教育王國
標題: 超急！港大同學會vs真道 [打印本頁]
作者: Char 時間: 07-7-19 11:49 標題: 超急！港大同學會vs真道
今日港大同學會call offer 小女07/08 小一學位，之前真道、St Clare又收咗。本來諗住叠埋心水入真道，現在不知好唔好應承港大同學會。
小女專注力比較差，人慢熱、情緒又有時稍差和固執，雖然學術上能力不弱 (如能集中)，但主要希望學校能多些包容關愛。
唔知有沒人可比Ｄ意見？實在好迷惘！？
作者: ^kk^ 時間: 07-7-19 14:44
St Clare.
作者: christf 時間: 07-7-19 14:55
提示: 作者被禁止或刪除 內容自動屏蔽
作者: wskwok 時間: 07-7-19 15:54
St. Clare > 港大同學會 > 真道
原文章由 Char 於 07-7-19 11:49 發表 
今日港大同學會call offer 小女07/08 小一學位，之前真道、St Clare又收咗。本來諗住叠埋心水入真道，現在不知好唔好應承港大同學會。
小女專注力比較差，人慢熱、情緒又有時稍差和固執，雖然學 ...
作者: hyalau 時間: 07-7-19 15:59
Hi Char,
I got the same situation with you. HKUGA call me today to give an offer to my son. But my son already got a sit in St. Joseph (Wan Chai). We are still thinking now whether to change to HKUGA because after we have attended the St. Joseph introduction section, we found that they are really too demanding. But we also worry about the HKUGA if it is really good for my son, when I saw those rumors for HKUGA here.
As my kindergarten teacher tell us before, our son should be able to study in both traditional school or new school. That's why we thought it is not a problem for our son to enter St. Joseph dispite that we heard a lot about St. Joseph is quite demanding. But seeing is believing, we are now quite worry whether our son will be happy to join the school.
Anyone can give me a suggestion as well?
作者: meimei88 時間: 07-7-19 16:40
In addition to finance issue, I believe the school mission of HKUGA is really good to the child, so far I haven't heard any adverse feeling from their existing student.
My son is also admit into HKUGA in the coming year. In my case, he learns thing fast and independent. However, he is impatient and bad temper. So, when I choose the primary school, the first thing is not demanding and has room for him to explore and develop, esp. his personality. If u are the same case, I think HKUGA is suit to yr son.
作者: meimei88 時間: 07-7-19 16:50
你住邊區? 真道同港大都好好,但如果住九龍,當然是?真道較為合適. 至於St. Clare是津校, 教學模式跟港大和真道都唔同,如不是財政問題,我覺得直資學校到小朋友來說比較好.
原文章由 Char 於 07-7-19 11:49 發表
今日港大同學會call offer 小女07/08 小一學位，之前真道、St Clare又收咗。本來諗住叠埋心水入真道，現在不知好唔好應承港大同學會。
小女專注力比較差，人慢熱、情緒又有時稍差和固執，雖然學 ...
作者: 已刪除用戶 時間: 07-7-19 17:16
St Clare's 唔係津校, 佢好在係全英文, 我女女舊年都差d入左架喇! 學費約$2600??
sc比較傳統d, 無可否認test & exams壓力一定有, 如果女女適合傳統教學, 係唔錯既選擇 (我見d女仔都幾乖)
我對真道真係認識唔多, 唔識comment! 我只識hkuga, 唔好怪我說話一面倒就得喇
如果想仔女有happy school life, 想老師與學生之間關係融洽, hkuga絕對係心水選擇, 佢既教學方式同傳統學校唔係好同, 譬如話, 英文唔著重gramma, 俾好多空間學生去發揮, 寧願佢地養成習慣敢去作, 我見d學生, 一年班雖然gramma未夠好, 不過唔怕錯, 洋洋灑灑隨時寫一大篇出黎, 呢d唔係傳統教育可以offer既野
hkuga小學好著重普通話, 一年班一開學已經全部用普通話教中文, 一年時間學晒所有拼音, 我夠膽話, 教得比好多名校都要深
不過hkuga無咩考試, 功課壓力..........當然我唔係話家長可以闊佬懶理, 不過肯定家長唔係晚晚做功課做到喊, 星期六日又要留o係屋企溫習果d, 你怕學唔到野? 又唔係wor! 我今日去行書展, 睇左d暑期作業(學校基本上都無咩點俾功課, 我都唔想佢放完假咩都唔記得架!), 我見個女小一學既野, 同學林數, 學林中文cover既差唔多
hkuga係一間好自由既學校, 用positive reinforcement去教化學生, 唔會有狗血淋頭既情況, 有時去左操場上堂, 坐地下圍圈聽故仔等等, 係家常便飯, 而年中好多自由發揮既活動, 例如午間音樂會, 故事演講, 約校長食lunch, 堂中既drama表演, 賣水果日等等, 真係多到講都講唔晒! 總之小朋友會好enjoy返學啦
留意返, hkuga中學已宣佈唔行ib, 決定用返本地課程, 可能因為呢個原因, 有家長會為學生放棄hkuga, 如果家長覺得真係好想讀ib, 就要認真想想喇
有咩問題, 歡迎隨時pm我, 我知既會盡量答你
作者: IJJK 時間: 07-7-19 18:04
There are lots of discussions on
the turnover rate of the teachers
at HKUGA a few days ago.
作者: 軒Mother 時間: 07-7-19 18:44
每間學校都各有優點,唯一要考慮的是將來升中問題。
作者: sue2moumou 時間: 07-7-19 18:52
唔好意思, 我唔係有心唱反調, 不過我都想講講對hkgua同真道(真道是我朋友個仔讀過, 佢自己曾經教過o既學校). 我都想強調一點, 任何學校都有捧場客, 亦有人唔鍾意, 加上每個家長要求同小朋友性格都唔同, 唔可以一概而論.....
我個小朋友曾經讀hkuga, 係第一批收o既學生, 唔係第一屆, 佢當時俾我o既感覺係好亂, 不過小朋友讀得好開心, 唔似傳統學校咁多抄寫背誦, 所以都由佢喇.
一年後開始越來越多問題....., 學生成績開始見跌, 唔係一部份, 係整體都差過初初入黎時, 老師成日轉(因為直資學校老師同學校之間簽contract, 好似d office咁, 一個月通之就可以走)所以可以未完成整個學期就唔同左人, 我個小朋友試個人年轉左三個班主任, 我覺得成日轉老師對個小朋友唔係咁好.
加上校長當初答允我地d承諾都兌現唔到, 又話一條龍中學, 點知後尾又要set條款, 一條龍唔係100%收番哂架咩, 點解要篩人呀?我仲聽到佢地話中學果邊嫌小學英文程度低, 所以唔係好鍾意收.
新學校好多時都要好幾年時間摸摸下, 佢地頭幾年年年都轉書, 都未摸到個方向...
最諷刺就係好多學生都出去補英文, 因為學校教得唔多, 但係就測驗好深, d功課都好深, 成日都要查字典做功課. d補習費同學費差唔多, 不如讀一間唔駛交學費, 攞d錢去補習仲好, 又或者係屋企自己教都得, 唔駛返學. 其實我個人認為我地唔同外國人, 母語係英文, 由細到大唔覺唔覺已經學左grammar, 所以學校淨係睇書就ok, 仲有學校都要教佢地方法點樣由睇英文書加強英文, 唔係pat出黎叫佢地自己攪掂....
其實最要命就係我個小朋友仲越黎越曳, 仲越黎越無自信心
我都見到一d乖o既入左黎耐左都變得好無禮貌, 呢d係佢地d學生o既特色, 唔信可以係佢地學校門口睇下.
不過, 慶幸我小朋友終於轉左校, 係短短兩年幾時間內脫胎換骨, 有番自信, 打番好個小學底子, 成績進步左好多, 好乖, 好有禮貌....以前, 係hkuga想做個好學兄/姊(風紀), 學校都成蘿理由話唔加人(唔係因為成績/操行), 咪又俾一d佢地球負責老師)鍾意o既學生.
我個小朋友後來轉間學校就唔同, 俾好多機會佢地去嘗試同幫佢地, 唔會放棄任何一個學生, 唔似某某學校咁.
對唔住, 以上係我o既個人經歷, 不代表一切, 一樣有好多人鍾意佢o既.
遲d再分享埋真道, 請原諒我的長氣
作者: dabbycheung 時間: 07-7-19 21:07
原文章由 sue2moumou 於 07-7-19 18:52 發表
唔好意思, 我唔係有心唱反調, 不過我都想講講對hkgua同真道(真道是我朋友個仔讀過, 佢自己曾經教過o既學校). 我都想強調一點, 任何學校都有捧場客, 亦有人唔鍾意, 加上每個家長要求同小朋友性格都唔同, 唔可以一 ...
我同事個女小一至小三係響沙田某傳統學校讀書，之前果3年佢個女完全無主見，我同事話乜佢就做乜。
升上小四後我同事幫佢個女轉左去港同，我同事話佢個女自從轉左校後，個人多左野講，對每件事亦有自己既睇法，亦喜歡話晒事。
以上轉變，係好定唔好？相信見仁見智，但我卻認為係好事。
作者: 已刪除用戶 時間: 07-7-19 21:50
其實hkuga只有一年升左中, 如果我無攪錯, 由於英文程度問題, 有十幾個升唔到
點解由於呢個原因, 不停被challenge話唔乎合一條龍原則? 直資一條龍, 不嬲都唔代表收晒, 係emb俾個名"一條龍"誤導左家長姐, 你問下邊間直資一條龍中學, 係無條件100%全部直升?
原文章由 sue2moumou 於 07-7-19 18:52 發表
唔好意思, 我唔係有心唱反調, 不過我都想講講對hkgua同真道(真道是我朋友個仔讀過, 佢自己曾經教過o既學校). 我都想強調一點, 任何學校都有捧場客, 亦有人唔鍾意, 加上每個家長要求同小朋友性格都唔同, 唔可以一 ...
作者: chufei 時間: 07-7-19 21:52
小心....., hkuga 校政好似出現混亂, 校長&很多老師離職, IB課程泡湯..... 所以好多人走頭唔讀, 先有咁多位TUN 番出黎, 唔係話間學唔好, 但如要入讀請先問清楚(尤其是有關IB 課程的安排) , 以免跟期望不同。
作者: sue2moumou 時間: 07-7-19 23:18
原文章由 Charlotte_mom 於 07-7-19 21:50 發表
其實hkuga只有一年升左中, 如果我無攪錯, 由於英文程度問題, 有十幾個升唔到
點解由於呢個原因, 不停被challenge話唔乎合一條龍原則? 直資一條龍, 不嬲都唔代表收晒, 係emb俾個名"一條龍"誤導左家長姐, 你問下 ...
我相信你都好清楚佢地個portfolio格式, 係英文度分開幾個item, 我個小朋友係兩三年前, 讀緊小四時, 英文grammar係needs improvement, 我問個班主任(當年佢係新人,只任教了半個學期, 佢好好人, 不過對學校政策唔係只懂說"是", 但後來都走了)我問他是否很多同學英文grammar都取得needs improvement成績, 他說是, 我再問學校是否應該教grammar呢, 他也認同. 其實我只想強調一點學生英文成績差學校也要負責任, 沒理由在這邊廂交學費, 那邊廂又上高昂的英文補習班. 可能有些學校文化是此, 但我相信把孩子放進直資學校讀書的家長是不認同傳統香港教育制度, 而想另找出路... 而我的經歷是:可惜卻未能如當初理念所述, 教人失望.... 唯有向現實低頭....但我現在感到值得
作者: sue2moumou 時間: 07-7-19 23:36
sorry, 我想補充多句, 我指值得是轉校, 我的孩子兩年多開始重生, 由一個只懂駁咀, 沒有內容, 自己的主見就是跟你對抗, 時常欠交功課又說謊, 老師只是認同而沒方法處理的叫人頭痛的孩子, 而變成一個有目標, 受老師同學愛戴, 發奮努力向上的好學生.....等.
無可否認, 他當年在hkuga的日子他覺得很高興,(雖然他現在不認同), 因為沒有壓力, 說實話他是沒有目標和方向. 其實一個小孩子除非很成熟, 否則大部份的吸收都是來自學校和家庭. 甚至很多學生覺得老師的話比父母來得重要, 所以一間學校的選擇非常重要.
這是我的個人經驗, 無意對任何人存有任何扁意
作者: ^oo^ 時間: 07-7-20 00:00
Dear sue2moumou,
Thanks for sharing. Looking forward to hearing your comment about Logos.
作者: angry_mom 時間: 07-7-20 10:08
sue2moumou 講的都是實情，這幾年來我發現的問題越來越多，尤其是學生的操行問題，一直令部份家長不滿。其實每一班總有兩三個極度頑劣的學生，由於學校採取高度包容政策，老師一般不會大駡學生，學校亦不會趕他們出校，但是老師們多未受過特殊教育訓練，對於處理這些頑劣學生，都束手無策，亦曾經有老師被頑劣學生激到喊，之後第二年已經無做，去了其他津校。最敝就是其他同學見到這些頑劣學生這樣做可以挑戰倒老師，所以便有樣學樣，連一此乖的都變得無禮貌，駁咀駁舌，這是HKUGA學生的特徵。還有，由於老師每每要浪費三分一上堂時間去處理這些學生，令到教學質素下降，老師被影响了教學情緒，同學被影响了學習專注。當初我都非常欣償學校對學生的包容和老師們的愛心，尤其是對小一的家長來說，對小一生的適應很大幫助。再讀落去你就會發覺這樣返而害了其他學生，針無兩頭利！這些你們都很難在BK裏看見的意見，因為大部份家長都很低調，亦怕講得多對學校有負面影响，所以一般都只有在家長之間討論。
上述只是個人意見，學校亦有很多值得欣償的地方，亦有很好的辦學理念，如果唔係怎會這麼多人選HKUGA。
[ 本文章最後由 angry_mom 於 07-7-20 10:09 編輯 ]
作者: Judgement 時間: 07-7-20 11:21
[quote]原文章由 angry_mom 於 07-7-20 10:08 發表
sue2moumou 講的都是實情，這幾年來我發現的問題越來越多，尤其是學生的操行問題，一直令部份家長不滿。其實每一班總有兩三個極度頑劣的學生，由於學校採取高度包容政策，老師一般不會大
作者: catcatmom 時間: 07-7-20 11:46
E+好多新直資小學都走國際學校既模式, 朋友個女讀果間直資學校都係甘,做錯功課老師都唔改,好自由. 佢亞媽問學校, 老師話:小朋友肯做就已經很好! 甘就真係好國際學校既模式喎! 之不過真正國際出來學生, grammer點唔好, 都talk得下.
英文來講, 睇書好重要, 幫助理解能力, 但係grammer 都要操.
[ 本文章最後由 catcatmom 於 07-7-20 11:47 編輯 ]
作者: savoy 時間: 07-7-20 11:50
原文章由 chufei 於 07-7-19 21:52 發表
小心....., hkuga 校政好似出現混亂, 校長&很多老師離職, IB課程泡湯..... 所以好多人走頭唔讀, 先有咁多位TUN 番出黎, 唔係話間學唔好, 但如要入讀請先問清楚(尤其是有關IB 課程的安排) , 以免跟期望不同。
學校校政一向順暢, 行政方面我俾85分. 你是hkuga家長的朋友嗎, 希望你向朋友証實, 不然你的留言便是對hkuga不公平了.
不錯舊校長去年已離職, 但出任為學校顧問. 不時回校分享, 亦有幫學校辦活動. 不少老師離職也是事實, 但一般離職的老師都是在校年資較短只教1至2年, 留下的老師大部份都教了3年以上, 他們仍是充滿熱誠, 師生與同僚都關係融洽. 況且老師要走都是學期終結才離開, 對學生不做成大的影響.
學校一直強調用IB課程作為核心去設計本校課程, 亦只曾公佈高中最後兩年才行IB. 而且都是近兩年開辦中學部, 才開始進行落實IB的可行性. 故三年班以上的家長只把IB視為bonus. 當然希望高中取得DP, 現在即使沒有IB亦知道是emb(edb)既新規定. 故絕無被學校騙了的感覺....至於中學部家長如果覺得非IB不讀, 那現時中一升中二的學生轉去IB學校也不遲. 其實今年3月時教育局才向所有直資學校提出必須採用334的NSS. 想取得IB資格的直資學校也需同時採用本地課程, 所以即使入讀了有IB的直資學校家長, 請了解清楚子女是否被接納入讀IB班. (hkugac仍會用IB概念編制課程, 都是著重思考分析. 只是一眾家長擔心不能與本地課程靠背誦的學生去爭取在NSS的成績.)
每年hkuga既turnover問題都被炒完再炒, 奇怪的是外來者的評論居多也越炒越高漲, 唔通hkuga個方位犯是非.
已離校既sue2moumou, 很高興知道貴子弟已回復正常規律. 希望多多分享現時的情況, 好讓hkuga的同學多多學習.
angry_mom如果妳有出席6月時的成果分享會, 妳應該會支持這樣的教學的方針. 況且妳說的discipline是這麼壞嗎? 同學行為過份, 老師不要求作反思? 我所見三,四年級以上, 都學會自律,尊重,愛心. 學生參加校外團體舉辦的活動, 在活動後與帶活動的導師分享, 都被稱讚評價都是正面的. 就連去柴灣健康院做診健, 那裡的姑娘都稱讚學生有禮貌. 或者你再多觀察如果真的問題嚴重, 找PTA或學校相量. 但奇怪在不記名家長問卷上的接近600個回覆, 只有20多個回覆紀律問題, 有的在問卷上簡單的寫上discipline, 卻沒有說那一方面需要改善. 所以不妨在QA時段發表, 我想學校必會正視.
[ 本文章最後由 savoy 於 07-7-20 12:00 編輯 ]
作者: bbmm897 時間: 07-7-20 12:07
Charlotte_mom,
一直有睇你為hkuga辯護, 想搭訕幾句.
你囡囡只係升P.2, 可能針未拮到肉你唔知痛, 上到高小, 你就領會兩頭唔到岸嗰種感覺, 冇考試 冇壓力係開心, 但囝囝亦冇培養出自主性去温書, 做功課馬虎, 因為唔驚老師, 英文係教得深, 但要小朋友根基好至吸收到, 我囝囝由小讀起, 都覺得很吃力, 我真係唔知點樣可以冇壓力又讀得惦. 學校概念係好, 但實施方面重重難關, 每每要家長補其不足.
可能係我同囝囝都唔適合這種新概念教學.我冇打算佢原校升中.
作者: angry_mom 時間: 07-7-20 17:03
原文章由 savoy 於 07-7-20 11:50 發表
學校校政一向順暢, 行政方面我俾85分. 你是hkuga家長的朋友嗎, 希望你向朋友証實, 不然你的留言便是對hkuga不公平了.
不錯舊校長去年已離職, 但出任為學校顧問. 不時回校分享, 亦有幫學校辦活動. 不少老 ...
Dear Savoy,
我有出席7月9日的家長會,對於校董會將來採用本地課程之餘，繼續加入IB原素表示歡迎，但成校怎樣還是未知之數。很多謝你建議我們向PTA返影，但你又怎知我們沒有呢？我知有家長已寫了信給校監，要看看她怎樣處理才作結論。另外關於教師流失，並非全部離職老師都等到CONTRACT完才走，有一班的班主任教完第一個學期突然走了，只在走前一星期前通知學生，難道對學生沒有影响嗎？又有一班，一年來轉換了3個老師，這又是否正常的流失。我說出來並非要唱衰學校，我都想學校有好的發展，我仍然對學校有好大期望，只是有些說話放在心裏，不吐不快。
作者: sue2moumou 時間: 07-7-20 17:09
bbmm897, angry mom,
我諗我地三個都好明白大家o既心情, 無謂動氣吧, 可能每個人個際遇同要求都唔同, 只有自己最清楚.
我地有時講得多, 人地以為我地有bias....我果d都已經係past
tense 喇, 而家可能有d野唔同, 但我今朝剛碰見一個升小五hkuga家長, 佢話由我孩子入黎第一批到而家, 班開國功臣老師差唔多都走哂, 都幾唏噓:cry:
至於有家長叫我分享孩子如何轉變---居功的是他轉校後的老師, 校長和同學, 當然他自己亦作出了很大的努力, 我到現在仍很感激校長給他機會, 收了他做插班生
作者: sue2moumou 時間: 07-7-20 17:16
原文章由 angry_mom 於 07-7-20 17:03 發表
Dear Savoy,
我有出席7月9日的家長會,對於校董會將來採用本地課程之餘，繼續加入IB原素表示歡迎，但成校怎樣還是未知之數。很多謝你建議我們向PTA返影，但你又怎知我們沒有呢？我知有家長已寫了信給校監 ...
係呀, angry mom,
講開d老師走, 真係精景, 我記得教我小朋友合唱團個老師, 因為某些原因(我唔想講)中途要走, 於是請另一位老師, 點知果個老師做左一個星期就走埋, 都算係最高紀錄, 我個小朋友連佢個樣都未記清(因為合唱團一星期練習一次)就走左, 真攪笑
作者: sue2moumou 時間: 07-7-20 17:23
原文章由 ^oo^ 於 07-7-20 00:00 發表
Dear sue2moumou,
Thanks for sharing. Looking forward to hearing your comment about Logos.
Logo方面, 我只係覆述朋友的經歷和說話, 不敢致評.
我朋友之前係果度教書, 佢個仔自然係果度讀, 但係佢後來教得好唔開心, 所以quit左. 佢話校長對家長有好多promise, 但係就扔哂係d老師, 佢地要自己設計課程, 因為無書, 又要帶活動, 備課, 改卷,....等等, 總之n咁多樣野,重有果度有好多資優生, 通常情緒都有問題, 老師又未學過點樣處理, 所以壓力好大.校長只會樣樣都push落黎, 覺得攪唔掂就係老師o既問題, 家長有投訴老師攪掂, 佢覺得好大壓力, 校長又鍾意人擦鞋, 我朋友唔係果種人, 所以quit左, 佢話都好多老師走, 因為太大壓力.
至於佢個仔係一個好乖好靜o既孩子, 我朋友話入面分兩類學生, 一種係好靜, 另一類就係好曳, 佢果仔就係俾人hup果種, 試過俾同學一個"僕", cool住佢條頸, 另一個打佢, 連老師個仔都咁打
, 真係得人驚. 後來佢個仔終於驚到有一日突然話唔返學, 驚俾人蝦, (我朋友果陣已經quit左), 於是我朋友dick起心肝同個仔即該轉校, 好彩又轉到, 以後就無返真道喇.
作者: 已刪除用戶 時間: 07-7-20 17:34
bbmm897
你可以咁講, 的確我小朋友只係升小二, 好多野, 高年班家長會比我清楚, 所以你地講早年班既野, 我都唔方便搭咀, 因為唔係我自己親身經驗, 真係唔想講, 更加無ground去贊成/反駁d咩
升中問題, 好坦白, 我係有擔心, 突然間有咁大轉變, 邊個家長唔worry? 只係, 呢個同"直升"vs"唔係全部直升", 係兩件事
angry_mom
一年轉3個老師, 正係我個女果班
第一個老師(其中一個班主任), 係健康問題, 一開學已經話走, 聽聞係有大手術要做, 無可奈何! 第2個, 係臨時temp咁請返黎, 教完12月完contract就走, 就轉左第3個, 呢個係perm既老師, 出年亦繼續stay
可否解決你既疑問?
大家都係家長, 我相信每個人對學校睇法唔同, 一d都唔出奇
有d野, 可能你經歷過, 我無, 又或者度轉, 我經驗過, 你無, 大家拎出黎講, 希望唔好帶俾對方大家hard feeling
如果有咩得罪, 先講句抱歉, 我唔係辯論員, 我只係想發表意見姐
[ 本文章最後由 Charlotte_mom 於 07-7-20 17:40 編輯 ]
作者: savoy 時間: 07-7-20 17:40
原文章由 angry_mom 於 07-7-20 17:03 發表
Dear Savoy,
我有出席7月9日的家長會,對於校董會將來採用本地課程之餘，繼續加入IB原素表示歡迎，但成校怎樣還是未知之數。很多謝你建議我們向PTA返影，但你又怎知我們沒有呢？我知有家長已寫了信給校監 ...
啊, 原來妳是中學部家長. 我說的是小學部的座談會, 因當晚發言的家長都很感謝學校老師一直來對學生努力的付出. 那麼希望中學部積極推行IB理念課程, 早點明確未來的課程系統讓家長消除憂慮.
其實只要學生喜愛上學, 對學科有興趣, 自然會有自學的態度. 谷唔谷到成績, 他們都會自己channel到. 當然學校要提供有質數的教師和學習上軟件, 使學生充分發揮能力. 但家長支持和配合都好重要.
作者: judy 時間: 07-7-20 18:04
最近幾年，我的港島朋友，一般都帮孩子選擇投考港大同学會小學(另一熱門是SPCC)，而且很難考入。可見此小學很受歡迎。
其實，一定要讀IB的，理應盡快轉校。對我來說，任何學制都有其優缺點，最重要是教學質素。
[ 本文章最後由 judy 於 07-7-20 18:06 編輯 ]
作者: hyalau 時間: 07-7-20 18:07
Hi Charlotte_mon,
Thanks for your sharing on HKUGA, and I still have some question:
1. Heard that both principle and vice-principle are gone. Is that true? Do you think it affects the school very much?
2. Do you know if the teacher's turnover still high this year? I saw from the web page the teacher's list are not the same in Chinese and English version. Do you know is that one for 06-07 and one for 07-08? If yes, then it seems more than one-third teachers quit this year.
http://www.hkugaps.edu.hk/eng/teacher/teacher_web.shtmlhttp://www.hkugaps.edu.hk/chi/teacher/teacher_web.shtml
It would be great if you can give us some more idea about the current situation in HKUGA.
作者: YongXin 時間: 07-7-20 18:17
我唔敢做架兩, 亦唔係攪事, 我女都未上小學, 我亦唔係HKUGA家長, 只是看完大家既討論, 有感而發.
家長都期望, 市場有傳統教學以外既新思維學校, 等小朋友可以愉快學習, 有動機, 有趣味, 有主動性, 有創意, 有表達能力.
我時時在想, 甚麼是愉快? 阿女最愉快就係食同玩, 甚麼都不用做. 其實, 下過苦工然後成功既, 先至係真正既快樂. 可惜, 有好多家長唔比子女經歷下苦工這個階段, 避免子女有功課測考壓力. Unbearable lightness of being, 完全無壓力, 大人小孩都會放縱. 有適量既壓力, 係推動力.
引發學習興趣當然係好事, 但係有趣過後呢? 點樣將知識記入腦? 一樣要經過艱苦既過程. 學生好有興趣作文, 但係文法唔通, 點得? 學習既重點, 最終係知識本身.
新思維學校既理念好好, 但係說易行難. 放在外國既環境還好, 社會多元化, 個人化, 可以用一生人時間研究恐龍隻牙. 但係香港華人社會, 單元化, 競爭大, 唔尊重主流以外既領域. 學生空有創意, 腦內無知識資料庫, 好難生存.
又或者子女本身非常聰明, 自覺, 好勝, 那麼新思維學校既開放環境, 就令小朋友如魚得水, 刺激小朋友既求知慾. 但係這樣的小朋友只係少數. 有自制能力, 自動自覺有discipline既學生又有幾多?
我唔知學業成績同學習氣氛, 係唔係一定對立. 下苦功先會有成果; 想開開心心, 輕輕鬆鬆, 就得到好多好實在既知識, 好似無這種shortcut.
新思維學校要面對重重困難, 因為目標好理想化. 大家唔應該否定學校師生同家長既努力, 如果相信學校既理念, 就要比時間. 適唔適合子女, 最清楚都係家長.
作者: 已刪除用戶 時間: 07-7-20 20:18
1. 校長(陳梁淑貞)係舊年走左, 新校長(任竹嬌)上任一年, 睇黎都幾smooth, 同pta間亦合作愉快, 有傳新校長tend to轉返傳統教育, 我只可以俾個 , 又不妨俾時間去証明喇
2. 好野好野, 咁都俾你留意到
, 我知英文版果個係舊既, 因為我見到女女個班主任去左四年班, 而佢之前的確係教4年班既
原文章由 hyalau 於 07-7-20 18:07 發表
Hi Charlotte_mon,
Thanks for your sharing on HKUGA, and I still have some question:
1. Heard that both principle and vice-principle are gone. Is that true? Do you think it affects the ...
作者: LLT 時間: 07-7-20 21:19
YongXin,
完全同意你的看法。
非常巧合，對我兒子來說，最快樂的事與你女兒不謀而合
– 就是吃喝玩樂！
愉快學習並能學有所成而又沒有壓力者，若真能做到，當然是好事。但個人感覺，這好比是大同世界，共產主義，原是多麽美好的理想主義。可惜它忽視了人的本性和缺點，最終只能為「烏托邦」的主義。
最後為免誤會，本人謹此澄清，本人對HKUGA全無認識，故對其沒有任何評論。本人在此只是表達個人對現年流行的「愉快學習」之己見。
作者: sheenaho 時間: 07-7-20 23:42
原文章由 meimei88 於 07-7-19 16:50 發表
你住邊區? 真道同港大都好好,但如果住九龍,當然是?真道較為合適. 至於St. Clare是津校, 教學模式跟港大和真道都唔同,如不是財政問題,我覺得直資學校到小朋友來說比較好.
agree.
:
作者: bk2005 時間: 07-7-21 00:31
我的烏托邦, 老師就像Dead Poets Society 中的 Robin Williams.一年前,曾想過押下女兒的前途,追求心中的烏托邦,報讀HKUGA.最後HKUGA真的收了我的女兒, 可惜我輸不起而放棄了HKUGA. 一年後的今天,雖不是HKUGA學生家長,期望HKUGA帶來的新氣象未能看到.換來的是一個個壞消息.
回歸現實, 時代或許真的變了,在我小時,老師會說蜜蜂和蝴蝶的故事,蜜蜂勤力採花蜜可以渡過寒冬,蝴蝶卻只故玩而凍死.現在,像要把眼前快樂放在第一位.
[ 本文章最後由 bk2005 於 07-7-21 00:38 編輯 ]
作者: Pelican 時間: 07-7-21 00:42
原文章由 catcatmom 於 07-7-20 11:46 發表
E+好多新直資小學都走國際學校既模式, 朋友個女讀果間直資學校都係甘,做錯功課老師都唔改,好自由.....
誤會了。
國際學校的教學並不 "自由"，班中紀律亦毫不鬆散。
然而不幸地，有部份新派直資學校，以為教學上自由點，紀律上寬鬆些，就係學到國際學校，這情形實在另人擔心。
作者: catcatmom 時間: 07-7-21 02:07
國際學校比傳統小學係自由好多,這點係肯定,我個女都係讀國際幼稚園(無中文教,讀完k2就上小學! 日日番學都係玩!) 佢地係好自由,但唔係無紀律喎!我個女發脾氣,鬼婆要佢坐埋一邊,唔比佢玩,係自由唔係=無紀律!
原文章由 Pelican 於 07-7-21 00:42 發表
誤會了。
國際學校的教學並不 "自由"，班中紀律亦毫不鬆散。
然而不幸地，有部份新派直資學校，以為教學上自由點，紀律上寬鬆些，就係學到國際學校，這情形實在另人擔心。
[ 本文章最後由 catcatmom 於 07-7-21 02:09 編輯 ]
作者: Char 時間: 07-7-21 04:03
謝謝大家的回應。特別是 Charlotte_mom 給我的PM回覆，很是感激。我想，替孩子選擇合適的學校從來都不容易，經過這年多來的努力，不斷的搜集資料、參加座談會、簡介會(真的很累)，我想我們已找到應該去的地方。我很相信自己的一雙"法眼"，我是不會看錯的。
但無論如何抉擇，做父母的都應該引領孩子勇往直前的走下去，不要老想
作者: Char 時間: 07-7-21 04:37
可以走回頭路，這對孩子百害而無一利。更不要以為把孩子交給學校，家長不用付出，十年八載後學校能還你一塊"十優美玉"，這是不可能的！每間學校都有開心的家長和不開心的家長，如果你是開心的家長，真充心的恭喜你，相信你小朋友已找到合適的學校。但如果你是不開心的家長，請先不要埋怨學校，也不要責怪孩子，請先想一想問題是否出在自己身上，自己是否有做得不足的地方？為何學校其他家長能感覺開心，自己卻做不到！
作者: Char 時間: 07-7-21 05:51
不解：
為何那麼多人認為一般直資學校辦學的理念———"愉快學習"、"以獎勵代替責罰"、"沒有測驗考試"乃 等同
= 學校對學生沒有要求、
= 學生只管吃喝玩樂不用努力、
= 學生沒有壓力、
= 學生沒有紀律？
你們對以上的辦學理念有多少了解？有沒有細心分析過？為何視之如洪水猛獸？可惜我中文輸入太慢，否則一定和大家仔細分析一下。
作者: sheenaho 時間: 07-7-21 10:30
原文章由 Char 於 07-7-21 05:51 發表
不解：
為何那麼多人認為一般直資學校辦學的理念———"愉快學習"、"以獎勵代替責罰"、"沒有測驗考試"乃 等同
= 學校對學生沒有要求、
= 學生只管吃喝玩樂不用努力、
= 學生沒有壓力、
= 學生沒有紀律？
...
十分同意.
要選這類小學,家長一定要先弄清楚什麼是'活動教學', 什麼是'愉快學習'. 背後的理念是怎樣. 小朋友在這些學校裏要學的不單是 'learn to know', 更重要的是'know to learn' .
作者: Pelican 時間: 07-7-21 11:09
原文章由 catcatmom 於 07-7-21 02:07 發表
國際學校比傳統小學係自由好多,這點係肯定,我個女都係讀國際幼稚園(無中文教,讀完k2就上小學! 日日番學都係玩!) 佢地係好自由,但唔係無紀律喎!我個女發脾氣,鬼婆要佢坐埋一邊,唔比佢玩,係自由唔係=無紀律!
你講的自由，係邊一方面？我都好肯定，國際學校並不 "自由"。
我兩個小朋友都係讀國際小學了，大的下年上中學。
學習上，都唔係話任你想點就點，孩子每天要閱讀，要完成功課，每個學期，都有大量個人及小組 project。部份 project 要下課後做，如果係小組 project，就要自己安排與同學聚在一起做。另外有部份 project 在班上做的，孩子帶回家的 "完成品" 的質素，亦令我意外。國際學校孩子都要大量閱讀，每天書不離手；閱讀，係孩子自己讀的，老師只會 "要求" 孩子閱讀，不會強迫，但不難發現，孩子們都真係真心的熱愛閱讀。國際學校孩子們，都被訓練成會自動自覺做事，亦都係會自發學習。
我個人覺得， "自發性" 唔代表係 "自由" --- 老師都不用怎樣迫學生做功課，因為根本唔駛點迫，個個同學都有功課交，如果自己冇，會好 odd 。至於紀律，國際學校課堂紀律都嚴厲，當我見有家長話某直資學校部份學生不尊重老師，不首班內紀律，我真的覺得很意外。
有些本地主流學校，甚至老師，可能原意係想比學生或家長，覺得學校跟一般傳統主流學校不一樣，就想帶一些國際學校的 "元素" 入教學。可是，一般人對國際學校太不了解，覺得唔鬧學生，唔罰學生，甚至少 d 功課，或功課唔做都唔話，或功課做錯唔改，就係學了國際學校。這種諗法，真係大錯特錯。
這都是我個人多年來，孩子讀國際學校的感受，及讀到有非國際學校家長/學生對國際學校的印象/批評的感受。有錯請指正。
[ 本文章最後由 Pelican 於 07-7-21 11:11 編輯 ]
作者: TT 時間: 07-7-21 17:21
其實近日在這裡都聽了不少對學校的意見, 不論是好是壞, 都多謝各媽咪的見解. 回想自己去幫小朋友選學校, 到現在可以話塵埃落定, 中間真係做了很多功課, 問過好多朋友. 其實到現在心裡都唔知道是否真係正確, 小朋友是否適合. 每個父母都想比最好自己的小朋友, 但搵學校真不是你想讀邊間就可以入邊間, 就算是港大同學會亦要在千幾人中被選中. 間間學校都有好處和壞處, 家庭教育都好重要, 小朋友重有很長既路要行, 所以大家都不用太擔心, 只要真是發覺學校和自己的理念不一樣, 才作別想.
小朋友已經過整整一年辛苦面試, 又面試, 得到了的成果, 希望各家長是否真的滿意, 都應該和小朋友分享, 話比佢地聽你間小學係最好的, 最開心的, 最適給你的.
作者: bbmm897 時間: 07-7-21 18:27
原文章由 Char 於 07-7-21 04:37 發表
可以走回頭路，這對孩子百害而無一利。更不要以為把孩子交給學校，家長不用付出，十年八載後學校能還你一塊"十優美玉"，這是不可能的！每間學校都有開心的家長和不開心的家長，如果你是開心的家長，真充心的恭喜 ...
每人走的路都不同, 何必要論斷為"百害"?
當囝囝在初小時, 我亦曾經是開心的家長, 我亦清楚學校推行的理念, 只是, 概念再好而無一套貫徹其中的推行方法, 如何見成效? 你可以話校方需要時間改進? 但作為家長, 我唔願意自已小朋友做其實驗中白老鼠, 學習態度變得模糊不清, 可能過多三五七年HKUGA教出嚟嘅學生會在愉快學習中變得有自信, 自律及有自發性, 但唔係今時今日.
道不同, 不相為謀. 唔再回應啦! 祝你好運.
作者: catcatmom 時間: 07-7-23 12:49
//老師都不用怎樣迫學生做功課，因為根本唔駛點迫，個個同學都有功課交，如果自己冇，會好 odd 。//
係國際學校唔交功課係odd 或者 係唔好意思 ! 但係傳統小學,好像大b 果間學校一月唔交3次功課記缺點,唔知幾多個缺點就變->小過->大過,會寫係成績表, 細b 讀國際幼稚園無功課, 日日都係玩,
learn from playing, 唔知上到小學情況.
好像我之前做既一間本地日本公司, 如果員工返工遲一分(任何原因), 要向全公司, 每一個同事講, 唔好意思!麻煩了你! 公司大約50人, 唔係自己覺得唔好意思,下次自動自覺唔遲啦!係要你面對一種刑罰!
國際比傳統學校較自由, 這點5需要argue! 自由唔代表佢地唔自律!
你講的自由，係邊一方面？我都好肯定，國際學校並不 "自由"。
我兩個小朋友都係讀國際小學了，大的下年上中學。
學習上，都唔係話任你想點就點，孩子每天要閱讀，要完成功課，每個學期，都有大量個人 ... [/quote]
[ 本文章最後由 catcatmom 於 07-7-23 12:58 編輯 ]
作者: annew1128 時間: 07-7-23 13:18
原文章由 sue2moumou 於 07-7-20 17:23 發表
Logo方面, 我只係覆述朋友的經歷和說話, 不敢致評.
我朋友之前係果度教書, 佢個仔自然係果度讀, 但係佢後來教得好唔開心, 所以quit左. 佢話校長對家長有好多promise, 但係就扔哂係d老師, 佢地要自己設計課 ...
我女兒都是一樣, 屬於靜的一類, 也是比人蝦, 所以三年班時幫她轉校了. 慶幸她現在已變得很有自信, 有快樂的學校生活.
Logos學英文的情況跟港大同學會查不多.
作者: Pelican 時間: 07-7-23 15:51
原文章由 catcatmom 於 07-7-23 12:49 發表
....
細b 讀國際幼稚園無功課, 日日都係玩, learn from playing, 唔知上到小學情況.
下，原來你唔知國際小學的情形？
而家 d 家長係討論緊 hkuga 的小學，甚至升中問題，
你國際幼稚園的情形作比較，唔係好恰當。
[ 本文章最後由 Pelican 於 07-7-23 16:04 編輯 ]
作者: catcatmom 時間: 07-7-23 16:29
細b讀緊國際幼稚園,無功課,日日玩,好自由,未入之前已知, 入左更加了解. 要完k2,入到國際小學先至真正去感受一下!
好似我朋友個仔讀國際學校,思想好洋化, 爸爸叫佢做野樣樣都要講條件, 聽完我都感受唔到!
"知道"同"真正了解"係兩回事, 無小朋友讀過讀傳統學校, 又點感受到e+ d小學仍然甘傳統?
下，原來你唔知國際小學的情形？
而家 d 家長係討論緊 hkuga 的小學，甚至升中問題，
你國際幼稚園的情形作比較，唔係好恰當。 [/quote]
[ 本文章最後由 catcatmom 於 07-7-23 16:49 編輯 ]
作者: sue2moumou 時間: 07-7-23 23:45
原文章由 annew1128 於 07-7-23 13:18 發表
我女兒都是一樣, 屬於靜的一類, 也是比人蝦, 所以三年班時幫她轉校了. 慶幸她現在已變得很有自信, 有快樂的學校生活.
Logos學英文的情況跟港大同學會查不多.
sorry, annew,
你o既意思係你個女而家係咪已經離開左logo, 轉左去另一間小學呀?
作者: toystory 時間: 07-7-24 02:43
原文章由 Char 於 07-7-21 04:37 發表
可以走回頭路，這對孩子百害而無一利。更不要以為把孩子交給學校，家長不用付出，十年八載後學校能還你一塊"十優美玉"，這是不可能的！每間學校都有開心的家長和不開心的家長，如果你是開心的家長，真充心的恭喜 ...
不解：
為何那麼多人認為一般直資學校辦學的理念———"愉快學習"、"以獎勵代替責罰"、"沒有測驗考試"乃
等同
= 學校對學生沒有要求、
= 學生只管吃喝玩樂不用努力、
= 學生沒有壓力、
= 學生沒有紀律？
你們對以上的辦學理念有多少了解？有沒有細心分析過？為何視之如洪水猛獸？
Char
我想你已經"得道"了，其實相信你已對幾間學校做了很多功課，已知道怎樣幫你的小朋友選最好的路，何必只聽一些道聽途說、人云亦云的意見呢？
另外有一些謬誤，我也是不吐不快：
“好多學生都出去補英文, 因為學校教得唔多, 但係就測驗好深, d功課都好深, 成日都要查字典做功課…”
與我所知剛剛相反，HKUGA學生英文程度頗高，學習深度比一般同年級程度要高，校外試表現也很好，証明學校有要求，証明"愉快學習"都可以得到好多好實在既知識！不過，請問查字典做功課有問題嗎？
“學生的操行問題…其實每一班總有兩三個極度頑劣的學生…”
是否做過普查，我看到的事實卻不是這樣，”極度頑劣” 也是言重了，從統計學上看，每校每班也會有少數乖學生和少數差學生，請告訴我那所學校只出乖學生的。
“連一此乖的都變得無禮貌，駁咀駁舌，這是HKUGA學生的特徵。”
這觀點真是見仁見智。在我來看，”駁咀駁舌” 並非無禮貌，只要有道理，就是小孩子也應該被尊重。在我來看，這種思辯精神，正是HKUGA學生的特徵。我們是否只希望教育出一些從小只懂說Yes, sir而沒有主見的人嗎？
[ 本文章最後由 toystory 於 07-7-24 02:45 編輯 ]
作者: chanlui 時間: 07-7-24 09:11
[quote]原文章由 Char 於 07-7-19 11:49 發表
今日港大同學會call offer 小女07/08 小一學位，之前真道、St Clare又收
作者: chanlui 時間: 07-7-24 09:17
should stick to your original choice. My friends' kids studying there are all happy and have good character. What's more important than this?
作者: Pelican 時間: 07-7-24 09:45
catcatmum，
我只係想糾正你的說話，
我想話比大家知，國際小學跟傳統小學一樣，都係有功課。
因為你曾經說過國際學校係冇功課的，我當然不同意，
不過後來你都說你只是講國際幼稚園的情形，
咁我覺得你當時用國際幼稚園，同傳統小學比，唔係咁適當。
我唔想在這裡再討論 off topic 的事，版主未有興趣知國際小學的事，你想回應，請 post 去 "國際學校" 那邊。
[ 本文章最後由 Pelican 於 07-7-24 09:47 編輯 ]
作者: annew1128 時間: 07-7-24 12:45
原文章由 sue2moumou 於 07-7-23 23:45 發表
sorry, annew,
你o既意思係你個女而家係咪已經離開左logo, 轉左去另一間小學呀?
是呀, 轉了去另一間小學了.
作者: 已刪除用戶 時間: 07-7-24 14:07
國際學校唔係無功課, 國際學校都有學生o係國際性公開試考到好成績, 入到好outstanding既大學, 我朋友個女讀緊ais, 唔算太academic既學校, 佢都話, 好多projects, 好多野要睇
活動教學亦唔等於唔駛學唔駛做, 呢樣真係好想clarify一下, 有時見到個女d功課, 都好欣賞老師既心思, 好似果期個theme講"童話故事", 其中一份功課係要學生化goldilocks寫一封道歉信俾3隻熊, 因為goldilocks入佢地屋企攪亂晒..........呢d唔係功課咩? 唔係學習咩? 唔駛用腦咩? 只不過有別於一般傳統學校用既死板exercise吧!
針無兩頭利, 傳統教學用到咁多年, 一定有佢好處, 但倒轉黎講, 亦有照顧唔到既地方, 好似話, 有學生想插班入hkuga, 份英文科written test, 只係simply叫學生寫一篇野on "my family", 好多傳統學校學生, 係攪唔掂既, 因為佢地只習慣按本子辦事, 知咩rule叫對, 咩rule叫錯, 做grammar exercise 100分, 但當俾自由佢地去寫, 佢地反而唔識點去入手
原文章由 Pelican 於 07-7-24 09:45 發表
catcatmum，
我只係想糾正你的說話，
我想話比大家知，國際小學跟傳統小學一樣，都係有功課。
因為你曾經說過國際學校係冇功課的，我當然不同意，
不過後來你都說你只是講國際幼稚園的情形，
咁我覺得 ...
作者: sue2moumou 時間: 07-7-24 15:47
要好準確講到hkuga d成績係點, 會好"朧統"因為好難係學校與學校之間比較.....又未見到公開試成績.
但係我小朋友升小四時, 有幾個同學成績差,學校要求佢地repeat, 有個同學唔想repeat, 於是出去考其他學校插班, 當時只有學校肯收佢只係重讀小二(唔係名校). 我當時知道後真情"get a shock", 吓! 佢係學校可以repeat小三o既程度, 係出面只係小二咋, 乜我地d程度咁低o既 呢件事係我決定離開呢間學校o既導火線, 我地果時成班家長都見到我地d小朋友係四年班時o既中文程度(因為我地只比較了中文一科)去番一年班o既水平, 好多字都唔記得點寫, 俾佢地free writing d字都要識寫至得架. 我補充我講緊以前(三年前), 唔好同我拗而家點點呀.
如果話tsa, 重大笑話, 我個小朋友三年級時考, 校長對外面講考得好好, 但係對住我小朋友全級閙得好厲害, 話佢地考得好差, 仲黑哂個面口添
記得當年佢小三時, 個班主任中途要走, 送左每個家長一隻vcd, 內容是佢地自己排左個drama, 係功課之一, 係課室內演出, 當時班主任同校長(梁校長)都在場. 片中噪喧巴閉, 完全聽唔到對白, 學生大聲談笑(係全班), 完全不懂得尊重別人(這點我本人最concern, 我欣賞這裡的學生腦根靈活, 卻不欣賞他們不曉得尊重和禮貌, 儘管要表達自己的意見和想法時也要有禮貌, 他們已經不再是幼稚園學生, 要懂得甚麼時候做/講甚麼事情/說話)老師同校長亦面有難色, 我只可用恐怖場面黎形容.我同我個小朋友講話如果呢d事發生係一般主流學校, 一定全班俾人罰留堂or something else. 係佢地學校先至忍到佢地.
而家o既野, 我知道有兩件肯定o既事:
1) 今年上唔到 hkuga college, 派位好差, 有d去左寶血,有d去左
伊斯蘭脫維 -- hkuga隔離果間, 好似話佢地去過考播x都唔收. 有無人發覺hkuga從來無公佈過一d升唔到college o既學生去左咩學校, 即係無人知佢地o既banding, 又無公開試成績做reference喎.
2) 今年有個hkuga學生升小六,中文同數學都唔合格, 當然第一次呈分試梗係唔好, 佢媽咪好擔心六年班果兩次都唔好, 所以要求學校俾佢repeat小五(因為教統局規定小六係唔可以repeat), 但係學校話佢唔係算最差果批, 而且加上學校唔夠咁多位repeat. 吓! 唔係卦! 咁o既成績都要夾硬推上小六, 咪害左果學生, 到時college當然唔會收返佢, 入到邊間中學都令人擔心 .
講左咁耐我都知好多人唔妥我囉, 正如有網友話"道不同不相為謀", 咁咪請你地走另一條路o既家長放長雙眼, 睇下幾年後你地o既感覺同睇法重有無變? 祝你地好運啦, 以後都唔回應囉.
作者: judy 時間: 07-7-24 17:44
但係我小朋友升小四時, 有幾個同學成績差,學校要求佢地repeat, 有個同學唔想repeat, 於是出去考其他學校插班, 當時只有學校肯收佢只係重讀小二(唔係名校). 我當時知道後真情"get a shock", 吓! 佢係學校可以repeat小三o既程度, 係出面只係小二咋, 乜我地d程度咁低o既 呢件事係我決定離開呢間學校o既導火線,
港大同学會小學之課程和外面普通津校既不同，測驗評估之形式也不同，到普通小學應試，自然大打折扣，不用過慮。張五常自美回港，曾安排兒子到名津校入讀，校長先給張五常一些數學之試卷，張五常看後對孩子說:"看來你無可能考得入"，而决定讓孩子讀國際学校，孩子後來也考進了美國名大学。
幾年前聖誕節，在地鐵曾見到直資學校臻美小學生和一普通小學之繪畫。臻美小學學生的畫有故事，有創意，色彩美麗。另一小學學生相比之下，差了很多很多。也曾有人投訢臻美比其他學校的學生学術差，我看完那次畫後，不會再相信其指控。
小学階段，只要學生肯讀書，有創意，比甚麽都好。
我識得些讀港大同學會小學之父母，我好相信佢地知道其孩子之程度，孩子是龍是蛇，使鬼去找第二家津校做test。
作者: huayan 時間: 07-7-24 18:12
原文章由 sue2moumou 於 07-7-24 15:47 發表
要好準確講到hkuga d成績係點, 會好"朧統"因為好難係學校與學校之間比較.....又未見到公開試成績.
但係我小朋友升小四時, 有幾個同學成績差,學校要求佢地repeat, 有個同學唔想repeat, 於是出去考其他學校插班, ...
你自已小朋友又轉到校喎!?
作者: sheenaho 時間: 07-7-24 19:57
原文章由 sue2moumou 於 07-7-24 15:47 發表
要好準確講到hkuga d成績係點, 會好"朧統"因為好難係學校與學校之間比較.....又未見到公開試成績.
但係我小朋友升小四時, 有幾個同學成績差,學校要求佢地repeat, 有個同學唔想repeat, 於是出去考其他學校插班, ...
這個情況可能早兩三年較多, 我都聽過. 希望這些小朋友現在都有愉快和愜意的學習生活.
可幸的是近年學生水平較平均. 想了解他們怎應付考試壓力嗎?我的小孩今年是p.3. 要考教育局的系統評估. 學校方面沒有操練他們. 評估內的中英文兩科是有口語的. 我小孩告訴我考這部份時很多同學都不開心. 為什麼呢? 原來很多同學不開心沒有被抽中. 他們都很想被人抽中去做test. 有趣嗎? :
作者: toystory 時間: 07-7-25 03:00
我真的不肯定以上傳言的真確性。不知道HKUGA剛開校時收生情況是否真的如上述那麼糟？還只是以偏蓋全。
但近兩三年，HKUGA每年收生都精心挑選(取錄比率大概10選1)，在這種競爭下，所選的學生肯定有相當素質，我所欣賞的就是這種難得的學習環境 — 能與優秀學生為伍，在互為影響下，我只看到學生們向前的動力，(這正就如sheenaho所述的P.3學生們主動熱衷參與TSA的例子！我也看過兩個P.2學生努力自學Power Point來競技 present他們的Project的例子！) ，在這種學習環境下，學生的成績那怕會變成需要降級重讀其它小學(唔係名校) 的情況！！
[ 本文章最後由 toystory 於 07-7-25 03:09 編輯 ]
作者: stevema 時間: 07-7-25 10:19
If the students are good and well trained, why didn't HKUGA accept them all to their Secondary section?
Leaving some failure students to "traditional schools" is a ethnically wrong. I remember our ex-leader said : "you are sometimes naive..." this is true to believe the "one dragon" concept, it simply doesn't work to current education system.
作者: 050101 時間: 07-7-25 13:46
每一間直資都有它的好處與壞處
陳守仁 － 哥哥的兒子今年升五年班， 評語此校英文都可以， 但中文程度差
優才 － 朋友的女兒升四年班， 評語此功課一般， 但中英文程度都OK
港大 － 自己的女兒升四年班， 三年班的功課和測驗比二年班多。但普通話比以上學校好
作者: toystory 時間: 07-7-25 13:54
If the students are good and well trained, why didn't HKUGA accept them all to their Secondary section?
The Batch 1 students are not the group I have mentioned. It would be fair to count those who have been admitted in past 3 ~ 4 years under the intense competition.
Whether those students can prove their competence, let us wait and see.
[ 本文章最後由 toystory 於 07-7-25 13:57 編輯 ]
作者: Char 時間: 07-7-25 23:06
唔好問一條龍點解唔係自已心目中
作者: jjmummy 時間: 07-7-26 09:00
真道吾錯, 我有識小朋友讀真道, 佢地好"活", st clare 比較
transdition, 若你小朋友比較被動, 我故st clare 適合Ｄ,
原文章由 Char 於 07-7-19 11:49 發表
今日港大同學會call offer 小女07/08 小一學位，之前真道、St Clare又收咗。本來諗住叠埋心水入真道，現在不知好唔好應承港大同學會。
小女專注力比較差，人慢熱、情緒又有時稍差和固執，雖然學 ...
作者: Sibylla 時間: 07-8-21 13:29
我女今年在HKUGA讀小一，適應日當日有安排同幾位小二以上的家長見見面，問問題。他們個個都好樂意為學校付出時間，幫忙其他家長，因為覺得學校很好，而我總括他們最開心的是他們的子女在這校讀書後是對『學習有自發性的興趣』，這是很多家長都夢眛以求的，所以他們想做一點事來回饋學校。
無一所學校是適合所有小朋友及家長的期望的，如果覺得不適合，倒不如快快轉校，無謂大家都唔開心，讓番個位比真正懂得欣賞這所學校的小朋友及家長吧！
看到這些偏激的回應後，我只是慶幸那這所學校可以少了一個麻煩的家長！
作者: 已刪除用戶 時間: 07-8-21 14:13
其實每個家長對"教育"期望唔同, 好似有d傳統名校, 成績係好好, 不過我覺得, 除左academic野, 人生仲有好多其他方面需要秉顧, 所以, 各人有各人揀學校criteria, 一d都唔奇
不過對於hkuga"一條龍"而唔100%俾學校直升, 而反覆俾人咬住唔放, 我真係覺得啼笑皆非, hkuga家長都未出聲, 其他人嘈咩鬼! 邊間直資一條龍敢話自己100%直升? 間間都要到達基本要求架啦! 仲有人話留意到學校無公佈果d升唔到既學生去左邊, 講到黑箱作業咁, 真係唔知好嬲定好笑........如果學校唔俾你個小朋友直升, 你仲會唔會填佢d questionnaire交代去向丫!? 就算有交代, 你仲想唔想學校公開post晒出黎俾人知丫?!
原文章由 Sibylla 於 07-8-21 01:29 PM 發表
我女今年在HKUGA讀小一，適應日當日有安排同幾位小二以上的家長見見面，問問題。他們個個都好樂意為學校付出時間，幫忙其他家長，因為覺得學校很好，而我總括他們最開心的是他們的子女在這校讀書後是對『學習有 ...
作者: newdingdong 時間: 07-8-21 14:47
This is only my personal feeling towards the 2 principals .
After attending the P1 seminar last week, I think Principal Yam is not good at "selling". HKUGA is a good school, all the kids we meet (those lovely guides), who are quite confident in front of the crowds, the students artworks on the wall and on bulletin boards are very impressive...... but she seems too weak in convincing or telling people how good the school is. (I was quite disappointed). I do believe she and all the HKUGA teachers have heart in doing all round education but she seems not tough enough to lead the team.
Principal Yau in Logos, he is a good sales person, from the saminar, you will know what is the vision of the school, the course features, the qualification of the teachers, the standard of their students ..
作者: christf 時間: 07-8-21 14:54
提示: 作者被禁止或刪除 內容自動屏蔽
作者: 已刪除用戶 時間: 07-8-21 15:09
我唔知你講果d學校係點安排學校直升, 不過中英數合格係基本要求掛? 有一條龍中學唔等於恰埋對眼就咁俾d學生升晒上去, that's all i want to say, and that's fair enough!!
至於你講活動教學, 我都想講下, 你quote既名校之中, 有間都話自己係活動教學, 佢話no exam tim! 不過全部"比賽", "遊戲"都計落總成績咁解之嘛! 呢d咪正正式式"it leads to unavoidable intense tests or exams pressure"啦! 點解你唔去challenge一下?!
"Only including some projects works and using some worksheets during the class could not be said to have real activity-based education " 你係hkuga家長嗎? 你認識幾多佢地上課形式? 除左projects+worksheet, 你又知幾多?
作者: CSCHILD 時間: 07-8-22 19:03
一條龍？好多傳統self-claimed一條龍名校每年都收十個八個外來"考第一生"，呢D學位邊到嚟？唔通係個校長自己嗬出嚟？定係小一已經留定位？大家心知肚明。我以前番學，年年都少咗D舊同學，換左幾張新面孔。細個讀書唔明，大咗就知道你唔達標學校係要你走嘅(直接或間接方法)。正如你考咗入史丹福、哈佛、牛津都唔保證畢倒業。所以唔好浪費時間去研究"一條龍"嘅定義，幫吓小朋友達標最實際！
作者: newdingdong 時間: 07-8-23 10:32
CSCHILD, totally agreed your view.
作者: 已刪除用戶 時間: 07-8-23 13:25
CSCHILD, 好在仲有d明事理既家長.....現實係咁架啦.........
newdingdong, 我都覺得, 任校長唔係一個太識sell野既人(其他hkuga家長見到唔好怪我呀.....), 佢唔似以前gloria校長, 或者林副校咁口若懸河, 不過任校長好熱愛學校, 亦好努力工作, 與staff之間相處亦好和洽..........我有次夜晚返學校上d家長course, overrun到成11點, 校長無端端彈出黎, 嚇左我一跳! 家校會d人話, 成日都見到佢做到咁夜, 真係好勤力呢!
原文章由 newdingdong 於 07-8-23 10:32 AM 發表
CSCHILD, totally agreed your view.
作者: Leechi 時間: 07-8-23 13:55 標題: 你最後選擇左HKUGA or St Joseph ?
原文章由 hyalau 於 07-7-19 15:59 發表
Hi Char,
I got the same situation with you. HKUGA call me today to give an offer to my son. But my son already got a sit in St. Joseph (Wan Chai). We are still thinking now whether to chang ...
Hi hyalau,
請問你最後選擇左HKUGA or St Joseph ?
作者: CSCHILD 時間: 07-8-23 18:56
原文章由 newdingdong 於 07-8-21 14:47 發表
This is only my personal feeling towards the 2 principals .
After attending the P1 seminar last week, I think Principal Yam is not good at "selling". HKUGA is a good school, all the kids we m ...
Don't be disappointed. 我都有去上周個 P1 seminar. 其實我地家長最需要嘅係 Good Partner，唔係 Good Promotor。記得去年參加小一簡介會嘅時侯，任校長回答咗我一個公開問題，佢給出嘅答案，就係自己心目中已存在的唯一model answer,自此我覺得校長同自己思路好接近，所以好信任佢，呢個亦係我最終選呢間學校嘅原因之一。其實任何嘢都有機會成本，如果學校花多D資源去Promote自己，其它方面就會付代價。我覺得我哋港同家長最緊要做好自己，貫切學校目標。要放下面子，人哋惦批評，唯有用時間去証明，爭駁係冇用嘅！
| 歡迎光臨 教育王國 (/) |
Powered by Discuz! X1.5 |