教育王國

標題: 如果補習後成績都無進步， [打印本頁]

作者: clmutter 時間: 07-7-16 11:02 標題: 如果補習後成績都無進步，

會唔會再補落去

抑或?????

作者: chungmama12 時間: 07-7-16 11:12

原文章由 clmutter 於 07-7-16 11:02 發表
會唔會再補落去
抑或?????

其實睇你用了多久的時間觀察, 還有家長有冇配合老師, 例如, 老師需要小朋友做練習, 但佢冇做, 又或者要佢備課, 佢又冇, 咁補習老師就好難發揮到作用, 因為補習時間有限, 所以你應該了解一吓究竟是老師還是小朋友問題.

作者: clmutter 時間: 07-7-16 19:20

多謝你的意見

佢補咗大約一年，係初中生，所以無得強迫:cry:

作者: kitkitaunt 時間: 07-7-16 20:40

原文章由 clmutter 於 07-7-16 19:20 發表
多謝你的意見

佢補咗大約一年，係初中生，所以無得強迫:cry:

其實家長配合真係好重要啊！
家長千祈唔好諗住交左個小朋友俾補習老師就可以完全放手不理！
補習老師既作用係幫學生清晰概念﹐輔助學生計劃如何溫習/練習所學,但學生到底會唔會依補習老師既計劃去進行溫習呢？就全靠家長既協助﹐若果家長重視補習老師既吩咐去督促學生學習﹐效果會顯著得多﹐相反﹐家長都唔重視補習老師既功課﹐單靠「權力」有限既補習老師﹐效果會事倍功半！

作者: pinkiesalbe 時間: 07-7-16 23:00

無錯呀...各位mama都講得無錯，
補習除左個老師教得好外，真係好靠學生/家長是否配合
當然你都要留意老師的教法，你的子女是否受落。

作者: Cathyneo 時間: 07-7-16 23:45

好睇小朋友係咪係肯俾時間下苦功，俾幾十條數佢返屋企做，下次多數交到既咪有進步，有啲次次返黎都話好深唔識，一係話冇帶，但坐係度對住佢又識計，咁咪最多都係合格。

作者: mos2468 時間: 07-7-17 00:02

我有一個姨甥女同一個姪兒，由小學補到高中，依然毫無進步，因為佢兩個當補習係應酬佢地父母，敷衍了事，平時上堂發夢，好日都唔點吓本書，所以每次補習老師只係幫佢完成功課，已經用了不少時間，教得佢完成功課都夠鐘。其實問題徵結係兩個少年根本不鍾意讀書。最可悲的是兩個少年嘅父母，後來分別送了他們出國讀書，以為可以解決問題，唸咗兩年，最後學業未完成，他們已經先後返香港，繼續過着頹廢嘅生活。

作者: fattymama 時間: 07-7-17 08:28

唉！可憐我地呢一代o既父母心呀

！

作者: xokitty 時間: 07-7-17 09:45

原文章由 mos2468 於 07-7-17 00:02 發表
我有一個姨甥女同一個姪兒，由小學補到高中，依然毫無進步，因為佢兩個當補習係應酬佢地父母，敷衍了事，平時上堂發夢，好日都唔點吓本書，所以每次補習老師只係幫佢完成功課，已經用了不少時間，教得佢完 ...

咪是law~有好多家長以為比左佢地出去補習就可以咩都唔洗理~但一班咁多小朋友, 邊到可以照顧咁多~基本上補習舍會每日可以做到的是幫你地的小朋友做好晒的功課, 有默書的就默書~但如果你地想成績再好的~最好回家都跟一跟~不過其實對好晒的功課已經幫輕左好多~我試過見過的小朋友有四五小時在補習舍連功課也做不起~不是因為功課太多, 而是因為他們特登做慢的~同佢地的家長講都無用~因為佢地實幫個小朋友講籍口~又話佢地唔迫得~使的小朋友晒籍口~咁佢地何來有進步呢

作者: donkey24 時間: 07-7-17 10:12

補習時, 最大問題是學生根本自己不想補習..
對讀書無興趣
最難攪是這批學生
不知道讀書少的將來的問題
OF COZ 身心也要平衡

作者: REBBITMAMI 時間: 07-7-17 10:13

原文章由 clmutter 於 07-7-16 11:02 發表
會唔會再補落去
抑或?????

我個小朋友也有去補數，補了2年左右，中一上學期也是剛合格(100/200)，後來我决定自己補，要重新溫數，都幾辛苦，買了幾本練習給小朋友做，有唔明大家一齊解決，(因沒有依靠) ，期考數學分 150/200，現時小朋友對數學已沒有那麽害怕。

RGDS

作者: kc2021 時間: 07-7-17 11:31

其實, 對於中學小朋友, 補習是幫小朋友對各科目更加清晰,
教小朋友應有讀書方法, 點寫重點筆記, 點溫書.
因為多數補習老師都是大學生, 所以他們應該有一點讀書心得.
但本人認為, 現在大學生, 有些只會自己讀書, 不是太懂教人及
分享讀書心得. 所以現在你要清楚以下問題 :
1) 補習老師, 只是輔助小朋友讀書, 學校老師才是最重要,
小朋友上堂唔留心, 唔識發'問', 任何老師都是不知道.
2) 其實, 我覺得男仔和女仔讀書方法都唔同, 應分析是否現在
讀書方法不太合適.
3) 多鼓勵小朋友'朋輩分享'讀書心得, 才是最好.

希望多些家長分享心得.

歡迎光臨教育王國 (/)