教育王國

標題: TTCA 家長分享站 [打印本頁]
作者: mody    時間: 07-7-12 15:14     標題: TTCA 家長分享站

請問各位 TTCA 家長同小朋友去左註冊未呀?

有無報名參加那個升中銜接課程呀?

去註冊有咩要特別注意呢?

我打算明天一早去註冊啦!

以後有的咩，可以係呢度大家分享下呀!

歡迎加入

((((( silviang 、mrsliu1991 、vvmammy 、CandyMom、MrsHongKong、bkfriend 、mother-cat & waisiuchuen))))) 召集!!!

[ 本文章最後由 mody 於 07-7-12 15:57 編輯 ]
作者: bkfriend    時間: 07-7-12 16:18

hello, mody,

好高興你開左個新topic大家交流呀, 咁以後可以多的上黎交流喇

岩岩先係學校註冊完返黎, 的新書好重, 天氣又熱, 攞到爭的斷氣
作者: mody    時間: 07-7-12 16:26

hi bkfriend

好開心妳咁快回應呀!

嘩! 咁快買埋書嗱? 可唔可以唔即場買書住架? 攞張書單係暑假期間先去書局買得唔得呢?

妳有無幫妳囝囝報名參加個「輕輕鬆鬆升英中」銜接課程呀?

唔好意思咁多野問添!
作者: bkfriend    時間: 07-7-12 22:44

sorry,岩岩出街食飯,依家先返.
你未去註冊咩? 係會有書單,不過唔想煩所以即場同商務印書館買左...可能貴架但鬼叫自己懶咩
我有參加個英語班呀, 希望阿仔升中前適應一下囉, 你呢? 會唔會join呀?
今日去都見到有的家長叩門, 大熱天時到處申請學校都幾慘,希望佢地都可以搵到心儀既學校啦:loveliness:
係呢, 你住邊區架? 會唔會比小朋友自己返學??
作者: silviang    時間: 07-7-13 09:07

原文章由 mody 於 07-7-12 15:14 發表
請問各位 TTCA 家長同小朋友去左註冊未呀?

有無報名參加那個升中銜接課程呀?

去註冊有咩要特別注意呢?

我打算明天一早去註冊啦!

以後有的咩，可以係呢度大家分享下呀!

歡迎加入

...


hello mody

sorry, 咁遲先回覆. 乜你今日先去註冊呀? 我昨日一早9:30就去註冊喇. 都已經好多人排隊. 仲報咗暑期個銜接課程.(因為名額有限,所以一早去囉). 仲有得即場買書添,不過我沒買.(咁重點攞返屋企).我淨係買咗暑期作業. 不過數學的暑期作業包係本數學書裡面.要一套買架.其他書遲D先買啦.淨係D書已經要三千幾蚊. 仲未計開學之後其他雜費. 唉! 大出血
作者: bkfriend    時間: 07-7-13 09:56

[quote]原文章由 silviang 於 07-7-13 09:07 發表


hello silviang,

我都係昨日去註冊喎, 不過我11點先到, 唔係太多人.
係呀, 買書都要用3千幾蚊, 真係肉赤...我以為直資先係咁貴, 後尾問讀緊津校既朋友, 佢地都要3千銀...原來中學同小學爭咁遠:cry:
作者: mother-cat    時間: 07-7-13 17:41

[/quote]今日去都見到有的家長叩門, 大熱天時到處申請學校都幾慘,希望佢地都可以搵到心儀既學校啦:loveliness:

Hi,各位媽媽:
很高興我們又聚合了,囡囡於10號剛取過成績表,見到她取取得全科合格,我都很安慰,普通話是全級top 10之一,亦感到意外,回想去年四處叩門,以及見到ttca有成300個學生報考剩餘的中一學額的情境,覺得已經很幸運.
新學年請多關心囝囝囡囡在適應在是否有問題,老實說,他們真的需要花時間在串字方面.因為成績表是有計算平時分的,所以可彌補一點考試的小小失誤,最重要令他們投入ttca的學生生活,不過新學年的校規明顯是嚴格了,希望學生們可體量.
作者: bkfriend    時間: 07-7-13 18:30

Hi, mother-cat,
恭喜你囡囡有咁好成績.
我都有睇過的校規,除左唔比帶手機會有的麻煩之外, 其他都冇問題, 不過好多學校都唔比帶, 咁冇法啦....我知道網上有的同學仔講話校規唔公平,不過呢的真係見人見智, 我同囝囝都覺得ok冇問題, 可能佢之前個間小學都好嚴, 唔多覺
再者, 我都情願嚴的好過寬鬆, 小朋友係要由細管教一下先得,之所以我選擇TTCA,校規嚴都係其中一個原因
作者: vvmammy    時間: 07-7-13 23:13

HI, 各位, 我都黎報到先。
我昨日9時已去註冊, 亦報了輕輕鬆鬆升英中課程。而上文堂我亦選了普通話, 反正學校會先進行測試才批小女是否可入讀普通話班, 不妨讓她試試。 另我亦填了搭校車的表格, 暑期及九月份都會先讓她搭校車, 熟習了環境後才決定是否自行搭車返學。
希望大家保持聯絡。

vvmammy
作者: bkfriend    時間: 07-7-13 23:26

Hello, vvmammy,

係呀, 你唔講起我都唔記得, 中文堂可以揀廣東話或普通話教, 我唸呢一樣可以睇到直資既好處...可惜我仔仔冇信心, 所以都係揀返廣東話
校車好似只可以單程, 放學都要自己走...:cry:
作者: mrsliu1991    時間: 07-7-14 09:34

Hello, 各位好,

首先好多謝Mody開個topic比多d家長可以交流，另一方面亦好恭喜MotherCat囡囡d成績咁好，以後要多多交流同分享。

我想問書單上d書喺咪要全部要買？同埋會唔會全部都用呢?如果唔用或好少用就會好浪費!  同埋今年部份書本都係(Reprinted with minor amendments 2007),唔知可唔可以用舊版呢，因小小轉變就要買過，真係唔環保同埋好晒，大家有冇同感呢？

請問各位,是否有暑期作業要買嚟做,因為係我個囝囝去註冊，d嘢講到唔清唔楚(可能佢自己唔想做咁多功課)，如有資料請通知一吓，唔該晒各位家長！
作者: silviang    時間: 07-7-14 11:35

原文章由 mrsliu1991 於 07-7-14 09:34 發表
Hello, 各位好,

首先好多謝Mody開個topic比多d家長可以交流，另一方面亦好恭喜MotherCat囡囡d成績咁好，以後要多多交流同分享。

我想問書單上d書喺咪要全部要買？同埋會唔會全部都用呢?如果唔用或好 ...


HI mrsliu

我都想知是否全部書都要買? 例如字典, 如果自己已經有,是否可以不用買呢? 又好似地圖及音樂書這些,是否買舊書都可以呢?

另外, 有關暑期作業方面, D通告上已註明要做D乜. 當日現場亦有得買. 不過數學要連BOOK 1A一齊買架. 如果你小朋友無買到.去商務買返, 開學要交架.
作者: bkfriend    時間: 07-7-14 12:39

早晨,各位,

暑期作業就一定要買喇, 通告都有寫開學要交, 同埋會有個免費既數學預讀課程比同學係網上做, 7月16日開始, 記得提的小朋友上網做呀
我睇過最貴就係本字典同Atlas, Atlas 就冇計出去買都要差唔多價, 字典我就等佢開學先買lu, 反正到處都可以買,價錢差別又大
係呢, 初期你地會唔會揍小朋友放學呀??我個仔唔係好識路返屋企, 但係佢又怕瘀唔比我揍, 都唔知佢想點
作者: mother-cat    時間: 07-7-15 01:19

多謝各位讚揚囡囡.
基本上除了本oxford 英文字典可以不買外,其餘的都要用,atlas地圖集是用6年的,聖經也一樣,開學後重要全體定購美術書,價錢很貴,去年約500元,但是用3年,也算吧.地理書的輕微改動,應不影響學習,因囝囝所讀學校也有此情況,學校也準許照用.
若想學習輕鬆一些.記着買中文版(二手書便可).
作者: mrsliu1991    時間: 07-7-16 11:42

各位早晨，

多謝各位提點，原來先發覺有咁多暑期作業要做，我個囝囝重唸住可以悠哉遊哉嘆暑期，點知而家，嘿嘿!!

昨日，諗住去買舊書，點知個舊書檔老闆同我講，好多書都冇，同埋而家新書重有好多”附條 attachment”比d中一生，所以佢叫我去買新書，轉頭，我去另外一d舊書檔，見到中文書最平都要$70幾，一d都唔平，同新書有discount爭唔喺好多,想請問一吓買咗新書的家長，新書喺咪真喺好多”附條 attachment”？

如Mother Cat 所言，全部書都要用，咁點都要買齊，除咗dictionary 可以舊，果荷包真係好傷。

不過點都好，希望個個小朋友會珍惜父母都佢哋的愛，會惜感恩同埋好好學習就好。
作者: mody    時間: 07-7-16 19:14

hi bkfriend、silviang、mother-cat、vvmammy & mrsliu1991：

好歡迎大家陸續「歸隊」。大家有時間要多多係呢度發言呀!

我同囡囡係13號差唔多 deadline 前註冊左啦! 原來當天學校同中一學生編埋社添架! 各位你地的小朋友屬於那個社呀? 睇下有無同我囡囡同一社先!?!

註冊的時候我都見到有幾位家長同小朋友報考叩門位，亦有家長同我差唔多時間去註冊，當我差唔多辦完註冊手續時，我先生到來接我們，大門口的看更叔叔竟然同我先生講話註冊時間已過，唔再接受辦理註冊手續啦! 嘩! 都幾嚴謹喎! 好彩我雖然晏左的，但係都無遲到者，如果唔係亞女就無書讀啦!

暑期作業方面，因為重未買，所以想問問大家份量係咪好多呢? 今天開始同學可以上網做數學暑假作業啦 (Smap)。記住叫囝囝、囡囡做呀! 如果做得好，top 20 學生重有書劵獎勵架!

我都有同囡囡報左個「輕輕鬆鬆升英中」bridging course 呀! 到時唔知大家有無機會見面呢 ~ 可!?!

mother-cat：妳囡囡好叻呀! 我地班「新同學仔」一定要以妳囡囡呢位師姐來做榜樣!

大家下次再談吧!  cheers!:loveliness:
作者: bkfriend    時間: 07-7-16 19:50

Hello, mody,

我個囝囝係 : 紫社 :
明天係編班試, 唔知會編到邊一班呢?希望BK既小朋友都可以同一班啦!!!
作者: vvmammy    時間: 07-7-16 23:40

今晚我們都開始做網上功課, 並發現已編了班, 我係1B班 你們又係咩野班呢? 這個班別不知是否真實的班別呢?
作者: bkfriend    時間: 07-7-17 00:04

原文章由 vvmammy 於 07-7-16 23:40 發表
今晚我們都開始做網上功課, 並發現已編了班, 我係1B班 你們又係咩野班呢? 這個班別不知是否真實的班別呢?


hello, vvmammy,

你係咪講緊個數學課程呀, 個班別應該係臨時架, 至於中一編班名單, 通告上寫話8月15日上學校網頁先知道.
不過有的資料都想請教mother-cat, 唔知基崇有冇分精英班既呢? 有既話會係邊一班呀??thx~~
作者: silviang    時間: 07-7-17 09:51

HI mody

今朝一早,送咗個女去TTCA考試.中午再去接佢. 跟住先係真正放暑期了.好好享受這幾天啦.

我囡囡係"義社"(黃色). 但佢希望係紫色.:cry:
暑期作業真係多咗D.冇計啦.大家俾D心機做好作業.如果唔係到時交唔到要留堂架.
作者: mody    時間: 07-7-17 11:05

hi silviang

早晨呀!  

我囡囡係紅社，正中佢下懷啦! 因為佢「發紅狂」架! = 佢極度喜歡紅色同粉紅色架!

我都係今朝一早(約8:40)送左囡囡去考試，陣間12:30又要返去接返佢。

今日觀察其他中一新生，睇來個個都幾純真同都乖仔、乖女，咁都可以放心的。同埋係報告板上面見到，原來學校已經收左118位學生啦! 其實學校中一究竟合共收取幾多新生呢? 似乎剩餘的叫門位都唔係剩下幾多個 ju 喎。係咪? anyway，祝尚未找到心儀學校的升中學生，好快找得到啦!
作者: mother-cat    時間: 07-7-17 13:44

我囡囡話學校信(紅)義(黃)愛(紫)德(綠)四社,佢覺得德社運動就比較勁d,因為年年sports day都拎第一(今年都係),而今年紫社係sports day 包尾!!我個囡囡係紫社嫁,但係尼個社都唔執輸,紫社今年係環校跑係第一既...><
去年中一共有173人,分6斑,其中EF班是精英班,AB是輔導班,而CD則是中庸班,今年中一未知會有幾多學生,不過剛才我帶朋友囝囝去報考TTCA,發覺原來有420個考生,學校除了原定18日有考入學試外,現在要加插30日,都幾利害.

[ 本文章最後由 mother-cat 於 07-7-17 16:22 編輯 ]
作者: bkfriend    時間: 07-7-17 20:27

原文章由 mother-cat 於 07-7-17 13:44 發表
不過剛才我帶朋友囝囝去報考TTCA,發覺原來有420個考生,學校除了原定18日有考入學試外,現在要加插30日,都幾利害. ...


Hello, mother-cat,

嘩, 有成4百幾個考生, 真係誇張...不過我唸其中有好多同學會考幾間, 到時再選擇既, 希望所有同學都揀到自己鍾意既學校啦
我睇返今年既升中簡介, 基崇都係維持收175人,不過我見到F.2得返5班, 有152人, 咁係咪踢走左1班呀?死啦有的驚添!!!
不過有的學生30日先考, 咁咪好遲先知得唔得囉??:(

[ 本文章最後由 bkfriend 於 07-7-17 20:32 編輯 ]
作者: mother-cat    時間: 07-7-17 21:40

原文章由 bkfriend 於 07-7-17 20:27 發表


Hello, mother-cat,

嘩, 有成4百幾個考生, 真係誇張...不過我唸其中有好多同學會考幾間, 到時再選擇既, 希望所有同學都揀到自己鍾意既學校啦
我睇返今年既升中簡介, 基崇都係維持收175人,不過我見到 ...

6班中一升上中二變5班人數,是有若干學生未能符合升班要求,需要留班.
不要給囝囝囡囡太大壓力,但要從旁協助他(如串字,讀音),也要不停給他說道理,讓他明白自己做好的好處.
想問問,中一的bridge course 在何時進行?
作者: bkfriend    時間: 07-7-17 21:53

原文章由 mother-cat 於 07-7-17 21:40 發表

6班中一升上中二變5班人數,是有若干學生未能符合升班要求,需要留班.
不要給囝囝囡囡太大壓力,但要從旁協助他(如串字,讀音),也要不停給他說道理,讓他明白自己做好的好處.
想問問,中一的bridge course 在何時進行?


thank you , mother-cat,
bridge course會係7月23日至8月9日進行
作者: mother-cat    時間: 07-7-18 11:49

原文章由 bkfriend 於 07-7-17 21:53 發表


thank you , mother-cat,
bridge course會係7月23日至8月9日進行


囡囡參加了的寰球青俊計劃也是23/7開始至27/7,而囡囡亦被老師邀請了於30/7及1/8回校協助中一的bridging course,到時如果聽到老師叫jolly的,便是我囡囡.多多指教.
作者: bkfriend    時間: 07-7-18 12:04

原文章由 mother-cat 於 07-7-18 11:49 發表


囡囡參加了的寰球青俊計劃也是23/7開始至27/7,而囡囡亦被老師邀請了於30/7及1/8回校協助中一的bridging course,到時如果聽到老師叫jolly的,便是我囡囡.多多指教.


好呀~~我囝囝叫Carson, 請多多指教!!:

Hello,各位,
昨日既分班試, 大家既小朋友考成點呀??我囝囝話比想像中難, 尤其係數學:cry:, 唔知佢使唔使讀輔導班添
作者: silviang    時間: 07-7-19 09:53

原文章由 bkfriend 於 07-7-18 12:04 發表


好呀~~我囝囝叫Carson, 請多多指教!!:

Hello,各位,
昨日既分班試, 大家既小朋友考成點呀??我囝囝話比想像中難, 尤其係數學:cry:, 唔知佢使唔使讀輔導班添



Hello 各位

我囡囡都說有些難.不管編入輔導班或中庸班都好.只要以後努力讀書就得喇. 想問吓. 返銜接班時,要不要帶書? 我仲未買書架. 而且我囡囡頭2日唔會返. 25/7先開始返. 到時請各位朋友仔照顧吓
作者: bkfriend    時間: 07-7-19 11:58

原文章由 silviang 於 07-7-19 09:53 發表



Hello 各位

我囡囡都說有些難.不管編入輔導班或中庸班都好.只要以後努力讀書就得喇. 想問吓. 返銜接班時,要不要帶書? 我仲未買書架. 而且我囡囡頭2日唔會返. 25/7先開始返. 到時請各位朋友仔照顧 ...


Hello, silviang,

銜接班應該唔使帶書, 你囡囡頭2日唔使返, 咁等我囝囝返完頭1日,再話比你知情況啦
作者: silviang    時間: 07-7-19 13:12

原文章由 bkfriend 於 07-7-19 11:58 發表


Hello, silviang,

銜接班應該唔使帶書, 你囡囡頭2日唔使返, 咁等我囝囝返完頭1日,再話比你知情況啦


Hello bkfriend

唔該晒.
作者: bkfriend    時間: 07-7-23 16:39

Hello, 各位.

嘩, 冇上黎一排, 個post都唔知去左第幾版....希望各位多的交流下, 唔使等個post去左後面睇唔到...:cry:(尤其是係mody呀,你係召集人黎麻)
講返TTCA,今日係第一日銜接班, 見仔仔都好開心,  講返今日上堂識既朋友仔, 但係今日接放學就唔比入學校, 晒到暈佗佗...不過阿仔話唔使再去學校接放學, 佢話咁大個仔重要阿媽接,好瘀...難委我咁辛苦重要比佢話, 真係比佢激C

[ 本文章最後由 bkfriend 於 07-7-23 16:41 編輯 ]
作者: vvmammy    時間: 07-7-23 22:54

今日個囡返完學都幾開心, 仲話要學唱校歌, sciene就做咗個小實驗, 佢都好喜歡。
作者: mrsliu1991    時間: 07-7-24 09:19

我個仔琴日返學都話唔錯，但就唔夠時間做個實驗，加上無小息，所以成日都未飲過水。
作者: mody    時間: 07-7-24 21:02

hi 各位：

你地的小朋友上左兩日 bridging course 開唔開心呀! 我囡囡就好似好鐘意啦!

尋日丘校長「訓話」，講左成半粒鐘喎! 重係全英添架! 對小朋友來講都幾富挑戰性架!

今日呢就係「school tour」，參觀整座校舍，我囡囡話行到佢勊哂喎!

你地的小朋友係 class 幾呀? 唔知有無邊位同我囡囡一班呢?

hi bkfriend

係! 知道啦! 我身為「召集人」以後會多的發言，成日要 update 一下呢個 topic 的資料架啦! yes madam!


原文章由 bkfriend 於 07-7-23 16:39 發表
Hello, 各位.

嘩, 冇上黎一排, 個post都唔知去左第幾版....希望各位多的交流下, 唔使等個post去左後面睇唔到...:cry:(尤其是係mody呀,你係召集人黎麻)
講返TTCA,今日係第一日銜接班, 見仔仔都好開心, ...
作者: bkfriend    時間: 07-7-24 21:19

mody, 要你係度主持大局呀嘛


乜琴日見到校長咩??我個仔都冇同我講添, 等陣問下佢校長講過乜先...
聽阿仔講明天好似要交功課, 大家記得提下小朋友呀
作者: silviang    時間: 07-7-25 15:19

HI  各位,

我返嚟喇,今日帶囡囡返學.因冇返兩日學, 返到學校傻吓傻吓.唔知自己返邊班. 佢編咗去3班, 有冇人同佢一班? 我今日都可以係飯堂等佢放校.
作者: bkfriend    時間: 07-7-31 17:24

個post去到好後,  推一推先::" />
上學校個網睇到, 扣門位既中一生已經有名單, TTL 19人, 重有20人後補...係幾百人挑選出黎既,我唸都係精英中既精英....如果我個仔依家先扣門,我唸都唔使荒會讀到囉~~

[ 本文章最後由 bkfriend 於 07-7-31 17:27 編輯 ]
作者: mody    時間: 07-8-1 11:47

hi silviang：

歡迎回來。

去左邊玩呀? 開唔開心呢? 有時間分享下啦!

妳囡囡係第3班呀? 我囡囡係第1班呀! 不過唔知到最後編中一班時會唔會重有機會同班呢 ~ 可?

hi 各位：

我聽囡囡講佢間小學計埋佢有3位同學仔讀 TTCA 呀! (因為係而家上緊既 bridging course 撞到，佢地小六唔同班) 妳們的小朋友又有無小學同學都咁岩讀 TTCA 呢? 你地又讀邊間小學架? 不如大家講下啦!


原文章由 silviang 於 07-7-25 15:19 發表
HI  各位,

我返嚟喇,今日帶囡囡返學.因冇返兩日學, 返到學校傻吓傻吓.唔知自己返邊班. 佢編咗去3班, 有冇人同佢一班? 我今日都可以係飯堂等佢放校.
作者: GTMa    時間: 07-8-1 21:17     標題: F.1 English Reader - The Monkey's Paw

F.1 English Reader - The Monkey's Paw

Item : Used TTCA F.1 English Reader - The Monkey's  Paw with audio CD at $45.-

全新讀唐詩寫漢字(一) 售 $5.-

Transaction venue: Central MTR stations or Maritime Square shopping mall

Contact: Please pm me.
作者: meverlaw    時間: 07-8-2 12:39

Hello,各位,
         我朋友囡囡參加7月30日筆試,昨日公佈為候補生,
         想問問機會有幾大呢?

[ 本文章最後由 meverlaw 於 07-8-2 12:41 編輯 ]
作者: bkfriend    時間: 07-8-3 00:05

原文章由 meverlaw 於 07-8-2 12:39 發表
Hello,各位,
         我朋友囡囡參加7月30日筆試,昨日公佈為候補生,
         想問問機會有幾大呢?


今次真係好難講,因為考既人數太多,學校都特登分開2日考, 如果係候補生,咁要睇番個2批正選有冇人會放棄學位喇 (有30個位)
作者: silviang    時間: 07-8-3 13:43

原文章由 mody 於 07-8-1 11:47 發表
hi silviang：

歡迎回來。

去左邊玩呀? 開唔開心呢? 有時間分享下啦!

妳囡囡係第3班呀? 我囡囡係第1班呀! 不過唔知到最後編中一班時會唔會重有機會同班呢 ~ 可?

hi 各位： ...


hi mody

去咗JP玩咗五日, 去吓迪士尼同富士急玩. 諗住等佢玩完返嚟之後發奮用功, 結果好似有D事與願違. 佢同以前D同學仔比較, 覺得自己好慘,又好多作業做. 唉! 我都唔知點算 都未開始已經咁諗. 仲有佢覺得冇晒同學仔咁. 只係仲有一個以前唔同班嘅讀TTCA
作者: mody    時間: 07-8-3 14:09

hi silviang

嘩! 去日本玩咁開心呀? 去日本旅行係我囡囡既夢想黎架! 可惜我先生無假，而最重要係我無 $$ 比佢去囉!

叫妳囡囡唔好咁諗啦! 話比佢知而家雖然暑期功課多左的，但係為左升中做好準備係值得架! 到開學時就會比較輕鬆架啦! 不過話時話呀! TTCA 的暑期功課又真係多左的，暑期作業 (中、英、數各一本) + bridging course 日日都有功課做，的小朋友邊有時間玩呀? 我囡囡剛剛學懂踏兩輪單車，想出去「踏番轉」都無時間呀!

同學仔方面，話比囡囡知，可以係新學校認識新朋友，加埋小學的同學仔咁就越來越多朋友啦! 我囡囡都係咁同我講架!

原文章由 silviang 於 07-8-3 13:43 發表


hi mody

去咗JP玩咗五日, 去吓迪士尼同富士急玩. 諗住等佢玩完返嚟之後發奮用功, 結果好似有D事與願違. 佢同以前D同學仔比較, 覺得自己好慘,又好多作業做. 唉! 我都唔知點算 ...

[ 本文章最後由 mody 於 07-8-3 14:10 編輯 ]
作者: meverlaw    時間: 07-8-4 22:12

原文章由 bkfriend 於 07-8-3 00:05 發表


今次真係好難講,因為考既人數太多,學校都特登分開2日考, 如果係候補生,咁要睇番個2批正選有冇人會放棄學位喇 (有30個位)

hi bkfriend :
你好! 多謝你的解答,我朋友現在天天等電話 ,本來約好去旅行都不敢去, 今次得6個後補生但願他的囡囡能夠入到
作者: bkfriend    時間: 07-8-4 23:23

原文章由 meverlaw 於 07-8-4 22:12 發表

hi bkfriend :
你好! 多謝你的解答,我朋友現在天天等電話 ,本來約好去旅行都不敢去, 今次得6個後補生但願他的囡囡能夠入到


唔使唔該,希望佢最終可以入到啦:loveliness:
作者: mrsliu1991    時間: 07-8-7 16:28

Hello 各位好；

大家做咗校服未?中學d校服比小學貴咗大約40%,但d質料又好好多，所以都無話值唔值，我哋本來要各樣兩套，但供應商話運動服要一套都o.k.因為上完PE要返普通校服。我想請問一吓,上PE堂是否一定要著全白色運動鞋又或者其他顏色都o.k.?

大家有冇留意到網上數學功課，原來可以睇到全港同埋全校排名，大家可以鼓勵小朋友多d為校增光，取好d成績，大家努力!
作者: mother-cat    時間: 07-8-7 18:23

原文章由 mrsliu1991 於 07-8-7 16:28 發表
Hello 各位好；

大家做咗校服未?中學d校服比小學貴咗大約40%,但d質料又好好多，所以都無話值唔值，我哋本來要各樣兩套，但供應商話運動服要一套都o.k.因為上完PE要返普通校服。我想請問一 ...

PE堂是要帶運動衫返學校換,運動鞋則沒有規定是全白色,任何款式都可以,可預先購買冬季的運動jacket,因為jacket的上衣可以於轉涼時當外套着,好醒神的
作者: com7hk    時間: 07-8-8 12:28

原文章由 meverlaw 於 07-8-2 12:39 發表
Hello,各位,
         我朋友囡囡參加7月30日筆試,昨日公佈為候補生,
         想問問機會有幾大呢?

CAN I HAVE TTCA FULL NAME ?
作者: mrsliu1991    時間: 07-8-8 12:51

Hello com7hk,

TTCA stands for Tsung Tsin Christian Academy
基督教崇真中學
作者: silviang    時間: 07-8-8 22:43

原文章由 mrsliu1991 於 07-8-7 16:28 發表
Hello 各位好；

大家做咗校服未?中學d校服比小學貴咗大約40%,但d質料又好好多，所以都無話值唔值，我哋本來要各樣兩套，但供應商話運動服要一套都o.k.因為上完PE要返普通校服。我想請問一 ...



買咗校服啦, PE衫都買咗2套. 不過碼數唔同, 有一套要大一個碼. 可作後備之用. 當日係學校沒PE外套買. 是否要去鋪頭先有? 冷背芯今年有固定款式. 不過仲未有得買.

買晒書未啊, 我欠英文, GEOG. 電腦W/B , 聖經等.你地呢?
作者: bkfriend    時間: 07-8-8 23:55

原文章由 silviang 於 07-8-8 22:43 發表



買咗校服啦, PE衫都買咗2套. 不過碼數唔同, 有一套要大一個碼. 可作後備之用. 當日係學校沒PE外套買. 是否要去鋪頭先有? 冷背芯今年有固定款式. 不過仲未有得買.

買晒書未啊, 我欠英文,  ...


Hello, silviang,
未買哂呀, 比哂錢但係重等緊商務call back:cry:
明天係最後一day喇, 3個星期好似好快過, 阿仔都話已經適應哂學校生活囉,準備9月做個正式既中學生喇
作者: mrsliu1991    時間: 07-8-14 17:04

各位,

記得明天Check小朋友編班,希望可以做同班同學啦!
作者: mrsliu1991    時間: 07-8-15 09:05

Hello各位早晨,

我個囝入到1E, 你哋小朋友入咗邊班?
作者: mody    時間: 07-8-15 13:52

hi mrsliu1991

我囡囡都係1E呀! 好似之前聽 mother-cat 講過，1E 及1F 班都係「精英班」，唔知有無記錯又或者今年係唔係呢?

mother-cat：請問以上是否? 謝謝!

bkfriend、silviang 及其他媽咪：妳地的小朋友又入左邊班呀?

[quote]原文章由 mrsliu1991 於 07-8-15 09:05 發表
Hello各位早晨,

我個囝入到1E

[ 本文章最後由 mody 於 07-8-15 18:17 編輯 ]
作者: bkfriend    時間: 07-8-16 21:48

Hello,

我囝囝入左1F班呀....我都想知今年係唔係同以往一樣, 唔知佢係入左精英班定輔導班
作者: mother-cat    時間: 07-8-16 22:15

原文章由 bkfriend 於 07-8-16 21:48 發表
Hello,

我囝囝入左1F班呀....我都想知今年係唔係同以往一樣, 唔知佢係入左精英班定輔導班

今年中一怎樣分班我都不肯定,但如果有心機,可以數一數每班人數,只得廿多人的兩班便是補導班,那班是精英班則靠估,但今年中二應是AB班是精英班.(囡囡說全級第一的讀A班,成績較她好的也編入了AB班,囡囡有幸讀B班),但就算今年入讀轉導班也不要緊,只要多用功,明年亦可升到精英班的,(事實去年有轉 導班的同學升到AB班)同學仔,努力！
作者: bkfriend    時間: 07-8-16 22:24

原文章由 mother-cat 於 07-8-16 22:15 發表

今年中一怎樣分班我都不肯定,但如果有心機,可以數一數每班人數,只得廿多人的兩班便是補導班,那班是精英班則靠估,但今年中二應是AB班是精英班.(囡囡說全級第一的讀A班,成績較她好的也編入了AB班,囡囡有幸讀B班 ...


Hello, mother-cat,

唔該哂你, 不過好奇怪, 今年6班人數都好平均, 都係30人, 只係C,D班31人, 唔知係咪今年投考人數多左, 而收多左人呢?
作者: silviang    時間: 07-8-17 18:30

原文章由 bkfriend 於 07-8-16 22:24 發表


Hello, mother-cat,

唔該哂你, 不過好奇怪, 今年6班人數都好平均, 都係30人, 只係C,D班31人, 唔知係咪今年投考人數多左, 而收多左人呢?



Hello 各位

我個囡入咗D班, 其實唔係31人, 我睇到有個名係重覆咗啫, 應該都係30人. 點計D班應該都係中庸班掛.
作者: SWYIP74    時間: 07-8-19 18:32

各位 Mami:

我女兒是今年最後收的中一生, 我想知道如何從學校網頁知道分班名單, 因為我遍尋不穫, 而又無家長 or 學生進入內聯網的密碼, 另外, TTCA 是否行精英班, 若果是, 中一那些班是精英班, 請賜教?
作者: mother-cat    時間: 07-8-19 22:41

原文章由 SWYIP74 於 07-8-19 18:32 發表
各位 Mami:

我女兒是今年最後收的中一生, 我想知道如何從學校網頁知道分班名單, 因為我遍尋不穫, 而又無家長 or 學生進入內聯網的密碼, 另外, TTCA 是否行精英班, 若果是, 中一那些班是精英班, 請賜教?

8月15日開始只要進入TTCA的網頁,便可見到各級分班的標題,再click便可看見,毋須進入家長的內聯網,但剛才我登入學校網頁,已不見了分班名單,可能學校已經deleted,不要緊,可如實致電學校查詢。
至於中一精英班,去年是有分的,亦有轉導班(人數得廿多個),但今天收了180個學生,每班平均30人,則不清楚是否有再分了,待開學後可向老師查詢,或於中一家長會問丘校長。
想問一問,你女兒是否後補生?是7月18日或是7月30日考試的?學校又在何時通知取錄你囡囡?
作者: meverlaw    時間: 07-8-20 00:57

原文章由 mother-cat 於 07-8-19 22:41 發表

8月15日開始只要進入TTCA的網頁,便可見到各級分班的標題,再click便可看見,毋須進入家長的內聯網,但剛才我登入學校網頁,已不見了分班名單,可能學校已經deleted,不要緊,可如實致電學校查詢。
至於中一精英班,去 ...

swyip74:
我剛剛登入TTCA學校網頁,還可見到各級分班名單
http://www.ttca.edu.hk/S1%20Class%20Name%20List%20(07-08).pdf
我都想問一問,你女兒是否後補生?是7月18日或是7月30日考試的?學校又在何時通知取錄你囡囡?

[ 本文章最後由 meverlaw 於 07-8-20 01:09 編輯 ]
作者: mody    時間: 07-9-2 12:39

想問問明天開學日幾點上課? 急!!!  謝謝!  
作者: mrsliu1991    時間: 07-9-2 13:31

Hello Mody,

明天上課時間為8:00a.m. 學生須於八時前回校，並帶備stationery and homework.  The student will be released at 10:00a.m.


4th Sept, the school has arranged photo taking for student.  They will charge HK$10/doz for student picture and alos will be released 10:00a.m.

Hope this could help.
作者: mody    時間: 07-9-2 14:57

hi mrsliu1991

thx for information.  

btw, where to get these information? thx!
作者: mrsliu1991    時間: 07-9-2 15:33

Hi Mody,

All these information were stated in the memo given on 12th July 2007 registration date.  Forget it??

作者: mody    時間: 07-9-3 08:45

hi mrsliu1991

i checked the notice from school and finally found the information.  i am such an absent-minded mother.
thx for telling me the source.  


原文章由 mrsliu1991 於 07-9-2 15:33 硐表
Hi Mody,

All these information were stated in the memo given on 12th July 2007 registration date.  Forget it??

作者: EChing    時間: 07-9-3 10:47

原文章由 mody 於 07-9-3 08:45 硐表
hi mrsliu1991

i checked the notice from school and finally found the information.  i am such an absent-minded mother.
thx for telling me the source.  


Nowadays, there are many notices no matter for primary school or secondary school. It is really "睇少眼都唔掂". However, it seems the responsibility should be passed to the student, especially for the student studying in secondary school.

EChing
作者: bettylam    時間: 07-9-3 22:00

dear Mody&all:

得閒入場打個招呼..

hi!mody,呀女今日開心,開心嗎????

好友betty上
作者: vvmammy    時間: 07-9-4 10:16

嘩, 真係好多通告呀! 成吋厚呀!

TTCA的校規真係幾嚴, 我擔心個女會成日被記缺點呀 :cry: , 因佢好大頭蝦GA, 係小學時成日會唔記得帶野, 提咗佢都唔記得GA 。 真係好擔心呀!  

另你們會唔會申請比你們的子女帶手電回校呀?
作者: bkfriend    時間: 07-9-4 11:41

原文章由 vvmammy 於 07-9-4 10:16 硐表
嘩, 真係好多通告呀! 成吋厚呀!

TTCA的校規真係幾嚴, 我擔心個女會成日被記缺點呀 :cry: , 因佢好大頭蝦GA, 係小學時成日會唔記得帶野, 提咗佢都唔記得GA 。 真係好擔心呀!  

另你們會唔會申請比你們的子女帶 ...


真係好鬼多通告,琴晚睇到我頭都暈, 最後交哂比佢爹地攪掂
校規真係幾多下同幾嚴, 不過嚴的都有好處既, 好似我個仔咁, 平時成日依賴我同佢執野, 依家校規咁嚴, 佢重緊張過我
唔使咁擔心既, 上初中都係時候比佢地自己承擔返的責任, 難得學校比的規範出黎, 我地咪好好配合囉
不過電話就頭痛的, 但聽聞依家好多學校唔比帶, 我都同仔仔傾過使唔使同學校申請, 佢話聽校方講(唔知係咪真既)學校唔會刻意查同學有冇帶電話,只要上課時唔攞出黎就得....唔知其他家長有乜意見呢?如果申請咁個理由係乜野?冇理由話佢重細要帶電話返學架?
開左學重有好多事要交流下, 希望可以多的同各位溝通下啦
作者: mrsliu1991    時間: 07-9-4 13:56

各位,

我重未買齊d書，想請問吓各位知唔知到邊道有英文書賣?Commerical Press 話唔知幾時返貨，點算好???  唔通咁快要收到 ** 同埋三角形,慘慘慘

不過話時話，擒日返到屋企已經9:00p.m,又多通告,學校要家長4號要交齊咁多文件真是有難度，都未有影印哂有關文件都唔知點算，救命!!!

P.S,  想請問吓點申請學生八達通?
作者: silviang    時間: 07-9-4 13:57

各位TTCA家長好,

終於開學喇, 你哋小朋友有冇坐校車啊? 我囡有坐7:00上車, 返到學校7:45左右. 阿囡話兜咗好多地方. 昨日去接佢放學, 一坐低就話有一大疊通告要睇,要簽. 昨晚睇通告睇到眼花花, 有D已經叫阿囡自己填好等我簽名, 本手冊又話唔可以寫錯. 否則要買過本嚟寫,真係好有壓力. 總是怕漏咗份冇填, 害到阿囡就唔好啦. 至於帶手提電話, 我覺得照向學校申請. 睇學校批唔批囉. 可以帶就安心D, 始終去到咁遠返學. 唔得都沒辦法. 你哋又會唔會訂飯餐? 我哋會先訂9月份, 到時再睇好唔好食.

記住要幫佢地買鎖.
作者: mrsliu1991    時間: 07-9-4 14:02

Hello Everybody,

Do you where can I buy the English book?  I have tried for many bookstore but they have run out of stock.  Would it be the first time for my son to get so much ** star and triange??

BTW, I went back to home at 9:00p.m., and read all the school memo.  It is too much and not possible for parent to prepare so much copy to be returned to school by 4th September 2007.  

In the meantime, do you know how to apply the student Octopus?  

Thanks so much.
作者: bkfriend    時間: 07-9-4 15:09

hello,

我就好的, 校巴係差唔多最後個站, 7:20am上車, 7:45am到校.
書我就同商務買, 依家重爭2本, 一本係聖經另一本係下學期用既,而且都比哂錢所以都冇周圍搵, 你有冇試下問商務呀??
申請八達通你要先去地鐵站詢問處攞申請表, 填好哂然後去校務處蓋章, 再交返去MTR就得架喇, 快的去申請啦...
申請帶電話你地會用乜野理由呀?同埋應該點申請呢?
大家知唔知今年精英班係邊2班呀?

重有, 其實琴日派既通告,要填既唔係咁多咋, 手冊都係頭一版要填, 大家唔使驚交唔切,就算交唔切都唔會記缺點掛...

[ 本文章最後由 bkfriend 於 07-9-4 15:13 編輯 ]
作者: silviang    時間: 07-9-4 15:31

原文章由 mrsliu1991 於 07-9-4 14:02 硐表
Hello Everybody,

Do you where can I buy the English book?  I have tried for many bookstore but they have run out of stock.  Would it be the first time for my son to get so much ** star and triange??
...



我尚欠英文BOOK 1B沒買到, 其他都買完. 已忘記在那裡買.
另有關學生八達通, 可到地鉄站或學校拿FORM, 填好後交學校蓋章再自行送回地鉄站. 到時MTR會出一張收據, 先買臨時的學生八達通用. 到拿到正式的學生八達通, 再去MTR退還臨時的.
希望可解答到你的問題.
作者: silviang    時間: 07-9-4 18:02

原文章由 bkfriend 於 07-9-4 15:09 硐表
hello,

我就好的, 校巴係差唔多最後個站, 7:20am上車, 7:45am到校.
書我就同商務買, 依家重爭2本, 一本係聖經另一本係下學期用既,而且都比哂錢所以都冇周圍搵, 你有冇試下問商務呀??
申請八達通你要先去地鐵站詢問 ...



HELLO

學校用個本聖經唔係普通黑皮個種. 所以我去"天道書樓"買嘅,佢地話帶學生去一樣有10%.又可以訂的.
作者: bkfriend    時間: 07-9-4 21:36

Hello各位,

請問大家知唔知F.1明天放幾點呀? 係咪返全日? 咁食lunch點安排呢?係學校食定出去食呀??
攪唔清楚呀
作者: MrsHongKong    時間: 07-9-4 22:42

原文章由 bkfriend 於 07-9-4 21:36 硐表
Hello各位,

請問大家知唔知F.1明天放幾點呀? 係咪返全日? 咁食lunch點安排呢?係學校食定出去食呀??
攪唔清楚呀


HI HI 　各位，　我返來囉。

通告話明天放３：５０pm，及可以出外lunch.
希望可以幫到你。
另外，各位有否留意到校網，S１ CLASS 已分了小組班，請留意校網。
作者: mody    時間: 07-9-5 11:43

hi betty

估唔到係呢度都見到妳呀! 妳好嗎? 囝囝係咪「彩虹」呀?

我囡囡係8月初參加左學校辦為期3星期的 bridging course，我想她應該已習慣了中學生活吧！至於適應方面，就真係要慢慢來，唔急得，right?

有時間 pm 詳談啦！

好朋友 mody 上

原文章由 bettylam 於 07-9-3 22:00 硐表
dear Mody&all:

得閒入場打個招呼..

hi!mody,呀女今日開心,開心嗎????

好友betty上
作者: mody    時間: 07-9-5 11:51

hi MrsHongKong

welcome back!

係啦！咁快就要返全日啦！真係有的擔心添，尤其是今日午飯要佢自己安排，好似係學校附近都無咩食肆咁，或者都要行10幾分鐘路去南昌或荔枝角食飯啦。

另外，想問問：小組班係咩黎架？分組有咩作用呢？唔好意思，好似咩都唔知咁添！:loveliness:

原文章由 MrsHongKong 於 07-9-4 22:42 硐表


HI HI 　各位，　我返來囉。

通告話明天放３：５０pm，及可以出外lunch.
希望可以幫到你。
另外，各位有否留意到校網，S１ CLASS 已分了小組班，請留意校網。 ...
作者: vvmammy    時間: 07-9-5 15:43

有d咩野要帶回校呀?  死啦, 我驚漏野呀!  
今日第一日返全日, 唔知有無功課做呢? 亞囡唔知慣唔慣呢? 有d擔心呀!
我個囡昨日已要買過本handbook啦 , 寫錯少少(大細楷之差), 唉, 好似好浪費咁, 有無第二種方法呀?
作者: vvmammy    時間: 07-9-5 16:26

我買咗所有書la, 只欠一本英文書, 商務話書商要12月先出版, 所以應該全港都未有ga, 個本書應該下學期先用的。
另你們有無發覺中史有本書係寫明「中二」ga, 點解咁得意要我地買定中二d書, or學校會係下學期已教中二的中史呀?
作者: bkfriend    時間: 07-9-5 16:49

原文章由 vvmammy 於 07-9-5 15:43 硐表
有d咩野要帶回校呀?  死啦, 我驚漏野呀!  
今日第一日返全日, 唔知有無功課做呢? 亞囡唔知慣唔慣呢? 有d擔心呀!
我個囡昨日已要買過本handbook啦 , 寫錯少少(大細楷之差), 唉, 好似好浪費咁, 有無第二種方法呀? ...


handbook係咪封面寫錯呀?我見阿仔入面個版寫錯, 就咁"差"左係隔離寫返就算, 唔使買個一本咁浪費掛?
我都有留意中史係中二, 唔知係咪學校覺得中一淺得滯所以跳級教呢?
今日接阿仔食飯, 嘩, 好多人一齊放學, 睇到的同學都好乖, 唔錯!!!
重有一樣野見到, 雖然學校話唔比帶電話, 但係見到好多學生都係出左校門即刻打手提, 咁我唸應該好似仔仔講, 只要係學校唔攞電話出黎, 應該唔會捉得咁嚴既...
作者: mrsliu1991    時間: 07-9-5 20:50

今日收到通告，叫小朋友參加樂器訓練，你哋會比佢ｄ參加邊一樣呢？同埋如果己學緊其他樂器係咪唔洗上呢呵？
作者: mody    時間: 07-9-7 02:21

hi mrsliu1991

聽囡囡講話如果本身有學緊某種樂器的話，可以寫封信通知學校學左該種樂器幾耐同程度如何就可以唔駛參加學校的音樂/樂器班架啦! 我都寫左信去通知學校啦！不過暫時都未知真正情況係點


原文章由 mrsliu1991 於 07-9-5 20:50 硐表
今日收到通告，叫小朋友參加樂器訓練，你哋會比佢ｄ參加邊一樣呢？同埋如果己學緊其他樂器係咪唔洗上呢呵？

[ 本文章最後由 mody 於 07-9-7 10:12 編輯 ]
作者: mody    時間: 07-9-9 12:19

hi mother-cat

please check pm.  thx! :
作者: bkfriend    時間: 07-9-12 18:00

今日係自由廣場有人post左段片出黎, 個間係崇正中學,的校服完全唔同, 居然有人以為係崇真中學    
唔清楚好心的人就唔好亂咁講, 影響校譽
作者: vvmammy    時間: 07-9-13 17:17

請問你地有無申請帶手提電話呀? 無得帶電話真係好唔方便呀! 我申請咗但到現在學校仍未有回覆!
作者: mody    時間: 07-9-13 21:55

hi vvmammy

我都幫囡囡申請左呀！不過都係未有消息。或者明天的家長會可以問問。係呢，想問下各位中一家長會唔會出席呢？
作者: vvmammy    時間: 07-9-14 10:02

我昨日打了電話去查詢申請帶電話的進度, 學校話下星期會有回覆, 因為學校正制定一系列的措施及表格等。
今晚我會帶同囡囡一齊出席家長會ga。 你地呢?
作者: vvmammy    時間: 07-9-14 23:29

各位今晚去完家長會, 有甚麼感覺呀?

我自己個人就認為雖然校規係嚴d, 但這樣才可教好學生, 亦是我所需找的校風好之學校, 我暫時都覺得沒有幫囡囡揀錯學校,而且囡囡都喜歡這學校雖然她已拿了2個星星 & 1個三角形。
作者: mother-cat    時間: 07-9-15 01:49

原文章由 vvmammy 於 07-9-14 23:29 硐表
各位今晚去完家長會, 有甚麼感覺呀?

我自己個人就認為雖然校規係嚴d, 但這樣才可教好學生, 亦是我所需找的校風好之學校, 我暫時都覺得沒有幫囡囡揀錯學校,而且囡囡都喜歡這學校雖然她已拿了2個星星 & 1個三角形。:- ...

放心,以往頭個月的*和三角是不計算的,等中一生有段適應期,今年應該不例外
作者: bkfriend    時間: 07-9-15 08:58

我琴晚都有去呀, 好讚成丘校長既教學模式, 雖然係嚴的, 但係我始終覺得, 玉不啄, 不成器, 另外,學校亦都比我感覺係好努力咁栽培學生各方面既能力, 唔係一味谷成績, 咁亦都同好多新既直資學校有好大分別:loveliness:
唯一擔心既, 就係原來我個仔仔係最差個班....., 希望佢努力的, 唔使比人踢出校啦....真係估唔到, 今年中一班既質素真係好高, 因為我仔仔其實成績都算幾好, 屬於band1尾, 但入到ttca都係包尾, 咁其他學生肯定好叻....咁好既方面去唸, 近朱者赤, 點都係好事黎既....:-|
作者: mrsliu1991    時間: 07-9-15 09:19

我都讚成校長理念,校規真係嚴D，但點都比散好，學生要迫自己成長都係一件好事，要學識多D留意同埋體諒其他人‧

不過我過仔同我講,佢好鍾意返學並願意5:45a.m.起身，7:00返到學校，開始打籃球，我個人認為係一過好大進步同埋學校真係形做到一個好形象比一個學生願意接近，唔抗拒返學，呢個先至重要。

但我始終認為個書包太重，真係戥佢辛苦。
作者: bkfriend    時間: 07-9-15 09:37

原文章由 mrsliu1991 於 07-9-15 09:19 硐表
我都讚成校長理念,校規真係嚴D，但點都比散好，學生要迫自己成長都係一件好事，要學識多D留意同埋體諒其他人‧

不過我過仔同我講,佢好鍾意返學並願意5:45a.m.起身，7:00返到學校，開始打籃球，我個人認為係一過好大進步同埋學校 ...


反而我個仔就好似校長咁講, 張的書放哂入LOCKER度, 我重鬧佢點解唔帶的書返黎溫習下添
你仔仔都好犀利呀,可以咁早起身返學:loveliness:
作者: vvmammy    時間: 07-9-15 10:53

bkfriend,

你點解話你囝囝係最差個班呀? 根據昨日家長會Miss Kwan講, 佢地分班係A,B,C係頭90名, 而後90名則會分配於D,E,F班WOR, 所以並無最差與最精英的一班GA。 所以入咗DEF班都唔使氣餒, 正如MS. KWAN講, 一個試又怎可以決定小朋友係叻或唔叻呢?  所以我地要幫小朋友努力學習, 最緊要係開心學習, 健康成長!

原文章由 bkfriend 於 07-9-15 08:58 硐表
我琴晚都有去呀, 好讚成丘校長既教學模式, 雖然係嚴的, 但係我始終覺得, 玉不啄, 不成器, 另外,學校亦都比我感覺係好努力咁栽培學生各方面既能力, 唔係一味谷成績, 咁亦都同好多新既直資學校有好大分別:loveliness:
...

[ 本文章最後由 vvmammy 於 07-9-15 10:54 編輯 ]
作者: silviang    時間: 07-9-15 11:53

原文章由 vvmammy 於 07-9-15 10:53 硐表
bkfriend,

你點解話你囝囝係最差個班呀? 根據昨日家長會Miss Kwan講, 佢地分班係A,B,C係頭90名, 而後90名則會分配於D,E,F班WOR, 所以並無最差與最精英的一班GA。 所以入咗DEF班都唔使氣餒, 正如MS. KWAN講, 一個試 ...


我同意你的講法.我囡囡也係後面個幾班.不管她是91名也好,180名也好.只要學校嘅學習風氣良好.再加上自己努力.總會有進步嘅.不過, 最辛苦係書包太重.我囡囡至今都不敢放書係locker. 怕轉堂時會攞漏書.怕做功課冇書用等等. 所以每日除咗書包,還要另外拎一袋書.初初幾晚回來都說膊頭痛. 睇見都心痛.
作者: vvmammy    時間: 07-9-18 22:09

我想問下你地d小朋友參加咗甚麼樂器呀?  點解學校要我地買d咁貴的樂器ga, 我都未知個小朋友學唔學得黎, 要用8,000多元買支雙簧管, 我真係覺得負擔很重呀! 可唔可以唔學ga? 有無人知呀!
作者: bkfriend    時間: 07-9-19 00:15

原文章由 vvmammy 於 07-9-18 22:09 硐表
我想問下你地d小朋友參加咗甚麼樂器呀?  點解學校要我地買d咁貴的樂器ga, 我都未知個小朋友學唔學得黎, 要用8,000多元買支雙簧管, 我真係覺得負擔很重呀! 可唔可以唔學ga? 有無人知呀! ...


嘩,你個小朋友揀左最貴個樣呀?我個仔都唔野少, 揀左小號都要4千銀呀,陰功
我問過朋友, 其他中學都係有呢的項目, 亦係要自己買樂器,不過有的學校可以代租, 但我唸TTCA都好難有....
重有一點, 冇理由今日收通告, 聽日要比錢架?比的時間我地出去睇下都好麻...
作者: mrsliu1991    時間: 07-9-19 09:44

各位早晨，

原來响學校學樂器要即時要買樂器，而且價錢都好貴，我唸其實可以自己出去買，價錢應該會平好多，好似我個囝咁，佢响音樂事務學低音大提琴，都可以唔駛自己買琴可以同佢哋借，只係買只弓，佢哋個阿Sir重介紹我哋買弓同書，價錢都好合理，如果你哋需要間琴行資料，可以call 我,等我比d資料你哋。



歡迎光臨 教育王國 (/) Powered by Discuz! X1.5