- 在線時間
- 360 小時
- 最後登錄
- 19-4-13
- 國民生產力
- 0
- 附加生產力
- 3632
- 貢獻生產力
- 0
- 註冊時間
- 14-8-10
- 閱讀權限
- 10
- 帖子
- 337
- 主題
- 4
- 精華
- 0
- 積分
- 3969
- UID
- 1623384
|
回覆 bb560 的帖子
嗯! 論學術同名氣聖心一定係比我女而家讀緊果間好。( 我親朋好友都係話聖心好,話我傻甲一唔揀佢反而放甲二)
但個人觀感: 當日我有陪我女去聖心面試,(我係校門外面空地等) 學校環境比我印像麻麻,可能附近建築物都比較高,企係校門道比我感覺人像井底之蛙、壓逼感好重,當日剛好見到學生係小食部練歌可以話係佢地因為專心掛,對附近既人冇乜親切感,其實一直都覺得呢間學校D學生都比較淑女有小小高傲,欠缺小小活潑啦。
我個女面試完出嚟回應係.... 一直以為呢間學校D姊姊英文好勁,但同佢講野個D英文都唔係好流暢既 (另一個同我女同校一切去面試既女仔回應都係一樣。) 我女話D姊姊好惡下,冇笑容,D老師又係咁..... 又話學校舊、課室細... 個女對呢間學校一D好感都冇 !
最後放棄甲一聖心,揀而家呢間放甲一係因為我個女去面試時呢間學校比佢同我既感覺好好,(呢間遲過聖心面試 ) D師姊好親切好活潑,老師好好人,環境好靚。因為我個女個樣唔似華人,所以D姊姊見佢都同佢講英文,又主動問佢識唔識睇中文,呀女話D姊姊英文講得比之前佢以為好勁既學校D姊姊順暢。另外、呀女面試時家長就去會客室同校長交談同發問,校長好親切唔會比你覺得佢高高在上,仲好細心咁安排為唔識廣東話既家長一位學生坐旁邊單對即時英語、普通話翻釋 。( 呢一點比我印像好深,係呢間學校感覺係被重視受歡迎、學校透明度亦比較高,相反、第一間去面試既學校係高高在上,感覺係我去求佢,學校既透明度亦唔高。) 加上我個女係比較活潑好動,唔係小家碧玉純學術型個隻,最後我揀一家適合佢性格既學校而放棄人哋眼中最強既學校。
我個好朋友個女係聖心而家F4,我都有同佢八過下佢對學校既感覺... 佢回應係 街外人睇佢好勁,其實係無我哋諗既咁,朋友對學校最有意見係D老師啦,但無可否認D學生係好乖有D真係好叻。
|
|