教育王國

標題: 跑馬地寶血幼稚園家長會Part 2 [打印本頁]

作者: 老虎狗太太 時間: 07-7-4 12:09 標題: 跑馬地寶血幼稚園家長會Part 2

各位我地開左Part 2 啦，我係Part 1發表唔到

心花花

聽日係咪取消左"玩水"呀

作者: vanyau 時間: 07-7-5 16:29

轉新版咁耐,依家終於俾我搵番這個主題了
我對新版面還不太熟悉,還要慢慢摸索.
最近已經忙到死,囡囡畢業有很多嘢攪,又要準備去旅行,頭都大晒.

作者: vanyau 時間: 07-7-9 13:45

無人留言,是放晒暑假,還是找不到這個topic呢?

作者: 心花花 時間: 07-7-9 15:17

新版面真係好麻煩呀。

上星期六多元智能的結業禮，在一片混亂之下終於完成，可能我有份做義工媽咪，所以覺得有些混亂。見囡囡在台上表演，真係好開心，覺得囡囡大個左好多。

作者: vanyau 時間: 07-7-11 14:55

開家長會時，見到有些家長對學校依依不捨，有些傷感．
好彩我還有三年在學校．

作者: pamila 時間: 07-7-11 17:50

各位寶血媽咪,
你地好~我想幫我囡囡都下年k1讀寶血呀.我有些資料想問下你地.呢兩年寶血派去咩小學多呢?
因我睇寶血個web, 佢地剩係update到05年咋. 咁06 & 07係咪派得唔好,所以咁耐都唔update上去??

作者: YongXin 時間: 07-7-11 23:09

06年度资料来自我地高班填既问卷。

我地交回问卷无几耐，主要用来六月尾比低班家长开报小一家长会看，老虎狗太太同心花花应该有一份。。。我都想八下呀！再过多一排，尘埃落定0西，就会upload上网。

07年度高班都未开学，系唔会甘快有资料架。

原文章由 pamila 於 07-7-11 17:50 發表
各位寶血媽咪,
你地好~我想幫我囡囡都下年k1讀寶血呀.我有些資料想問下你地.呢兩年寶血派去咩小學多呢?
因我睇寶血個web, 佢地剩係update到05年咋. 咁06 & 07係咪派得唔好,所以咁耐都唔update上去??

作者: YongXin 時間: 07-7-11 23:54

多谢老虎狗太太开

art 2!

原文章由 老虎狗太太 於 07-7-4 12:09 發表
各位我地開左Part 2 啦，我係Part 1發表唔到

心花花

聽日係咪取消左"玩水"呀

[ 本文章最後由 YongXin 於 07-7-12 12:33 編輯 ]

作者: vanyau 時間: 07-7-12 15:57

原文章由 pamila 於 07-7-11 17:50 發表
各位寶血媽咪,
你地好~我想幫我囡囡都下年k1讀寶血呀.我有些資料想問下你地.呢兩年寶血派去咩小學多呢?
因我睇寶血個web, 佢地剩係update到05年咋. 咁06 & 07係咪派得唔好,所以咁耐都唔update上去??

以我所知，今年派得唔錯，詳細我都想知道．

作者: 老虎狗太太 時間: 07-7-13 14:58

我印象中都好似派得唔錯，但都要返去睇番先

原文章由 vanyau 於 07-7-12 15:57 發表

以我所知，今年派得唔錯，詳細我都想知道．

作者: catherinefung 時間: 07-7-16 07:01

轉左版真麻煩,搵你哋搵到頭都大,終於可以重聚

作者: vanyau 時間: 07-7-16 13:01

我有些舊校服想送出，不知道有沒有人有興趣呢？

冬季：
１．運動外套（２４碼）兩件(只剩一件)
２．運動衫（看不清楚，但幾大件）(已送出)
３．運動褲（２２碼）(已送出)
４．ｋｌ粉橙色衫（１５碼）(已送出)
５．ｋ２粉綠色衫（碼數看不清）兩件
６．ｋ３白色衫（碼數看不清）兩件
７．吊帶一條

有興趣ｐｍ我．

[ 本文章最後由 vanyau 於 07-7-17 09:51 編輯 ]

作者: catmilkw 時間: 07-7-16 15:26

再過多1個多月,仔仔就返學,好期待

原文章由 vanyau 於 07-7-16 13:01 發表
我有些舊校服想送出，不知道有沒有人有興趣呢？

冬季：
１．運動外套（２４碼）兩件
２．運動衫（看不清楚，但幾大件）
３．運動褲（２２碼）
４．ｋｌ粉橙色衫（１５碼）
５．ｋ２粉綠色衫（碼數看不清 ...

作者: mimi1102 時間: 07-7-16 17:31

唔好意思, 我好想比個女讀寶血k1, 因為覺得環境, 教師同教學質素都好好, 但係我本身係佛教徒, 聽人講寶血的宗教意識好強, 一定會令到小朋友信教, 我本身都好尊重天主教, 但係有d 唔係好想個女的宗教信仰同我地一家人唔同, 因為始終會有d衝突, 你地會遇到同我一樣的問題嗎 ?

作者: kwkkcy 時間: 07-7-16 18:35

為子女德育及學業著想, 我建議先把宗教這大課題放下.
另外天主教並不是那些 hot-sale 人入教的宗教, 對比基督教 hot-sale 得多.
再者, 一搬佛教的中小幼學校大多不及天主教和基督教的好.
最後, 宗教自由, 只要是正派的, 道人向善的, 就讓他們自己領悟和選擇吧!

原文章由 mimi1102 於 07-7-16 17:31 發表
唔好意思, 我好想比個女讀寶血k1, 因為覺得環境, 教師同教學質素都好好, 但係我本身係佛教徒, 聽人講寶血的宗教意識好強, 一定會令到小朋友信教, 我本身都好尊重天主教, 但係有d 唔係好想個女的宗教信仰同我地一 ...

作者: YongXin 時間: 07-7-16 23:21

你真係識揀。

0甘話得係一间天主教学校，就梗係重视宗教培育：日日祈祷，教聖经故事，去教堂，認識天父。

我本身無宗教信仰，所以觉得宗教培育都好吖，係德育培养一種；就算阿女日後要信天主教，我都会尊重她的决定。

我自己讀宝幼 --〉宝小 --〉聖保禄，讀了十幾年聖经，我都無信天主教，仲一路都有跟阿妈去拜神拜祖先。

信仰係好多因素影响既，但係宝幼就真係不会“一定令到小朋友信教“。

原文章由 mimi1102 於 07-7-16 17:31 發表
唔好意思, 我好想比個女讀寶血k1, 因為覺得環境, 教師同教學質素都好好, 但係我本身係佛教徒, 聽人講寶血的宗教意識好強, 一定會令到小朋友信教, 我本身都好尊重天主教, 但係有d 唔係好想個女的宗教信仰同我地一 ...

作者: 老虎狗太太 時間: 07-7-17 11:29

非常同意

原文章由 kwkkcy 於 07-7-16 18:35 發表
為子女德育及學業著想, 我建議先把宗教這大課題放下.
另外天主教並不是那些 hot-sale 人入教的宗教, 對比基督教 hot-sale 得多.
再者, 一搬佛教的中小幼學校大多不及天主教和基督教的好.
最後, 宗教自由, 只 ...

作者: mimi1102 時間: 07-7-17 16:12

原文章由 老虎狗太太 於 07-7-17 11:29 發表
非常同意

多謝大家意見呀 !!

作者: YongXin 時間: 07-7-19 09:58

校網有好多新相同新資料呀!

畢業旅行, 家長義工聚餐, 06小一派位成績等等.

作者: catmilkw 時間: 07-7-23 17:53

thanks
我都想知06小一派位成績

原文章由 YongXin 於 07-7-19 09:58 發表
校網有好多新相同新資料呀!

畢業旅行, 家長義工聚餐, 06小一派位成績等等.

作者: applecarey 時間: 07-7-24 09:25

提示: 作者被禁止或刪除內容自動屏蔽

作者: 心花花 時間: 07-7-24 09:41

其實interview都無咩需要小朋友講，寶血interview時係一邊讓小朋友玩玩具，一邊問小朋友一些好簡單的問題，會問小朋友今日邊個同你黎，玩梗咩玩具呀等等，跟住老師會問家長一些問題。

原文章由 applecarey 於 07-7-24 09:25 發表
hi~~ 各位媽媽好

我黎緊都想幫仔仔報寶血
但佢岩岩先識講野
22mths....
好怕到時interview唔掂

其實有咩我可以準備？？

thx for share....

作者: catmilkw 時間: 07-7-24 12:09

佢俾你同小朋友一齊玩,跟住叫佢個名,問日常生活D好簡單問題,仲係一路玩一路問,最重要係佢叫名,你有反應都OK,望下MISS都得

原文章由 applecarey 於 07-7-24 09:25 發表
hi~~ 各位媽媽好

我黎緊都想幫仔仔報寶血
但佢岩岩先識講野
22mths....
好怕到時interview唔掂

其實有咩我可以準備？？

thx for share....

作者: 老虎狗太太 時間: 07-7-24 14:51

心花花

你去完旅行la，好唔好玩呀

原文章由 心花花 於 07-7-24 09:41 發表
其實interview都無咩需要小朋友講，寶血interview時係一邊讓小朋友玩玩具，一邊問小朋友一些好簡單的問題，會問小朋友今日邊個同你黎，玩梗咩玩具呀等等，跟住老師會問家長一些問題。

作者: 心花花 時間: 07-7-24 16:05

老虎狗太太，

去旅行好玩，不過就好熱。我可以勁shopping，而囡囡就跟老公係酒店游水，各有各開心。

原文章由 老虎狗太太 於 07-7-24 14:51 發表
心花花

你去完旅行la，好唔好玩呀

作者: 老虎狗太太 時間: 07-7-25 01:04

心花花

咁你豈不是大出血，係咪有買"指定動作"呀

原文章由 心花花 於 07-7-24 16:05 發表
老虎狗太太，

去旅行好玩，不過就好熱。我可以勁shopping，而囡囡就跟老公係酒店游水，各有各開心。

作者: applecarey 時間: 07-7-25 08:01

提示: 作者被禁止或刪除內容自動屏蔽

作者: 心花花 時間: 07-7-25 09:13

我無買"指定動作"喎，不過我買左好多蝴蝶袋呀。

原文章由 老虎狗太太 於 07-7-25 01:04 發表
心花花

咁你豈不是大出血，係咪有買"指定動作"呀

作者: 老虎狗太太 時間: 07-7-25 10:51

心花花

c啦乜野蝴蝶袋呀

原文章由 心花花 於 07-7-25 09:13 發表
我無買"指定動作"喎，不過我買左好多蝴蝶袋呀。

作者: 心花花 時間: 07-7-25 11:31

個牌子係"NA RA YA" http://www.naraya.com/

原文章由 老虎狗太太 於 07-7-25 10:51 發表
心花花

c啦乜野蝴蝶袋呀

作者: YongXin 時間: 07-7-27 11:28

我將阿女全年既通告, 分班名單, 活動場刊, 幫忙卡, 給家長的信, 生日會邀請卡, 課程綱要, 單據等等一大堆文件, 按月份用一個大box file file起, 仲file埋網上印出來既老師相, 同我自己整既有名班相. 讀了三年就有三個box files, 雖然好似好瑣碎, 但係全部係美好回憶, 阿女時不時都要拿來看, 回味每一個月在寶幼既生活.

[ 本文章最後由 YongXin 於 07-7-27 11:30 編輯 ]

作者: 心花花 時間: 07-7-27 12:37 標題: 跑馬地寶血幼稚園家長會Part 2

YongXin,

原文章由 YongXin 於 07-7-27 11:28 發表
我將阿女全年既通告, 分班名單, 活動場刊, 幫忙卡, 給家長的信, 生日會邀請卡, 課程綱要, 單據等等一大堆文件, 按月份用一個大box file file起, 仲file埋網上印出來既老師相, 同我自己整既有名班相. 讀了三年就 ...

[ 本文章最後由心花花於 07-7-27 12:39 編輯 ]

作者: 老虎狗太太 時間: 07-7-27 12:44

YongXin

你實在太好啦，我諗我未必會做得到

原文章由 YongXin 於 07-7-27 11:28 發表
我將阿女全年既通告, 分班名單, 活動場刊, 幫忙卡, 給家長的信, 生日會邀請卡, 課程綱要, 單據等等一大堆文件, 按月份用一個大box file file起, 仲file埋網上印出來既老師相, 同我自己整既有名班相. 讀了三年就 ...

作者: vanyau 時間: 07-7-29 00:17

原文章由 老虎狗太太 於 07-7-27 12:44 發表
YongXin

你實在太好啦，我諗我未必會做得到

我初頭都有儲起，但後來發覺越儲越多．
囝囝由開始讀書，諗諗吓發覺唔係辦法．
最後我想到一個好辦法，用相機拍下，儲係電腦內，實物就拜拜囉！

作者: 老虎狗太太 時間: 07-7-31 17:43

vanyau

你呢個辦法都唔錯，我又可以諗諗

原文章由 vanyau 於 07-7-29 00:17 發表

我初頭都有儲起，但後來發覺越儲越多．
囝囝由開始讀書，諗諗吓發覺唔係辦法．
最後我想到一個好辦法，用相機拍下，儲係電腦內，實物就拜拜囉！

作者: 老虎狗太太 時間: 07-8-2 11:40

唔經唔覺放左暑假就快一個月，好快又返學啦，囡囡有時都話好掛住老師

原文章由 老虎狗太太 於 07-7-31 17:43 發表
vanyau

你呢個辦法都唔錯，我又可以諗諗

作者: vanyau 時間: 07-8-2 14:47

原文章由 老虎狗太太 於 07-8-2 11:40 發表
唔經唔覺放左暑假就快一個月，好快又返學啦，囡囡有時都話好掛住老師

係呀，我都覺得時間過得好快，已經八月了．
我囝囝８月３０日就返學了．
真係怕怕，我諗我囝囝一定會哭到死去活來

．

作者: 老虎狗太太 時間: 07-8-2 16:13

vanyau

唔怕你都有經驗啦，個時你囡囡有無喊呀，你一定應付得到

你囡囡小一幾時開學呀，準備好未呀
到時請你分享下心得啦，等我地呢班K2媽咪有多少少資料

原文章由 vanyau 於 07-8-2 14:47 發表

係呀，我都覺得時間過得好快，已經八月了．
我囝囝８月３０日就返學了．
真係怕怕，我諗我囝囝一定會哭到死去活來．

　　

作者: YongXin 時間: 07-8-2 16:20

時間真係過得好快.

學期尾仲問阿女有無唔捨得, 大小姐都矇査査. 依家知喇, 以後都無得搭花花校車, 以後都無得返幼稚園喇...個樣幾愁呀! 前幾日去同學仔生日會, 見返面, 哇!阿女開心到今日都未開心完呀! 仲唔夠皮, 想"見0西全班同學仲好"!

原文章由 老虎狗太太 於 07-8-2 11:40 發表
唔經唔覺放左暑假就快一個月，好快又返學啦，囡囡有時都話好掛住老師

作者: YongXin 時間: 07-8-2 16:26

我女當年喊到11, 12月都仲會不時喊呀!

頭0個幾個星期就更加日日喊. 但係老師好有辦法既, 係朝早喊一陣既0者. 仲有有0的小朋友, 直情開始識得安慰返同班同學添!

原文章由 vanyau 於 07-8-2 14:47 發表

係呀，我都覺得時間過得好快，已經八月了．
我囝囝８月３０日就返學了．
真係怕怕，我諗我囝囝一定會哭到死去活來．

　　

作者: 老虎狗太太 時間: 07-8-3 10:56

我囡囡個時都係喊左幾日，之後有少少情緒唔穩定，但老師們真的很有辦法，好快佢就適應啦

原文章由 YongXin 於 07-8-2 16:26 發表
我女當年喊到11, 12月都仲會不時喊呀! 頭0個幾個星期就更加日日喊. 但係老師好有辦法既, 係朝早喊一陣既0者. 仲有有0的小朋友, 直情開始識得安慰返同班同學添!

作者: 老虎狗太太 時間: 07-8-4 10:35

會唔會係暑假所以呢排無乜人入黎呢

原文章由 YongXin 於 07-8-2 16:26 發表
我女當年喊到11, 12月都仲會不時喊呀! 頭0個幾個星期就更加日日喊. 但係老師好有辦法既, 係朝早喊一陣既0者. 仲有有0的小朋友, 直情開始識得安慰返同班同學添!

作者: vanyau 時間: 07-8-5 00:51

原文章由 老虎狗太太 於 07-8-4 10:35 發表
會唔會係暑假所以呢排無乜人入黎呢

囡囡鬧情緒鬧了很久．哭就哭了幾日，但就時常說不想返學．扭扭擰擰，攪到我心都煩晒．可能囝囝剛出世，爭寵？

我囡囡現在直情當咗自己是小學生了，因為身邊有頗多的朋友仔，都是升同一學校．另外，我係某某書局見到同校的小朋友時，我會主動和她們傾計，久而久之，我識咗好多同校的人，跟住又介紹給囡囡認識．我想她應該不會陌生掛？

可能有弟弟會讀寶血，她知道應該有很多機會返寶血，所以沒有太不捨得．只是生日會前夕，她說想請埋啲老師出席生日會．:):)

作者: YongXin 時間: 07-8-6 12:14

搬0左來呢度, 唔知各方好友識唔識路呢?

作者: 老虎狗太太 時間: 07-8-6 14:39

唔知點解會越搬越後，又睇唔到邊個最新發表

原文章由 YongXin 於 07-8-6 12:14 發表
搬0左來呢度, 唔知各方好友識唔識路呢?

作者: catherinefung 時間: 07-8-6 15:31

Hi ！

成個暑假你地去左邊度玩呀?我覺得放暑假仲辛苦,星期一返早期訓練,星期二、三學英文,星期六學畫畫,逢星期日去游水,晒到囡囡好似朱古力咁,又去左海洋公園,迪士尼又玩左3日2夜,仲有4個星期開學,好想囡囡快D返學,唔洗唸節目比佢

你地係咪25/8開家長會呀?

作者: YongXin 時間: 07-8-6 23:49

学普通话，英文，phonics，琴，画，等大小姐唔洗0甘無聊，又等我啊妈可以趁阿大小姐上堂时，可以0向屋企静0下。。。我都有開始同大小姐温小一书喇！等她习惯0下，唔洗到開学时懵盛盛。

原文章由 catherinefung 於 07-8-6 15:31 發表
Hi ！

成個暑假你地去左邊度玩呀?我覺得放暑假仲辛苦,星期一返早期訓練,星期二、三學英文,星期六學畫畫,逢星期日去游水,晒到囡囡好似朱古力咁,又去左海洋公園,迪士尼又玩左3日2夜,仲有4個星期開學,好想囡囡 ...

作者: 心花花 時間: 07-8-7 08:57

我個囡囡都話好掛住老師，所以佢話要畫番幅畫比老師呀。

原文章由 老虎狗太太 於 07-8-2 11:40 發表
唔經唔覺放左暑假就快一個月，好快又返學啦，囡囡有時都話好掛住老師

作者: kwkkcy 時間: 07-8-8 00:27

Hi Hi,
We keep to post some news, Can WE show on the cover every time?

作者: catherinefung 時間: 07-8-10 02:36

大家可以係標題隔離.......收藏度keep住個標題就唔洗揾得咁辛苦,下次登入左係最頂私人信息..觀看賬號嗰行禁自已個名,再入禁收藏的主題就得啦

作者: tautaub 時間: 07-8-13 15:10

我囝囝05年6月出世, 想幫他報這學校20年的k1, 這學校好嗎?, 好在哪一方面?

家住tks, 會唔會好遠呢?

我們沒有宗教背景, 囝囝仲未好識講野, 會唔會好難考到? 幾時要開始報名同埋通常幾月會面試? 因細囡預產期在12月頭, 正在擔心父母不能一同去面試會影響結果呢....

這學校小學派位好嗎...特別是男女校...那到妹妹時就不用煩了...

請你們這班家長提供多些資料給我吧...

謝謝!

作者: 心花花 時間: 07-8-15 16:52

學校出左分班的通告啦，大家快的上網CHECK下。

老虎狗太太，

我囡囡今年都唔可以同你囡囡一班呀。

作者: QL 時間: 07-8-15 17:17

原文章由 vanyau 於 07-8-5 00:51 發表

囡囡鬧情緒鬧了很久．哭就哭了幾日，但就時常說不想返學．扭扭擰擰，攪到我心都煩晒．可能囝囝剛出世，爭寵？

我囡囡現在直情當咗自己是小學生了，因為身邊有頗多的朋友仔，都是升同一學校．另外， ...

vanyau,

"可能囝囝剛出世，爭寵？" - 你生第3個小孩子? 你真是厲害

, 我有兩個都已經頭都大啦, 你好叻呀!!恭喜恭喜

作者: catherinefung 時間: 07-8-16 03:50

tautaub

招生日期：2007 年 10 月 15 日接見日期及時間：2007 年 11 月 3 日 ( 星期六 ) 取錄與否11 月 8 日前通知你可上寶血幼稚園睇下詳細資料,仲可睇下tks有冇校車到面試好睇小朋友當日心情,初時我都好擔心囡囡乜都唔識,又好痴身,但面試當日原全唔理我自已玩,老師問乜就答乜,其實我覺得最緊要老師問乜野佢有反應就OK

[ 本文章最後由 catherinefung 於 07-8-16 03:55 編輯 ]

作者: catherinefung 時間: 07-8-16 04:13

哈哈!囡囡讀低班孝,希望佢會孝順我啦

今年同學仔有24人好似少過幼兒班時

作者: sigmund 時間: 07-8-16 08:31

早呀！搬左之後好難搵你地，大家好！

仲有兩個禮拜先返學，囝囝成日都話冇人陪佢玩，我又冇報暑期班，日日都係兩個互玩，仲唔俾我行開做家務呀，點算！

想請問依家出左分班，但係每班都有兩班，係唔係正式的時候就二合一？　成３０人一班？

家長會有甚麼要留意呀，請指教！

作者: vanyau 時間: 07-8-17 09:58

原文章由 QL 於 07-8-15 17:17 發表

vanyau,

"可能囝囝剛出世，爭寵？" - 你生第3個小孩子? 你真是厲害 , 我有兩個都已經頭都大啦, 你好叻呀!!恭喜恭喜

你攪錯了,我只得兩個"麻煩友".
我只是回憶大女入學時的情景,所以怕囝囝入學時也很會哭.
你說得對,兩個已經令到我頭大,三個我都不敢想?

作者: vanyau 時間: 07-8-17 10:03

原文章由 sigmund 於 07-8-16 08:31 發表
早呀！搬左之後好難搵你地，大家好！

仲有兩個禮拜先返學，囝囝成日都話冇人陪佢玩，我又冇報暑期班，日日都係兩個互玩，仲唔俾我行開做家務呀，點算！

想請問依家出左分班，但係每班都有兩班，係唔係正式 ...

頭兩日是方便老師照顧小朋友,所以才分開兩班上堂.(因為有很多很多小朋友會哭)
而正式上課時,會31人一齊上課的.
另外,大班又會分成三小組,方便他們分成三組上課學習.
班主任有兩個,但每班通常都會有多一位老師幫忙的(因為有三組).

作者: sigmund 時間: 07-8-18 06:46

原文章由 vanyau 於 07-8-17 10:03 發表

頭兩日是方便老師照顧小朋友,所以才分開兩班上堂.(因為有很多很多小朋友會哭)
而正式上課時,會31人一齊上課的.
另外,大班又會分成三小組,方便他們分成三組上課學習.
班主任有兩個,但每班通常都會有多一位 ...

唔該哂！咁請問九月三日開始就唔駛家長陪返學呀！

[ 本文章最後由 sigmund 於 07-8-18 14:36 編輯 ]

作者: vanyau 時間: 07-8-19 03:45

原文章由 sigmund 於 07-8-18 06:46 發表

唔該哂！咁請問九月三日開始就唔駛家長陪返學呀！

9月3日沒有校車,所以都要自己帶小朋友返學.
其實,頭兩日陪返學時,一開始會家長小朋友一齊的,老師會順便派學生的東西和一些注意事項．之後老師會借故請家長離開（好似說去洗手間等等），沒有你的小朋友沒有哭得死去活來，通常老師都不會再請你進課室的．
所以９月３日，多數只是帶他們去返學．我記得三年前，我就在會議室等囡囡放學時，認識了很多家長．希望到時可以與你們認識一下．

作者: sigmund 時間: 07-8-20 08:22

原文章由 vanyau 於 07-8-19 03:45 發表

9月3日沒有校車,所以都要自己帶小朋友返學.
其實,頭兩日陪返學時,一開始會家長小朋友一齊的,老師會順便派學生的東西和一些注意事項．之後老師會借故請家長離開（好似說去洗手間等等），沒有你的小朋友沒有 ...

嘩！家長都有兩日上個半鐘頭的時間，好緊張呀∼

今個星期六開會都應該講細節了，到時見！

作者: YongXin 時間: 07-8-20 10:47

嘻嘻! 通常返學頭兩, 三日, 小朋友係未必會喊既, 新鮮嘛, 太多野看, 太多野做; 到第四, 五日開始返正常時間, 就會喊喇.

原文章由 sigmund 於 07-8-20 08:22 發表

嘩！家長都有兩日上個半鐘頭的時間，好緊張呀∼

今個星期六開會都應該講細節了，到時見！

作者: sigmund 時間: 07-8-20 18:10

原文章由 YongXin 於 07-8-20 10:47 發表
嘻嘻! 通常返學頭兩, 三日, 小朋友係未必會喊既, 新鮮嘛, 太多野看, 太多野做; 到第四, 五日開始返正常時間, 就會喊喇.

吓，第四日開始我地應該唔俾陪喎，咁係唔係要〔待命〕直至佢唔喊？

作者: vanyau 時間: 07-8-20 19:01

原文章由 sigmund 於 07-8-20 18:10 發表

吓，第四日開始我地應該唔俾陪喎，咁係唔係要〔待命〕直至佢唔喊？

第四日已經有校車坐，只要狠心

些送他上校車，校車一開就唔理得咁多．

作者: sigmund 時間: 07-8-21 00:01

原文章由 vanyau 於 07-8-20 19:01 發表

第四日已經有校車坐，只要狠心些送他上校車，校車一開就唔理得咁多．

噢，咁都得　

作者: 心花花 時間: 07-8-21 09:33

第四日(即九月四日)仲未有校車架，要九月五日至有呀。

原文章由 vanyau 於 07-8-20 19:01 發表

第四日已經有校車坐，只要狠心些送他上校車，校車一開就唔理得咁多．

作者: YongXin 時間: 07-8-21 10:21

即係咁, 小朋友喊係因為不習慣, 不捨得媽媽.

因此, 真係要0係某一點就要忍心, 如果唔係, 就唔知要糾纏到幾時幾日, 小朋友都唔能夠享受上學既樂趣.

要比小朋友知道一個訊息: 點喊都好, 妳都要返學, 媽媽都唔會陪妳. 當她知道喊都無用既時候, 就會接受現實, 大個仔大個女, 開開心心返學架喇!

當年係我自己送她回校, 阿女喊0西拉實我唔比我走架, 總之要信任老師, 老師會叫家長適當時候走. 送完阿女返學自己返工途中, 個心好實架, 唔知個女收聲未呢? 唔知識唔識抹眼淚呢? 必經階段, 雖然當時有點忐忑, 依家想起, 又係美好既回憶.

原文章由 sigmund 於 07-8-21 00:01 發表

噢，咁都得　

作者: sigmund 時間: 07-8-21 19:49

原文章由 YongXin 於 07-8-21 10:21 發表
即係咁, 小朋友喊係因為不習慣, 不捨得媽媽.

因此, 真係要0係某一點就要忍心, 如果唔係, 就唔知要糾纏到幾時幾日, 小朋友都唔能夠享受上學既樂趣.

要比小朋友知道一個訊息: 點喊都好, 妳都要返學, 媽媽都 ...

要試吓才知！

作者: vanyau 時間: 07-8-21 21:49

原文章由 YongXin 於 07-8-21 10:21 發表
即係咁, 小朋友喊係因為不習慣, 不捨得媽媽.

因此, 真係要0係某一點就要忍心, 如果唔係, 就唔知要糾纏到幾時幾日, 小朋友都唔能夠享受上學既樂趣.

要比小朋友知道一個訊息: 點喊都好, 妳都要返學, 媽媽都 ...

極之同意，如果讓小朋友知道哭一哭，就能令媽媽不走或陪多一陣，那就慘了，會沒完沒了的．所以要狠心一些，想當年我都心掛掛，想她早些放學回來．

作者: YongXin 時間: 07-8-22 11:27

實不相暪, 我三十幾年前讀寶幼中班(當年無BB班既), 都成四歲幾, 我仲記得第一日返學, 哇! 我喊到豬頭咁, 到依家我都仲記得自己幾咁掛住阿媽那種感覺, 又要老師抱, 又要老師tum; 後來我自己知道喊都無用, 而且要老師抱住我, 成班同學望住我, 有少少羞, 慢慢就唔喊啦!

[quote]原文章由 sigmund 於 07-8-21 19:49 發表

要試

作者: feliciak 時間: 07-8-24 00:01

我都想幫我囝囝08年報寶幼，所以上嚟八吓取吓經，点知見到妳話以前自己讀寶幼，覺得好'橋'；事關我老公同佢家姊又係三十幾年前讀寶幼嘅

，我就估妳地當時係咪同學仔呢？

我老公仲噏咗一個女同學嘅名，不過我估果個同學仔唔係妳，因佢地三個都派咗去Marymount，我睇返前面post你好似唔係Marymount嘅！唔好意思响到應親應戚tim！
我仲想請問寶幼有冇n1班架？定係只得k1-k3呢？

原文章由 YongXin 於 07-8-22 11:27 發表
實不相暪, 我三十幾年前讀寶幼中班(當年無BB班既), 都成四歲幾, 我仲記得第一日返學, 哇! 我喊到豬頭咁, 到依家我都仲記得自己幾咁掛住阿媽那種感覺, 又要老師抱, 又要老師tum; 後來我自己知道喊都無用, 而且要 ...

作者: YongXin 時間: 07-8-24 22:57

我係1975（

）年度高孝班架。小學去了宝血，中學去了聖保禄。

宝幼無n1，只有k1-k3。你真係識货，选宝幼，你看看你先生同姑奶，就知宝幼专门出产高质产品。

原文章由 feliciak 於 07-8-24 00:01 硐表
我都想幫我囝囝08年報寶幼，所以上嚟八吓取吓經，点知見到妳話以前自己讀寶幼，覺得好'橋'；事關我老公同佢家姊又係三十幾年前讀寶幼嘅，我就估妳地當時係咪同學仔呢？我老公仲 ...

作者: feliciak 時間: 07-8-26 01:50

我老公都係75年讀高班架喎

！不過佢係高勇班，同妳同級唔同班；最抵死係佢居然仲有keep到當時嘅成績表，仲問我成績表上面張相係咪好似個仔wor！我梗係話我阿仔靚仔好多啦:loveliness: 。

原文章由 YongXin 於 07-8-24 22:57 硐表
我係1975（）年度高孝班架。小學去了宝血，中學去了聖保禄。

宝幼無n1，只有k1-k3。你真係識货，选宝幼，你看看你先生同姑奶，就知宝幼专门出产高质产品。

...

作者: YongXin 時間: 07-8-26 23:30

咦? 甘你家大老爷，有无留当年响教堂前影那幅，全体高班畢业相？有我地个样架。如果有，等我话你知边个系我丫。

我都有留低0西幼稚园时既成绩表，手册都有本呀！

你真系答得好！

原文章由 feliciak 於 07-8-26 01:50 硐表
我老公都係75年讀高班架喎！不過佢係高勇班，同妳同級唔同班；最抵死係佢居然仲有keep到當時嘅成績表，仲問我成績表上面張相係咪好似個仔wor！我梗係話我阿仔靚仔好多啦:loveliness: 。

...

作者: 心花花 時間: 07-8-30 12:44

提一提低班及高班的家長，開學日(9月4日)係星期二，所以要著運動衫呀。

作者: vanyau 時間: 07-8-30 14:19

原文章由 心花花 於 07-8-30 12:44 硐表
提一提低班及高班的家長，開學日(9月4日)係星期二，所以要著運動衫呀。

我囝囝今日開咗學了，他很開心！

順利渡過第一日．

作者: 心花花 時間: 07-8-30 14:41

vanyau

恭喜晒！囝囝好叻喎。

原文章由 vanyau 於 07-8-30 14:19 硐表

我囝囝今日開咗學了，他很開心！
順利渡過第一日．

作者: vanyau 時間: 07-8-31 16:29

原文章由 心花花 於 07-8-30 14:41 硐表
vanyau

恭喜晒！囝囝好叻喎。

多謝你．
第二日，囝囝都ｏｋ．
但下星期一（第三日），就有隱憂，因為父母可能要開始離開課室，到時不知道他會不會哭呢？

作者: sammili 時間: 07-9-1 14:35

各位，我仔今年讀高班義，細女讀幼兒智，有冇同班同學仔喺度呀？

作者: vanyau 時間: 07-9-1 17:49

原文章由 sammili 於 07-9-1 14:35 硐表
各位，我仔今年讀高班義，細女讀幼兒智，有冇同班同學仔喺度呀？

我囝囝今年都是幼兒智班,是史廸仔組,你囡囡是那一組的,星期一你會不會陪返學呢?如會,到時見.

作者: catherinefung 時間: 07-9-3 15:45

返學啦

作者: sammili 時間: 07-9-3 19:36

原文章由 vanyau 於 07-9-1 17:49 硐表

我囝囝今年都是幼兒智班,是史廸仔組,你囡囡是那一組的,星期一你會不會陪返學呢?如會,到時見.

我女係跳跳虎組，今日都好順利，因我女之前都讀左成年幾幼兒園，所以都慣左校園生活。

作者: vanyau 時間: 07-9-3 21:17

原文章由 sammili 於 07-9-3 19:36 硐表

我女係跳跳虎組，今日都好順利，因我女之前都讀左成年幾幼兒園，所以都慣左校園生活。

哈哈,又順利渡過一日啦!好開心,他過得很開心,沒有哭過呢!

作者: catherinefung 時間: 07-9-5 00:49

囡囡返學都叫順利過度,今日爹D車囡囡返學已經叫爹D慢D就返時間,在途中囡囡想咸又叫我一齊入課室又叫我唔好走.........不停從覆又從覆,一到步心唸慘啦冇老師係門口接,落左車囡囡拖住我隻手唔放又想咸,好彩有個同學仔剛剛落的士,咁就拜托左個同學仔拖住囡囡入課室,囡囡又OK拖住行..........但到放學可能平時放學撘校車自動自覺去操場排隊,囡囡唔係課室,之後有個校工姐姐拖返來,一見到我哋又認唔住咸,但我覺得囡囡係開心而咸,老師仲讚囡囡叻自己交通告袋唔洗提,安樂晒.......

仲驚轉左老師佢會咸

15/9開學祝福禮你哋會去嗎?

作者: sigmund 時間: 07-9-5 10:09

原文章由 vanyau 於 07-8-20 19:01 硐表

第四日已經有校車坐，只要狠心些送他上校車，校車一開就唔理得咁多．

今朝就係咁啦，拜拜都冇講　:cry:

唔知佢一陣會　．．．．

作者: yoshiokelly 時間: 07-9-5 15:33

原文章由 sammili 於 07-9-3 19:36 發表

我女係跳跳虎組，今日都好順利，因我女之前都讀左成年幾幼兒園，所以都慣左校園生活。

我囡囡都係.......

作者: vanyau 時間: 07-9-5 21:12

原文章由 sigmund 於 07-9-5 10:09 硐表

今朝就係咁啦，拜拜都冇講　:cry:

唔知佢一陣會　．．．．

我囝囝今日很順利自己上咗校車，還勁開心的在車上猛向我揮手和飛吻，一啲不捨得的感覺也沒有．
放學下校車見到我，好開心的立刻飛入我懷中，還說很愛我，很掛住我添．我都很開心．

sigmund,
你的小朋友今日如何呢？有沒有哭？記住就算有哭都不能心軟，努力加油！希望你也能順利過渡！

作者: sigmund 時間: 07-9-5 23:58

原文章由 vanyau 於 07-9-5 21:12 硐表

我囝囝今日很順利自己上咗校車，還勁開心的在車上猛向我揮手和飛吻，一啲不捨得的感覺也沒有．
放學下校車見到我，好開心的立刻飛入我懷中，還說很愛我，很掛住我添．我都很開心．

sigmund,
你的小朋友今日如何呢？有沒有哭？記住就算 ...

vanyau,

佢有冇喊，我唔知道！但係放學接佢個時就呆呆滯，唔知做咩

作者: 老虎狗太太 時間: 07-9-6 13:32

sigmund

幼兒班小朋友的適應期很快便會過的，到時就會每日開開心心的跟你說再見

原文章由 sigmund 於 07-9-5 23:58 硐表

vanyau,

佢有冇喊，我唔知道！但係放學接佢個時就呆呆滯，唔知做咩

作者: vanyau 時間: 07-9-6 14:00

原文章由 sigmund 於 07-9-5 23:58 硐表

vanyau,

佢有冇喊，我唔知道！但係放學接佢個時就呆呆滯，唔知做咩

sigmund,

試吓放學接他時，送他一粒糖仔，讚他大個仔可以自己上學，媽媽為此而獎勵他．（記住要重點說明是媽媽獎勵他的，不可以事先說明，如果你返學我就送你什麼的，那以後就慘了！）
努力加油！

作者: sigmund 時間: 07-9-7 10:22

原文章由 老虎狗太太 於 07-9-6 13:32 硐表
sigmund

幼兒班小朋友的適應期很快便會過的，到時就會每日開開心心的跟你說再見

多謝你地的支持，其實有咩方法先知道佢地係學校的情形呀（例如開心抑或唔乖），係唔係要學觀學先知？

作者: sigmund 時間: 07-9-7 10:24

原文章由 vanyau 於 07-9-6 14:00 硐表

sigmund,

試吓放學接他時，送他一粒糖仔，讚他大個仔可以自己上學，媽媽為此而獎勵他．（記住要重點說明是媽媽獎勵他的，不可以事先說明，如果你返學我就送你什麼的，那以後就慘了！）
努力加油！ ...

知道啦！不過我仲有隱憂，好似唔知佢的表現點！

作者: catherinefung 時間: 07-9-7 14:09

老虎狗太太

你囡囡低班參加小蜜蜂,到左高班仲要唔要再抽籤?
我都幫囡囡報左名,希望抽中啦

開學祝福禮你去唔去呀?

作者: vanyau 時間: 07-9-7 17:24

原文章由 sigmund 於 07-9-7 10:24 硐表

知道啦！不過我仲有隱憂，好似唔知佢的表現點！

其實你真係担心的話，可以打電話回校給老師問問．（記住不要在上課時間打給她們，最好是Lunch或者放學後）

作者: vanyau 時間: 07-9-7 17:27

原文章由 catherinefung 於 07-9-7 14:09 硐表
老虎狗太太

你囡囡低班參加小蜜蜂,到左高班仲要唔要再抽籤?
我都幫囡囡報左名,希望抽中啦

開學祝福禮你去唔去呀?

catherinefung,

多咀解答你的問題

如果順利在低班時做到小蜜蜂銀蜂，那高班時會順利升上去金蜂的．

作者: kwkkcy 時間: 07-9-9 00:25

Hi smmili,
小女 Kimmy 都是幼兒智班(小貓組), 請多多指教!!!

原文章由 sammili 於 07-9-1 14:35 硐表
各位，我仔今年讀高班義，細女讀幼兒智，有冇同班同學仔喺度呀？

作者: sigmund 時間: 07-9-10 08:08

原文章由 vanyau 於 07-9-7 17:24 硐表

其實你真係担心的話，可以打電話回校給老師問問．（記住不要在上課時間打給她們，最好是Lunch或者放學後）

真係噃，呢幾日都冇野，但係點解架車開咁大冷氣，姐姐會唔會再理佢地凍唔凍呀？

作者: mamay 時間: 07-9-10 09:20

原文章由 sigmund 於 07-9-7 10:22 硐表

多謝你地的支持，其實有咩方法先知道佢地係學校的情形呀（例如開心抑或唔乖），係唔係要學觀學先知？

I just talked to my son i.e. are you happy? Do you like to go to school? Did the teacher tell you any story? What did you eat at tea time?

作者: yffcheng 時間: 07-9-10 09:39

係呀, 架車d冷氣真係几凍, 上星期接亞囝放學都覺佢手仔同條頸凍, 今朝我同佢著返件外套先上車.

作者: 心花花 時間: 07-9-10 09:41

如果你覺得校車冷氣大，最好同車姑娘講聲，叫佢調教一下，或者直接打番學校同職員講聲。

原文章由 sigmund 於 07-9-10 08:08 硐表

真係噃，呢幾日都冇野，但係點解架車開咁大冷氣，姐姐會唔會再理佢地凍唔凍呀？

歡迎光臨教育王國 (/)