近年愈嚟愈多人提倡以小朋友興趣為先，拒絕填鴨式教育。但「讀好書先有好前途」嘅社會觀念根深蒂固，要跨過心理關口真係唔易！如果有一日，小朋友話：「我對讀書冇興趣，想專心學廚藝／繪畫／舞蹈／木工⋯⋯」為人父母（至少我）一定難以接受。

熱門討論：https://bit.ly/3f75c11

熱門討論：https://bit.ly/3f75c11

12歲小朋友只愛揸鑊鏟，數學成績得1分，父母無法接受。好多人都話勉強唔嚟，由得小朋友跟住興趣行可能比迫佢繼續唔擅長嘅學業，更能帶嚟好嘅前途。聽落都好有道理，但作為父母要接受小朋友放棄學業，唔係咁容易啊！

其他網民意見：

「行行出狀員，將來可能好成功呢！」

「未來需要更多元化人才，讀死書都冇用啦。」

「仲咁細個，總要學基本知識同外語！」

今時今日嘅香港，雖然大多家長都唔需要靠小朋友嚟脫貧致富，但由幼稚園開始規劃嘅完美升學路，如果小朋友唔想跟，都真係令人沮喪。不過老土講句，人生始終係屬於小朋友自己，家長都唔應該左右太多。至於讀唔讀書、讀幾多書同讀咩書呢啲問題真係見仁見智，正如網民所講，要喺社會生存都需要基本知識同外語。做咗大廚出國交流，都要識聽識講卦？

今時今日連電競（家長口中嘅打機）、 Youtuber等都可以成為職業，有發展前景。家長無辦法對個個行業都瞭如指掌，但可以教小朋友最重要嘅事－－毅力、自主學習、對自己有要求同認真對待工作等等，令佢哋喺各行各業都可以發光發亮。