成績好嘅小朋友，究竟如何使用時間？

jadenhayden

日日放學做完功課，再沖涼食飯，時間已經所餘無幾！真的好好奇，級十小朋友係如何利用有限嘅時間，煉出好成績？有冇人可以分享一下？

py84ko

我都好想知，希望有人可以分享，不過我覺得讀書叻唔叻係天生，當然亦有人後天發奮努力。

1998Ruby1998

我有三個成績非常好的同學，做左 friend 好多年（做佢地 friend 其實有一點點壓力）

我地全部人 8 點上堂，4 點放學，中小學讀同一間 Band 1 女校。

同學 A 放學時間表：睇電視，廣告時間做功課，夜晚 11 點訓覺
同學 B 放學時間表：訓覺，起身做功課，訓覺，夜晚 12 點起身做功課，2 點訓覺
同學 C 放學時間表：補習／課餘班，做功課，溫書，1 點訓

呢三位同學由小一認識到依家大學 Year 1。佢地成績年年都係全級頭 20，我之前好奇問佢地到底點生活，結果就係咁。依家同學 A 同 B 讀港大雙學位「商業管理法律系」，另一個中大讀計量金融系。

我點知佢地冇講大話？（有 d 同學同家長可能講大話騙你）

因為同學 A 對 TVB 劇情、時間表、演員等等清楚到不得了（我同佢玩估演員遊戲，我一講兩套 TVB 劇，佢就知我講緊邊個演員）

同學 B 每次打電話去佢屋企，都聽到佢媽媽叫醒佢「家姐，起身啊！好心你啦！」，而且經常凌晨 2 點 message 我。

然後我與同學 C 一齊補習，而且都睇過佢時間表。

可能佢地天生聰明掛，我都好想做同學 A 同 B，聽聞佢地兩個因為成績好學校叫佢地做過 IQ test，都好似係正常 IQ。

佢地返學精神？

同學 A 精神唔錯，如果眼睏會捏同打醒自己（試過係老師面前一巴刮自己，全班都聽到）。不過可能佢上堂好專心做功課認真，所以唔洗點溫書同補習。

同學 B 好似成條死魚咁挨住我，佢坐我隔離，基本上堂堂訓。不過佢做功課同溫書都好高效率。而且佢除左訓覺，基本上冇咩興趣，唔睇電視煲劇玩手機，只會睇書。

同學 C 都會眼睏，不過會不斷飲水提神。佢成績好因為佢好懂得利用時間，7:15 返到學校溫書，一轉堂、小息、吃完飯就做功課或者溫書。

retriever

1998Ruby1998 發表於 17-1-16 05:22
我有三個成績非常好的同學，做左 friend 好多年（做佢地 friend 其實有一點點壓力）

我地全部人 8 點上堂 ...

好有啟發性既例子!

0030

1.上堂認真聽課 2.記性好，3.利用學校的導休堂做功課 4.放學返屋企先訓覺至少過來鐘，起身食飯沖涼先做功課（半個鐘之內做完），二線小學功課少且簡單

小曳人

我只知，越係成績好嗰d，越係花時間响課外
成績唔係咁理想嗰d，就成日花時間响功課上面

Pigbaby

你可以問問同班同學。
用多少時間完成功課?
自動做?家長回家才做?
分別已好大:
有人自動波+30min 內完成
有人要等家長陪都要1至2小時
有人補習班要7點才回家，還要溫默書
不同小朋友，同一班各有不同回應，首要是看小朋友能力

mamasprits

唔係考第一個隻
但都會年年係15名內
功課大致係學校做哂
回家就自己時間 好hea
默書評估前一晚用10分鐘就攪掂
考試都係每日溫1~2小時
我有問佢點解 佢答上堂真係要聽書已入腦
所以上堂用心與發夢差好多

Yanamami

首先係記性好，上堂專心听明就唔洗花太多時间温~~專注！功課拿拿林就做好~~时間管理好~~唔係点洗瞓太多~~有活力~~自律~~人人只有24小時，做到以上就可以好有效律~

以上係阿女既特性，佢考呈分試仲睇武則天……

tkinwong

其實天資真係一個很重要的因素。

我睇返自己的讀書經歷，越叻的同學，花在做功課或溫書的時間，返為無普通人咁多。

jadenhayden

tkinwong 發表於 17-1-16 11:55
其實天資真係一個很重要的因素。

我睇返自己的讀書經歷，越叻的同學，花在做功課或溫書的時間，返為無普通 ...

乜叻嗰啲真係唔需要溫書架？我仲覺得佢地屋企應該好谷架添！
升左小一之後，時間成日都好唔見駛！
所以好難理解人地係點使用時間！

HappyCheerBaby

回覆 jadenhayden 的帖子

我想知初小生如何善用時間?

pamelaywy

我仔，已經高小，算較前的一堆
每天放學都有留校的課外活動, 拉琴、捉棋、畫畫、服務都有，輕鬆群體為主，希望佢多的群體生活
四五點返到屋企，不用半小時做好功課執埋書包，就算要默書都唔會溫超過十分鐘，跟住佢會自己匿埋睇書或到圖書館蒲或上網做功課同打機（學校學習網的低B遊戲）、自己同自己捉棋、同妹玩
晚飯後學琴練琴
星期六、日有不同類型運動同音樂活動
同意成績有番咁上下咁駛煩，多的往外接觸學術以外嘅野

huba

jadenhayden 發表於 17-1-16 12:14
乜叻嗰啲真係唔需要溫書架？我仲覺得佢地屋企應該好谷架添！
升左小一之後，時間成日都好唔見駛！
所以好 ...

先不用想天資這問題，反而要注意一些後天可培養及可學習的能力。

初小是一個很合適的時間去培養及強化學習態度/習慣及時間管理，這些對大多數的孩子(無論是天資高或普通)都有長遠的學習影響。

另外，在小一請勿太著意比較孩子跟同學仔的表現，因有些幼稚園早教了小一程度的課程，這些學生在小一時會較輕鬆及可能學術表現較優秀，這並不表示他們全部都天資特高，很多時到小二至小三才漸見高下。

後天培養及努力不會白費的，繼續鼓勵孩子去培養好的態度及習慣吧。

Yanamami

jadenhayden 發表於 17-1-16 12:14
乜叻嗰啲真係唔需要溫書架？我仲覺得佢地屋企應該好谷架添！
升左小一之後，時間成日都好唔見駛！
所以好 ...

要谷就唔係叻啦……

scyauchris

回覆 IloveJJ 的帖子

我細妹小學唔讀都好成績, 上到中學唔讀又不會衰到邊, 不過一定不是top。  最尾想通左入左所謂神科, 去到神科佢先知點讀書。現在寫野都會有獎, 最大分別係專注力高加完美主意者, 我見佢不停改好有要求, 次次話好唔得, 點知就有獎。不過睇返佢真係好勤力唔怕辛苦, EQ都好高。
天資加態度同努力, 讀書係長跑, 小學初中唔top, 突然發力無人知, 所以各位家長唔好放棄, 加油。