Feature Image

今日今日生兒育女,除咗要顧好小朋友溫飽,仲需要為佢哋嘅品格同教育打好基礎,令佢哋好好成長同具有競爭力。相信唔少家庭都好似我哋咁,生活唔算富裕,但會為小朋友儲一筆教育基金。基金有限,筆錢應該供小朋友讀國際學校,定儲錢移民?

熱門討論:繼續做虎媽嗎?

熱門討論:繼續做虎媽嗎?

有網民苦惱應該花費鉅額學費享有理想教育,定釜底抽薪移民去新環境。如果決定要走,仲好唔好做「虎媽」,谷小朋友學業?對此,網民有以下意見:

「揀移民,不過唔可以放棄學業。」

「等小朋友長大供佢去外國留學。」

「栽培孩子成為有競爭力的人材,將來先有得選擇!」

我就覺得,移唔移民都唔應該做「虎媽」。讀咩學校、去地球上邊個地方讀書同求學都只係人生中其中一個選擇。但係小朋友對學習嘅興趣,幼時建立嘅性格就真係跟小朋友一世。「虎媽」嘅強硬作風,有機會影響小朋友童年健康成長。

想小朋友將來有更多選擇同可能性,家長當然要好好栽培小朋友。唔做「虎媽」,又唔一定要鬆懈到唔理小朋友學業。就算決定移民,都要為小朋友做好準備。除咗知識同學歷,小朋友仲好需要適應力、恆毅力、解難能力同社交情意方面嘅能力。

雖然想將為小朋友做好最好嘅準備,但家長始終無法為小朋友規劃好一生嘅道路。我相信,努力帶畀小朋友一個最好嘅童年,就係最惠及佢哋嘅事。

【編按:以上內容為作者之個人意見及立場】