教育王國

標題: 小朋友因怕俾人罵而講大話 [打印本頁]

作者: Sandra_100 時間: 07-7-14 09:20 標題: 小朋友因怕俾人罵而講大話

有無人試過發現小朋友講大話而原因是小朋友怕會俾媽媽罵?
有時我會叫小朋友下午4至5點去公園玩，晚上問他有無去，他答有但我知他無。最初他死也不認自己講大話，但在我們說我們知道了事實後就認了。他只有6歲，我已不只一次告訴他不可講大話，軟硬的方法也用過，但昨晚他又講大話了!

請問有何方法可令小朋友不再講大話呢?

作者: GeorgiHo 時間: 07-7-14 09:36 標題: 小朋友因怕俾人罵而講大話

原文章由 Sandra_100 於 07-7-14 09:20 發表
有無人試過發現小朋友講大話而原因是小朋友怕會俾媽媽罵?
有時我會叫小朋友下午4至5點去公園玩，晚上問他有無去，他答有但我知他無。最初他死也不認自己講大話，但在我們說我們知道了事實後就認了。他只有6歲， ...

你個仔得6歲, 你比佢自己去公園玩? 好危險呀!
我都有這樣經驗, 我個女都系怕我罵才講大話, 我解釋比佢好多次, 但有時都系咁, 每次我叫佢講真話, 問左幾次, 佢就講真話. 我都想知有冇媽咪有這樣的經驗可以分享下.

作者: jk67jk 時間: 07-7-14 10:13

如果講大話的原因是怕被罵﹐咁係咪經常因為做錯事被罵呢？如果係，心理陰影好重。

我個仔都有時會，佢仲會話：「我講你知你唔好鬧我喎！」所以我唯有反省下自己係咪事無大小都慣左開口鬧一兩句，令佢唔想俾我知。我從來不會應承"唔鬧佢"，我只會叫佢一定要講出來才是誠實的好孩子。

正如有時如果自己已經收到料，知道孩子要隱瞞的事並不是什麼大件事，我會叫佢講出黎，然後真係要好溫柔咁，一句都唔鬧 —— 希望佢知道講出事實不一定換來責罵。

如果收到料係一d 好 naughty的事，非教訓不可，我都會鬧。要佢知道，有d 事，佢唔講我都知，但係佢自己誠實，我會較容易原諒佢；做錯事加上隱瞞，換來更大的懲罰。如果佢自己老實，我會口頭教訓一下；如果佢唔肯講，係由我講出黎佢先答"Yes", 我就教訓完再作少許懲罰；如果要出動到人證去頂證佢，我會取消佢一個星期的心愛活動 e.g. 零食、玩具、去公園 etc.。

哩個方法，小兒都未係好入腦，但佢暫時俾我問兩問都會講實話的。我都唔係好識教仔 ~

作者: Sandra_100 時間: 07-7-14 17:30

He will go with his grand-ma.

原文章由 GeorgiHo 於 07-7-14 09:36 發表

你個仔得6歲, 你比佢自己去公園玩? 好危險呀!
我都有這樣經驗, 我個女都系怕我罵才講大話, 我解釋比佢好多次, 但有時都系咁, 每次我叫佢講真話, 問左幾次, 佢就講真話. 我都想知有冇媽咪有這樣的經驗可以分 ...

歡迎光臨教育王國 (/)