教育王國

標題: 無助，求給一些意見 [打印本頁]

作者: willchan90 時間: 07-7-6 09:19 標題: 無助，求給一些意見

我妹妹的兒子因成績差，不能升中四，校方以明年改學制，不能留班，要求到別處找學校，妹妹不希望她的兒子做雙失青年，希望能完成中五。請問香港東區或其他區的學校有收中三重讀生，妹妹現在都不知如何是好？感到很灰。希望能給一些意見。

作者: el1008 時間: 07-7-6 09:53

若果細路唔啱主流課程, 你可以考慮ive嘅中專課程, 起碼長遠計仲可以讀上去

作者: kc2021 時間: 07-7-6 10:35

其實, 你有沒有看過之前好似'電視節目'/報章, 有報導一間'海員訓練學校', 地址我唔記得, 其實佢不是'主流'學校, 是比一些學業成績/操行不太理想的小朋友, 一樣有書讀及一些體能訓練, 讀完出路多數做'消防員/警察', 不妨了解下, 如小朋友還對自己有要求, 唔好放棄給予小朋友機會.
你不妨上綱 SEARCH 下有沒有資料.
Hope this can help you & your sister.

作者: chanms 時間: 07-7-6 12:04

要因應妹妹現在的中學banding，再找學校。
e.g.現在Band1，就要找Band2

另外，可以找直資，因學校管理自由度較大，學位較多。

作者: virgokaren 時間: 07-7-7 04:54

原文章由 willchan90 於 07-7-6 09:19 發表
我妹妹的兒子因成績差，不能升中四，校方以明年改學制，不能留班，要求到別處找學校，妹妹不希望她的兒子做雙失青年，希望能完成中五。請問香港東區或其他區的學校有收中三重讀生，妹妹現在都不知如何是好？感到 ...

不能原校升中四，應該仲可以參加中央派位。
外甥女學校也有一批不能原校升中四的學生，但全部都可以參加派位，仲講明一定會有中四位或 IVE 學位的。

另外，可以試下報讀地利亞、三育中學、陳樹渠、香島中學等比較banding 低少少的學校。如重讀中三，或者可以試下D新直資中學如林大輝、漢華之類的學校。

中三得15歲，無書讀好慘！努力d搵下！

作者: willchan90 時間: 07-7-7 08:29

多謝各位的寳貴意見，現今好像已沒有中三中央派位？妹妹到今都找不到中四學位，好煩。

作者: cello147 時間: 07-7-7 09:46

原文章由 virgokaren 於 07-7-7 04:54 發表

不能原校升中四，應該仲可以參加中央派位。
外甥女學校也有一批不能原校升中四的學生，但全部都可以參加派位，仲講明一定會有中四位或 IVE 學位的。

另外，可以試下報讀地利亞、三育中學、陳樹渠、香島 ...

去搵D比較新學校啦，
佢間學校衰姐，人地好多學校, 學生就算升唔到中四，
都一定有中央派位，佢問清楚未呀? 定係佢算係俾人踢出校個隻?

冇咩理由唔俾學位佢讀書喎.

作者: cello147 時間: 07-7-7 09:48

我住個區, 聽過幾間中學, 一樣有好多學生升唔到中四, 不能原校繼續升讀，學校都安排他們中央派位，之後一樣 (現在仍然有得繼續讀梗中四囉 )

作者: pp6113 時間: 07-7-7 09:52

原文章由 willchan90 於 07-7-6 09:19 發表
我妹妹的兒子因成績差，不能升中四，校方以明年改學制，不能留班，要求到別處找學校，妹妹不希望她的兒子做雙失青年，希望能完成中五。請問香港東區或其他區的學校有收中三重讀生，妹妹現在都不知如何是好？感到 ...

試下東區嘅培僑中學同漢華中學，兩間都係直資。

作者: motherlau 時間: 07-7-7 11:51

試下tko 匯知, tko 香島,機會好大.仲有新法都可試.唔好放棄,一定會有書讀,不過要佢明白機會唔係次次有,要真惜,上進多D.

作者: willchan90 時間: 07-7-7 20:58

首先再三感謝大家的關懷及寶貴，但未聽有中央派位？

作者: NancyFelix 時間: 07-7-7 22:22

其實轉制係現時已讀緊中一的學生開始轉, 唔係宜家的中三學生喎.

派位的事, 可以試下打電話去教統問下, 睇下有無.

另外, 如果目的只係想讀埋中四中五, 唔介意學校的類別的話, 你可以試下搵社工幫忙搵, 應該會比較容易搵d. 唔好放棄.

作者: virgokaren 時間: 07-7-8 08:33

原文章由 willchan90 於 07-7-7 20:58 發表
首先再三感謝大家的關懷及寶貴，但未聽有中央派位？

真係有架喎！

但我外甥女覆述校長的說話：如果成績唔夠升中四程度，就無得派中四位。
不過佢學校個個都有得派。

你試下問下學校，佢學校一個都無得派？
係唔係 band 3 學校？

作者: willchan90 時間: 07-7-8 10:08

係 band 1 學校
所了解英語教學的中學，不須要參加中三中央派位。

作者: 櫺囹桼 時間: 07-7-8 13:45

原文章由 willchan90 於 07-7-8 10:08 發表
係 band 1 學校
所了解英語教學的中學，不須要參加中三中央派位。

一入英中深似海，一旦追唔上就勸你轉校(唔係叫你留班...)...其實讀得英中可以轉去邊？讀番中中會好唔習慣(好易衰多兩錢重...)、津貼英中一定冇人收、只有搵直資...但唔係個個畀得起錢況且直資又良莠不齊！
搵社工幫忙好了！

作者: willchan90 時間: 07-7-8 20:38

本人的外甥今年中三，就讀東區 Band 1英文中學，前幾天她的母親預早接見老師，得悉因成績差，不能回校升中四，並要準備她找其他校，要求留班，但老師說因為今年中一轉制，課程完全不同，所以不可能留班。從我妹妹所知學校沒有提及有關中央派位的事項。妹妹亦嘗試找其他學校，但多數不收中三升中四。感到不知所措。
請問：
1.學校是否有責任安排不能原校升中四生轉到其他學校？
2.是不是學制課程轉變便不可能重讀中三？
3.有沒有其他機構可以協助，因為事情對妹妹很困擾。
多謝解答，感恩。

作者: virgokaren 時間: 07-7-9 02:43

「初中成績評核辦法」常問問題

問題(1)	初中成績評核辦法是按甚麼基礎分配學位？
回答(1)	初中成績評核辦法是以中三學生的校內成績及家長選校意願作為分配中四學位的基礎。

問題(2)	是否每位中三學生均可獲派在原校升讀中四？
回答(2)	中三學生會根據其成績表現，盡可能獲安排在原校升讀中四。未能在原校升讀中四的學生將獲安排參加統一派位，升讀資助中四或職訓課程學位。

問題(3)	初中成績評核辦法是否按地區分配學位？
回答(3)	中四學位分配辦法是按全港而非地區分配學位給學生。學生可按其意願選擇學校地區，但他們在選擇一些遠離家居的學校地區前，應小心考慮如獲派這些地區的中四學位時，可否作出有關的交通安排。

問題(8)

已曾參加初中成績評核辦法一次的中三學生，可否再次參加該評核辦法?

回答(8)

根據現行的機制，所有在政府資助學校就讀的中三學生，都獲安排參加初中成績評核辦法，以升讀資助中四〈包括在原校升讀中四〉或職訓課程學位。在中三學生在報名參加初中成績評核辦法後，無論獲分配中四或職訓課程學位與否，將被視作已曾參加初中成績評核辦法。在一般情況下，每位中三學生只可參加該評核辦法不多於兩次。

********************************
根據以上資料，我看不出
津貼 band 1 英中不在派位
的機制內喎！

另外，外甥女學校話原校升唔到中四的同學，
甚至可以選 band 1 英中中四位，只要佢
有位，便有機會派到。

http://www.edb.gov.hk/index.aspx?nodeID=1599&langno=2

http://www.edb.gov.hk/FileManager/SC/Content_1612/jsea%200607-tc.pdf

[ 本文章最後由 virgokaren 於 07-7-9 02:46 編輯 ]

作者: virgokaren 時間: 07-7-9 02:51

你搵過地利亞、三育中學、陳樹渠、香島中學、林大輝、漢華、新法、惠僑、遵理......等等未呀？

作者: chanms 時間: 07-7-9 14:43

"有沒有其他機構可以協助，因為事情對妹妹很困擾。"
升學問題及情緒問題
可以找學校社工、關心一線2777 8899

歡迎光臨教育王國 (/)