Feature Image

近日多區爆出本地確診個案,令人擔心第三波疫情將一發不可收拾,為保障仔女健康,唔少家長都決定自行停課,不過亦有家長擔心一停再停,學業成績點算好,尤其是一班準備來年「呈分試」同「DSE」嘅學生家長,又應該點樣先可以幫到子女走過呢一關?

雖然話人人都面對同一疫症,某程度都「好公平」,而且老老實實喇,問返大家讀書年代嘅自己,係讀書嗰班就自然會自己溫書、讀書,唔讀嗰班,你要佢個肉體坐喺課室,個心都飛咗去玩啦,停唔停課,又或者改由網上教學係咪真係影響全盤成績?始終讀書都唔係一時三刻嘅事,根基、習慣都同時影響到目前面對嘅狀況。

「如果返半日就得,平日使返全日咩?」

「不過現實無得改變,唯有順其自然。」

「真係堅驚,命得一條,學習隨時都可以!」

討論區熱話:家長們,你會為子女自行停課嗎? 
討論區熱話:9月升中六點算好?出年點考DSE?

當然溫故知新,可以暫時頂住先,但長此下去,又應該作出咩對策先可以幫到仔女學習?有人就話,其實年齡較大嘅中學生,其實基本都有個人保護自己嘅衛生常識,咁又係咪可以適量地繼續返學,反正大人都一樣照返工?

講來講去,書好似幾時都有得讀,但命就得一條,唔怕一萬至怕萬一,你管理好自己個人防疫,又唔代表每個同學仔都咁自律,返學返到打仗咁膽戰心驚,其實又真係仲有心情好好學習?

【編按:以上內容為作者之個人意見及立場】

相關文章