教育王國

標題: 荃灣區band 3生如何選校? [打印本頁]

作者: 丸媽媽 時間: 07-7-11 01:29 標題: 荃灣區band 3生如何選校?

下年終於到阿仔升中,睇目前情況,佢無論點努力,band 3一定走唔甩 :(

如果考到直資,個心就定好多,但佢身無長物,成績唔好連課外活動都冇樣掂或大興趣,真係唔知點算

我自己就最想佢考到東涌間基信書院,因為學習方式接近國際學校,比較岩阿仔鍾意既學習模式,同埋佢唔太抗拒英語教學,不過聽聞基信都幾難會收到band 3生

另又留意到一間直資學校"中聖書院" http://www.chc.edu.hk/,觀其網頁似乎對教學都好有熱誠,對學生亦好有心,不過唔知質素如何,主要想知校風方面,有沒有人可以畀d意見?

[ 本文章最後由丸媽媽於 07-7-11 01:32 編輯 ]

作者: RT 時間: 07-7-11 08:09

咁佢操行如何呢?操行好而唔係band3尾既, 都可以試下一的band2學校, 例如林百欣, 聖方濟咁
直資點都要去試下, 可能到時面試發揮到水準架....
重有, 可以利用一下跨區學位, 今年我地學校就有一的band3生成功派到葵青中學, 有一個band3尾既都派到去荔天

作者: 丸媽媽 時間: 07-7-11 12:31

RT

多謝你提議

我都聽聞過誇區有機會升Band,但學位通常較少,視乎家長敢唔敢冒險

佢操行多數B,有時該學期表現好d就有B+

作者: a961115 時間: 07-7-11 13:44

原文章由 丸媽媽 於 07-7-11 01:29 發表
下年終於到阿仔升中,睇目前情況,佢無論點努力,band 3一定走唔甩 :(

如果考到直資,個心就定好多,但佢身無長物,成績唔好連課外活動都冇樣掂或大興趣,真係唔知點算

我自己就最想佢考到東涌間基信書院,因 ...

Hi,丸媽媽，　
我囡囡的情況跟妳囝囝一模一樣（都係荃灣區），都唔知點算！？
不過，ＲＴ和００７都好好人，比到好多意見我們，妳要多多留意

作者: a961115 時間: 07-7-11 13:47

原文章由 RT 於 07-7-11 08:09 發表
咁佢操行如何呢?操行好而唔係band3尾既, 都可以試下一的band2學校, 例如林百欣, 聖方濟咁
直資點都要去試下, 可能到時面試發揮到水準架....
重有, 可以利用一下跨區學位, 今年我地學校就有一的band3生成功派到 ...

ＨＩ，ＲＴ
據我所知, 荃灣區唔夠學位, 請問填表時葵青區D學校算垮區否?

作者: RT 時間: 07-7-11 18:22

原文章由 a961115 於 07-7-11 13:47 發表

ＨＩ，ＲＴ
據我所知, 荃灣區唔夠學位, 請問填表時葵青區D學校算垮區否?

Hello, a961115,

唔使咁客氣, 我都係以我所知大家討論下, 你當係其中一個家長意見得喇, 升中既事我唔夠007咁熟, 好多時都要請教佢

你所講既填表, 係響第一輪定第二輪呢? 因為我所講既跨區,係響第1輪自行面試既時候, 因為第一輪係可以自行選擇全港既學校, 而學校亦規定要預留部份學位比跨區既同學, 所以到時可以揀選一的校風好的既葵青區學校(其實都係呢度既網友教路)

,但結果唔係一定得,只係機會大的, 因為好多家長唔知道或者唔記得

作者: a961115 時間: 07-7-11 19:02

原文章由 RT 於 07-7-11 18:22 發表

Hello, a961115,

唔使咁客氣, 我都係以我所知大家討論下, 你當係其中一個家長意見得喇, 升中既事我唔夠007咁熟, 好多時都要請教佢
你所講既填表, 係響第一輪定第二輪呢? 因為我所講既跨區,係響第1輪 ...

RT, 唔該哂！現階段我要慢慢了解了解, 因為始終是囡囡的一個
重要階段, 我不可以傻吓傻吓, 若有唔明再向你們請教.
當然, 有咁多明燈指引, 安心許多

作者: tictactoe 時間: 07-7-11 20:34

中聖書院都好似係 band 3

原文章由 丸媽媽 於 07-7-11 01:29 發表
另又留意到一間直資學校"中聖書院" http://www.chc.edu.hk/,觀其網頁似乎對教學都好有熱誠,對學生亦好有心,不過唔知質素如何,主要想知校風方面,有沒有人可以畀d意見?

作者: wong_kw88 時間: 07-7-11 20:43

原文章由 a961115 於 07-7-11 13:47 發表

ＨＩ，ＲＴ
據我所知, 荃灣區唔夠學位, 請問填表時葵青區D學校算垮區否?

因荃灣區唔夠學位，所以可以選部份葵青區學位，這不是跨區。
跨區是指你申請轉地址，用荃灣區的學校成績來和葵青區的學生分band，所以band會有機會改變。

作者: wong_kw88 時間: 07-7-11 20:48

原文章由 RT 於 07-7-11 18:22 發表

Hello, a961115,

唔使咁客氣, 我都係以我所知大家討論下, 你當係其中一個家長意見得喇, 升中既事我唔夠007咁熟, 好多時都要請教佢
你所講既填表, 係響第一輪定第二輪呢? 因為我所講既跨區,係響第1輪 ...

第一輪在學校和學生都是沒有分區配額的，所以沒有跨不跨區！！！

作者: a961115 時間: 07-7-11 21:50

原文章由 wong_kw88 於 07-7-11 20:43 發表

因荃灣區唔夠學位，所以可以選部份葵青區學位，這不是跨區。
跨區是指你申請轉地址，用荃灣區的學校成績來和葵青區的學生分band，所以band會有機會改變。

wong_kw88, 唔該哂!

作者: hkttm 時間: 07-7-12 10:50

千祈唔好入李炳 or 胡漢輝 !

作者: rclamlam 時間: 07-7-12 11:49

原文章由 丸媽媽 於 07-7-11 01:29 發表
下年終於到阿仔升中,睇目前情況,佢無論點努力,band 3一定走唔甩 :(

如果考到直資,個心就定好多,但佢身無長物,成績唔好連課外活動都冇樣掂或大興趣,真係唔知點算

我自己就最想佢考到東涌間基信書院,因 ...

丸媽媽,

荃灣區band 3生真係幾難揀架, 你不如試葵青區啦, 基本band 3生入直資都會讀唔掂, 所以我覺得試來都無咩用.

荃灣區可以試林百欣, 姚連生.
葵青區可以試燕京, 迦密愛禮信.

作者: xokitty 時間: 07-7-12 13:23

原文章由 tictactoe 於 07-7-11 20:34 發表
中聖書院都好似係 band 3

我都識有人讀過中聖, 學校就一般, 不過佢讀左一年都可以轉返津貼中學~

作者: xokitty 時間: 07-7-12 13:24

原文章由 hkttm 於 07-7-12 10:50 發表
千祈唔好入李炳 or 胡漢輝 !

仲有呂明才都唔好~

作者: Mrssslui 時間: 07-7-12 13:34

直資會收 band 2 & 3? 我唔係好知.

作者: RT 時間: 07-7-12 14:05

直資多數收band2, 名牌直資除外

作者: rclamlam 時間: 07-7-12 14:24

原文章由 Mrssslui 於 07-7-12 13:34 發表
直資會收 band 2 & 3? 我唔係好知.

直資多數唔會收BAND 3生.

作者: Mrssslui 時間: 07-7-12 14:53

播道 / 優才呢d係收哪個band?

原文章由 RT 於 07-7-12 14:05 發表
直資多數收band2, 名牌直資除外

作者: bkfriend 時間: 07-7-12 22:47

優才好似多數收band1, 而播道因為新校, 不過都幾多家長選擇, 所以band1-band2都收, 不過呢2間都應該唔收band3

作者: rclamlam 時間: 07-7-12 23:51

原文章由 Mrssslui 於 07-7-12 14:53 發表
播道 / 優才呢d係收哪個band?

優才主要收band 1, 都有少部份係band 2.

播道大部份都係band 2.

作者: chanms 時間: 07-7-13 00:14

中聖校風okay，不會太壞，始終係直資要交學費，所以家庭背境不會太過複雜，學生操行較一般band3好。
建議：先參加統一派位，不滿意結果時，可以叩門中聖。要keep住操行，太差就唔收。

作者: 丸媽媽 時間: 07-7-14 02:50

多謝大家提供意見,已經抄底晒! 其實間學校牌頭係band2 or 3基本上我唔太介意 (亦冇資格介意

) 但作為家長,都要盡責任幫佢搵一間校風好學校,嚴d仲好! 正如我成日對個仔講,讀書成績唔好可以努力追,但人品差左就好難改!

[ 本文章最後由丸媽媽於 07-7-14 02:52 編輯 ]

作者: a961115 時間: 07-7-14 10:37

原文章由 丸媽媽 於 07-7-14 02:50 發表
多謝大家提供意見,已經抄底晒! 其實間學校牌頭係band2 or 3基本上我唔太介意 (亦冇資格介意) 但作為家長,都要盡責任幫佢搵一間校風好學校,嚴d仲好! 正如我成日對個仔講,讀書成績唔好可以努力追,但人品差左 ...

丸媽媽, 妳完全講出我的心聲

作者: chanms 時間: 07-7-14 12:18

其實也可以留意band2的直資學校。
當填電腦派位時，不妨擺前些少。
因為在部份直資學校也參予中央派位，一般家長都不會擺它們在前頭，一來要交學費，而來人望高處。

要交學費的學校，大部份家長會較關注學生，所以校風會比免費band3好。

作者: NancyFelix 時間: 07-7-14 13:06

我住林百欣同胡漢輝附近, 如果band 3生, 林百欣真係揀得過. 佢係band 2尾.  不過聽林百欣的家長講, 佢地今年換左校長, 有意提升學校成績, 所以今年學校嚴左好多.  小兒鄰班一個band 2同學, 派位去左胡漢輝, 想叩林百欣門, 連表都唔派比佢(佢要求全部c或以上), 因為佢有一科唔合格.  校風方面, 係真係改善左.

不過校風方面,胡漢輝的改變比較大d, 因為佢以前係職業學校(早幾年換左校長兼轉為文法中學), 校風差到要有警車駐守門外(當年我還未開始奏仔放學, 無經過嗰到, 無親眼見到, 但是幾個仔同學的家長都係咁話).  而呢幾年親眼見的, 係由打交到食煙講粗口到宜家見唔到有.  上學時間有老師在周圍的快餐店及M記巡視, 提醒同學夠鐘返學.  眼見師生關係都算唔錯.  不過學生質數有限, 學校的成績當然無林記好, 而且高中開的科目唔係好齊.

另外可試下姚連生. 呢間成績方面比林記好, 不過位置近公共屋村, 環境比較雜.  而林記及胡記呢邊全部都係學校區及私人屋村, 環境比較清靜簡單.

希望幫到你.

[ 本文章最後由 NancyFelix 於 07-7-14 13:08 編輯 ]

作者: 丸媽媽 時間: 07-7-15 01:00

a961115,

大家繼續努力啦!

係呢~可否分享關於你囡囡情況? 因為覺得你同我好同聲同氣,相信一定可以互相打氣

作者: a961115 時間: 07-7-15 07:48

原文章由 丸媽媽 於 07-7-15 01:00 發表
a961115,

大家繼續努力啦!

係呢~可否分享關於你囡囡情況? 因為覺得你同我好同聲同氣,相信一定可以互相打氣

丸媽媽, 囡囡情況和妳囝囝一樣,
成績屬下下, 亦沒有專長, 操行B至B+
平時, 我已經用很多方法幫佢, 但依然沒有起色,
第一次呈分試衰咗啦, 我已經打定輸數讀BAND3學校,
只希望入到校風好, 唔好學壞便謝天謝地.
現在, 我有鼓勵做她做義工, 讓她見識多些, 培養良好品格.
我常和她講: 讀書唔好唔緊要, 但一定要做有良知的人.
我們互勉之!!

作者: motherlau 時間: 07-7-15 11:07

Hi, me too.
我囝囝D成績勁差,補習冇用,自己教好D,都努力緊留意Band 3 school, 不過我 KLN City Net, 但見個 topic 好有共鳴,所以來打氣.

[ 本文章最後由 motherlau 於 07-7-15 11:12 編輯 ]

作者: 丸媽媽 時間: 07-7-16 02:18

a961115,
果然同我囝囝一模樣

補習完全冇用,有人迫仲pair多幾錢重,佢唔願補時人地更加唔願收佢呢d學生,曾經畀一間補習中心老師話,跟佢一個慘過跟十個:-x 所以讀書點都係要靠佢自己明白讀書重要,所以近呢兩年,我除左繼續不斷鼓勵佢,大方向係想佢首先改好唔係成績而係態度,始終佢成績差左咁多年,再加上本身有學習困難(ADHD),好早已經有少少半棄權狀態,反而呢年幾我放手多左,佢自己會著緊番少少,但同標準態度/表現仍然好大距離,不過我一定要佢明白,無論成績點差都唔可以放棄 :)

義工我都有同囝囝一齊做,佢仲好落力添! 其實佢除左學校既課業興趣不大,對周圍環境,社會時事樣樣都好留意,結果佢成日對我講,考常識時事題佢識晒,不過唔識寫

作者: 丸媽媽 時間: 07-7-16 02:26

各位,
又想起多一樣請教...

我上中學概覽了解每間學校時,都會睇埋F1-F3班數同F4-F5同唔同,有d學校一樣,有d就少左一班,所以我會同時擔心埋讀完頭三年升唔到中四果陣又係頭痕

你地對我呢個想法有冇咩指引?:-|

作者: rclamlam 時間: 07-7-16 10:10

原文章由 丸媽媽 於 07-7-16 02:26 發表
各位,
又想起多一樣請教...

我上中學概覽了解每間學校時,都會睇埋F1-F3班數同F4-F5同唔同,有d學校一樣,有d就少左一班,所以我會同時擔心埋讀完頭三年升唔到中四果陣又係頭痕你地對我呢個想法有冇咩指引?:-|

丸媽媽,

去年開始係334學制, 所以你宜家看每間中學中四既學科係同將來唔同架, 到中四時每間學校選有既科目都好唔同, 暫時都未有學校可以確定將來開辦咩科目, 到時你都要留意.

作者: RT 時間: 07-7-16 12:01

原文章由 丸媽媽 於 07-7-16 02:26 發表
各位,
又想起多一樣請教...

我上中學概覽了解每間學校時,都會睇埋F1-F3班數同F4-F5同唔同,有d學校一樣,有d就少左一班,所以我會同時擔心埋讀完頭三年升唔到中四果陣又係頭痕你地對我呢個想法有冇咩指引?:-|

係, 雖然依家轉左334學制, 但亦唔代表學生可以直升, 有部份學校為要公開試成績理想, 都有可能係初中升高中時踢走一的成績冇咁好既學生....

作者: 波子 時間: 07-7-16 12:19

原文章由 丸媽媽 於 07-7-14 02:50 發表但作為家長,都要盡責任幫佢搵一間校風好學校,嚴d仲好! 正如我成日對個仔講,讀書成績唔好可以努力追,但人品差左 ...

講得十分對!
荃灣聖方濟幾好, 係 BAND 2, 我家姐兩個仔讀緊.

[ 本文章最後由波子於 07-7-16 12:23 編輯 ]

作者: 丸媽媽 時間: 07-7-16 12:55

唔該晒2R (rclamlam & RT)

你地那份熱心,實在令我覺得好溫暖

波子,
聖芳濟我都好鐘意,因為呢區住咁耐,見佢地d學生款都算幾乖仔,暫時我亦打算為阿仔首選呢間,不過自行果part就真係好閔,佢張咁既成績表,畀邊個見到都唔多開胃,唯有希望佢有運仔大抽獎時抽中:(

[ 本文章最後由丸媽媽於 07-7-16 12:59 編輯 ]

作者: timmysum 時間: 07-7-16 12:57

作者: 丸媽媽 時間: 07-7-16 13:01

原文章由 timmysum 於 07-7-16 12:57 發表

好面善喎

作者: timmysum 時間: 07-7-16 13:04

原文章由 丸媽媽 於 07-7-16 13:01 發表

好面善喎

大抽獎靠彩數，GOOD LUCK 喇:loveliness:

作者: a961115 時間: 07-7-16 13:11

原文章由 丸媽媽 於 07-7-16 12:55 發表
唔該晒2R (rclamlam & RT) 你地那份熱心,實在令我覺得好溫暖

波子,
聖芳濟我都好鐘意,因為呢區住咁耐,見佢地d學生款都算幾乖仔,暫時我亦打算為阿仔首選呢間,不過自行果part就真係好閔,佢張咁既成績表 ...

丸媽媽, 大抽獎唔係都要睇banding咩?如果band3去排band2
學校, 會唔會太過進取?

作者: a961115 時間: 07-7-16 13:13

原文章由 NancyFelix 於 07-7-14 13:06 發表
我住林百欣同胡漢輝附近, 如果band 3生, 林百欣真係揀得過. 佢係band 2尾. 不過聽林百欣的家長講, 佢地今年換左校長, 有意提升學校成績, 所以今年學校嚴左好多. 小兒鄰班一個band 2同學, 派位去左胡漢輝, 想叩 ...

NancyFelix, thank you for your information:)

作者: a961115 時間: 07-7-16 13:15

原文章由 motherlau 於 07-7-15 11:07 發表
Hi, me too.
我囝囝D成績勁差,補習冇用,自己教好D,都努力緊留意Band 3 school, 不過我 KLN City Net, 但見個 topic 好有共鳴,所以來打氣.

motherlau, 一起加油啊！

作者: NancyFelix 時間: 07-7-16 16:00

唔駛客氣.  大家交流一下啫.

不過真係唔好放棄呀.  如果小朋友唔係資質問題, 仲可以追到架.  其實我都係過來人.  分享下我的經驗.  試下同小朋友傾下, 睇下佢有無目標, 例如將來做咩職業. 之後分析佢知, 佢的職業需要的資格, 宜家要做咩先可以幫到佢將來攞到呢個資格.

至於學業成績方面, 真的要試下搵出佢成績差的原因.  好似小兒咁, 以前有補習, 但是都係無咩進步, 反而有次仲攪到有一科唔合格, 同佢補習班老師傾過之後, 發覺佢都搵唔出原因(其實當時我已經研究過仔d卷同最近期的補習班功課, 發覺佢比較求其同心散).  之後我就好留意佢做嘢, 發現佢做功課做得慢,  時間唔夠用, 於是再無補.  我就自己教(除左返英文班外).  要佢跟我教的方法做, 例如睇題目要用筆間低重點, 做tense時, 要間低顯示tense的字同主角(he, she, they...)等.  自從用左呢個方法, 佢真係扣少左好多不必要的分.  中文, 就最差重組句子, 學校sir就鼓勵佢睇多d課外書, 我就同佢分析一d句子結構同要佢做補充.  到宜家畢業時, 成績最好的反而係以前最差的中文.

所以唔好咁快打定輸數(就算係都唔好比小朋友知你係咁唸), 無人支持佢, 佢就唔會有信心同斗志架嘞.

大家加油吧.

原文章由 a961115 於 07-7-16 13:13 發表

NancyFelix, thank you for your information:)

作者: NancyFelix 時間: 07-7-16 16:13

delete....

作者: 丸媽媽 時間: 07-7-17 00:02

原文章由 a961115 於 07-7-16 13:11 發表

丸媽媽, 大抽獎唔係都要睇banding咩?如果band3去排band2
學校, 會唔會太過進取?

我收到既訊息係,第一志願可以進取d (當然進取得黎都要自量) 第2志願開始就要退而求其次,揀同banding兼冇咁受歡迎果d,我咁講如果唔岩請各前輩指教

作者: kiukiuleung 時間: 07-7-22 16:31

你哋各位好:
我剛巧路過初中教育bk区,我是小學那邊,看過你們之前post嗰啲問題,我亦想了解下,之前你們說如果本人地址是葵青区但小學讀荃灣区,由於想讀葵青区中學咁升中叩門會令banding改變,請問一下是跌or up,用什麽來計算?
thanks a lot

不明媽媽上

原文章由 丸媽媽 於 07-7-17 00:02 發表

我收到既訊息係,第一志願可以進取d (當然進取得黎都要自量) 第2志願開始就要退而求其次,揀同banding兼冇咁受歡迎果d,我咁講如果唔岩請各前輩指教

作者: a961115 時間: 07-7-23 08:45

原文章由 kiukiuleung 於 07-7-22 16:31 發表
你哋各位好:
我剛巧路過初中教育bk区,我是小學那邊,看過你們之前post嗰啲問題,我亦想了解下,之前你們說如果本人地址是葵青区但小學讀荃灣区,由於想讀葵青区中學咁升 ...

如果我無記錯, 妳的小朋友今年升小一, 咁快咁緊張

作者: kiukiuleung 時間: 07-7-23 19:18

Dear a96115,
想八下,都是貼身問題嘛!

原文章由 a961115 於 07-7-23 08:45 發表

如果我無記錯, 妳的小朋友今年升小一, 咁快咁緊張

作者: HPChingchingma 時間: 07-7-24 21:54

藥媽媽 >>

我係chingma 呀!

見你開 TOPIC , 即入來打氣

有朋友個仔是 band 3 , 佢住青衣 .收下料再入來.

作者: rclamlam 時間: 07-7-24 22:03

chingma,

好耐無見你啦, 你近來好嗎? 得閒去仔女經度傾下啦.

原文章由 HPChingchingma 於 07-7-24 21:54 發表
藥媽媽 >>

我係chingma 呀!

見你開 TOPIC , 即入來打氣

有朋友個仔是 band 3 , 佢住青衣 .收下料再入來.

作者: HPChingchingma 時間: 07-7-24 22:24

原文章由 rclamlam 於 07-7-24 22:03 發表
chingma,

好耐無見你啦, 你近來好嗎? 得閒去仔女經度傾下啦.

RC >>
乜咁橋                         .
亞囡好嗎 ??

我個件下學期好左好多 ,
而家安樂左的啦 .

無係煙剷果到做之後
而家份工成日要對住個電腦跟野,
原來而家人打工唔多用把口,
不用口講野, 而係乜事要下下打入個腦
然後 CC 晒成村人咁 , 見人唔回覆時 ,
亦不用電話 , 再用電腦 ,
又 COPY    之前 , 伙無回答勄的野
累到人人有鑊.
目的就慌死人唔知佢有做野

我地係 C 9 ,
邊得閒跟佢搏呀,
唯有跟住故仔去做......

夜晚又對住細果件的功課.

攪到邊有時間 BK

90+年大仔唔見晒熟人, 唔好意思啊

SORRY , 丸媽媽, 用左的位呻呀

作者: rclamlam 時間: 07-7-24 22:29

chingma,

係囉, 好耐無見你出post啦.
我女都係一樣, 次次考試都好差, 都唔知下年升唔升到精英班, 你阿仔好左咪得囉, 你放心啦, 你阿仔係另仔來架, 唔知3lok佢地宜家點呢?

原文章由 HPChingchingma 於 07-7-24 22:24 發表

RC >>
乜咁橋 .
亞囡好嗎 ??

我個件下學期好左好多 ,
而家安樂左的啦 .

無係煙剷果到做之後
而家份工成日要對住個電腦跟野,
原來而家人打工唔多用把口,
不用 ...

作者: 丸媽媽 時間: 07-7-26 20:22

原文章由 HPChingchingma 於 07-7-24 21:54 發表
藥媽媽 >>

我係chingma 呀!

見你開 TOPIC , 即入來打氣

有朋友個仔是 band 3 , 佢住青衣 .收下料再入來.

老友,你叫邊個"藥媽媽"呀? 第2次就唔值得原諒

我地係荃灣網喎! 不過都唔該你先:)

你大仔仲有冇打波,阿仔今年冇League打呀! 因為佢minor超齡,major又唔夠人出隊,搞到兩頭唔到岸:( 不過咁又咁好,橫掂今年搞升中,留番多d時間畀自己囉! (不過佢都唔慌會善用

)

作者: 丸媽媽 時間: 07-7-26 20:25

再想請教大家,去邊度可以知邊間直資學校會參加攪珠?

如果第一志願選直資,係咪可以唔駛預先去考?

[ 本文章最後由丸媽媽於 07-7-26 20:27 編輯 ]

作者: HPChingchingma 時間: 07-7-26 21:37

rc >>
3lok 都好忙呀

我下星期有function.
收 pm.

丸媽媽丸媽媽丸媽媽>>
我罰左自己好多次啦.

原諒我啦.......

你知我日頭係蛇入上 bk ..........]

不過收左料啦.
基信是否有興趣 ???
青衣和荃灣唔同網 ??

我大仔果隊今件得 8 件咋 ,
望有一隊散左 , 去晒其他的華隊到啦....

[ 本文章最後由 HPChingchingma 於 07-7-26 21:41 編輯 ]

作者: rclamlam 時間: 07-7-26 21:46

教統局個網有寫架, 直資除左可以統一派位揀, 最安全係之前就要自己報名, 而直資可以係11月之後向有關中學報名同考試, 報直資係唔會影響統一派位, 除非你係揀有參加統一派位直資中學.

但係band 3生, 好多直資都未必收喎, 不過你都係去試下先.

原文章由 丸媽媽 於 07-7-26 20:25 發表
再想請教大家,去邊度可以知邊間直資學校會參加攪珠?

如果第一志願選直資,係咪可以唔駛預先去考?

作者: rclamlam 時間: 07-7-26 21:48

chingma,

我收唔到你pm呀, 請再send.

原文章由 HPChingchingma 於 07-7-26 21:37 發表
rc >>
3lok 都好忙呀
我下星期有function.
收 pm.

丸媽媽丸媽媽丸媽媽>>
我罰左自己好多次啦.

原諒 ...

作者: xokitty 時間: 07-7-27 09:33

原文章由 kiukiuleung 於 07-7-23 19:18 發表
Dear a96115,
想八下,都是貼身問題嘛!

是ar, 雖然是一年級問定有定準備都是正確的, 不過你要一直留意住因為政府的野年年都改

歡迎光臨教育王國 (/)