該十分高興,還要在仔女面對多美言學校, 好讓他們懷著開心愉快的心情上小一.

至於近日的傳言, 每年要報名的時候總有特別多不同的聲音,但我對學校很有信心, 問題是家庭怎樣可以配合.

八月十八日見.

作者: TT 時間: 07-7-22 22:27

其實現在最緊要係為小朋友和自己做好心理準備, 莫講小朋友要認識新的同學. 家長都要為認識一間你為小朋友選的學校和新的家長作準備. 因為經過3年你和小朋友都熟識既幼稚園生活, 又要轉變. 大大小小都有唔習慣. 大家不況在這裡溝通一下.

tt

作者: meimei88 時間: 07-7-23 21:14

請問有冇打算帶飯還是食飯盒? 看到學校的飯單時覺得都幾好, 但想開始時比小朋友習慣食住家飯,所以想叫工人帶飯. 不過買唔到保溫盒, 有冇家長知道邊度有得買/邊個牌子好D.

作者: yyfather 時間: 07-7-23 21:39

the lunch supplier seems ok, and there are a lot of choices; my kid will probably try the lunch set first

作者: TT 時間: 07-7-23 22:08

我都應該係訂飯盒, 因為覺得帶飯好難保存溫度, 夏天局住又不是太好, 等小朋友排隊攞飯盒, 和其他小朋友一起試多d新野食都幾好.

tt

作者: 已刪除用戶 時間: 07-7-23 22:49

間飯盒供應商係新揀既, 睇佢profile係cathay pacific catering有關公司, 學校班"午餐委員會" (即pta同一班lunch mom)試過幾間後, 覺得呢間衛生同味道, 款式都最可取
舊年我都係多數訂飯, 3款都揀唔落手就自己帶, 因為自己帶又要焗幾個鐘, 真係限左可以帶既種類(生冷又怕變, 有d焗得耐又林又難食), 今年新飯商聽講要一個個月計錢, 唔係續餐計(我地爭取緊), 所以將來可能無呢支歌仔唱
至於飯盒, 以前小學版有個好勁既討論, 係各方家長試用之後既意見.........不過而家搵唔返tim! 我只記得要買3層, 第一層要裝d熱水黎保暖, 而且個壺裝飯前要先裝滾水至少10分鐘, 就會暖好多

原文章由 TT 於 07-7-23 22:08 發表
我都應該係訂飯盒, 因為覺得帶飯好難保存溫度, 夏天局住又不是太好, 等小朋友排隊攞飯盒, 和其他小朋友一起試多d新野食都幾好.

tt

作者: meimei88 時間: 07-7-24 17:47

Charlotte_mom,

是否星期五不可以帶飯? 如果是, 可否每月只訂星期五?
因為住響學校附近, 所以想叫工人帶飯比仔仔, 如果解決唔到, 維有訂飯吧了.

作者: 已刪除用戶 時間: 07-7-24 20:01

星期5唔可以帶飯

好似無咁規定掛.........

我之前聽話呢間臻美至per month咁計, 如果咁攪, 就只可以揀"訂成個月"或者"成個月都帶飯"
當然2樣我都唔係好想啦! 雖然, 午餐公司都可以o係即日cancel order(如果小朋友病左唔返要cancel, or病左轉三文治通粉, 都可以o係一早打俾lunch公司安排), 不過如果下下都訂一個月之後續餐打去refund, 又似乎太麻煩了!

原文章由 meimei88 於 07-7-24 17:47 發表
Charlotte_mom,
是否星期五不可以帶飯? 如果是, 可否每月只訂星期五?
因為住響學校附近, 所以想叫工人帶飯比仔仔, 如果解決唔到, 維有訂飯吧了.

作者: meimei88 時間: 07-7-27 17:04

九月開學,有什麼文具要買?

作者: 已刪除用戶 時間: 07-7-27 17:35

筆袋, 鉛筆擦膠間尺(有cm), 唔想勞氣就買定一打半打

課室有筆刨, 唔駛帶返學, 屋企有就ok喇
另外較剪膠水啦...........
可以買定件深藍色冷氣褸啦, 學校有功課袋唔駛買, 中英文名印仔亦唔駛買, 學生相唔駛影, 如果訂飯餐具亦有供應, 可以帶張餐墊留o係學校......
另外由於"親子功課"都幾多, 要keep定d舊雜誌, make sure你部電腦, 相機同printer隨時"應急", 同埋識得load相呀........

原文章由 meimei88 於 07-7-27 17:04 發表
九月開學,有什麼文具要買?

作者: meimei88 時間: 07-7-27 22:13

小一是否用鉛筆, 需要買鉛子筆嗎? 顏色筆需要買嗎? 木顏色, 粉彩, 水彩,還是立筆? 餐墊是一張家用平的嗎?

作者: 已刪除用戶 時間: 07-7-27 23:43

小一用鉛筆已ok, 唔需要原子筆
顏色筆都要架, 學校無特別話要咩物料, 一般木顏色, 立筆已經ok(主要係for屋企功課用, 就算要帶都只話顏色筆, 無specify咩筆, 學校本身都有顏色筆)
餐墊我都係買花園街老翻果d幾蚊張, 開學帶返去, 每餐清潔完擺落儲物櫃, 學期尾至帶返屋企
(我一路打一路問我個女, 佢ee哦哦話"我知你又打落電腦丫嘛!")

原文章由 meimei88 於 07-7-27 22:13 發表
小一是否用鉛筆, 需要買鉛子筆嗎? 顏色筆需要買嗎? 木顏色, 粉彩, 水彩,還是立筆? 餐墊是一張家用平的嗎?

作者: meimei88 時間: 07-7-28 10:32

你囡囡真叻, 懂得洗完餐墊同收好, 她在港大讀得開心嗎? 我有朋友的補習學生在此讀小三, 她說英文水平很高.

作者: 已刪除用戶 時間: 07-7-28 11:33

梗係唔係啦! 我個女好甩漏架............
開心, 放心啦, 一定開心, 英文水平我唔知......因為hkuga學英文唔太著重grammar exercise, 反而由得d學生寫, 所以個個都好有信心揮灑自如

, 我自己都有捉佢做d grammar exercise, 改善佢句子結構啦, 聽人講過, 有小朋友考插p2, 英文科題目係"my family" (free writing), d傳統學校學生, 唔敢寫呢! (因為從來只有對與錯, 佢地被訓練到唔敢亂黎)
中文水平我就夠膽講句好高喇, 一年班一開學已經全普通話教, 讀完一年, 已經學晒所有拼音, 聽說讀寫都要攪得掂呢!

原文章由 meimei88 於 07-7-28 10:32 發表
你囡囡真叻, 懂得洗完餐墊同收好, 她在港大讀得開心嗎? 我有朋友的補習學生在此讀小三, 她說英文水平很高.

作者: meimei88 時間: 07-7-30 08:54

上星期六到校服店買校服, 已經買齊啦, 但若各位家長在八月十八日買時, 最好可以試一試身, 特別是恤衫, 因為它的設計是短身的, 買大一個碼會較合身.

作者: 已刪除用戶 時間: 07-7-30 10:54

唔好好似我咁, 帶埋個細既去, 倒瀉籮蟹, 結果要靠staff幫我試........即刻出事

(著左一季就唔要得!)

原文章由 meimei88 於 07-7-30 08:54 發表
上星期六到校服店買校服, 已經買齊啦, 但若各位家長在八月十八日買時, 最好可以試一試身, 特別是恤衫, 因為它的設計是短身的, 買大一個碼會較合身.

作者: meimei88 時間: 07-7-30 14:30

原來書包都幾貴, 一般都要4 / 5 百蚊, 剛才見到Dr Kong 的書包有折, 會員價$199, 睇落好似幾好喎.

作者: 已刪除用戶 時間: 07-7-30 14:48

其實學校比起其他小學, 已經叫做帶得少書
不過裝埋snack, 水壺etc, 就唔知點解重過石頭!!

你search下小學版, 都有人傾緊書包架, 我自己舊年睇完bk媽咪報料, 買左個zeven, 雖然貴不過真係物有所值!

原文章由 meimei88 於 07-7-30 14:30 發表
原來書包都幾貴, 一般都要4 / 5 百蚊, 剛才見到Dr Kong 的書包有折, 會員價$199, 睇落好似幾好喎.

作者: meimei88 時間: 07-7-31 10:39

請問zeven書包邊度有得買, 幾錢一個?

唔知小一是否開學就有課外活動?

作者: 已刪除用戶 時間: 07-7-31 14:03

好似$690, 只在barocco利園2期or ocean terminal 25777938, 你最好打去問幾時有新貨返, 叫佢call你, 因為d貨真係去得好快!
小一開學會有課外活動通知, 可以隨時選擇join or 唔join, 有d多人揀既要抽籤(eg童軍, 小提琴), 我問過高年班家長, 就算一樣都唔join, 學校亦無所謂! 唔駛太介意

原文章由 meimei88 於 07-7-31 10:39 發表
請問zeven書包邊度有得買, 幾錢一個?

唔知小一是否開學就有課外活動?

作者: mak8 時間: 07-7-31 14:18

seven 要 $890一個. ecco 有一個都幾輕 $490.

作者: TT 時間: 07-8-1 14:22

乜d書包咁貴, 我買左個hello kitty果d書包比女女wor, 我諗住佢地好少書, 都唔會幾重, 買個得意靚就得. 係咪唔好?

tt

作者: meimei88 時間: 07-8-1 15:43

其實書包最緊要輕身,最好能防水,女孩子可能需要有公仔比較靘,不過幾百元一個的確又幾肉痛.

作者: winnercheng 時間: 07-8-2 22:46

原文章由 meimei88 於 07-8-1 15:43 發表 :tongue:
其實書包最緊要輕身,最好能防水,女孩子可能需要有公仔比較靘,不過幾百元一個的確又幾肉痛.

Hi. everbody, my son will also be admitted to P.1 this September. My brother-in-law has just bought a Japanese style school bag in Japan for my son. I don't think it is really suitable for him as the school bag is quite clumsy and the outside pocket even can't contain a bottle of water

作者: 已刪除用戶 時間: 07-8-3 11:37

可能好護脊呢

(我估咋!)

原文章由 winnercheng 於 07-8-2 22:46 發表
Hi. everbody, my son will also be admitted to P.1 this September. My brother-in-law has just bought a Japanese style school bag in Japan for my son. I don't think it is really suitable for hi ...

作者: Sibylla 時間: 07-8-21 12:16

我女兒也是今年小一，8月18日新生日她很開心，我對學校的辦學方針及理念很認同，其他的問題不會影響她的學習的，我都覺得無必要放大，可以靜觀其變。

作者: 已刪除用戶 時間: 07-8-21 14:29

放心啦, 學校俾好多空間小朋友, 校園生活又夠多姿多采, 小朋友返學實開心既

如果你個小朋友係外向既, 學校有好多野俾佢自由報名, 好似午間音樂會, 約校長食飯, 常識大搜查, 圖書館講故事.......
至於家長方面, 如果唔駛返工, 當然多多機會可以返學校幫手啦, lunch mom, 圖書館義工, pta..........如果要返工, 都有好多one off既機會, 例如旅行義工, story-telling, 輕輕鬆鬆2個鐘義工, 全校義工日...........好多了解學校既機會呢!

原文章由 Sibylla 於 07-8-21 12:16 PM 發表
我女兒也是今年小一，8月18日新生日她很開心，我對學校的辦學方針及理念很認同，其他的問題不會影響她的學習的，我都覺得無必要放大，可以靜觀其變。

作者: TT 時間: 07-8-21 15:14

我個女星期6番左迎新日之後好開心, 整個人都好期望快d開學. 不過我就有點兒擔心, 因為迎新日見到同班的小朋友真是很主動, 好聰明, 自己的女兒就比較內向, 不知學校會怎樣幫助學習上遇到困難的小朋友?

tt

作者: 已刪除用戶 時間: 07-8-21 15:50

內向既小朋友, 未必唔得架, 我識有個小朋友都好乖巧既, 不過佢日日都笑住放學既!
我女女係中文幼稚園既, 普通話又只係課餘一星期一次, 初時, 我都好擔心佢唔得! 原來係我過份擔心了!
每個小朋友都有長處同短處, 當然身邊總會有時出現d文武雙全既優質小朋友, 讀書誇啦啦之餘, 連親子賽跑都好快, 都唔知點攪既

.......不過算啦, 人比人比死人, 只要我知自己小朋友, 讀得開心又跟得上, 我就已經好滿意
如果老師發展小朋友跟唔上, 或者學校生活有問題, 會主動聯絡家長, 而家長有問題都可以打電話or從內聯網send mail俾老師(不過唔好太"長氣", 體諒下老師都好忙), 放心啦, 學校係普通話學得深d, 其他都係按edb要求教, 小朋友跟得到既!
俾個小tips你--學校有時會keep d書o係學校, or上堂做完作業交左, 如果想自己幫小朋友溫下, 就可以先影一個copy呀

原文章由 TT 於 07-8-21 03:14 PM 發表
我個女星期6番左迎新日之後好開心, 整個人都好期望快d開學. 不過我就有點兒擔心, 因為迎新日見到同班的小朋友真是很主動, 好聰明, 自己的女兒就比較內向, 不知學校會怎樣幫助學習上遇到困難的小朋友?

tt

作者: meimei88 時間: 07-8-21 17:35

上星期六要O.T., 老公帶囝囝返學,回來時只給我一袋書同家長手冊,問佢當日怎麼樣又一頭霧水, 請問上星期六有沒有重要事情要更進?? 好彩早前已買校服, 如果唔係都唔知點算.

作者: 已刪除用戶 時間: 07-8-21 19:00

要留意返有咩回條要填啦, 處理左1/9要帶返去
包書, 貼label啦, 所有校服都要寫名, 書包筆袋等, 都係時候預備lu
另外, 要留意上課時間, 如果搭校車, 我相信校巴公司仲未安排好時間, 因為我都未收到call, 如果有消息我會再通知大家

原文章由 meimei88 於 07-8-21 05:35 PM 發表
上星期六要O.T., 老公帶囝囝返學,回來時只給我一袋書同家長手冊,問佢當日怎麼樣又一頭霧水, 請問上星期六有沒有重要事情要更進?? 好彩早前已買校服, 如果唔係都唔知點算.

作者: STAR1 時間: 07-8-22 09:19

上星期六返迎新日, 發覺包括本人在內, 班上起碼有4位舊生家長, 顯然大多數家長都是信任和支持學校的.

歡迎光臨教育王國 (/)